رواية عودة إبليس الفصل السابع 7 بقلم رشا منصور
رواية عودة إبليس الجزء السابع
رواية عودة إبليس البارت السابع
رواية عودة إبليس الحلقة السابعة
عزيز….. هششششش مشيت براحه لحد ما 😲
أنتي واقفه كدا ليه ومسكتها من ودنها ودخلتها الاوضه
أمير….
ايه ده أنت ماسكها زى الأرنب كدا ليه 😂
عزيز…. الهانم واقفه تتصنت علينا عاوز أفهم بقي ليه
أميرة….
بصراحه كدا قولت اكيد بتتفقوا ع خروجه من غيري
عزيز…..
خروجة بقي حد يخرج مع الأشكال دى ويسيبك يا قمر ده كلام
الباشا عاوز يجي المستشفى معايا لو عاوزة تعالي تنوري ع الأقل ترحميني من اخوكي
أمير…..
ناخد مين ياعم دى ع ما نخلص هتكون مصاحبه ع كل المستشفى وعرفت اسرارهم من يوم ميلادهم
ده أنا شاكك أنها بتسيب شغلها وبتقعد تحكي مع ركاب الطيارة
عزيز….. الكلام ده بجد يا أميرة
أميرة ….. وفيها إيه يعني بعمل نشاط اجتماعي 😂
عزيز… ده أنتي عسل وهتيجي معانا من الآخر كدا عاوز منك خدمة ولو قدرتي تنفذيها أحلامك أوامر
أميرة…..
هو أنارشامنصور حاسه أن الحوار ده وراه تاء التأنيث
عزيز….
بالظبط كدا بس مش زى ما انتي فاهمه كل الحكايه أن القرين مش قادر يفيدنى وأنا في حاجه عاوز أعرفها
أميرة…..
قولى الحوار من أوله علشان أقدر أفيدك
عزيز…. ابتديت أحكي لهم كل حاجه
أمير…. شوقتني أشوفها
عزيز…..
اجهزوا ع الساعه 5 ومن أولها كدا هى حساسة جداً وأى كلمة بتزعلها يعني تاخدوا بالكم من الكلام
سيبتهم وطلعت أقعد مع جدتى وطنط مها ولقيتهم بيفقكروا في الغداء قولت لهم عيب أوى يبقي البيت في ستات وأفضل عايش على الدليفري في ايه طنط ما دلعيني بقي أنا الدليفري نشف معدتى
مها…..
طب إيه رأيك اعملك محشي ولا اقولك طاجن بامية
جدتى…. يا سلام لو صنيه مكرونه بيحبها أوى
عزيز….
ايه رأيكم أنتوا الاتنين قوموا قدامى ع المطبخ أنتوا هتفضلوا تقولوا في أصناف خلصونى أنا جوعت
سهي….
صحيت الصبح وغسلت الهدوم وروحت السوق وبالي مشغول مش عارفه نتيجة الفحوصات إيه خايفه أوى ع أمي بس حاولت مش أبين قلقي قدامها كفايه عليها التعب اللى هى فيه
وعملت الأكل وجهزت علشان اروح الكشك ولقيت أول ما خرجت القطط منتظراني وكالعادة وصلونى عند الكشك واختفوا ومشيت خالتى أم هشام وقولت اروق الكشك كدا ولسه باخد ازازة علشان أجيب ميه من المستشفى
لقيت
عزيز…
وصلت عند كشك سهي وعرفتها ع أميرة وأمير واتفأجات أنها لما شافت الدبله في أيد أميرة اضايقت وسلمت علينا
قولتها أميرة تبقي بنت خالتي ويعتبر أختى
وأمير يبقي أخوها واخويا وابن خالتي وصحبي الوحيد جايين زيارة من القاهرة
سهي….. أهلا وسهلا السويس نورت تشربوا إيه
عندى شاى ونسكافيه
عزيز…. شكرآ يا سهي ممكن بس تخلي أميرة عندك أصلها بتتشائم من المستشفيات
بصي عاوزك بقي تخليها تشتري كل حاجه عندك دى كسبتنا امبارح في اللعب وخدت فلوسنا خدى حقنا يا سهي
أميرة…. يا ساتر ع الحقد 😂
سهي…..
دى في عنيا بس ممكن سؤال هو أنا المفروض استلم التحاليل واديهم لمين ولا هو ايه المفروض اعمله بالظبط
عزيز…..
انا طلبت منهم يجبولي التحاليل والاشاعات ع مكتبي علشان أشوفها الأول واحدد هى هتابع مع دكتور مين متشغليش بالك وأنا نازل هعرفك كل حاجه اطمني
سهي…..
فى حاجه كمان بس غريبه شويه
الطفلة الصغيرة اللى قولتلك عليها غدير قالتلي ابلغك أنك تبعد الناس الوحشة عنهم أنت الوحيد اللي تقدر عليهم واختفت بعدها
عزيز….
