رواية فتاة انحنت من أجل الحب الفصل الخمسون 50 بقلم دودو محمد

فى فيلا جهاد

وصلت جهاد الفيلا بسرعه ودخلت اوضت احمد وساره واخدت الفستان ونزلت تجرى بس شافت خيال حد نزلت واحده واحده من على السلم و بصت فى المكان لكن فى الوقت ده حست بأيد على كتفها خافت واغمى عليها وبعد وقت فاقت لاقت نفسها نايمه على الكنبه قامت قعدت بخوف وبصت حاوليها وسمعت صوت رجل جايه عليها وبتقرب منها رفعت وشها واحده واحده لفوق وهى خايفه وقالت بصدمه
جهاد / اسلام
أسلام / مالك مصدومه كده
جهاد / وقفت وقالت انت ايه جابك هنا
اسلام / شوفتك وانتى بتجرى فى الفرح وخرجتى ركبتى العربيه بسرعه وندهت عليكى مردتيش عليا قلقت جيت وراكى ولاقيتك سايبه باب الفيلا مفتوح دخلت علشان افهم فيه ايه بس اتفاجئت أن انتى اغمى عليكى
جهاد / وانت تيجى ورايا بتاع ايه وازاى تسمح لنفسك تدخل الفيلا كده من غير استأذان
أسلام/ جيت وراكى علشان قلقت عليكى وبصفتى خطيبك
جهاد / والله وده حصل امته ان شاءالله
أسلام/ قريب اوى اوى يا جهاد
جهاد / براحتك احلم كده كتير عن اذنك ولسه هتمشى
أسلام / مسكها من دراعها وشدها ليه وقال جهاد ارجوكى بلاش تعذبى فيا اكتر من كده انتى وعدينى انك لو نجحتى وجبتى مجموع يدخلك الكليه اللى بتحلمى بيها هتسامحينى وهتوافقى عليا وانتى الحمدالله نجحتى وطلعتى الاولى كمان نفذى وعدك ليا بقى
جهاد / ها م.م.ما انا مش قادره اسامحك
اسلام / لييييه يا جهاد اعمل ايه تانى علشان تسامحينى
جهاد / غمضت عينيها علشان تدارى التوتر وقالت ولا حاجه يا اسلام وممكن تمشى بقى علشان انا اتأخرت عليهم فى الفرح
أسلام / جهاد بصى ليا
جهاد / بصت بعيد عنه ومردتش عليه
أسلام / مسك وشها بأيده وقرب وشه منها وبص فى عينيها وقال عايزك تقولى انك بتكرهينى وانتى عينك فى عينى
جهاد / ا.ا اسلام لو سمحت مينفعش وجودك معايا فى الفيلا وانا لوحدى ممكن تطلع بره
أسلام / مش همشى غير لما تقولى ليا انك بتكرهينى وعنيا فى عينك وانا اوعدك لو قولتى كده مش هوريكى وشى تانى
جهاد / حاولت تقول ليه الكلمه بس مقدرتش دموعها نزلت منها وقالت مش قادره اقول كده يا اسلام مش قادره
أسلام/ مسح دموعها وقال ولما انتى مش بتكرهينى يا جهاد وبتحبينى ليه بتعذبى نفسك وبتعذبينى معاكى عينك فضحاكى يا جهاد وباين فيها حبك ليا قوليها يا جهاد ووافقى نتجوز وانا اوعدك عمرك ما هتندمى على القرار ده
جهاد / خايفه يا اسلام
اسلام / خايفه من ايه يا جهاد
جهاد / خايفه يكون تغيرك ده مؤقت ومع الوقت ترجع زى الاول
اسلام / لاء يا جهاد اللى انا شوفته صعب يخلينى ارجع تانى زى الاول وحبك غيرنى يا جهاد وطول ما انتى جنبى هفضل انسان نضيف لأنك جوهره غاليه اوى عندى وصعب اذيكى واجرحك
جهاد / سكت ومردتش عليه
أسلام/ انا بحبك اوى يا جهاد ووجودك جنبى حياة ولو فكرتى تبعدى عنى يبقى حكمتى عليا بالاعدام
جهاد / بصت ليه بتوتر وهزت راسها بمعنى موافقه
أسلام/ وهو مش مصدق نفسه افهم من حركتك دى انك موافقه
جهاد / احم ا.ا ايوه
إسلام / قرب منها ولسه هيحضنها من الفرحه
جهاد / رجعت لوره ومنعته يقرب ليها وقالت مش هينفع يا اسلام
اسلام / اسف انا بس اندفعت من فرحتى متزعليش منى
جهاد / ماشى بس ياريت تحافظ على الحدود اللى ما بنا لحد ما تبقى جوزى
أسلام/ وهو مش مصدق نفسه قال لما ابقى ايه
جهاد / احم ج.ج.جوزى
أسلام/ ياااااااه على حلاوة الكلمه دى وهى طالعه من شفايفك امته بقى
جهاد / احم م.م.ممكن تمشى بقى وتسبنى امشى علشان اتأخرت عليهم
أسلام / طيب تعالى اوصلك بدل ما ترجعى بالليل لوحدك كده
جهاد. / ش.ش.شكرآ
أسلام / اللى يريحك انا كده كده همشى وراكى بالعربيه ولما نوصل هناك هطلب ايدك من ابوكى
جهاد / احم م.م.ماشى
أسلام / سابها وخرج ركب العربيه واستناها لحد ما تخرج
جهاد / فرحت اوى بكلام اسلام وتمسكو بيها وخرجت بصت على اسلام وهو فى العربيه وراحت على العربيه بتاعت احمد حطت الفستان فيها وركبتها وراحت على الفرح
إسلام / شغل العربيه ومشى وراها على القاعه
____________________________
فى القاعه

فى اوضت روز

كانت قاعده متوتره من غياب جهاد ورايحه جايه فى الاوضه ريم اتغاظت منها وقالت
ريم / ما تنهدى بقى خيلتينى رايحه جايه رايحه جايه فيه ايه
زهراء / أهدى يا ريم سبيها براحتها غصب عنها متوتره من غياب جهاد ومن ردت فعل سامح عليها والمعازيم اللى مستنيه تحت مش شويه عليها برضه
ريم / وحد قالها تتنيل على عينها وتجيب قميص النوم ده
روز / انتى شاغله بالك بيا وبأفعالى ليه لو مش عجبك انزلى اقعدى تحت
ريم / انتى بتطردينى من الاوضه
روز / انا مقولتش كده بس شيفاكى مش طيقه نفسك
ريم / بت انتى اقسم بالله لو ملمتيش نفسك لقوم اطلع فيكى تعب الحمل ابعدى عنى احسنلك
زهراء / يا جماعه وحدو الله مش كده وانتى يا ريم أهدى على البت شويه
ريم / هووووف حاضر اتكتمت اهو
روز / بصت لعبير وقالت هى جهاد اتأخرت اوى كده ليه اتصلى بيها وشوفيها
عبير/ اتصلت بيها كتير مش بترد
روز / يا ررررربى بقى فيها ايه لو خلانى حضرت بالفستان ده بنأدم معقد
ريم / اللهم طولك يا روح متغلطيش فى اخويا لو سمحتى
روز / ما هو جوزى برضه انا حره
ريم / لاء وربنا البت دى عايزه يتقطع شعرها وقامت راحت عندها علشان تضربها
زهراء / وقفت قصاد ريم وقالت اقعدى يا مجنونه هتعملى ايه
ريم / هعرفها مقامها بنت المبقعه دى
روز / والله انتى واحده معقده وغيرانه منى
ريم / نهارك اسود بقى انا هغير منك انتى يا معفنه يا مسلوعه دى لميس ضوفر رجليها براقبتك يا مقشفه
زهراء / هههههههه أهدى الله يحرقك
روز / واحده بيئه
ريم / ما من نفس البيئه اللى جوزك منها
روز / امشى ايه جاب لجاب بقى انتى هتشبهى نفسك بسامح
ريم / سبينى عليها يا زهره خلينى اضربها على بؤقها البت دى
زهراء / ههههههههههههههه
ريم / انتى بتضحكى على ايه
زهراء / انتو الاتنين مشكله اقسم بالله اقعدى بقى يا ريم علشان اللى فى بطنك وملكيش دعوه بيها
ريم / انا هطلع من هنا الاوضه جوها يخنق شبه صحبتها
روز / يكون احسن برضه بدل ما انتى واخده الاكسجين كله بكرشك ده
ريم / يا بنت ال
زهراء / أهدى وامشى يا ريم خلى اليوم ده يعدى على خير بقى
ريم / اللهى الفرح يطربق فوق دمغها يا قادر يا كريم يا مسلوعه يا معصعصه وبصت ليها بقرف وخرجت من الاوضه
زهراء / هههههههههههههههه لاء بجد مش قادره يخربيتك يا ريم مش عارفه ايه غير اسلوبها كده هههههههههههه
روز / دى مش طبيعيه انا مش عارفه هى مش طيقانى ليه
وفى الوقت ده سامح فتح الباب ودخل وهو متعصب وقال
سامح / عجبك كده يا هانم بسببك وبسبب افعالك محتاسين
روز / اعملك ايه انت اللى متعصب فيها ايه لو كنت سبتنى انزل كده وخلاص
سامح / بعصبيه بت انتى متنرفزنيش
زهراء / اهدا يا سامح بس وكل حاجه هتتحل
سامح / انتى مش شايفه بقينا الساعه كام ولسه منزلناش والناس زهقت تحت
زهراء / اهدا بس واستهدا بالله كده
وفى الوقت ده دخلت جهاد وهى بتنهج وقالت
جهاد/ اسفه اتأخرت عليكم
زهراء / المهم انك جيتى يلا يا سامح اطلع بره علشان روز تغير الفستان بسرعه ونظبطها
سامح / بصلها بغيظ وقال جوازه سوده وخرج وسابهم
روز / شايفه بيقول ايه
جهاد / يا اختى احمدى ربنا أن هو سكت ومقلش يمين الطلاق ولغى الفرح
عبير / يلا بقى بسرعه
وغيرت روز الفستان بفستان ساره وزهراء والبنات ظبطو كل حاجه وخرجت زهراء ندهت على سامح يخدها ودخل سامح وهو متعصب ومقلش ولا كلمه اخد روز ونزل القاعه والكل استقبلهم وراحو قعدو فى المكان المخصص ليهم

راح امير عند زهراء وقال
امير / هو فيه ايه اتأخرتو فوق اوى كده ليه
زهراء / مفيش هبقى احكيلك بعدين
أمير /ماشى بس تعرفى انك واحشتينى اوى فى الشويه اللى غبتى عنى فيهم
زهراء / وانت كمان واحشتنى اووووووى
امير / بقولك ايه ما تيجى نروح الفيلا وهما كلهم هنا كده
زهراء / يا سلااااااام
امير / اسمعى كلامى بس وربنا مش هتندمى
زهراء / امير اسكت خالص
امير / كده يا زوزو
زهراء / وربنا مجنون هههههههههه
وطلب الدجى من العرسان يرقصو الرقصه السلو

