رواية ملك روحي الفصل الخامس والعشرون 25 بقلم أمل مصطفى

رواية ملك روحي الجزء الخامس والعشرون

رواية ملك روحي البارت الخامس والعشرون

رواية ملك روحي الحلقة الخامسة والعشرون

عند مرام وحاتم.
هتف حاتم حبيبتي فيه كام حاجه عايز أكلمك فيهم
بس ياريت ماتضايقيش
أنا عمري مضايق منك أبدا اتكلم أنا سمعاك
رهف تجلس في الخلف لكنها وضعت سماعات
الفون وشغلت أغاني بصوت مرتفع حتي تترك لهم مساحه
أنا مكانش في إمكاني أشتري طقم زي مي
وأخوات ملك بس لاقيت حسام جايب الطقم ده هديه لينا أنا مرضتش أتكلم علشان حسام ميزعلش
وخفت تحسي إنك أقل منهم لأن أنا جبت دبله وخاتم بس وده سبب سكوتي
هتفت بحب أنا كبيره بيك مش بالدهب ودبلتك
عندي أغلي من كنوز الدنيا
رفع حاتم أناملها إلي شفايفه وقبلها بحب
شعرت مرام بالخجل لوجود رهف
وعندما إلتفت وجدت رهف مغمضة العين سارحه مع أغانيها ليذوب خجلها الذي شعرت به
أكمل وهو يتابع الطريق الحاجه التانيه عايزك تلبسي الحجاب
أه هو لأزم يكون عن إقتناع بس أنا حابب جمال حبيبي يكون ليا لوحدي محدش تاني يشاركني
فيه فلو سمحتي فكري في الموضوع
هتفت برضوخ حاضر يا حبيبي أنا فاهمه كلامك
حاتم بعشق حبيبي إنا مش بغصب عليكي أو عايز أتحكم وبس
أنا خايف عليكي من حساب ربنا وأنا كمان هتحاسب عليكي عايز أنا وأنتي نشد بعض لطريق الجنه
أنا معاك في أي حاجه تحبها ثم سألته بحيره تفتكر أنا لو مكان ملك ممكن أسامح
أنا مش ممكن أمد إيدي عليكي وعلشان عارف حسام وعارف هو قد إيه بيعشقها مش مصدق لحد الوقت الحصل
بس مافيش وحده مهما كانت بتحب تسامح بعد الحصل كده بالساهل
هتفت مرام بغرام أنا لما بشوف معاملتها لأبيه حسام بتمني
أكون زيها أفهم جوزي و أعطيه مبررات حتي وقت الغلط
تحدث حاتم بصدق رغم إني أتضايقت من حسام لأول
مره في حياتي
بس هو يستاهل إنها تسامحه إنتي مش متخيله هو عمل إيه علشان يوصلها وقد إيه
بيعشقها وهي أظهره أنها تستحق عشقه ليها عن جداره
في عالم الحب بيبقي في حالات استثنائية وملك وحسام من الحالات دي ربنا يسعدهم
*************
عند مي وزياد
جذبها زياد بحنان لصدره وهو يسوق
تحدثه مي بتوتر حبيبي خايفه أشتت إنتباهك كده
مرر يده التي تضمها علي ذراعها أنا عايز تكوني في حضني وأنا بسوق كنت بحلم بالحظه دي من زمان اقتربت منه ووضعت رأسها علي كتفه
سألها بإهتمام حبيبي عايز يقضي شهر العسل فين
مش مهم المكان أهم حاجه نكون مع بعض
لا أنا عايزك تحلمي وأنا أحقق أحلامك
هتفت بحماس أيه رأيك في جزر المالديف الأماكن هناك جميله
قبل زياد شعرها خلاص يبقي نروح هناك
إلتف بعيناه وهو يتحدث بسعاده أنا لحد الوقت مش مصدق أن بنتي
وحبيبتي بقت ملكي وشايله إسمي أنا بعشقك يا
مي ومافيش كلام يقدر يعبر عن مكانتك في قلبي
وأنا كمان يا زياد كل طموحي وأحلامي في الدنيا
هو أنت وبس مش عايزه حاجه غيرك وربنا حقق
حلمي
**************
في سياره أدهم و ليليان
هتفت ليليان بسعاده أول مره أروح مكان زي ده
تأمل فرحتها بقلب خافق ليه يا حبيبتي مطلعتيش رحالات قبل كده
