رواية جنون الحب الفصل الخامس 5 بقلم سحر حسين
رواية جنون الحب البارت الخامس
رواية جنون الحب الجزء الخامس
رواية جنون الحب الحلقة الخامسة
الكل كان مستغرب جدا اللي كان بيعمله عز الدين بس الواحيده اللي كانت فرحانه من الموضوع ده هي ملك وكانت فاهمه أن اللي بيعمله ده من غيرتو وهي قاعدت ترخم عليه اكتر وكانت بتضحك مع العريس وعماله تهزر معاه كتير وعز الدين مقدرش يستحمل الوضع ده واستاذن وقام ومشي وبعد شويه ملك كمان استأذنت وقامت دخلت غرفتها والكل كان مستغرب منه قامت ودخلت جري ورا ملك .
*********************
منه : ايه يا بنتي في ايه قومتي ليه .
ملك : انا خلاص مش قاده اكمل هو يعني فرحان وحنا بنعزب بعض كده خلاص لو هو مش عايزني انا كمان مش عايزاه .
منه : ايه بس اللي حصلك ما انتي كنتي ماشيه كويس في الخطه .
ملك : وانا خلاص زهقت من الكتر الخطط دي كلها انا بتعزب ومحدش حاسس بيا ولا حتي هو .
منه : حبيبتي طيب اهدي بس كده وانا هروح اتكلم معاه .
ملك : لا يا منه انا مش هشحتوه اكتر من كده انا خلاص مش هقعد هنا تاني اصلا .
منه : يعني ايه هتروح فين .
ملك : يعني انا هسافر عند عمي ومش راجعه تاني .
منه : ملك ممكن تهدي شويه وخلينا نفكر .
ملك : نفكر في ايه تاني انا خلاص مبقاش عندي دماغ تفكر .
منه : طيب ومامتك هتعملي معاها ايه .
ملك : هخدها معايا يا منه افهميني انا مش هعرف اقعد هنا اكتر من كده .
منه : يا حبيبتي انا والله حاسه بيكي وفهماكي طيب ممكن تهدي شويه وتعالي نطلع نقعد معاهم بره شويه .
وفجأة تدخل مامتها .
الام : ايه يا ملك اللي انتي عاملتيه ده كده طلعتي شكلي وحش اووي قدمهم .
ملك : يا ماما انا مش اتجوز .
الام : هو مش انتي اللي قولتلي اخليهم يجي .
ملك : ماما ممكن بعد اذنك نسافر عند عمي .
الام : عمك كده مره واحده .
ملك : اه يا ماما ممكن .
الام : انا مش فاهمه حاجه هو في اي بظبط .
منه : طيب يا عمتي ممكن تهدي شويه وتسبيها تهدي .
الام : ماشي ربنا يهديكي يا بنتي .
منه : اهدي بقي يا ملك عمتي شكلها تعابه اووي .
ملك : انا هريحها مني خالص وهسافر عند عمي .
منه : يا بنتي اهدي شويه وبعدين عمك ايه ده اللي ظهر فجأة .
ملك : والله انا تعبانه ومش هعرف اقعد هنا اكتر من كده حسي بيا وافهميني شويه .
منه : حبيبتي والله انا فهماكي بس اهدي شويه وديني فرصه انا هشوف للموضوع ده حل .
******************
منه سابت ملك وراحت لعز الدين .
منه : قولي اي رايك في العريس .
عز الدين : عريس ده عريس ده دمه تقيل اووي ….. وبعدين أي رأي العروسه .
منه : انت بتستهبل ما انت عارف رأيها من الاول .
عز الدين : وانا اش عرفني رأيها ايه .
منه : انت مصمم تكدب يعني انا مش عارفه انت بتضحك عليا ولا علي نفسك .
عز الدين : في ايه يا منه مالك .
منه : مفيش حاجه خليك كده لحد ما البت تبعد عنك .
عز الدين : هتبعد تروح فين يعني .
منه : انا بتكلم بجد ملك مسافره عند عمها واحتمال مترجعش هنا تاني .
عز الدين : يعني ايه هي بجد مسافره .
منه : خليك مستهبل بقا .
*****************
منه سابته وعز الدين كان مخنوق جدا وقاعد يتصل بملك كتير وهي مش بترد وفي الاخر رفضت اتصاله عز الدين قرر أن هو ميتخلاش عنها قام ونزل يجري زاي المجنون عشان يروح عندها واول ما عمته فتحت الباب . ……..