عند سامح وروز

روز / هتفضل مكشر كده كتير وساكت مش بتكلمنى
سامح / بعصبيه يعنى انتى شايفه أن اللى عملتيه ده ميزعلش
روز / والله انا شيفه أن هو كان عادى انت اللى كبرت الموضوع
سامح / كبرت الموضوع علشان بغير عليكى ومش عايز حد يشوف جسمك غيرى وبعدين انتى مراتى وربنا هيحاسبنى عليكى
روز / وخلاص نفذت رغبتك ولبست فستان مش بتاعى فك التكشيره دى بقى الناس كلها واخده بالها
سامح / ربنا يسهل ارقصى وانتى ساكته بدل ما احلف أنهى الفرح واخدك وامشى
روز / بليز يا سامح متنكدش عليا فى يوم فرحى غلط وصلحت غلطى خلصنا خلاص
سامح / وهو بيدوس على سنانه روز قولتلك لمى الدور واسكتى احسنلك
روز / هوف حاضر يا سامح وقعدو يرقصو وهما ساكتين

وطلب الدجى من الكابلز يشاركهم الرقصه

أحمد وساره

ساره / بتعب احمد انا تعبانه وعايزه اروح
أحمد / مينفعش يا ساره نسيب الفرح ونمشى ده لسه مبدأش اصلا
ساره / انا هموت وانام والله
أحمد / معلش يا قلبى استحملى شويه
ساره / طيب ياريت بقى منقعدش لآخر الفرح
أحمد / حاضر
ساره / تعال نقعد انا مش عايزه ارقص
أحمد / اللى يريحك تعالى وراحو قعدو على الترابيزه

عند شريف ولميس

شريف / تعرفى انك كل يوم بتزيدى حلاوه عن اليوم اللى قابله
لميس / وتعرف انك اجمل واحلى راجل فى الدنيا دى بحالها
شريف / بحبك اوى اوى يا لميس ونفسى ربنا يكرمنا بطفل صغير يبقى حته منك ومنى
لميس / هو انا مش ماليا عينك ولا ايه مش انا بنتك
شريف / انتى بنتى واختى ومراتى وحبيبتى وكل حاجه حلوه فى الدنيا دى بس كان نفسى افرحك زى ساره وريم
لميس / لعلمك بقى انا فرحتى اكبر من فرحتهم بكتير فرحتى ان انا مراتك وكل يوم افتح عينى على وشك الصبح دى اهم عندى من اى حاجه نومى فى حضنك كل يوم دى الفرحه اللى بجد أما الباقى ده ميشغلش بالى انا مؤمنه أن ربنا هيفرحنا فى اى وقت
شريف / انتى اكبر نعمه فى حياتى يا لميس انا بحبك اوى
لميس / هههههه وانا بعشقك اوى اوى وحطت راسها عند صدره وكملو رقص

عبير وحسام

حسام / اول فرح متوقعيش عليا حاجه بس وقعتى منى قلبى وخطفتى عقلى
عبير / خلاص وعد لما تيجى تشرب اى حاجه هوقعها على هدومك علشان تبقى عاده ربنا ما يقطعها هههههههههههه
حسام / على قلبى زى العسل
عبير / انا متخيلتش ابدآ ان انا هقع فى الحب زى بتوع الافلام والروايات
حسام / حكمت ربنا كبيره اوى ان احنا نتعرف على ولاد عمنا متأخر ونحضر فرحان ليهم علشان نتقابل انا وانتى ونحب بعض
عبير / انا كنت عايزه أسألك سؤال
حسام / اسألى يا قلبى
عبير / انت عمرك عرفت بنات قبل كده
حسام / احم عايزه الصراحه
عبير / ايوه طبعآ
حسام / عرفت كتير اوى الصراحه بس من ساعة ما شوفتك اول مره وانا عينى مبقتش تشوف غيرك
عبير / بزعل كانو احلى منى
حسام / بصى يا بيرو بلاش تسألى فى الماضى لكى الحاضر وبس وانا بوعدك عمرى ما هخليكى تندمى على جوازك منى انا مشيت كتير مع بنات اه بس انتى أول واحده قلبى يدق ليها يعنى انتى اللى قدرتى تدخلى قلبى وتربعى فيه مش عايزك تقلقى ولا تشغلى بالك بأى حاجه تانيه
عبير / بزعل ماشى
حسام / عبير ميبقاش عقلك صغير وتزعلى انا قولتلك الصراحه علشان نبدأ حياتنا على صفحه بيضه ومبقاش مخبى عنك حاجه مش عايزك تزعلى بقى
عبير / ح.ح.حسام ا.ا.انا كنت عايزه احكيلك على الماضى بتاعى انا كنت
حسام / قطعها وقال انا لسه قايلك ملكيش دعوه بالماضي احنا لينا الحاضر مع بعض وبس خلى الماضى دى شئ وانتهى محدش بيتولد ملاك
عبير / بس انا كنت واحده شريره اوى وكن
حسام / قطعها وقال اسلام قال ليا كل حاجه وانا شايف انك مش غلطانه العيب فى اهلك اللى رموكى من غير رقابه ولا متابعه انتى بنت وغصب عنها لما شافت الدلع بالفلوس ومفيش حد بيقولها بتعملى ايه هتغلط وانتى مهما كان غلطك مش كبير مدام قدرتى تحافظى على نفسك وعلى شرفك وقال بوجع فيه بنات معها اهلها ومش حرمنها من حاجه ورغم كده بتغلط مع رجاله وبتسلم نفسها بكل سهوله وحتى الشر بيكون ماليهم
عبير / يعنى انا منزلتش من نظرك يا حسام
حسام / هز راسه بمعنى لاء وقال بلعكس انا فخور بيكى أن انتى أول ما جت ليكى الفرصه صلحتى من حالك وعرفتى غلطك وقدرتى تبقى أنسانه جديده وقويه
عبير / بفرحه انا فرحانه اوى أن ربنا كرامنى بواحد زيك
حسام / وانا فرحان اكتر منك أن ربنا بعت ليا واحده طيبه ورقيقه زيك بحبك يا بيرو
عبير / بكسوف وانا كمان وكملو الرقص

عند جهاد واسلام

جهاد كانت قاعده على نفس الترابيزه اللى قاعد عليها أحمد وساره واسلام وكانت متوتره من نظرات اسلام ليها
اسلام / احمد انا طالب ايد جهاد اختك
أحمد / بص بفرحه لجهاد وبعدين بص لاسلام وقال طبعآ مش هلاقى لاختى واحد احسن منك بس انا مش فى ايدى الامر لازم تروح تطلبها من بابا
أسلام / ا.ا اه طبعآ بس اقف جنبى يا صاحبى فى وقت زى ده
أحمد. / اكيد يا سومه هقف جنبك وبص على جهاد لاقها فرحانه وبعدين قال وعلشان الفرحه اللى على وش جوجو دى تفضل موجوده تملى
جهاد / اتكسفت وقالت احم ع.ع.عن اذنكم
أسلام / عن اذنكم ايه تعالى هنا انا هروح اطلب ايدك من ابوكى دلوقتى
جهاد. / بأستغراب دلوقتى
إسلام / اه دلوقتى وبص لاحمد وقال قوم معايا يا ابو حميد
جهاد / هههههههه والله العظيم مجنون
إسلام / انا لو عليا نفسى اجيب المأذون واكتب دلوقتى
أحمد / اهى دى صعبه شويه الاول تعال اخطبها من باب وبص لجهاد وقال امشى معانا وراحو عند ابو جهاد
احمد / بابا اسلام كان عايزك فى موضوع
ابو جهاد / خير يا حبيبى
أسلام / احم عمى انا بطلب من حضرتك ايد جهاد
ابو جهاد / هنا ودلوقتى
أسلام / احم ايوه يا عمى دى بشره حلوه أن انا اطلبها من حضرتك فى فرح
أبو جهاد / عمومآ سيبنى يومين أسأل عليك وابقى اقولك الرد
أسلام / بص لأحمد بتوتر
أحمد / ها تسال عليه ايه يا بابا ده اسلام طول عمره متربى معانا وفى وسطنا وانت عارف ان هو بقى مجتهد وفتح شغل خاص بيه واتكفل بأخته يعنى راجل تعتمد عليه بجد ومش هتلاقى واحد احسن منه لجهاد
ابو جهاد / اقتنع بكلام أحمد وقال طيب مش لما نشوف رأى اختك ايه الاول
أحمد / اهى عندك اسألها بس اللى انا شايفه أن الفرحه اللى على وشها مش محتاجه سؤال
أبو جهاد / ها يا جوجو ايه رأيك يا حبيبتى
جهاد / بكسوف اللى تشوفه يا بابا
أحمد / افتكر كده أن الرد وصلك يا بابا
ابو جهاد / انت مالك متحمس اوى كده على الجوازه دى
أحمد / ها م.م.مش حكاية متحمس يا بابا بس اسلام انا عارفه كويس ومستخسره يبقى من نصيب حد تانى غير جهاد هما الاتنين لايقين على بعض
أسلام/ كان واقف متوتر من رد ابو جهاد
ابو جهاد / على خيرة الله مبروك يا ابنى
أسلام / بفرحه بجد يا عمى انا بحبك اوى اوى يا عمى وربنا انت راجل عسل
ابو جهاد / ههههههههه الفرحه اكلت عقله
أحمد / هههههههههه عندك حق يا بابا
أسلام/ طيب نقرأه الفاتحه دلوقتى وانا عامل حسابى وطلع علبه قطيفه من جيبه وقال وده خاتم الخطوبه والفرح الاسبوع الجاى
ابو جهاد / ايه حيلك حيلك انت مالك مستعجل اوى كده
اسلام / احم مش مستعجل ولا حاجه اللى حضرتك تشوفه
أحمد / انا من رأى خلي الفرح مع فرح اختك عبير كمان شهر
أسلام/ شهر ده كتير اوى
ابو جهاد / طيب احمد ربنا ان هو قال شهر ده انا كنت ناوى اخليها شهور
أسلام / ها شهور لالالا خليها شهر احسن زى ما هو قال اعمل فرحى وفرح اختى عبير فى يوم واحد
ابوجهاد / على خيرة الله نقرأه الفاتحه وقراه الفاتحه وكان اسلام مش مصدق نفسه لا هو ولا جهاد
أسلام / فتح العلبه وطلع الخاتم منها ولبسه لجهاد وقال عن اذنك يا عمى هرقص مع خطيبتى
ابو جهاد / من اولها
أحمد / ههههههههه ده داخل على طمع
اسلام / خليك محضر خير يا اخى
أحمد / كل ده ومش محضر خير
أسلام / احم لاء يا صاحبى تشكر وبص لابو جهاد وقال ها يا عمى الراقصه بدأت و هتخلص
ابو جهاد / ماشى روحو
أسلام / بص لجهاد وقال امشى قدامى
جهاد / مشيت قدامه وهى مكسوفه وفرحانه فى نفس الوقت ووقف اسلام وجهاد قصاد بعض
أسلام/ مد أيده على وسط جهاد
جهاد/ اتسكفت واتوترت ووقفت مكانها ومتحركتش
أسلام/ هههههههه مش ناويه تحطى ايدك على كتفى
جهاد / احم ا.ا.اه اهو وحطت ايديها على كتفه وهى مكسوفه
أسلام / بص فى عينيها وقال مبروك يا جهاد اخيرآ اتخطبنا وكلها شهر وهتبقى مراتى طلعتى عينى يا مفتريه
جهاد / والله على كام شهر طلعت عينك امال انا اعمل ايه فى سنين طويله راحت من عمرى بسببك فى التفكير والوجع
أسلام / عندك حق يا جوجو انتى تعبتى بسببى كتيررررر وانا كنت واحد غبى ووعد منى يا جهاد هعيش ليكى وبس وهعوضك عن كل الوجع اللى اتوجعتيه بسببى
جهاد / احم إن شاءالله بس كنت عايزه أسألك سؤال
أسلام / طبعآ اسألى يا عمرى
جهاد / انت ازاى كنت بتعرف مكانى
اسلام / احم ما هو انا لو اتكلمت هتعلق
جهاد / قصدك ايه ومين هيعلقك
أسلام / علشان اللى كان بينقل ليا اخبارك ومكانك عبير وروز عملو عليكى خطه أن هما يعرفونى مكانك وانا اظهرك فيه كل شويه علشان تزهقى وتسامحينى
جهاد / والله يعنى كنتو عاملين عصابه عليا من ورايا
إسلام / انا مستعد اعمل اى حاجه علشان تسامحينى يا جوجو وروز وعبير ساعدوني على كده
جهاد / ماشى يا روز يا لون ملهوش اى لازمه مش هكلمك دلوقتى علشان فرحك بس مبقاش انا لو مكنتش خليتها تقول حقى برقبتى وانتى يا عبير الكلب حسابك معايا بعدين
أسلام / هههههههه حلاوتك فى الشر يا جامد خلاص بقى يا جوجو قلبك ابيض المهم بقينا مع بعض
جهاد / بصت ليه بكسوف وسكتت
أسلام / نفسى اصرخ واسمع الناس كلها واقول قد ايه بحبك بعشقك يا جوجو وقعدو يرقصو مع بعض

