رواية ما رواه قلبي الفصل السادس 6 بقلم رودي عبدالحميد
رواية ما رواه قلبي الجزء السادس
رواية ما رواه قلبي البارت السادس
رواية ما رواه قلبي الحلقة السادسة
وطت راسها وقالت وهي بتفرك إيديها : أنا شايفه إننا إتجوزنا بسرعة ، المفروض ناخد وقت نعرف بعض يعني وكدا ومنستعجلش كدا كدا أنا بقيت مراتك والأيام ما بينا كتير فَ ناخد وقتنا مش أكتر
كان قاعد بيسمعلها بِملل وبعد ما خلصت ضحك وقال : قومي يا شروق نامي لو عايزة
رفعت راسها وبصتلو بِرفعة حاجب وقالت : أفندم ؟
مردش عليها وراح ناحيه السرير ، إتعصب وقامت وقالت : أنا بكلمك علي فكره ، هو إيه اللي نامي مش فاهمه إيه الإسلوب دا ؟
نفخ فريد بِضيق وقال : أغت|صبك يعني ولا أعمل إيه مش فاهم
شهقت من جرأتو وقالت : إنت قليل الأدب
رد فريد وهو بيعوج بوقو : مش كلامك كلو علي إن مفيش دخ.له النهاردة والمفروض ناخد وقتنا ، أنا مقولتش حاجة وموافق إيه مضايقك مش فاهم!
ردت شروق بإنفعال وقالت : كان المفروض تقولهالي بِطريقه أحسن من كدا
حرك عينيه بِملل وقال : تمام يا شروق يا حبيبتي خدي وقتك براحتك كدا كدا أنا مبيفرقش معايا و وقت ما تكوني جاهزة عرفيني مش عايزة خالص إنتي حُره برضوا
سابها واقفه وراح نام علي طرف السرير
دبت رجليها في الأرض وراحت نامت علي الناحيه التانيه وقالت : جوازة باينه من أولها
سمعتو بيقولها : تسلميلي يا بيبي
مردتش عليه ونامت..
” صباح تاني يوم ”
صحيت شروق علي خبط الباب ، بصِت جمبها لقِت فريد نايم
قامت وهي بتتاوب وفتحت الباب لقِت أمنيه واقفه بتبصلها من فوق لِتحت ، رفعت حاجبها وقالت : فيه حاجة ؟
مدت أمنيه إيديها بِالصينيه وقالت : الفطار يا ست هانم
إبتسمت شروق وأخدت منها الصينيه وقالت : شكراً يا..
ردت أمنيه بإبتسامة باردة : أمنيه
هزت شروق راسها بِترحاب وقالت : شكراً يا أمنيه
قالت أمنيه ببرود : هو فين فريد ، قصدي فريد بيه
بصيتلها شروق بإستغراب وقالت : نايم ، ليه فيه حاجة ؟
إبتسمت أمنيه ببرود وقالت : مفيش بتطمن عليه عادي ، عن إذنك
دخلت شروق وقفلت الباب بِرجليها وحطت الصينيه علي الترابيزة ، بصِت علي فريد لاقتو لسه نايم
قربت منو وهي بتهز فيه وبتقول : فريد..
فضلت تهز فيه لِحد ما إتململ في نومو وقال : فيه إيه علي الصبح
شروق بِهدوء : الفطار
قام إتعدل وقال وهو مفتح عينيه بِالعافيه : فطار إيه ؟
شاورت علي الترابيزة وقالت : أمنيه جات جابت الفطار ومشيت
فهم وضحك وقال : أمنيه اللي جابتو
هزت راسها وقالت : أيوا
قام وقعد علي السرير وقال وهو بيفرك في عينيه : جايبه فطار إيه
راحت ناحية الصينيه ورفعت الغطا وقالت : جبن ولانشون بأنواعو وفطار طبيعي يعني
قام وقف وإتاوب وقال : هدخل أخد شاور طب وأطلع ونفطر سوا ، بس متبقيش طفسه وتاكلي لوحدك
بصتلو بِغيظ وقالت : مش هطفح إلا لما أخد شاور يا خفيف
ضحك وأخد هدوم ودخل الحمام
طلعت شروق هدوم ليها من الدولاب وقعدت علي طرف السرير مستنيه فريد يطلع
خرج فريد من الحمام وهو بينشف شعرو بِالفوطة ، قامت شروق وقفت ودخلت الحمام
قعد فريد علي طرف السرير بعد ما أخد شريحه خيار من الصينيه وقال : المفروض أستناها بقا وكدا ؟ ، حياه جديدة وتعود إجباري
طلعت شروق من الحمام وهي لافه الفوطه علي شعرها
قام فريد وقف وقال : يلا علشان نفطر
شالت الفوطه من علي شعرها وقالت : تمام
راحت قعدت علي الكرسي اللي قدام الترابيزة وفريد شد كرسي التسريحه وحطو قدام الترابيزة وبدأو ياكلو سوا وهما ساكتين لِحد ما فريد إتكلم وقال : ما تحكيلي عنك شوية يا شروق بما إني بقيت جوزك يعني
بلعت شروق الأكل وقالت : عايز تعرف إيه ؟
رفع أكتافو وقال : كل حاجة..
