رواية جحيم أنس الفصل الأول 1 بقلم أحمد نبيل
رواية جحيم أنس الجزء الأول
رواية جحيم أنس البارت الأول
رواية جحيم أنس الحلقة الأولى
انس عبد المجيد الطحان … سيدة في العقد الخامس من العمر تعمل مديرة مدرسة في احدى المدارس الحكومية … متزوجة من سيد عبد ربه الجمال صاحب مكتب الجمال للاستثمار العقارى ولديها ولد وبنت … الولد هو كريم الجمال 22 سنة في السنة النهائية لكلية الاعلام والبنت هي نانيس الجمال 18 سنة في السنة الأولى في احد المعاهد الخاصة لنظم المعلومات … يجتمع الان سيد وكريم ونانيس في المنزل في انتظار وصول انس للاحتفال بعيد ميلادها
تصل انس المنزل
تفتح الباب وتدخل وتتفاجأ بانطفاء جميع الانوار وقبل أن تضغط على زر الاضاءة تنفتح جميع اأنوار الشقة وتتفاجأ انس بزوجها وابناءها أمامها وهم يلتفون حول طاولة السفرة وأمامهم تورتة كبيرة
يغنى الجميع : سنة حلوة يا جميل … سنة حلوة يا جميل … سنة حلوة يا انس … سنة حلوة يا جميل
كريم : يلا يا ست الكل نطفى الشمع
نانيس : احنا حطينا 3 شمعات بس وكل شمعة بعشر سنين مش انتى النهاردة هيبقى عندك 30 سنة برده
سيد : يعنى انا كده اكبر منها بـ 25 سنة بقى
تبتسم انس وتقترب منهم
كريم : كل سنة وانت طيبة يا أحلى أم في الدنيا
انس : وانت طيب يا حبيبى … معقول اللى انتوا عاملينه ده
كريم : وفى أحلى وأغلى مناسبة نحتفل بيها غير عيد ميلادك
نانيس : اه طبعا القرع بتاعك هيشتغل
كريم : خليكى في حالك انت هو انت بتعرفى تكلمى أساسا
نانيس : سبنالك انت الفيلم كله يا سيادة المخرج
سيد : وبعدين … مش وقت نقار انتوا الاتنين
كريم : يلا يا ماما طفى الشمع
تقوم انس بإطفاء الشمع مع تصفيق الجميع
كريم (وهو يمد يده نحو التورتة) : أنا أول واحد هاخد حتة من التورتة دى
نانيس (وهى تضرب يد كريم) : أنا اللى جايباها على فكرة
سيد : انس الحقى اخطفى حتة قبل العيال دى ما تخلص على التورتة
كريم : عيال برده يا بوب دانا هتخرج السنة دى وابقى اشطر مخرج في مصر
نانيس : ابقى قابلنى
كريم : وعلى ايه متيجى نتقابل دلوقتى
يهم كريم بضربها
سيد : وبعدين انتوا الاتنين مش تخلوا صاحبة الفرح تكلم
انس : معلش أنا متاخده شوية يمكن عشان تعبت أوى في المدرسة النهاردة
سيد : لا بقولك ايه يا حضرة المديرة النهاردة عيد ميلادك انسى بقى يومك كله وخلينا نتبسط
انس : عموما أنا متشكرة ليكوا واحد واحد وحقيقى مفاجأة حلوة
نانيس : طب يلا يا انوس كلى أول حتة في التورتة قبل ما سيادة المخرج يشطب عليها
تقوم انس بتقطيع التورتة
جرس باب الشقة يرن
سيد : وده مين بقى اللى جاى دلوقتى
كريم : طنش يا بوب وخلينا في التورتة
انس : ازاى بس مينفعش … افتح يا كريم الباب
كريم : ده شكله مشى قطعى بقى يا أستاذة انس التورتة
سيد يقوم بإشعال سيجارة وينظر اليها
انس : برده سجاير مفيش فايدة فيك
سيد : حقك عليا يا أستاذة وادى السيجارة
انس : هترميها على الأرض
سيد : لا مش على الأرض هرميها من البلكونة
انس : وده تصرف صح لو سمحت ارميها في الباسكت قدامك اهو
سيد (يتنهد بعمق) : حاضر
جرس الباب يرن مرة أخرى
سيد : يا اخى روح افتح بقى
انس : خليك يا كريم هفتح أنا
كريم : معقولة انت صاحبة الفرح … أنا هفتح وأمرى لله
نانيس : شكلك خايف على التورتة لتتاكل
كريم (وهو يفتح الباب) : طب مدى ايدك عليها كده وشوفى هيحصلك ايه
يفتح كريم الباب ولم يجد أحد أمامه
كريم : مش قولتلكوا مفيش حد ده تلاقى ولاد الأستاذ منصور اللى جبنا هما اللى بيضربوا الجرس عيال اشقيا أوى
يلمح كريم علبة هدايا موضوعة أسفل الباب
كريم (وهو يلتقط العلبة من مكانها) : دى هدية حد سابها ومشى
يأخذ كريم العلبة ويغلق الباب
سيد : وده مين ده اللى جاب الهدية وسابها ومشى
نانيس (وهى تخطف العلبة من كريم) : خلينا نفتح ونشوف
كريم (وهو يخطفها منها) : طب خلى صاحبتها هي اللى تفتحها
يعطى كريم العلبة لانس التي تنظر لها باستغراب
كريم : شوفى يا ست الكل مين فاكر عيد ميلادك النهاردة وجابلك الهدية ومرضاش يعلن عن نفسه
سيد : مالك يا انس متفتحى العلبة وشفى فيها ايه يظهر حبايبك النهاردة كتير
انس : انت بتتريق يا سيد اذا كنت انا نفسى كنت ناسية
سيد : بس انا منستش اهو عشان متاخدش مخالفة وتبعتيلى استدعاء ولى أمر
انس : طب بطل تريقه منفضلك
سيد : طب افتحى العلبة عشان نشوف الهدية المجهولة دى
تفتح انس العلبة وتجدها فارغة
انس (بدهشة) : دى علبة فاضية
سيد : ازاى يعنى واحد فاكر عيد ميلاد وجه وخبط على الباب وسابها ومشى وكل ده وعلبة فاضية
نانيس (وهى تأخذ العلبة من يد انس) : ورينى كده
تلمح نانيس ورقة صغيرة بداخل العلبة
نانيس : ايه الورقة دى
كريم : ايه جو الساسبنس ده
سيد : شكلك انت اللى عامل المقلب ده
كريم : علطول ظالمنى يا بوب
نانيس : طب نشوف الورقة فيها ايه
انس (وهى تأخذ الورقة من نانيس) : هاتيها هشوفها أنا
تفتح انس الورقة وتجد به رسالة مكتوبة
انس (تقرأ الرسالة) : كل سنة وانت طيبة … خلى بالك من نفسك … حد قريب منك عايز يقتلك
تتسع عين انس عن اخرها وترتمى على أقرب مقعد وهى تمسك بالورقة
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية جحيم أنس)