عند ريم ومحمود

ريم / بعصبيه بنت المبقعه مفقوعه منها اوى
محمود / قصدك على مين
ريم / على المعصعصه اللى اسمها روز دى
محمود / اموت واعرف انتى حطاها فى دماغك ليه أهدى يخربيتك بقيتى شعله متنقله
ريم / وانا هحطها فى دماغى ليه احلى منى ولا احلى منى دى مسلوعه حتى
محمود / يا شيخه اتقى ربنا البت زى فلقت القمر وفيه فرق شاسع فى الجمال
ريم / نعم يا اخويه قصدك ايه مين اللى احلى بالظبط
محمود / احم انتى طبعآ وقال بصوت واطى سامحنى يا رب
ريم / ايوه كده اتعدل
محمود / وربنا انا حاسس أن انضحك عليا فى الجوازه دى ايه اللى حصل يا قلبى حاسس أن انا بتعامل مع الكتعه مش ريم الهاديه الكيوت
ريم / ايوه يا اخويه اخدنى لحم ورمتنى عضم كنت غير كده بس لما عشرتك بقيت واحده تانيه معرفهاش ولا عمرى كنت اتخيل ان انا ابقى كده
محمود / والله ده على اساس ان انا بعذبك كل يوم انتى اللى بقيتى فظيعه بس عارفه مهما تعملى ومهما تكونى برضه بحبك وبعشقك
ريم / ضحكة وقالت بجد يا محمود لسه بتحبنى زى الاول
محمود / بحب زى الاول واكتر كمان بعشق امك يا مجنونه
ريم / هههههههههه وانا كمان بحبك اوى وحطت راسها على صدر محمود وكملو الرقصه

عند امير وزهراء

أمير / تعرفى انك احلى واحده فى الفرح ده حتى احلى من العروسه نفسها
زهراء / ههههههههه مش لدرجاتى يا ميرو دى العروسه طالعه زى القمر
امير / وربنا انتى احلى منها فى عينى واحلى من ستات الدنيا كلها
زهراء / والله العظيم انت اللى عسل وقمر واحلى ما فى الدنيا دى بعشقك يا ميرو
امير / وانا بموت فيكى يا قلب ميرو من جوه وضمها فى حضنه جامد وكملو الرقصه
وبعد وقت انتهى الفرح وكل واحد روح على بيته وطلع سامح وروز الاوضه بتاعتهم المحجوزه ليهم فى الفندق
_____________________________
فى الاوضه عند سامح وروز

فتح سامح الباب وبص لروز علشان تدخل ودخلت روز وسامح دخل وراها وقفل الباب
وسابها من غير ولا كلمه وقعد على السرير
روز / مش ناوى تفكها شويه بقى
سامح / انا بجد مصدوم من اللى عملتيه انتى جايبه الفستان وعارفه ومتأكده ان انا مستحيل هقبل انزلك بيه الفرح جبتيه ليه
روز / انا قولت انك مش هترضى تنكد عليا فى الفرح وهتسبنى احضر بيه عادى وبعدين مش خلاص يا سامح لبست فستان ساره والفرح خلص كبر وبلاش ننكد على بعض فى ليله زى دى
سامح / خايفه من النكد اوى يا اختى
روز / قعدت جنبه على السرير وقالت اه بخاف من النكد يا سامح ومش بحب زعلك
سامح / بص الاتجاه التانى ومردش عليها
روز / سحبت وشه ليها وبصت فى عينيه وقالت انا اسفه يا سامح بليز بلاش نكد النهارده بالذات دى ليلة العمر حلم اى اتنين وانا والله العظيم بحبك ومش بحب اشوفك زعلان منى وقربت من شفايفه وبسته بوسه رقيقه
سامح / نفسه سرع وبلع ريقه بالعافيه وبص على شفايفها وقرب منها وغمض عينه وبسها بوسه طويله وبعد وقت بعد عنها وهو بينهج وقال وانا بموت فيكى يا روح سامح ومد أيده على السوسته بتاعة فستان روز وفتحها وباس كتفها وقرب منها تانى علشان يبوسها
روز / بعدت عنه
سامح / بأستغراب ايه بعدى ليه عنى
روز / احم ك.ك.كده
سامح / قرب تانى ليها وقال انتى مكسوفه منى يا روز
روز / هزت راسها بمعنى لا
سامح / طيب بتبعدى ليه
روز / احم ع.ع.علشان م.م.مش هينفع تقرب منى
سامح / قصدك ايه
روز / احم مش هينفع تلمسنى اليومين دول م.م.ممنوع
سامح / ليه بقى إن شاءالله
روز / ع .ع.عندى حاجه تمنعك تقرب منى
سامح / فهم وقال نعم يا اختى هى البريود جاتلك ولا ايه
روز / اتكسفت ووشها احمر وهزت راسها بمعنى ايوه
سامح / اتصدم وقال يعنى من حظ امى الاسود تجيلك هتتنيل امته وتخلص يا اختى
روز / احم د.د.دى لسه النهارده اول يوم يعنى كمان تلاتة ايام
سامح / يا بختك الاسود يا سامح هوف هو اليوم باين من أوله واخد هدوم ليه ودخل الحمام غير هدومه وخرج نام على السرير من غير ولا كلمه
روز / بصت عليه بدموع وقامت غيرت هدومها وقعدت على طرف السرير وعيطت وفى الوقت ده حست بأيد بتشدها ليه بصت لاقته سامح صاحى واخدها فى حضنه
سامح / وهو حضنها من ضهرها قال حقك عليا أن انا اتعصبت عليكى بس كنت راسم على ليله غير كده خالص ده اليوم اللى عشت احلم بيه واتفاجئت باللى حصل متزعليش يا قلبى
روز / بدموع انت النهارده كنت قاسى معايا اوى يا سامح
سامح / لفها ليه وبص فى عينيها وقال انا عمرى ما اقدر اقسى عليكى بس كنت مضغوط جامد اوى بس مهما حصل بجد هفضل احبك
روز / دخلت فى حضنه ومسكت فى هدومه وقالت وانا بحبك اوى يا سامح وبزعل اوى لما بتقسى عليا بس برضه مقدرش اكرهك لأنك انت اغلى ما فى حياتى
سامح / ضمها جامد ليه وبسها فى راسها وقعد يمشى أيده على دراعها وقال مجنونه ومغلبانى بس بعشقك ورفع وشها ليه وقرب من شفايفها وبسها برقه
روز / بكسوف سامح
سامح / عمر سامح انتى واتنهد وقال اااااااه صبرنى ياربى على الكام اليوم دول احسن انا بنهار وربنا وانتى معايا فى اوضه واحده ومش قادر المسك
روز/ ههههههههههههه طيب يلا ننام احسن النهارده كان يوم متعب اوى
سامح / يلا عمرى وقعد يمشى أيده على شعرها لحد ما راحت فى النوم بسها فى راسها وضمها اكتر ليه وقال بصوت واطى بحبك يا مجنونه وغمض عينه ونام
____________________________
ومر ثلاث ايام بدون احداث تذكر

