رواية مهرة العز الفصل الثالث والعشرون 23 بقلم مريم
رواية مهرة العز الجزء الثالث والعشرون
رواية مهرة العز البارت الثالث والعشرون
رواية مهرة العز الحلقة الثالثة والعشرون
في صباح يوم جديد مليئ بالأحداث الشيقه على أبطالنا
صحت هديه من النوم وسمعت صوت دوشه من تحت استغربت وقامت اتوضأت وصلت فرضها ولبست فستان ابيض طويل لعند الركبه وعليه حزام بني عريض وبوط بني طويل وسابت شعرها على ضهرها ونزلت…….
عز كان قاعد في الصالون وسرحان ومش اخد باله مت هديه اللي دخلت وقالت صباح الخير….
هديه باستغراب:عز مالك……عززز
عز فاق من شروده على صوتها وقالها:ها….كنتي بتقولي حاجه؟؟
هديه بغيظ:لا مكنتش بقول……كنت بصبح بس….
عز:اممممم…..صباح النور…..
هديه: هي اي الدوشه والناس اللي برا دي؟؟؟
عز:هه……دي أستاذة منى…..مش النهاردة عيد ميلادها
دي صاحيه من ٧ عشان تجهز التحضيرات
هديه بضحك:يالهوي…..ده انا فكرت البيت بيتباع في مزاد علني ولا حاجه
عز ضحك على كلامها وجت سلوى من وراها وقالتلها
سلوى بسخريه:هه…ما طبيعي تفكري كده…….ما انتي مش متعودة على حاجات من دي…..ده انتي تلاقي اخرك كنتي تنفخي شمعه على تورته معموله في البيت
هديه بصت ليها بغيظ ومتكلمتش وعز بصلها وسكت ومردش عليها كعادته….وهديه استغربته….وبدأت تفتكر كلام سلوى ان هو بيتسلى بيها….وبعدين نفضت الأفكار دي من راسها وقامت وقالت:انا هروح افطر…..باي
وهي ماشيه في الطرقه خبطت في منى اللي بتجري ومستعجله…..
هديه بابتسامه:في اي مالك يامنمن بتجري كده ليه
منى بتوتر:مش عارفه ياهديه خايفه….حاسه ان احنا مش هنلحق نعمل اي حاجه
هديه ضحكت وقالت:ليه….ده احنا لسه الساعه ٩ يبقى مش هنلحق ازاي…..لسه اليوم قدامك طويل…
منى:منا عارفه ان اليوم طويل…..بس عشان انا عارفه نفسي واحدة منحوسه هيعدي بسرعه….وممكن الديكور ميعجبش ياسر…
هديه:امممممم…..انا خلاص كده فهمت انتي متوترة ليه
منى:مش وقتك والله…
هديه:طب مش ياسر كان بيجي كل سنه عيد ميلادك….انتي كل سنه بتبقي متوترة كده هههههههه
منى بغيظ:هههه….والله انتي فايقه ورايقه….وسابتها ومشت وهديه فضلت تضحك عليها وتقول…فايقه ورايقه ومش متضايقه…….وعسل….يضربوا بيها المثل
وفضلت تضحك على منظرها وهي بتدب برجلها في الأرض زي الاطفال …….
🦋♡♡♡♡♡♡♡♡🦋
عند لؤي وشمس….
كانت شمس صحت من النوم وفضلت تتوجع شويه بسبب الكدمات اللي في وشها وبعدها عدلت نفسها
وقامت تقعد شويه وبعدها لؤي دخل عليها وبابتسامه
قالها:صباح الورد على اجمل اوركيدة
شمس بابتسامه:صباح النور يالؤي…..
لؤي:ها الجميل اخباره ايه دلوقتي….
شمس بابتسامه:الحمدلله
لؤي بشك:متأكدة؟؟
شمس بتوتر:ها…..ا….ااه اه….كويسه والله….بس حاسه بشويه وجع شويه بس بسبب الكدمات دي…بس هيروح مع الوقت انشاء الله…..
شمس: بالحق فوني اكيد مقفول …..واكيد اهلي قلقانين
عليا…..لأن المفروض كنت ارجع امبارح…ف ممكن اكلم بابا من عندك…
لؤي بابتسامه:ايه ممكن دي….انتي تؤمري مش تطلبي
شمس بخجل:ميرسي
لؤي بضحك:على اي…….هه خدي كلميه يلا…بس ياريت بلاش تقوليلهم على اللي حصل عشان ميقلقوش….