هزت رأسها بنفي لا بابا كان بيخاف علينا جدا
طبعا اللي عنده ثالث جوهرات زيكم لأزم
يخاف من كل حاجه بس الحمد لله الحمل خف
وكل واحد فينا خد جوهرته علشان يصونها لوحده
وقبلها من خدها
ليليان :: وهي تمثل الغضب كده يا دومي وإحنا في العربيه
ضحك أدهم برجوله دومي ضاعت الهيبه ياناس
لو سمعك زمايلي هتشوهي سمعتي
مالت عليه بدلال أنا بدلعك
ضحك أدهم براحتك يا قلبي بس بيني وبينك
أصل تعب السنين يروح علي الفاضي
**************
شغل مازن أغنية بص يا حبي الأغنيه دي ليكي
معاك قلبي
قولي يا حبيبي ليه وأنت عني بعيد أنا شوقي ليك
بيزيد وإن جيت أنا برتاح قولي يا حبيبي إيه الغيرني
وإزاي بتشغلني عن عمر عدي وراح
خرج صوتها بهمس ناعم يحمل الكثير من الخوف مازن
عيون وقلب مازن من جوه
هتفت بتوتر هو أنت ممكن تخوني في يوم
هدي مازن سرعة سيارته ثم وقف بها علي جنب
إلتفت لها بعشق عمري مأقدر أشوف وحده غيرك
ولا قلبي ممكن يحس بوحده غيرك إنتي ملكتيني
عارفه يعني أيه قلبك ينبض بين ضلوعك علشان إنسان معين
وتفكيرك علي طول مشغول بيه وتعيشي
أيام وسنين تحلمي بلمسه منه وأقصي أحلامك
نظرة حب وإهتمام ساعتها بس بتحسي بوجودك
كل ده قليل علي إحساسي بيكي
ويوم ماخونك تعرفي أن فيه حاجه مش طبيعيه
أو أنا مش في وعي
كلماته كانت مثل البلسم الذي طيب خوفها أنا بحبك أوي أوي يا مازن وبشكر الظروف اللب جمعتني بيك
تنهد بتعب من تلك المشاعر التي تغزوه في حضرتها عارفه يا لي لي أنا بستني خالد لما يخرج
وأحاسبه علي الرعب اللي عيشك فيه وبرجع أقول
أنا عايز أشكره لأنه السبب إني قابلتك وأسامحه
سامحه لأن هو السبب أنت عارف لو ماكنش
حصل كده عمري ماكنت شوفتك لأن بابا كان منعنا
نروح القصر وقالنا كفايه أختكم وجوزها بنشوفهم
كل أسبوع
***************
في المساء وصل الجميع وكان في إنتظارهم
حسام وملك
وقف حسام بشموخ وهيبه يستقبلهم بابتسامه كبيره حمدلله علي السلامه
يا شباب مالها الطياره جميله مريحه وسريعه
ضحك أدهم بمرح الطياره للمتزوجون فقط
يا بوص لكن للعشاق الطريق أجمل
ضحك حسام وقبل يد ملك بعشق مافيش
عشاق غير ملك وحسام يا حضرة الظابط
حاتم طبعا يا باشا بس من حقنا كمان نعيش يومين
ولا أيه
إرتفع من خلفه صوت معتز أنا كمان من حقي أخطب ولا أيه
*****
إلتفت له الجميع ماعدا رهف شعرت بالخجل شديد وتحركه إتجاه الفتيات
_أردف حسام أنت مستني لما نيجي الساحل وعايز تخطب
_معتز بحب كنا بنستنا سيادتك ياباشا لما تروق وماشاء الله
أطمنت عليك دورك تطمن عليا
أردف مازن بتروي طيب خليك لما نرجع
لا أنا هخطب النهارده والشبكه معايا
نظر له حاتم بصدمه مالك يابني داخل حامي علينا ليه
تحدث معتز باصرار أنا صبرت إسبوعين مش هصبر
إسبوع كمان
خلاص يا معتز هتاكلوا وتطلعوا ترتاحوا وبكره تلبسها الشبكه
شعر معتز بفرحه كبيره كأنه طفل يقف أمام أبيه في إنتظار موافقته وتحدث شكرا يا باشا طول عمرك مكبرني
جلس الجميع علي طاوله كبيره كانت كلها نظرات
حب وتمني وخجل صعد الجميع إلي غرفهم لكي يستريحوا
************
أخذ حسام يد ملك وذهبوا إلي الشاطئ