اشرقت شمس صباح يوم جديد بنورها الساطع فى سماء العاصمه لتبدأ روز بفتح عيونها بصت على سامح وهو نايم وضحكت ومشت ايديها على خده ونزلت بيها على صدره العريان ومشتها على صدره براحه
سامح / فتح عيونه وضحك ليها وقال بحب صباح الحب يا قلبى
روز / صباح النور يا قلبى
سامح / ايه صحاكى بدرى كده
روز / مش عارفه قلقت ومش عارفه انام تانى
سامح / اقولك على حاجه قومى خدى شاور واتوضى مش البريود خلاص
روز / بكسوف هزت راسها بمعنى ايوه
سامح / خلاص يلا بقى نعيش حياتنا
روز / بكسوف س.س.سامح م.م.مش دلوقتى
سامح / ليه بس يا قلبى سبحان من خلانى استحمل الايام اللى فاتت دى قومى بس خدى شاور واتوضى
روز / هزت راسها بمعنى حاضر وجت تقوم
سامح / شدها فى حضنه وبسها من شفايفها بوسه طويله وبعد عنها وقال متغبيش عنى بسرعه ها
روز / اتكسفت وقامت اخدت هدوم ليها ودخلت الحمام اخدت شاور واتوضت ولبست هدومها وخرجت
سامح / قام اخد هدوم ودخل الحمام اخد شاور واتوضه ولبس هدومه وخرج صلى بروز فرضهم وبعدين صلى ركعتين وقال الدعاء وقرب من راسها وبسها برقه وبص فى عينيها وقال ربنا يخليكى ليا وميحرمنيش ابدآ منك وغمض عينه وقرب منها
روز / بعدت عنه وقامت وقفت
سامح / اتنهد وقام وقف ومسكها من دراعها براحه وبص فى عينيها وقال بعدى ليه يا رورو مش كفايه الايام اللى راحت مننا
روز / بكسوف وتوتر قالت احم م.م.مفيش ب.ب.بس بقول خليها بليل
سامح / وهتفرق ايه دلوقتى من بليل انا محتاجك اوى يا روز
روز / سكتت ومردتش عليه
سامح / قلعها الاسدال وقرب من شفايفها وبسها بوسه طويله وميل عليها وشالها حطها على السرير وقرب عليها و(سكتت شهرزاد عن الكلام الغير مباح 😉😉)
____________________________
فى فيلا امير

فى اوضت امير

صحى امير من نومه وهى زهراء نايمه فى حضنه بصلها بحب وضحك
زهراء / فتحت عينيها وشافت امير وهو بيبص ليها وبيضحك ضحكت ليه وقالت انت بتضحك على ايه
امير / مش قادر اصدق نفسى لحد دلوقتى انك بقيتى مراتى ونايمه فى حضنى كمان
زهراء / هههههههه ولا انا اوقات افضل اخبط بأيدى على وشى علشان اتأكد ان انا صاحيه ومش بحلم
امير / ربنا يخليكى ليا وميحرمنيش منك ابدآ يا زوزو ولسه هيقرب منها
زهراء / زقته وطلعت تجرى على الحمام
امير / اتخض عليها وطلع يجرى وراها على الحمام ومسكها من وسطها وهى بترجع وقال سلامتك يا قلبى مالك
زهراء / بتعب مش عارفه يا أمير ريحة البرفان بتاعك غممت نفسى عليا
امير / اول مره يحصل كده ده حتى البرفان ده انتى اللى جبتيه ليا هديه
زهراء / ايوه عارفه بس معرفش ايه اللى حصل ورجعت تانى
امير / تعالى انيمك على السرير واتصل بالدكتوره تيجى تشوفك
زهراء / لالالا مش مستحقيه يا امير ممكن شوية برد فى المعده ولا حاجه هاخد اى حبايه للمعده وهشرب حاجه سخنه وكله هيبقى تمام
امير / لاء يا زهره مش هقدر اسيبك كده
زهراء / رجعت تانى
أمير / لالالا انتى تعبانه اوى وشالها دخلها على السرير وغطاها واتصل بالدكتوره وشويه وجت الدكتوره وخرج امير و كشفت عليها وعرفت امينه وريم ومحمود ووقفو مع امير وهما قلقانين وشويه وخرجت الدكتوره
امير / بخوف خير يا دكتوره
الدكتوره / اهدا يا استاذ امير ده شئ طبيعى لحالتها
محمود / تقصدى ايه بحالتها دى
الدكتوره / المدام حامل الف مبروك
أمير / بفرحه بجد ز.ز.زهره حامل اخيرآ هبقى اب عن اذنكم وسابهم ودخل الاوضه وقفل الباب وراه
محمود / وصل الدكتوره واداها حق الكشف وطلع تانى عند امه وريم
ريم / بفرحه اخيرآ هبقى خاله بجد انا فرحانه اوى
محمود / بفرحه وانا هبقى عم
امينه / ربنا يكملك ويكملها على خير يارب ويجعلهم ليكم ذريه صالحه
ريم ومحمود / اللهم امين
امير / دخل وقعد جنبها على السرير وقال بفرحه مبروك يا زوزو هيبقى عندنا نونو صغير
زهراء / بفرحه الله يبارك فيك يا حبيبى
امير / يارب تطلع بنت وتكون شبهك
زهراء / هههههه لاء انا عايزه ولد ويكون شبهك انت
امير / بنت وهسميها اميره علشان هتبقى أميرة قلبى من جوه
زهراء / بدلع لاء انا كده هبدأ اغير من اولها بتقول عليها أميرة قلبك وانا ايه بقى أن شاءالله
امير / انتى زهرة حياتى انتى حب عمرى انتى دنيتى الحلوه انتى الفرحه الحقيقه فى الدنيا دى
زهراء / بحبك اوى يا امير
امير / اخدها فى حضنه وقال وانا بعشقك يا قلب امير
زهراء / زقته وطلعت تجرى على الحمام وقعدت ترجع
امير / حقك عليا يا قلبى ياريت كان فى ايديا حاجه كنت شيلت عنك التعب ده
زهراء / لسه هترد عليه رجعت تانى وبعد وقت سندها امير ودخلت نامت على السرير وغطاها وبعد عنها علشان متتعبش من ريحة البرفان بتاعه
___________________________
وبعد مرور عدة شهور على ابطالنا بدون احداث تذكر

عند امير وزهراء / عايشين اسعد زوجين ومنتظرين البيبى الصغير ليكمل قصة حبهم ويجملها بحضوره

شريف ولميس / حبهم بيزيد كل يوم عن اليوم اللى قبله ولكن شريف حزين علشان موضوع تأخير الحمل و لميس بتحاول تلطف الجو وتنسيه وجعه

سامح وروز / الميه والنار العناد والحب اصعب معادله اجتمعت على وجه الارض روز بجنانها ودلعها وسامح بحبه وعصبيته بتاخد حبوب منع الحمل علشان تقدر تركز فى تعليمها بأمر من سامح لكن هى ليها وجهة نظر تانيه ونفسها تبقى ام

أحمد وساره / عصافير الحب مازال الحب يزين حياتهم ومنتظرين وصول اول حفيد للعيله على احر من الجمر

اسلام وجهاد / اتجوزو وعايشين اسعد ايام عمرهم وبيحاول اسلام يعوضها عن ايام الوجع ومخلص جدآ ليها وبتحاول جهاد تصلح العلاقه ما بينه وبين أبوه لكن هو رافض حامل فى شهرها التالت

عبير وحسام / اتجوزو فى نفس يوم اسلام وجهاد لكن مع مرور الوقت بدء حسام يزهق من الجواز وعلطول عصبى على عبير ومبقاش معاها زى قبل الجواز لكن عبير بتحاول معاه تغيره وتحببه فيها لسه محصلش حمل

عاطف وملك / عاطف اتحسن جدآ واتعالج وعلاقته اتحسنت بملك وحبها ومش بيقدر يستغنا عنها وعن أولاده لكن لسه مخرجش من المستشفى وملك فرحانه بتغير عاطف وحبه ليها ومش بتسيبه ولا لحظه

سهى وريان / علاقتهم تملى متوتره وفيها مشاكل كتير وتملى ريان يعيرها بعلاقته بيها من قبل الجواز وده مسبب ليهم شرخ كبير جدآ فى علاقتهم ولسه ربنا مكرمهاش بأطفال من بعد ما البيبى نزل من ضرب ابوها ليها

ريم ومحمود / مازالت ريم مجنونه زى ما هى ومجننه معها محمود فى الشهر الأخير من الحمل وفى خلال أيام منتظر تولد وعلطول موتره معها محمود وتخليه ينزل بيها المستشفى ويرجعو تانى لكن محمود بيعشقها اكتر من الاول
____________________________
فيلا امير