شمس بابتسامه:حاضر…..بس هقولهم اي؟؟
لؤي بتفكير:اممممم…..ممكن مثلا تقوليلهم ان الاتوبيس اتعطل في الطريق…….وممكن ترجعي على بليل…
شمس:تمام…………….شويه وباباها رن….
رؤوف:الو……مين
شمس:ده أنا يابابا……شمس…
رؤوف بفرحه:شمس…حبيبتي ياشمس….انتي عامله اي دلوقتي ياحبيبتي…..سامحيني مش هقدر اجي اشوفك بس والله قلقان عليكي اوووووووويي ياشمس….طمنيني انتي عامله اي دلوقتي؟؟
شمس باستغراب:بابا انت عرفت منين اني تعبانه
رؤوف بحزن:قلقت عليكي جامد لما مجتيش….اتصلت على ياسمين صحبتك وحكتلي كل حاجه….بس متقلقيش ياعمري…..صدقيني اول ما ترجعي هنعمل محضر فيهم…والكل هيبقى شاهد….عشان يبقوا يعملوا حاجه تاني زي كدا
شمس بابتسامه:ياحبيبي يابابا……..بحبك اووووي
رؤوف بابتسامه:وانا اكتر ياعمري…..
شمس:هي ماما فين….
رؤوف بضيق:هه…هتكون فين يعني….خرجت عشان تشتري هدوم
شمس بحزن بان على صوتها وقالت:راحت تشتري هدوم
طب هي تعرف اللي حصل معايا
رؤوف بحزن على بنته:ايوة……..
شمس بدموع هزت راسها وقالت:تمام……هقفل انا بقى دلوقتي……وهبقى اكلمك بعدين…
رؤوف:الا صحيح ده فون مين ده
شمس:فون زميلي يابابا اللي انقذني منهم امبارح…وكان جاي يطمن عليا…ف اخدت منه الفون عشان اكلمك
رؤوف بابتسامه:اعطيهولي ياشمس
شمس باستغراب:حاضر……وقالت ل لؤي بابا عايزك
لؤي باستغراب:الو………….ايوة ياعمي
رؤوف بابتسامه:انا مهما شكرتك….مش هديك حقك بجد
انا بشكرك جدا على اللي عملته مع بنتي واكيد هردلك الجميل في أقرب وقت….
لؤي بابتسامه:شكرا على ايه ياعمي…..دي شمس زي اختي بالظبط….ومش محتاج تفكير بس اني اساعدها
انا اساعدها في وقت و أي مكان كمان….
رؤوف ابتسم وبعدين قفل….
لؤي بيبص لشمس لقاها ضاربه بوز…
لؤي باستغراب:مالك في اي
شمس :يعني انا زي اختك
لؤي بضحك:حاسس انك غيرانه
شمس:واغير من اي يا اهبل
لؤي:لينا قاعده تانيه……انا هقوم دلوقتي عشان اكلم اختي واقولها اني مش هعرف احضر عيد ميلادها
شمس باستغراب:ليه
لؤي:اكيد يعني مش هسيبك وهمشي…..ده انا لسه ابوكي موصيني عليكي
شمس:يعني لو مكنش موصيك…..كنت روحت
لؤي قرب منها جامد وفضل باصص لعيونها وهي اتوترت وبعدين قال:مستحيل
شمس بتوتر:هو ايه اللي مستحيل؟
لؤي:مستحيل اني اسيبك وامشي….وبعدها باسها من خدها بسرعه البرق وخرج……وهي فضلت قاعده مكانها مصدومه…..
🦋♡♡♡♡♡♡♡♡🦋
منى كانت راحه جايه في اوضتها لحد ما لؤي رن عليها
وبعدها فتحت عليه بسرعه وقالت
منى بغضب:انت فين انت كمان يا استاذ…..هي رحله ولا مخيم انشاء الله….
