رواية انتقام جارح الفصل الثالث 3 بقلم أميرة محمد
رواية انتقام جارح الجزء الثالث
رواية انتقام جارح البارت الثالث
رواية انتقام جارح الحلقة الثالثة
انتقام جارح ” الجزء الثالث ”
صرخ وهو علي اخره
_ سماااا
سما بخوف : ا.. اسر.. والله هي الى غلطت فيا الاول… في ايه يا اسر انا بنت عمك المفروض انا اكون مكانها دلوقتي بتزعق ليا عشانها
اسر كان بيلف ايده على وسط اسيل وبيحضنها وقال: عشان دي تبقي مراتي الى هي ام عيالى في المستقبل اطلعي بره بدل ما انتي عارفه هعمل ايه
صرخت سما وبعدها خرجت ~~ بعد ما خرجت اسر حضن اسيل ونام
اسيل في نفسها: ياربي علي الحيره طب هو عاوز ايه دلوقتي وبيحبني بجد ولا بيلعب بيا اووف الاحسن اتخمد بس انا لسه صاحيه خلاص هنزل لخلود
خرجت من وسط احضانه ولبست ولسه هتخرج
اسر: رايحه فين
لفت وشها ليه وقالت بابتسامه تسحر: هنزل لخلود اصلها قاعده وحدها من زمان
اسر: مم تمام انزلى
________________________________________________
عند ريم صحيت من النوم ملقتش ريان
ريم: ده غار فين ده
ريان خرج من الحمام: غار الحمام
شهقت ريم: هييي اعوذ بالله هما بيطلعوا امتي دول
ريان بضحك: ههههه تستاهلى عشان تبقي تتعبيني امبارح
احمر وش ريم للون الاحمر
ريم: انا … انا هنزل شويه اقعد مع اخواتي
ريان : لا خليكي مع جوزك
ريم قامت ولبست وبعدين قالت
ريم: انا هنزل بقا يا جوزي مهو مش هقعد هنا 24 ساعه
ريان قرب منها وحاوط وسطها بايده وقرب وشه من وشها وقال
ريان بهدوء وابتسامه : تسيبيني انا وتروحي ليهم هما ده انا حتا حبيبك
ريم بإرتباك: بس… انا… انا
قرب منها ريان اكتر وقالها
ريان: بلاش تسيبيني دلوقتي انا محتاجك جمبي
ريم في نفسها: انا عارفه انك بتستعبط بس اعمل ايه مش عارفه بقيت بحس تجاهك بشعور غريب وحاسه فعلا اني مش عايزه اسيبك
ريان: رحتي فين
ريم: ها لا مفيش خلاص مش هنزل
ابتسم ريان ابتسامه جميله بس اختفت اول ما تليفونه رن
ريان: اسر
ريم: ماله
ريان رد على التليفون: الو…. لا مش فاضي دلوقتي…. انت مش مصدقني ليه بقولك مش فاضي… استغفر الله العظيم يارب خلاص جاي
ريم بضحك: هههه ايه مين دلوقتي الى هينزل
ريان: عادي انا هروح الشركه خمس ثواني وههرب منها في الاخر يلا سلام يا حبيبي بدل ما اسر ينفخني يرضيكي حبيبك يتنفخ
ريم بضحك: هههه لا يا حبيبي ميرضنيش
ريان قرب منها وحضنها وبعدين باسها على جبينها
ريان : قوليها تاني كده
ريم بصدمه: هي اي دي
ريان: حبيبي عاوز اسمعها منك تاني
ريم: يلا روح شغلك بدل ما تتنفخ
نفخ ريان وفتح الباب وخرج وريم او ما طلع بره قالتله: سلام يا حبيبي خلى بالك من نفسك وضحكت وقفلت الباب
________________________________________________
_ يلا بقا احكي
سلمي: وربنا مش فاضيه خاالص انتي عارفه بكره ايه
خلود بفضول: بكره ايه
