رواية حسن القلوب الفصل الأول 1 بقلم رحاب القاضي
رواية حسن القلوب الجزء الأول
رواية حسن القلوب البارت الأول
رواية حسن القلوب الحلقة الأولى
#حُسن_القلوب
_البارت الاول…
«♡وَنَسْ♡»
ـــــــــــــــــــــــــــــــــــــــ
_هبطت من سيارة الاجري، ودلفت لجامعتها وهي تسير برأس مرفوع غير عابئه بأي احد يمر بجوارها او من امامها..
يرمقها الجميع باعجاب، وبعضهم بحقد وغيظ من تعاليها عليهم، ولكنها غير مُباليه ولا منتبهه لاحد، تخفي عيناها خلف نظارتها الشمسيه او بمعني اخر تخفي دموعها العالقه بهم تأبي الهطول خشيتاً من الضعف او الاستسلام…
_تقدمت من ادراج الجامعه وكان يجلس هناك ثلاثة شباب وفتااه يتحدثون بمرح وصوت ضحكاتهم يملأ المكان…
_في البدايه سنتعرف علي ابطالنا:..
“حسن العارف”:
شاب بالـ 23 من عمره يدرس بكلية التجاره، يعيش مع والدته وشقيقته الصغري ملك، والده رجل اعمال ولكنه يعيش منعزل عنهم لاسباب سوف نتعرف عليها فيما هو قادم..
” مريم الشاذلي”:
بنفس عُمُرْ “حسن” وصديقته منذ الطفوله تمتلك جمال غير عادي بملامحها الفاتنه بقوه واناقتها بطلتها وملابسها ذات التصميمات العالميه وسيارتها الاحدث من نوعها، ابنة رجل أعمال ثري للغايه يعمل بالخارج ووالدتها من اصول انجليزيه ودائما تنتقل من بلده لاخري، تعيش “مريم” بمفردها بمنزل شبيه للقصور واعظم من ذلك..
«هادي الخولي»:
صديقهم الثالث منذ الطفوله والده مستشار قانوني كبير ومن اثرياء البلده ايضاً و”هادي”نَجْلهُ الوحيد، والدته متوفيه ويعيش مع والده وزوجة ابيه، متمرد عن اي قوانين ولكن سلطة والده دائماً تحكمه حتي انه اجبره ان لا يدخل الكليه المحببه له مع أصدقائه واجبره ع دخول كلية الحقوق مثلهُ..
«محمود القاضي»:
بنفس عمرهم ويدرس معهم بنفس كلية التجاره، يتيم الابوين والقااه اقاربه بملجأ بعد وفاة والديه بحادث سير ونجي هو وحيداً من ذلك الحادث، ومنذ ان كان عمره السابعه اخذه زوجين من عائلة كبيره ونشأ بينهم حتي مات ذلك الرجل وتيتم للمره الثانيه ويعيش مع تلك المرأه الحنونه بمفرده بمنزل راقي، تعرف ع “حسن”و” هادي” و”مريم” بالمرحله الابتدائيه وكذلك “ليلي” التي تسكن بمنزل مجاور له..
«ليلي محمد»:
تلك الفتاه التي دلفت داخل الجامعه منذ قليل تدرس معهم بكلية التجاره، ابنة تاجر بسيط يمتلك محل عطاره بأحد الاحياء الراقيه، توفت والدتها منذ ان كان عمرها 5 اعوام وكانت متعلقه بها بشكل غير طبيعي، وتزوج والدها من امرأه قاسيه للغايه عاملتها منذ الطفوله بطريقه قاسيه، فتاه متمرده ومغروره الي حد لا يوصف، رغم انها جميله للغايه ومن اسره بسيطه الا انها دائما ترتدي ملابس غاليه ودرست بمدارس خاصه وكان كل ذلك من اموال والدتها التي تركتها لها مع خالها حتي انتهت من صرفها واجبرت ع تحمل والدها وزوجته..
_جلست “ليلي” بجوار” محمود” وأزالت نظارتها الشمسيه وهي تزفر بضيق..
“حسن” بقلق
في اي مالك؟..
تجاهلته قائله لـ”محممود” بحده
انت مستنتنيش لي تجيبني معاك؟..
“محمود” بضيق
عديت عليكي سمعت مرات ابوكي بتزعق معاكي فمشيت عشان لو كنت دخلت كنت قطمت فزمارة راقبتها..
