رواية غموض امرأة الفصل التاسع 9 بقلم زينب رشدي

رواية غموض امرأة الجزء التاسع

رواية غموض امرأة البارت التاسع

رواية غموض امرأة الحلقة التاسعة

اسلام بضيق: اي
…..: اتلم احسن اقسم بالله اطلع اكسر باقي جسمك
اسلام: ما خلاص ي عم ما انا معملتش حاجه
…..: وانت عايز تعمل ي ح’يوان والله اطلع اخدها منك مش هفضل انا براقبك كل شويه
اسلام بضيق: طيب طيب سلام
دخل وراها
اسلام: كنتى عايزة تكلمي فى اى
غرام: عيزاك تحكيلى كل حاجه عنى قبل ما نتجوز
اسلام بتوتر: احكى ازاى
غرام: يعني كل حاجه عندي كام سنه اتخرجت من كليه اي بشتغل ولا لا انا وانت عرفنى بعد ازاى وحبتنى امتى كل حاجه
اسلام بتوتر:ليه كل ده انتى غريبه اوي انتى عيزانى احكيلك عن نفسك
غرام: ايوه مش انت بتحبنى اكيد عارف كل حاجه عنى انا اول معرفتى ب روان يوم فرحنا
اسلام: نامى ي غرام ربنا يهديكى انا اصلا تعبان وعايز انام
غرام: اسلام ا
اسلام بمقاطعه: مش وقته ي غرام بعدين انا هروح انام
غرام باستغراب: هتنام فين
اسلام: هنام فى اوضه تانيه عشان تاخدى راحتك وعشان انا بدات ممسكش نفسي
غرام بخجل: طيب
خرج اسلام وغرام فضلت تفكر انها اليومين دول اتغيرت ضحكتها النهارده اللى كانت من القلب مع أهلها قربها من اسلام وطريقتها اللى اتغيرت حتى في اللبس استسلمها ليه النهارده
غرام: اوعى ي غرام دي شخصيه متتعلقيش بيها افهمى الرساله منها من غير مشاكل
عدا اسبوع اسلام مشغول في الشغل غرام مستغربه انها مرجعتش حياتها طول الاسبوع أهلها بيزورها وهي بتزورهم لحد ما بقت تحبهم بجد واتعودت عليهم اما هي واسلام كل يوم يتخانقوا بسبب انها عايزه تعرف كل حاجه عن ريوان وانها عايزه تشتغل وهو غايب عنها في الشغل ووعدها انه هيعوضها
غرام قعدت فى اوضتها بتقرا كتاب دخل عليها اسلام في هدوء وقعد قدامها معتطلهوش اهميه وكملت قرايه
اسلام: وحشتيني
غرام:….
اسلام: على فكره وحشتيني بجد
غرام: طيب
اسلام اعطها ورد: اسف عارف ان انشغلت الاسبوع ده عنك
غرام بابتسامة: طيب
اسلام: خلاص بقا قلبك ابيض انا اخدت اجازه يومين نعمل اللى نفسك فيه
غرام: يومين بس
اسلام: متبقيش طماعه
غرام: طيب هقوم احضرلك غدا
اسلام: لا البسي هنخرج عاملك مفاجأة
غرام بفرحه: ثوانى
دخلت غرام واستغربت نفسها جدا انها فرحانه ان اخد اجازه وهيقعد معاها وان بيهتم بيها لبست بسرعه وخرجت واستغربت من الشنطه اللى ماسكها اسلام
غرام: احنا هنسافر
اسلام: حاجه زي كده
ركبت غرام العربيه معاه وبعد كام ساعه وصلوا قدام فله صغيره على البحر
غرام: المكان شكله تحفه
اسلام: تدخلى الاوضه فيه فستان البسيه وانا مستنيكى هنا
غرام: انت بتخطط لايه
اسلام: لكل خير يلا بس
طلعت غرام واتفاجاءه بالفستان لونه ابيض قصير لبعض الركبه ليه نفشه خفيفه لبسته بكل خجل وفردت شعرها وميكب خفيف بقيت شبه الاميرات اول لما شافها اسلام اتقدم عليها بكل حب وباس ايدها ومشيوا شويه لحد ما وصلوا لمكان متزين وطربيزه متزينه عليها تورته عليها صورتها
اسلام:كل سنه وانتي في حياتى كل سنه وحبك بيزيد في قلبى كل سنه وانتى منوره دنيتى
غرام: انا مش فاهمه حاجه
اسلام: انا بعترف ان كنت مشغول عنك بس عشان اقدر اخلص كل حاجه عشان لما نيجى هنا نبقي على راحتنا واقدر احتفل بعيد ميلادك
غرام تذكرت ان النهارده هي ميلادها فعلا واستغربت من الصدفه دي
اسلام: مالك ي حبيبتي
غرام بدموع: مش مصدقه نفسي انا بقالى سنين محتفلتش بيه من يوم وف اقصد ان فرحانه انك فاكر عيد ميلادي
