رواية ملك روحي الفصل الرابع والعشرون 24 بقلم أمل مصطفى
رواية ملك روحي الجزء الرابع والعشرون
رواية ملك روحي البارت الرابع والعشرون
رواية ملك روحي الحلقة الرابعة والعشرون
في منزل حاتم
جلس حاتم و نادا أخته رهف التي خرجت بسرعه من غرفتها تلبي نداء أبيها و أخيها الكبير وقفت أمامه بإحترام نعم يا أبيه
فتح لها ذراعه لترتمي بين أحضانه بفرحه كبيره فهو أخيها وابيها و سندها في الحياه بعد ربنا تعتبر لا تعرف غيره لقد توفي والدها وهي صغيره وتكفل حاتم بتربيتها
مرر يده علي خصلاتها بحنان وهو يردف بنوتي الحلوه كبرت ووقف علي باباها الخطاب
رفعت رأسها من علي كتفه في إنتظار الهدف من هذا الحديث
قابلتها ابتسامته وهو يخبرها جالك عريس
إعتدلت رهف بفزع إيه عريس أنا عايزه أكمل تعليمي
يا أبيه ولا حضرتك عايز تخلص مني
كلمتها البسيطه جرحته بشده ليقف بغضب وهو يحتضن وجهها أوعي تقولي كده تاني أنتي بنتي مافيش أب بيخلص من بنته
::أردفت بحزن لأنها أغضبت أخيها أنا أسفه يا أبيه
مقصدش والله أنا كنت بهزر و إرتمت بأحضانه مره أخري
ضمها حاتم بحب أوعي في يوم من الأيام تفتكري
إني ممكن أفرط فيكي لأي سبب
بس شايفه مناسب وده اللي أطمن عليكي معاه
لكن لو مش موافقه عمري ماغصبك
لتتدخل والدته في الكلام مين ده يا حاتم
ده معتز صاحبي راجل بمعني الكلمه ويعتمد
عليه ومتأكد أنه هيحافظ عليها
شجعته والدته وهي تهتف بثقه خلاص يا إبني أنت أدراي بمصلحتها
وجه نظره لرهف بس رأيها مهم عندي يا أمي عايز تكون راضيه
ردت بهدوء أنا موافقه يا أبيه
علي خيرت الله أنا هكلمه يجهز نفسه
ثم هندم ملابسه في طريقه للخارج أنا نازل عايزين حاجه من تحت
صحبته دعوات أمه ربنا يبارك فيك يا حبيبي وميحرمناش منك أبدا
****************
رن هاتف مرام ردت بإبتسامه عندما علمت ماهيه المتصل
رهوف أخبارك يا حبيبتي
الحمد لله أنا أسفه لأني بكلمك في الوقت ده
تحدثه مرام بعتاب لا أنا كده أزعل منك إنتي أختي
وتتصلي في أي وقت
تحدثه رهف بإمتنان طيب ممكن تنادي مي محتاجه أخد رأيكم في موضوع
طيب تمام يا حبيبتي أقفلي لحد ما أناديها واتصل بيكي
مرت عشر دقائق ورهف تدور في غرفتها حتي رن هاتفها فتحت الخط وهي تطلب من مرام فتح الاسبيكر حتي يسمعوها معا
مي بفرحه وحشتيني يا يا قلبي أخبارك
وأنتي أكتر خير
تحدثه بتوتر أصل أبيه حاتم جايبلي عريس
مي ومرام بسعاده بجد ألف مبروك
إنتي تعرفيه
أه و أنتم كمان عارفينه كويس
هتفت الفتيات بفضول مين ده يا رهف
حتي اتاهم الإسم الصادم معتز الحارس بتاع أبيه حسام
هتفت مرام والله أنا كنت حاسه من يوم ماوصلنا المول
وهو عنيه منزلتش من عليكي رغم أن عمره مرفع
عنيه وهو معانا
مي بمرح يظهر أن الLove ولع في ال Courn يا قلبي
ضحكت رهف بالسرعه دي أنا مشوفتوش غير مرتين
يوم المول ويوم كتب الكتاب
أردفت مرام بهيام وساعات مش بنحتاج أكتر من نظره
ونطب زي ما أخوكي عمل فيه يظهر أن سركم باتع
زادت حيرتها يعني أوافق يا بنات
مي ومرام في وقت واحد أي نعم يا بت ده عريس
لقطه طول بعرض وكله هيبه
:: رهف بخبث هاااا وبعدين تعال يا أبيه شوف مراتك وهي بتتغزل في راجل تاني.
