رواية فتاة انحنت من أجل الحب الفصل الحادي والخمسون 51 بقلم دودو محمد

🌷الخاتمه ج 1 🌷 :
***************************
وصل حسام المستشفى وهو هدومه كلها غرقانه بدم عبير وهى فاقده الوعى دخل بيها اوضت الكشف وحطها على السرير ومسك ايديها وقال
حسام / عبير ردى عليا ارجوكى عبير
وفى الوقت ده دخل الدكتور
الدكتور / ممكن حضرتك تطلع بره
حسام / وهو بيبص على عبير قال حاضر حاضر وخرج من الاوضه وفضل رايح جاى قلقان عليها وشويه وخرج الدكتور طلع حسام يجرى عليه وقال خير يا دكتور
الدكتور / للاسف المدام كانت حامل واتعرضت لعنف سبب ليها نزيف والبيبى نزل
حسام / بصدمه ح.ح.حامل
الدكتور/ ايوه هى هتدخل اوضت العمليات ننضف ليها الرحم مكان الإجهاض
حسام / وهو الدموع فى عينه قال طيب هى فاقت
الدكتور / ايوه فاقت جوه
حسام / عرفت بموضوع الإجهاض دى
الدكتور / اكيد طبعآ سألت وانا جوبت عليها
حسام / ممكن ادخلها
الدكتور / اه طبعآ اتفضل عن اذنك وسابه ومشى
حسام / حط أيده على ايد الباب بتوتر وبعدها تانى وخبط بأيده على الحيطه وقال ليه ليه واحد غبى اتهورت لييييييه بس وبص اتجاه الباب وراح فتحه ودخل وشاف عبير وهى بتعيط
عبير / اول ما حست بحسام بصت ليه وهى عيونها كلها دموع وقالت اطلع برررررره انت ايه جايبك هنا اطلع بره انا بكرهك بكرهك وحطت ايديها على بطنها وقالت بدموع ليه عملت فيا كده ليه حرمتنى منه وهو لسه بيتخلق فى بطنى ت.ت تعرف ا.ا انا كنت بحلم باليوم اللى اكون فيه حامل منك وكنت بشوف قصاد عينى فرحتى وفرحتك لما نعرف الخبر ده بس طلع حلم مستحيل ويوم ماعرفت انا حامل يوم ما موته انت بأيدك عمرى ما هسمحك يا حسام على موت ابنى
حسام/ مشى خطوتين وقال عبير اسمعينى
عبير / خليك مكانك ومتجبش أسمى على لسانك تانى طلقنى يا حسام
حسام / وهو الدموع فى عينه قال انا عارف انك زعلانه منى وصعب تسامحينى بس معرفش انك حامل والله عبير
عبير / حطت ايديها على ودنها وقالت بدموع مش طايقه اسمع صوتك قولتلك متجبش أسمى علي لسانك اطلعى بره منك لله حسبى الله ونعمه الوكيل فيك يا حسام اطلع بره بقولك
حسام / طيب أهدى بس وكل حاجه هتتحل
عبير / مفيش حاجه هتتحل يا حسام انا مش هرجع معاك وهطلقنى فاهم وفى الوقت ده جت الممرضه وقالت
الممرضه / يلا يا مدام عبير على اوضت العمليات
عبير / ليه مش اخد مسكن هعمل ايه فى اوضت العمليات
الممرضه / لازم تعملى تنضيف للرحم مكان الإجهاض علشان ميسببش ليكى مشاكل بعد كده
عبير / بصت على حسام بدموع وقالت منه لله اللى كان السبب وقامت قعدت على الكرسى النقال بمساعدة الممرضه
حسام / بصلها بدموع وبندم وبص فى الارض
الممرضه / زقت الكرسى ومشيت بيها
وبعد وقت خرجت من اوضت العمليات وهى تعبانه واتفاجئت بحسام لسه قاعد وممشاش قالت
عبير / انت لسه هنا بتعمل ايه مش قولتلك مش عايزه اشوف وشك تانى
حسام / أهدى يا عبير انتى لسه تعبانه
عبير / متقلقش عليا انا اقوى منك مليون مره وهبقى احسن واحسن لو خرجت من حياتى للابد
حسام / عبير
عبير / بصت للممرضه وقالت ممكن لو سمحتى تليفونك اتكلم منه دقيقه
حسام / هتكلمى مين
عبير / اتجاهلته وقالت ممكن وهديكى اللى انتى عايزاه
الممرضه / اتفضلى طبعآ من غير اى حاجه والله ومدت ايديها بالتليفون
عبير / ميرسى ليكى واخدته منها
حسام / بعصبيه ممكن اعرف هتكلمى مين
عبير / شئ ميخصكش وياريت متتكلمش معايا مش طايقه صوتك وبصت لتليفون وطلبت رقم وانتظرت الرد ومره واحده دموعها نزلت منها وقالت ايوه يا اسلام تعال خدنى حالا
اسلام / بخضه مالك بتعيطى ليه واخدك منين
عبير / انا فى المستشفى كنت حامل والبيبى نزل ارجوك تعال انا فى مستشفى (…….)
اسلام / ماشى ماشى انا جاى حالا
عبير / قفلت معا وحطت ايديها على بطنها من الوجع وقعدت تعيط
حسام / بقى واقف مش عارف يعمل ايه قال بصوت مكسور انا اسف بجد يا عبير ارجوكى سامحينى
عبير / اطلع بره يا حسام اطلع بره عمرى ما هسمحك فى حياتى
حسام / انا هسيبك لما تهدى شويه بس مش هطلقك يا عبير انا لو كنت عايز اطلقك كنت طلقتك من زمان بس انا انا وسكت شويه وقال انا بحبك يا عبير
عبير / بضحكة سخريه بتأيه بتحبينى يا راجل قول كلام غير ده انت بنفسك قولتلى انك مش بتحبنى ولا عمرك حبتنى
حسام / يا عبير انتى متعرفيش حاجه
عبير / معرفش ومش عايزه اعرف سبنى بقى فى حالى
حسام / عبير انا بحاول ابعدك عنى واكرهك فيا ودموعه نزلت منه وقال للاسف يا عبير طلع علينا تار وانا اللى مطلوب فيه
عبير / اتصدمت بس حاولت تظهر طبيعيه وقالت شئ ميخصنيش دى حياتك وانت حر فيها طلقنى يا حسام
حسام / غمض عينه وهى كلها دموع وقال انتى طالق يا عبير وخرج من الاوضه وخبط فى اسلام ومشى من غير ما يبص ليه حتى
اسلام / دخل بأستغراب وقال ماله ده خارج خبط فيا ومشى علطول هو فيه ايه بالظبط وقعد جنبها على السرير
عبير / اترمت فى حضنه وعيطت وقالت حسام طلقنى يا إسلام
اسلام / طلقك طيب ليه علشان البيبى
عبير / بصت ليه بدموع وقالت انا اللى طلبت منه يطلقنى يا اسلام
اسلام / انا مش فاهم حاجه يا عبير ممكن تفهمينى
عبير / بدموع حسام السبب فى اجهاضى يا اسلام ضربنى لحد ما نزل البيبى
أسلام / بعصبيه ياابن ال وربنا ما انا سايبه وزعلانه علشان طلقك ده انا هخليه يسف التراب على عملته السوده دى
عبير / بدموع ارجوك متأذهوش يا اسلام
أسلام/ انا خلاص مبقتش فاهمك انتى زعلانه ولا مبسوطه أن هو طلقك بتكرهيه ولا بتحبيه عايزه تنتقمى منه ولا خايفه عليه
عبير / انا بحبه يا اسلام وخايفه عليه اوى بس كنت لازم اطلق منه علشان موت ابنى اللى لسه مطلعش الدنيا على أيده
اسلام / خايفه عليه من ايه مش فاهم
عبير / حسام عليه تار وهو المقصود وعلشان كده عايش فى القاهره ولما كنت بسأله مش بنزور أهلك ليه ولا أهلك بيزروك يقولى أشغال ومحدش فاضى والنهارده بس قالى على موضوع التار انا خايفه عليه اوى يا اسلام
اسلام / اتنهد وقال مش خلاص اطلقتو يا عبير شيليه من دماغك ويحصلو اللى يحصلو وكويس أن انتى مجبتيش منه عيال انتى لسه صغيره وبكره ربنا يكرمك بأحسن منه
عبير / بدموع انا مش عايزه اللى احسن منه انا عايزاه هو يا اسلام بس قلبى واجعنى اوى من اللى عملو فيا
اسلام/ صعبت عليه جهاد قال افهم من كلامك انك لسه بتحبيه وبقيه عليه وفى نفس الوقت عايزه توجعى قلبه وتعذبيه على اللى عملو فيكى صح
عبير / هزت راسها بمعنى ايوه
أسلام/ خلاص سيبى ليا انا الموضوع ده هسويه على الجانبين وهخليه يعرف أن الله حق وهخليه يجى لحد عندك يترجاكى
عبير / طيب والتار هنعمل ايه
أسلام / هخلى ناس تمشى وراه من بعيد من غير ما يحس ويحموه مبسوطه كده
عبير / هزت راسها بمعنى لاء وقالت عمرى ما هعرف اتبسط طول ما هو بعيد عنى
أسلام/ بعصبيه اقسم بالله يا عبير لو مكانش انتى بتحبيه كنت انتقمت منه من اللى عملو فيكى ده
عبير / كان بيحاول يكرهنى فيه محدش فينا كان يعرف موضوع الحمل ده وانا الصراحه شتمته
أسلام / مش عارفه اقولك ايه بصراحه هروح أسأل الدكتور هتخرجى امته
عبير / ياريت يدينى اى حاجه مسكنه المغص تعبنى اوى
أسلام / سلامتك يا عمرى هجبلك حاضر وخرج راح عند الدكتور
عبير / بدموع يارب انت بس اللى حاسس بوجع قلبى يارب حلها من عندك
_____________________________
مر عدة أشهر بدون احداث تذكر

