رواية وكأنه لا يوجد مهرب منك إلا إليك الفصل الثاني 2 بقلم هبة غنيم
رواية وكأنه لا يوجد مهرب منك إلا إليك الجزء الثاني
رواية وكأنه لا يوجد مهرب منك إلا إليك البارت الثاني
رواية وكأنه لا يوجد مهرب منك إلا إليك الحلقة الثانية
_انا دكتور يوسف شوفت الحاله في المطار كان لازم اقول بس حاجه خاصه بالحاله ….
وكمل كلامه وانا واقفه مش مصدقه دا يوسف ؟ يوسف ازاي ؟ ايه ال جابه هنا من الخضه ال كنت فيها المشرط وقع من ايدي اول م اتاكدت أن هو بالرغم أنه لابس ماسك بس عيونه دي عمري م انساها فوقت من شرودي علي صوته
_يا دكتور ….
_اممم ايوا في اي ؟
_انتِ معايا ؟
_ايوا تمام
_اتفضلي ابدأي العمليه وانا هساعد حضرتك
مكنش في وقت لمناقشة الحاله مش مستحمله وبدأت العمليه وواضح أنه شاطر جدا ركنت دماغي دلوقتي خالص وشوفت الحاله وسيطرنا علي النزيف وخيطنا الجرح وانا خرجت من غرفه العمليات بجري علي غرفتي مش قادره لا .قفلت الباب عليا وفضلت اخد نفسي بصعوبه ازاي ؟ ازاي موجود هو مش سافر وسابني ؟ انا كنت خايفه انزل الاقيه بس لا ايه ال جابوا انا مش عايزه اشوفه لا . قطع انهياري خبط علي الباب وكان لازم افتح
_ايوا في اي ؟
_يا دكتور بتول دكتور يوسف ال كان مع حضرتك في العمليه عايز حضرتك سأل عليكِ
_تمام خمسه ودخليه
الله يخربيته اعمل ايه دلوقتي استجمعت نفسي واخدت نفسي وقررت أقابله والباب خبط
_اتفضل .
_بتول ! وحشتيني ..
_دكتور بتول لو سمحت ،اتفضل في حاجه تخص المريضه تاني ؟
_انا لما شوفتك مصدقتش عنيا انت هنا أمتي وازاي ؟
_بعد اذنك في حاجه تخص المريضه ؟
_بتول .انا يوسف مريضه اي انا يوسف
_تمام يا دكتور يوسف بعد اذنك لو مفيش حاجه ممكن تتفضل
_انت بتعملي ليه كدا ؟ انت بتضحكي علي نفسك بأنك نسيتي ! لا انت منستيش حاجه ولا انا نسيت ولا هنسي وعلفكره مش هسيبك انا همشي دلوقتي واسيبك بس انا خلاص لقيتك انت رجعتيلي تاني خلاص …
***
قفلت الباب ورايا وخرجت وانا لحد دلوقتي مش مصدق عنيا دي بتول ! بتول ازاي ! انا مش فاهم اي حاجه في اللحظه دي افتكرت آدم صاحبي والشنط وحاجتي كان معايا شنطتي الشخصيه الحمدلله طلعت فوني وكلمت آدم وعرفته اني كويس لاني سبته هناك وجيت مع الإسعاف وقفلت معاه رنيت علي محمد
_مسا مسا عليك يا دكتورناااا
_محمد بتول بنت عمك هنا من أمتي ؟
_بتول بنت عمي ! انت تعرفها منين ؟
_انجز يلا جات أمتي ؟
_جات من كام يوم كدا وكانت قاعده عندنا في البيت بس مش هترجع علي هنا هتروح بيتها ، استني بس انت تعرفها منين انت يابني هو انت جيت مصر ؟
_سلام يا حبيب اخوك دلوقتي نتكلم بعدين
قفلت مع محمد وحاسس اني هموت من الفرحه كنت متاكد أنها مش نسياني ومستغربتش رد فعلها بتول طول عمرها محدش بيلوي دراعها ودايما تبينلك أن أي بني آدم مهم بالنسبالها مش فارق معاها وتمثل دا كويس جدا لدرجه انك تصدق بس هي من جوا مع نفسها عارفه كويس اوي قيمتك بس تقدر تستغني عنها برده ف كنت متوقع منها رد الفعل دا بس انا متاكد دلوقتي أنها منهاره جوا نفسي ادخلها واشدها ل حضني اطمنها بس دلوقتي انا السبب في قلقها اطمنها ازاي ؟
روحت البيت بتاعي ال هو الشقه ال جمب بيتها حرفيا غيرت هدومي واخدت شاور واكلت وفضلت في البلكونه مستنيها تيجي لاني متاكد أنها هتيجي هنا فضلت قاعد لحد الساعه ١٢بليل ومجتش وكان عندي شغل الصبح ف كان لازم انام ف دخلت بفقدان امل انام بس ال كان بسطني اني هروح المستشفى ال هي فيها تاني بكرا وهنبقي سوا .