:: لتتحدث ملك بحنان أنا لحد الوقت معرفش أنت شوفتني إمتي وفين
إبتسم حسام لهذه الذكري الجميله وضمها لصدره بغرام صدفه غريبه حاتم صمم يوقف يجيب حاجه
يشربها وأنا في العربيه شوفت ملاك ماشي أقدامي
وشايل شنط في إيده حاسيت لأول مره بقلبي
بيرتعش كأنه إتكهرب فضلت أبصلك كأني مغيب
أتمنيت لأول مره أني أجري علي وحده وأخطفها
وأخبيها بين ضلوعي من عيون الناس
دخل حاتم العربيه وفضل يكلمني وأنا مش برد
لحد ماهزني وبص في الإتجاه العيوني عليه
وضحك إيه يا بوص إحنا طبينا ولا إيه
لفيت بالعربيه من غير كلام ومشيت وراكي لحد
ما وصلتي تحت بيتكم نزل حاتم يسأل
صاحب السوبر ماركت قاله دي ملك
بنت الحاج محمد والزينه دي بتاعتها وفرحها
بعد بكره
حزن حاتم لأن أول مره يشوف لهفتي علي وحده
بالشكل ده
رجع حاتم والحزن باين في ملامحه قالي يلا نمشي
من هنا سألته عرفت إسمها رد عليا بإقتضاب أه
كلمته ما مليتش فراغ لهفتي ولا كان فيها دواء راحتي سألته بلهفه طب إسمها إيه ؟
برده رده مزعج لأول مره يكون مزعج كده وهو بيقولي يلا نمشي وبعدين هقولك كل حاجه عرفتها
شكله قلقني بس مشيت وقفت في مكان
بعيد وهادي وقلبي هيوقف من التوتر
خير يا حاتم أدينا مشينا أهو
خرج صوته حزين وهو يهتف سمها ملك
::إبتسمت بحب وأنا بسأله طيب ليه زعلان كده
نطق بكلام كان زي السهم اللي غرز في قلبي رغم أن لسه شايفك من وقت بسيط جداا ومش طبيعي تكون دي حالتي بس مجرد ما قال لأن الزينه الشوفتها دي بتاعتها فرحها بعد بكره
حسيت بصدمه زلزلت كياني أنت بتقول إيه
اخفض حاتم وجهه بحزن الراجل قال كده
الوجع زاد في قلبي يعني إيه يعني يوم ما قلبي
يدق لوحده يطلع يوم فرحها
:: أردف حاتم بحزن ده نصيب يا ريتني سمعت كلامك و ماوقفتش في المكان ده
صرخت في وشه ليه نصيب وليه أشوفها وأتعلق بيها
من أول نظره وهي ملك غيري
ليه الحاجه الوحيده اللي إتمنتها تكون لغيري
الصدمه حاسيت كأن شخص خرج بره السيطره وهتفت بجنون أنا لأزم اخطفها وتكون مراتي
::أردف حاتم بصدمه إيه جرالك تقبل تتجوز وحده بتحب غيرك دي مش أخلاقك يا حسام
:: قولت بوجع طيب أعمل إيه أول مره أحس بالعجز والتيه أنا هتجنن يا حاتم حاسس إني
بتخنق لسه شايفها من ساعه وحاسس إنها ملكي من سنين تفتكر ليه
لأن ده عشق الروح بيخطفك من نفسك وبيكون تأثيره سريع وقوي
روحت وأنا خسران قلبي وراحة بالي
بعت معتز يوم
فرحك يعرف مكان بيتك وجمع كل المعلومات
عن جوزك وعنك يوم الفرح فضلت أمشي بالعربيه مش عارف أعمل إيه فضلت أصرخ يمكن يخف وجع قلبي
وكل يوم كنت بقف تحت شقتك بالساعات وأنا بتخيل اللي بيحصل بينكم بحس بنار في قلبي
أنا أتعذبت كتير في حبك يا ملك 8شهور كل يوم
أسهر تحت بيتك نفس التفكير نفس الألم
*******
بكت ملك بصمت علي صدره لأنها لم تتخيل
معاناه بسببها
ليكمل حسام رحمة ربنا كبيره كتبلي بعد العذاب
الراحه والهدوء النفسي بوجودك في حضني
وبرد علي قلبي أنه حفظك ليا وأكون أول راجل يلمسك كأنه بيجازي صبري وعذابي في الشهور
الماضيه يتحدث وهو يضمها بقوه ويده تتحرك علي ظهرها بحب وحنان
********