رواية وجدتك نوري في وسط ظلمة الحياة الفصل الأول 1 بقلم نشوة عادل
رواية وجدتك نوري في وسط ظلمة الحياة الجزء الأول
رواية وجدتك نوري في وسط ظلمة الحياة البارت الأول
رواية وجدتك نوري في وسط ظلمة الحياة الحلقة الأولى
– يا خبر يا ذياد ايه كمية الدخان دى كلها يا ابنى ومقفل الدنيا وقاعد فى الضلمة ليه كده؟
ذياد بحسرة: وهى الضلمة هتفرق مع واحد اعمى وعاجز زيى فى ايه هو انا بعرف اميز بين الضلمة او النور الاثنين بالنسبة لواحد زيى واحد
نادية بحزن وهى بتحضنه: مين قال انك عاجز انت بصحتك وبتمشى ع رجلك يا نور عين امك
ذياد: يا فرحتى برجلى اللى بمشى بيها وبصحتى اللى مش عارف استفاد منها انا عايش عالة مش اكتر
نادية: انت لو فاكر ان الاعمى هو اللى فقد بصره تبقى غلطان الاعمى الحقيقى اللى ربنا حرمه من نعمة البصيرة هيفيد بايه نظرك وانت مش عارف تفرق بين الحق والباطل والصح والغلط تبقى شايف الناس ومش قادر تفرق بين المنافق والصادق هو ده الاعمى الحقيقى وبالنسبة للى فات انساه وابدء من جديد متدفنش نفسك بين اربع حيطان انت طول عمرك مؤمن بقضاء الله وعمرك ما كنت ضعيف
ذياد: للاسف يا امى انا انكسرت وكسرتى كان ع ايد اكتر ناس وثقت فيهم وهما اللى وصلونى للحالة دى والوضع اللى انا فيه وانا مش مسامحهم لا دنيا ولا اخرة
نادية: ربنا يريح قلبك يا حبيبى ويهديك للخير ويحبب فيك جميع ما تميل عليه يلا قوم معايا عشان تنام كفاية عليك سهر لحد كده
اخدته نادية لحد السرير وغطته كويس وفضلت جنبه تملس ع شعره بحب وحنان لحد ما اتأكدت انه نام خرجت اتوضت وصلت ركعتين قيام ليل ودعت من قلبها ان ربنا يهون ع ابنها الصعب ويربط ع قلبه
فى مكان تانى فى واحد من احياء اسكندرية البسيطة كان باب احدى الشقق بيخبط
قمر وهى الام: حاضر جاية اهو
راحت فتحت الباب واتصدمت صدمة عمرها لما شافت شخص ما واقف قصادها: ف..فؤاد انت عرفت مكانى منين وايه اللى جابك بعد السنين دى كلها؟!
فؤاد: كده من ع الباب يا قمر الزمان مش هتدخلنى وتضايفنينى ولا ايه!
قمر: اخلص يا فؤاد ايه اللى رجعك تانى جاى ليه وعاوز منى ايه؟!
فؤاد: عايزين نرجع ليالى الانس ونحيى اللى كان
قمر بتهكم: انت جاى لواحدة عندها ٦٥ سنة تقولها ارجعى للرقص والمسخرة وانت اكتر واحد عارف انى دخلت الموضوع ده بالغصب وانت كنت الشيطان اللى عمل فيا كده مش مسمحاك ابعد عن طريقى بقا يا اخى انا ما صدقت خلصت منك ومن وشك العكر
فؤاد بملامح حادة: لا انتى خلاص يا قمر مبقتيش قمر ولا حاجة راحت عليكى خلاص …بعد بوشه ع صورة لبنت قمر وقال: المطلوب ولية العهد بنتك
قمر بحدة: بنتى! انت اكيد اتجننت اوعى تفكر تقرب من بنتى والله العظيم امحيك من ع وش الارض
فؤاد بضحك: والله طلعلك صوت وبقيتى تعرفى تهددى
قمر: انا عشان خاطر بنتى هعمل اى حاجة مش بس اهدد كمان انفذ
فؤاد: حلو ده بس اظن انتى لسه فاكرة مين فؤاد الغندور مش كده وع فكرة بنتك مطلوبة بالاسم من جمال اخويا يعنى خلاص دخلت القائمة وهتيجى بمزاجك او غصب عنك يا حلوة فالاحسن تيجى بالذوق
قمر: على جثتى لو سمحت بده او سيبتك تمس شعرة واحدة من بنتى
فى الوقت ده وصلت سلمى بنت قمر من شغلها وقالت: السلام عليكم خير يا ماما صوتك عالى كده ليه
اول ما شافها فؤاد ابتسم بخبث: بسم الله ما شاء الله ع الجمال فعلا اطبق القدرة ع فمها تطلع البت لامها
سلمى : مين ده يا ماما؟
قمر بتوتر: ابدا يا حبيبتى ده ….ده ……….
فؤاد مقاطعاً: انا صاحب ابوكى الله يرحمه الروح بالروح سألت عنكم كتير لكن معرفتش اوصلكم لحد ما ولاد الحلال عرفوا مكانكم وعرفونى فجيت اطمن عليكم
سلمى بابتسامة: اهلا بحضرتك يا عمو طب اتفضل اقعد اعملك ايه تشربه!
فؤاد: اصيلة ومتربية بس مش المرة دى يا حلوة المرات الجاية هتكون كتير وهنشرب اكيد سلام يا حاجة قمر
مشى فؤاد وفضلت قمر تبص ع طيفه لحد ما اختفى وقتها تفت عليه وقعدت تعيط
سلمى بخوف: ماما …ماما مالك؟!
قمر بتعب الحقينى يا سلمى هاتى البخاخة بسرعة
جريت سلمى ع الاوضة وجابت البخاخة من الدرج وخرجت بسرعة لقت مامتها واقعة ع الارض وقاطعة النفس فتحت الباب بسرعة وصرخت اتلم الجيران وشالوها وودوها ع المستشفى اللى سلمى شغالة فيها ممرضة
هناك بعد مدة خرج الدكتور وقال: سلمى تعالى والدتك عاوزة تشوفك بس ارجوكى اقنعيها متتكلمش كتير
دخلت سلمى بسرعة وقالت: ماما ارجوكى اهدى ومتتكلميش عشان خاطرى ده مش كويس عشانك
قمر: انا هكون كويسة لما اتأكد انك بخير يا حبيبتى
سلمى بدموع: انا بخير طول ما انتى معايا وجنبى يا ست الكل
قمر: بجد عاوزانى اكون بخير؟!
سلمى بسرعة: طبعا يا ماما انتى ازاى بتسألى سؤال زى ده
قمر: يعنى لو طلبت منك اى حاجة هتعمليها؟!
سلمى: انتى تؤمرى وانا عليا التنفيذ
قمر: عوزاكى تهربى من هنا ومترجعيش ابدا حتى لو عرفتى انى مت متجيش تدفنينى ولا تزورينى
سلمى باستغراب: ايه الكلام اللى بتقوليه ده يا ماما عاوزانى اهرب ..اهرب ليه ومن مين وووووووووو…….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وجدتك نوري في وسط ظلمة الحياة)