***
خرج من عندي وسابني بصارع أفكاري وبتتخانق معايا تمالكت نفسي قدامه بصعوبه الطريقه ال اتعاملت بيها دي هي الطريقه ال يتساهلها اتمني مقابلهوش تاني ممكن يكون دا رجائي بس في نفس الوقت لا انا قلبي دق اول ما شافه تاني ، ليه لحد دلوقتي مش قادر يهدي ؟ لو فضل الموضوع كدا هسافر تاني انا مش حمل وجع قلبي من جديد ،تمالكت نفسي وكملت شغلي وكنت المفروض هروح علي البيت النهارده بصراحه خوفت الاقيه هناك مش مستعده أقابله تاني النهارده انا هروح عند رهف النهارده كمان وبكرا نبقي نفكر هعمل ايه خلصت الشيفت في المستشفي وكان يوم مليئ بالتوتر وروحت الحمدلله ورهف قابلتني علي الباب واتغديت معاها ودخلنا البلكونه انا وهي كان لازم احكيلها
_رهف انا شوفت يوسف النهارده
_ايه ! شوفتيه فين وازاي ؟
وحكتلها كل حاجه وملامح الصدمه كانت علي وشها وقطع صدمتها خبط محمد علي الباب
_ممكن ادخل ؟
_تعالي يا محمد
_كنت عايز اقول ل رهف حاجه بس
_قول يا محمد
_انت تعرفي يوسف هشام ؟
_ايه انت تعرفه منين ؟
_ ثانيه كدا دا بيته لازق في بيتك صحيح انا نسيت ممكن تكوني عرفاه من هناك
_استني بس ايه ال جاب سيرته وانت تعرفه منين ؟
_لا دا كان حوار كدا وهو لحقني منه من سنه ومن ساعتها واحنا صحاب وقريبين من بعض
_ولا هو يوسف صحبك ال قارفني بيه دا هو يوسف هشام ؟!
_ايوا هو انت كمان تعرفيه ؟
_يانهار اسود ولا كل دا مقولتليش !
_استني بس يا رهف ،طب وبعدين ايه ال حصل ؟
_هو رن عليا النهارده وسألني عليك جيتي أمتي وكدا وقولتله انك كمان مروحه البيت النهارده وهو مقاليش اي حاجه ف قلقت
_طيب يا محمد شكرا عشان قولتلي
_العفو يا بنتي بس دا ايه علاقتك بيكِ ؟
_ولا يا محمد اطلع برا يلا خليني اقعد مع البت ال عمللنا فيها دكتوره دي شويه عشان هتمشي بكرا
_يوووه انا ماشي
خرج محمد وانا متنحه وببص ل رهف هي كمان مصدومه
_طب وبعدين يا بتول هتعملي ايه ؟
_انت كنتي عارفه أنه في مصر ؟
_والله لا انا فعلا معرفش عنه اي حاجه من اخر مره قولتلك بجد
_طيب ، انا هدخل انام عندي شغل الصبح
سبت رهف ودخلت من قبل م تلحق تتكلم اصلا كنت حسه ان الكلام هيقلب عليا حجات كتير اوي انا مش عايزه افتحها دلوقتي ف قررت اني انام بهرب بالنوم من وانا في ثانوي كان نفسي احل المشكله دي بس للاسف مش بعرف وبلجأ للنوم برده ..
