رواية عافك الخاطر الفصل السادس 6 بقلم رويدا القاضي
رواية عافك الخاطر الجزء السادس
رواية عافك الخاطر البارت السادس
رواية عافك الخاطر الحلقة السادسة
صالحة: اهلين وسهلين نورتوني….
لطيفة: الحوش منور بأهله ..
مسرة: اهلا كيف حالك اعميمه كيف حال البنات ..
لطيفة:اسمعي من توا المرة الجايه راهو عليك الزيارة.
صالحة: اكيد حتى نطمن ع محسن بالله كيف حاله توا ان شاء الله بخير…
لطيفة: ربي يلطف بيه وخلاص هذا مابنقول …
محسن:وينك روح سيب كل شئ وروح انا محتاجك ..
أنس: عارفني عالق ونتم في اوراق الاقامة متعي ..
محسن: حياتك كلها فاتت في الغربه روح ياخوي
راني انكسرت .
أنس: ديما يامحسن نقولك راك تسمع كلام امك راهي بتودرك ….شئ وانت تجري وراها عمرك ماتسمع راي النسون وخصوصا لو كانت ….مافيش داعي نفكرك في امك شن وهذا للي خلاني نهج ونسيب البلاد….
محسن:فاهم شن معناها انا نادم خاطي اعاقتي كل يوم والندم ينهش فيا بنموت….
أنس:خلاص نوعدك في اقرب فرصة نرجع لكن بشرط تكفر ع ذنبك …فكر كيف تريح نفسيتك
وتصفي ذنوبك بينك وبين الله…الظلم ظلمات…
طبعا أنس أخ محسن م 88 وعايش برا لانه انسان
حقاني ومايمشيش معاه جو لطيفة ومكرها وخبثها…
عائشة: فقت من النوم ندور فيها تأكدت انه نفس الحلمة…من التعب قعدت نبكي نفسيتي تعبت..
فتحي: خيرك نفس الحلم ..
عائشة: الموضوع مش طبيعي لازم نسأل حد انا تعبت .
فتحي: غير مرات انت تفكري فيها هذا علاش تحلمي بيها هلبا…
عائشة:ومعقولة نفس التفاصيل تتكرر في كل حلم لالا هاذي مش حلمة عادية…
فتحي: باهي كيف بتتصرفي…
عائشة: الصبح بنتصل بي كريمة وبنحكيلها ع كل شئ وبعدها نقرر شن اندير…
فتحي: تعرفي نحس في قلبي بيطبق بنموت…
قيس: نوضي ياخميرة امك تتصل…
كريمة:اه ماما اكيد في حاجة مهمة مش من طبعها الاتصال في الوقت اهو….
عائشة:صباح الخير شكلك قعدا راقدة نوضي سلم بنتي صحصحي وتعالي نبيك انت وراجلك..
كريمة: حسك شغلتيني شن فيه ….
عائشة: ماتخافيش ….
قيس: باهي نوضي حبيبي الكسول افطري ونضمي باش نمشوا….
كريمة:امشيت نشطب وانا نفكر زعمك شن الموضوع المهم للي تبيني فيه امي….
لطيفة: توا كل للي نبوه أثر من ولدها قيس وبعدها اعتبريه خاتم في صبعك ياعيون امك
انت…
مسرة: بجد للي تحكي فيه …
لطيفة: انت تعرفيني شن .
مسرة: اخيرا بناخده من المريضة كريمة لانها ماتستاهلش حوش وراجل زي هذا…
لطيفة: خلي نمشي نشوف خوك توا شن وضعه …
محسن:شن هذا وين تفكرتي عندك ولد مهمتي تمت ولا كيف ….
لطيفة: شن الكلام هذا انا للي تقول فيه نعرف نفسيتك تعبانه شويه ….
محسن: اسمعيني انا مش محسن زمان محسن الاول راح مع رجليه للي راحو…
لطيفة: تمام ياشيخ 🤣🤣🤣 ماهو الحشيش ناقص هذا علاش فيوزات مخك ضربت..
فتحي: اهو صوت سيارة شكله قيس وكريمة وصلوا…
عائشة: خلي نمشي نفتحلهم الباب…اهلين كيف الحال هيا تفضلوا…
كريمة: خشيت ع بوي اهلين كيف الحال…
فتحي: الحمدلله ونزلت عيوني …
قيس: كيف حالك ياعمي ..كيف حال صحتك..
