رواية قدري انت الفصل الثالث والثلاثون 33 بقلم سهيلة سعيد
رواية قدري انت الجزء الثالث والثلاثون
رواية قدري انت البارت الثالث والثلاثون
![قدري انت (1)](https://camo3blog.com/wp-content/uploads/2024/06/قدري-انت-1-213x300.jpg)
رواية قدري انت الحلقة الثالثة والثلاثون
الحلقة الثالثة والثلاثون والأخيرة { ٣٣ } 🦋
( تروح تقف ع جنب وتمسك فونها ، عند رغد ، يرن فونها ، تمسكه )
رغد : الو ، انتي فين ؟!
درة : انا برة المكان
رغد ب قلق : هو ايه الي بيحصل برة ؟!
درة : معرفش فجأة جم شباب اتخانقوا مع شباب تانية ، تقريباً بسبب بنات والدنيا اتقلبت ، م الزحمة والزق لقيت نفسي برة ، انتي فين ؟
رغد : انا ف الحمام ، محبوسين هنا !
درة : حاولي تخرجي طيب
رغد : بقولك محبوسين اخرج ازاي !!
……. : تخرجي فين في بنات اتعورت واضربت برة ، دة أأمن مكان هنا لحد م الخناقة تتفض 🤷🏻♀️
رغد ب خوف : سامعة ، مش هينفع اخرج 😟
درة : طب خليكي ومتخافيش ، انا واقفة اهو انا قريبة مش هتحرك
رغد ب ندم : ياريتني م سمعت كلامك وجيت 🤦🏻♀️
درة : ي بنتي متخافيش دلوقتي الخناقة تتفض ، ي اما البوليس هاييجي يفضها
رغد ب خضة : احيه بوليس 😦
درة : ايوة هي مش سايبة الحكاية 🤷🏻♀️
رغد ب خوف : ينهار ابيض ، اقفلي ي درة اقفلي ، باي !
( تقفل رغد وتقف هي والبنات مرعوبين والدنيا خربانة برة ، يرن فون بنت م الي ف التويليت )
البنت : الو ، عاوزة ايه ، مش طالعة غير لما يبطله جنان
( يبصولها البنات )
البنت : ايوة ، ي بنتي انا معملتش حاجة ايه المشكلة إني خرجت مع حازم ، ايوة ، بقولك ايه انا وهو قطعنا ملهوش دعوة اروح واجي مع مين ، دة ايه القرف دة ، مش طالعة قلتلك ، اوعي تقولي إني جوة ، اقسم بالله م هعرفك تاني ، فكك مني بقا ، يلا باي
( تقفل البيت )
رغد : هي الخناقة دي عشانك ؟!
البنت : اممممم 🙄
…….. : طب م انتي لازم تخرجي عشان الموال دة يتفض !
البنت : لا مش خارجة ، خليهم يولعه ف بعض ، ابن عمي زمانه جاي وهييجي يطربقها ع دماغ الكل 😒
رغد : طب احنا زنبنا ايه إننا نتحبس هنا عشانك !
البنت : والله مقلتش لحد يتحبس الي عاوز يخرج يخرج 🤷🏻♀️
( يبصوا البنات لبعض ب قلق ، برة ، واقفة درة قدام ال night club بتتكلم ف الفون )
درة : صدقني لو الموضوع مبيكبرش مكنتش كلمتك ، بس في ناس عمالة تيجي وولا انا عارفة ادخلها ولا هي عارفة تخرج وانا مش عارفة اعمل ايه ، اوك ، اوك انا برة ، ماشي باي
( يعدي شوية والخناقة لسة متفضتش ، ف التويليت )
……. : لا بقا متطلعي تفضي ام القرف دة ، عاوزين نروح بيتنا 🤷🏻♀️
البنت ب زعيق : م قلت الي عاوز يغور يغور متقرفونيش 😠
…….. : انتي كمان بتزعقي وانتي السبب ف كل الزفت دة ، مصحبالي اتنين وعاملين عليكي حوارات وشكلك شمال اصلاً 😡
البيت ب غيظ : ي بنت ال 😡
( تمسكها من شعرها تضربها والبنات ورغد يحاولوا يسلكوهم ، تزق البنت ع رغد تتخبط دماغها ف مناخير رغد تنزف ف ساعتها )
…… وهي بتجري ع رغد : احيه ابعدي عنهم متسلكهمش !
( تمسكها تبعدها عنهم ويقفوا بعيد ، يخبط باب الحمام ، يتخضه البنات ويبصوله ويوقفه ضرب ، يخبط تاني جامد )
……. : رااااغد !
( تتخض رغد )
رغد : بسام !!