اسلام مسح دموعها: مش عايز اشوف دموعك ابدا دي غاليه عندي اوى ولو ان فاكره عيد ميلادك انا عمرى ما انسي حاجه تخصك ابدا
غرام بفرحه: شكرا ي اسلام بجد
اسلام: طفى الشمع واتمنى امنيه
غرام غمضه عينها ولاول مره تتمنى حاجه زي دي يارب انا عمرى ما حاسيت بالمشاعر دي وخايفه اوى اتمنى ان افضل مبسوطه ومعا على طول وطفت الشمع
اسلام لبسها سلسله رقيقه جدا على شكل مالانهايه
اسلام: عايزه اقولك حاجه
غرام: اتفضل
اسلام: انتى عارفه ان بعشقك وعشان كده قررت ان الاسبوع ده يبقي اهم اسبوع عمرنا مش يومين بس
غرام باستغراب: اشمعنى الاسبوع ده
اسلام بحزن: مش عارف قلبى بيقول ان في حاجه هتحصل ومش هنكمل
غرام بحزن: بس نكد بقا
اسلام: عندك حق يلا نقطع الكيك
قطع الكيك واسلام اكلها فى بوقها
اسلام: كل سنه وانتي فى حياتى
غرام: وانت طيب
اسلام قرب من شفا’يفها: بحبك
غرام حط على وشه كريمه وجريت وفضل يجرى وراها وهي بتضحك
غرام: اسلام بس بقاا
اسلام بضحك: ههه والله ما انا سايبك
غرام: اسلام اهدي
مسكها وشالها ولف بيها كذا مره ونزلها وهما بيضحكوا
اسلام: ببقي سعيد جدا وانا شايف ضحكتك
غرام: تصدق انها مش بتخرج غير وانا معاك
اسلام بابتسامة: اعمل اللى انتى عيزاه المهم تبقي مبسوطه
غرام: اي حاجه
اسلام: اي حاجه
غرام بخبث: حتى لو قولتلك ننزل الميه دلوقتي فى الضلمه
اسلام شالها:والله لو ده هيثبتلك ان
غرام بصدمه: لا متهزرش
اسلام رمها في الميه وهو بيقول بحبك
غرام بتاخد نفسها: والله مجنون
اسلام: قولتلك اي حاجه نفسك فيها هعملها
غرام: بقالى كتير منزلتش الميه فى الوقت ده
فارس: تعالى ورينى بقا مهراتك في السباحه
غرام: موافقه يلا
فضلوا كتير في الميه وبعدين خرجوا ورجعوا فلتهم
وغيروا هدومهم وقعدوا يتكلموا
غرام بضحك:بتهزر
اسلام بضحك: والله زي ما بقولك كده كنت قاعد لوحدي وطلع في دماغى اعمل بطاطس وانا بعملها جالى تلفون ونزلت وسبتها راح المطبخ اتح’رق والجران فضلوا يطفوا واهلى خايفين عليا واول لما عرفوا ان السبب اخدت ضرب
غرام بضحك: هههه خلاص والله بطنى وجعتنى من كتر الضحك
اسلام: طب اقولك علي حاجه تانى مره وانا نازل الكليه وكالعاده متاخر وكنت ناسي الكارنيه ومعايا امتحان واكيد مش هرجع تانى وانا داخل بقا لسه هيوقفونى روحت انا قولتلهم معيد ودخلت بسرعه فحكيت لصحابى فبقيوا كل شويه ينادوا عليا ويقولوا دكتور اسلام فى مره كنا قاعدين في القاعه بنهزر هزار شباب بقا وكده والمكان ده المفروض منقعدش فيه فدخل واحد من الفراشين ف اول لما شافنى معاهم قال اسف ي دكتور وخرج على اساس ان بيسمعهم بيقولوا ي دكتور عليا
غرام: ههههه ي لهوي ي اسلام ده انت مصيبه بجد
اسلام: وانتى معندكيش اي اكشن في حياتك
غرام: لا انا بنوته طيوبه ومسالمه اصلا مليش غير صاحبتى ندي
اسلام: انتى طيبه ومسالمه
غرام بضيق: تقصد اي بقا
اسلام: مقصدش خالص
غرام: صحيح ي اسلام هما فين اهلك انا مشفتهمش خالص
اسلام بتوتر: قريب هتشفيهم مش يلا ننام
غرام: اااه يلا انا تعبت اصلا
اسلام: يلا ي قلبى
طلعوا كل واحد دخل اوضهم اسلام بيفكر يسعد غرام ازاى وغرام خايفه السعاده اللى حساها تتسرق منها تانى يوم صحيت على خبط الباب فتحت
غرام بنوم: في اي ي اسلام
اسلام:انتى لسه نايمه
غرام بتتجه على السرير: اااه وهكمل كمان
اسلام: قومى ي حبيبتي عايزين نلحق اليوم من اوله
غرام بنوم: الحقه لوحدك
اسلام: قومى احسن اقومك بطريقتى
غرام:…..
