رواية جوري الفصل الثالث عشر 13 بقلم رياس

رواية جوري الجزء الثالث عشر

رواية جوري البارت الثالث عشر

رواية جوري الحلقة الثالثة عشر

في العربيه
ايان شغل اغاني عيد ميلادي انجليزي
بصتله وضحكت
:بتضحكي علي ايه
:انا مقدره روح الاحتفال اللي عندك بس انا مش فاهمه غير حجات بسيطه من الاغاني اللي قاعد تشغلها دي
ضحك ايان:طيب شغلي اللي انتي عايزاه
:لا عادي بقي حلوين
ايان كان مشي في شوارع غريبه وكلها مباني
:هو احنا رايحين فين
:مفاجأه
:طيب ربنا يستر
:اهو وصلنا
:وصلنا فين ده كله مباني
:ايوه
:مش فاهمه احنا رايحين فين توقعت مطعم او حاجه
:ده مكان احلي متتسرعيش
بصتله شويه وانا مش فاهمه حاجه
:طيب يلا
نزلنا من العربيه و مشينا شويه لحد ما وصلنا عند باب مبني و طلعنا سلم كبير
:ايان ايه السلم ده مش بيخلص انا تعبت
:قربنا
:مش عارفه احنا رايحين فين انت بتفكر تموتني اعمل حسابك معيش حاجه تسرقها هما شويه فلوس بس مش كتير
ايان:اموتك ايه يا جوري اطلعي بس
غمضي عينك
غمضت عيني ومسك ايدي
طلعنا براحه وقفنا فجأه وحست بنسمات هوا اتنفست بهدوء حسيت بطاقه مريحه في المكان
كنت عايزه افتح
:لحظه متفتحيش
:طيب يلا متحمسه
لقيته ساب ايدي وحسيته بيبعد
:فتحي
طلعنا وكان زي روف شكله حلو و متزين و في تربيزه في نص عليها اكل و ورد
ضحكت جوري لما شافت الورد وجريت عليه
:ده ورد الجوري
ابتسم ايان
:فكرت ايه احسن نوع ورد ممكن اجيبه وملقتش احسن منه
:شكرا بجد دي اول مره حد يجبلي ورد وكمان ورد الجوري شكله حلو اوي
ابتسم ايان وهو بياخد سلسله من علي تربيز مكنتش واخده بالي منها
و قرب مني
:ممكن
وشاور علي رقبتي
:ممكن
جه ايان ورايا وانا مسكت شعري علي جنب و لبسني السلسله كانت حلوه ورقيقه علي شكل فراشه واقفه علي ورد شكلها كان لذيذ اوي
قرب مني واتكلم بهمس
:حلو المكان
:حلو اوي
بعد عني و وقف عند التربيزه سحبلي كرسي عشان اقعد
قربت وقعدت علي كرسي وانا مبتسمه
:حلو اوي المكان ده
:فعلا المكان حلو و مميز عندي جدا
:اشمعنا ممكن اعرف
:في عيد ميلادي ١٥ بابا قالي انه هنروح مكان هيعجبني توقعت هنسافر ولايه هنروح مكان
بس جابني المكان ده وقتها قعدنا نتكلم كتير وكان وقت مميز جدا كان احسن عندي من اي سفر او مكان تاني و لما رجعنا البيت وماما سألت قالها ان احنا روحنا مكان خاص بينا وان احنا مش هنقولها وقال ده سر بيني وبين ايان
وقتها ماما سكتت ومش بالعاده انها تسكت لما بابا يحب يرخم عليها كده تاني يوم نزلنا انا وماما و روحنا مكان حلو اوي و قعدنا نتكلم و نحكي حجات اول مره اسمعها
ولما رجعنا ماما ردت نفس الرد مكان ده سر بيني وبين ايان وكل سنه بقينا بنروح نفس المكان انا وبابا يوم وانا ماما يوم
يمكن دي كانت اكتر سنه اقرب من اهلي يمكن لان قبلها كنت بدأت اكبر وابعد و اقرب من صحابي بس يمكن عيد ميلادي ١٥ ده رجعني ليهم تاني
انهارده جبتك اول مكان مميز ليا
مش عارف هيجلنا الفرصه اللي تخليني اخدك تاني مكان مميز ولا مش هنقدر
بصتله وحاولت اتهوه علي اخر كلامه
:ربنا يرحمهم واضح انكم كنتوا عيله حلوه اوي انا مبسوطه انك جبتني المكان ده وانك شاركتني ذكري مميزه بنسبالك
:انتي اول حد يجي معايا المكان ده
ابتسمت
:طب مش هناكل ولا ايه
الاكل شكله حلو اوي
:اه يلا
بدأنا ناكل
:السلسله و الفستان شكلهم حلو اوي ذوقك حلو بجد
:مبسوط انهم هجبوكي دي اول مره اجيب هديه للبنت و اول مره اكون محتار وانا بشتري حاجه كده
:لا لا خلينا نكون واقعيين يا استاذ ايان عايش ٢٧ سنه في امريكا وعمرك ما ارتبط ولا حبيت ولا اعجبت بوحده و جبت ليها هديه ولا حبيت بنت وجبتلها هديه مش معقوله
:لا ابدا ليه مش معقول مش هقولك اني مليش علاقه بالبنات ولكن علاقتي معاهم صداقه مش اكتر ولا مره علاقه اتطورت وبقت اكتر من كده
:غريب
:بس انا بقول الحقيقه
:مصدقاك بس غريب
:لا عادي انا كنت مهتم بأهلي و شغلي وعمري ما قابلت بنت حسيت اني مشدود ليها او اني بحبها
:اه علي فكره جتلي فكر حلوه اوي
:ايه
:احنا ممكن نقعد لحد ما نشوف الغروب
:المفروض يتعمل اللي انتي عايزاه انهارده
انهارده انتي princess
بصتله بفرحه
:شكرا بجد يمكن ده من احلي اعياد ميلاد اللي اتعملتلي
:مبسوط انك فرحانه
:ميعاد دكتور بكره صح
:اه صح