لؤي:احم احم…..اهدى بس شويه يامنمن…..في اي مالك
على اعصابك ليه؟؟
منى بعصبيه:لؤيييي….متستفزنيش..انت فين
لؤي بسرعه:بصراحه كده انا مش هقدر اجي
منى:نعممممممممممممممممم
لؤي بخوف:والله مش ب ايدي……انا بصراحه كده في المستشفي…
منى في اللحظه دي نست غضبها واتكلمت بخوف وقالت:انت كويس….في المستشفى ليه حصلك حاجه
لؤي:اهدي……ايوة كويس…..بس حصل مشكله امبارح بسيطه واخدت بوكسين حلوين في وشي….ف روحت المستشفى وقالولي لازم اقعد النهاردة معاهم
منى بخوف:طب….طب انت كويس…..انا هقول لعز عشان نجيلك…
لؤي بسرعه:لا لا…..متقوليش لحد…مش مستاهله…بلاش تقلقيهم على الفاضي….انا قولت اقولك كل سنه وانتي طيبه ياعمري وعقبال سنين العمر كلها وانتي فرحانه
منى بابتسامه:وانت طيب يا أحلى اخ في الدنيا
لؤي:طب انا هقفل انا بقى…..سلام
منى بابتسامه:خلي بالك من نفسك……سلام
عند هديه كانت قاعده في الحديقه مع نجوى بعد ما فطرت……
نجوى:مالك ياهديه سرحانه في اي
هديه:مش عارفه…..بس حاسه ان عز فيه حاجه غريبه
نجوى:انا بردوا حسيت كده……بس عز لما بيكون في مشكله في الشغل بيبقى كده…..ومبيحبش حد يقوله مالك او فيك اي…..لانه هينفجر فيه…..فبلاش تروحي تسأليه…..لما يروق هيقولك هو لوحده…
هديه:يارب…….
طبعا هديه وهي قاعده كان الفستان اترفع لفوق شويه ف ركبتها بانت وهي قاعده بتتكلم مش واخده بالها..
وفي واحد من اللي شغالين واقف وسرحان في هديه
في كل حاجه فيها….من شعرها لحد رجليها. .طبعا وهو واقف بيبص على ركبتها 😂مين اللي شافه…..
طبعا عز😂😂…..المهم عز جز على سنانه لانه مخدش باله من لبسها الصبح….ف راح لعندها وقالها بعصبيه
اتفضلي اطلعي غيري اللي انتي لابساه ده
هديه باستغراب:ليه مهو طويل اهو ولابسه بوط كمان
عز بعصبيه مكتومه:انا قولت كلمه….يلاااا
نجوى لتهدئة الوضع عشان عارفه ابنها:يلا هديه اطلعي البسي اي حاجه وخلاص
عز بعصبيه:لااا مش اي حاجه…..تتزفت تلبس اي حاجه طويله ومتكنش مفتوحه…..يلااا
هديه اتفزعت منه وقامت تجري عشان تغير…وعز راح للموظف وقاله:لو عينك راحت غصب عنها على حاجه متخصهاش….وتكون بتخصني…….هقتلك….فاااااااهم
الموظف وهو بيطلع ريقه هز راسه وقال:فاهم
عز سابه وراح على الشغل………
تسريع الأحداث شويه°•°•°•
قبل الحفله بساعتين….
كانت كل حاجه خلصت والديكور بتاع الحديقه بقى من افخم واحلى الديكورات وكل حاجه بقت تمام ومنى كانت فرحانه اوووووي….
في اوضه منى كانت واقفه قدام المرايا بفستانها المنفوش نسبيا البيبي بلو كان سادة خالص وجاي من عند الكتف لحد الوسط بالمايل بفراشات وكان شكله تحفه عليها ببشرتها البيضاء وشعرها الذهبي المفرود على ضهرها وعيونها العسلي وكانت حاطه شويه ميكب خفيف يبرز ملامحها البريئه ولبست الهيلز نفس لون الفستان وفضلت تلف حوالين نفسها وهي مبسوطه وتقول ان اكيد ياسر هيعجب بيها…….
عند هديه كانت لابسه فستان صك قطيفه لونه نبيتي كان اخد شكل جسمها بالظبط ومخليها جميله بشكل خيالييي….وكانت فاردة شعرها البني وحاطه ميكب خفيف يبرز ملامحها الجميله وعيونها الزيتوني برموشها الكثيفه……من الاخر كانت مزة😂😂
ولابسه هيلز نفس لون الفستان…….
