رواية قرار حور الفصل الثالث 3 بقلم نور محمد
رواية قرار حور الجزء الثالث
رواية قرار حور البارت الثالث
رواية قرار حور الحلقة الثالثة
:اهلا انتي خطيبه حسن؟
:ايوه
:اتشرفنا انا ابقى اخته هند
:الشرف ليا انا
:بصي بقى انا مش بحب اتكلم مع البنات امثالك لاني بقرف منهم بس عاوزه اقولك انك مستحيل تبقى مرات حسن اخويا
:علفكره امثالي الي بتقرفي منهم دول من خلقه ربنا يعني زيي زيك بس الفرق ان قلبي احلا واجمل من قلبك
:انتي بتردي عليا وكمان بتغلطي فيا انا يازباله طيب تعالي بقى اعرفك مقامك فين؟
قربت هند ومسكت حور من حجابها بعنف ونزلت فيها ضرب وحور فضلت تصرخ وهي بتبعدها عنها
وفجأه لقت شخص سحبها بقوة بعيد عن حور وضربها كف قوي رن في المكان كله قدام الكل
وقال بغضب عارم:انتي ازاي تمدي ايدك عليها
بخوف وصدمه:حسن انت بتمد ايدك عليا علشان دي
بحده:ايوه أمد ايدي عليكي وكمان هكسر رقبتك وايدك لو اتمدت على حور تاني ياهند
:حسن انت اجننت بتمد ايدك على اختك انت عمرك مامديت ايدك عليها
:صحيح ياامي انا عمري مامديت ايدي عليا بس لما تغلط لازم امد ايدي، ودي اخر مره اشوفك بتمدي ايدك على مرات اخوكي المستقبليه ياهند فاهمه
هند نزلت دموعها بخوف منه ومردتش عليه، فصرخ في وشها بغضب
:مش سامع صوتك، ردي عليا
:حـ حاضر
:تمام إعتزري لحور على الي عملتيه معاها ياله
:بس انا مش غلـ…
قاطعها بغضب جامح:انا قولت ايه اعتزر منها حالا اخلصي
بخوف:حاضر انا اسفه ياحور سامحيني
: كده تمام خديها ياأمي من وشي مش عاوز اشوفها قدامي دلوقتي
:ماشي ياحسن تعالي يابنتي معايا
:انتي كويسه ياحور؟
: ايوه كويسه واسفه كل ده حصل بسببي
:اسفه على ايه انتي عملتي ايه؟ بصي دي ناس بتقيم الانسان بجماله الخارجي لكن جوهره الحقيقي محدش منهم بيقدر يشوفه وأي حد يقولك انك مش قمر ياحور يبقى مريض نفسي ومش انسان من الاساس
:شكرا ياحسن كلامك ريحني اوي
:حور انا عاوزك بس تبقى دايما على طبيعتك، انا اللي شدني ليكي هو انك دايما على طبيعتك يعني من جوه وبره نضيفه مش زي باقي البنات
:حاضر ياحسن، انا هفضل طول عمري كده
:وانا عاوزك تشاركيني حياتي كلها وانتي كده
:طيب ممكن توصلني للبيت علشان انا تعبانه
:حاضر ياحوري ياله بينا
:شوفتي اللي عمله فيا ياماما ضربني وهزقني قدام الناس كلها علشان الزباله دي
:اهدي ياهند انا مش عارفه ازاي حسن يعمل كده ده عمره ماعمل معاكي كده في حياته
:كله بسببها الزباله دي انا مش فاهمه ازاي بيبص عليها اصلا دي وحشه اوي ياماما
:حتي انا قولت كده برضو وحاولت اضغط على اهلها بشروط علشان يرفضوا بس المشكله انهم وافقوا رغم كل ده
:اكيد هيوفقوا ياماما اصلا هيلاقوا مين تاني يبص لبنتهم دي وحسن اخويا عريس لقطه طبعا
:عندك حق بس وحياتك لازم افركش الخطوبه دي واخربها عليهم، وحقك هاخده منها لازم اخليه يسيبها ويضربها كمان قدام الكل، زي ماعمل معاكي
: بجد ياماما طيب هتعملي ايه؟
: اصبري وهتشوفي بنفسك
وعند حور حسن وصلها بعربيته وطلعت البيت وهي فرحانه اوي وبتغني كمان بسعاده
:بسم الله مشاء الله ايه البسمه العسل دي
بكسوف:شكرا يابابا كلك زوق
:طيب ممكن اعرف مين سببها علشان اروح ابوسه
بضحك:عيب يابابا متقولش كده وبعدين انا بغير عليه
:بسرعه دي لحقتي تحبيه ياحور
:بصراحه ايوه حبيته يابابا من معاملته معايا وكلامه الحلو علق قلبي بيه اوي
:ربنا يديمها عليكي فرحه يابنتي
:امين يارب يابابا عن اذنك هدخل ارتاح شويه
:تمام ازنك معاكي ياحبيبتي
دخلت حور غرفتها بسعاده وهي بتتذكر كلام حسن وقلبها بيدق بقوه من الفرحه،وفي صباح اليوم التالي صحيت على رنت الفون وطبعا كان حسن
:صباح العسل ياحوري
:صباح النور ياحسن
:نومتي كويس امبارح؟
:ايوه الحمد لله
:طيب معاكي حاجه تعملها دلوقتي؟
:لا ليه بتسئل؟!
:بصراحه انا حابب اخرج افطر معاكي دلوقتي ممكن
بفرحه:اكيد ياحسن ممكن بس هقول لبابا وماما الاول ماشي
:تمام انا هستناكي تحت العماره متتأخريش عليا
:حاضر ياحسن سلام
:سلام ياحوري
قامت حور بكل نشاط وهي فرحانه اوي بمكالمته لها وطلعت بسرعه من الغرفه
:بابا ماما انتو فين؟
:مالك ياحور انتي كويسه؟!
:ايوه كويسه كويسه اوي، حسن كلمني يابابا وعاوز اخرج معاه نفطر سوى ممكن اخرج معاه ارجوك
بفرحه لفرحه ابنته:ممكن طبعا ياحبيبتي المهم ابتسامتك دي عندي
:شكرا يابابا انت احلا بابا في الدنيا
:ربنا يسعدك يابنتي دايما
وبعد وقت جهزت حور نفسها بفرحه كبيره ونزلت تحت لقت حسن في انتظارها
:اتأخرت عليك
:لا اتفضلي اركبي ياحوري
:شكرا ياحسونه
:بلاش حسونه، حسن احسن
:حاضر ياحسن
وصلوا لنادي سوى وحسن كان فرحان معاها وبعد ماطلبوا الاكل
:الاكل حلو ياحور
:ايوه حلو اوي ياحسن
:ده علشان انتي بتحلي كل حاجه ياحوري
اتكسفت منه ومردتش عليه وفجأه سمعت صوت شخص تاني من خلفها بيقول
:ايه ده انتي هنا وحشتيني اوي ياحور
بغضب:انت مين وتعرفها منين؟
ببرود:انا حبيبها انت تبقى مين بقى؟
بغضب وغيره:انا ابقى خطبيها….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية قرار حور)