امير وزهراء / فرحانين جدآ بالبيبى وعايشين اسعد ايام حياتهم وأصبح امير من اشهر رجال الأعمال

شريف ولميس / لسه محصلش حمل لكن لميس كل يوم بتثبت حبها واخلاصها لشريف حالته الماديه اتحسنت جدآ واشترى فيلا وعربيه جنب فيلا امير وكتبهم بأسم لميس وبيدعى ربنا يرزقه بطفل منه ومنها

أحمد وساره / البيبى مطلعه عنيهم لكن فرحانين جدآ بوجودها فى وسطهم وحبهم بيزيد كل يوم اكتر من اللى قبله

محمود وريم / اشهر مجانين على وجه الارض حتى بعد وجود بيبى معاهم ريم أصبحت عصبيه اكتر من الاول بسبب بكاء البيبى المتواصل وعدم الراحه فى النوم ومحمود بيحاول يهديها لكن طريقتها معا بتعصبه اكتر

عبير وحسام / حسام بيحاول يطلب السماح من عبير لكنها رافضه تسامحو ابدآ ومازال مهدد بالقتل عبير رغم اشتياقها ليه وخوفها عليه بس برضه مش قادره تسامحو وقاعده مع اسلام فى الفيلا بتاعته

عاطف وملك / خرج عاطف من المصحه بعد شفائه الكامل علاقته مع ملك اتطورت كتير وبقى ميقدرش يستغنا عنها وفتح شركه جديده وبدأ من اول وجديد فى عالم البزنس وملك سعيده جدآ بحب عاطف ليها وبقو اسره متكامله عايشين فى حب وسعاده مع متابعة الدكتور اسبوعيا

ريان وسهى / مازالت العلاقه ما بينهم متوتره وشبه منتهيه

اسلام وجهاد / اسلام بيعمل بكل الطرق اللى تسعد جهاد وينسيها وجعها اللى هو كان سبب فيه زمان وجهاد عايشه اسعد زوجه مفيش حاجه بتطلبها الا لما تتنفذ ولدت وجابت ولد سمته ادم ومطلع عينيهم بس عمته عبير مش بتسيبه من يوم ما ولدته جهاد تاعب جهاد جدآ بس حب اسلام بيهون عليها اى تعب

روز وسامح / المايه والنار العند والكبرياء روز بعندها تعبت سامح وسامح بكبرياءه تعب روز وعاشو فى شقة شريف بعد عدم راحة سامح فى الفيلا روز الحمل تعبها جدآ وشبه نايمه شهور الحمل كلها على السرير بأمر من الدكتوره
____________________________

فى شقة سهى وريان

دخلت سهى الاوضه اللى نايم فيها ريان وفتحت النور علشان تاخد هدومه المحتاجه غسيل علشان تغسلها
ريان / بزعيق انتى يا بهيمه اطفى النور ده
سهى / بزهق استغفر الله العظيم على الصبح هاخد الهدوم وهطلع
ريان / ايه يا هانم مش عجبك كلامى ولا ايه شيفك بتزهقى
سهى / ولا بتزهق ولا نيله انا خلاص اخد الهدوم وخارجه كمل نوم
ريان / قام من على السرير ومسكها من شعرها وقال شكلك واحشك الضرب هتتعدلى ولا اعدلك
سهى / اااه شعرى سيب شعرى يا ريان
ريان / شد شعرها اكتر وقرب لودنها وقال شكلك نسيتى نفسك يا رخيصه ومفكره نفسك واحده انتى واحده ولا تسوى واحده شمال واحمدى ربنا أن انتى على ذمتى لحد دلوقتى غيرى كان رماكى على ماضيكى الوسخ واللى أهلك عملوه فيا
سهى / بألم ودموع رخيصه علشان حبيتك انت اللى طلعت واحد ندل وايه غصبك على العيشه معايا
ريان / تيجى ليا الفرصه بس وهرميكى لكلاب السكك يا رخيصه ومش هتلاقى حته تنامى فيها أهلك اعتباروكى ميته علشان حطيتى راسهم فى الطين وزقها وقعها على الأرض وقال قومى انجرى اعملى ليا واحد قهوه
سهى / بصت ليه بدموع وكسره وقامت وقفت واخدت الهدوم من على الأرض وخرجت وهى مكسوره
ريان / بصلها بقرف وقال عيله هم ودخل البلكونه وطلع سيجاره ولعها وقعد يشربها
_____________________________
فى فيلا عاطف وملك

