رواية هلع الفصل الثالث عشر 13 بقلم آية
رواية هلع الجزء الثالث عشر
رواية هلع البارت الثالث عشر
رواية هلع الحلقة الثالثة عشر
//
وصبا خذا الدخان وخش للدار يدخن
صبيت وراه >> عندي كم كلمه بنقولهن !
بحت فيا ونفخ الدخان
سما >> طفي دخانك عشان نعرف نحكي 🙂
رسلان >> مانعرفش نستوعبك الا بيه 😒
قربت كريته منه وطفيته >> ماهوش ادمان هو !
رسلان>> اخرلك مره اتمدي يدك
سما >> فكيت الدخان راه ما ضربتكش 😒 اوڤر
رسلان>> سما !!!
سما >> بنحكي
رسلان>> احكي لكي ساعة بتحكي
سما >> هنا حاجتين لما نحكي ما تسيبنيش وتمشي هضا من امس لليوم درتها مرتين ! وقبلها تصكر فوجي قبل ما نكمل كلامي ع تلفون ، ثاني حاجه المزاجية انا وياها مش اصحاب ف ماتعاملنيش بمزاجك عندك حاجه قولها مالاول عشان نقعدو واضحين
رسلان>> نمشي ونسيب فيك عشان لو حكيت ح نقول كلام مش ح يعجبك وحنزعلك ف خليني متجنبك لحد ما يسقم اسلوبك 😊
سما >> كنه اسلوبي! تهيالي من اول يوم عرفتني فيه لحد اليوم نفس الاسلوب ما تغيرش ، غير هكي انا واضحه معاك من الأول، انت اللي غريب اول مكالمة كنت متفهم بعد المقابله قعدت ترن وتبيني نرد ، بعدها شهرين العرس قعدت تتهرب ! من اللي مش طبيعي فينا
رسلان>> يعني انا الغلطان فكل حاجه انا ماشي بايت عند مراد قبل شهرين من العرس ونرد عليك من راس خشمي و قاعده بدون حجاب واكيده لبسك زي وجك وفوقها تحكي ب أسلوب كأني نجري وراك ! لو تلمحي عالحب اطمني راه منحبكش مش هضا لي تحومي عليه
سما>> جو الافلام والقصص متاع اللي ناخذ واحد منحبش بعدين نقعد نحبه هضا مش ليا انت عارف غرضي كويس من العيشه هذي اني نفتك من صداع عاشور و نفكر في القضية بدون ماحد يصدع راسي ! وبعدين انت اللي جيت مش انا اللي جبتك
رسلان>> كان ب امكانك ترفضي وانتي وافقتي كل حد عنده اسبابه
سما >> اسباب شنو ؟
رسلان>> ما لكش دخل ، اظني نحن الاثنين مشاعرنا واضحات ف هكي تمام
” وخذا الدخان و طلع من حذايا | خذيت دبش وخشيت ندوش عشان ما نفقدش اعصابي 🙄”
//
//
مرن يومين ومافيهنش اي جديد ، كنت طول يومي لوطا مع سارة ويزن ونهدرزو وكانو الحق عسل بكلللل و رسلان انا وياه نجنبو فالكلام مع بعضنا
كنت فالمطبخ عند هله ندير في قهوة ويزن جنبي يهدرزلي
يزن >> باهي انتي تقري في مدرسة
سما >> انا كملت قرايه من سنتين😂
يزن >> صحح
سما >> وانت امتى ح تخش المدرسة ؟
يزن>> انا بعد هكي “وقعد يدير بيديه في الارقام”😂
سما >> وين خالو
يزن>> قصدك رسلان؟
سما >> ايوه😂
يزن >> اهواه “وشير عالباب”
برمت لقيته واقف عالباب
سما >> الواحد يدير صوت لما يخش من امتي واقف هنا
رسلان >> من لما سألتي عليا 😂
برمت وجي عرفته بينرفزني // طبس رفع يزن
رسلان>> شن كانت تقولك هذي
يزن>> اسرار
سما >> ايوه اسرار واسمي سما مش هذي
رسلان>> المشكلة انك تبيع ذمتك بشبس وشوكلاطة
يزن>> اشريلي ونقولك
سما >> يزن ! 😳
رسلان>> تربية خاله 😌 احسبيني فالقهوة
سما >> مافيش كملت ! ” حطيت الفنجاين فالسفرة”
رسلان>> في نسكافيه ديريلي