“ليلي” بابتسامه واسعه
متقلقش قومت بالواجب..
“مريم” بقلق
قتلتيها ي “ليلي”؟!…
ضحك جميعهم بقوه ع تلك البريئه، فحين ردت” ليلي” قائله بهدوء..
ليلي
ضربتها بالقلم..
“حسن” بضيق
لي ي” ليلي” كده دي قد امك و..
قاطعته غاضبه
ما تذكرهاش مع ماما ي “حسن” دي عمرها لا هتكون زي امي ولا انا هشوفها كده..
“هادي” بهدوء
خلاص متتعصبيش وبعدين مانتي ضربتيها زعلانه وقالبه خلقتك لي؟..
“حسن”بسخريه
تلاقيها مضربتهاش بضمير..
” ليلي” بضيق
بابا طردني من البيت..
_«نظر لها الجميع بصدمه، هل فعل ذلك حقاً يطرد ابنته هل هذا الرجل مجنون»..
“ليلي” بتصحيح
مش بطريقه مباشره، قالي بشياكه كده شوفيلك كده وحده من صحابك اقعدي عندها يومين لحد م “ثريا” تهدي..
“مريم” بحمااس
الله حلو جدا هتيجي تقعدي عندي صح؟..
“حسن” بمرح
سيبك من “مريم” انا بيتي مفتوح وقاعد لوحدي فاوضتي..
«ضحك جميعهم بقوه، فحين رمقته هي بغيظ»..
تحدث “محمود” بجديه
سيبك منهم وتعالي اقعدي مع ماما وانا هروح اقعد مع “هادي” نطفش فـ مرات ابوه..
“هادي” بخبث
تطفش فمرات ابوه ولا تعاكس وتطبل لمرات ابوه..
“حسن” بنبره واهنه
ما هي مرات ابوك تتعاكس بصراحه..
“ليلي”بجمود
بعيد عن فقرة التقشف العاطفي اللي بتطلعوه ع مرات اونكل” فاروق” انا مش هسيب بيتنا واللي مش عاجبه يمشي هوو..
“حسن” بجديه
جدعه ي “ليلي” ده اصلا بيت امك مش بيتها هي، بس برضو نبقي محترمين..
“محمود” بتأييد
اتفق معاه ي “ليلي” لما تعملك حاجه قولي لابوكي..
“ليلي” بضيق
ما هو شايف، خناقة النهارده سببها ان استاذ “لؤي” ابنها بات عندنا امبارح وانا معرفش وصحيت لقيته قاعدلي فالصاله بالفنله الشورت الكاستور..
“محمود” بغضب
ومقولتليش لي، وابوكي سايبه عادي؟!..
“ليلي” بسخريه
ما هو زي اخويا بقي، واللي ناقطني وشلني راح جاب عربيه جديده امبارح ودي طبعا من فلوس ابويا وانا متشحططه في الموصلات..
“هادي” بابتسامه واسعه
“لولا” العربيه بتاعتي ملكك المهم متزعليش نفسك..
“ليلي” بابتسامه واسعه وهي ترسل له قبله بالهواء قائله…
ليلي
قلب اختك والله واجدعهم..
“حسن” وهو يخبئ وجهه خلف كتف “محمود” قائلاً..
حسن
الحق ي “هادي” “غاده” جايه..
“محمود” وهو يضع كتبه الدراسيه ع وجهه قايلا بضيق…
محمود
اعوذ بالله من الخبث والخبائث..
_«اتت لهم تلك الفتاه وجلست بجوار “هادي” الذي نظر للجهه الاخري بضيق»..
واردفت بنبره متعاليه قائله
هاي ي جماعه..
“ليلي” بسخريه
اللي اسمه جماعه يرد عليها..
_«ضحك جميعهم بقوه فحين رمقت هي “ليلي” بغيظ، ثم وجهت بصرها لـ”هادي”»..
غاده
بكلمك من اسبوع وانت بتتهرب مني حتي الجامعه مبقتش تيجي..
“هادي” ببرود
فكك مني ي “غاده” قولتلك، وروحي شوفي هتعملي اي..
رمقته بحده وصاحت به
اااه يعني الكلام بجد الست الشيخه لحست دماغك وخلتك تسيبني وتجري وراها..
