رواية اخرجتني من الظلام الفصل الثامن 8 بقلم ريتاج محمد
رواية اخرجتني من الظلام الجزء الثامن
رواية اخرجتني من الظلام البارت الثامن
رواية اخرجتني من الظلام الحلقة الثامنة
شالها ودخل بيها الاوتيل وطلع بيها عالسويت بتاعه
ودخل كانت هي فاقت شوية
وكان هو شايلها
فجالها احساس انها عايزة ترجع
غيث بتحذير:اوعي
حسك عينك ترجعي عليا
مليكه احساس الترجيع زاد عندها
غيث بصدمه :اوعي اوعي
مليكه حطت راسها عند كتفه ورجعت عليه
غيث بعدها وهو بيقول بقرف وصوت عالى : الله يخربيييييييت يامعفنه
وقلع القميص بتاعه وهو بيقول:ناقصه قرف هي
كانت هي جريت عالحمام وغسلت وشها وفاقت
وهي بتبص ف المراية وقالت بصدمه لنفسها:يابنت القادرة يامليكه
دنتي معملتيهاش وانتي على اسمه جايه تعمليها دلوقت
طب اخرج اوريله وشي ازاي بس يخراابي
شدت الفوطة وهي بتحطها على وشها وبتقول بتكبر:اي العبط دا هخرج عادي ملوش عندي حاجه
محدش كان قاله يشيلني
وخرجت وهي بتنشف وشها وبتبص على الاوضة
وبصت لقته واقف من غير تيشرت فلفت وهي بتقول :ايه ياعم هو بيت امك
متحترم نفسك واسترها
غيث بصدمه:استرها؟
انتي يبت عبيطه ولا في حاجه فنفوخك
وبعدين انتي ايه القرف الي عملتيه من شوية دا
مليكه ببرود بس من جواها مكسوفه من نفسها :والله مكنتش اقصد وبعدين محدش قالك شيلني
لبس التيشرت وشدها من دراعها ولفها ليه وهو بيقول:بعدين من امتى وانتي بتشربي ها؟
مليكه كانت هترد بهجوم كالعادة بس افتكرت انه ممكن يفهم غلط ويقول لاخوها ويخليها ترجع فردت بهدوء:انا عمري ماشربت ومكنتش اعرف ايدة
وبعدين فرح هي الي شربتهولي غصب عني
غيث : فرح ااااااااه؟
طب ملمحكيش ف المكان دا تاني
اقولك حاجه ملمحكيش فوشي تاني اصلا
مليكه :اسم الله انا الي هموت واشوفك اصلا
يخي بلا قرف وراحت قعدت عالسرير وحطت رجل على رجل وهي بتقول : اخرج احجزلي اوضه عشان معيش فلوس
غيث باستغراب:نعم ؟
مليكه:اي اطرش انت ،بقولك احجزلي اوضه عشان معيش فلوس ياوجه البقرة
غيث باستنكار وضحكه سوسه:وانا ايه الي يخليني
اعمل كدة؟
مليكه بقرف مضحك:يعني راعي حتى اننا كنا عشرة
وطفحنا مع بعض
غيث ببسمه:طب مابمناسبه العشرة الجميله منا ممكن اكسب فيكي ثواب و أردك وتباتي هنا انهاردة
ونوفر الفلوس
مليكه قامت و:هأاااااااااو
قوووووول بقى انك من الاول مش سالك
بقى جايبني اوضتك عشان تعرض عليا تردني
اوعى انا ماشية دنت عيل تربيتة واطية
وجت تمشي ضحك جامد وهو ماسكها من دراعها ورجعها تاني لمكانها قدامه
وقال:خلاص ياست الشعنونه
متبقيش حاميه كدة
مليكه:انت عايز ايه دلوقت يعني؟
عايزة امشي
غيث بيسمه:خلاص هحجزلك اوضه
مليكه:مش عايزة حاجه منك هكلم رسلان
واخليه يبعتلي فلوس
غيث بحدة :رسلان مين ؟
)ميعرفش انهل عندها اخ اصلا)
مليكه ببسمه خبيثه:ملكش فيه
رسلان حبيبي ولو سمحت بقى سيبني اتكل على الله
وجت تمشي رجعها جامد بقوة وهو بيقول :رسلان دا يبقى مين ؟
مليكه بتناكه:اوووف مش قولت حبيبي
فكك مني وسيبني امشي
بقى وزقت ايدة وخرجت
غيث بصلها بغيظ وقعد عالسرير
لقى الباب بيخبط
قام وفتح لقى مروان
مروان :انت يبني عبيط
اسيبك خمس دقايق عشان
ادخل الحمام ارجع ملاقكش
انت عبيط يبني
غيث : كان في موضوع مهم كنت بخلصه
مروان:موضوع مهم اه
طيب سلام انا هروح اكمل السهرة بقى
غيث باستغراب:انت لسه جاي
هتروح تاني ؟
مروان بضحك:اكيد لأ
بهزر معاك هروح اوضتي وانام
عشان اصحى بكرة بدري
غيث :تصبح على خير
ابقى خد الباب في ايدك
مران خرج وغيث قلع تيشرته وفرد نفسه عالسرير ونام
عند مليكه كانت قاعدة في الاستقبال مستنيه غيث ينزل يحجزلها الاوضة
واستنت كتير بس منزلش فقالت بغيظ:اه ياواطي
محجزتليش الاوضة
وانا الي رضيت بيك وانت أعمى
طب كدة ايه ارن على رسلان ولا ايه
اوووف
وخرجت برة وكملت رسلان
مليكه ببسمه:اي يارسو عامل ايه
رسلان بمرح:بخير طول منتي مش قرفاني
مليكه:لا مهو بمناسبه القرف
ابعتلي فلوس
ودلوقت وبسرعه ..