سما >> مانعرفش نديره 😒
يزن >> هي ماتبيش ادير بس
سما >> كنت فواحد قعدو اثنين 😤
ع خشت ساره>> مش قتلك حيتعبونا😂
سما >> خليهم تعالي نشربو قهوتنا 😒
رسلان>> وانا ؟
سما >> قلنا مافيش 🙆🏻♀️
طلعنا انا وسارة
سارة>> متعاركين ولا شن
سما>> لا عادي
سارة>> واضح راه مش علي بعضكم انتي وياه يعني ما طقيتيش اسبوع و تجنبو في بعضكم
سما >> مضايقتكم هنا ؟
سارة>> بلا هبال 🙄 انا نحكي عشانكم بس يعني مفروض تعرفو علي بعضكم اكثر انتو حتى فترة خطبة ما فيش يدوبك الموضوع كله ع بعضه كم شهر
سما >> باهي احكيلي عليه عشان نحاول نستوعبه ومانقعدوش كل ثانيه نتعاركو
سارة>> لا مفروض انتي اتعرفي عليه بروحك وهو يحكيلك ع روحه احسن 😉
سما >> باه عادي لو مشيت الجديده والبنات بكرا🥹
ع خشت زينب>> مضايقة منا في حد زعلك
سما >> لا ياعميمه والله بس رايفة عليهن
زينب >> خليها يومين اخرى عالاقل عيب ماشية من توا يحسابونا زعلناك
ع خشت رسلان ومعاه يزن فيده شكارة فيها شوكلاطات
سما>> خذيت الرشوه متاعك 😒
سارة >> شن رايكم تطلعو تغيرو جو
رسلان>> انا وياها نطلعو ؟😒
سما >> لا منبيش نطلع حتى انا
رسلان>> ماحدش قالك هيا راه
زينب>> رسلان!
سارة>> تي عيب
سما >> بنركب نرقد انا نضت بدري اليوم “صبيت ركبت”
رسلان>> ماحد يبحت فيا كذا 😒
زينب >> طبعك زي وجك حد يعامل مراته هكي
سارة>> حرام عليك زعلتها مفروض طالعين شهر عسل
رسلان>> شهر عسل 😒 جواز سفري منتهي ومعش جددته
يزن والشوكلاطة فيده>> نعطيها شوكلاطه؟
سارة>> انت قعمز هن واسكت 😒
زينب>> اركب المراتك عدي را نحرش باتك وسقم اسلوبك راك تحساب روحك جايبها مالشارع
ركب بدون ما يرد حرف ، بس لقاني راقده😒
//
//
بعد العصر هكي نسمع في صوته يواعي فيا
رسلان>> بتنوضي ولا لا 😒
فتحت عيوني بحتت فيه >>تبي حاجه؟ ولا تبي حد اتعارك معاه؟
رسلان>> مش تبي تطلعي ؟ 😒
سما >> ماقلتش بنطلع ساره اقترحت 😒
رسلان>> لو بتطلعي هيا
سما >> وين ؟
رسلان>> جزر المالديڤ
سما >> عليك خفة دم 🫠
صبيت وخشيت توضيت وصليت ، وخشيت للدار
سما >> بنلبس
رسلان>> و البسي 😌
سما>> اطلع باه
رسلان>> مش ح نبهت فيك البسي بس
سما >> بلا قلة ادب 🙂
رسلان>> خلاص صبيت
لبست ع سريع بنطلون و بلوزه و عشان الجو بدا يصقع لبست فوقهم جاكه ، وعزقت الايشرب
بحت فوجي فالمرايا حسيت انه شكلي مش شكل عروس بكل 🫢 رغم انه اخر همي كان وقتها بس هكي قلت نحط حاجه فوجي ، درت شوية مكياج على وجي تقول بنت صغيرة اتعلم
طلعت لقيت رسلان قاعد علكنبة يدخن
سما >> اوففففف معش ادخن هنا دخن برا
رسلان بحت فيا>> وين ان شاء الله اي قاعه العرس ؟
سما >> اي عرس 😪
رسلان>> الي ما شيتيله بلبستك هذي
سما>> ياليل قصة اللبس والايشرب
رسلان>> البلوزة مافيش اطول ؟
سما >> فوقها جاكه يارسلان
رسلان>> بالفتحة و سقمي الايشرب
كريته قدام و طلعت قدامه بدون ما نرد عليه 😒
//
//
عند البنات
رندة>> شن صار؟
سالمة>> قالو طلعت النتيجة فالجامعة بس ماحدش مشى من البنات وتبيلها بيش تنزل عالقروب
رندة>> باهي شن ح ديري !