مرام بإستعطاف دانا بحبك يا رهوف
رهف وأنا أكتر يا قلبي هي ملك لسه مرجعتش
مي بحزن لاء دي وحشتني جدا جدا
مرام وأنا كمان البيت ملوش طعم من غيرها
****************
أعتدل في جلسته وهو يناديها حبيبتي تعالي إسمعي الأغنيه دي
ملك بإهتمام أغنية إيه قام حسام بتشغلها
دي كانت و نستي طول بعدك كنت بشغل فلاشه
شهر العسل وأشغلها كنت بتألم من شوقي ليكي
أعجبتها الكلمات فهو يريد الإعتراف لها عن مدي
عذابه في غيابها وأنه كان يعاني مثلها وأكثر
لكن مالأ يعرفه أنها كانت تتألم لعذابه أكتر من نفسها
:: إحتضنته وهمست أنا أسفه اإني مكنتش جنبك في الوقت الكنت محتاجني فيه
أغمض حسام عيونه من ضمتها له وشده حبها له ليهمس أنا بسأل نفسي أيه العملته لدرجة أن ربنا يحبني ويرضي عني ويرزقني بيكي وتكوني حبيبتي وزوجتي وأم ولادي
بجد أنتي نعمه بتمني عدم زوالها من حياتي
بعد مرور الوقت أتي ميعاد الكشف
يلا يا حبيبتي أجهزي علشان نلحق ميعاد الدكتوره
نظره له بصدمه حبيبي لسه بدري جداا
هتف بإستعجال يلا بس وإنحني عليها بجزعه لتسأله أنت بتعمل أيه
كمل ما يفعله وهو يرد عليها بشتالك
تحدثه بنفي لا يا حبي أنا بقيت كويسه الحمد لله
تحدث بغيره أنتي عارفه لو مكنش مغمي عليكي
وتعبانه كنت كسرت إيد مراد لأنه لمسك بيهم
ملك بتبرير والله أنا ماحسيتش بيه لما شالني
ولما نزلت
من عند الدكتوره كنت تعبانه جدا
نزل بها ووضعها في السياره بحنان وربط لها حزام الأمان
وتحرك في طريقه لعياده الدكتوره
وقفت الدكتوره تستقبلها بإبتسامه عندما رأت وجه ملك الذي يشع راحه وجمال بسم الله ماشاءالله أحنا إتغيرنا في اليومين دول كتير
إبتسمت ملك
بينما وجه الدكتوره كلامها لذلك الشخص يسندها بإهتنام شديد حضرتك أكيد جوزها
هز رأسه دون كلام
علشان كده يظهر إن تأثير حضرتك عالي جدا عليها لأنها من ثلاث أيام بس كانت بتموت
وكنت متأكده إنها لو طولت بالوضع ده البيبي هينزل
بس الحمدلله مرت علي خير
إطلعي علي السرير صعدت ملك و إنحني حسام يرفع قدمها وقام بتغطيه جسدها
جلست الدكتوره علي الكرسي جوار جهاز السونار وضعت الچل وحركت ما بيدها وهي تشاور لحسام بعمليه نظرت ده البيبي والصوت ده قلبه
رمقها حسام بحب وضغط علي يدها ثم إنحني يقبل جبينها برقه وتناسي وجود أحد معهم
إبتسمت الطبيبه
وكانت ملك في منتهي السعاده لنجاة طفلها ووجود
عشقها جوارها
جلست الطبيبه علي مكتبها الحمد لله إحنا كده عدينا مرحلة الخطر ثم نظره لحسام ترجوه بعينها ألا يتكرر ما حدث من فتره من تعبها النفسي أهم حاجه للحامل
نفسيتها
حسام وهو يتأمل ملك متخافيش دي مهمتي
مدت يدها بالروشته التي تناولها حسام وهي تردف أنا غيرت لك العلاج وتاخديه بإنتظام
وتقدروا تعيشوا حياتكم الزوجيه عادي بس برده
بلاش عنف في العلاقه خجلت ملك من كلماتها
أما حسام سأل بإهتمام يعني مافيش خطر عليها
الدكتوره بنفس لا كله تمام و حمدلله علي سلامتها