رسلان:انتي ايه يابنتي بقى كل الفلوس الي واخداها دي وعايزة فلوس تاني ليه شفاطه فلوس
مليكه:ونبي اسكت ومتفكرنيش
عشان هنا ولا مليون دولار. هيقضوا
انا شكلي هعيد تفكيري ف القُعاد هنا
رسلان بفرحه:بجد
مليكه:انت ماصدقت تمسك ف الكلمه
دي كلمه مجازية كدة وخلاص
المهم يلا ابعتلي فلوس بقيمه متين دولار
رسلان بصدمه:ميتين ايه ياختي سمعيني كدة تاني لحسن حاسس في عقرب دخل وداني
مليكه ببلعه ريق:ميتين دولار
رسلان:وانا لما ابعتهملك هتعيشي بيهم هناك ٤ شهور كدة ؟
مليكه :لا هحجز اوضه ابات فيها انهاردة
رسلان:تحجزي بميتين دولار اوضه يوم
ليه هتحجزي اوضه حتشبثوت
مليكه:اخلص بقى
عشان انا وربنا لو مابعتلي هنام ف الشارع
رسلان بشماته:باتي ف الشارع يحببتي
ايه هو انا لاقي فلوسي
فمغارة علي بابا
عشان ابعتلك ميتين دولار عشان اوضه
غوري ياحببتي ابقي اتصرفي بقى ووريني هتعيشي ازاي يامو تركياا
وقفل فوشها
مليكه خدت نفس عميق وهي بتهدي نفسها:متتعصبيش
يامليكه الموضوع مش مستاهل
وخدت نفسها وطلعت على اوضه غيث وخبطت عالباب جامد
غيث كان راح فالنوم قام بانزعاج فتحلها الباب وهو بيقول بانزعاج ونسي يلبس تيشرت : هو انتي ! عايزة ايه؟
عند فرح كانت سكرانه عالاخر وكانت قاعدة عالبار وعماله بتشرب اكتر
لقت بتاع البار لبس جاكته وجه ناحيتها وهو بيمسكها من دراعها بيقومها وهو بيقول بالمصري :يلا هوصلك عشان انتي سكرانه خالص
فرح بضحك وسُكر :ايداااااااااا انت مصري
امال يجدع عمال بتكلمنا بالتركي ليه ؟
شدها وخرج برة وفتح العربية وحطها فيها وركبلها حزام الأمان
وقفل البار ولف الناحيه التانيه وركب
فرح بسُكر :انت واخدني على فين
الياس وهو بيدور العربية وبيطلع بيها :والله المفروض انتي تقوليلي هتروحي فين
عشان اوصلك
فرح بسُكر:و وديني الفندق
الياس بانتباه:فندق ايه بقى؟
فرح بضحك:الي شربت فيه العصير المسكر
وكملت بغُنا:يبتاع السُكر يامسكر
يامسكر يامساااااااااكر
الياس ضحك على جنونها وقال:طيب اسمه ايه عشان اوديكي هناك
فرح بسُكر وطالبه معاها ضحك : مش عارفه
انت عارف اسمه؟
الياس :لا مش عارف اسمه
فرح بضحك:ولا انا كمان هههههه
ومرة واحدة برقتله وهي بتقول ببسمه:هو انت حلو كدة ازاي
متجيب بوسه !
الياس بصدمه:…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اخرجتني من الظلام)
