رواية قهر الفصل التاسع 9 بقلم رويدا القاضي

رواية قهر الجزء التاسع

رواية قهر البارت التاسع

رواية قهر الحلقة التاسعة

هالة: نا قعدا نستوعب في للي قاعد ايصير من ولد خالي ومنين طلعلي فجأة ….
هشام: شن ناوية نروح بيك معاي ولا بتروحي معاه هوا.
يوسف:لا قيسك مسختها هكي واجد وجيت بنضربه صبت هالة بيني وبينه…
هشام:بنضرة خبث خفتي عليا …
هالة: ماتفرحش واجد مانبيش ايمسخ ايديه بواحد كيفك انت…
ونا قعدا نتكلم جتني وحدة من البنات وعديت معاها…قبل مانعدي تفكر تقربني للأمن الجامعي طول وانت يوسف عدي توا يكلمك خالد…
يوسف : طلعت من الجامعة طول لعند خالد وقتله ع كل شئ عدى هو ومنال يروحوا بيها …
منال: من هضا وكيف صار من وين طلع الموضوع فيه حاجة…
هالة: وين نعلم نا من وين طلع للي يشوفك تتكلمي نقول نعلم عليه…
خالد: في سيارة تلحق فينا من بكري شوفي هالة هوا…نفسه.
هالة:هو شن الكابوس هضا ماحلنا نطلعوا من قصة انطيحوا في قصة اخرى.
منال:شن بدير توا .
خالد: بنروح للحوش وخلي نشوف لعند وين بيوصل بالزبط…
وصلنا لعند الحوش تم قاعد في السيارة لعند خشينا كلنا جوا بعدها بدأ التخبيط ع الباب واضح
انه مش ناوي الخير….
خديجة: من اللطف للي جاي وراكم وكنها اوجوهكم ايش صاير….
هالة: ماعندك علاش مستعجلة توا تعرفي….
خالد: برا قدام الباب شن جاي تبي توا تفكرت عندك عمه وبعدين للي يبي عمته ايجيها للحوش مش يلحق بنتها للجامعة كيف الخانب.
هشام: حول من قدامي مش خاطري نشري معاك مشكلة ضبحلي ع عمتي…
خديجة: من هضا ياخالد.
خالد: ولد خوك للي مش عارف من وين طلع ….
خديجة: ولد من فيهم انت.
هشام: ولد حاتم خوك الكبير هاذي تربيتك ياعمتي بنتك مقعمزة تحب وتتمعشق وع اساس ماشية تقرأ….
خديجة: ايش تقول انت ومن انت باش تتكلم ع بناتي .
هشام : نادي عليها وشوفي شن تقولك .
منال:مشكور ع خوفك ياولد خالي للي مانعرفوشي اما اختي للي تتكلم عليها الراجل رايدها بالحلال وتعبت روحك وانت تراقب فينا الحق.
هشام: بنت عمتي انا أولى بيها من الغريب…
خالد: والله مافي غريب بينا غيرك انت…
هالة: نا قعدا جوا نرعش من الخوف ومن الكلام للي سمعته ….
رجعه: ماتخافيش مايغصبك حد ع شئ انت ماتبيش .
هالة: من بيقدر يقله لا ….
هشام:غدوا بوي ايجئ ويروح بيك معانا انت وبناتك الاثنين….
رجعه: تروح بمن انت نا عزوزها ام راجلها ومرت ولدي ماليهاش طلعة من هنا بتم قاعدة في الشرق والراجل يفكر يقربها …. وانت ياخالد عدي قول لصاحبك هالة موافقة عليك وبعد بكرا ايجئ يقرأ الفاتحة …. برمت وانت فارقنا بريحة طيبة…
ماعندكش نصيب عندنا…
خديجة: نا من الصدمة قعدا نستوعب في وقفت رجعه معانا …
هشام: فعلا كيف ماقالت عليكم مريم ناس بلا اخلاق ولا شرف…
منال: نعم نعم مريم اها ناهكي نفهم للي صاير كله مش سادها كلت رزق عزوزها ومازال تكذب وتتبلى ع غيرها….
خالد: اطلع وصدق مريم صدق محمد امورك هذي…
امباركة: كاينة برا الحوش مروحة من جارتها وتغني ….
وين جور عليا عليا ايطق القلب …. جاااابك شوق من ماضي الغيه …. قربت من الحوش هضا شن
من هضا المهم يلا ناخذ شلاكتي في يدي الوقفة
ماتبشرش بخير ….وبديت نمشي ع رؤوس صوابعي باش نسمع ونفهم … وعرفت انه غير مرغوب فيه…..
ونقز عليه بشبشب وحدة تنفع وحدة اضر ….انت بهيم مش قالولك عدي لازم لين نعلم عليك نا….
منال: نتفرج ونضحك شوية والا نشوف رجعه بالعكاز متعها وراها أمي وطاحوا فيه طريحة ماانضني ينساها طول ماهو عايش….
امباركة: الحمدلله مزلت بصحتي ماكلة زيت الزيتون ماراحتش بلاش….
خديجة:دهشت اعطيه مايرفعه لكن والله يارجعه طلعتي مش هوينه تعرفي تضربي…
خالد: يتفرج ويضحك كنت في وحدة تميت في ثلاثة …