***
صحيت تاني يوم وانا في قمه نشاط ولهفه مكنتش كدا بقالي سنين كان بقالي مده طويله مصحتش بشكل دا أو بمعني اصح منمتش كويس عشان اقدر اصحي كويس مكنتش عارف انا هعمل اي مع بتول بس كنت متاكد أني لازم اشوفها وهفضل وراها لحد م تسامحني ولحسن حظي وأنا اول مره بجد في حياتي الحظ يحالفني اصلا واكون في نفس المستشفى ال هي فيها وعشان كدا قِدرت ادخل العمليه امبارح ،خلصت فطار ونزلت علطول علي المستشفي مستني اشوفها ب فارغ الصبر ،وصلت المستشفي وسألت عليها عرفت انها كان اول يوم ليها امبارح في المستشفي هنا وان اول عمليه ليها في مصر كانت معايا بفتكر شكلي ساعتها اول م شوفتها كنت خايف جدا علي الحاله بس عرفتها من عينيها برغم الماسك دخلت بسرعه وانا بجري عشان كانت لازم تعرف المعلومات دي قبل العمليه والاستغراب الأكبر اني كأفضل جراح في المستشفي هنا كنت مساعد للجراحه الجديده ودا طبعا غريب جدا بس انا كنت واثق أنها شاطره وفعلا مخذلتنيش برغم ايديها الصغيره الناعمه إلا أنها كانت شاطره جدا في العمليه وحبيت اني مبينش اني اعرفها عشان متتوترش واخدت بالي انها لما شافتني عرفتني واتخضت ساعتها بس كانت اقوي مني وهزمت توترها وعملت العمليه والنهارده اكيد هنتقابل ،دخلت غرفتي اغير هدومي والبس الاسكراب واستعد ليوم جديد اكيد جميل طلاما هي فيه وبعد مده مش كبيره دخلت ممرضه عندي وعرفتني أن بتول وصلت لاني كنت موصيها تعرفني لما تيجي وكنت مستعد عشان اروح اكلمها …
***
وصلت المستشفي وانا خايفه يقابلني تاني هنا فكرة أنه دخل العمليات امبارح دي صعبه ف اكيد هو معروف هنا اتمني مقابلوش بس انا نفسي أقابله عيني وحشها تشوفه بس لا مش هينفع اضعف تاني ،دخلت غرفتي غيرت ولبست البالطو والسماعه وفضلت قاعده شويه اشرب قهوه عشان اقدر اصحصح الباب خبط
_ادخل ..
دخل وقفل الباب وراه
_انت بتعمل ايه هنا ؟
_جاي اشوفك
_نعم ؟ انت مين بالنسبالي عشان تشوفني ملكش حق في دا اتمني تخرج وتقفل الباب وراك
_انا مين بالنسبالك بجد ؟ هو انت هتفضلي طول عمرك كدا ؟
_هو انت ايه ؟ هو انت ايه بجد بص دا مكان شغلي انا هنا جديده ومش فايقه اعمل معاك مشكله ف اتمني متتكلمش معايا تاني
_طيب انا جاي ابلغك انك من النهارده معايا
_نعم نعم ؟
_في اي مش مفهوم انت جديده هنا ولازم تبقي معايا
_ثانيه هو انت هنا في المستشفي ؟
_امال الاسكراب والبالطو دول عليا بيعملوا ايه ؟ طقم العيد ؟
_يلاهوي عليا مش كنت دعيت العكس
_بتقولي حاجه ؟
_بقول اني مش موافقه ابقي معاك ميشرفنيش اصلا
_انا يشرفني جدا بصراحه حتي وحشني عنيكي
_م تعلي صوتك بتكلم نفسك ؟
_بقول انك المفروض تحمدي ربنا علي فرصه زي دي ان الجراح يوسف هشام عندك في غرفتك بيقولك انك تشتغلي معاه انت عارفه كام دكتور نفسه في فرصه زي دي ؟
_ميهمنيش اعرف وانا مش عايزه الفرصه دي اتفضل عندي شغل
_شغل اي دا انتي هتشتغلي معايا انا انا ال احدد عندك شغل ولا لا ودلوقتي يلا عشان في حاله محتاجين نطمن عليها وعلفكره معندكيش اوبشن الرفض
قال كلامه دا وخرج وانا كنت هطق من التحكمات دي بس انيل ايه اخدت بق من قهوتي ال ملحقتش اتهني بيها وطلعت وراه ،
