رواية مملكة ميراث العشق الفصل الثالث عشر 13 بقلم مريم نصار
رواية مملكة ميراث العشق الجزء الثالث عشر
رواية مملكة ميراث العشق البارت الثالث عشر
رواية مملكة ميراث العشق الحلقة الثالثة عشر
فيلا العدوي..
كل الشباب في الليفنج مع آدم بيباركم ليه ع وصول حفيدو آيان..
وكل الستات في الصالون مع مريم..وبترحب بيهم..
ف اوضة رينو..
رينو : قاعده في السرير.ومرجعه ضهرها لورا .وكل البنات حواليها.. بيباركم ليها..
آرين : قاعده جمب مامتها..وشايله آيان بين ايديها..ومبسوطه جدا.. وجواها شعور غريب.. أنه مسؤل منها وأنه حته منها. واكتر حاجه مخلياها مبسوطه إن الكل أجمع إن آيان نسخه مصغره من فهد..
ليليان : قامت بحذر عشان حملها.. وراحت قعدت جمب آرين..وقالت.. آرين..؟هاتي اشيل آيان شويه..
آرين : قالت بتذمر..
نو نو نو.. انا الي جيت قبل منك.. وبعدين انتي كنتي جعانه صح؟
ليليان : بغيظ..يابت ماتبقيش رخمه..انا هشيله شويه. ادرب نفسي عليه شويه عما بسلامته يشرف..
الكل ضحك..
آرين : شهقت…هيييييه.. عايزه تتدربي على اخويا الصغنتت..؟
اسمعي يالي لي آيان مش للتدريب ياحبيبتى. روحي اتدربي على اي حد إلا آيان اوكي؟
رينو : ابتسمت..
ليليان : بصت ل رينو وقالت بغيظ..عاجبك كدا ياعمتو عمايل آرين؟
ومن الصبح مش راضيه أي حد يقرب من آيان؟
رينو : بابتسامه..بصت ل آرين بلوم عشان محدش يزعل..وقالت..
آرين ياحبيبتى..خلي أخواتك يشيلو آيان شويه.وكل واحده آخر اليوم هترجع ع بيتها..
..آيان إن شاء الله جمبك ومعاكي ع طول..اومال مين اللي هيربيه ويهتم بيه يعني؟ انتي اخته الكبيره. يلا ياحبيبتى..
وبصت لليليان وقالت..
سمي الله وانتي بتشيلي آيان يا لي لي.
ليليان : ضحكت بنصر..واخدت البيبي..وسمت الله..
آرين : بقلق وتحذير..خلي بالك كويس يالي لي..عشان مايعيطش..
ليليان : هشش ريحي انتي.. وابتسمت بحب كبير وقالت..
ماشاء الله تبارك الرحمن..قمر بجد يا آيان. واسمك جميل زيك..بجد عمتو لارين اختيارها جميل لاسمك..!!
رينو : ابتسامتها اتبدلت بابتسامة وجع..وافتكرت فهد .. وعيونها دمعت..وقالت..
آيان من اختيار فهد.. فهد هو اللي مسمي ولادنا.. ودمعه نزلت منها..
آرين : بصت لرينو بحزن واضح..وغصب عنها عيطت..وقالت بابي..!!
بابي وحشتني اوي.. كنت بتمنى وجودك في اللحظه دي.. نفسي اشوف فرحتك بالبيبي.. ياترى عامل ايه دلوقتي يابابي.
وحطت راسها ف حضن امها.وعيطت.. بابي وحشني اوي يا مامي امتى هيرجع لينا بقى..!!؟
وزيادة على وجعها.. وجع قلبها اللي مشتاق للغايب وبتدعيله..
رينو : ضمت آرين لقلبها ودموعها مكبوته..وقالت. هيرجع إن شاء الله ياحبيبتى..
ميرو : عيونها لمعت..وقربت منهم وقالت بهزار..
بجد على رأي بابي..الستات تموت في النكد..
إيه بقى يا آرين هو ده وقت عياط؟ المفروض نحتفل بوجود آيان.مش نعيط ونزعل عمتو القمر..
آرين : مسحت دموعها وابتسمت..عندك حق ياميرو. وبصت ل رينو وقالت..
