رواية الحربايه والثعبان الفصل الحادي والثلاثون 31 بقلم منة محمد
رواية الحربايه والثعبان الجزء الحادي والثلاثون
رواية الحربايه والثعبان البارت الحادي والثلاثون
رواية الحربايه والثعبان الحلقة الحادية والثلاثون
في منزل عائله آمير
ناني بسعاده : كويس انك جيتي كنتي وحشاني
رحاب بقمصه: لو بوحشك كنتي تتصلي اجيلك
ناني: انا عايزاكي تتعودي ع بيتك , انتي دلوقت ست متجوزه , وميصحش كل يوم والتاني اروح ازورك في بيتك , مش عايزه ادخل في حياتك يابنتي , خلاص بقي ليكي حياتك الخاصه غير كدا جوزك وحماتك ليهم حق عليكي’ اكتر مني
ناني بضيق: مامي امتي تبطلي كلام عن الافكار القديمه , انا اتجوزت مش دخلت سجن’ اقدر اروح واجي زي ما حب ولا محتاجه اخد اذن من حماتي , ولا حتي جمال, بعدين ليه يكون عندهم مشكله رايحه فين, او هقابل مين
ناني: يابنتي مش مسأله مشكله , دي مبادء , حتي لو عاشوا عمرهم كله في امريكا , سولا اتولدت واتربت هنا , وهي متحفظه , وانا محبكلكيش تعملي الامور الي كنت بعترض ع مراه ابني تعملها , واظن انتي عارفه كويس
رحاب نفخت بضجر: قولت لك الف مره بلاش تقارنيني بدعاء, لان مفيش وجه مقارنه بينا , حتي جمال معندوش مشكله اني اجي هنا
ناني: والحمد لله انه متفهم ومهتم بيكي
رحاب: هو مش بس مهتم هو ببيسخر حياته عشاني , لو قولتله ده نهار يقولي نهار , واذا قولتله ليل هيسميه ليل
ناني: الحمد لله طمنتيني بكلامك وريحتي قلبي
رحاب: ارتاح من ايه .. فهميني انتي قلقانه من ان دعاء تبدء تتكلم ضد جمال مره تانيه
ناني: امممم مش عارفه
رحاب: مامي اظن قولت لك في السابق دي كلها اكاذيب , وليها دافع واحد هو ان انا وجمال منتجوزيش
ناني: سيبي الامور الي تسبب شرخ في العلاقات , انتي سعيده في بيتك وده يكفيني
دعاء بتحفظ : ازيك يارحاب
ناني: دعاء تعالي ليه واقفه بعيد قربي تعالي أأعدي معانا
دعاء: لاء ياطنط كملوا كلامكم انا جيت اسأل لو هنعمل صنف معين ع العشا لان رحاب هنا الليله , مش انتي قاعده للعشا يارحاب
رحاب بغرور: طبعا هو فيه اعتراض اني اقعد , ده بيتي وممكن اجي زي منا عايزه , مش كدا ولا ايه
دعاء: لاء مقصدتش انا بسال لو عندك ترتيب تاني
ناني: لاء حتي لو انا مش هسيبها تمشي كدا بسرعه , انتي حضري الاصناف الي بتحبها
دعاء بطاعه: حاضر هجبلكم عصير
رحاب بتكشيره: مليش رغبه اشرب حاجه
ناني بأبتسامه تغطي ع اسلوب بنتها المستفز: بلاش يادعاء , احنا شويه وهنتعشا
دعاء بهدوء: زي ما تحبوا عن اذنكم
ناني بعتاب: رحاب مالك ليه لسه شايله منها , واظن وصلتي للي نفسك فيه اتجوزتي حبيبك , وجمال نسي ومش بيحاول يعمل مشكله من الماضي ,ده حتي راح يوم جنازه ام دعاء , معني كدا انه مش شايل في نفسه اي ضغينه , ناحيه دعاء , او اي حد تاني
رحاب قفلت ملامحها بحقد: اه طبعا , طالما بدليل راح جنازه امها
………….قصص منه محمد كاتب……………
في الصالون
آمير: بابا المفروض فيه صفقه برندات في دبي كمان اسبوع , ها ايه رايك اسافر
رياض: طبعا سافر , ده هيكون شغل هايل لماركتنا , كدا هتتعرف في الاسواق الدوليه
ناني: آميران شاء الله هيرفع من مستوي شغلنا لفوق بمجهوده هينجحه
آمير: ان شاء الله
رياض: معنديش شك في كده , بس الصراحه الفضل كله يرجع لدعاء بنسبه خمسين في المائه تقريبا لان لما الراجل يلاقي الراحه والهدوء في بيته , نفسه تتفتح ع الشغل , زي ناني عمرها ما عملت توتر في البيت ابدا , عشان كدا بقيت راجل اعمال ناجح ومشهور
ناني عندك حق
آمير: ماما بفكر اخد مراتي معايا الفتره دي , يعني اتجوزنا وبسبب الشغل معملناش شهر عسل , واهي فرصه استغلها , لان كل مره بقرر تحصل شويه مشاكل , تعطل الترتيب غير كده دعاء مرت بصدمه في الفتره الاخيره , واهي تغير جو يعيدلها شغفها
ناني: ليه ياحبيبي تسألني, دي مراتك خدها طبعا , وانتم الاتنين محتاجين استجمام ينعشكم
رحاب مدت البوز وكشرت بحقد وغيره: واو رائع بجد يعني انا جايه زياره اقعد معاك وانت مسافر رحله استمتاع
آمير بصلها بضيق: رحاب اولا مش رحله ثانيا ده شغل
رياض لطف الجو : وبعدين هم مسافرين كمان يومين , وانتي الصبح هترجعي بيتك
رحاب: مين قالك كده؟؟!!
