رواية لا استطيع الحياة بدونك الفصل الخامس 5 بقلم فريدة أحمد
رواية لا استطيع الحياة بدونك البارت الخامس
رواية لا استطيع الحياة بدونك الجزء الخامس
رواية لا استطيع الحياة بدونك الحلقة الخامسة
بعد اسبوع
يوسف طلق بسنت بعد مامراد وياسين اجبروه علي كدة
بس مسابهوش يمشي بردو فضلو حبسينه في المخزن
علشان يعذ. بوه اكتر
..
عند ياسين كان في شقته
ياسين كان قاعد وساند ضهره علي السرير وهو سرحان
دخلت منه وهي معاها فنجان قهوه ليه ادتهوله وقعدت جمبه وهي باين عليها الحزن
ياسين اتعدل وبدأ يشرب القهوة
بصلها ياسين لاحظ الحزن عليها
ياسين… مالك
منه بدموع… مفيش
ياسين لما شاف دموعها قربها ضمها ليه وقالها… مفيش الزاي.. بتعيطي ليه يامنه
منه دموعها نزلت اكتر بوجع بصتله وقالتله… ياسين انت هتتجوز بنت عمك بجد
اتنهد وشرد لثواني وبعدين بصلها وهو بيمشي ايده علي شعرها وقال.. لأ مش هتجوزها
منه وهي مش مصدقه… بجد. انت بتتكلم بجد
ياسين هز راسه بهدوء
منه دخلت في حضنه وهي بتقول… انت متعرفش انا بحبك قد ايه ياياسين. بحبك اووي
………..
عند بسنت كانت في اوضتها
كانت بتعيط بانهيار في حضن مامتها بعد ماعرفت انهم اجبرو يوسف يطلقها
ناريمان بحزن عليها… اهدي اهدي ياحبيبتي
بسنت بعياط… لييه بيعملو معايا كده ليييه. انا مكنتش طالبة اي حاجة غير اني ابقي معاه. ليه يحرموني منه. ليه يحرمونا من بعض
وهي بتعيط بوحع
ناريمان كانت بتضمها ليها بدموع وهي حاسه بيها وبوجعها بس مفيش في اديها حاجة تعملها قصاد جبروت جوزها
ناريمان… حاولي تنسيه يابسنت
بسنت بدموع … مش هقدر. مش هقدر يا ماما. يوسف هو كل حياتي. انا من غيره مقدرش اعيش ياماما والله ماهقدر اعيش
وهي دموعها بتنزل بالم
………..
في المخزن
كان والد ياسين راح ل يوسف وخرجو وقالو من الافضل ليه ولـ بسنت انو يبعد عنها وخلاه يسافر
……
عند منه كانت قاعدة مع مامتها
مامتها… هاا عاملة ايه مع جوزك بيعاملك الزاي دلوقتي
منه… الحمدلله ياماما بيعاملني كويس
مامتها… طب الحمدلله ياريت بقا تتجدعني وتحملي
منه… اييه. لأ طبعاً . ماانتي عارفة ياسين محذرني اني احمل
مامتها… ما هو انتي تبطلي تاخدي الحبوب ولما يحصل حمل ابقي قوليلو غصب عنك
منه.. لأ طبعا انتي بتقولي ايه ياماما انا مش ممكن اعمل كده
مامتها… متبقيش غبية واسمعي اللي بقولهولك ده في مصلحتك ولا انتي عاوزة يفضل متجوزك في السر كدة علطول ولما يزهق منك يرميكي.. انما بقا لو سمعتي كلامي وحملتي منه هيضطر يعلن جوازه منك وتبقي مراتو قدام الناس مش في الخفي.. اسمعي كلامي وانتي تكسبي لو عملتي كده العز اللي هما فيه ده كلو في الاخر هيبقي ليكي ولأبنك
منه بضيق من طمع مامتها… ياماما انا كذا مرة اقولك اني بحب ياسين مش بحب فلوسه.
مامتها… وماله حبيه ياحبيبتي ودلعيه كمان. بس بردو لازم تفكري في نفسك وتخليه يعلن جوازه منك
وده مش هيحصل غير لو حملتي
منه.. بس انا خايفة لوعرف ممكن يعمل فيا اي
مامتها.. متخافيش واعملي بس اللي بقولك عليه
……..