“هادي” بغضب
فوقي ي “غاده” انتي اللي جيتي وقولتي نرتبط وانا قولتلك اوك لفتره ومش هكمل..
تابع وهو بنظر لرفاقه قائلاً
غلطان انا كده ي شباب؟..
_«اشار له الجميع بلا وهم يكتمون ضحكاتهم ويتابعون ما سيحدث وكانهم يشاهدون فيلم كوميدي»..
“غاده” بغيظ
ماشي ي “هادي” بس انا متسابش عشان البنت الكحيانه دي..
_«ذهبت من امامهم، فحين ركضت “ليلي” وجلست بجوار “هادي”»..
قائله بحماس
البت الصفرا دي قصدها مين بالكحيانه؟؟..
” مريم” وهي تجلس بجوار “هادي” من الجهه الاخري قائله بخبث…
مريم
انتي متعرفيش انه بيكراش ع بنت فدفعة سنه اولي عنده فالكليه..
_«اخذ جميعهم يصفق بقوه وحماس، تحت نظرات الغيظ من “هادي” تجااه “مريم”»..
” هادي” بغيظ
تصدقي ي “مريم” اللي يقولك حاجه تاني يبقي عيل..
“حسن” بحده
هي قالت قدام حد غريب وبعدين احنا من امتي بينا اسرار او نقول حاجه لحد والباقي لا؟..
“هادي” بهدوء اجابه
لا مش قصدي بس هو الموضوع لسه فالبدايه، وبعدين دي غير اي وحده قبل كده..
“ليلي” بسخريه
واي الجديد مانت كل شقطتهم قبل كده كانو غير اي حد..
“مريم” بجدبه
لا دي بجد مختلفه بنت بريئه اووي مُحجبه ولبسها شيك بس بيقولو ع الاستيل ده مشحم..
“محمود” بضحك شديد
مشحم اي يخربيتك اسمه مُحتشم..
“مريم” بمتابعه
اااه هو اسمه كده، المهم انها بنت رقيقه وجميله اووي والاهم انه لما فكر يكلمها صدته والمره اللي بعدها هزأته ع الجزمه قدام دفعته كلها..
_«انفلتو جميعهم ضاحكين بقوه، فحين رمق هو”مريم” بغيظ»..
“ليلي” بخبث قائله
طيب كنت قولي كنت ظبطلك الدنيا معاها الاول وخليتك تشقطها..
“هادي” بسرعه وخوف مصطنع
ولا وحياة ابوكي البت مش قدك وبعدين انا هعرف اظبط الدنيا معاها..
“حسن” بهدوء
ربنا يوفقك يبني..
“محمود” بقلق قائلا
طيب انا هقول حاجه ومحدش يضحك..
_«انفلتت “ليلي” ضاحكه بقوه، فرمقها هو بغيظ»..
محمود
انا لسه مقولتش واتلمي..
“حسن” بهدوء
سيبك منها خير ي “حوده” انا “حسن” حبيبك مش هضحك..
“محمود” بقلق
متيجو نحضر محاضرة الاقتصاد..
_«انفلتت “ليلي” و”هادي” ضاحكين بقوه، فحين ابتسم “حسن” و”مريم” بهدوء»..
“محمود” بضيق
بطلو استظراف احنا اخر سنه ومش عايزين نطلع بمواد، وانت ي حج “هادي” ابس ايدك عدي من سنه تالته وادخل رابعه لوجه الله..
“هادي” بملل
اا “محمود” فكك مني روح احضر الاقتصاد بتاعك..
نهض “محمود” قائلاً
اااه هروح مين هيجي معايا؟..
“مريم” وهي تقف ايضاً
انا جايه معاك ي “حوده”..
” حسن” وهو ينهض ايضا قائلا بجديه
وانا كمان جاي معاكم، يلا ي “ليلي”..
” ليلي” بغيظ
انت مالك بليلي متسيبها فحالها يعم، وبعدين انا قاعده اونس الواد الغلبان ده فوحدته ونخطط ازاي نخلص من مرتات ابهاتنا..
رد عليها”حسن” وهو يلحق برفاقه قائلا بضيق
طيب ي ليلي براحتك..
تابع وهو بنظر لـ “هادي”
خلي بالك منها مش ناقصين مشاكل..
_«اومئ له” هادي” بـ نعم، فحين ذهب “حسن” لمحاضراته وجلس “هادي” و”ليلي” بمفردهم..