كانت واقفه قدام المرايا بتلبس الحلق….ومبتسمه
عند رفيف كانت لابسه فستان بسيط لونه بينك وكان منفوش نسبيا وكانت رافعه شعرها لفوق بكحكه فوضويه ونازل منها خصل على وشها وكانت حاطه ميكب خفيف يبرز ملامحها بردوا…..وهيلز لون الفستان
ف كانت ايه في الجمال………….
شويه وأسر رن عليها وقالها يلا……
وبعدها نزلت رفيف وأسر كان واقف مايل على العربيه وبيستناها…..كان لابس بدله كحلي ومصفف شعره وكان شكله يجنن….شويه ورفيف نزلت وهو فضل واقف متنح فيها شويه وهي اتكسفت…وبعدين قالتله لازمتها اي يعني تيجي……انا اعرف اروح لوحدي
أسر بانبهار:بت…..انتي احلويتي كده امتى
رفيف بغيظ:ليه انشاء الله هو انا مكنتش حلوة
أسر بسرحان:بصراحه………….لا……ههههههه….يلا اركبي
رفيف بصتله بغيظ وراحت تركب ورا أسر قالها مش سواق الهانم انا…….يلا اركبي قدام….
دبت في رجليها في الأرض وهو ضحك وقالها يلا يا اوزعه بدل ما تقعي….ههههههههه…وبعدين راح ساق
في الحفله 💫💫
كانت سلوى واقفه بفستان قصير لعند الركبه مفتوح من عند الصدر*،،،لونه موف وكانت رابطه شعرها في تسريحه عصريه….وحاطه اتنين كيلو مكياج😂
وكانت ماسكه الفون…….ومش متهمه ب اللي واقفه بتتكلم معاها….هي كل همها ان عز يجي….
عز كان واقف في اوضته بالبدلة السودا والقميص الأبيض اللي كانوا بيبرزوا عضلاته وكان مصفف شعره بطريقه تجنن وحط من البرفيوم بتاعه وكان بيلبس الساعه بتاعته……..وبعدين نزل….لقت منى واقفه في الصالون ومتوتره…..
عز باستغراب:مالك واقفه كده ليه
منى بتسرع:بستنى ياسر….كل ده لسه مجاش
عز باستغراب:وانتي بتستني ياسر ليه
منى بتوتر:ايه….اه…هو عشان يعني…
جه صوت هديه من وراه وقالتله اصل ياسر شفناه امبارح بالصدفه في المول وقالها جايبلك هديه حلوة ف هي اكيد بتستناه عشان الهديه مش صح يا منمن
منى بابتسامه:ايوة صح……بعدين كملت بغمزة بس اي القمر ده……..ده الفستان هياكل منك حته….
عز كان واقف بيسمعها وعاطيها ضهره…..بس لما سمع منى بتقول كده لف واتصدم من اللي شايفه……
عز بصدمه:انتي اي اللي انتي لابساه ده وايه اللي في وشك ده
هديه وهي بتلف:ايه مالو…..مش قصير ولا مكشوف
عز بغضب مكتوم:بس ضيق….واويييييي كمان
هديه بصتله وقالت:بس حلو
عز مسك اعصابه لأنها بجد كانت تجنن وكان عايز يخبيها جوه قلبه ومتخرجش كده..عشان عارف انها هتلفت النظر…………بعد قرب عليها شويه شويه….وهديه اتوترت منه وبقت ترجع لورا لحد ما خبطت في الحيطه وقالتله عز
عز بتوهان في جمالها وقالها:اممممممم
هديه بتوتر:منى..
عز بسرحان في كل تفصيله في جسم*ها وقد ايه هي تحفه فنيه……
هديه:ياعز
عز:بطلي رغي بقى
هديه:بقولك منى
عز بتوهان:حد قالك قبل كده انك قمر؟؟؟
هديه بابتسامه:مش فاكرة
عز قرب من شفايفها وقالها:يبقى هفكرك ولسه هيبوس*ها قاطعته منى بضحكه وقالت:في اي ياعز مش هنا…..على الاقل احترم اني واقفه
عز اتحرج وقال:احم احم اطلعي يلا غيري اللي انتي لابساه ده
هديه بعند:لا مش هغيره ياعز…ويانا يا انت النهاردة
عز :انتي بتعصبيني صح؟
هديه:لا…….بس انا بجد حابه اعرف انت متضايق ليه
مهو الفستان حلو اهو ومش فيه حاجه غلط ولا حرام
عز وهو بيجز على سنانه:يعني انتي عايزة تقنعيني انك لو خرجتي برا دلوقتي محدش هيتفتن بيكي
هديه:لا……وطلعت تجري
ومنى ضحكت عليهم وخرجت…….
