رواية قهر الفصل الثاني 2 بقلم رويدا القاضي
رواية قهر البارت الثاني
رواية قهر الجزء الثاني
رواية قهر الحلقة الثانية
الحلقة2
قصة واقعية
الكاتبة:رويدا القاضي
خالد: كنك مضايقة ياامي شن فيك ناقصاتك حاجة.
امباركة:لا لكن واجعني حال هالايتام بنات عمك مفتاح الله يرحمه .
خالد: ناقصهم شئ تبي فلوس.
امباركة: مش كل شئ فلوس كسرة الخاطر مايجبرها شئ جداهم طلعتهم من الحوش غصب اجعنها ماتربح ولا تتريح .
خالد: باهي وجدهم كيف ساكت وراضي.
امباركة: رجعة كيف العقرب كل شئ مسجل بإسمها ومانستبعدش انها تهدده بالطرد.
خالد: هذا حال للي يسلم في ضناه ع سبه ولية عاقبه كيف هذي.
امباركة: وكنتها مريم بكل مساخة وجه تبي ادير فرح لبنتها حليمة تقول بنت وزير ريت هالوجه للي بتخسر عليه الفلوس.
خالد: هههه ياعليك حالة وخلاص وقربت مسكت يد امي وبستها وهذا ليش انتي ياغالية مضايقة روحك .
امباركة: حال بنات خديجة كيف حالنا لااعمام ولا خوال غير الفرق بينا انه خوالك مش قاطعينا.
خالد: ماتخافيش ربي ماينسى حد واي حاجة يحتاجوها قوليلي.
امباركة: كلام وليدي خالد برد كبدي شوية بعدها قلت شئ لازم نعدي نطلع حرتي فيها ونهزبها المهزبة تكمت رويحتي وتعطرت ولبست ذهبي وتوكلت …
رجعه:زارتنا البركة اهلين بجارتنا الغاليه وقربت من وذنها وقتلها بصوت واطي رغم انه كان ودي حلومة ماتكون كان لخالد لكن يلا شن بنديروا نصيبات.
امباركة: درت روحي نسلم عليها بالحضن قتلها كان الكلام هضا ايصير ساعة تكون امها وجدتها حقانيات مش عقارب كيفكم.
رجعه:🤨والله لولا الزحمة والناس مانكون كان لازتك من الفرح .
امباركة:لفيتها يمين لفيتها يسار لقيت الشيطان مقعمز ع خشمي سكرت وذاني وبديت نفزع فيه عياط هذا للي طلع منك يارجعه تطرديني مع فرحك ونا للي جاية فرحانتلك مش غريب عليك طردت كنتك هيا وبناتها في يوم مافيه قمر ….
مريم: حي ع الفضيحة للي تريد اديرها الشومة هاذي باحتث في الناس لقيتها تمت تتكلم بسبة الكلام للي تقول فيه …قررت نلم الموضوع ع السريع جيتها امسحيها في وجهي يااخيتي تعالي تفضلي معقولة جارتي وندير فرح بلاك.
امباركة: حيدي عليا غادي مايشرفنيش شكلات فيكن ولو للي حاضرات فيهن ذرة دم مايقعمزن ياكلن مال يتامى.
رجعه:😳 من الصدمة طيبت مقعمزة كشفت بينا.
امباركة: طلعت ونا كلي رضا بعد مسحت ع كبيدتي .
فات النهار وجاء الليل …
محمد: خالد ياخالد …
خالد: مرحب عمي محمد اتفضل اتفضل مبارك ماتعولوا.
محمد: وهيا امك بسلامته خلت مانعولوا بعد الحضرة للي دارتها في الفرح.
خالد: امي نا متأكد .
محمد: اه يعني امك ماخبراتك شن دارات وقعمزت حكيتله ع كل شئ …. وانا جاي بنطلع شد امك علينا وخلينا جيران كيف قبل..
خالد: حاضر الله يهديها بس.
خشت جوا للي قهرني امي مقعمزة وحاطة رجل ومدايرة قهوة ها امي ان شاء الله تكيف ذماغك بعد للي درتيه.
امباركة: بكرا الصبح بكري ارفعني لرفيقتي خديجة مش تطلع وتخليني .
خالد: اها اكيد تبي تخبيرها ع هالانجاز العظيم فعلا يستحق .
امباركة: منا كيف باش تعرف قدرات امك 🤣🤣.
خالد:امباركة لخراب الفرح ورد الحقوق الضايعة هوا مفروض نا للي ندير المشاكل وانتي تشقي ورايا لكن معاك انتي ياامي انا للي شاقي وانتي للي تشريلي في المشاكل..
امباركة: سامحني ياباتي خالد تحملني بنيتك متعت مشاكل 🤣🤣 عدي ارقد بلا نوطرة.