فى اوضت ريم ومحمود

صحيت ريم من نومها وهى حاسه بتعب وخبط جامد فى ضهرها بصت على محمود وهو نايم جنبها على السرير وقالت
ريم / محمود يا محمود
محمود / اممممم
ريم / قوم يا محمود انا تعبانه اوى شكلى هولد
محمود/ نامى يا ريم مش موال كل يوم هو انا تعبت
ريم / لا والله المرادى الوجع جامد بجد
محمود / انتى كل يوم تقولى نفس الكلام ده لو انطبقت السما على الأرض مش هتحرك من مكانى نامى نامت عليكى حيطه
ريم / بدموع ااااه قوم يا محمود شكلى بولد بجد مش هزار
محمود / بزعيق اتخمدى بقى يا شيخه انا ايه رمانى على الجوازه السوده دى وحط المخده على ودنه
ريم / قامت من على السرير وهى دموعها على خدها والوجع بيزيد عندها وقالت ااااااه يا محمود مش قادره محمود رد عليا الحقنى والله تعبانه بجد يا محمود ااااااااه ومشيت وهى حاطه ايديها فى ضهرها من الوجع وفتحت الباب وراحت عند اوضت زهره وامير وخبطت عليهم الباب
امير / ريم مالك ومعيطه ليه كده انت متخانقه مع محمود
ريم / بدموع الحقنى يا أبيه انا بولد ومحمود مش مصدق ااااااه
امير / بتولدى وازاى الغبى ده يسيبك كده استنى اصحى زهره تلبسك هدومك واخدك المستشفى
ريم / بدموع ووجع بسرعه يا أبيه مش قادره ااااااه يارب
امير / مسكها من دراعها ودخلها الاوضه وقعدها وراح عند زهره وقال زهره زوزو يا زهره قومى بسرعه
زهراء / امممم ايه يا أمير انا تعبانه سبنى نايمه مش وقت الحاجه دى
أمير / احم قومى الله يحرقك مش بصحيكى علشان كده قومى اختك ريم بتولد
ريم / بدموع ااااااه يارب انا بموت يارب
زهراء / قامت قعدت بخضه وقالت ريم مالك
امير / بتولد
زهراء / وفين محمود
امير / محمود مش مصدق انها بتولد بجد المهم قومى جهزيها على ما البس انا كمان واخدها المستشفى
زهراء / قامت بسرعه من على السرير وقالت ماشى ودموعها نزلت منها لما شافت اختها بتتوجع
ريم / بموووت يا زهره الحقينى
زهراء/ بدموع بعد الشر عليكى يا ريم تعالى اغيرك هدومك وسندتها وقفتها وراحت على اوضتها وقعدتها على الكنبه وجابت ليها هدوم ولبستها وبصت على محمود بغيظ وشدت المخده من على وشه وضربته بيها وقالت تصدق انك واحد معندكش دم
محمود / اتخض وقال ايه ايه فيه ايه
زهراء / بغيظ فيه ان مراتك بتولد وانت نايم ولا سأل فيها
محمود / اتنهد وقال يعنى انتى مش عارفه اللى اختك بتعملو فيا كل يوم
ريم / بدموع ااااااه الحقينى يا زهره بموووووت
زهراء / انت غبى مش شايف شكلها عامل ازاى ريم بتولد بجد يا اذكى اخواتك وراحت عند ريم وقفتها علشان تنزلها
ريم / لالالا مش قادره اقف حاسه ان البيبى هينزل اااااااه يارب
محمود / اتنهد وقام وقف وراح عند ريم وقال ضهرى امى اتكسر من كل يوم أشيلك وميل عليها وشالها ونزل بيها وحطها فى عربية امير ونزلت وراه زهراء وأمير
امير / شرفت يا اخويه بالذمه انت راجل لما تسيب مراتك تعبانه كده
محمود / انتو ليه محسسنى انكم مش عايشين معايا فى البيت وبتشفونى وانا نازل بيها كل يوم
امير / بس المرادى شكلها بتولد بجد وبعدين ايه الهدوم اللى انت رايح بيها دى رايح المستشفى بالشورت
محمود / اه رايح بالشورت واتفضل امشى خلينا نروح نكشف عليها علشان نرجع بدرى
ريم / ااااااه هموت الحقونى
محمود / متخفيش ولا هتموتى ولا نيله انتى قدرى الاسود اللى بيكفر عن كل ذنوبى
امير / بص بغيظ لمحمود وبعدين قال لزهره اركبى يا بنتى خلينا نمشى
وركبو الاربعه العربيه وراحو على المستشفى ونزل محمود وشال ريم ودخل بيها اوضت الكشف وجت الدكتوره كشفت على ريم وبعد شويه خرجت وقالت إنها ولاده
محمود / متأكده حضرتك ولا ده مقلب من مراتى ريم
الدكتوره / احنا بنهزر هنا حضرتك مراتك هتدخل حالا اوضت العمليات
محمود / طيب بالله عليكم وانتو بتولدوها جوه اكشفو على مخها كده اصل من ساعة ما حصل حمل وهى مراتى اتغيرت قولت يمكن مخها عايز تظبيط ولا حاجه
الدكتوره / لاء الواضح حضرتك مش مراتك اللى عايزه كشف على مخها حضرتك اللى محتاج الكشف ده وبصت ليه بغيظ ومشيت
أمير / مش بتستر مجالك ابدآ كسفتنا الله يكسفك
زهراء / بدموع انا خايفه على اختى اوى يا امير دى تعبانه خالص
امير / متقلقيش يا حبيبتى إن شاءالله هتخرج بالسلامه
زهراء / يارب يا أمير يا رب اه صح اتصلو بماما وعرفوها وبخالتى امينه كمان
امير / اتصل بيها انت يا سبع البرومبه
محمود / هوووف ماشى مش كان زمانى نايم وبشخر فى اوضى من يوم ما اتجوزت وكل حاجه متعبه
امير / امشى يا محمود من قدامى بنأدم مستفز
وفى الوقت ده خرجت ريم ورايحه اوضت العمليات
ريم /بدموع اااااه منك لله يا محمود يا ابن امينه اشوفك مفضوح فضيحة المطاهر على اللى انا فيه
محمود / اهو اتفرجو اهو واحده بتدعى على جوزها بالفضيحه
ريم / وليك عين يا ابن المبقعه تتكلم طلقنى يا محموووووووود
محمود / نفسى الصراحه
ريم / وكمان عايز تطلقنى انا بكرهك يا محمود يا ابن امينه اللهى اشوفك والع فى وسط البحر ومتلقيش مايه تطفيك
محمود / انتى غبيه يا حبي

فى المستشفى

فى اوضت ريم

دخلت ريم الاوضه بتعتها ونامت على السرير وهى تعبانه والكل دخل ليها وبارك ليهم على البيبى
محمود / قعد جنبها على السرير وحط دراعه تحت راسها وبسها فى راسها وقال مبروك يا اجن ام على وجه الارض
ريم / هههههههه الله يبارك فيك
محمود / مد أيده وقال بصى جنانك عمل ايه فى ايدى كل دى عضه يا مفجوعه
ريم / لمست العضه وقالت يا لهوووووى دى كلها منى انا اسفه يا حبيبى مكنتش عارفه بعمل ايه من الوجع
زهراء / هههههههه ده انتى عملتى عمايل كنتى مسخره اقسم بالله هههه
ريم / بكره نشوفك لما تولدى هتعملى ايه يا اختى
أمير / حط أيده على كتفها وقال لاء مراتى عقله مستحيل تعمل ربع اللى انتى عملتيه دى كانت رايحه منك على الاخر ههههههههه
محمود / شوفتو علشان تعذرونى ده انا بمشى اكلم نفسى من كتر جنانها
ريم / كده يا أبيه امير اديته فرصه يتريق عليا
امير / سيبك منه ده كلام من وراه قلبه ده ميقدرش يستغنا عنك لو ثانيه واحده
محمود / حضن ريم وقال فيه دى عندك حق رغم جنانها ده بس بعشقها
وفى الوقت ده دخلت الممرضه ومعاها البيبى
محمود / اخده منها وباسه وقال صغنن اوى
امينه / وانت مفكر ايه يا ابنى كلكم بتتولدو كده وبطلعو عنينا لحد ما تبقو رجاله طول وعرض
نبيله / ناوين تسموه ايه بقى
ريم / مروان إن شاءالله يا ماما
زهراء / الله اسم حلو اوى
محمود / عقبال ما ربنا يجيب الاخت اميره بالسلامه يارب
ريم / يارب عروسة ابنى بقى
وفى الوقت ده دخل سامح وروز

سامح / مبروك يا ريمو
ريم / الله يبارك فيك يا سامح عقبال ما ربنا يكرمكم بنونو صغير يملى عليكم حياتكم
سامح / لاء طبعآ احنا اتفقنا مفيش اطفال غير لما تخلص تعليم
روز / بزعل على فكره انا متفقتش معاك على حاجه انت اللى قررت مع نفسك
نبيله / معلش يا حبيبتى هو مش عايز يكون الحمل تقيل عليكى تربية الأولاد مش بالساهل عايزه وقت ومجهود وانتى وقتك فى دراستك
روز / ماشى وقالت ممكن اشيل البيبى
محمود / اه طبعآ وراح عندها ومد أيده بيه
روز / شالته وقالت واو جميل اوى وصغنن خالص
ريم / ميرسى يا حبيبتى ربنا يرزقك بأحلى منه يارب
روز / يارب وبسته من راسه وقالت ربنا يبارك فيه يارب وادته تانى لمحمود
وجت ساره وأحمد
ساره / مبروك يا ريمو مبروك يا حوده
ريم / الله يبارك فيكى يا صرصور عقبال ما ربنا يقومك بالسلامه يارب
ساره / اسكتى احسن كل ما يقرب الوقت كل ما بخاف اكتر
زهراء / امال لو شوفتى بعينك اللى حصل من ريم وشكلها وهى بتولد تحسى أن قلبك هيقف عليكى من الخوف
ساره / ربنا يطمنك يا اختى اقول ايه منك لله يا شيخه
زهراء / ههههههههه الله وانا مالى وبعدين ما انا شبهك اهو وخايفه زى زيك
احمد/ دى جننتنى من الخوف كل شويه تعيط وتقولى خايفه
محمود / وانت لسه شوفت حاجه جهز نفسك لشهر متواصل كل يوم بليل تشلها وتنزل تجرى بيها على المستشفى وتطلع مش ولاده ترجع تانى وانت ضهرك مكسور تنام شبه الجاموسه لحد ما يجى اليوم العالمي وتولد وتسيب علامه فى ايدك زى دى لزمن اسأل مجرب يا اخويه
أحمد / لاء صرصور عاقله مستحيل تعمل فيا كده انا غلبان ومش حمل اشيل حد
ساره / والله انت وحظك
زهراء / هههههههه شكلك هتلبس يا احمد
أحمد / هههههههه شكلى يا زهره ربنا يقوينى على اللى جاى بقى
أمير / ويقوينى انا كمان
زهراء / والله ماشى يا امير انت اللى جبته لنفسك
أمير / بهزر يا رمضان انت ايه مبتهزرش
زهراء / لاء بهزر يا اخويه
وفى الوقت ده دخل شريف ولميس
لميس / مبروك يا ريمو
ريم / الله يبارك فيكى يا حبيبتى
شريف / باس ريم فى راسها وقال مبروك يا حبيبتى
ريم / الله يبارك فيك يا أبيه
شريف / مبروك يا محمود على الله تعقل بقى خلاص بقيت اب لازم تكون قدوه لاولادك
محمود / الله يبارك فيك يا شيفو بس اللى متجوز اختك يعقل ازاى بقى
ريم / محموووووود اتظبط
محمود / يخربيت محمود وسنينه يا شيخه
نبيله / عقبال ما ربنا يعوض عليكم بالخلف الصالح يارب يا ابنى
شريف / بزعل اللهم امين يا ماما
لميس / ربنا يديكى الصحه يارب يا ماما
نبيله / ويبارك فيكى يا حبيبتى
وبعد وقت من المباركات والضحك والهزار كلهم روحو البيت
____________________________
مر شهرين بدون احداث تذكر