سالمة>> مش عارفه 😭 تو نراجي شويه بلكي وحده تمشي
رندة>> رني ع موسى بلكي يقعد قريب من الجامعة
سالمة>> تو نشوفه
“خذت التلفون ورنيت ع موسى”
موسى >> نعم ؟
سالمة >> قتلك انت وين؟
موسى>> طالع من الشركة خذاني تيح توا
سالمة>> تقدر تخطم تشوفلي النتيجة نزلت
موسى>> راجي | تيح نمشو للجامعة نتيجة سالمة طلعت ؟
تيح >> تو ندير تلفون في واحد نعرفه غادي خليها ادز رقم القيد
موسى>> تمام | سمعتي
سالمة>> خلاص تو ندزه لكي
صكرت سالمة ودزاته وقعدت ع اعصابها ، شويه ورن موسى وقاللها انها نجحت
//
//
طلعنا انا ورسلان كملناها برم هكي بالسيارة كنت نحب الطلعه هذي نبرمو بالسياره و نحط الاغاني اللي نحبهن
رسلان>> ذوقك فالاغاني دراما
سما >> وشن ذوقك انت
رسلان>> مهما يكون مش ه يكون هكي
سما>> ماتركزش خليني انا نسمع
وصلنا المكان فيه هكي صفة محلات وكافي ، نزلنا نبرمو
رسلان>> لو عجباتك حاجه خوذي
سما >> لا دبش عندي واجد
رسلان>> مرات تعجبك حاجه هكي ولا هكي😂
سما >> الصبر بس
رسلان>> بلكي تعجبك توتة عليها دبدوب تبدلي بينهن😂
سما >> بجامتي المفضلة 💁🏻♀️
رسلان>>😒
قعدنا نبرمو في المحلات والحق كل شويه يقولي لو تبي حاجه خوذيها دروحه لقطة كرم وهكي وهو مدره كبدي من هالكرم يسقم اسلوبه🙂
كملنا برم وقالي نخشو نشربو حاجه فالكافي
سما >> عارف ناخذو نسكافيه و نبرمو بيه بالسياره بدال ما نقعمزو فالكافي
رسلان>> براحتك “ومدلي المفتاح ” عدي للسيارة خمس دقايق ونجي
سما >> تمام
رسلان>> نسكافيه بس ؟
سما >> اها
ركبت فالسيارة ع رنت سالمة
سما >> الو
سالمة>> نجحتتتتتت 💃🏻
سما>> تبصري 😂 مستحيل صار منك
سالمة>> متخيله اني تخرجت خلاص 😂
سما >> انضمي القروب الخريجين عقبال باقي البنات
سالمة>> وين قاعده صوت هرجه
سما>> برا أنا ورسلان
سالمة>> هالله 😍
سما >> بلا سخافه 😒 شن اديرن
سالمة>> جتنا ميرا توا و احمد جابلنا حلو ، تقدري اتكي ؟ رايفنا عليك والله
سما >> تو نشوف مزاج سي السيد
ع فتحت باب السيارة
سالمة>> جا ؟
سما >> خلاص اوكي 😪
رسلان>>منو ؟ “ومدلي النسكافيه ”
سما >> سالمة قالت لي انها نجحت
رسلان>> باهي ؟
سما >> كيف عرفتني بنحكي ؟ 😒
رسلان>> وجك واضح 😂 قولي
سما >> ماتضحكش باه 🥹عادي نتكي عالبنات؟ رايفة ع خوخه واصلا ميرا اختي غادي وهكي
رسلان>> عادي تو نتكو ، بس مانطولوش عشان عيب يعني مازلتي ما طقيتي شي
سما >> مهم نشوفهن بس
رسلان>> ناخذو حاجه؟
سما >> براحتك عادي
تكى خذا حلو و شوكلاطة السالمة عشان نجاحها و مشينا بيه ، شويه هكي ووصلنا غادي ، نزلت فتحلنا موسى الباب سلمت عليه ومشيت نجرييي