هزت راسها وقالت : أنا في كلية فنون جميله روحت سنه واحدة بس وبابا رفض إن أكمل ، عندي 20 سنه ، والدتي مُتو|فيه و..
قطعها فريد وقال : أومال مين اللي معاكو في البيت دي !
نزلت راسها وقالت : مرات أبويا
فريد بإستفسار : هي اللي مربياكم يعني ؟
هزت راسها بِنفي وقالت : تؤ مامتي إتو|فت من أربع سنين كدا ، كُنا عايشين معاها وبنشوف بابا في المناسبات وكدا ولما إتو|فت عيشنا معاه بقا أنا وعلي أخويا الصغير ومن سنه كدا دخلت كليه وكان موافق والدنيا تمام فاجأه قالي أقعدي ومش هتكملي
فريد بِصدمه : ومكملتيش!
الدموع إتجمعت في عينيها وقالت : تؤتؤ
قفل الموضوع علشان متعيطش وقال : طب كملي أكلك علشان ننزل تحت نقعد مع العيله
هزِت راسها ومسحت عينيها وكملت أكل لِحد ما خلصت
بعد شوية سرحت شروق شعرها ومد فريد إيدو ليها وقال : يلا ننزل ؟
بصِت علي إيديه وبعدها حطت إيديها في إيدو ونزلو سوا وقبل ما يدخل أوضة الصالون قال : لو حد سألك عن علاقتنا أو أي حاجة قولي تمام ، متقوليش لما ناخد علي بعض والكلام اللي قولناه وإتفقنا عليه فوق دا
هزت راسها وقالت : تمام
دخلو أوضة الصالون وقال فريد : صباح الخير
بصلو يوسف وقال : صاحي بدري يعني
رد فريد بِغيظ وقال : هو أنا أصحي متأخر مش عاجب أصحي بدري مش عاجب وبعدين أنا واحد متجوز بقا ، فَحياتي القديمة شئ وحياتي الجديدة شئ
رد يوسف وهو باصصلو بِطرف عينيه : طب كويس إنك بدأت تتعدل
إبتسمت خديجة وقالت : تعالي يا حبيبي متفضلش واقف علي الباب برا
دخل فريد وهو ماسك إيد شروق وقعدو جمب بعض قُصاد خديجة ويوسف
بصِت خديجة لِشروق وقالت : عامله إيه ؟
إبتسمت شروق وقالت : تمام الحمدلله
رد يوسف وقال : فطرتو ؟
هز فريد راسو وقال : أه الحمدلله فطرنا..
دخلت ست كبيرة من باب الصالون وقالت : تتجوز ومتعزمنيش يا فريد!
قام فريد وقف وقال : معلش يا عمتي جات بسرعة وبعدين محدش إتعزم ودا أحسن وألطف يعني
بصِت لأبوه بِعتاب وقالت : ولا أبوك عمل حساب إن أختو وعزمني علي فرح إبنو الوحيد
قام يوسف وقف وقال : وإنتي من إمتي بتعملي حساب لِكل دا
زعقت خديجة وقالت : يوسف ، مروة ، إعملو حساب إن موجودة
بصِت لِمروة وقالت : مردناش علشان عارفين الخلافات اللي بينك وبين أخوكي
جات بنوته من ورا مروة وقالت : مبروك يا فريد
إبتسم فريد ببرود وقال : الله يبارك فيكي يا سما
قربت من شروق وبصتلها من فوق لِتحت وقالت : دي مراتك؟
مسك فريد إيد شروق وبا|سها وقال : أه مراتي ، خير يعني فيه حاجة لاسمحالله يعني ؟
زعقت مروة وقالت : سما تعالي جمبي هنا
بصِت لِيوسف وقالت : عموماً أنا قولت أجي أعمل بِالواجب
إدتلو ضهرها وقالت وهي خارجه : يلا يا سما
قربت سما من ودن فريد وقالت : مبروك علي الجوازة بس اللي بينا مش هيخلص
بصلها بِرفعة حاجب ومردش
إبتسمت ومشيت
قعدو كلهم تاني وقال يوسف : مش تحترم مراتك يالا!