كان يوم طويل بس ممتع بشكل رهيب لاول مره احس بمتعه وانا بشتغل هو بجد ماهر اوي اوي فوق م تخيلت ليه حقه في شهرته في يوم واحد اتعلمت منه حجات كتير جدا واليوم كله حرفيا كنا في وش بعض حسه أنها مش حاجه سيئه بالمره بالبعكس دا كان حلمنا حلمنا بيتحقق من غير م ناخد بالنا كان نفسنا اوي نحقق الحلم دا سوا ونشتغل سوا وفعلا حصل اهو بس مكنتش دي الظروف ال كنت عايزاه مكنتش دي الأحداث ال هتحصل مكنتش حجات كتير اوي ،
_كدا خلاص انا خلصت الشيفت همشي انا
_غيري هدومك وعشر دقائق هبقي تحت مستنينك
_وتبقي تحت تستناني ليه ؟
_طريقنا واحد هاخدك في طريقي
_وانت مالك ؟ حد طلب منك ؟
_في دكتوره محترمه تقول للدكتور ال بتتدرب معاه وانت مالك ؟
_لا معلش بص الساعه كدا انا دلوقتي مش بشتغل معاك ابقي قول كدا الصبح بقا مع بدايه الشيفت الجديد
_بتول اخلصي انت وعنادك انا واقف تحت انجزي
بصتله بقرف ودخلت غرفتي غيرت هدومي وكان شكلي بهتان م انا مكلتش حاجه طول اليوم بسببه مسبنيش اخد بريك خمس دقايق حتي ف داريت تعبي ب لمسات ميكب خفيفه بلاشر وليب جلاس وفردت شعري ال كان ملموم واخدت شنطتي ونزلت ببص حواليا يمين وشمال زي الحراميه عشان اعرف هو فين وامشي من مكان تاني
_انتِ بتعملي ايه؟
_بسم الله الرحمن الرحيم في ايه ؟
_انتي ال في اي بقالي ساعه واقف
_يارب عليا يا عم امشي مش هاجي معاك
_تاني ؟ حبيتي يلا اركبي
_يوسف بص احترم نفسك اولا ثانيا انا مش بتول ال انت كنت عارفاها انا كل حاجه عندي اتغيرت حياتي كلها اتغيرت شخصيتي كمان اتغيرت واتوقع انك مش هتحب ال update الجديد مني ف بم أن احنا هنتطر نشتغل مع بعض مفيش مفر هنتعامل في حدود الشغل فقط برا الحدود دي مش هسمح بيها وهنقل من المستشفى او ممكن اسافر تاني ودا ال ناويه اعمله
_طيب طلاما اتكلمتي جد كدا اعرفي اني مش هسيبك غير لما نعد نتكلم زي الناس الطبيعيه
_مش هسمحلك تتكلم معايا برا إطار العمل يا دكتور يوسف مش عايزه اسمع منك اي حاجه قديمه كل ال فات دا انساه تماما انا نفسي مش فكراه ولا هفتكره تاني واتمني تتعامل علي الأساس دا
سيبته واقف ومشيت سمعت صوته من ورايا بصوت عالي نسبيا
_انت عارفه كويس أنك بتكدبي علي نفسك وانك منستيش حاجه وانا مش هسيبك يا بتول انت سامعه ؟
كملت طريقي عادي ماسكه نفسي أكني مسمعتش حاجه متاكده أن الموقف دا لو كان حصل قبل سبع سنين اكيد مكنتش دي هتبقي ردة فعلي اكيد كنت هعيط واصوت ورد فعلي هيختلف تماما عن دلوقتي بس للاسف انا اتغيرت جامد او يمكن مش للاسف بس دا الصح ال المفروض يحصل ، مشيت بعيد عن المستشفي مسافه دخلت سوبر ماركت جبت شويه طلبات للبيت لانه فاضي طبعا وبعدين اخدت تاكسي عشان اوصل للبيت رنت عليا رهف في الطريق
_توتي عامله ايه خلصتي شغل ولا لسه ؟
_انا تمام يا روح قلبي اه خلصت وطالعه علي البيت اهو كل حاجه تمام ؟
_اه تمام الشقه دلوقتي زي الفل تقدري تعدي فيها براحتك
_تسلمي يا حبيب قلبي مش عارفه من غيرك كنت هعمل ايه
_انت اختي يا بنتي متقوليش كدا ماما سبتلك كمان اكل تتغدي بيه في الثلاجه عندك عشان متأكدين انك هتيجي تعبانه
_تسلمي يا حبيتي بجد وتسلم ايد طنط وانا خلاص داخله علي البيت اهو يلا مع السلامه …
***
انا متاكد مليون في الميه أنها متغيرتش يمكن يبان من شكلها وحِدّة كلامها أنها اتغيرت بس انا حافظها بتول احن قلب في الدنيا كلها بس انا متاكد ان بسبب اخر كام سنه دول يبان أنها اتغيرت بس هترجع تاني مش هغلط نفس الغلطه زي المره ال فاتت واسيبها .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وكأنه لا يوجد مهرب منك إلا إليك)
