رواية غريب في مصر الفصل الثالث 3 بقلم Sos khalil
رواية غريب في مصر الجزء الثالث
رواية غريب في مصر البارت الثالث
رواية غريب في مصر الحلقة الثالثة
بعد وصلت حنان محل الكشري
حنان وقفت العربيه :يلا انزل
عدي نزل وشم الريحه :Wow الريحه حلوه آوي
حنان ضحكت :ولسه لما تدوق بقى يلا ودخلو المحل
وقاعدو علي التربيزه وجه الشاب إللي بياخد الطلبات
حنان :2 بندق لو سمحت
الشاب :وعند 2 بندق وصيااا
عدي :بندق إيه آنتي مش قولتي هناكل كشري
حنان :ماهو البندق هنا يعني كشري كماله يعني
عدي :يعني كماله
حنان :لا بقى كده كتير انت من الصبح مزهقني الله
هبقي أفهمك حاجات مصريه كتير الكشري نزلهم
وحنان ابتدت تاكل وعدي قاعد بيتفرج حنان خدت بالها
:في إيه مبتكلش ليه
عدي : أنا خايف أكل من البتاع ده
حنان :بتاع حد يقول علي نعمه ربنا بتاع وبعدين خايف
تاكل ليه ده جميل آوي بص إستني بتحب الشطه
عدي :ya
حنان :كدة اشطا حطتله حبه شطه وخل وقلبت الكشري
واديتلو الطبق خد كل وادعيلي
عدي كل معلقه قعد شوية وبعدين قال بانبهار :
Wow This is amazing
( هذا رائع)
حنان بأبتسامه :شوفت مش قولتلك كل بقى
عدي كمل اكل وشويه مسك ازازه الخل تاني
حنان :إنت بتعمل إيه
عدي :بحط من ده مش انتي كنتي بتحطي لي منه
حنان :مانا حطيتلك منه بتحط تآني لييه
عدي :أصل طعمه حلو
حنان :طعمه حلو حط حط اللهي يبقى شوربه
عدي حط خل فضل يحط كتير لحد ما بقى شوربه فعلا
: what is This هو بقي عامل كده ليه
حنان ضحكت : مانا قولتلك هيبقى شوربه اشرب بقى
عدي كل معلقه بلعه بالعافيه : yaky طعمه مش حلو أنا عايز
واحد تآني
حنان :نعم يا أخويا واحد تآني إيه لا حرام ده يترمي حد
قالك تحط خل كتير انا هظبطه مسكت الطبق فضت
حبه فى الطبق بتاعها الفاضي علشان هي خلصت أكل
وحطيته قدامه تآني :أهو كل بقي وخد حبه صلصه أهو كمان
يلا
عدي كل عاجبه تآني : حلو كده
حنان بأبتسامه :اي خدمه كل بقي خلينا نروح
عدي كل وبعد شويه خلص :أنا خلصت
حنان :تمام يلا قوم
عدي :طب مش هنحاسب
حنان :الكاشير هناك أهو يلا
حنان حسبت هي علشان عدي مكنش معاه مصري
عدي : إنتي حاسبتي انتي ليه مانا كنت هحاسب
حنان :إنت مش معاك مصري
عدي :عندي كنت هروح عند أي ATM واحساب
حنان :إحنا لسه هنستني يلا يا عم تبقي تدهملي بعدين يلا
بعدين ركبو العربيه بعد ساعه وصلت حنان المنطقه
بتاعتها :يلا يا باشا ننزل
عدي :انتي ساكنه هنا
حنان :آه مالها الحته
عدي بص علي المنطقه شافها شعبيه اوي :دي زحمه آوي
حنان :هي كده عجبك ولا تنام في الشارع
عدي :لا خالص حلوه يلا
حنان ضحكت ونزلت قفلت العربيه ومشيت هي وعدي
الجيران :إزيك يا حنان
حنان :تمام يام محمود
حد تأني :إزيك يا ست البنات
حنان :حبيبي يا عم لطفي بخير
حد تآني :مين إللي معاكي ده يا حنان
حنان :بعدين يام خيري
عدي ماشى مستغرب إن الناس دي كلها عارفين حنان إزاي
وهو ماشي وقع عليه جردل ميه محترم
عدي بخضه :oh shat
حنان رفعت وشها :إيه يام صلاح ده معايا ضيف ينفع كده
اتغرق
ام صلاح :يقطعني يا حنان ونبي ما شوفته
حنان :ونبي ما شوفتيه هو آنتي بتشوفي أصلا وبصت لعدي
لقتيه شعره علي عينه وشكله يضحك وهو متغرق ميه كده
حنان ضحكت على شكله :معلش ام صلاح نظرها ضعيف
مشفتكش
عدي :هي إزاي بترمي ميه في الشارع
حنان :ده عادي هنا تعالي طيب نطلع فوق تغير علشان
متخدش برد حنان خدته وطلعت خبطت علي الباب
فتحت امها :إزيك يا ما
امها :إيه يا بنتي تعالي مين ده
حنان : ضيف تعالي أفهمك جوه خش يا عدي
عدي دخل :hi طنط
امها :بيقول إيه ده
حنان :بيقولك أهلا
امها :آه أهلا يا بني مين ده يا بت
حنان :تعالي معايا ياما عدي البيت بيتك أقعد وخدت امها
ودخلت الاوضه
عدي فضل يبص علي الشقه وجي يلف لاقه شاب طويل
عريض واقف بيبص ليه وعينه حمرا الشاب فتح
المطوه فى وش عدي وقال بصوت خشن :أنت مين ياض
ومسك عدي من هدومه
عدي بقي عامل كده😧
امها :ايوه بس إزاي يقعد معانا يابنتي مينفعش ده غريب
حنان :ينزل ينام مع مصطفى في الشقه اللي تحت ده غلبان
ياما هو هيقعد بس كام يوم لحد ما نلاقي أهله دول
امها :ايوه يا حنان بس انتي عارفه البير وغطاه
حنان :عارفه ياما وهو معاه فلوس متقلقيش
امها :إحنا برضو هتقلب الواد في فلوسه
حنان :مش هنقلبه ياما الفلوس إللي كانت هيتدفعها في
فندق إحنا أولي بيها وهو هيبقي واكل شارب نايم كده يعني
امها :ماشي يا حنان لما يجي اخوكي نبقى نشوف
حنان باست راسها :حبيبتي ياما شويه وسمعو صوت صريخ
بره اتخضوا خرجو علي طول
حنان اتصدمت :إيه ده
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية غريب في مصر)