ناني: ليه ناويه تقضي ايام من غير ما تقوليلي قبلها
رحاب: اديني بقول , لكن لو ده هيعمل مشكله, انا ممكن ارجع بيتي حالا
آمير نطق بنبرةٍ ناشفه حاده: رحااااب
………….قصص منه محمد كاتب…………..
في منزل جمال بيتصل برحاب رافضه ترد عليه
سولا بتفرك في ايدها بقلق: ها عرفت هي فين, قالت لي رايحه النادي
جمال: وده نفس الي قلتهولي
سولا: بس الوقت اتأخر جدا, بقول يمكن راحت بيت اهلها
جمال بتوتر: اتمي ده , في الاول رفضت ترد ع مكالماتي , ودلوقت موبيلها اتفقل
سولا: انا آسفه لان كل ده حصل بسببي, مكنش المفروض اتكلم معاها بالطريقه دي
جمال: مام ليه حاسه بالذنب , انا عارفها هي دايما تبالغ في رده فعلها ع امر تافهه , مش ذنبك اطمني
سولا: انا معاك وهسافر امريكا , هقعد عند خالك شهر , لو فضلت هنا هتفضلوا تتخانقوا سوي’
وانا مش عايزه اعكر حياتك عشان تعيش حياه هاديه وسعيده
جمال: ثانكيو مام , هفضل ليكي دايما مدين لمعروفك , واوعدك هحل كل المشاكل , قبل رجوعك
سولا: اتمني ده يحصل
جمال: انا متأكد متقلقيش ادخلي اوضتك وارتحي وانا هلاقيها
سولا: تمام وابقي طمني
…………..قصص منه محمد كاتب………….
في غرفه مكتب رياض
رياض بنفعال: بجد مش قادر اصدق اكيد فيه حاجه حصلت مع بنتك وجايه تعسكر هنا , اتصلي بجوزها بسرعه وقوليله يجي ياخدها
ناني: ليه الاستعجال يعني هنطردها؟؟!!
رياض اتعصب: مش كدا انا قلقان ع بنتي
ناني: ده برضو بيتها , ومفهاش حاجه لو نامت ليله واحده
رياض بعصبيه: تقدر مائه مره بس مسمعتيش الي قالته
ناني: اطمن هي تلاقي مزاجها متغير , وبعدين مجبتش شنطه معاها ازاي هتقعد هنا هي تلاقيها بس مضايقه من حاجه ومش هتقعد زي ما انت مفكر لما يتعدل مزاجها هترجع حتي من غير ما تقولي
رياض: ماهو ده الي مخوفني مزاجها , وتخلق فوضي تاني بينها وبين اخوها , الواحد لازم وهو بيتكلم يحسب كل كلمه, وقبل ما يتحرك ياخد كل خطوه بحكمه , عشان الحياة تبقي حياه
ناني: سهله! انت هدي نفسك , الضغط عندك هيرتفع هجبلك العلاج
رياض: انا كويس , لكن اطلعي فهميها لو عندها مشكله في بيتها تحلها بنفسها ,لان انا واثق ان بنتك بتكبر الامور , ومش معني اننا طول الوقت بندعمها هفضل اتحمل تصرفاتها, هي كبرت تحاول تعتمد ع نفسها مش علينا
امل خبطت: ناني هانم جمال بيه واقف بره
ناني: جمال في الوقت ده , تمام دخليه الصالون , وقدميله عصير
امال: حاضر
ناني: امال بلغتي ستك رحاب
امال: ايوه
ناني: وقالت لك ايه؟؟!!