سلمى: بكره في ضيف مهم اويي جاي بكره
خلود: ايوه يعني انا كده فهمت ضيف مين ده
سلمي: اكيد مش هقولك دا انا امي ليها 3 ساعات تديني ارشادات.. محدش يعرف يا سلمي.. اوعي تقعي بلسانك يا سلمي .. وكاني هروح اعملها بوست ع النت
خلود بتمسكن: اخص عليكي واطيه يعني انا متقوليليش.. انا خوخو لا اخص بجد مكنش العشم يابت عبير
سلمي: هو اصلا محدش يعرف ف القصر ده غير والد ووالدة سما وهنا بس
خلود بفضول اكتر: بالله عليكي لتقولى
سلمي: خليها مفاجأه
خلود: غوري
________________________________________________
_بتقولى ايه انتي عارفه انو ممكن يقتلك هو ولا بيطيقك ولا بيطيق الى جاي بكره
سما بمكر: سيبيها عليا دي انا هعرف اتصرف ازاى وهدوس ع الجرح القديم اتفرجي بس
هنا بصدمه: يالهوي انتي عايزه تودي نفسك في داهيه
سما: اسكتي بقا يا هنا يلا سلام عشان نازله اعمل شوبينج طبعا بكره مش يوم عادي انا عرفت من بابا مين جاي وبصراحه هي دي فرصتي
هنا : ربنا يستر من دماغك
________________________________________________
في اوضه ريم كانو قاعدين ريم واسيل سوا
قالت بصدمه : بتحبيه هو انتي لحقتي
ريم: هو الحب بالزمن يا اسيل
اسيل بهدوء : ايوه يا ريم بس انتي عارفه هما ايه واحنا ايه
ريم عيطت : بس هو عمرو ما عرفني كده
اسيل حضنتها: اهدي ياقلبي ان شاء الله بكره احسن اه صح فكرتيني
ريم: يارب… افتكرتي ايه
اسيل: هو مين الى القصر كله مقلوب عليه وبيقولو بكره جاي
ريم: والله انا زيك حاولت اعرف من اي حد بس بيقولو محدش يعرف غير الراجل والست الكبيره والخدم بس
اسيل: طب يلا يا حبيبتي همشي انا هروح اقعد مع خلود شويه شكلها جالها توحد
ريم ضحكت: ههههه توحد ايه يا اسيل دا انا وانتي يجيلنا وهي لا دي بترغي مع سكان القصر كلهم
اسيل: والله عندك حق دي مصيبه اكتر منك
ريم بصدمه: قصدك ان انا مصيبه
اسيل: وانا اقدر تعالى يا اخرت صبري نروحلها
ريم: يلا يا باشا وراك
________________________________________________
تحت في الجنينه كانو قاعدين الثلاثه مع بعض
ريم: يالهوي بتهزري وعرفتي كل ده منين
خلود: من سلمي والجزمه لحد دلوقتي مش راضيه تكملى باقي القصه
سلمي جت من وراها: طب لى الغلط دلوقتي بس
خلود: ههه وانا اقدر ي باشا دا انا قصدي على ريم
ريم بهدوء ما قبل العاصفه : يعني خايفه منها وانا لا
خلود : بالله عليكي اهدي مش كده
اسيل: بس اخرصوا صدعت تعالى يا سلمي كملى لينا باقي القصه
سلمي وهي بتقعد : حاضر عشان خاطر عيون العاقله دي
خلود : في ثانيه اشترتك وانا الى بقالى ايام براضي فيكي صحيح واطيه والله
ريم: اخرصي بقا خليها تتكلم
سلمي: هو انا وصلت لحد فين
خلود: لحد ما الحيه دي قالتلهم انا حامل من اسر
سلمي : بعدها اسر فقد اعصابه وراح ليها وضربها بالقلم وقال
flash back