( تجري ع الباب تفتحه ، يشوف وشها يتخض مليان دم مكان م مناخيرها نزفت ، تترمي ف حضنه وتعيط ، يتخض من حضنها وبعدين يحضنها )
بسام : متخافيش 😕
( ياخدها وهي مازالت ف حضنه يخرجه م المكان ، تجري عليهم درة )
درة ب خضة : احيه جرالك ايه 😧
بسام : اركبوا
( تركب درة ورا وتركب رغد جنب بسام ، يسوق ويمشوا )
درة : حصلك ايه ؟!
رغد وهي بتاخد مناديل م العربية : البنت الي بيتخانقوا عشانها كانت محبوسة معانا ف الحمام ، ف البنات اتخانقوا معاها عشان عاوزينها تطلع تفض الخناقة ، رحت اسلكهم بيزقوا ف بعض واحدة دماغها خبطت ف مناخيري
درة : ينهار ابيض 😟
( تلمح رغد ايد بسام اليمين ملفوفة وحاططها عند بطنه )
رغد ب استغراب : مال ايدك ؟!
( يبص ل ايده وبعدين يبص ل طريقه )
بسام : متعورة 😒
رغد : من ايه 😕
بسام : قفلت عليها كبوت العربية واتخيطت
رغد ب خضة : احيه ، امتى دة ؟!
بسام : امبارح
( تفتكر رغد لما كانت بتبعتله ومبيردش )
درة ل بسام : الف سلامة
بسام : الله يسلمك
رغد وهي بتبص ل بسام : هو انت عرفت ازاي إننا هنا ؟!
بسام وهو باصص ل طريقه : درة كلمتني 😒
( تبصلها رغد )
درة : حصل ، اصل انا خفت والموضوع برة بيكبر 😬
رغد : اة !
بسام : ايه الي يوديكوا مكان زي دة اصلاً !
درة : كنا زهقانين ف قلنا نفك عن نفسنا يعني 🤷🏻♀️
بسام : زهقانين تروحوا كباريه !!
رغد : دة night club 🙄
بسام وهو بيبصلها : متستفزنيش طيب 😐
( تبصله )
بسام : هتفرق معاكي ، م ف الحالتين مكان زفت ومينفعش يدخل من غير راجل !
رغد : خلاص المرة الجاية نجيب معانا رجالة ي درة 😊
درة ب تلقائية : اوك ايه !!
( يفرمل بسام مرة واحدة يخضهم )
رغد : م تقلبنا طيب 🤷🏻♀️
بسام : انت بتتريقي !
رغد : مبتريقش
بسام : انتي عارفة كان ممكن يحصلك ايه جوة ، عارفة اصلاً إن خارجاً عن الخناقة كان ممكن يحصلك ايه جوة ، انتي عارفة بيحصل ايه للبنات ف الأماكن دي جواااااا 😡
( يتخضوا من عصبيته )
بسام : بطلي غباء بقا بطلي
رغد : انا مش غبية ي بسام ، وبعدين انت مالك اصلاً !
بسام : انا مالي !!
رغد : ايوة إن شالله يولعه فيا جوة ملكش دعوة 🤷🏻♀️
بسام : ماشي ي ستي ماليش ………
رغد ب انفعال وعيونها بتدمع : اصلاً ليه جيت ، هتعمل فيها خايف عليا ، جيت ليه رد عليا ، انت لو انا فرقالك اصلاً كنت حتى رديت عليااااا ، كنت عبرتني كل الأيام الي فاتت دي ، دة انت معندكش احساس والله 💔
( تنزل دموعها )
رغد : كام مرة ، كام مرة بعتلك فيها إني محتجالك ، كام مرة !
( تضربه ف صدره 👊🏻 )
رغد : كام مرة ي غبي ، مفكرتش حتى تطمن عليا ، شوفني طيب عايشة ولا غورت ف داهية ، كلمني ، قولي اي حاجة 😥
( تذيد دموعها )
رغد : جيت ليه ، مكنتش جيت 💔
( تنزل م العربية )
درة : رغد !
بسام ل درة : خليكي
( ينزل بسام يروح وراها )
بسام : رغد ، رغد اقفي !
( تقف ، يقف قصادها )
رغد : عاوز ايه ؟
بسام : انتي عارفة انا بعدت ليه 😕
رغد وهي باصة ل الأرض : عارفة 😔
بسام : امال ليه بتلوميني ؟!
( تبصله )
رغد : عشان كنت محتجالك 💔
بسام : وانا قلتلك مش هعرف اكون صاحب 💔
رغد : وانا مش محتجالك صاحب ي بسام
( يبصلها ب عدم فهم )
بسام ب استغراب : اومال محتجاني ايه ي رغد ؟!