رسلان>> تي بشويه راك اطيحي 😑
موسى>> متعوده ماتخافش تكمل فيومها راكبه نازله عالسطاح كانت😂😂
رسلان مدله الحلو والشوكلاطة>> هبله بكل😂
موسى>> ماشفتش اللي عندي 😪
وقعدو يسمعو في صوت بكا رسلان بحت ف موسى
موسى>> هذينا اكيده ميرا و سما، من بعد العرس وميرا اصلا كل يوم تبكي انت عارف وضعهن | تعال خش خش
خش رسلان وكنا انا وميرا فالممر وماحدش قدر يفكنا من بعضنا ، قرب موسى مد الحلو السالمة وخشت بيه وجا عند ميرا
موسى>> ميرا خلاص بلا هبال ، البنت عروس عاد
ميرا وخرت تمسح في دموعها >> متريحه انتي
رسلان>> والله ما درتلها حاجه 😪
موسى >> لا هضا حالهن راه 😂
ميرا>> بلا سماطه😩
قرب منها وقعد يمسح في دموعها >> غير بلا بكا شن قلنا نحن
خش رسلان للصالون وخش موسى معاه ، وانا مع البنات شويه هكي وجاني موسى قالي يبيكي رسلان
روان>> تي ايوه يا اللي قعد عندنا راجل وينادي فينا❤️🔥
سما >> تحشمن 😂😒
طلعت وانا مستغربه شن يبي
سما >> نعم؟
رسلان>> بنزرق ع اسير ساعه هكي ونجي حسيتك بتهدرزي مع البنات
سما >> عادي ؟
رسلان>> اه مش مطول ، ونتفاهمو بعدين ع تحويلة الحجاب قدام موسى 😒
سما >> موسى راه 😑
رسلان>> موسى كيف خويا ومراد كيف خويا وانظر من كيف خويا
سكتت عشان خفت نرد يقولي هيا وانا مازلت نبي نقعد مع البنات😭
رسلان >> بعدين ليش البكا يحسابوني نعذب فيك 😪
سما >> كنت مرايفه عليهن
رسلان>> معش تبكي باهي
سما >> عليش
رسلان>> بكيتك وجعتلي قلبي
قال كلمته وطلع وانا وجي الوان 💁🏻♀️
جتني سالمة>> تي كنك ؟ 😂
سما>> مش عارفه ح يجلطني
روان>> انقنه سمح 😂
رندة>> بكلللل
ميرا>> انا فالعرس ما ركزتش فيه توا كيف شفته كويس انقنه سمح
سما>> كملتن ؟ 😒
سالمة>> لا انا ما قلتش 😌😂 سمح بكل
سما >> تحشمن باهي
روان>> دروحه نغارو 😪
ع طلعت موسى يجري من جوا ووجه متغير
ميرا>> موسى شن فيه ؟
خذا مفتاحه >> تيح تعب فالمستشفي
سالمة>> كنه؟؟
موسى>> ما نعرفش بنمشي نشوفه “وطلع مستعجل”
سالمة >> الراجل هضا مقطعلي قلبي اقسم بالله نحس يبي وحده تهتم بيه
كلنا بحتنا في سالمة
سالمة>> كنكن ؟ الواحد ما يهدرزش يعني😒
روان>> لا هدرزي 😂
ميرا>> والله ديما نقول الموسى واجعني ليش ما يجوز يقولي مايبيش مصكر راسه وخايف يظلم البنت معاه
سما >> وعليش بيظلمها هو مش مريض مرض موت هو عنده القلب مرضه يبي اهتمام بس ومحافظة
روان>> ممكن مايبيش حد يشفق عليه او عنده تجربة فاشلة متعرفوش شن ظروفه
سما >> ممكن | كذا حطولنا من الحلو لي جابه رسلان