مامي انا من اللحظه دي مسؤوله عن آيان.. علشان بابي قبل كدا قالي إني أنا هكون اكتر واحده مبسوطه..وانه مش هيكون اخويا الصغير وبس.. لأ هيكون ابني كمان..وبجد عندو حق.. وبابي لما يرجع.هيكون فخور جدا بيا..مش كدا يا مامي؟
رينو : بضحكه صافيه..فهد فخور بيكي ف كل حالاتك يا آرين..
ميرو : قمر يا آرين..وانا واثقه إنك قدها..وهتكوني اجمل أخت لايان القمر ده..ربي يحفظك ياروحي أنت..
چود : قامت وقفت جمب ليليان..وبتلاعب آيان..وقالت..
ياتي كميله أوي..عسوله ماشاءالله.. ايه ده؟ غمازه جامده اوي.الواد ده دخل قلبي خلاص..
انا حجزت الواد ده ليا.. انا من دلوقتي حرم آيان السيوفي..
كلهم ضحكو..
ليليان : بهمس..يابت تقدري تقولي كدا قدام مصطفى؟
چود : ملامحها اتغيرت..وقالت خلاص يالي لي..احم بقولك ايه..ماتجيبي اشيله شويه..
تمارا : لأ بقى والله حرام..انا من الصبح نفسي اشيله.. وسعي بقى انتي وهي..تعالي ياسي آيان باشا.. اسمك على إسم آريان.. حبيته جدآ.. بسم الله..وشالته.. بسم الله ماشاء الله.. كيوت اوى..
ليليان : حست إن چود مش طبيعيه..وقامت.. وقالت.. مش عارفه مصطفى أتأخر ليه؟ كل ده بيجيب الدره المشوي؟
آرين : ههههه يبقى هتكليها بكره بقى..معاكي ربنا..
ليليان : بمكر.. لأ مصطفى اكيد جه.وانا بجد جعانه ومش عايزه أكل غير دره مشوي..تعالى معايا ياچود نستناه في الجنينه..
چود : بحيره…..ومش عارفه ترد..
ليليان : مسكت ايدها وشدتها وقالت..يلا انتي لسه هتفكري..عُمر عزيز جعان..واخدتها ونزله..
بعد شويه فون ميرو رن..وقالت بابتسامه.. ده تيم وردت..الو..
تيم : الو حبيبتي انا طالع ع السلم..وجبت كل طلبات رينو.. ف حد عندها..؟
ميرو : بصت للكل..وقالت تعالى اطلع ياحبيبى مفيش غير تمارا وآرين..أما حياة وكارو مع تالين. وهمس مشيت من شويه..
تيم : تمام..انا داخل عندكم اهو..سلام..وقفل. وخبط ع الباب..
Автор: Меріам Насар
آرين : سقفت بفرحه..واو تيم..اكيد جابلي الكنز بتاعي..وقامت بسرعه وفتحت ليه الباب..
تيم : بضحكه..اذيك يا بت يا آرين.. ههههه..
آرين : كشرت عينيها بغيظ مكبت..انا مش بت يسي تيم.. انا ليا اسم اوكي؟
تيم : دخل وسلم ع ميرو وتيما وقعد جمب رينو..وسلم عليها..وضحك وقال..
اسم؟ منا قولتلك اذيك يا بت يا آرين..اعمل ايه تاني؟
آرين : خبطت برجليها ع الأرض.. يوووه ماتشوفي جوزك ياست مريم انتي كمان؟عاجبك كدا؟
ميرو : هههههه..انا ماليش دعوه يا آرين..مش انا مراته اهو؟ بس ميستحملش اي حاجه عليكي.. فطلعيني انا من الموضوع ده..ولا إيه ياعمتو؟
رينو : بضحكه.. فعلاً انا نفسي مقدرش ادخل بينهم..ناقر ونقير. وتيم ليه الأولوية في كل حاجه..
آرين : عااااااااااا يعني ايه بقى.. بقى؟
تيم : حط رجل ع رجل وعدل ياقته بكبرياء.. يعني تقولى اذيك يادكتور تيم من سُكات.. وإلا….!!!؟
آرين : حطت ايدها ف جمبها وقالت بغيظ وتحدي.. وإلا ايه بقى إن شاء الله؟
تيم : صفر.. وفتح كيسه كبيره كلها شوكليت ومسليات كتير..وقال..
وإلا مفيش كنز..!!!
آرين : شافت كنزها..وعيونها طلعت قلوب..وجريت عليه..وقالت..واو كل ده ليا انا ياتيمو؟
تيم : ابتسم..وقال طبعا..كل ده ليكي انتي. اتفضلي يا دكتوره آرين..