امال: ولا حاجه كانت هاديه
ناني: تمام روحي انتي
رياض مسك دماغه ونفخ بزهق
ناني: اهدء انت وانا هجبلك كوبايه ميه تاخد العلاج
………..قصص منه محمد كاتب……………….
في الصالون
جمال بضيق: ايه تصرفات العيال دي ممكن افهم؟؟ ازاي تيجي هنا من غير ما تقوليلي, عارفه مدي القلق الي كنت حاسس بيه انا ومام
رحاب بنفعال: فهم مامتك اني مش طفله عندها سنتين , عشان اقولها كل تحركاتي , ماهي بتعمل الي هي عايزاه من غير ما تبلغني لو رايحه مكان
جمال جز ع اسنانه: ع الاقل كنتي ردي ع مكالماتي , قولتلي انك هتتغدي مع الشله في النادي
لرحاب بتكبر: سوري غيرت طريقي , بنفس الطريقه الي غيرت بيها خطتك لما قولت لي انك في الشركه , وانت كنت في بيت دعاء , في وفاه امها, ليه روحت عشان تمسح دموعها
جمال ارتبك: لاء انا
رحاب رفعت السبابه في وشه كتحذير: اياك ياجمال, شوف مفيش داعي تكدب عليا, لانه مش هيخيل عليا كدبك!
جمال: انا مش بكدب عليكي , وكنت عارف انك هتعرفي , انا مروحتش في السر اخوكي كان هناك حتي مامتك شافتني
رحاب: ايه الداعي وانت عارف ان دعاء خلقت كذا مشكله ما بينا ليه تروح لحد هناك تظهر تعاطفك معاها
جمال بنرفزه وصوت عالي : انا ماليش اي تعاطف ناحيه دعاء ولا عايز اشوف وشها انا بكرها انا روحت هناك عشان اعزي داغر الي انقذني يوم الحادثه , وسيك من الامور التافهه وتعالي نرجع البيت مام مستنينا وهي مسافره الصبح وانتي عارفه
رحاب : يعني عايزني اعمل ايه
جمال: ترجعي معايا عشان نسلم عليها الصبح
رحاب شوحتلها بعدم اهتمام: هسلم عليها بالتلفون , غير ان الطريقه الي بتعاملني بيها مامتك, اعتقد انها مش عايزني ارجع البيت
جمال: الحكايه مش كدا انتي بتفهمي الامور بشكل غلط
ناني هنا دخلت: خير ياولاد
جمال: خير ازك ياطنط
ناني: ازيك انتم بتعملوا مفاجأت واحده وري التانيه , قولي ليه مجتش تحضر العشا معانا , مش المفروض تبقي مع مراتك
جمال: اسف مقدرتش اتفرغ بسبب جدول اعمالي المزحوم , ويادوب عرفت اهرب بصعوبه وحتي جيت ع هنا اخد رحاب
ناني بتعجب: في الوقت ده ؟ بس هي كانت ناويه تنام الليله معانا
جمال: بس مام مسافره بكره الصبح امريكا , فلازم رحاب تبقي موجوده في البيت
ناني: فجأه كدا فيه حاجه حصلت خالك كويس؟؟
جمال: لاء للاسف خالو حالته سائت , وبسببه مام مسافره
ناني: الف سلامه , لاء فعلا رحاب لازم تكون موجوده في البيت
رحاب: لاء مش لازم مامي هطلع الصبح ع المطار اسلم عليها
ناني: يابنتي اكيد محتاجه تساعديها في جمع الشنطه , عشان كدا لازم ترجعي مع جوزك
رحاب بصتله بضيق وهو بصلها بتحذير
ناني: تشرب قهوه
جمال: لاء ياطنط شكرا , الوقت اتأخر واحنا لازم نمشي , يله بينا يارحاب
رحاب ضمت امها وجمال سلم واخدها وغادروا المكان
………….قصص منه محمد كاتب………………
في غرفه دعاء قاعده ع السرير وعيونها متعلقه للسقف وشارده
آمير ضربها ع قورتها بصوابعه : حبيبه قلبي بتفكر في ايه
دعاء بصتله بأجمل ابتسامه : فيك كنت عايزه اسألك سؤال
آمير قعد جنبها: ايه هو السؤال
دعاء: امتي هتسافر دبي
آمير: مسمهاش هتسافر اسمها هنسافر جمع ومش هسمح بأي حاجه تعطل الرحله , لاننا هنعيش فيها مغامره جديده , عشان كدا جهزي شنطتنا بسرعه , وهات جوازات السفر عشان اخد التكت والتأشييره