في حوش مفتاح الخوت الثلاثة متجمعين …
حسن: شن رايك في الكلام للي صار اليوم يامحمد راضي عليه تمينا مضغة في فم العرب.
محمد: ماعندي ماندير وللي بيتكلم خل يتكلم .
سالم: اها نسينا انت همك مرتك وصغارك وبس وغير هكي اخر همك .
حسن : خلي نكلموا امي ونقنعوها تخليهم يرجعوا لحوشهم وخلي الناس تسكت كلها.
محمد:انهبلتوا ع خاطر عجوز مخرفة تبوا نعطوهم حوش بالآلاف.
سالم :نا بريت ذمتي قدام ربي وحوش مفتاح مانبي منه شئ.
في حوش خديجة ….
هالة: ها ان شاء الله راضية ع مراجعة اليوم.
منال: اها هكي نبيك سلم اختي ديما رافعة راسي نبيك تنجحي بتفوق.
خديجة : وكنها مرام ماتبيش تقريها ولا كيف …
منال: صغيرة العيلة كيف لا لكن شاطرة نا نعرفها وهيا مازال الصف الثاني تقدريه حتى انت ياأمي واحنا قاعديت نتكلموا لين سمعنا صوت الباب يطق.
خليكم نا نفتح لميت شعري فوق وطيحت الحجاب ع راسي وعديت للباب وفتحت ومن وقتها عرفت روحي فتحت باب قلبي مش باب الحوش لقيت شاب الملامح متعه مش غريبة عليا وكأنه وجهه مألوف طويل قمحاوي شعره أسود عيونها كبار ملامحه حادة لاسمين ولا ضعيف متوسط…. وعمتكم منال قعدت كيف الهبلة نباحث فيه ….
خالد: اه شكلي غالط … سامحيني ونا كيف بنبرم سمعت صوت من السيارة هاذي منال بنت عمتك خديجة ارتحت توا اطمنت …
منال: وانا من الحشمة مش قادرة نبلع ريقي راحت فيك يامنال عمتي امباركة حتى الزيطه ماادسها ع امي انفضحت هذا كله في خاطري …
خالد: مديت يدي سلمت كيف حالكم ان شاء الله بخير.
منال: اه الحمدلله وانا واقفة قعدا في الباب اتجئ نسمة عبيطة زي متع الافلام الهندية طاح الوشاح وانا اصلا حاطته حط كملت توا ياعيني خشيت نجري داخل.
امباركة: تميت ولامازال بتقعد واقف عند باب العرب عدي روح وتعالالي في الليل قبلها راني انحق وجهك…
خالد: طلعت وانا الطريق كلها نفكر معقولة منال كبرت وتغيرت هكي كيف مش شايفها قبل رغم انه نسكنو في نفس الشارع …
تعالوا نحكيلكم شوية ع ملامح منال عيون كبار ولونهم بني شعرها طويل وناعم بيضاء متوسطة الطول يعني بالعموم حلوة ومليانة شوية …
خديجة : اهلا بالغالية انستي ونورتي تفضلي…
امباركة: منورة بهله ياجايبتلك خبر ياعندي ليك ادواوي مايكملن ع فرح للي ماتتسمى هذيك.
خديجة: نوضي هالة مش مكانك هنا انت ومرام وعدي ديريلنا قهوة…
هالة:حاضرر
امباركة: لالا نبيها من ايديت منال ..
منال: استغربت بدت تحذف في الكلام من توا رحت فيها حاضر ادللي…
امباركة: اسمعي قتلك عديت ياحنا تكمت عمري وخشيت عليهم كيف الاعصار ..
خديجة:هههه يعطيك السلامة كملي
امباركة: وجتني طيرة الشر رجعة وتمت تجامل وتمنيت ياخذها خالد ونقصفها طول قتلها كان ايصير ولو جت امها مرأة حقانية …
خديجة:😳 وسكتت رجعه ع الكلام هذا .
امباركة: اجعنها ماتسكت اخر همي الكلام هضا وتميت نعيط تاكلن في مال اليتامى ياويلكم من ربي فضحت قدام العرب انضني الا خودلك عليها شهر وهما حديث الساعة🤣🤣🤣.
خديجة: الله يحفظك مسحتي ع كبدي من جوا.
منال: تفضلي ياعمتي امباركة القهوة.
امباركة: ان شاء الله نشربها في فرحك.
منال: حي عليا قوت العيار المرة هذي.
خديجة: عاد التخرج قبل مازال شهرين وتتخرج بنتي وتاخد شهادتها وتمت معلمة قد الدنيا.
امباركة: وين تعلمي مرات ايصادفن الاثنين مع بعض الراجل والنجاح.
منال: هربت من جنبها قيسها خوفتني.
خديجة: شن بديت خطابة بلا علمي.
امباركة: ههههه اشربي واسكتي …
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية قهر)