( تنزل دموعها ويفضلوا باصين لبعض )
رغد : محتجالك حبيب 😥
( يتخض بسام من جواه )
رغد ودموعها بتنزل : هينفع تكونلي كدة ؟
( ميردش باصصلها ، تنزل دموعه ، تقرب عليه ، يبصلها )
*( قُل لي بربِّكَ كيفَ تَـهْـجُـرُ حبَّنا ، أَوْ كيفَ تتركني أتيهُ بِـغُـربـتـي ، إنّي لأبحثُ عنْ طريقي هائـمًـا ، والـلـهُ يشهدُ أنَّ عـيـنـكَ وِجهتي .. ♥️✨ )*
رغد وهي بتبصله ل فوق : انا بحبك 😥♥️
( يفضل باصصلها )
رغد : بحبك وعمري م حبيت حد غيرك ي بسام ، سيبتني ليه اعافر بيني وبين نفسي عشان اوصلك ف خيالي ، بقالي ايام بتعذب والله عشان اوصلك ، رد واحد كان كفيل يبني الهدة الي اتهدتها ف بعدك ، اة اتهديت ، اة تعبت ، تعبت لحد م عرفت إني بحبك ، انت مش صاحبي ي بسام ، انت حبيبي ، وانا مش عوزاك بعيد تاني ، متبعدش عني تاني ، لو لسة بتحبتي متبعدش 😥
بسام ودموعه بتنزل : لو لسة !!
( يبتسم ويحط ايده ف شعره )
بسام : لو لسة ي رغد ، انا لا عارف اشغل ولا اكل ولا اشرب بسببك ، بسبب إني مش عارف اتجاهل الي ف قلبي ليكي ، حاولت والله كتير ومعرفتش ، يمكن عشان كان كتير ، كتير إني اقدر اتجاهله او انساه ، وتقوليلي لو لسة !
( يمسح وشه )
بسام ب دموع : انا لسة بتخيلك ف اخر كل يوم ، بتخيل كل الي كان بيحصل بينا ومبقاش موجود ، بتخيل إنه لسة باقي ولسة بشوفك وبكلمك ، بتخيل ضحكتك ف وشي ، كلامك ليا ، هزارك شقاوتك نظرتك ، كل حاجة فيكي ، كل حاجة بتخليها كأنها لسة باقية ، بفوق من وهمي واعيش الواقع بتاعتي الي انتي مش فيه ي رغد ، انا ببعد عنك لكن بيني وبين نفسي انتي لسة جوايا ، اطمني انا لسة ، لسة بحبك ، لسة عاشقك ومش قادر انساكي 😥💔
( تبتسم رغد ب دموع وتفرح من جواها ، يمسح دموعها وياخد دماغها ف حضنه ، بصالهم درة من شباك العربية ومبتسمة ب فرحة )
درة ب صوت عالي : هيييييح ، ي جدعااااان ، انتوا ف الشارع 🤷🏻♀️
( يبصولها )
درة : خمس ثواني وبوليس الأداب هيعدي علينا ب ضهره 🚨
رغد وبسام : هههههه 😅
درة : يلا انا تلجت 🥶
( يمسك بسام ايد رغد ويرجعه ل العربية ، يركبه ويمشوا ، ف الطريق )
بسام : نروح مستشفى نشوف مناخيرك دي الأول ؟
رغد : لا لأ كويسة ، بطلت تنزف بسيطة
بسام : متأكدة ؟
رغد : ايوة
بسام : اوك
( تعدي الأيام ، يسافر عبدالرحمن امريكا يكمل دراسته برة ودة طبعاً بعد م ماس ظبتطله حوار المادة الي سقطته فيها ، بسام يتقدم ل رغد ويخطبها ، بسام ورغد واقفين قدام الفون بيصوره تيك توك الترند بتاع الشيلة ، تشتغل الأغنية ، وفجأة ، يشيلها بسام من قدام الكاميرا وينقله ع ڤيديو تاني وهو بينزلها بس وهي ب فستان الفرح الفرح وهو ب البدلة ، يبتسمه ويفضل حاضنها )
*( بيقوله إنما الحب للحبيب الأولي ، ودة مش دايماً صح ، القدر ممكن يكون راسملك خطط تانية خالص ، حواديت الحب كتيرة ، لو بتحب حد عافر عشانه واتمسك اوي بيه ، بس قبل م تعمل كدة اتأكد إذا كان حبك ليه بجد ولا انت موهوم ، احياناً بنكون موهومين ب حبنا ل أشخاص معينة ف حياتنا ، كل الظروف بتقول كدة ، الوقت ، الأماكن ، الصلة ، الأحساس ، يبقا هو دة الشخص المناسب والمفضل ، وارد كل دة يبقا موجود بينا ك حاجات مشتركة توهمنا ب إن دي العلاقة المناسبة ، واحياناً بيكون حب حياتنا قدام عنينا ومش شايفينه .. 🦋🧡 )*
*( النهاية )*
تمت..
لقراءة الرواية كاملة اضغط على : (رواية قدري انت)