قام حسام وملك شكروها. ثم غادروا وهو محتضن أناملها بين أنامله بغرام واضح للعيون
ركب السياره وقبل أن يتحرك سألها حبيبي تحبي نروح القصر ولا نرجع النهارده شقه مراد
تحدثه بحنين ماما ناهد والبنات وحشوني جدا خلينا نرجع لحبايبنا
قبل يدها وتحرك في طريقه للفيلا وجدوا الجميع في إنتظارهم
_ركضت الفتيات علي ملك إحتضنوها بحب وسعاده
وحشتينا جدا يا ملك القصر من غيرك ملوش طعم
_ملك بدموع الفرحه وإنتم أكتر يا حبيبي وحشتوني
جدا جدا
_إقتربت منها ناهد وهي تبكي من السعاده إنحنت ملك
وقبلت يدها ثم إحتضنتها ناهد بحنان أم كادت تخسر
إبنتها وحشتيني يا عمري كنت هتجنن عليكي
كده هان عليكي تعذبي أمك معاكي
_ أسفه يا حبيبتي غصب عني خفت حسام يعرف
مكاني وهو غضبان مش بيتحكم في نفسه
_أغمض حسام عيونه بألم فهو من أوصلها لتلك الدرجه معشوقته تخاف من غضبه
_ملست ناهد علي رأسها أهم حاجه إنك رجعتي
::أردف أدهم بحب وعتاب كنت فاكر إني غالي عندك
وأول واحد تلجئي ليه وقت الحاجه
:: أنت فعلا غالي عندي بس ماكنتش عارفه أتصرف سامحني
_ مسامحك يا حبيبتي أهم حاجه إنك بخير
ونورتي بيتك
_أت أهلها الذين لم يعلموا بشيء مم حدث لها حتي الأن لقد بلغتهم أنها سافرت مع حسام فتره قبلها والدها ووالدتها وإحتضنها التوئم
بسعاده
_إقترب حسام من ملك وضمها لأحضانه ثم تحدث بسعاده
عندي ليكم خبر حلو ملك حامل في شهرين
هلل الجميع لي لي وليليان إحنا هنبقي خالتوا
مي ومرام وإحنا هنبقي عمتوا إلتفوا حول ملك تفتكري يا ملك هيكون شبه مين
ملك بحب شبه باباه طبعا
تحدثه لي لي بطفوله لا شبه مازن
بينما مي وليه مش شبه زياد لتكمل مرام الجنان
لا شبه حاتم
حسام بسخريه وإنتي يا ليليان مش عايزاه شبه
أدهم أنا مش فاهم هو إبني أنا يطلع شبهم ليه
جينات يا أبيه إحنا شبه عمنا مش شبهه بابا
هتفت أمال بفرحه لأول حفيد مش مهم الشبه أهم حاجه يجي بالسلامه
وبصحه وربنا يجعله بار بأهله
الكل يا رب
ناهد بتمني وليه متكنش بنت ليه كلكم متأكدين أنه ولد
كل اليجيبه ربنا كويس بس نفسي تيجي بنت
وتكون شبه ملك
*******
جلست الفتيات في حديقة القصر
هتفت مرام بحماس مش معتز أتقدم لرهف
أردفت ملك بهدوء كنت عارفه
إلتفت لها الفتيات بإهتمام عرفتي من مين
مافيش حد قالي حاجه بس نظرته ليها يوم المول كان فيها إعجاب و يوم كتب الكتاب كان متابعها رائحه الحب كانت ماليه الاجواء ثم غمزه بعيونها بس مش أي حد يلتقطها
وقفت مي وهي تحضنها أنا بحبك أوي يا ملك أنتي قلبك أبيض جميله من جوه وبره ومسامحه لابعد الحدود
وبتفهمي الناس من غير كلام
شددت ملك من ضمتها ده كله كرم من ربنا إحنا ملناش دخل بيه
تحدث حسام لحماه كلكم معزومين أسبوع في القريه ال في الساحل ومعلش يا عمي مافيش أعذار
ده علشان خبر حمل ملك
_والد ماشي يا حبيبي البنات عارفه
لا لسه حبيت أستأذن حضرتك الأول
خلاص يا حبيبي ربنا يباركلك فيه
ويجعله سند ليك