اسر: انتي واحده واطيه ورخيصه شوفي نفسك غلطتي مع مين وجايه ترمي بلاكي عليا
سما : شايف يا عمي يعمل العمله ويخلا بيا
ملحقش اسر يرد لانه شاف والده بيقع على الارض
اسر: بابااا
في المستشفى
الدكتور: للاسف تعرض لصدمه عصبيه وغير كده هو كان عندو مشاكل في القلب والرئه فمقدرش يستحمل وللاسف البقاء لله
وقع اسر على ركبته ودموعه كانت شلالات مش قادر يسيطر عليها وخالد جري على الدكتور وفضل يزعق فيه
خالد: لا لا.. انت بتقول ايه. . انت دكتور ومسئوليتك تعالجه اتصرف اعمل اي حاجه
الدكتور: شدي حيلك يابني المريض خلاص انتقل لرحمه ربنا ومش بأيدي حاجه
عدت الايام والكل كان منهار … اسر كان بيشوف اخوه كل يوم يسهر ومكنش بيعمل حاجه غير يزعق فيه
اسر: ريان هو انا مش قلت مليون مره بلاش زفت سهر ايه من ساعه ما مات والدك محدش هيعرف يلمك
ريان بزهق: محدش لى دعوه بيا دي حياتي انا وانا عايزها كده
اسر قرب منه: لى بتعمل كده
ريان بانكسار : عايز اهرب
اسر حضنه: بس مش هو ده الصح مش من اول ابتلاء تعمل كده باباك هيفرح لما يشوفك كده.. هيفرح لما يشوف ابنه بيتعذب وبيضيع مستقبله عشان ينسي
ريان : سبني انام بالله عليك يا اسر
بعدها بكام يوم
اسر بزعيق وعصبيه : ايه الى انتي بتقوليه ده؟
فرح وتبقي مامت اسر: زي ما سمعت انا مش هدفن شبابي هنا وهتجوز واظن انا عشت مع قرف ابوك سنين كتيره جه الوقت اني ارتاح
اسر: تقومي تتجوزي اكتر واحد كان بيكره ابويا انتي اتجننتي
فرح: ولد ايه؟ كبرت وهتعلى صوتك عليا
اسر : يا امي انا مش قصدي….
فرح: قصدك او مش قصدك مش موضوعنا وبعدين بلاش امي دي بتكبرني وانت اطول مني وبتقولهالى انا مش ام حد فيكم
ريان: اتفضلي يا فرح هانم اطلعي بره
فرح : ههه هقول ايه مانتو تربيه عز الدين السويفي
خالد بعصبيه : ربانا احسن تربيه لان مكنش عندنا ام
اسر: خالد
فرح: سيبه ما انا مش مستغربه ما ده طبيعي لواحد حب وحده وفي الاخر ترفضه جاي يطلع غضبه عليا مش مشكلتي انا همشي مع جوزي يلا سلام يا…. يا اولاد عيله السويفي
خالد بعصبيه: انا محبتش حد ومش يوم ما احب هحب وحده زي دي
ريان خرج من الاوضه راح اوضه وقفل الباب وراح وراه اسر وخرجت فرح من الفله الى مرجعتش ليها تاني ونام خالد على السرير باهمال
عند اسر وريان
اسر: بتعمل لي كده
ريان: ههه ايه ازغرط للى بيحصل يعني
اسر: ممم انت عاوز تطفي نفسك لى يا ريان
ريان: عاوز اروح ليه
اسر: لمين
ريان: ل بابا
اسر حضنه: اياك تقول كده تاني هنروح ليه سوا اياك يا ريان تقول كده انا مليش غيرك انت وخالد
عيط ريان وهو في خضن اخوه
ريان باستسلام : مش قادر… مش قادر اقاوم كل ده انا زهقت
اسر: تبقي عبيط احنا التلاته ايد وحده اياك تضعف يا ريان
________________________________________________
back
ريم وكانت عيطت : يا حبيبي ولي ريان عمل كده مهو اسر وخالد ابوهم بردو