آرين : بفرحه..واو ميرسي جدا جدا ياتيمو..واخدت الكيس..وقعدت جمب رينو..بسعاده..
تيم : وانتي كمان ياتيما..انا جبتلك كل حاجه انتي بتحبيها..
وكمان نوري قالت إنك بتحبي الفتره دي..بسكويت الملح..وانا جبتلك كميه كبيره..اتفضلى ياحبيبتي..
تمارا : نيمت آيان ف سريره..وقالت بابتسامه..ميرسي جدا ياتيم..ربنا مايحرمناش منك ابدا ياحبيبى..
تيم : ولا منك ياقلبي.. وبص ل رينو..وقال عامله ايه دلوقتى ياحبيبتى..
رينو : بابتسامه..انا بخير ياحبيبى..سجلتو آيان؟
تيم : طبعاً ومن بدري كمان..انا وخالو زين وفارس..سجلناه..
وانا راجع بقى جبتلك علاجك.. وكمان جبتلك كنز ليكي زي البت دى..!!
آرين : بتاكل بنهم. وبتفتح الفون..وصكت ع أسنانها..وبصت لتيم بغيظ..
رينو : ربتت ع أيدو..وقالت..
انت جبتلنا كلنا كل حاجه..طيب وميرو..نصك التاني..!!!
تيم : بص ل ميرو..وغمز..وقال.. لأ ميرو دي انا اجبلها الدنيا كلها..
ميرو : ابتسمت بحرج..
رينو : همست..بجد أنت مجبتش لمريم حاجه؟
أنت جبت لاخواتك وليا..طيب ومراتك..كدا ماينفعش ياتيم؟
واكيد هتزعل من جواها..بس مش هتبين.. أنت كدا غلطان ع فكره..
تيم : بنفس الهمس..ودي تفوتني برضه يارينو. اطمني انا مظبط لكل حاجه..
رينو : اتنهدت بأريحية..وقالت إذا كان كدا تمام..ربنا يسعد اوقاتكم ياحبايبى..
آرين : فاتحه الفون..وشهقت بفرحه كبيره جدا..وقالت.. واوووو مش معقوووول..
الكل انتبه..ف ايه يامجنونه انتي؟
آرين : أكلت قطعه شوكليت كبيره..وقالت..
شوفو بعض الجروبات الكبيره منزله بوستات كتير.عن شجاعة الدكتوره لارين آدم العدوي..
وأنها قاومت ألم المخاض لإنقاذ حياة طفله في الحادية عشرة من عمرها..
وكاتبين كلام جميل جدا عن مامي ومسيرتها الطبيه في الجراحه..
والتعليقات جميله جدا..وفخورين بالدكتورة..وهي نموذج مشرف لمصر والعالم العربي..
كلهم بصو لبعض وضحكو بسعاده كبيره..
آرين : حضنت رينو..وقالت بفرحه كبيره..
بجد انا مبسوطه اوى اوى..وفخووووره بيكي أوي يا مامي..
——————بقلمي مريم نصار.
..في ملهى ڤيكتور..
الميوزك عالي جدا والبنات والشباب بترقص..
مراد : في الحمام..و سمع صوت عقرب الساعه جه على ١٠ بالظبط.. وابتسم بثقه.. ورفع ايدو..وعد وقال..
١….٢…٣ شرفت وكر حيدر ياحوت أنت والديزل..!!!
قدام الملهى.. Автор: Меріам Насар
آدم مراد..فرمل ريس.. وراكب وراه فهد.. ولابسين بدل ومتشيكين..
ووصل ريس تاني فرمل قدام آدم..ونزلو بنتين لابسين بناطيل جينز على بلوزات..ونزلو..وضحكو ل آدم وفهد..!!!
فهد : وقف قدام باب الملهى..
بنت وقفت جمبه..وبصو لبعض..وابتسمو..ودخلو الملهى..
آدم مراد : ماشي وجمبه بنت ودخلو ورا فهد…
فهد و آدم قعدو قدام البار..والبنات معاهم..
زوي : واقفه على البار..وقالت بصوت عالي عشان الميوزك.. ماذا اعد لكم من الشراب..!!!
مراد : جه بسرعه..وقال.. زوي چاك يريدك لتعدي الحساء لسيد ڤيكتور..!!
زوي : اوو نعم حقا انها العاشره.. شكراً لك چاكوب..
مراد : على الرحب والسعه..وانا سأقدم لهم المشروب تفضلى أنتي..
