رواية بلا عنوان الفصل الخامس 5 بقلم سوزان عبدالله

رواية بلا عنوان الجزء الخامس

رواية بلا عنوان البارت الخامس

رواية بلا عنوان الحلقة الخامسة

لا لا متموتهمش لا
-روز لااا دي لسه صغيرة الله يخليكم لا لا ، حساااااااام ابعدهم عنها لا روووووز
…
فوقت ديما الكابوس ملازمني ،صورتهم قدامي الدم ف كل مكان صوت روز بنتي وهي بتستنجد بينا حسام وهو بيحاول مش قادرة اتخطى كل ده ، أنا لازم انتقم منهم كلهم حتى لو ع موتي
سمعت خبط ع الباب
– ممكن ادخل
– اتفضلي ، لقيتها الممرضة نفسها اللي كانت عايزه تأذيني
– أنا جاية اشكرك واعتذرلك ، أنا لولا أني كنت محتاجة الفلوس مكنتش هفكر أذي حد والله كنت مترددة بأني اوافق ولا لا بس لو رفضت كنت هتقتل عشان شوفت الشخص هيخافو اني ابلغ عنهم أنا المصدر الوحيد لأخواتي ، بس بعد كل اللي كنت هعمله معاكي انتي رفضتي تأذيني
– شوفت في عيونك الخوف مش عليكي لا ع اخواتك مكنش ينفع أذي مصدر رزق ليهم ، بس لازم توعديني أن مهما حصل متأذيش حد مقابل فلوس ، فلوس الحرام وحش
– وعد والله مش هعمل كده تاني ، أنا معاكي ف اي حاجة تعوزيها
– هحتاجك الفترة دي كتير
……..
#عند خالد
كنت قاعد ف مكتبي بفكر ف اول يوم جيت فيه هنا
#فلاش باك
– دكتور خالد ، دكتور بدير طالب حضرتك ف مكتبه
– تمام هروحله
مش مستغرب أنه يستدعيني ع مكتبه لاني لسه جديد ف المستشفى طبيعي يكون ف ترقبات، روحتله خبطت ع الباب وأذن ليا الدخول
– اهلا يدكتور نورت المستشفى
– منورة ب أصحابها يادكتور
لقيته قام من مكتبه وقرب مني
– اظن انك محتاج تثبت كفائتك هنا ، مش كده
– اه اكيد
– ف لازم تسمع كلامي هنا
– افندم؟
– عايزك ف موضوع مهم ولازم تسمع كلامي
– إن شاء الله اقدر اعمل كده
– في مريضة ف غرفة …. هتكون المسؤل عنها هي حالتها غريبة جدا وصعبة ، لازم تاخدها بالهداوة ولازم تثق فيك
– طب في تقارير ليها تساعدني عن تشخيص حالتها
– اه طبعا ، فتح دورج مكتبه وطلع منه تقارير تخصها ، أنا واثق انك هتقدر تثبت نفسك يادكتور
– إن شاء الله اكون قد ثقة حضرتك
– بالتوفيق
– شكرا
#باك
ياترى حكايتك ايه ياماهيتاب ، هتتعبيني ولا هتساعديني اني افهمك واقدر اخرجك من هنا وأثبت مهارتي وشطارتي ليهم….