هالة: خليهم ربي يحفظهم نفعونا توا وخشينا جوا….
خديجة: حق انت راضية تاخذي يوسف راجل حليمة مش هضا الراجل للي نتمناه لكي…
رجعه: يشهد الله انه ماغلط فيها لكن هي ظلمت نفسها يوم خاناته ….
هالة: كنت نشوف فيه المهرب الوحيد من الدوشة للي صارت وكنتش نعلم انه مع الوقت بيتم احلى مهرب ….
خالد: ها الزردة قبل كل شئ .
بشير: ها شن للي في بالي صاررر.
خالد: هالة وافقت وبعد بكرا الفاتحةةةةة.
يوسف: كذبه قول الحق.
خالد: هضا شكل واحد يكذب توا والله حق .
يوسف: الحمدلله كنت عارف انه الله رح يعوضني ع صبري هضا كل خير.
بشير: الحمدلله ربي يكملك ع خير…
بعد اسبوع الكل فرحان رجعه وخديجة وامباركة يجهزو للفرح ….. قائمة المعازيم والتقديم ….
خالد: ها الافندي امتا ناوي يشرف …
منال: شكله لين يحضر فرح خالته …
خالد:لا ريحينا نبوا نحسوا الفرح مش نقعد نجري بين المستشفيات..
منال: ماتخافش ماعنده وين ماشي بيجئ بيجئ ها حق قلي ايش اخبار مشروعك …
خالد: الحمدلله لو يقعد هكي رح يتغير وضعنا للأفضل .
منال: ربي يسخرلك الحال.
خالد: مرام وين مختفية معاش نحق فيها…
منال: هههه مرام زعلانه لانك معاش اهتميت بيها.
خالد: ههههه حقها عليا توا نعدي نرضيها..وصلت لدار لقيتها مقمعزة ترسم ….
مرام: بدون ماتشوفله كنك ايش تبي.
خالد: نبي نحق اللوحة الجميلة للي ترسمي فيها .
مرام : مافيش .
خالد: ناعمك خالد.
مرام: توا ليك اسبوع لا طلعتني ولا دورتني.
خالد: انت توا تقري في السادس وعندك امتحانات مانبيش نشغلك ع قرايتك بكل …
مرام: ومن قالك تشغل فيا …
خالد: نا نحق في درجاتك نازالت ونا نحبك لما تقعدي شطورة وتحافظي ع قرايتك…
طلع خالد ونسى يشوف الرسمة للي كانت ترسم فيها مرام وكأنها كانت ترسم في قدره احيانا الله عز وجل يسخر اشخاص بيش يرسموا حياة شخص بطريقة أو بأخرى ويمكن لو شاف خالد
الرسمة كانت واجد امور بتتغير….
وعدى أسبوع الفرح وفات كل شئ ع خير هالة انسانة نظيفة من جوا وربي يعطي كل انسان ع قيس نيته….
يوسف: مانبيش تخافي مني انت توا مرتي وحلالي وبتكوني ام صغاري لو ربي رزقني…
هالة: نا مش خايفة لكن سبحان الله موضوعنا تم بسرعة وبسهولة تسربت الامور ونبي وقت بيش نتعود عليك…
يوسف: تعرفي ليش اخترتك انت بالتحديد من اول ماحقيتك وانت راجعه من الجامعة حسيت شئ في قلبي تحرك لكن قعدت ساكت ونشوف من بعيد تأكدت انك انسانة نظيفة ومتربية
وهذي الموصفات للي نبيهن في مرتي …
هالة: نعرف انك انحرحت وعانيت واجد لكن رح نعوضك ع كل شئ عشته قبلي….
وفاتت السنة الاولى ع زواج هالة منال جابت ولد وسماه خالد يوسف ع كثر حبه في صاحبه يوسف هالة حامل وتستنى في بنوته….
وفي ليلة غير كل الليالي رجعه …. شكله ساعتي قربت يامنال…
منال: معاش تقولي هكي نا تعودت عليك ناوصغاري وكلنا هذا شوية هبوط في الضغط وبعد الاملاح رح يتعدل…
رجعه: نحق في قبري يرجى فيا والناس لافه بيا خالد جيب صاحبك ايصلوا علياااا.
خالد: ماتخافيش معاش تقولي هكي مافيك كان كل خير.
خديجة: نوضي مازال يارجعه في واجد نساوين يبوا طريحة منك انت وامباركة…
رجعه: بصوت تاعب ماعاد فيا حيل امباركة الله الله في منال …مانبيش نوصي خديجة نعرفها درويشة وماتقدرش تاخد حقها ….
كان خاطري نحق بنت هالة ولا نشوفها هي ونطلب منها السماح لكن الواضح انه مش رح يطلع عليا الصبح …..سامحيني ياخديجة ظلمتك وااااجد ….
منال: لقنتها الشهادة وبعدها طول فارقت روحها جسمها….
خديجة: لالا مستحيل تموتي توا نا مسامحاتك امسامحة دنيا وآخرة ….
قداش ماالدنيا غريبة من يقول رجعه للي كنا نكرهوها يوم موتها بتوجعنا هكي السنة للي عاشتها معانا كانت نعم السند وقت الحاجة
وكأنها بعد كفرت ع ذنوبها تمت مهمتها وربي
اخد امانته ….