زعق فريد وقال : وأنا مالي هو أنا اللي قربتها عليا كدا ؟
إتكلمت شروق بسرعه وقالت : محصلش حاجة دي مهما كانت بنت عمتو ، خلاص حصل خير
قام فريد وقف وقال : تعالي نتمشي في الجنينه شوية
قامت وقفت معاه وخرجو
” في بيت مروة ”
زعقت سما وقالت : بِمنتهي السهولة كدا ولا إيه ، إنتي نسيتي إحنا عايزين إيه ؟
ردت مروة ببرود وقالت : إنتي عايزة فريد ، وأنا عايزة الفلوس فَ إحنا كدا خالصين
سما بِإنفعال : خالصين إزاي ماهو إتجوز
ضحكت مروة وقالت : اللي عرفتو إن فريد إتجوز علشان يتلم ويشيل مسؤولية لكن هو لسه زي ما هو عينو زا.يغه ، فَنقدر ومتقلقيش بس كلو بِهدوء..
” في بيت عمر | أوضة سلمي ”
زعقت بِصوت واطي وقالت : إنت عبيط ، مين دي اللي تروحلها بيت جوزها ، إهدا علي حالك يا جاسر وإتلم
زعق جاسر وقال : ما إنتي عارفه إن بحبها من بدري ليه متكلمتيش ووقفتي الجوازة دي
نفخت سلمي وقالت : ولا إظبط كدا دي في مقام أختك وأنا مش عايزة أجوزهالك
رد جاسر وقال : تمام ، يبقا أنا همشي في الطريق دا لوحدي
إتكلمت سلمي بِتحذير : أقسم بالله لو فكرت تعمل حاجة لأروح أنا شخصياً أبلغ عنك تمام
ضحك جاسر وقال : إعملي اللي تعمليه
قفل في وشها السكه ، رزعت الفون علي السرير وقالت : يا إبن ال***** والله لأبلغ عنك يا جاسر لو عملت حاجة
دخل عمر الأوضة فاجأه وقال : بتكلمي نفسك ولا إيه؟
إتخضت سلمي وقالت : مش تخبط
دخل وقفل الباب ببرود وقال : دا بيتي وداخل علي مراتي ، أنا حر
برطمت بِصوت واطي وقالت : محسسني إنو بيت الهنا يعني
قعد عمر علي السرير وقال : جهزي نفسك علشان نص ساعه وهنروح لِشروق
هزت راسها وقالت : طيب..
” بعد مرور ساعه | في فيلا يوسف ”
ضحكت سلمي وقالت : دمك خفيف يا فريد والله
ضحك فريد وقال : تسلميلي يا حماتي
إتكلم عمر وقال : وإنت يا فريد ناوي تنزل شغل وكدا ولا هتقعد علي مصاريف السيد الوالد ؟
رد فريد بهدوء وقال : مش هعيش مراتي علي فلوس أبويا والله يا حمايا ، هنزل أشتغل بس بعد شهر العسل
هز عمر راسو وقال : كويس برضوا
كان علي قاعد في حض|ن شروق وعمال يقولها : هتاخديني إمتي
وطت عليه وقالت : هاخدك والله هاخدك بس مش دلوقتي ، قدام شوية علشان ميحصلش مشكله ليا وليك بس هو عملك حاجة يعني ؟
هز علي راسو بِ لأ وقال : بس خايف
با|ست راسو وقالت : متخافش يا عيون شروق ماشي ؟
قام فريد وقف وقال : أنا هروح أشوف القهوة إتأخرت ليه وجاي تاني
طلع من أوضة الصالون ودخل المطبخ ، لقي أمنيه واقفه وساندة جسمها علي الرُخامه
قرب عليها وقال : فين القهوة
أول ما شافتو قربت منو وقالت : سيبك من القهوة ، وحشتني يا فريد أوي
بعدها فريد بإيديه وقال : مش هينفع يا أمنيه خلاص ، دلوقتي بقا فيه مراتي مش هينفع
قربت تاني وقالت بِلهفه : خلاص تجيلي الأوضة لكِن..لكِن متبعدش عني
بعدها عنو تاني وقال : برضوا مش هينفع وخلاص دي كانت مُجرد فترة وراحت لِحالها وإنتي عارفه حاجة زي كدا
إتنهدت وقربت منو وقالت : طب سيبني أودعك بِطريقتي
مسكت وشو بين إيديها وقربت من شفا|يفو وبا|ستو ، قربها هو منو وإستسلم ليها..
بعد فريد عن أمنيه بِخضه لما سمع حد بيشهق
زق أمنيه بعيد عنو أكتر ولف يشوف مين لقي …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ما رواه قلبي)