رندة>> راه راجلي جايب حلو 😒
سما>> قصة هي 🙄😂
خشت رندة مع البنات للمطبخ و مشيت انا حذا خوخه وعميمه منى وطبعا قصقصني على هل رسلان و يزرن فيا لو انا متريحه ولا لا ودوة صبايا كبار 😂 لعند صبيت طلعت من حذاهن هربت للبنات
سما >> ميرا شنجوك مع موسى ؟
ميرا>> مافيش جديد
سما >> اهم شي مش متعاركين
ميرا>> لا الفترة هذي هدنه😂
سما >> ربي يدوم😂
ع خشت خالو احمد
سما >> احميييييدااااا رايفة عليك 😭 ” ومشيت حضنته”
احمد>> سيمووو تي كنهم ما قالولي انك جايه
سما >> جيت فجأه كيف حالك ؟
احمد>> كويس الحمدلله بطلي بكا
سما >> والله وحشتوني بكل نحس كأني غايبه سنة
أحمد >> اوڤر 😂
سما >> مافيش جديد ؟
احمد>> جديد ف شنو ؟
سما >> ع القضية ؟
احمد>> لالا الملف عند ربيع
ع طلعت رندة >> كنه ربيع؟؟؟ شن فيه ؟
احمد>> هذي كنها ؟
رندة>> مش هضا المحقق لي كان عنده ملف زياد
احمد>> معش تقولي اسم الخارب شن قلنا نحن عالقصة هذي
رندة>> نحساب في حاجه بس
احمد>> مافيش شي خلاص انتهت القصة هذكي
سما >> غير ركز معايا بس ، باهي وماما ؟
احمد>> سما لو في حاجه كنت ح نقولك والله عارفتيني مش حندس عليك
سما>> باه اخر سؤال
احمد>> ياعليك تحقيق ماتبطليش مالدوا
سما >> والله اخر حاجه ، وضحى 🫢
احمد>> من يوم الفاتحه معش كلمتها
سما >> من جدك انت ؟ غبي درتلك فرصة العمر عشان تفتح موضوع معاها
احمد>> ومن قالك بنفتح موضوع
سما>> راه حتى خوخه سألت عليها فالفاتحه
احمد >> انتي وصلتي الموضوع الامي 😪
سما>> تي لا والله هكي عجبتها بس😌
احمد >> ساهل ساهل
سما >> خليك لعند تسمعها انخطبت انت الخسران😒
احمد >> خلاص صداع 🫠
سما >> والله جد معقوله تضيع فرصة كيف هذي بعدين راه واضح انه حتى هيه يعني في حاجه من ناحيتها
احمد >> كيف ؟
سما >> مش ما تبيش ترن وداير قصة خلاص عليش بتعرف
احمد >> خليك ولو صارت حاجه مش حنقولك
سما >> ييييه ، قصدي يعني يوم الفاتحة لما خشت قالت لي شفت عمك برا كانت متلخبطه ومتوتره هكي ، اعترف شن درتلها
احمد اذكر شكلها وضحك>> خشي اشربي قهوتك مع البنات و اعقلي
//
//
اسير >> شنو يامعلم ؟
رسلان >> الاسبوع الجاي بنرد للشركة
اسير>> مش بدري ؟ بعدين انا منسألش فيك عالشغل
رسلان>> لا مش بدري | مالا عليش تسأل
اسير >>ع المدام 😪 شن الامور
رسلان>> زي ماكانن من قبل وممكن من قبل كان كل حد في مكان ، توا كل حد قاعد يحرق في دم الاخر عن قرب
اسير >> ع شن ناوي انت ؟
رسلان>> عارفني ما عنديش ماندير ماشيه كيف ما تمشي