بعد شويه كانت رفيف وصلت وهديه شافتها وراحت سلمت عليها
رفيف بانبهار:ايه الجمال ده يا هدهد
هديه بضحك:ده انتي اللي أميرة هربانه من ديزني
رفيف بضحك:لما انا اميرة هربانه انتي تبقى اي
أسر أتدخل وقال:تبقى ملكه الديزني كله…..وبعدها قال لهديه اي الجمال ده………
عز جه من وراه وقاله:انا هقولك ايه الجمال ده
أسر ساعه ما شافه طلع بجري وعز بص لهديه بتوعد
وهي ضحكت وخدت رفيف لجوة وقالتلها هو كده بيحب بعاكس اي حد قدامه
رفيف بغيظ:انتي هتقوليلي…..دي لو كلبه ماشيه هيعاكسها……..ده زير نساء ده
هديه بصوت عالي مليان ضحك وقالت:شكلك متغاظه منه
رفيف بضحك:للدرجه دي باين عليا
هديه هز راسها…..وهما ماشين مشوا من قدام سلوى اللي متغاظه ومتكاده منهم انهم طلعو حلوين بالذات هديه…..واتحرقت اكتر لما شافت عز باصص عليها من بعيد……سلوى بتوعد:ماشي انا هوريكي ومشت
منى كانت واقفه واصحابها بيسلموا عليها وهي عيونها على الباب…..
نجوى:دي مالها دي مستنيه مين
واحدة صحبتها:تلاقيها مستينه واحدة صحبتها ولا حاجه……..
شويه وعز كان معدي من قدامهم وسمع صاحبه مامته وهي بتقول:الا قوليلي يانجوى…..دي مين الشربات ام فستان احمر ده
نجوى بابتسامه:دي قريبتنا من بعيد
صحبتها بابتسامه:بس دي قمررررر…..هي مخطوبه ولا متجوزة
نجوى باستغراب:لا ليه؟؟؟
صاحبتها:عايزة اخدها لمحمد ابني…دي عسل
صاحبتها التانيه:لا انا هاخدها لمحمود
وفضلوا يتكلموا وعز دموا ضرب في نافوخه😂وكان عايز يجيب هديه ويقتلها ب ايديه…..
شويه وياسر ومنه دخلوا الحفله ومنى فرحت جدا بس ابتسامتها تلاشت لما شافتهم ماسكين ايدين بعض..
هديه لاحظت وراحت عندها وقالتلها:اثبتي وخليكي قويه…..ويلا روحي سلمي عليهم…
منى بحزن:شايفه ماسك ايديها ازاي
رفيف جت من وراها وقالتلها:على فكرة انتي احلى بكتير…..ويلا روحي زي ما هديه قالتلك….
منى ابتسمت وراحت عندهم وقالت بابتسامه:ازيك يا ياسر…..ازيك يامنه
ياسر ب إعجاب بشكلها:الحمدلله يامنى انتي اخبارك اي
منه بابتسامه مصتنعه:الحمد لله…..كل سنه وانتي طيبه
منى بنفس الابتسامه:وانتي طيبه…
وبعدين قالت يلا اتفضلوا…..كنا لسه هنطفي الشمع
ياسر:اتفضلي يامنى….كل سنه وانتي طيبه….منى كانت هتروح تبوسه 😂بس افتكرت كلام هديه وبقت تتقل عليه…..
منى:وانت طيب يا ياسر….
ياسر تستغرب عادتها…..انها كل شويه بتسأل عليه وبتهتم بيه….اشمعنى دلوقتي….وبعدين دخل ولمح مهرة واتفاجأ وقال مش دي مهرة اللي مختفيه؟؟؟😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مهرة العز)