زوي : ثانكس..و مشيت..
مراد : اتكلم عادي عشان الكاميرات..وقال..ماذا أعد لكم من الشراب يارجال..
آدم مراد : بعدم اهتمام لا أريد..
فهد : بجمود..نحن لا نريد..دعنا الآن..
مراد : حسنا سيدي لك هذا..وسابهم ومشي..وغمز لواحد معاهم.. يبدأ التنفيذ..
صديقة فهد : انا أريد شامبانيا..!!
جه الشاب وعامل نفسه سكران..وشد البنت من أيدها..وقال..تعالي معي وانا اتي لكي بكل أنواع الشامبين كلها عزيزتي..
البنت شدت أيدها..وقالت بغيظ..يالك من سيء لاتُحسن التصرف..!!
مراد : ماشي وبيصفر..وخبط ع ڤيكتور وصوفيا وصحابهم بيلعبو قمار..
ڤيكتور : متابع المشاده بين الشاب والبنت..وقال..
هذا السكير..يتردد على هذا الملهى منذ عشرون يوما تقريبا..وهذه ليست أول مشكله يضع المهلى بها..
صوفيا : بتشرب الكاس..وقالت..
تمهل عزيزي لا يهم كل هذا.. أنه رجل ثري جدا.
.ويدفع للملهى اي ثمن نريده..
ڤيكتور : مط شفايفه اممم نعم..
ولكن هذان الوجهان جديدان..ومن الواضح من ليقاتهم البدنيه أنهم أبطال تايكوند..
فهد : زق الشاب بعيد عن البنت..وقال بحزم..
.الم تر انها معي أيها الأبله؟
الشاب : وقع ع الأرض..وقام يتخبط..وزعق..اء أأنت توقع بي انا على الأرض أيها الحقير..
آدم مراد : قرب منه..وبوكس في وشه طيرو بعيد..وقال..
حين تتحدث مع اخي الأكبر تحدث بلطف أيها الخنزير..!!
الميوزك وقف وحصل هرج في المكان..
ڤيكتور : رفع رجل على الكرسي..ومتابع الي بيحصل..
مراد : قلبه بيضحك ومبسوط..وقال..
حسائك الخاص سيد ڤيكتور..
ڤيكتور : شاور بعدم اهتمام ل مراد يطلع بره..
مراد : حط الصينيه..وانحنى بخبث..سمعا وطاعه سيد ڤيكتور.. وخرج..وعد وقال..١..٢..٣..
الشاب : صفر بصوت عالى.. وقال..هااااي أين أنتم أيها الفتيان.؟
وفجاءه هجم على فهد و آدم مراد..حوالي عشره من الشباب..
ومراد متفق معاهم من قرية موريس و أورورا..عشان چاكوب ينفذ خطته أنهم يساعدوه عشان يرجع ليهم الأرض..
آدم مراد وفهد..كسرو المكان حرفياً على دماغ الشباب..وزياده عليهم خمس حراس ڤيكتور أمرهم يضربوهم..
وكان ڤيكتور مبتسم..وعايز يشوف قوة هؤلاء الحيتان..
مراد : مثل الدهشه والخوف..وعايز يهرب..
فهد : شافه وشال مراد وحدفه على البار وكل ازايز الخمور اتكسرت..
مراد : وقع وقال..بألم..اوتش..واتغاظ.. وقال جواه الله يخربيتك ياشيخ.. حمار بيضرب؟ وحياة أمك لاربيك يافهد الكل*ب…!!
صوفيا : بهلع..ڤيكتور..من هؤلاء لقد دمرو الملهى..لماذا أنت صامت هكذا.. فلتخرج وتقتلهم..
ڤيكتور : قعد ع الكرسي..وقال بإعجاب..أنهم حيتان حقا.. ولكن دعينا نعرف من هؤلاء..
البنات اللي مع فهد و آدم.. خرجو بسرعه وركبو الريس ومشيو بسرعه كبيره..
البنت واسمها چيهان : قالت..
رائد داليا.. ابعتي (للبند التالت) المقدم رغد إشاره باللي حصل دلوقتي..
داليا : تحت امرك يافندم..!!!
(وبكده نكون عرفنا اصل رسالة آدم مراد وأنه طلب تلات بنود اللي هما تلات بنات معاهم وقت الجد)
فهد و آدم بينهجو..والكل مرمي قدامهم بيتألمو..