فى اوضت عاطف

صحيت ملك من نومها ملاقتش عاطف نايم جنبها قامت بلهفه وخوف دورت فى الاوضه ملاقتهوش لبست الروب بسرعه ونزلت تجرى واتفاجئت أن الصور كلها اتشالت ومحطوط الصور بتاعتها هى حطت ايديها على بؤقها ودموعها نزلت من الفرحه وفى الوقت ده حست بأيد بتحاوطها من وسطها
عاطف / قرب من رقابتها وبسها وقال ايه رأيك
ملك / بدموع انت عملت كل ده علشانى
عاطف / لفها ليه وقال دى حاجه بسيطه على اللى عملتيه معايا يا ملك انا عمرى مش شويه عليكى
ملك / مقدرتش تتكلم اترمت فى حضنه وقالت بدموع بحبك اوى اوى يا عاطف
عاطف / انا بجد كنت عبيط لما ما شوفتش النعمه اللى ربنا بعتها ليا بعشقك يا ملك وبص فى عينيها وقرب من شفايفها ولسه هيبوسها
بيلار ورائف / صقفو وقال هيييييييا هيييييييا
ملك / اتخضت وبعدت عن عاطف وبصت ليه وضحكو الاتنين وقالت يلا يا حبايب ماما علشان تاكلو
عاطف / حط أيده على كتف ملك وبسها من راسها وشال بيلار وبسها من راسها وملك شالت رائف وبسته من راسه وقال ربنا يخليكم ليا وميحرمنيش منكم ابدآ ومشو الاربعه على ترابيزة السفره
____________________________
فى شقة سامح وروز

سامح فتح عينه بص جنبه على روز ملاقهاش نايمه بص فى الساعه وقام من على السرير خرج من الاوضه وبص على اليمين وعلى الشمال بس سمع صوت روز بتغنى فى المطبخ اتنهد وقال
سامح / ارحمنى يارب من العذاب ده ودخل المطبخ وقال بتعملى ايه يا آخرة صبرى
روز / اتخضت وقالت وهى الاكل فى بؤقها ايه يا عم انت فيه حد يدخل على حد كده خضتنى
سامح / يا عم انت وربع أيده على صدره وقال والله وعايزانى ادخل ازاى حضرتك
روز / وهى الاكل فى بؤقها معرفش اتنحنح كح اعمل اى منظر
سامح / لالالا كده كتير اقسم بالله يا بنتى ارحمى نفسك بقيتى شبه الشوال شغاله اكل اربعه وعشرين ساعه ده انا ساعات مش بلاقى اكل ليا بتاكليه يا مفتريه
روز / وهى الاكل فى بؤقها الله اكبر انت هتحسدنا ولا ايه مش باكل لاتنين انا وابنك
سامح / ابلعى الاكل الاول اللى فى بؤقك ده الله يقرفك
روز / حطت ايديها فى ضهرها وقالت ااااه عينك رشقت يخربيتك
سامح / ما هو بيتى هو بيتك يا حبيبتى
روز / اااااه لالالا هو فيه ايه شكلى هولد ولا ايه
سامح / وانا ايه عرفنى بتسألينى انا
روز / ااااااه لالالا مش وقت برودك خالص يا سامح اتصرف هتقعد تتفرج عليا كتيررررر
سامح / احسن من اللغ اللى كنتى بتلغيه دلوقتى
روز / اااااه سااااااامح ابوس ايدك بطل استفزاز
سامح / قعد وقال والله انا كده لو مكنش عجبك
روز / انت هتقعد قوووووم
سامح / قد ايه فرحان فيكى مش كنتى هتموتى على الحمل والولاده البسى بقى
روز / عااااااااااا يا بارد يا سامح موته تشيلك يارب بموووووت اخلص
سامح / يلا كله على الله على الأقل هتجوز واحده جديده عاقله تريحنى بدل ما انتى مطلعه عينى
روز / يا دادى تعال الحق بنتك يا مامى
سامح / دادى ومامى طيب خليهم ينفعوكى بقى ولسه هيمشى
روز/ رايح فين يا سامح ااااااه حرام عليك والله
سامح / شاف حالتها كده صعبت عليه شالها ونزل بيها وقف تاكسى وراح على المستشفى
روز / عاااااااا انت جايب ليا سواق على ما تفرج يا سامح اشوف فيك يوم ابن نبيله الكتعه اااااااه هموت هموت هموت وضربت السواق على افاه
السواق / ااااااه فيه ايه يا مدام ميصحش كده
روز / أجرى يا ابن الورمه هولد فى ام التاكسى ده اشوف فيك يوم يا ابن نبيله اشوف فيك يوم
سامح / انا اسف اسف بجد مش عارف اقولك وبص لروز وقال أهدى اتفضحنا بسبب صوتك ده
روز / ياااااااارب اخرسه خالص اااااااه وبصت لسواق وقالت امشى يا ابن المنكوبه
وبعد وقت وصل التاكسى على المستشفى ونزل سامح وشال روز ودخل بيها
السواق ما صدق انها نزلت وبص عليها بغيظ ونفخ ومشى
سامح / حط روز على السرير وكشف عليها الدكتور وقال ولاده وبعد وقت دخلت ولادة والكل عرف وجم باركوا لروز وسامح وكانو فرحانين بنزول البيبى الجديد وخرجت روز من المستشفى وروحو على البيت هى وسامح وبنتهم
____________________________
فى فيلا شريف ولميس

دخل شريف من باب الفيلا وشاف لميس قاعده فى الجنينه وسرحانه وبتشرب قهوتها بصلها بأنكسار واتنهد وراح عندها وقال
شريف / بتعملى ايه يا حبيبتى
لميس / حمدالله على السلامه يا حبيبى
شريف / الله يسلمك يا قلبى بتعملى ايه
لميس / ولا حاجه كنت قاعده زهقانه قولت اقعد فى الجنينه اشم شوية هوا
شريف / حقك عليا يا لميس انا مقصر فى حقك اوى
لميس / يا حبيبى متتأسفش انت ربنا يقويك على الشغل انا مش زعلانه لأنك اول ما يكون عندك وقت بتخرجنى من غير ما اطلب منك
شريف / قعد على ركبته فى الارض قصادها ومسك ايديها وقال انا بحبك اوى اوى يا لميس انتى نعمة من ربنا كبيره بعتها ليا ومش قادر افرحك ربع ما انتى مفرحانى
لميس / باست أيده وقالت انا طول ما انا جانبك فرحانه وسعيده ومبسوطه مش عايزه اى حاجه تانى من الدنيا
شريف / كان نفسى يكون لينا بيبى حته منى ومنك نفسى اخليكى ام ومفيش ولا طريقه جايبه نتيجه وكل مره تفشل وميحصلش حمل
لميس / يا حبيبى خليك واثق فى ربنا مستحيل يضيع تعبنا ده على الفاضى انا حاسه ان ربنا شايل لينا فرحه كبيره اوى بس كلها مسألة وقت مش اكتر وبعدين انا عملة عملية الحقن وان شاءالله يحصل حمل انا ماشيه على كلام الدكتور زى ما قال بالظبط
شريف / بدموع يارب يا لميس يارب انا عشمان أن يحصل حمل المرادى
لميس / مشيت ايديها على راسه وقالت إن شاءالله يا حبيبى يلا يا قلبى علشان ناكل
شريف / وقف وقال خليكى انتى انا هحضر الاكل
لميس / لفته وزقته من ضهره وقالت انت تدخل الاوضه تغير هدومك اكون انا حضرت الاكل
شريف / لف وشدها فى حضنه وضمها جامد وبسها فى راسها وقال بحبك يا عمرى وبعد تانى عنها ودخل اوضه غير هدومه وخرج اتغدو الاتنين مع بعض
___________________________
فى فيلا احمد وساره