تاني يوم
منه واقفة ماسكة شريط الحبوب بتردد وهي بتفكر في كلام مامتها اتنهدت وبعدين شالته في الدرج من غير ماتاخد الحبايه
….
بعد مرور شهر
عند بسنت في اوضتها اللي مبقتش تخرج منها طول الفترة اللي فاتت وطول الوقت حزينة وبتعيط
كانت قاعدة معاها بنت عمها اللي بتحاول تتكلم معاها علشان تخرجها من الحزن اللي هي فيه
جوري.. طب ايه رأيك نخرج
بسنت بحزن … مليش نفس ياجوري
جوري.. ماهو مينفعش تستسلمي للحزن كده لازم تفكي عن نفسك علشان متتعبيش ياحبيبتي
بسنت بيأس… مش فارقة اتعب ولا حتي امو. ت
جوري بحزن علي حالتها… بعد الشر عليكي متقوليش كدة
بعدين اتنهدت وقالت بإصرار.. بصي انا مش هسيبك غير لما تخرجي معايا
بسنت.. معلش ياجوري بجد مش هقدر روحي انتي اخرجي مع صحابك واتبسطي
جوري برفض… لأ مش هخرج غير معاكي.. عشان خاطري بقاا تعالي معايا
وبعد محاولات كتير من جوري اخيرا بسنت وافقت يخرجو وقامت دخلت الحمام وجوري قعدت تستناها
بسنت وهي في الحمام فضلت تبص علي نفسها في المرايه وعي دموعها بتنزل مسحت دموعها وفجأة عينها جات علي
مسكت بسنت المـ وس وفضلت تبص عليه لثواني غمضت عنيها وبعدين
………
عند منه وياسين
منه كانت قاعدة معاه وهي باين عليها التوتر وهي مش عارفة تقولو الزاي
ياسين خد بالو فـ سألها… في ايه مالك
فركت منه ايديها بتوتر وقالت بصعوبة.. كـ كنت عاوزة اقولك علي حاجه
ياسين ركز معاها.. قولي انا سامعك
نطقت منه بصعوبة وقالت بخوف .. انا حامل
ياسين بصدمة .. نعمم.. يعني ايه حامل
مسكها من دراعها بغضب.. انطقي حامل الزاي والحبوب اللي بتاخديها.. ولا انتي مكنتيش بتاخديها وبتستغفليني
منه بكدب قالت بتوتر وخوف… حـ حصل غصب عني
ياسين مسكها من شعرها جامد وقال بغضب… حصل غصب الزاي ياروح امك انتي بتستهبليني يابت
وهو بيشد علي شعرها اكتر
منه بوجع… ياسين. شـ شعري. حرام عليك
وهي بتتألم من ماسكته قالت… وفيها ايه اني احمل ما انا مراتك
ياسين.. مراتي ايه انتي صدقتي نفسك يابت انا متجوزك علشان مزاجي وتبسطيني واظن انا دافعلك فلوس انتي وامك مكنتوش تحلمو تمسكوها
كمل وقالها… اسمعي ياروح امك. اللي في بطنك ده هينزل. سامعةة
منه بوجع ودموع .. سامعة سامعة
ياسين وهو غير مبالي بيها .. بكرة تروحي للدكتورة تنزليه
منه بدموع.. حاضر حاضر بس سيب شعري
ياسين حدفها علي الارض بشدة دماغها اتخبطت في الترابيزة و خرج وهو غضبان من غير حتي مايشوف حصلها ايه
ومنه كانت فقدت الوعي وهي دماغها بتنزف
……
عند بسنت كانت لسه في الحمام
وجوري بره مستنايها لسه قلقت لما لاقتها اتأخرت في الحمام قامت جوري خبطت عليها
جوري.. بسنت . بسنت
بس بسنت مكنتش بترد عليها
قلقت جوري اكتر بسنت.. انتي سمعاني
بردو مفيش رد
فتحت جوري الباب واول مابصت علي الارض اتصدمت لما لاقت بسنت واقعة علي ارضية الحمام وسايحة في دمـ ها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لا استطيع الحياة بدونك)