فى فيلا امير

فى اوضت امير

صحيت زهراء على وجع بسيط وقالت

زهراء / امير يا امير
امير / ايوه يا قلبى مالك
زهراء / تعبانه فيه خبط بسيط فى ضهرى
امير / طيب تحبى اخدك المستشفى
زهراء / لاء ملوش لزوم الدكتوره قالت ليا على كذا علامه لو حصلت تبقى ولاده وقامت وقفت
أمير / امير طيب رايحه فين
زهراء / هتمشى فى الاوضه شويه يمكن الوجع ده يروح
امير / تحبى اندهلك ماما
زهراء /لاء حرام بلاش نتعبها وحطت ايديها فى ضهرها وقالت بوجع اااااه
أمير / ايه يا زوزو بلاش تخضينى عليكى
زهراء / الوجع بيزيد مش عارفه ليه
أمير / طيب اتصل بالدكتورة
زهراء / ااااااه مش عارفه يا أمير اقولك روح نادى ريم بسرعه
أمير / حاضر حاضر وقام يجرى على اوضت محمود وخبط على الباب
محمود / فتح وقال امير فيه ايه
أمير / معلش يا محمود لو صحيتكم بس زهره تعبانه اوى
محمود/ يا عم صحتنا ايه هو من يوم ما جه الاخ مروان واحنا بنام ثوانى انادى ريم وقال ريم يا قلبى تعالى
ريم / جت وقالت خير يا أبيه زهره فيها حاجه
أمير / اه تعبانه اوى
ريم / حطت مروان على ايد محمود وقالت بخضه اختى وطلعت تجرى على الاوضه
محمود / ريم بت يا ريم اعمل ايه بيه ده
أمير / معلش يا محمود شيله شويه لحد ما ريم تشوف اختها وسابه ومشى
محمود / بص لمروان وقال ايه مش ناوى ربنا يهديك وتنام زى الناس كده حرام عليك يا اخى نسيت النوم وأيامه نسيت ليله وأحلامه والله يا ام كلثوم الاغنيه دى بتمثلنى مع سى مروان ها دنيا فين ايام الجنتله يلا ندخل اوضتنا لعلى وعسى تنام وتسبنى انام شويه ودخل وقفل باب الاوضه وراه
ريم / دخلت تجرى وقالت مالك يا زوزو
زهراء / بدموع خبط جامد فى ضهرى يا ريم
ريم / تبقى ولاده يا زهره نفس اللى حصل معايا فى مروان
زهراء / بس محصلش حاجه من اللى الدكتوره قالت ليا عليه
ريم / مش شرط انا حصل معايا فى المستشفى
زهراء / مش عارفه بقى اااااااااه مش قادره يا ريم بموت
ريم / بعد الشر عليكى حاسه بيكى ومجربه ربنا يجعلها ساعه سهله عليكى تعالى لما اجهزك علشان ننزل
زهراء / اااااااه ااااااه اميررررررر
امير / ايوه يا قلبى انا جيت اهو نزلت بلغت امى وهى طالعه اهى
امينه / ايه يا حبيبتى الطلق عندك اشتغل وراه بعضه
زهراء / بدموع ايوه يا خالتى ااااااه مش قادره حاسه ان روحى بتطلع منى
ريم / معلش تعالى معايا الحمام البسك واخدت زهره الحمام
امير / بخوف ماما هى الولاده بتبقى فيها خطوره انا خايف على زهره اوى شكلها تعبانه
امينه / لاء يا حبيبى ده طبيعى لازم الطلق ده علشان الطفل ينزل بيوسع مكان
أمير / ادعلها يا ماما
أمينه / ربنا يجعلها ساعه سهله ويقومها بالسلامه يارب
أمير / يارب يا ماما يارب وفى الوقت ده خرجت ريم وهى مسنده زهراء امير راح عندها وشالها ونزل يجرى بيها حطها فى العربيه ونزلت وراهم ريم وامينه وركبو العربيه وراحو على المستشفى ودخل امير وهو شايل زهره وحطها فى اوضت الكشف وجت الدكتوره كشفت عليها وقالت
الدكتوره / ولاده بس هنسبها شويه علشان بكريه
امير / بعصبيه هو ايه اللى نسبها شويه انتى مش شيفاها قدامك تعبانه
الدكتوره / ده شغلنا يا استاذ امير واحنا عارفين بنعمل ايه
امير / شغلكم تعذبو الناس كده
امينه / اهدا يا أمير مش كده يا حبيبى اى واحده بكريه كده لازم يسبوها لاخر لحظه
امير / شرع مين ده مراتى تفضل تتعذب كده
ريم / معلش يا أبيه هى الولاده متعبه كده بس مجرد ما ينزل البيبى الوجع ده كله بيروح
امينه / احنا اسفين يا دكتوره من حبه فى مراته خايف عليها
الدكتوره / ولا يهمك يا امى أن شاءالله تقوم بالسلامه عن اذنكم ومشيت وسابتهم
زهراء / من جوه الاوضه اااااااااه ياااااااارب ارحمنى همووووووت الحقونى ابوس ايديكم
امير / خبط بأيده على الحيطه وقال بعصبيه حرام عليكم اللى بتعملوه فيها ده مراتى تعبانه يا امى
امينه / معلش يا حبيبى اجمد كده
زهراء / ااااااااااه انتو فيييييين سيبنى بموووووت ليه
امير / بدموع سامعه يا امى سامعه
امينه / ريم ادخلى اقعدى جنب اختك
ريم / بدموع اتصلو على ماما
امينه/ ماشى يا حبيبتى
ودخلت ريم قعدت جنب اختها تعيط على تعبها وبعد وقت وصلت نبيله وشافت بنتها كده قعدت هى كمان تعيط وشويه ودخلت زهراء العمليات وبعد وقت سمعو صوت بيبى بيعيط وخرجت الممرضه وقالت
الممرضه / مبروك المدام ولدت عروسه زى القمر
امير / بخوف طيب مراتى عامله ايه دلوقتى
المرضه / المدام زى الفل شويه وهنوديها الاوضه بتاعتها ودخلت وسابتهم
امينه / مبروك يا حبيبى تتربى فى عزك يارب
امير / بفرحه الله يبارك فيكى يا ماما
نبيله / ربنا يخليها ليك وتفرح بيها يا حبيبى
أمير / ربنا يخليكى يا خالتى
ريم / بفرحه عروسة ابنى شرفت الدنيا نورت الدنيا كلها
أمير / هههههههه مش لما نشوف حبيبة ابوها هتوافق ولا لاء
ريم / لا والله من دلوقتى بترفض ده انا ابنى سيد الرجاله وبكره البنات تبقى بتتحدف عليه حدف
أمير / هههههههه اكيد ما هو هيطلع زى ابوه
وفى الوقت ده جه محمود وهو شايل مروان
محمود / مالو ابوه بس ما هو شايل الطين على دماغه اهو وبيطلع عليه كل القديم
ريم / محمود انت ايه جابك بمروان دلوقتى
محمود / البيه بيعيط كتير اوى وانا مش عارف اسكته ولا عارف الاخ عايز ايه خدى ابنك يا اختى ده مرار طافح
ريم / اخدت مروان وقالت ده جعان يا محمود ليه معملتش ليه الببرونه
محمود / وانا ايه عرفنى كنت خلفت قبل كده وبعدين انتى مش بترضعيه طبيعى
ريم / ايوه برضعه طبيعى بس اللبن بتاعى مش بيشبعه لازم لبن صناعى
محمود/ بقولك ايه معرفش انا كل الحوارات دى ابنك عندك اتصرفى معه زى ما انتى عايزه
وشويه وكلهم دخلو الاوضه اللى فيها زهراء
امير / قعد جنبها وبسها وقال حمدالله على السلامه يا ام اميره
زهراء / بتعب الله يسلمك يا حبيبى
امينه / حمدالله على سلامتك
زهراء / الله يسلمك يا خالتى
نبيله / تفرحى بيها وتشوفيها احلى عروسه يارب
زهراء/ ويديكى الصحه يارب يا ماما
ريم / مش عارفه دلوقتى اتعامل معاكى ازاى على أساس اختى ولا سلفتى ولا حمات ابنى
زهراء / هههههههه لاء خلينا اخوات احسن
محمود / بس طلعتى عاقله يا زوزو ومعملتيش زى اللى اختك عملته
زهراء / هو انا اه كنت بموت بس الصراحه معملتش جنان ريم مقدرش اقول لامير زى ما قالت ليك ههههههههه
ريم / والله ده على اساس ان انا كنت حاسه انا كنت بموت واللى بيجى على لسانى بقولو وخلاص من تعبى
محمود / علشان لسانك زفر يا حبيبتى
الكل / هههههههههههههه
محمود / حتى ابنك طالع مستفز زيك لما جه هنا نام وشخر على رجل سته نبيله
نبيله / علشان شبع وبعدين هو حبيب سته وبيحب ينام على رجليها
محمود / طيب ما تعملى معايا واجب وخديه نيميه على رجليكى علطول وانا انام على رجل أمه شويه
ريم / محمود اتلم ايه اللى انت بتقولو ده
محمود / وانا قولت ايه ما الاخ مروان قايم بالواجب معايا
امير / وربنا انتو الاتنين مجانين هههههههههه
محمود / اضحك اضحك بكره تحس بالمعاناة اللى انا عايش فيها
وفى الوقت ده دخل أحمد وساره وهى تعبانه وعلى آخرها
محمود / ازيك اكرشو انا مش عارف ازاى الشكل ده توأمى ايه جاب الجمال ده كله لسيد شلوفه
ساره / اتلم يا محمود احسن انا على أخرى ومش طايقه نفسى
أحمد / بقولكم ايه خدوها ولما تولد ابقى اجى اخدها دى طلعت عين اللى خلفونى
محمود. / حبيب هارتى تعال جنبى ده انا شوفت سواد السواد ومازالت وحياتك
أمير / يخربيتك دى اختك يا غبى بدل ما تقولو ايه اللى انت بتقولو ده
محمود. / الرأفه حلوه برضه اصل انا كنت مكانه ومجرب والصراحه الراجل صعبان عليا اوى
ساره / والله انتو الاتنين مستفزين مفيش زى اخويه امير طيب كده وهادى وراسى
ريم / عندك حق والله يا ساره ياريت كانو طلعو شبه أبيه امير بدل الجنان اللى احنا عايشين فيه ده
زهراء / ايه انتى وهى ما بلاش عنيكم دى بدل ما الراجل يحصل ليه حاجه
ساره / يا شيخه اتنيل على عينك ده اخويه هحسده يعنى
وفى الوقت ده دخلت روز وسامح
ريم / بصوت واطى المسهوكه جت ربنا يصبرنى
زهراء / سمعت ريم وكتمت ضحكتها
روز / مبروك يا زوزو تتربى فى عزكم يارب
زهراء / الله يبارك فيكى يا حبيبتى عقبالك يارب
سامح / اه إن شاءالله بعد كام سنه كده
محمود. / وربنا انت العاقل اللى فينا يا بختك يا ابن المحظوظه نفت من اللى احنا فيه
سامح / الله اكبر عينك يا ابنى ايه الشراره اللى طالعه منك دى هتنسفنا وربنا
أحمد / ليه حق وربنا ده احنا عايشين فى مرار
ساره / اتلم يا احمد ولم الدور
محمود / شكلك بقى فانيله خالص يا ابنى
ريم / محموووووود اسكت شويه بقى
محمود / حاضر يا حبيبتى
أحمد / انت بقى شكلك ولا بلاش علشان الناس اللى قاعده
روز / فين البيبى
امير / فى الحضانه شويه وهيجبوها
سامح / هتسموها ايه بقى
زهراء / اميره
روز / طيب ليه مسمتيش الاسامى الجديده تالا تالين روجين
زهراء / امير عايز يسميها كده
ريم / وبعدين مالو اسم اميره مش احسن من اسم روز اللى ملهوش معنى ده
روز / بغيظ انتى ايه فهمك معنى أسمى اصلا اسمى أصله يونانى ومعناه الورده العطره يارب تكونى فهمتيه كويس
ريم / وانا اقول الأكسجين نقص من الاوضه ليه طيب يلا يا حبيبتى هوينا
محمود / ربنا يكفينا شر كيد نسا بعيد عنك حريقه نار
روز / عجبك يا سامح اللى اختك بتقولو ده
سامح / معلش يا حبيبتى بتهزر معاكى
زهراء / بصوت واطى اتلمى يا ريم علشان اخوكى ميزعلش
ريم / وانا قولت ايه بس
وفى الوقت ده دخلت لميس وشريف
لميس / مبروك ما جالكم
زهراء / الله يبارك فيكى يا حبيبتى
شريف / مبروك يا صاحبى اخيرآ شوفت اولادكم بعد التعب ده كله
امير / الله يبارك فيك يا شيفو عقبال ما ربنا يكرمك انت كمان يا صاحبى
شريف / بزعل اللهم امين
وفى الوقت ده ساره حطت ايديها فى ضهرها وقالت
ساره / ااااااااه ش.ش.شكلى هولد
أحمد / جرى عليها بخوف وقال مالك يا قلبى
ساره / خبط جامد اوى فى ضهرى
محمود. / البس ولاده يا معلم يعنى انا بقيت عم وهبقى خال فى يوم واحد ابعت يلى بتبعت
ساره / بصويت سكتو البنأدم ده احسن ما اولع فيه اااااااااه
أحمد / شالها وطلع يجرى بيها على اوضت الكشف
محمود / ده ايه الناس اللى مورهاش غيرى تهزق فيه وهى بتولد
امير / ما تروح مع اختك يا غبى شوف الدكتوره هتقولها ايه
محمود / هوووووف حاضر حاضر وخرج من الاوضه وخرجت امينه وراحت تطمن على بنتها
وفى الوقت ده الممرضه جابت البيبى
روز / الله جميله اوى يا سامح
ريم / صلى على النبى كده فى قلبك ده طفل صغير قول بسم الله ماشاءالله
روز / على فكره انا عينى مش وحشه
لميس / صلو على النبى كده يا جماعه بلاش كلام كتير الطفل فى الوقت ده ما بين ملايكه
الكل / عليه الصلاة والسلام
روز / انا متكلمتش هى اللى مش طايقه ليا كلمه واحده
زهراء / متزعليش يا رورو ريم بتحب تنكشك بس لكن هى بتحبك
روز / اه ما هو واضح
امير / شال اميره وقال طالعه شبهك يا زوزو
لميس / الطفل يقعد اربعين يوم شكله بيتغير
ريم / صح يا ميسو انتى عرفتى منين اصل عندى مروان كل يوم اشوفه بشكل
لميس / بحب اقرا كتب عن الاطفال حديثى الولاده
زهراء / بزعل أن شاءالله ربنا هيكرمك يا لميس انا دعيت ليكى وانا بولد وان شاءالله ربنا هيستجيب منى
لميس / والله انا مش زعلانه مدام معايا شريف مش محتاجه اى حاجه تانى من الدنيا
ريم / ربنا يخليكم لبعض
وفى الوقت ده روز حست بدوخه ووقعت فى الارض واغمى عليها
سامح / بخضه روز يا روز
ريم / مالها البت ماتت ولا ايه
سامح / بعصبيه بعد الشر وشالها وطلع يجرى بيها
نبيله / قامت وقفت ومدت ايديها بمروان وقالت خدى ابنك ليه كده بس يا ريم زعلتى اخوكى
ريم / اخدت مروان وقالت وانا قولت ايه انا اتخضيت عليها والله
نبيله / لما اروح اشوف مالها وخرجت وسابتهم
لميس / انتى غلطانه يا ريم من بدرى وانتى عماله تيجى عليها
زهراء/ عندك حق يا لميس وكمان من قبل ما انتو تيجو
ريم / يا سلام خلاص بقيت انا اللى وحشه وهى الطيبه الملاك
شريف / يا حبيبتى مقولناش كده بس انتى من ساعة ما سامح اخدها وانتى مش بتحبيها اصلا
ريم / انا كده يا أبيه بتخنق منها بسرعه بحس انها مسهوكه زياده عن اللزوم
امير / حتى لو انتى مش بتحبيها المفروض تعامليها كويس علشان خاطر اخوكى سامح ميزعلش
ريم / يعنى انا ايه المطلوب منى
زهراء / روحى اطمنى عليها علشان خاطر سامح
ريم / حاضر عن اذنكم وراحت عند لميس وقالت معلش يا ميسو خلى مروان معاكى
لميس / بفرحه طبعآ هاتيه واخدته منها
ريم / خرجت راحت تطمن على روز
لميس / قعدت تبوس فى مروان
شريف / بزعل ضم لميس ليه وبسها فى راسها وقال حقك عليا
لميس / متتأسفش يا حبيبى دى حاجه مش بأيدك وبعدين كل اللى جم فى العيله ولادى وانا بحبهم كلهم
امير / بص لزهراء بزعل على حال شريف ولميس
زهراء / حطت راسها على كتف امير
امير / طبطب عليها وبسها فى راسها وقال هروح اطمن على ساره واشوف روز عملت ايه
زهراء / ماشى يا حبيبى
امير / اقعد يا شريف هطمن على اختى وجاى بسرعه
شريف / براحتك يا امير احنا قاعدين مستنين نطمن عليهم الاتنين
امير / خرج وراح اطمن على ساره وعرف إنها ولاده وراح عند سامح علشان يطمن على روز
____________________________
فى اوضت روز