اسير >> باه وروان ؟ 😂
رسلان>> اسير انت تحكي جد ولا تبصر ؟ عارفني مانعرفش بصارتك من جدك
اسير >> مانعرفش نخاف نحكي عالتلفون نمل زي ديما معش فاهم خاطري نطلع قلبي نسأله شن يبي ويريحني
رسلان>> معناها اسمع هي تقرا في جامعة امشي غادي وشوفها وجها لوجه انت اتفاهم ، لانه كان عالتلفون موضوعك ح يطول زي كل مره
اسير >> قولتك هكي ؟
رسلان>> اه تو نعرف امتي عندها ونقولك
اسير >> خلاص باه
رسلان>> اسير لو حسيت انك بس تبي تحكي معاها عشان بتلعب وخر اه ! مهما كان روان بنت ناس و قريبة سما يعني انا اول واحد ح نصبي في وجك
اسير >> ماتبداليش الموشح من توا 😒
رسلان بحت فالساعة>> خليني نعدي طولت عليها
اسير >> الله يرحم ايام ما كنت تقعد لعند الفجور
رسلان>> لا توا بهلي انا 😌😂 عقبالك
//
//
في المستشفي
موسى>> ياراجل تعبتني في جرتك
تيّح >> ماتخافش كويس انا
موسى>> تي شن قلت الامك عالدخان انا
تيّح >> تي اقسم بالله ما دخنت
موسى>> امالا شنو ؟
تيّح >> والله مانعرف ياراجل خلاص ما تنفخهنش 😪
طلع موسى للدكتور بعد ما اطمن ع تيّح
موسى >> يا دكتور شن القصة كل مره طايح ؟
الدكتور >> قلة اهتمام ، مفتاح عنده مرض القلب يعني مرض يبي اهتمام واول نوع من انواع الاهتمام الاكل الكويس ! الحمدلله هو صحته كويسه ومازال صغير فالعمر يعني لا ضغط ولا سكر ولا اي حاجه، ومخفف من الدخان بس مش قاطعه نهائي بس برضو مش مهتم بصحته لو استمر ع هكي حالته ح تسوء كل ما يتقدم فالعمر
موسى>> يعني حاليا هو كويس؟؟
الدكتور >> حالته ممتازة بس يهتم و ياخذ دواه ويخفف قد ما يقدر دخان وكافيين و ياكل كويس والف لاباس عليه تقدر تروح بيه توا
موسى>> ان شاء الله تمام
خش موسى >> هيا صبي نروح بيك
تيّح >> تو نروح مع ولد سيدي ماه جابني
موسى>> اول ما جيت قتله يعدي هيا صبي
تيح>> شن قالك الدكتور ؟
موسى>> نفس الكلام اللي يقول فيه من خمس سنين ، حافظ واهتم وما ادرهش كبد موسى صاحبك
تيح>> الاخيرة هذي من جيبك😒
طلعو للسيارة ع رنت تلفون موسى
سالمة>> شن صار في تيح ؟
موسى>> اهو معايا
سالمة>> شن قال يعني الدكتور؟
موسى >> وكنك تسألي 😒
سالمة>> ماه طلعت من الحوش وجك الوان الوان انشغلنا كلنا حتي ماما تسأل 😪
موسى>> لا كويس اهو مروح بيه معايا ديرولنا عشا
سالمة>> ع هنا ؟
موسى>> سالمة امالا وين مروح🙄
صكر موسى وبحت فيه>> ولا حرف
تيح>> تي ما نبيش نتعشا ازح
موسى>> قتلك ولا حرف
تيح بيتأكد>> باه من يسأل عليا🫢
موسى>> ما سمعتني قلت سالمة طلعت مفجوع انفجعو معايا