“ليلي” بصوت هامس
الاصطباحه فين؟..
رد عليها”هادي” بضيق
بس ي “ليلي” مش هديكي حاجه، حرام عليكي..
“ليلي” برجااء
عشان خاطري ي” هادي” ومش هكتر المره دي..
“هادي” بضيق شديد وحده: لا يعني لا مش هديكي حاجه تاني..
“ليلي” بغضب
مخلاص بقي ي “هادي” مانت بتاخد ومقولتلكش حاجه..
“هادي” بحده
ااه انا باخد بس انا عارف نفسي باخد اي وممكن اقعد شهور من غير اي حاجه انما انتي بقيتي كل يوم بتاخدي الزفت ده…
تنهدت بقوه وغضب واجابته
من الاخر هتديني ولا اتصرف واجيب لوحدي..
رمقها بحزن وصمت، فتابعت هي برجاء
والله هحاول ابطل بس عشان خاطري هات اي حاجه..
زفر بضيق وهو ينظر حوله ثم نهض وجذبها من يدها معه قائلاً
هادي
تعالي بس نروح فالعربيه، والله ي “ليلي” لو “حسن” او “محمود” شمو خبر عن اللي عملته فيكي ده هيقتلوني..
“ليلي” بجدبه
انت معملتش حاجه انا بعمل كل حاجه بمزاجي..
_«ذهب الاثنين الي السياره، واغلق هو الزجاج باكمله واخرج لها احدي انواع المخدر التي التقطته هي منه سريعا واستنشقتهُ بانفها، ثم اتكأت براسها ع المقعهد خلفها وهي تتنهد بصعوبه ودموعها اخذت تتسابق ع وجنتها»…
“هادي” بضيق وحزن شديد
“ليلي” وغلاوتي عندك ورحمة امك بطلي، والا انا اللي هقولهم مش هقدر اشوفك كده..
“ليلي” بابتسامه ساخره قائله من وسط دموعها
لو هي كانت عايشه انا كنت بقيت زي البنت اللي وصفتها “مريم”، عشان” مريم” وصفت ماما ي “هادي”..
_«امتلئت عيناه بالدموع وهو ينظر لحالتها، امسك يدها بهدوء»…
قائلا بنبره حزينه
اهدي ي” ليلي” احنا هنا كلنا معاكي، وانتي اجمل واحسن بنت في الدنيا..
_«ابتسمت له بهدوء وهي تجفف دموعها، فحين نظر هو امامه وهو يتنهد بضيق»…
ــــــــــــــــــــــــــــ
_« وفي منزل راقي جدا دلف “حسن” لمنزله فوجد شقيقته صاحبة الثمانية عشر عام تجلس ع الاريكه الخاصه بصالة منزلهم الراقي وتنتفض بخوف شديد، تنهد بضيق وذهب وجلس بجوارها ولمعت الدموع بعينه»…
واردف بحزن قائلا
هو هنا؟..
اجابته شقيقته قائله ببكاء
جه وزعقلي عشان عليت التلفزيون وضربني واخد ماما فوق وكانو بيتخانقو من شويه و..
صمتت وهي تنظر ارضاً فتابع هو بسخريه متألمه
ضربها صح؟..
امسكت شقيقته يده واردفت ببكاء مرير
انا خايفه منه اووي ي “حسن”، وخايفه علي ماما..
_«ربت ع يد شقيقته بهدوء ونهض وقف بمنتصف المنزل، واخذ يصيح عالياً بوالدته، فجاءت هي سريعا تركض ع الدرج»…
وقفت امامه واردفت بخوف قائله
وطي صوتك عشان خاطري، وخد” ملك” وروحو اقعدو عند مريم ولما يمشي هكلمكم..
دفعها “حسن” بعيد عنه بقوه وصاح فيها بغضب مزامنتاً مع هبوط دموعه..
حسن
انتي لي كده، لي بتعملي فنفسك وفينا كده؟..
وضعت هي يدها ع فمه قائله وبكاء شديد
عشان خاطري اسكت عشان خاطري..
جاء صوت والده الذي كان يقف اعلي الدرج قائلاً بغضب
لا متخليهوش يسكت انا بحبه يتكلم..