**********************
عز الدين : ازيك يا عمتي هي ملك فين .
عمته : والله يا بني ملك مش هنا وعماله اكلمها و هي مش بترد عليا .
عز الدين : وانا كمان بكلمها وهي مش بترد عليا هي صحيح عايزه تسافر عند عمها .
عمته : اه والله يا بني دي حتي كلمت عمها وتفقت معاه انا هتسافرله خلال يومين .
عز الدين : لا يا عمتي انا مش هسبها تسافر ولا هخليها تبعد عنك ابدا .
عمته : هتعمل ايه بس يا عز الدين .
عز الدين : هتجوزها وهجبهالك هنا .
عمته : بفرحه كبيره بجد يا ابني .
عز الدين : اه بجد والله يا عمتي يعني انتي موافقه عليا .
عمته : طبعا يا حبيبي وانا عندي اعز منك .
عز الدين : تمام اووي انا هروح ادور علي المجنونه دي وجبها .
عمته : روح يا حبيبي ربنا يرجعكو بالسلامه أن شاءالله .
********************
عز الدين نزل وحاول يكلمها وبرضو هي مش بترد عليه راح كل الاماكن اللي هي كانت بتروح عليها وبردو هي مش موجوده في أي مكان .
اتصال بمنه عشان يسألها عن مكانها بس هي كمان متعرفش اي حاجه عنها فضل يدور عليها زاي المجنون وكان خايف لتعمل حاجه في نفسها وبعدين فضل يفكر هي ممكن تكون راحت فين لحد ما راح مكان ولقاها هناك ……..
*******************
عز الدين : كنت عارف اني هلاقيكي هنا .
ملك : وانت بدور عليا ليه اصلا .
عز الدين : ايه اللي جابك عند بابا ايه بتشتكي مني .
ملك : لا جيت أزوره قبل ما اسافر .
عز الدين : وانتي فاكره اني هسيبك تسافري كده عادي .
ملك : وانت مالك بقا انت لسه عايش في جو اخويا ده بقولك ايه يا عز الدين ونبي سبني في حالي انا مش ناقصاك .
عز الدين : لا طبعا مش هينفع اسيبك .
ملك : خلاص انا اللي هسيبك وامشي .
عز الدين : مسك يدها وقالها . في واحده محترمه تتكلم مع خطيبها كده .
ملك : عز انا مش فايقه لهزارك ده بعد ازنك .
عز الدين : يا مجنونه هزار ايه انا خطبتك من عمتي وهي وافقت .
ملك : بفرحه ايه ده بجد .
عز الدين : اه والله بجد انا اتقدمتلك ومامتك موافقه .
ملك : يا سلام طيب انا بقا مش موافقه .
عز الدين : لا ونبي امال كنتي بتعملي ده كله ليه مش عشان بتحبيني .
ملك : كنت بحبك إنما دلوقتي خلاص .
عز الدين : والله ….. ماشي انا خطبتك واللي كان كان خلاص .
ملك : طيب يلا امرنا لله بقي عشان خاطر ماما بس .
عز الدين : هههههههههه لا والله ماشي يا ستي ……. ملك بجد انا اسف علي ايه حاجه عملتها معاكي .
ملك : خلاص مش مهم بقي المهم انك واخيرا بقيت بتاعي انا وبس .
عز الدين : والله بحبك يا مجنونه انتي .
ملك : ياااااااا اخيرا يا اخي قولتها ….. وانا بموت فيك والله :
********************
عز الدين خدها وفعلا رجع بيها البيت وتمت الخطوبه وبعد فتره من الوقت تم الجواز واخيرا وكانت فرحتهم بجد كبيره جدا والكل كان ملاحظ حبهم لبعض والكل كان فرحان عشانهم .
********************
اوعي تخسر الشخص اللي بيحبك بجد بيحبك بأفعال وليس اقول لو لقيت شخص بيحارب الكل علشانك فعلا وبيعمل المستحيل اتمسك بيه بجد هو ده ………
جنون الحب ❤️
وهنا تكون الروايه خلصت .
اتمنا تعجبكم ❤️
بقلم سحر حسين ❤️
شكرا 😊
اتمنا دعمكم ليا ❤️
لقراءة الرواية كاملة اضغط على : (رواية جنون الحب)