**************
فرحت الفتيات بالخبر لأنها رحله عائليه يقوموا بها لأول مره
رفض الشباب السفر بالطائره وكل شخص أخد خطيبته
بالسياره ليكونوا علي راحتهم
بينما ذهب حسام وملك وأهله وأهلها حتي والدة حاتم
بالطائره خوفا عليها من طول الطريق
و رهف ذهبت مع أخيها
تحدث مراد لمعتز معدش سناجل غيرنا أنا وأنت
تحدث معتز بغمزه والفرحه تلتمع بعيناه لا يا خفيف أنا إنضميت للحزب وفي القريب العاجل داخل دنيا
مراد برفعة حاجب لا والله دانا كده أبقي محسود ومين سعيدة الحظ
نظر له معتز بإستغراب هو أنت متعرفش مش أنا أتقدمت لأخت حاتم ووافق وكنت هلبسها الشبكه
بس كنا بنستنا ظروف حسام تتعدل والحمد لله
عايز أطلب من حاتم ألبسها الشبكه وإحنا في الساحل أيه رأيك
فكره حلو ه وكلنا موجودين بس هتجيب
الشبكه منين
أنا جايبها معايا عامل حساب كل حاجه
هنئه مراد بحب ألف مبروك يا صاحبي ربنا يسعدك
هات أما أقرصك في ركبتك علشان أحصلك
ضحك الشباب
تنهد معتز بحنين رغم إني ماليش أهل بس من يوم ماعرفتكم
وأنتم أهلي وعزوتي وأنا معاكم مش بحس أبدا إني
غريب أو شغال عندكم
ربت مراد علي كتفه بود وإحنا كمان يا معتز بنعتبرك أخ و بنحبك
أنت صاحب أخويا و كاتم أسراره وتعرف عنه أكتر مننا
************
وصل الجميع
دخل حسام جناحه وحملها بين يديه أراحت ملك رأسها علي صدره ثم و ضعها علي السرير برفق حمدلله
علي السلامه يا حبي إنتي كويسه
ابتسمت بنعومه أه ما تقلقش
أيه رأيك تاخدي شاور وتنامي شويه
تحدثه بدلال أممم انت هتعمل أيه
:: إقترب منها بشوق وهمس أمام شفت*يها
أنا عايز أعمل كتير بس خايف عليكي من نفسي
أنا وصلت لدرجه صعبه من إلا شتياق
هتفت بشوق يضاهي شوقه حبيبي أنا تمام تعبي كله كان نفسي مش جسدي وراح كله بوجودك
::سألها بلهفه يعني إنتي مش خايفه
أزاي أخاف من أماني وحمايتي وبعدين
أنا كمان مشتاقه لدلال حبيبي و إحساسي وأشوف في عيونه أني المرأة الوحيده في الكون
:: نظر لها بعشق فعلا إنتي ليا الوحيده في الكون اللي تقدر تهز كياني و رجولتي واللي بحس بضعفي
معاها وأنا مش مكسوف إنحني عليها وهي مستسلمه للمساته الحانيه التي تأخذها
لعالمهم الخاص الذي يتمنوا عدم الخروج منه أبدا
لقد إشتاقته مثلما إشتاقها وما أجمل لحظة حب
بين العشاق
*************
عند والد ملك
وقفت أمال بقلق أمام شباك غرفتها البنات أتاخروا قوي
أردف محمد الطريق بالعربية طويل جدا بياخد ساعات
رجعت له بنظرها وهي تهتف بحيره طب ليه التعب ماكانوا جم معانا
شباب بقي يا ستي عايزين يقضوا
أكبر وقت في الكلام والحب ولا نسيت يا جميل
:: أمال بحب ودي أيام تتنسي
إقترب منها بحنين طيب ما تيجي أقولك كلمه سر
ضحكت أمال بسعاده خلاص يا أبوا ملك هبقي
جده وراحت عليا
تحدثه وهو يناغشها مين قال كده دانتي بتمشي مع بناتك
محدش بيصدق إنك مامتهم
****************
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية ملك روحي)