فى اوضت أحمد وساره

كانت ساره فى الحمام بتاخد شاور وبنتها تالين بتعيط فى الاوضه لوحدها وشويه سكتت تالين واستغربت ساره قلقت لبست البورنص وخرجت تجرى من الحمام لاقت احمد شايلها وبيلعبها راحت عنده وقالت
ساره / انت جيت امته يا قلبى
أحمد / بسها فى خدها وقال لسه واصل ولاقيت توته حبيبة قلبى بتعيط ومحدش معاها
ساره / انا يدوب نيمتها ودخلت اخد شاور لاقتها صحيت وبتعيط بس استغربت لما لاقيتها سكتت لوحدها
أحمد / بنظرة شهوانيه بصلها من فوق لتحت وحط أيده وراه ضهرها وقربها ليه وقال شكل البورنص هياكل منك حته
ساره / اتكسفت وحاولت تبعد عنه وقالت احم هلبس وانزل احضرك الاكل
أحمد / قربها اكتر ليه وقال جنب ودنها بصوت واطى لا خليكى انتى زى ما انتى كده وانا هنزل دقيقه واحده وطالع ليكى
ساره / رايح فين
أحمد / راح عند الباب وفتحه وقال خليكى زى ما انتى فاهمه ونزل يجرى ومعاه تالين وطلع تانى ودخل الاوضه وقفل الباب وراه
ساره / فين تالين
أحمد/ وهو بيقرب ليها قال سبتها مع ماما
ساره /فهمت احمد عايز ايه قالت ا.ا.احمد ابعد انا تعبانه مع تالين ومش قادره
أحمد / قرب ليها وشدها فى حضنه وقال انا هنسيكى اى تعب يا عمرى وقرب على شفايفها وبسها ومد أيده شد حزام البورنص ووقعه من عليها وشالها حطها على السرير وفتح زارير القميص وقلعه حدفه على الارض وقرب منها و(سكتت شهرزاد عن الكلام الغير مباح 😉😉)
____________________________
فى فيلا اسلام وجهاد

كانت جهاد رايحه جايه بأبنها ادم وهو بيعيط ومش عارفه تسكته ازاى وقالت
جهاد / يووووه بقى فيك ايه مش عايز تسكت ليه زن زن علطول حرام بقى
اسلام / مالك يا قلبى
جهاد / انا تعبت نوم مش بعرف انام حمام مش بعرف ادخل حتى اللقمه مش عارفه اكلها زى الناس معرفش بيعيط كتير كده ليه
اسلام / باس راسها وقال أهدى يا حبيبتى وبعدين احنا مش روحنا لدكتور وقال العياط ده شئ طبيعى ليه ومفهوش حاجه
جهاد / ايوه بس مش عارفه اسكته ازاى
أسلام / حقك عليا يا جهاد مش عارف اساعدك الشغل واخد كل وقتى
جها / ولا يهمك يا قلبى ربنا يقويك
اسلام / امال فين عبير
جهاد / فى اوضتها فوق
عبير / انا جيييييت حبيب عمتو مالو واخدته من ايد جهاد
جهاد / والله خديه وريحنى ده عيل زنان
عبير / اتلمى يا بت متقوليش كده على دومى ده عسل
جهاد. / الله يعسل أهلك واحد واحد
عبير / بسته من راسه وقالت تعال فوق يا اتى نقعد مع بعض دول ناس وحشين واخدته وطلعت
اسلام / مش هتكلى يا عبير
عبير / لا يا سومه مليش نفس ودخلت اوضتها وهى معاها ادم
اسلام / بص لجهاد وشدها فى حضنه وقال ما تيجى والولا مش معانا كده
جهاد / اسلام اتلم احسن ما عبير تنزل وتشوفنا كده
اسلام / ما تشوف وانا بحضن حد غريب انتى مراتى وقرب من شفايفها وبسها برقه
جهاد / يا اسلام بس بقى
اسلام / بسها تانى وقال لاء وطول البوسه
عبير / احم احم
جهاد / زقته وقالت بتوتر احم ف.ف.فيه حاجه يا عبير .
عبير / الولا جعان جيت اخد الببرونه بتاعة اللبن شكلى جيت فى وقت غير مناسب
جهاد / احم اتلمى يا عبير وخدى اللبن واخلصى
عبير / وهى بتكتم ضحكتها قالت عيب على فكره الحاجه دى فى اوضت النوم مش فى العام كده واخدت اللبن وطلعت
جهاد / عجبك كده قولتلك بس
اسلام / وهو بيكتم فى ضحكته قال الله وهو حصل ايه يعنى
جهاد / ولا حاجه وسابته وطلعت
اسلام / طلع يجرى وراها وهو بيضحك على جهاد وقال جوجو يا مجنونه يا بت ودخل وراها الاوضه
جهاد / دخلت قعدت على السرير
اسلام / قعد جنبها وقال فيه ايه مجنونه
جهاد / اتكسفت بسببك يا اسلام
اسلام / خلاص يا جوجو بقى وقرب منها ومسك وشها مابين ايديه وبص على شفايفها وقال بحبك يا جهاد وهعيش واموت احبك وقرب على شفايفها ولسه هيبوسها جرس الباب رن بعد وقال بأستغراب مين اللى جاى لينا
جهاد / احم انزل افتح وانت تعرف
اسلام / انا ليه حاسس انك عارفه مين على الباب
جهاد / احم وانا هعرف م.م.منين
اسلام / جايز ووقف ونزل فتح الباب واتفاجئ وقال انت
ابو اسلام / ايوه انا يا ابنى
اسلام / ايه جابك هنا مش قولتلك مش عايز اشوف وشك تانى
ابو اسلام / سامحنى يا ابنى سبق واعتذرت منك وانت مش عايز تسامحنى عارف ان غلط فى حقكم بس كنت مفكر أن السعاده بالنسبه ليكم جمع الفلوس والعيشه المرتاحه
اسلام / هه لا والله الفلوس حبك لينا بتقدره بالفلوس عارف انا ميشرفنيش تكون ابويه انا عشت اوقات كتير اوى اخ واب وام لعبير ده لو مكانش ستر ربنا معانا كان زمان مستقبلى ومستقبل اختى هيضيع والسبب انتو انت ومراتك اللى مفروض تسأل على ولادها وانت كان كل همك جمع الفلوس وبس عمرك ما حاولت تطمن علينا وتسأل ازاى عايشين كل علاقتك بينا فلوس وبس
جهاد / انسى يا اسلام انت اب واكيد حاسس بأحساس ابوك خليك رحيم بيه مهما حصل هيفضل ابوك اللى ربنا وصاك بحسن معاملته مهما حصل
اسلام / بعصبيه انتى كنتى عارفه أن هو جاى
جهاد / بصت ليه وسكتت
اسلام / بعصبيه ردى عليا
جهاد / بخوف ا.ا.ايوه سامحو علشان خاطر ادم وقبل الكل علشان خاطر ربنا
اسلام / داس على سنانه وقال حسك عينك تتكلمى فى الموضوع ده
ابو اسلام / ملكش دعوه بيها انا اللى صممت ان انا اجيلك
وفى الوقت ده نزلت عبير وقالت
عبير / فيه ايه صوتكم عالى كده ليه واتصدمت وقالت انت انت بتعمل ايه هنا اطلع بره
ابو اسلام / بصلها بدموع وقال بنتى حبيبتى واحشتى ابوكى يا قلبى
عبير / بدموع انا مش حبيبت حد انا ابويه مات مات من زمان اوى
ابو اسلام / بدموع لالالا متقوليش كده يا بنتى حقك عليا انا اسف بجد
جهاد / حرام والله مهما حصل ده ابوكم مسمعتوش عن حاجه اسمها بر الوالدين
اسلام / انتى اسكتى خالص فاهمه
ابو اسلام / سامحونى ارجوكم خلينى اعيش الباقى من حياتى فى وسطكم ووسط احفادى
جهاد / اسلام بلاش تكون قاسى سامح ابوك وافتكر شعورك واحساسك لما كنت غلطان فى حقى وبتحاول تخلينى اسامحك مفيش حد مش بيغلط احنا بشر مش ملايكه لو انا غاليه عليك اوى سامح ابوك
اسلام / بدموع انا مهما اقولك المأساه اللى عشناها بسببه بسبب جشعه على الفلوس انتى اكتر واحده اتأذيتى منى والسبب فى الشخصيه الزباله اللى انا كنت فيها دى هو عدم تواجده معانا كانت كل علاقتنا ببعض فلوس بيبعتها لينا
جهاد / وعرف غلطه سامح ده ربنا غفور رحيم احنا بشر ولازم نغلط يا اسلام
ابو اسلام./ اوعدك هعوض ليكم لو جزء بسيط من بعدى عنكم
وقرب منه وشده فى حضنه
اسلام / عيط وقال ليه عملت فينا كده ليه ليه ومسك فيه زى الطفل الصغير
ابو اسلام / بدموع ياااااه يا ابنى حقك عليا حرمانى من حضنكم طول السنين دى اكبر عقاب ليا والله وقعد يطبطب عليه وبص لعبير وفتح ليه دراعه وقال تعالى يا بنتى تعالى
عبير / بصت على دراعه وطلعت تجرى. على حضنه واترمت فيه وقعدت تعيط
جهاد / كانت فرحانه باللى بيحصل وانهم سامحو بعض
ابو اسلام / ربنا يخليكم ليا وميحرمنيش منكم يارب وقال تعالى انتى كمان يا بنتى تعالى
جهاد / فرحت وراحت معاهم وحضنتهم كلهم وكانت سعيده لقربهم لبعض

