رواية وصية واجبة التنفيذ الفصل الثالث 3 بقلم رحمة أيمن
رواية وصية واجبة التنفيذ الجزء الثالث
رواية وصية واجبة التنفيذ البارت الثالث
رواية وصية واجبة التنفيذ الحلقة الثالثة
« يبني اقعد خيلتني »
نطقت بها إكرام وهي تنظر لغضبه العارم وتحركه ذهاباً وإياباً في الغرفه
يعقوب: هه اقعد آه، البيه عايز يتحكم في حياتي ومستقبلي وهو أصلا ميعرفش حياتي ماشيه ازاي
فيكِ تقوليلي شافني من امتي؟ فيكِ تقوليلي يعرف عني أيه عشان يقرر ده علي مزاجه ويقولي اعيش مع مين أو اتجوز مين؟ يا جرأته! والله يا جرأته
إكرام: يبني هو.. أكيد ميقصدش يديق…
يعقوب: أنتِ بتبرري أيه بالله عليكِ؟
بتبرري أي، لي مش عايز يرحمني ول هو عايش ول هو ميت عايز اي مني تاني هاه! سيبته ومشيت من 9 سنين ومن يومها لساني مخطبش لسانه ول شفته
لي عايز يسيب كل الذكريات اللي بينا بكره لي؟
ارحموني بقي! أعمل اي تاني سيبتلكه المكان وهجيت
اعمل اي تاني فهميني.
دمعت إكرام بصمت ولم تنطق بحرف علي كلامه الصحيح والقاسي كسوط لها ولا تستطيع نكرانه.
نظرت لعينيه الحمراء وهو يختم حديثه بجديه
يعقوب: مش لازمني يا ماما، أنا مش لازمني
معايا شقتي وشغلي وحياتي، من امتي وأنا مهتم بالورث ول يفرق معايا، يروح لدار الايتام علي الاقل ثواب
مش هيروح علي ابن عاق زي صح؟ أكيد صح.
إكرام: يبني أي اللي انت بتقوله ده؟
أنت مستوعب كلامك؟
يعقوب: مستوعبه يا ماما مستوعبه
هكلم عمو محمد وأقلوا أنه الجواز ده لا يمكن يتم واشربوا من البحر كلكوا ميهمنيش وهرجع أسكندرية بكره الصبح كمان، كفاية مهزله لحد هنا.
إكرام: مينفعش يبني مينفعش
يعقوب: لييي مينفعش! ماما أنا بحب واحدة وكنت هكلمك نروح نطلبها بعد فترة أقولها أي؟ أقلها هتجوز!
لاء ومين؟ نُدره! هه ده جنان رسمي، جنان رسمي
متحاوليش تغيري راي لانه قراري النهائي
هَم بتحرك للخارج ولكن توقف علي صوتها بصدمه
إكرام: لو عملت اللي في دماغك هعيش في الشارع يا يعقوب ومش كده وبس حليمه كمان هتعيش في الشارع
لأنه أبوك كتب كل حاجه في الوصية حتي الشقق
يعقوب: بتقولي أيه؟!
~~~~~~~~~~~~~~~~~
« الزمالك… بيت حليمه»
« اقعدي يا بنتي خيلتيني»
نُدره: ماما خالو أكيد بهزر، لاء لاء أكيد ده محصلش
اكيد في حاجه غلط
مسدت حليمه وجهها بصمت وقلة حيله
نُدره: ردي عليا يا ماما ساكته لي؟ قولي أنه مقلب وأي كلام قولي أي حاجة هتجنن
حليمه: م هو لو تبطلي تولولي وتندبي حظك زى الابره المخرومه هنحاول نلقي حل
هو أنا عارفة اركز منك روشتيني
نُدره: حل! حل أي يام حل، ده علي جثتي
ده لو آخر راجل في الدنيا والرجاله كلها نقرضت ماعدا القرود هتجوز قرد ومتجوزوش.
حليمه: حلوة والله الفكرة دي، هو الوحيد اللي ينفعك فعلاً
نُدره: يا ماما أنتِ بتهزري في المصيبة السوده اللي احنا فيها دي، ما تشغلي دماغك يا رئيسة تتفذية سابقة
ول أيام خوالي وراحت لحالها
حليمه: للأسف مفيش غير حل واحد
نُدره: انجديني وحيات تيتا
حليمه: لتجوزي يعقوب لأما…
نُدره: أيوه!
حليمه: تجوزي يعقوب برضه
نُدره: أهئ أهئ أهئ! لاء يمااا منك لله يخالي ما طرح ما أنتِ قاعد، ياريتني كنت طبق لوبيا يارتني تولدت بطه يختي آه والله، آااااه يا بختي المنيل يا حظي الفقر
أخذت وضع الاغماء واستلقت علي المقعد باستسلام
فصقفت لها حليمه بسخريه وتقليد فيلمها المفضل
حليمه: اللللله! الله يا ست الله يا فنانه أي الشطارة دي
نُدره: أنتِ بتهزري يا حليمه في المهلبيه دي كلها
حليمه: حليمه! شكلك خدتي عليا أوي
نُدره: يا ماما متهزريش بالله عليكِ هنعمل أي بجد
حليمه: هنجهز للفرح عشان يدوب
نُدره:…….