_«انتفض بقوه ودموعه كفت عن الهطول، واخذت عيناه تتابع هبوط والده من ع الدرج وقلبه ينتفض بخوف، ولكنه جاهد لاخفاءه، فحين ووقف والده امامه وهو يرمقه بغضب دفين»…
اردف والده بجمود
ازاي تتجرأ وتعلي صوتك وانا هنا؟..
“حسن” بغضب مكتوم
انت جيت لي؟..
_«اجابه والده بصفعه قويه ع وجهه، ليميل هو بجزعه العلوي للجهه الاخري، انتفضت والدته وشقيقته ببكاء مرير وخوف»…
صاح والده بغضب وصوت عالي
ده بيتي اجي وقت مانا عايز واعمل فيه اللي عايزه انتو هنا تحت امري انا، ولاخر مره اسمحلك تعلي صوتك هنا…
صفعه مجددا بقوه اكبر وصاح فيه بحده
فاهم ولا لا؟..
هبطت دموع “حسن” مجددا وهو ينظر ارضاً مكوراً قبضة يده بغضب واجابه بصوت هادئ..
حسن
فاهم حضرتك..
_«ابتسم والده بانتصار وذهب للاعلي، لينظر هو لوالدته بحزن ولوم كبير، ووقفت امامه وجذبته لاحضانها»…
واردفت ببكاء قائله
انا اسفه سامحني ي حبيبي انا اسفه..
_«جاء صوت والده من الاعلي وهو ينادي والدته بقوه، فتركت ابنها وذهبت سريعا للاعلي بخطوات شبه راكضه، فنظر هو لاثرها وابتسم بسخريه ودموعه لا تتوقف عن الهطول»…
وقفت شقيقته امامه واردفت بابتسامه جاهدت لاخراجها..
ملك
متزعلش ي “حسن”، روح لصحابك وانا هدخل اوضتي وهقفل عليا متقلقش..
قبل رأس شقيقته بهدوء قائلا
هكلمك ع طول لحد ميمشي ماشي..
_«اومئت له بـ نعم وذهب هو واخذ سياراه وقادها بسرعه كبيره، توقف بعد مده ليس بالقليله امام احدي البنايات الراقيه، هبط من سيارته ودلف داخل البنايه واتجه الي احدي الشقق المكتوب بجوارها ع تلك اللوحه الصغيره “د/باهر المنشاوي، طبيب الامراض النفسيه”، تنهد بقوه وذهب للداخل وبعد قليل دلف للطبيب، الذي كان شاباً فمنتصف عقده الثالث»…
” حسن” بجمود وهو يجلس امامه
سوري ي “باهر” اني جيتلك قبل معادنا بس…
_«صمت وهو ينظر ارضاً وقد لمعت الدموع بعينه مجدداً، ابتسم له “باهر” بهدوء»…
واردف بنبره جامده
باباك جالكم النهارده وحصل مواجه بينكم..
اومئ “حسن” برأسه وتحدث وقد هبطت دموعه كي تصف مدي المه…
حسن
ايوه، وانا زي كل مره خوفت منه واستسلمت لاهانته وسكت ع ذله ليا ولاختي وامي، انا بقيت بكرهه وبكره نفسي لما بخاف منه،كرخت تصرفاتي المتسرعه اللي بعملها لما اخاف..
“باهر” بجديه
بس احنا اتفقنا منتكلمش كده وننكر شعور الخوف ده، عشان تقدر تواجهه…
“حسن” بجمود
انا بفكر اخد امي واختي وامشي من بيته وابدا لوحدي من غير ميكون فحياتنا..
“باهر” بهدوء
الهروب مش حل، هيفضل يطاردكم وانك تاخد قرار فالوقت ده غلط ومش هتنجح فيه، انا عايزك توصل انك تقدر تواجهه حتي لو مد ايده انت متخفش، انت لازم تسطر ع الخوف ده عشان اي قرار تاخده وقتها تكون واخده بكل نضج مش واخده بسبب خوفك..
مسح “حسن” ع وجهه بضيق قائلاً
انا تعبت من نفسي ومن كل حاجه، نفسي بجد اخد “ملك” وامي وابعد عنه واعيش معاهم ومع صحابي وبس..
“باهر” بجديه
بص ي “حسن” تعالي نعتبر ان ده حصل فعلا، انت هتتخلص من الخوف اللي جواك كوبيسك اللي بتجيلك من الطفوله هل هتنتهي؟..