سلمي: ايوه بس الاجابه عندو بس اوعي تساليه مصدقنا نسي
ريم: لا لا مش غبيه للدرجادي ههه
خلود: ممم هو خالد ده لى شويه يبقي غامض وشويه فرفوش وعادي
اسيل قامت وطلعت اوضتها
ريم: مالها دي
خلود: بتحب
ريم: نعم اسيل تحب ده ايه المعجزه دي
خلود بضحك وغمزه : مانتي كمان بتحبي
ريم: ها هقوم انا عشان ورايا حاجات كتير
وجريت على اوضتها
خلود : اههه ارزقني ياارب
________________________________________________
بالليل كان الكل متجمع على العشا
خلود في نفسها: ايه جو هس هس الى احنا فيه ده
خالد في نفسه وهو بيبص لخلود: يارب متكونش بتفكر في مصيبه
خلود بصت ل سما وقالت: بقولك ايه
سما : نعم
خلود: هو انتي مخطوبه ولا حاجه
سما : لا
خلود بابتسامه: امال مين الولد الى سمعتك بتكلميه وبتقوليله زي ما اتفقنا يا حبيبي
خالد وقف الاكل في زوره : حسبي الله ونعم الوكيل انا كنت متاكد
اسر : ولد مين ده
سما بارتباك: ها لا يا اسر دي بنت كدابه
خلود: كدابه ؟ انا يتقلي كدابه
خالد قام واخد خلود وطلعوا الجنينه قدام نظرات هنا الى كانت هتاكلهم
ريم كانت جمب ريان وكان ماسك ايدها
ريم بصوت واطي : فك ايدك مش عارفه اكل في حد يا ناس ياكل بالشمال
ريان: مش هفك حاجه
حاولت تخلع ايدها معرفتش
اسيل: مالك يا ريم بتاكلى بالشمال لي ايدك اليمين وجعاكي
ريم: ها اه.. اه اتخبط فيها جامد
اسر : وريان مأخدكيش تكشفي عليها ليه
ريم: مهو… مهو… اصل
ولسه بتحاول تفك ايدها
اسيل شافتها فقالت: هههههه خلاص يا اسر اصل ريم مش عايزه تتعب ريان
اسر باستغراب: هو هيتعب
ريم: انا خلصت اكل تصبحوا على خير
جريت لفوق وريان طلع وراها واسيل لسه مكمله ضحك
سما: مخلاص هو انتي هتفضلي تضحكي كتير
اسيل: مضايقاكي ف حاجه؟
اسر كتم ضحكه وقام واخد اسيل ف ايده
________________________________________________
عند خلود وخالد في الجنينه
خلود: يعم اهدي انت بتجر جاموسه
خالد: انيل من كده
خلود: انا لي حاسه انك بتغلط فيا
خالد: حاسه
خلود: انت غريب اوي
خالد: يشيخه انا بردو
خلود ضحكت وخالد بص ليها وابتسم بحزن
خلود : تصبح على خير
خالد: وانتي من اهل الخير
________________________________________________
تاني يوم الصبح صحي الكل وجهزوا انهم ينزلوا الشركه والبنات نزلوا تحت يقعدوا مع بعض
شريف: استنوا انتو التلاته
اسر باستغراب : نعم يا عمي
شريف: هو انتو معرفتوش ان في ضيوف النهارده ولازم تستقبلوها
ريان: ضيوف مين
شريف: لما يجي هتعرف
بعد شويه دخلت ست القصر وقفوا بصدمه
ريان : انتي اتجننتي ازاى تجي هنا اطلعي بره
وبكده الجزء التالت خلص تفتكروا مين الى جه ولى ريان اتعصب وايه هي حكايه خالد واي حكايه باقي ابطالنا 🤎
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية انتقام جارح)