🌷الخاتمه ج 2 والاخير 🌷

فى فيلا امير

فى اوضت ريم ومحمود

كانت ريم نايمه فى حضن محمود وبيتكلمو مع بعض وقالت
ريم / عارف يا حوده رغم انك الاول كنت لعبى وبتاع بنات وكنت بقول عمرك ما هتتغير بس الصراحه بعد الجواز بقيت انسان تانى خالص انسان مخلص وبيحب بجد من قلبه وفعلا انا محظوظه جدآ بيك
محمود / يا قلبى انا الاول كنت كده لان قلبى كان فاضى بس من ساعة ما دخلتى قلبى وانا عينى مبقتش تشوف غيرك انت بقيتى كل حياتى ربنا يخليكى ويخلى ابننا يارب
ريم / بحبك اوى يا محمود عارف انا بحبك من اول ما واعية على الدنيا من ساعة ما فتحت عينى عليك وشوفتك طول عمرى كنت بشوفك انت فتاه احلامى كنت بموت مليون مره لما اشوفك مع واحده وكنت بسأل نفسى تملى ليه محمود مش شيفنى قدامه طيب اللى بيمشى معاهم دول فيهم ايه احسن منى لدرجة كنت بقعد اراقبك من بعيد واشوف ايه عجبك فى البنت اللى بتبقى ماشى معاها واروح البيت وأقفل على نفسى باب الاوضه بتاعتى واعمل فى نفسى زى ما البت اللى انت ماشى معاها بالظبط البس لبس زهره واحط مكياج زيها واسيب شعرى وأفضل ماشيه فى الاوضه زى ما بشوفها ماشيه معاك
محمود / ههههههههه طول عمرك مجنونه يا قلبى بس سبحان الله كنت بشوفك شخصيه هاديه ازاى معرفش ههههه
ريم / بطل غلاسه انا اتعذبت فى حبك كتير اوى حتى الكليه دخلتها حقوق علشان ابقى زيك بالظبط
محمود / قد ايه انا كنت واحد غبى واعمى علشان مشوفش حبك ده كله ليا
ريم / متغلطش فى نفسك لو سمحت
محمود / بعشقك يا ريمو وبعشق جنانك وبعشق كل حاجه فيكى
ريم / وانا بموت فيك يا قلب ريمو
محمود / قرب منها ولسه هيبوسها
ريم / زقته وطلعت تجرى على الحمام وقعدت ترجع
محمود / قام يجرى وقال بخضه مالك يا قلبى
ريم / وهى ماسكه معدتها قالت مش عارفه نفسى غمت عليا اول ما قربت ليا
محمود / هو فيه ايه الفار بدء يلعب جوايا مش انتى كنتى بتعملى كده ايام المحروس ابنك
ريم / بصدمه اه صح تصدق أن ممكن يكون ده حمل لان من الصبح وانا مش طايقه ريحة الاكل
محمود / بصدمه نعععععععععم يا اختى حمل وحصل ازاى ده انتى مش بتاخدى حبوب منع الحمل
ريم / احم لاء
محمود / نعم لاء
ريم / ايوه مش باخد لان انا برضع مروان ومش بتنزل البريود وخالتى امينه قالت إن كده انا برضع نضيف ومش هيحصل حمل غير لو فطمت مروان
محمود / يا فرحة امك بيكى وانتى سمعتى كلام امى ده على اساس انها دكتوره مفيش حاجه اسمها كده يا جاهله ده كلام الستات بتوع زمان علشان كده كلهم عندهم دستة عيال اقول ايه اشوف فيكى يوم يا بعيده هو انا لحقت ارتاح شويه من صداع مروان علشان تجيبى ليا عيل تانى
ريم / وانا ايه عرفنى بقى ما امك اللى قالت ليا كده معرفش أن هيحصل حمل
محمود/ بصلها بغيظ وطلع من الحمام وسابها
ريم / طلعت تجرى وراه وقالت محمود يا محمود
محمود / عايزه ايه من زفت الطين محمود
ريم / بالله عليك متزعلش منى لو على البيبى انا ممكن اروح أنزله
محمود / بعصبيه ايه الكلام العبيط اللى بتقوليه ده استغفرى ربنا يا شيخه مستحيل نكفر بربنا ونعمل كده
ريم / طيب انا ذنبى ايه بس هو ربنا عايز كده
محمود / اتنهد وقال ونعمه بالله خلاص يا ريم الحمدالله على كل شئ وربنا يقويكى ويقوينى انا كمان على جنانك طول فترة الحمل تصبحى على خير ونام واستغطى
ريم / انت هتنام من دلوقتى لسه بدرى اقعد معايا شويه
محمود / انا تعبان ومش قادر مهدود حيلى فى الشركه طول النهار
ريم / ماشى ربنا يقويك هروح اشوف مروان وخرجت من الاوضه
محمود / بص على الباب مكان ما خرجت واتنهد ونام
____________________________
فى اوضت امير وزهراء