اسلام: طيب
دخل اسلام الحمام فتح الميه على البانيو واخد ليها هدوم وبعدين خرج شالها ودخل بيها الحمام
غرام بخضه: اسلام انت بتعمل اي
اسلام بخبث: يعني هعمل اي هفوقك ي روحى
غرام : خلاص فوقت نزلنى بقا
اسلام: ابدا لازم تاخدى شاور
غرام بصدمه: اسلام متهزرش نزلنى انا هاخد لوحدي
اسلام باس خدها: متتاخريش انا حضرتلك الحمام
غرام بصدمه: هتجننى ي اسلام
اخدت شاور بسرعه ولبست اللى محضره وخرجت
اسلام: كله ده
غرام: ملبسنى من الصبح كده رايحين فين
اسلام: يلا ي حبيبتى هتعرفى متستعجليش
غرام قربت بضيق: انت شكلك اتعودت عليا وعايز تشوف غرام اللى بتتعصب وتزعق مصحينى بدرى ومدخلنى الحمام غصب ي اسلام
اسلام قربها منه وضمها:ي قلب اسلام اولا انا دايما شايف غرام العصبيه بس عشان خاطرى هديها اليومين دول ثانيا وده الهم بقا بتبقي زي القمر وانت نايمه
غرام بخجل: طيب وبعدين ممكن تبعد بقا
اسلام: هبعد دلوقتي عشان متاخرين بس هيجي اليوم وهقرب ومش هبعد ابدا
غرام بعدت بتوتر: لما يجي بقا
نزلت غرام معا ووصلوا مكان غريب ضوء خفيف وليه بابين
غرام: اي ده
اسلام: بصي ي ستى دي لعبه انا مجربتهاش قبل كده كل الموضوع ان كل واحد هيدخل بابا ويواجه كل اللى هيقابله هي مش بتبقى حاجه تخوف هو كل الموضوع بتكشف حجات جواكى او بتاكد حاجه
غرام: انت عايزني اجرب الهبل ده
اسلام: اااه وكل اللى هيحصل جوه هيتصور عشان لو التانى حب يشوفوا يلا بقا انتى خايفه من اي
غرام: طيب لما نشوف اخرتها
دخلت غرام وفي لحظه النور اطفى وجاه عليها ماسح ضوئى وبعدين رجع النور تانى وكان اول قسم مكتوب عليه الذكريات وفجاءه ظهر اهلها
ابوها: يلا بقا صحي غرام وطارق عشان نفطر سوا وننزل
الام: حاضر
طارق: انا خلاص صحيت هدخل اصحي الهانم
غرام بضيق: الهانم صاحيه من قبلكم اصلا
الاب: صباح الخير ي اولاد
كل واحد باس ايد بابها ومامته وصبح عليهم وقعدوا يفطروا
الاب: انتى مش نازله النهارده
غرام: لا
طارق: لو عايزه تنزلى معايا
غرام: لا عن اذنكم انا شبعت
الاب: خلى بالك من اختك شكلها مش عاجبنى
طارق: والله انا بحبها اوي وعايز نبقى صحاب بس هي مش مديانى فرصه ودايما منعزله ومش حابه نتكلم
اختفى الاشخاص وظهر يوم وفاتهم وقد اي لما سمعت الخبر منزلتش دمعه واحده قدام حد ودخلت اوضتها وفضلت تبكى وفضلت حابسه نفسها اسبوعين مش عايزة تتكلم وان عمها واخوها كانوا عايزين يتكلموا معاها وتخرج وهي رافضه ولما خرجت محبتش تتكلم ولا تصاحب ولا تحب حد عشان متخسرهمش زي اهلها
مشيت اول لما اختفى المشهد وهي بتبكى وظهر يوم تخرجها من الكليه لما دخل عليها عمها واخوها بورد واحتفلوا بيها وهي كانت مبسوطه بس مظهرتش ده ولا حتى شكرتهم ومره واحده حست بحد جنبها وكانت امها
غرام: ماما
الام: ايوه ي غرام ليه ي حبيبتي عملتى في نفسك كده بعيده عن كل الناس مش بتحبى مش بتصاحبى ليه طريقتك اتغيرت ليه بتعملى كده لحد ما هيبعدوا في الوقت اللى هتحتاجيهم فيه
غرام: الحب ضعف وانا مش عايزه اضعف لما احب واتعلق بحد ويسبنى زيكم انا مش هستحمل تانى عشت عمرى كله باسي عليهم عشان يبعدوا وهما برضو موجودين
الام: غلط ي غرام حبي وعيشي حياتى مضيعيش عمرك ي حبيبتي