“حسن” بانفعال وغضب
طيب اعمل اي، مانا مش قادر انسي ولا اتعافي منه وهو قدامي وبيأذيني..
“باهر” بعمليه
ي “حسن” حالتك دي لازم المواجهه فيها، وقبل المواجهه لازم تخلص من خوفك وده مش هيحصل غير لما انت تواجه نفسك زي مثلا موضوع “ليلي”..
نظر له” حسن” بعيون حمراء دامعه واردف بتوتر
مالها “ليلي”؟..
” باهر” بابتسامه هادئه
انت لما حكيت عن كل اللي فحياتك سيبت “ليلي” للاخر، ولما حكيت عليها اول وصف وصفته عنها ان كل حاجه حلوه بتحصل معاها، الدنيا بتضحك مع ضحكتها وبتزعل مع زعلها..
“حسن” بتوتر وهروب من حديثه
انا ايوه حكيت عليها كده بس عشان هي كده وزيها بالنسبالي زي “ملك” و”مريم” مفيش زياده..
“باهر” بضحكه هادئه
هنا المشكله ي “حسن” انك حتي خايف تعترف لنفسك بشعور واحساس جواك..
_«نظر حسن للاسفل وهو يغمض عينااه بقوه، تحت ملاحظة “باهر” له، تحدث “حسن” وهو مازال ع وضعه»…
حسن
انا مش عايز اتكلم تاني وعايز امشي..
“باهر” بجديه
تمام ي “حسن” اتفضل ومعادنا زي ما هو دي مقابله استثنائيه ي عم، وبلاش تروح بيتكم روح لـ “مريم” وجمع صحابك واخرج وغير جو، وقبل متنام خد حبايه من الدوا بتاعك..
“حسن” وهو يذهب للخارج
تمام ي “باهر”،وسوري عطلتك وجيت من غير معاد..
” باهر” بنبره مرحه
واي الجديد عادتك ولا هتشتريها..
_«ضحك “حسن” بهدوء وذهب للخارج، فحين نظر “باهر” فأثره بحزن شديد»….
ــــــــــــــــــــــــــــــــــــــــــــ
«في بيت مريم الشاذلي كانت “مريم” تجلس بغرفتها بذلك المنزل الكبير والراقي للغايه، امسكت بقلمها بدأت برسم ذلك الطائر الذي يجلس وحيداً مكسور الجناحين واجنحته واقعه بجواره ع شكل ابويه، هبطت دموعها ع تلك الرسمه، فمسحتهم وتنهدت بقوه وامسكت هاتفها وحاولت الاتصال بوالدتها للمره التي لا تعلم عددها ولكنها لا تجيب، ابتسمت بسخريه وكادت ان تذهب للنوم حتي اطرقت الخادمه باب غرفتها»…
“مريم” بهدوء
نعم..
الخادمه بإيماء بعد ان دلفت للداخل
استاذ “حسن” تحت ي هانم وطالب يشوفك ضروري..
_«ابتسمت “مريم” بأتسااع وهبطت للاسفل راكضه، لتجده يقف امام الباب الزجاجي وهو يضع يديه بجيبي بنطاله وشارداً للغايه»…
“مريم” بابتسامه واسعه
يخي انت قلبك ده اي، انا فعلا كنت زهقانه ومخنوقه كويس انك جيت..
“حسن” بضيق
كنت هكلمك قبل ماجي بس موبيلي فصل شحن..
“مريم” بقلق
اي ده مالك، اونكل سعيد برضو صح؟..
“حسن” بهدوء
كبري دماغك المهم انا هبات هنا النهارده كلمي “هادي” يجيبلي هدوم معاه وكلمي العيال وخليهم يجو هنخرج نسهر..
قفزت بحماس قائله
حالاً هجيبهم، وهخلي البنات يجهزو اوضتك فوق…
حسن بابتسامه هادئه
والله طلع حوار انك عامله لكل واحد فينا اوصه فبيتك ده ليه فايده اهو…
تنهدت بقوه قائله
اهو ع الاقل حاسه بـ وَنس فوجود اوضكم هنا..
تابعت وهي تذهب للاعلي
هروح انا اجهز واكلم العيال وهبعتلك الشاحن..
_فماذا سيحدث..
دي البدايه ويدوب بنتعرف علي الابطال ومستنيه رئيكم ❤❤❤
ـــــــــــــــــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حسن القلوب)