كان امير قاعد على السرير وماسك بنته اميره وقاعد يلاعب فيها وزهراء قاعده على الكنبه وبتبص عليهم

امير / حبيبت بابا يا ناس قلبه من جوه انتى ملكة قلبى وأميرة حياتى بتضحكى انتى عارفه انا بقول ايه وبعدين بص على زهره وقال مالك قاعده تبصى علينا كده
زهراء / شايفه الست اميره واخداك منى خالص وعلطول قاعد تلاعب فيها وناسينى
امير / قام وقف وراح عندها وقعد جنبها وضحك وقال ههههههههه انتى غيرانه من بنتك
زهراء / انا بغير عليك من الدنيا كلها حتى من بنتك
امير / حط أيده على كتفها وشدها فى حضنه وقال يا عبيطه دى بنتى وبحبها لأنها حته منى ومنك ربنا يخليكم ليا وميحرمنيش منكم ابدآ
زهراء / ويخليك ليا انا واميره على فكره انا بهزر معاك ده انا افرح لما اشوفك بتحب بنتى اكتر منى ده دليل على حبك ليا يا عمرى
امير / ربنا يكملك بعقلك يارب يا زوزو
زهراء / مش ناوى تنام طيب
امير / طبعآ ده انا هموت وانام اليوم النهارده كان متعب اوى فى الشركه
زهراء / معلش يا حبيبى ربنا يقويك هات اميره انيمها على سريرها
امير / بص عليها لاقها نامت فى حضنه قال لاء سبيها انا هنيمها فى السرير علشان متصحاش
زهراء / ماشى يا قلبى
امير / حط اميره فى سريرها وراح نام على السرير واخد زهره فى حضنه وقال واحشتينى
زهراء / بكسوف نام يا يا أمير مش بتقول انك تعبان فى الشغل النهارده
أمير / يابت حتى لو تعبان قربى منك بينسينى اى تعب
زهراء / خلاص براحتك
أمير / وهو بيقرب منها قال راحتى هنا وشاور على شفايفها وقال دول فيهم الشفا لكل تعبى ولسه هيبوسها اميره عيطت
زهراء / زقته وقامت تجرى شالت اميره
امير / اتنهد وقال ايه يا حبيبت بابا مش وقتك خالص مفيناش من شغل التقطيع ده
زهراء / ههههههههه قلبت عليها يعنى
امير / لاء طبعآ بس تحسى انها بتغير عليا منك كل ما اجى أقرب منك تفتح فى العياط ده
زهراء / هههههههه شكل الايام الجايه هتبقى فيه مجازر بينى وبين بنتك بسببك
امير / يا لهوى وانا اطول لما احلى ملكتين يتخانقو عليا
زهراء / ههههههههه طيب نام انت بقى علشان شكل الملكه الصغيره ناويه تسهر الملكه الكبيره
أمير / طيب ما تجيبى اديها لريم ومحمود يقعدو بيها شويه
زهراء / ريم ومحمود هههههههه انت ادعلهم بس ربنا يقويهم على مروان ده مطلع عينيهم نام بقى مفيش نصيب يحصل حاجه النهارده
امير / اتنهد وقال حرام والله
زهراء / هههههههههههه
امير / بتضحكى ماشى يا زوزو براحتك تصبحى على خير
زهراء / وانت من أهله يا قلبى
امير / بعت ليها بوسه فى الهوا وغمز ليها وقال بحبك
زهراء / بحب وانا بعشقك
امير / غمض عينه ونام وسهرت زهره طول الليل بأميره
____________________________
وبعد مرور ثلاث سنوات

امير وزهراء / عندهم اميره تلات سنين وكرم سبع شهور

محمود وريم / عندهم مروان تلات سنين وشهور ومؤمن سنتين وياسمين وياسين توأم اربع شهور