غرام: انا تعبت ي ماما ومش عارفه اعمل اي حتى مع اسلام
الام: اسلام بيحبك ي بنتى هو اللى هيغيرك حسي قبل فوات الاوان اسلام هو اسلام احلامك هو منقذ حياتك مضيعهوش
واختفت وظهر فديو فيه كل نجاحتها واللى برضو اخوها وعمها كانوا واقفين جنبها ومش سايبنها لحظه بس اي ده واقف من بعيد اسلام طب ازاى اتقفل الفديو وكان مكتوب كلمه كبيره اعرف قيمه الاشخاص في حياتك
مشيت شويه وشافت فديو ل اسلام واخوها
طارق: عايز اي على الصبح
اسلام:قره عينى عامله اي
طارق: ي واد اتلم دي اختى
اسلام: وهتبقى مراتى عادي يعني
طارق: اخربيت الثقه اللى مش عارف جبتها منين اسالك سؤال
اسلام: اسال
طارق: اختى بتحبك
اسلام: لا
طارق: شافتك قبل كده
اسلام: لا
طارق: بتحبك
اسلام: لا
طارق: عشمتك بحاجه
اسلام: لا
طارق لوا دراعه:طالما كله لا جايب الثقه دي منين
اسلام بعد: قلبى حبها ومحبش غيرها وانا متاكد ان هيجمع قلبى وقلبها قريب
طارق: خليك متاكد لحد ما تطلع روحك
اسلام: طب قولى ي أبو نسب اختك اللى مطلعه عينى فين دلوقتي
طارق: يااالهووووى غور من وشي
اسلام:والله ما حد مصبرنى عليك غير اختك
طارق: ي ابن ال… امشي جتك نيلة عيل ملزق
فضلت تضحك غرام على جنان اسلام وظهر من بعيد بابا مكتبوب عليه صدق او لا تصدق دخلت وشافت اسلام لابس بدله وفرحه على حد غيرها وبيرقص معاها وشكله مبسوط وبيضحك وفجاءه حضنها غصب عنها بكت وخرجت بسرعه
وفجاءه شافت حيوان كبير جنبها فتحت عينها بصدمه وظهر اسلام جنبها
اسلام: متخفيش انا جنبك
وسمع صوت الحيوان ده لازم ياكل حد منكم مين هيضحي بالتانى في قدامك بابا هيدخل شخص واحد والتانى هي’تاكل
غرام بخوف: اسلام
اسلام: خليكى عارفه ان بحبك ومحبتش غيرك
غرام بصدمه: تقصد اي
اسلام زقها مره واحده وقفل الباب: بحبك
غرام سمعت صوت الحيوان وحاولت تفتح الباب معرفتش فضلت تصرخ باسمه وفجاءه سمعت صوته
اسلام: غرام
غرام لاحظت انها خرجت برا اللعبه جريت على وحضنته
اسلام: اهدي ي حبيبتي مالك
غرام ببكاء: ك كن
اسلام: اهدي اهدي بس مفيش حاجه حصلت اهدي
غرام: انا خوفت عليك اوى
اسلام مسح دموعها: انا اسف لو سبب دموعك دي اهدي ي حبيبتي انا جنبك
غرام: انا عايزه امشى
ركبوا العربيه وغرام طول الطريق بتفكر ازاى هي في حيات روان وكل اللى حصل جوا خاص بيها وازاى اسلام يعرف اخوها وميه سؤال وسؤال
اسلام: انتى كويسه
غرام: انت تعرف واحد اسمه طارق
اسلام بتوتر: طارق لا معرفش
غرام: غريبه طيب وليك علاقه ببنت
اسلام: لا مليش ي غرام وكل اللى شوفتيه في اللعبه مش كله حقيقه
غرام: ليه انت شوفت اي جوه خلاك تقول كده
اسلام: كان في حجات كتير خاصه بيا بس اللى استغربته واللى خله قلبى مخضوض عليكى دلوقتي ان في شخص كان عايز يضربنى بالنار جيتى انتى وقفتى قدامه وختيها بدالى ومش بس كده اعترفتى بحبك ليا
غرام:وايه اللى استغربته
اسلام: خوفت عليكى وعشان كده عايزه اقولك مهما حصل او حصل لغيرى مضيعيش نفسك عشانه واللى خلانى مصدقش ان ده حقيقه انك اعترفتى بحبك
غرام: واي الغريب في كده
اسلام بحزن: عشان انتى مش بتحبينى
ما تقولوا رايك في الروايه وعايزين اعمل اي مع غرام واسلام