حليمه: مبرقالي كده لي؟ أومال نترمي من بيتنا ونقعد في الشارع عشان راس حضرتك وحضرته م أن شالله ما اقتنعتوا
روحي جيبي ورقة وقلم نكتب النواقص يلا ورانا شغل كتير.
نُدره: ياصبر أيوب يا رب! ياصبر أيوب.
~~~~~~~~~~~~~~~
نظر لسقف حجرة الاستقبال لديه والعالم يدور بيه ويشعر بثقل العالم فوق صدره من آخر حديث مع والدته
يعقوب: بتقولي أيه؟!
إكرام: عمك إيهاب لما توفي كان متفق مع أبوك انه هيكتب كل حاجه بأسمه عشان هو أكتر واحد هيخاف علي أخته وهيحمي ورثها بعد موته ولما أبوك مات بقي ورث عمتك محجوز كمان مع ورث أبوك
أبوك كاتب كل حاجه الشقق والعمارات والاراضي والشركة
وكله بعقود حقيقة مش هزار ولو متنفذش العقد هنخسر كل حاجه ومنه البيت ده كمان وكل حاجه تخص عمتك
نظر لها بعدم إستعاب وصدمه، كان يتوقع أن والده هوائي ولكن ليس لهذا الحد، سأل بخضه
يعقوب: أمتي ده حصل؟ الكلام ده مسمعتوش من انكل محمد؟ أنتِ متاكده
إكرام: وهو أنتَ قعدت كملت معانا ، أنتَ يدوب سمعت أول جملتين وخرجت زي القطر ومسمعتش باقي الكلام المهم
يعقوب: وهو في اكتر من كده إن شاء الله؟
إكرام: امم
جزت علي اسنانها بتوتر بعدما مسح وجهه وهو يحاول الثبات والصبر.
يعقوب: واللي هو؟
إكرام: الجواز هيتم الاسبوع الجي من معاد الوصية وتأخر ليله واحدة كمان يبطِل الوصية وتنتهي مدتها وتتحول لدار الايتام زي ما كتب فيها
تاني حاجة أنه ورث حليمه مع ورثه وأي حاجة هتحصل لي هتحصل لورثها كمان وهتخسر كل حاجة كان سيبها المرحوم إيهاب ليها زي ما قلتلك
تالت حاجه علي ما أذُكر… اللهم ما ذكرني آه.. الجواز هيستمر لمدّة سنة كاملة وهيكون في رقيب مخصوص لده ومقلش مين وأنه في لجنه هطب مرة واحدة عليكوا ولو ملقتش أنه في جواز أو حصل طلاق أو أي حاجة قبل السنة هيتنفذ القرار فوراً ويتنفذ الكلام المكتوب في الوصية
وكمان أتكلم عن الشركة ووجودك فيها وحاجات إداريه مفهمتش منها حاجه هتنقشها مع عمك محمد
اعتقد ده بس اللي فاكره دلوقتي
يعقوب: لاء ازاي الكلام ده؟ افتكري حاجه تجبلنا جلطه ول حاجه ونروح فيها نخلص وماله
إكرام:……..
يعقوب:يعني أنتِ عايزة تفهميني أنه مصطفى الشارقي رهن الشقق دي والموجوده في المعادي ونصيب عمته ف الشركة ونصبنا كمان، ولو متنفذتش مفيش بيوت
إكرام: ول شقق ول عربيات ول فلوس
هنكون علي الحديده كما ولدتنا أمهاتُنا
يعقوب: ده أنا اللي بقيت حديده، بقيت حديده اقسم بالله
جوزك ده مبشرم، وربنا مبرشم
إكرام: الله يرحمه بقي
يعقوب: الله يرحمه أي بس يا شيخه، الله يرحمه أي
يا رب!
خرج من ذكرياته علي صوت رسائل منها
Hindy: يعقوب أنتَ فين؟ مبتردش عليا طول اليوم لي؟ في حاجه قلقتني عليك؟
أغمض جفونه بقوة وهو ينظر لرسائلها دون رد
ثم أقفل الهاتف ونزل للأسفل بعد تفكيره وقرارن الحاسم.
« الزمالك.. بيت حليمه»
طق طق طق طق
خرجت نُدره من الغرفه ب لهفه وهي علي يقين أنه هو.
فتحت الباب بقوة
نُدره: أنتَ فين طول اليوم؟ هنعمل أيه في المصيبه دي
أنا م صدقت ماما تروح لطنط عشان اطلعلك
المهم قررت هنعمل أيه؟ هنلغي الجوازه دي ازاي بسرعه؟
يعقوب: هتجوزيني يا نُدره، مفيش حل تاني.. هنتجوز
نُدره:………
حرك كفيه بقلة حيله أمام صدمتها.
عجز اللسان عن الكلام والنطق وتحدثت النظرات بدل ذلك فالوضع حقا سيئ وقبول هذا الان أسوء بمراحل…
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية وصية واجبة التنفيذ)