تيح >> لا مركزتش ” خمسة استعباط”
//
//
سما>> احميدا رسلان رن عليا برا افتحله على ما لبست
احمد>> هي تو نطلعله
طلع احمد سلم علي رسلان واصر يخش والبنات كانن فالصور
سما >> نحسابك مش خاش
رسلان>> عمك اصر
سما >> اوكي احسن عشان نعرفك عليهم تعال “وبحركة سريعه مسكت يده”
استغرب رسلان ومشى بجنبي
سما >> هذي رندة و هذي سالمة الي نجحت 😂 هذينا بنات عمو عاشور
مد يده سلم عليهن >> اهلا اهلا ومبروك النجاح
سالمة >>الله يبارك فيك😂
سما >> وهذي روان بنت عميمه شفتها انت من قبل
رسلان>> محد مهتم ؟ 😂
روان ضحكت >> ايوه 😂 “وسلمت عليه”
سما >> وهذي ميرا اختي 😂
رسلان>> لا خلاص عرفتها البكايه😂
ميرا>> عليك سمعه😂
” ع طلعت عميمه منى وفاطمه”
سما >> وهذي عميمه ام روان وهذي ام موسى
قرب وسلم عليهن
منى>> مشاء الله مشاء الله ربي يكمل عليكم
رسلان>> تسلمي
ابتسمت عشان عارفته تحشم 😂😂 وخذيته وخليته يسلم علي خوخه
>> وهذي خوخه اهم عنصر فالعيله😍
جديده>> مرحبتين مرحبتين
قرب منها رسلان وباس ع راسها وسلم عليها ، حسيته كيوت🥹😂
جديده>> ردبالك منها عاد وماتخليهش تغيب علينا
رسلان>> لا امتى ما تبي نجيبها حاضر
جديده >> وانتي ردبالك منه عاد
رسلان>> سمعتي 😒
سما >> ان شاء الله خير🙄
كنت مبسوطه بكل وانا نعرف فيه عالعيله وفي نفس الوقت مسكت دموعي عشان كان خاطري يتعرف ع هلي ع بابا وماما وعبودي 💔 رغم هكي كنت نعرف فيه عليهم وهو ضاغط علي يدي زين كأنه يقولي انا حاس بيك ومعاك 😪 يوتر فيا ويلخبط في شعوري
وكان الشخص الوحيد لي حاس بيا بجد ميرا اختى كانت تبحت فيا وفي عيوني وكيف ندور كان نلقى نشوف بابا وماما وقتها
سلمت عليهم كلهم عشان بنطلع ع نزلت عاشور من فوق قعد يرحب ويسلم ع رسلان والفرحه مش سيعاه 😒 سلمت عليه بدون نيه وطلعت مديت راسي للمربوعه لي كان فيها احميدا
>> قتلك مانوصيكش اه اي حاجه كلمني ع طول
احمد>> يا بنتي عدي مع راجلك ووقفي عقلك معش تخليه يفكر افصلي شويه
سما >> عارفني مانقدرش
احمد بحت فرسلان>> خليها تفصل النبي خوذها 🤦🏻♂️
رسلان ابتسم >>هي تصبح على خير
احمد>>تلاقو الخير
كملت كلامي وطلعت مع رسلان للسيارة
رسلان>> لو نعرف مشيتك الحوش جدك تغير نفسيتك هكي را شلتك من اول يوم
سما >> اهو عرفت نقطة ضعفي والخط الاحمر بالنسبة ليا ❤️
قبل ما نتحركو بالسيارة نزل موسى من سيارته وجنبه تيح كان متحشم
موسى>> مازال بدري اقعدو تعشو
رسلان>>لا هضكي هوا والله
موسى>> هضا تيح رفيقي ، تيح هضا رسلان نسيبنا
سلمو هما الاثنين ع بعضهم