شريف ولميس / معاهم توأم تسع شهور حسام وداليا

سامح وروز /معاهم بيسان سنتين

جهاد واسلام / معاهم ادم سنتين وكام شهر

ساره وأحمد / معاهم تالين تالت سنين وحامل فى ولد شهرها التاسع

مالك وعاطف / معاهم رائف وبيلار وحامل فى شهرها السابع

عبير / لسه مرجعتش لحسام

حسام / سافر خارج مصر هربان من التار وبيحاول يكلم عبير علشان تسامحه

سهى / أطلقت من ريان ورجعت تانى تعيش عند اهلها

____________________________
فى فيلا اميره

اشرقت شمس صباح يوم جديد بنورها الساطع فى سماء الاسكندريه لتبدء زهره بفتح عيونها بصت جنبها ملاقتش امير وفى الوقت ده خرج امير من الحمام وقال
امير / صباح الخير يا حبيبتى
زهراء / صباح النور يا قلبى
امير / كل ده نوم
زهراء / كتر خيرى سهرانه طول الليل مع كرم
امير / معلش يا حبيبتى الله يقويكى
زهراء / هقوم بقى علشان النهارده يوم عالمى عيد ميلاد الملكه اميره التالت
امير / أميرة قلبى كبرة وبقى عندها تلاتة سنين ربنا يخليهم لينا يارب هى واخوها كرم ونشوفهم احسن اتنين فى الدنيا دى كلها
زهراء / وقفت وراحت عنده وحضنته من ضهره وقالت ويخليك لينا يا احن زوج واب فى الدنيا دى كلها
امير / مسك ايديها وبسها وقال وميحرمنيش منكم يارب يا احلى واحن ماما فى الدنيا
زهراء / بحبك
امير / لف ليها وقال انا بعشقك يا زهره على قد التعب اللى شوفناه فى حياتنا بس ربنا رزقنا بأحلى اولاد فى الدنيا يجملو حياتنا ومكافئة تعبنا وعذبنا
زهراء / اتنهدت واترمت فى حضنه
امير / طيب ايه كده هفكر اخد اجازه من الشغل والغى عيد الميلاد واحبسك فى الاوضه وانا معاكى وغمز ليها
زهراء / بعدت عنه وقالت والله العظيم انت غلس
امير / هههههههه معانا اتنين ولسه بتتكسفى منى ههههههههههه
زهراء / احم هدخل الحمام علشان انزل اشوف ورايا ايه ودخلت تجرى على الحمام
امير / ههههههههه مجنونه ولبس هدومه وخرج من اوضه وقابل محمود وهو شايل بنته ياسمين
محمود / صباح الخير
امير / هههههه صباح النور يا ابو العيال هههههههه
محمود / بتضحك ليك حق ما انت مش عايش المعاناة اللى انا عيشها
امير / الله اكبر انت هتحسدنا ولا ايه وبعدين حد قالكم تجيبو كل العيال دى
محمود / اعمل ايه جابت اتنين وراه بعض ووراهم علطول جابت توأم علشان تكمل الجنان عندى وعندها ده انا ساعات بنسى اسامى العيال
أمير / هههههههههههههه
محمود / ربنا ما يوريك اللى اخوك شايفه اربعه وراه بعض وفى الوقت ده ياسين توأم ياسمين عيط فى الاوضه
امير / الحق ابنك بيعيط فين امهم
محمود / امهم بتغير لمروان و مؤمن
أمير / حالتكم ميؤس منها روح شوف ياسين قلبه اتقطع من العياط
محمود / ياسين مين
امير / بأستغراب ياسين مين انت نسيت ابنك يا محمود
محمود / اه صح انا معايا مروان ومؤمن وياسين وياسمين صح كده
امير / انت بتسألنى على عدد ولادك عليه العوض ومنه العوض روح يا ابنى روح وهز رأسه يمين وشمال ونزل وسابه تحت عند امه وقال صباح الخير يا امى
امينه / صباح النور يا حبيبى
اميره / صباح الخير يا بابى واترمت فى حضنه
امير / صباح النور يا اميرة بابا كل سنه وانتى طيبه يا قلبى
اميره / وحضرتك طيب يا بابى بس انا زعلانه اوى
امير / ليه يا قلبى
اميره / محدش من صحابى جم لحد دلوقتى حتى مروان منزلش وتوته بنت عمتو ساره مجتش
أمير / يا حبيبتى الغايب حجته معا وفى الوقت ده دخلت ساره وأحمد ومعاهم تالين
تالين / كل سنه وانتى طيبه يا ميرا
اميره / وانتى طيبه ايه اخرك كده
تالين / سورى بس مامى السبب بقت تقيله اوى فى الماشى
ساره / يا بت يا ام لسان طويل
امير / هههههههه حتى البت اشتكت منك
ساره / الله وانا اعمل ايه فى شهرى التاسع وبطنى تقيله اوى
امينه / ربنا يقومك بالسلامه يا حبيبتى
ساره / ربنا يخليكى يا ماما ويديكى الصحه
احمد / كل سنه وانتى طيبه يا ميرا
اميره / وحضرتك طيب يا عمو
أحمد / عقبال مية سنه ليها يارب
امير / ربنا يخليك يا ابو حميد وتفرح بولادك يارب
ساره / امال فين الباقى
زهراء / انا اهو نورتى يا ام كرش ههههههههه
ساره / ده على اساس ان حضرتك مكانش عندك كرش من كام شهر
زهراء / الحمدالله الكرش نزل اهو بس مطلع عينى
ساره / انتو السابقون ونحنو اللحقون هههههه
ريم / وهى نازله من على السلم وشايله.ياسين قالت وانا اعمل فى نفسى ايه بقى اربعه وفيهم تؤام ومطلعين عينى ده انا ليا الجنه بقى على اللى بشوفه من الولاد وابوهم
محمود / وهو نازل وشايل ياسمين قال والله ومال ابوهم بس ما طالع عين اللى خلفوه مع ولادك غلطان أن انا بساعدك
ريم / ها لا طبعآ انت حبيب قلبى يا حوده
محمود / دلوقتى حبيب قلبى يا حوده وجع فى قلبك يا شيخه
الكل / هههههههههههه
____________________________
انتهى اليوم وبدء الكل فى التجمع فى فيلا امير

وصل شريف و لميس وقال
شريف / كل سنه وانتى طيبه يا حبيبت خالو
اميره / وحضرتك طيب
لميس / ماشاءالله طالعه اميره بجد يا حبيبتى
زهراء / حبيبت قلبى ربنا يخليكى ويبارك فى عمر داليا وحسام يارب
شريف /ضم داليا لحضنه وقال حبيبت قلب ابوها معرفش ولو مكانوش جم فى حياتى كنت هعمل ايه
امير / ربنا يخليهم ليكم وتفرحو بيهم يارب ودخل شريف ومعاه لميس والتوأم داليا وحسام

وفى الوقت ده وصل سامح وروز

روز / كل سنه وانتى طيبه يا ميرا
اميره / وحضرتك طيبه
سامح / عقبال مليون سنه يا قلبى
اميره / ميرسى يا خالو
زهراء / ماشاءالله على الواد الأجنبى ده عسل يا بيسان ربنا يخليها ليكم يارب
روز / ربنا يخليكى يا زوزو
امير / اتفضلو جوه
ودخلو جوه

وفى الوقت ده وصلت سهى
امير وزهراء / بصو لبعض بأستغراب
سهى / اكيد مستغربين وجودى هنا بس احنا مهما حصل ولاد عم يا امير وانا ربنا عقبنى على كل اللى عملتو فيكم وريان طلع عينى وفى الاخر طلقنى ورمانى رمية الكلاب ارجوكم سامحونى
امير / يعنى لو مكانش ريان طلقك وسامحك كنتى ولا هيهمك تعتذرى مننا خالص
سهى / لاء والله يا أمير انا من ساعة اللى حصل وانا بيأنبنى ضميرى ارجوكم سامحونى حقك عليا يا أمير حقك عليا يا زهره
زهراء / بصت ليها شويه وقالت اللى انتى عملتيه مكانش شويه يا سهى انتى بسببك عشنا اسود أيام عمرنا بس علشان انتى جيتى لحد عندنا مسمحاكى يا سهى مهما كان الدم عمره ما يبقى مايه اتفضلى
سهى / بجد شكرآ يا زهره انتى طيبه اوى اوى ودخلت الفيلا
امير / ليه يا زهره ليه تسامحيها
زهراء / خلاص يا قلبى الماضى انتهى واحنا ولاد النهارده وهى جت ندمانه سامحها دى بنت عمك لحمك ودمك
امير / اتنهد وقال ماشى يا زهره بس خدى بالك منها برضه بلاش تأمنى ليها علطول
زهراء / حاضر