كشفت الدكتوره عليها وخرجت والكل طلع يجرى عليها
سامح / بخوف خير يا دكتوره
الدكتوره / متقلقش مفهاش حاجه
نبيله/ طيب والاغماء ده من ايه
الدكتوره / ده طبيعى من الحمل وهى جسمها ضعيف اصلا
سامح / بصدمه حمل هى حامل
الدكتوره / ايوه حامل دى ماشيه فى شهرها التانى ازاى متعرفوش
سامح / داس على سنانه بغيظ وقال شكرآ يا دكتوره
الدكتوره / لازم تتابع مع دكتور نسا علشان هى ضعيفه جدآ والبيبى بيتأثر بالضعف ده عن اذنكم وسابتهم ومشيت والكل دخل عند روز يطمن عليها
نبيله / مبروك يا حبيبتى ربنا يكملك على خير
روز / وهى بتبص على سامح بخوف ا.ا الله يبارك فيكى يا ماما
ريم / احم حمدالله على سلامتك ربنا يكملك على خير وتقومى بالسلامه
روز/ ميرسى
امير / دخل وقال عامله ايه يا روز
روز / الحمدالله
امير/ الدكتوره قالت ايه
ريم / روز حامل يا أبيه
امير / بفرحه بجد مبروك يا سامح مبروك يا روز
روز / الله يبارك فيك
سامح / الله يبارك فيك
أمير / حس أن سامح متعصب بص لنبيله ولريم وقال تعالو معايا يلا عند اوضت زهره
نبيله / ماشى يا حبيبى وخرجو التلاته وسابو سامح مع روز
سامح /بعصبيه عايز افهم ازاى ده حصل
روز / ع.ع.عادى يا سامح ب.ب.بيحصل حمل مع الحبايه عادى مفيش وسيله مضمونه ميه فى الميه
سامح / ده على اساس انا عبيط وهصدق الكلام ده انا متأكد انك مأخديش الحبايه قصد علشان تحملى يا روز
روز / وحتى لو كلامك ده صح فيها ايه انا نفسى يكون عندى بيبى زى اى واحده متجوزه يا سامح
سامح /بعصبيه بس احنا اتفقنا اننا هنأجل الموضوع ده لحد ما تخلصى جامعه
روز / كتير اوى لسه هستنا خمس ولا ست سنين انا يا سامح
سامح / عرفتى انك عاملها قصد وكسرتى كلمتى يا روز وحامل فى شهرك التانى ومخبيه عليا لولا ربنا كشفك قدامى
روز / بدموع انا مكنتش اعرف أن انا حامل يا سامح
سامح / بلاش تكدبى ازاى متعرفيش انك حامل محستيش أن البريود مجدش ليكى شهرين انتى هتستبعطى
روز / عادى يا سامح بتحصل معايا سعات ومتنزلش من ضعف جسمى وبعدين القيها تنزل بعد شهرين عادى والمرادى قولت انها هتعمل كده معايا معرفش أن حصل حمل
سامح / والعمل دلوقتى
روز / حطت ايديها على بطنها وقالت ولا حاجه يا سامح افرح انك هتبقى اب وانا هبقى ام لحته منك
سامح / ودراستك
روز / عادى هكملها مش اول ولا اخر واحده تكون عندها بيبى وهى بتدرس ما زهره أهى فى اخر سنه فى الجامعه ومعاها بيبى
سامح / انتى قولتيها اخر سنه فى الجامعه يعنى هتبقى متفرغه ليه إنما انتى لسه خمس سنين هتعملى فيهم ايه مين هياخد باله منه
روز / نجيب ليه بيبى سيتر تقعد معه لحد ما ارجع من الجامعه او مامى تاخد بالها منه
سامح / يا سلام
روز / بليز يا سامح بلاش تكسر فرحتى ارجوك
سامح / اتنهد وقال قلة سمعانك الكلام دى تعبانى يا روز يعنى انتى بتنفذى اللى فى دماغك حتى لو غلط
روز / اوعدك هسمع كلامك بعد كده بس بلاش تنكد عليا وانا فرحانه بالخبر ده
سامح / ربنا يصبرنى عليكى وسابها وطلع من الاوضه
روز / بفرحه حطت ايديها على بطنها وقالت اخيرآ بقى فيه هنا بيبى وهبقى مامى ياااااس
____________________________
عند ساره