وانا طبعا ضروري نحط بصمتي عشان نجلط رسلان
سما >> لاباس ياتيح ان شاء الله كويس
رسلان انجلط بس بحت في تيح>> لاباس ان شاء الله خير؟
تيح>> والله شوية تعب غير موسى يحب تكبير الشورخ
رسلان>> وانا نقول هذي المن طالعه 😂
سما >> تو انا هكي ؟ 🙄
موسى>> خش خش قدامي 😪😂 هي تصبحو على خير
رسلان>> قدامك الخير
//
//
بعد ما طلعنا نحن ، خش موسى هو وتيح | فحوش جدي برا كان فيه زي الدار هكي يستقبلو فيها الشباب في اصحابهم وفيها تلفزون وبلاستيشن وهكي والدار هذي شبه ايام العزوبيه متاع موسى كانو ديما مكسدين فيها ومعاهم اصحابهم
تيح>> ضروري اتعبهم ؟ بدال ماتاخذ مراتك وتروح الحوشك
موسى>> رايفة علي ايام العزوبية خلينا نتعشو ونشلطك بلعبة كورة توا ع كيف كيفك
تيح>> انت بتفوز عليا ؟😪
موسى>> خليني نخش نشوف العشا بس 🤌🏻
طلع موسى لقى ميرا مع سالمة فالمطبخ
موسى>> شنصار ؟
سالمة>> هي نجيب الخبزة من جوا بس
قرب موسى من ميرا>> قتلك نباتو هنا اليوم عشان تيح مانبيش نسيبه اليوم تعبان شويه
ميرا>> لاعادي تعودت تيح تقول ضرتي
موسى ابتسم>> كيف قعدنا نغارو من تيح ولا شنو؟ 😂
ميرا>> عليش بنغار انت ديما معاه اصلا عادي
موسى>> حي عالهبال
ميرا>> ماغرتش قلنا 😒
موسى قرب منها >> اصلا اول مره نقولك نباتو وتناقشي قبل تقولي باه على طول
ميرا توترت >> سألت عادي يعني مش مهم
حط يده ورا ظهرها >> متأكده
ميرا>> موسى حتطلع سالمة تفهمنا غلط وخر بلا قلة ادب
موسى>> غلط كيف راجلك راه 😂
ع طلعت سالمة ماسكة السفرة وخر موسى وهي دروحها ما شافتش عشان ما تحرجش 😂 مدتله السفرة وطلع
ميرا>> ولا حرف اه اصلا خوك غبي
سالمة>> حي علم وجك كيف احمر😂 تقول دايرين علاقة بالسر
ميرا>> ولا حرف خليني نغسل وجي وعطيني حاجه نلبسها بايته هنا
سالمة >> باه سكتت😂
//
//
روحت انا ورسلان للحوش ولقيت سارة مش قاعده هي ويزن
سلمت على عمتي وعمي وخشينا حوشنا
سما >> الحوش مكسد بدون سارة ويزن
رسلان>> حتجي بكرا فالصبح ماتخافيش ساكنة فشارع لي ورانا
سما >> هو واخذها ولد عمك صح؟”رغم اني نعرف بس دروحي بنفتح موضوع “😂
رسلان>> اه نحن وعيت عمي فنفس المنطقه و اجوز مالك سارة و سكن مع هله وسارة عشان البنت الوحيده ومتعوده على امي ف ديما هنا قاعدين
سما>> اهااا
رسلان خذا دبشه و خش يدوش
وانا غيرت دبشي عالسريع وعلقت اللي كنت لابسته ، وكنت واقفه عالمرايا نمشط في شعري ع طلعت رسلان من الحمام ، قرب مني وجا عند المرايا
سما >> انت مش طبيعي !
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية هلع)