تمام لما تظهرلك قولى لها عمو عزيز هيعمل اللازم
واخدت أمير ودخلنا المستشفى وسيبت أميرة مع سهي
أميرة…..
ايه يا سهي مالك سرحانه في ايه هو عزيز قالك حاجه ضيقتك قوليلي وأنا اجيبلك حقك منه
سهي….
بالعكس ده ذوق أوى بس في حاجه غريبه حصلت ومش قادرة استوعبها
أميرة…. خير يا قلبي احكيلي ايه اللى حصل
سهي…..
وابتديت احكي لها ع غدير وإني مش قادره افهم هى عايشه ولا ميته وازاى عايشه وبتختفي وازاى ميته وبتكلمني وقصدها ايه بالناس الوحشة
أميرة….
بصي يا سهي هى حاجه تحير فعلاً لكن دايما بسمع عن ما وراء الطبيعه وده بيكون عالم آخر بتحصل فيه حاجات ميقدرش العقل يستوعبها يعني مثلاً جن بيحب انسيه أو أموات بيظهروا ل أهاليهم
ولو غدير دى ميته يبقي اكيد بتظهرلك علشان حست أن أنتي هتقدري تساعديها
افهمي منها مين الناس الوحشة دى وبيعملوا ايه معاهم يمكن تقدري تنقذيها
سهي…..
عارفه الأغرب من ده كله أنى توقعت لما أبلغ كلامها للدكتور عزيز أنه يقولى مش فاهم أو أنه يسألني عن الناس دى لكن هو قالي أنه هيعمل اللازم معنى كدا أنه عارف أو يمكن فاكرني مجنونه وبياخدنى ع أد عقلي
أميرة…..
عزيز دكتور واكيد شاف حاجات كتير ده غير أنه أحياناً بيقدر يشوف الأموات وبيحس بالعفاريت دى هبه موجودة عنده من وهو طفل ويلا بقي اعملي لينا شاى أنا عزماكي خلي الكلام يحلو
سهي….
من عنيا وظهرت القطط وفضلت واقفه ع جنب كأنهم بيتابعوا الكلام اللى بيتقال ما شاء الله حاسه أنهم اذكياء أوى وقولتلهم انتوا جعانين حركوا رأسهم ب لأ
أميرة….
أول ما شوفت القطط قولت أنتم السابقون ونحن اللاحقون بأذن الله لقيتهم بصوا لبعض وبصولي روحت قولت يا سهي هو أنتى أهلك فين قصدى يعني باباكي ومامتك عايشين قريب من هنا ولا فين
سهي…
بابا مات وأنا صغيرة وأمي في البيت تعبانه واخويا مسافر البحر الاحمر بيشتغل
أميرة….
أول ما سهي جابت سيرة مامتها لقيت قطه منهم قربت منها ووقفت على رجلين اتنين ومسكت في رجل سهي وسندت رأسها عليها وفضلت تبصلي وتبص ل سهي فهمت أنهم عاوزين سهي تعرف الحقيقة
روحت قولت ل سهي أنتي عارفه افتكرت دلوقتي حكايه بنت زميلتي غريبه أوى هى بنت وحيدة كانت عايشه مع أهلها لحد ما كبرت واشتغلت ومرة مامتها تعبت وكانوا محتاجين نقل دم وباباها فصيله دمه غير مامتها ولما جت تتبرع لها اتفاجأت أن فصيلة دمها غير أهلها خالص وهنا بقي شكت أنها مش بنتهم
فضلت تسألهم لحد ما حكوا لها أنهم واخدنها من الملجأ وملهاش أهل في الأول انصدمت لكن بعد كدا فرحت أن ربنا عوضها بأهل بيحبوها
تخيلي لو الموقف ده حصل معانا يعني مثلاً انتي لو في مكانها كنتى عملتي ايه
مش عارفه بس يمكن كنت كر’هت نفسي وكنت سيبت البيت حتى لو هنام في الشارع
أميرة…..
اهدى يا سهي ليه ده كله بدل ما تشكريهم أنهم راعوكى بدل النوم في الشوارع
سهي…. اشكرهم لو كانوا عرفوني الحقيقة لكن هما خلونى اعيش معاهم ع غش. ومش بعيد يكونوا خطفني. كمان
أميرة….
خطف. إزاى محدش فكر فيها وبصيت للقطه هزت رأسها ب لأ أو يمكن تبني بردو القطه هزت رأسها ب لأ
أنتي عارفه يا سهي أنا كنت سمعت زمان أن الأرواح لما تحتاج مساعدة حد بتتواصل معاه عن طريق الأحلام لأن الصدمة ورد الفعل هيكون أقل بكتير عن الواقع
كنت بتكلم وأنا عيني على القطط واعتقد أنهم فهموا الرساله بس ياتري إيه هيكون رد فعلها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عودة إبليس)