وفى الوقت ده وصلت جهاد واسلام وعبير

جهاد / كل سنه وهى طيبه
زهراء / وانتى طيبه يا حبيبتى
اسلام / عقبال ما تشوفها عروسه زى القمر
امير / عقبال ما تخاوى ابنك يارب
جهاد / مش دلوقتى خالص كفايه عليا اللى سى ادم عاملو فيا ده مطلع عينى
زهراء / ربنا يقويكى ويقوينى هههههههه
عبير / كل سنه وبنوتك طيبه يارب عقبال مليون سنه
زهراء/ وانتى طيبه يا بيرو
امير / مش ناويه تعقلى وتسامحى حسام بقى حسام بيحبك وحاول يعتذر ليكى كتير وانتى رافضه
عبير / بأنكسار وجعنى اوى يا امير موت فيا حته منى ومنه
امير / هو غلط بس كفر عن ذنبه كتير اوى وكفايا أنه هربان بره مصر علشان خايف من التار
عبير /ههه وهو اصلا كل كلامه بالتليفون لو عايزينى بجد مكانش قعد المده دى كلها بعيد ومحاولش ينزل لو مره واحده
زهراء / غصب عنه يلا يا حبيبتى ربنا يصلح الأمور اتفضلو جوه
ودخلو التلاته جوه الفيلا
زهراء / انت ليه مقولتش ليها أن حسام نزل مصر وجاى عيد الميلاد
امير / علشان متمشيش يمكن يقدر حسام يقنعها تسامحه
زهراء / ربنا يصلح الحال يارب

وفى الوقت ده جت ملك وعاطف وقالت

ملك / كل سنه وعرستنا طيبه
زهراء /وانتى طيبه يا قلبى
عاطف / كل سنه وبنتكم طيبه عقبال مليون سنه
امير / وانت طيب
عاطف / بنتك كانت وشها حلو علينا واتصالحنا انا وانت من سنه وعمالنا شركه مشتركه ما بنا وبقت من أكبر الشركات
امير / المهم انك بقيت كويس كل اللى كان بيحصل غصب عنك
زهراء / بقيتى فى الشهر الكام دلوقتى
ملك / السابع
زهراء / ربنا يكملك على خير ويخليلك رائف وبيلار يارب
ملك / اللهم امين وتفرحى بأولادك
امير / اتفضلو جوه
ودخل عاطف وملك والاولاد
زهراء / خلاص كده مفيش حد جاى تانى غير حسام
امير / مش مشكله تعالى نطفى الشمع وهو يجى براحته
زهراء / ماشى يلا ودخلو واتجمعو كلهم حاولين التورته
نبيله / دموعها نزلت وقالت ابوكم كان هيفرح اوى هو شايف أحفاده متجمعين كده ربنا يرحمك يا توفيق
زهراء / بدموع الله يرحمه يا ماما اكيد هو حاسس بينا وفرحان
ريم/ واحنا علطول بابا فى بالنا وعمرنا ما نقدر ننسا
سامح وشريف / ربنا يرحمه يارب
محمود / بلاش نكد الله يكرمكم يلا نطفى الشمع وقعدو يغنو وفى الاخر
شريف / يلا طفى الشمع يا حبيبتى
اميره / طفة الشمع والكل سقف ليها وفى الوقت ده سمعو صوت ضرب نار والكل طلع يجرى على الصوت واتصدمو لما شافو حسام مضروب بالنار ومرمى فى الارض
سهى / بدموع وصويت اخويه حساااااااام وطلعت تجرى عليه وقعدت فى الارض واخدت حسام فى حضنها
عبير / مشيت واحده واحده وهى الدموع نازله من عينيها وراحت عنده وقعدت جنبه ومشيت ايدها على مكان الرصاصه وقالت لا لا مستحيل يكون ده حقيقى ح.ح.حسام اصلا مش هنا حسام مسافر د.د.ده اكيد مش هو صح
حسام رد عليا حسام يا حسام انا سامحتك بس رد عليا ا.ا.انا اصلا مزعلتش منك لان انا بحبك حسام قوم بقى علشان خاطرى قوم علشان نجيب عيال كتير رد عليا بقى يا حسام
شريف / انتو واقفين تتفرجو عليه ما حد يتصل بالاسعاف بسرعه
محمود / ماشى ماشى واتصلوا بالاسعاف وبعد وقت وصلت عربية الإسعاف واخدت حسام وراحو بيه على المستشفى والكل راح وراه
____________________________
وصل حسام المستشفى

ودخل على اوضت العمليات وبعد وقت خرج منها
امير / راح عند الدكتور علشان يسأل على حالة حسام وقال خير يا دكتور طمنى
الدكتور / اطمن الرصاصه جت فى الكتف واحنا خرجناها والحاله مستقره ومفيش اى خطوره نهائى على حياته
امير / بفرحه بجد شكرآ يا دكتور
الدكتور / العفو هو دلوقتى اتنقل على اوضه وشويه وهيفوق وهيبقى تمام
امير / متشكر جدآ هروح اطمنهم
الدكتور / اتفضل
وخرج امير وهو فرحان طمنهم ودخلو الاوضه عنده
حسام / عبير امممم انتى فين امممم
عبير / احم انا هنا يا حسام
حسام / اممممم
امير / لسه مفقش من البنج
عبير / فعلا شكله كده
وبعد وقت حسام فتح عينه واحده واحده وبص حاوليه وقال
حسام / امممم انا فين
امير / حمدالله على سلامتك يا بطل الحمدالله جت سليمه
حسام / هو ايه اللى حصل ااااه
امير / فى حد ضربك بالنار بس الرصاصه جت فى كتفك واكيد الناس بتوع التار
سهى / حمدالله على سلامتك يا خويه
حسام / اتنهد وقال بتعب الله يسلمك يا سهى وبعدين بص لعبير وقال احلى حاجه أن قدرت اشوفك واشوف اللهفه اللى فى عينيكى عليا
امير / احم طيب يا جماعه تعالو نطلع بره بطل ما الاوضه مزحومه كده
الكل / خرج ولسه هتخرج عبير
حسام / عبير خليكى عايزك
عبير / وقفت من غير ما تبص ليه
حسام / بصيلى يا عبير انتى واحشتينى قوى
عبير / بصت ليه وهى عيونها كلها دموع
حسام / لا يا عبير مش عايز اشوف دموع فى عيونك ابدآ
عبير / وقفت قصاد السرير وقالت انا بتعذب يا حسام من يوم ما بعد عنى وكل مره اسمع صوتك بموت فيها وقعدت على السرير ونامت على صدره ودموعها نزلت اكتر وقالت واحشتنى اوى يا حسام اوى انت عارف لو كان حصلك حاجه كنت موت وراك مقدرش اعيش من غيرك فى الدنيا دى
حسام / كان بيتألم مكان ما حطه عبير راسها بس حاول يدارى وبسها فى راسها وقال وانا بعشقك انا من غيرك كنت بموت الدنيا مكانش ليها طعم وانتى مش فيها ربنا يخليكى ليا وميحرمنيش منك يارب
وبعد أيام خرج حسام من المستشفى وراح على المأذون وكتب كتاب عبير وراحت معاه على الشقه

النهايه

تمت بحمدالله

********

لقراءة الرواية كاملة اضغط على : (رواية فتاة انحنت من أجل الحب)