فتحي: حال للي يستنى امتا ربي ياخد امانته…
قيس: بعد عمر طويل …
عائشة: اسمعيني ياكريمة ليا قريب اسبوع نحلم في نفس الحلم …
كريمة:حلم شن..
عائشة:نحلم بي كوثر الله يرحمها تقعمز في جيهة محددة تحت الحيط وتبكي تقولي طلعيه هذا للي دمرنا هنيا….
قيس: كيف كيف والمكان تعرفيه ياعمتي…
فتحي: بديت نراجع في الذاكرة لين تفكرت قبل 22سنة فاتت لما روحنا ولقينا لطيفة تحفر غادي
قررت نقولهم تفكرتي يا عائشة شن فيه المكان هذاك…
عائشة: شن فيه مانتفكرش …
فتحي: تفكرتي لما مرة روحنا ولقينا لطيفة تحفر واقلت ولدها ابصر شن دفن من ذهبها …..
قيس: ماصار شئ لازم نتأكدو من المكان للي قلتي عليه …
وجاب لجنة …… ومجرد ماابدو يحفرو وصلوا حد معين طلعوه …للي كان مدفون من سنين سحر…
لطيفة: لا خلت تفرقة …ولاموت ولا طلاق ولا زنا ولا أي حاجة نجسة ومضرة للي وحطتها فيه….
مجرد ماطلعوا السحر تعب فتحي طول وبدأ يرجع …
اما الشئ للي ماتوقعه حد صوت عياط لطيفة كان جاي من حوشهااااا
قلة حن فتحي كان مش كره في صغاره ولكن كان بسبب السحر ….
عائشة: انا الحوش هذا معاش تفكر ولاتحلم انه انعيش فيه…
فتحي: حتى انا حتى انا معاش نبيه قيس شوفلي من يشري الحوش والأرض …نبي نطلع…
قيس: تمام حاضر باهي تمشوا تقعدوا معانا في حوشنا غادي لين تنضموا امورك
عائشة:لالا، ياولدي بارك الله فيك لعند هنيا ياسرك….
كريمة: قعدت يومين بعد للي صار ماقدرتش نحكي علاش هكي دارت شن للي عندنا في حياتنا
وهيا محرومة منه يارب احرمها من حن صغارها
زي ماحرمتنا من حن بونا وظلمت اختي…..
بعد اسبوع من الحادث للي صار محسن جاء لحوش عمه فتحي….
فتحي: شن جاي تبي مني بعد للي درته في بنتي ودارته امك فينا…
محسن: جاي نبي نخفف ذنوبي ماتخافش مني انا
معاش محسن زمان ويشهد عليا ربي راني نادم
بنموت خليني نساعدك.
عائشة: شفتله ع جنب انت وبتساعدنا احنا ….
محسن: شديتها من يدها مش خاسرة شئ اسمعيني بس هذا للي طالبه منك …
خش محسن بالكرسي متعه قربه فتحي وساعده
محسن: انا نسمع في امي تقول انكم تبوا تبيعوا
حوشكم…
عائشة: مش منها من جنونها توصلها الاخبار طازا..
محسن: انا ياعمي عندي من بيشري منك الحوش والأرض…ونصيحة معاش ترجع هنيا بكل وانت يامرت عمي سامحيني بس بالله عليك راني للي درته كل بسبب امي وكلمة في الصبح وكلمة في الليل يخلي المسلمة ايهوديه… وللي غيب عقلي
هوا نفسه للي خلا عمي يقسى عليكم…
عائشة: للي نفهمه منك توا انه امك اذاتك حتى انت
محسن: ولا خلتني الا توا لما خسرت راجليا ومعاش ليا لزمة هاذي مش بشر هاذي شيطان
انا نحصن في روحي يوميا بالبقرة والرقية نعرف اني قاتل وربي مش رح يقبل ثوبتي ….
فتحي : حرام عليك الكلام قال تعالى {قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53)}
أنس: ها بشر كلمت عمي فتحي وقتله فيه من يشري منه…
محسن: ايه امتا مروح باهي بلا جو …
انس: نهاية الاسبوع اهو..
محسن: باهي باش نشوفك قبل ما….
انس: شن ناوي ادير فهمني.
محسن: الصح للي ماقدرتش نديره قبل بنديره توا روح توا تعرف …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عافك الخاطر)