دخلت اوضت العمليات علشان تولد وأحمد كان متوتر ورايح جاى
محمود / ما تهدا يا ابنى واركز كده خيلتنى
أحمد / خايف اوى عليها يا محمود
محمود / بما انى مجرب قديم بقولك متقلقش هتولد ليك النونو وهتبقى زى الفل
امينه / بقلق ربنا يقومك بالسلامه يا بنتى
محمود / اجمدى كده يا حجه مين قدك النهارده هتبقى جده لتلاته اطفال مره واحده
امينه / ربنا بس يطمنى على اختك
وشويه وخرجت الممرضه وقالت
الممرضه / مبروك المدام جابت عروسه زى القمر
أحمد / طيب وامها عامله ايه
الممرضه / تمام زى الفل تجهز وهتروح اوضتها وسبتهم ودخلت
امينه / الف حمد والف شكر مبروك يا حبيبى تتربى فى عزك يا ابنى
أحمد / الله يبارك فى عمرك يا امى
محمود / مبروك يا ابو حميد ولو انى زعلان كده يعنى ابنى هيبقى ديك البرابر فى وسط بنتين
أحمد / هههههههه متقلقش بكره هيجى ولاد تانى ويملو عليكم البيت
محمود / حلو اوى ساره وزهره اتولدو مع بعض فى يوم واحد وانا معاهم برضه يعنى كنت ولد ما بين اتنين والايام كررت نفسها والاتنين ولدو فى يوم واحد بنتين وابنى زى فى وسطهم الدنيا عجيبه ربنا يجعل حظهم احسن من حظنا الف مره
احمد / اللهم امين
وبعد وقت خرجت ساره وراحت اوضتها
أحمد / مبروك يا حبيبتى زهره وشها حلو علينا اخيرآ ولدى وهنرتاح من تعب بليل وننام براحتنا
محمود / هههههههه تصدق نكته حلوه اوى ترتاحو وتنامو براحتكم ههههههههه قلبك ابيض يا حلو ده انتو هتودعو النوم بحضور الاخت دى اسأل مجرب هههههههه
أحمد / انت مالك النهارده عمال تحبط فيا كده
محمود / لاء ده انا بفتح عينك على اللى جاى ايامك كلها بمبى بمبى وتعال اقعد هنا جنبى
ساره / الشئ ده كلامه بيعصبنى
محمود / الشئ ده تصدقى انك واطيه وقال واقف مع جوازك بواسيه واهدى فيه لحد ما تتنيلى تولدى وفى الاخر تقولى الشئ ده اشوفك والعه ان شاءالله
امينه / ليه كده يا ابنى بعد الشر عليها
محمود / انا هروح عند مراتى بتهزقنى بس بأحترام إنما انتو هنا وحشين وخرج وسابهم
أحمد / بص لساره واتفتحو فى الضحك على محمود وشويه ووصلت جهاد واسلام
جهاد / مبروك يا ساره مبروك يا احمد
ساره / الله يبارك فيكى يا حبيبتى عقبالك يا رب لما ربنا يقومك بالسلامه
جهاد / حبيبت قلبى يا صرصور امال فين حبيبت عمتو
أحمد / لسه فى الحضانه شويه وهيجبوها اقعدى يا جوجو علشان اللى فى بطنك
جهاد / هروح اشوف روز اكيد هى هنا بتبارك لزهره على الولاده
أحمد / امير بيقول اغمى عليها وهى واقفه
جهاد / بخضه طيب هى عامله ايه
أحمد / معرفش انا كنت واقف عند اوضت العمليات مستنى ساره
جهاد / طيب هروح اطمن عليها وراجعه تانى هتيجى معايا يا اسلام
اسلام / روحى انتى يا حبيبتى وانا هستناكى هنا
جهاد / ماشى
اسلام / براحه على نفسك وانتى ماشيه
جهاد / هههه حاضر وسابتهم وخرجت
أسلام / مبروك يا ابو حميد تتربه فى عزك يارب
أحمد / الله يبارك فيك يا صاحبى عقبالك كده لما تشوف النونو بتاعك
اسلام / اللهم امين
ساره / انت وجهاد الحب المستحيل ههههههههه
اسلام / الحمدالله انا كنت بدأت افقد الامل
ساره / ربنا يسعدكم يارب
اسلام / فاكره لما جيتى كلمتينى فى الجامعه وقولتى ليا على حب جهاد وقد ايه هى متعذبه وبتحبك بس مجروحه منى وطلبتى منى أن انا احاول مره واتنين وتلاته وعشره لو كنت بحبها بجد كلامك ده كان دافع كبير اوى ليا ورجعلى الأمر بعد ما كنت فقده وبمساعدة روز وعبير اختى قدرت اقنعها الحمدالله
أحمد / انتو كنتو عاملين عصابه على اختى بقى وانا اخر من يعلم
ساره / عملنا كده لمصلحتها جهاد من النوع الكتوم اوى رغم حبها الكبير اوووووى لاسلام بس كانت بتكتم فى نفسها وبتعذبها من غير اى داعى وكان لازم نعمل كده علشان تلين وتوافق والحمدلله اتجوزو ومستنين البيبى كمان ربنا يسعدهم يارب
أحمد / يارب
وفى الوقت ده دخلت الممرضه ومعاها البيبى واخدها احمد وقعد يبوس فيها بفرحه واداها لساره اخدتها وهى فرحانه وقعدت تمسك فى ايديها الصغننه وتبوس فيها
____________________________
فى اوضت روز

دخلت جهاد وهى مخضوضه وقالت
جهاد / روز حبيبتى مالك اتخضيت عليكى لما سمعت انك اغمى عليكى
روز / هههههه جوجو ام كرش اهى ههههههههه
جهاد / تصدقى انا غلطانه أن جيت اسأل عليكى
روز / ههههههههه متزعليش خلاص بهزر معاكى وبعدين كلها كام شهر وابقى بكرش زيك
جهاد / كرش زى تقصدى ايه انتى حامل يا رورو
روز / بفرحه هزت راسها بمعنى ايوه
جهاد / بفرحه مبروك يا رورو بس ده حصل ازاى مش مستر سامح كان رافض الموضوع ده دلوقتى
روز / ههههههههه ايوه بس انا عملت نفسى باخد الحبايه قدامه وانا مكنتش بخدها كنت بخبيها فى ايدى واشرب الميه على الفاضى هههههه
جهاد / نهارك اسود ومنيل ده ولو عرف كده هيعلقك
روز / يا اختى هيزعل شويه وفى الاخر هينسى ويفرح بالبيبى لما يجى
جهاد / اعقلى بقى يا روز وفكك من العند الزياده اللى فيكى ده مستر سامح عصبى واللى مصبره عليكى حبه ليكى بس هيجى يوم عليه ويفيض بيه
روز / يا بنتى كبرى المهم هبقى مامى ويبقى عندى كرش كبير وأتصور بيه واوووو
جهاد / ربنا يجنك يا بعيده اكتر ما انتى مجنونه
روز / هههههههههههههه
وبعد وقت كله خرج من المستشفى وروح بيته
____________________________
فى شقه عبير وحسام

حسام كان قاعد قصاد التلفزيون بيتفرج على ماتش كوره ومش سأل فى عبير قعدت جنبه على الكنبه وقالت
عبير / حسام عايزه اتكلم معاك كلمتين
حسام / مش وقته يا عبير مش شيفانى بتفرج على الماتش
عبير / ما هو انا كل ما اجى اتكلم معاك تقولى مش وقته وانا زهقت ولازم نتكلم ونشوف حل لوضعنا ده
حسام / بعدين بعدين روحى اعملى اى لقمه نكلها
عبير / بدموع لاء مش هعمل حاجه يا حسام ولازم نتكلم انت مكنتش كده ايه غير معاملتك ليا حصل منى حاجه طيب كلمنى احسن خلاص انا هتجن حاسه ان انا فى دوامه ومش عارفه اطلع منها
حسام / نفخ وطفى التلفزيون وبصلها وقال من الاخر كده انا مش بحبك يا عبير كل الحكايه أن انا أعجبت بيكى بس بشكلك ومظهرك وكان عندى حب التملك ليكى لكن بعد ما اتجوزنا وبقيتى معايا علطول واخد منك اللى انا عايزه حسيت بملل حسيت أن جوازى منك تقيد ليا وانا مش واخد على التقيد ده ومش عايز اتكلم علشان مجرحكيش بكلامى لكن انتى اللى صممتى أن انا اتكلم
عبير / كانت بتسمع الكلام ده وهى مصدومه وغمضت عينيها علشان تمنع دموعها من النزول وقالت بهدوء طلقنى يا حسام
حسام / انا لو عليا كنت طلقتك من شهرين كمان بس مش هينفع قبل السنه عندنا فى العيله سلونا كده لو طلقنا قبل السنه بندفع مبالغ كبيره اوى
عبير. / مقدرتش تمسك دموعها اكتر من كده نزلت منها ووقفت وقالت وانا مش عايزه حاجه منك وهعملك تنازل عن كل حاجه
حسام / والله كان بودى اقولك موافق بس ابويه مش هيقبل بكده
عبير / بدموع اعمل اللى تعملو لكن أنا مستحيل اقعد ثانيه واحده معاك تانى انا هدخل اخد شنطة هدومى وهروح عند اخويه ووقت ما تحب تطلق ابقى ابعت الورقه بتاعتى على فيلا اسلام
حسام / طول ما انتى على ذمتى تقعدى فى البيت متتحركيش زيك زى اى كرسى فى الشقه فاهمه
عبير / بدموع وانا مش طيقه اشوف وشك ومش عايزه اعيش معاك
حسام / ضربها بالقلم وقال لما تتكلمى مع جوزك صوتك ميعلاش وتتكلمى بأسلوب احلى من ده فاهمه
عبير / حطت ايديها على خدها وقالت بتمد ايدك عليا يا عرة الرجاله ماشى يا حسام مستحيل اقعدلك هنا لو ثانيه واحده
حسام / اتغاظ راح وراها ومسكها من شعرها وقال هو مين ده اللى عرة الرجاله انا هعرفك عرة الرجاله ده هيعمل فيكى ايه وضربها بالقلم وقعها فى الارض وشدها من شعرها ومشى وهو بيجر فيها ودخل الاوضه بتاعته ومسك الحزام وقعد يضرب فيها
عبير / دموعها كانت بتنزل منها بألم والم قلبها اكبر من الم جسمها بكتير وقالت ااااااااه سبنى يا حسام اااااه حاسه بوجع جامد فى بطنى انا بموت يا حسام اااااااااه
حسام / احنا عندنا فى الصعيد لو واحده قالت لجوزها يا عرة الرجاله بيدفنوها حيه احمدى ربنا أن انا اكتفيت بضربك بس
عبير / مسكت جسمها بألم وقالت حرام عليك يا حسام حرام عليك ومسكت بطنها وقالت سكاكين بتقطع فى بطنى ااااااااه
حسام / بصلها بقرف وسابها وخرج قعد على الكنبه وولع التلفزيون
عبير / ااااااه يا رب بطنى سكاكيين بتقطع فيها ااااااه وبصت تحتها بصدمه لما شافت دم نازل منها وقالت بضعف الحقنى يا حسام يا حسااام ومره واحده اغمى عليها
حسام / بعد وقت نده عليها وقال قومى يا هانم اعملى الاكل عبيررررر ردى عليا علشان مقومش عليكى تانى لو قومت من مكانى هتندمى عبيررررر طيب انتى اللى جبتيه لنفسك وقام وهو متعصب ودخل الاوضه وقال مش بنا بس قطع الكلام لما شاف الدم وعبير مغمى عليها قعد فى الارض وقال عبير يا عبير. ردى عليا وبعد محاولات منه علشان يفوقها ومفقتش ميل عليها وشالها حطها فى العربيه وطلع يجرى بيها على المستشفى ودخلها اوضت الكشف وشويه وجه الدكتور وكشف عليها وخرج من الاوضه
حسام / خير يا دكتور
الدكتور / ………

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية فتاة انحنت من أجل الحب)