دعاء: اوكيه الصبح هدهملك
آمير ضمها ولف إيده ع وسطها: تعرفي انك وحشتيني واشتقت لريحه نفسك , وكل حاجه فيكي
دعاء: طيب ماشي
آمير قلدها بغيظ : هو ايه طيب ماشي
دعاء بضحكه: اهدي شويه كنت بهزر معاك , انت عارف اني مش بشيع من حبك ياكتموتو
آمير : كتموتو , كان الكلام ده من الاول يا استاذه , مش طيب ماشي
دعاء ضربته في كتفه بكتفها: خلاص بقي بحبك
آمير كشر: طيب ماشي
دعاء:خلصت حركاتك
آمير: حركات ايه
دعاء بمرح : الحركات المتوقعه منك , انك تمثل القمص وترجع تقولي بهزر
امير شربتك المقلب
دعاء طبعا اصلي شبعت من طريقتك
آمير: طيب يله ننام وهتفقدي عقلك من السعاده وانتي في حضني
دعاء: يارب احمي عقلي الجميل من جنون حبيبي آمير
…………..قصص منه محمد كاتب…………….
في منزل عائله دعاء بيبو بيلعب في المدخل وعامل دوشه
الفت راحت عليه: بيبو روح العب عند امك
بيبو: بس انا عايز العب هنا
الفت: انت عاملي دوشه روح العب عند امك
بيبو: مش هروح وهلعب هنا
الفت زعقت فيه: انت عيل مش متربي , ازاي ماتسمعش كلام خالتك , امشي العب عند امك ,يله
ميسر قربت بعصبية من طريقة كلامها مع ابنها : ايه ده ليه بتزعقي له
الفت: بقوله يروح يلعب بعيد , لان عندي صداع وهو بيبجح فيا , ويعاند ويقولي لاء
ميسر: بيبو خد لعبتك وادخل العب جوه (بصتلها بغيظ) اسلوبك معايا بقي يعملي صداع, ابني من حقه يلعب ليه تتخانقي معاه
الفت: بدل ما تقفي تتخانقي معايا, فهميه يسمع الكلام من مره واحده
ميسر: انا مش بتخانق انا بفهمك , ان ده بيت بيبو مش محتاج ياخد اذن منك, لما يحب يلعب في بيته
الفت بصتلها من فوق لتحت ورزعت الباب في وشها ولنفسها:بدل ما تفهم ابنها …..واقفه تتخانق معايا انا ليا في البيت زي زيها…… لما يرجع داغر ……لازم يشوفلنا حل
……..قصص منه محمد كاتب…………..
في فيلا عائله جمال تحديدا ع السفره
رحاب: معقول يعني ياجيمي تفضل طول يومك بره ولا تتصل بيا
جمال: عاوزني اعمل ايه , اتحول عبئ الشغل كله عليا , في غياب مام
رحاب بضيق: وانا اعمل ايه انا بقيت حاس بالملل
جمال اتنهد بخبث: عارف ومدراك وحدتك, ومش قادر اديلك الوقت الكافي حتي لو حابب, ايه رايك لو عملتي حاجه تريحك , تروحي بيتك اهلك تقعدي معاهم وتنشغلي وياهم
رحاب: هو اقتراح حلو انا مش متعوده ادير مسؤليه بيت وبقت عليا كل حاجه بعد سفي مامتك
جمال: عشان كدا من رآي تروحي ياحبيبتي ومنه مش هتعملي حاجه ومش هيكون فيه ملل
رحاب : بس انت هتوحشني كتير
جمال: خلاص هجي معاكي نعيش هناك فتره
رحاب بسعاده: بجد
جمال: قادر اتحمل اي وضع عشانك لو مش هتقدري من غيري بس الاول اسأليهم عناك قبل ما حد يعترض
رحاب: بتقول ايه مين هيعترض ع وجودك معايا
جمال: الاصول حبي
رحاب: اوكيه هبلغ مامي تسألهم وانا واثقه انهم هينبسطوا جدا لو عشنا فتره معاهم
جمال: اتمني ذلك
استوب ياتري ميسر هتعمل ايه في الفت؟؟!!
ياتري جمال لما يعيش في نفس البيت مع دعاء ايه الي ممكن يحصل انتظروني واحداث ساخنه وغير متوقعه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