جه چاك وقال بتوتر..سي..سيدي ڤيكتور في انتظاركم..ت..تفضلو معي..!!
فهد بص ل آدم وهز راسه ليه وقال..حسنا..
ومشيو مع چاك. والحرس فتشو فهد و آدم كويس وسمحولهم بالدخول.
ڤيكتور : رافع رجله على المكتب..و ببرود بيشيل الكڤر من على السِجار.
وصوفيا واقفه جمبه ورغم القلق اللي جواها..عينيها منزلتش من على آدم..!!!
ڤيكتور : شاور ل فهد و آدم يقعدو..
فهد و آدم بصو لبعض.و رفضوا الانصياع لأوامر ڤيكتور..
ڤيكتور : بنفس البرود..شاور ليهم تاني..
فهد : قعد وشاور ل آدم.. وقعد..
ڤيكتور : بيولع السِجار..وقال..
اتعلمون إني تعرضت لخسارة كبيرة اليوم بسببكم..!!
فهد : بثقه..نحن لم نريد فعل هذا..ومن الواضح انتم تسمحون لأي ابله حقير.. لدخول هذا المكان.ويتصرف بقذاره..
آدم مراد : عكس ال جواه.. أنت لا تعرف ماذا حدث يا سيد….!!!
ڤيكتور : أبتسم..وقال أنا ڤيكتور..ياسيد….!!!!! .كيران لورانس..
آدم مراد : أبتسم وبص ع الخاتم الي لابسه..ومكتوب عليه إسمه..وقال..
يعجبني انتبهاك سيد ڤيكتور..
ڤيكتور : بعدم اهتمام..هل هذا أخاك الأكبر.؟
آدم مراد : ابتسم ببرود..نعم إنه كذلك..!!
ڤيكتور : شاف فهد لابس خاتمين..وقال..
چاسبر لورانس..!! وضحك وقال..يعجبني كثيراً هذا.. ولكن عندي فضول لاعرف ماسبب هذا الخاتم؟
فهد : ببرود..اتيت بنا الي هنا لتعرف ما سر هذا الخاتم؟ ام لأنك تعرضت لخسارة كبيرة اليوم..!!!
ڤيكتور : مط شفايفه اممم..حسنا.انا اعرف جيداً سكان المنطقة وكل فرد.حتى المقيمين الجدد..
ولكن ايها الغريبين..من انتم ومن أين أتيتم؟..وكيف تجرأتم على دخول مدينة ڤيكتور.. الن تسمعو يوماً عن ڤيكتور تايلر؟
آدم مراد : ببرود.. مط شفايفه اممم لا..!!!
لم نعرف..ولكن في الحقيقة نحن من الطرف الآخر من مدينة تيشرنيهيف وقد حدث معنا بعض الأمور السيئه.. واتينا الي هنا عن طريق الصدفه لا أكثر..
ڤيكتور : بتركيز.. أريد أن أعرف ماهي الأمور التي حدثت معكم واتيتم بسببها الي هنا..!!
آدم مراد : بدهاء.. أسمع ياسيد.انت لست من حقك أن تعرف عنا أكثر.. ولماذا تتحدث معنا هكذا..
فهد : بشبح ابتسامه..يبدو أنه سيطلب منا ثمن كل شئ خسره.. وضحك..
آدم مراد : ضحك..وقال..
وهل يوجد اسؤا من هذا أخي چاسبر.؟
لقد خسرنا كل شيء نحن أيضاً..
فهد : بتنهيده..اسمع سيد ڤيكتور..نحن لم نعرفك..
ولم نقصد لك الخساره على الإطلاق.. ونحن حقا ندين لك بالاعتذار.. وأذن علينا الذهاب..!!
ڤيكتور : ركز مع كلمة آدم لقد خسرنا كل شيء نحن أيضاً..!!!
وشاور للحرس..
الحرس رفعو أسلحتهم على فهد و آدم..
ڤيكتور : بص ل آدم بنظرة تنبيه وتحذير..ما هي حجم خسارتكم التي خسرتموها..!!!
فهد : قبض ع ايديه بغضب وقال..فلتبعد السلاح عن أخي.. وإلا ستكون العواقب وخيمة اسمعتم؟
آدم مراد : مسك أيد فهد وقال..
عليَ رسلك چاسبر. فلتهدأ أخي. نحن الذي فيه ليس بمهم..حسنا فلنقول له إذن حجم خسارتنا. لم نخسر شيئا..!!
فهد : بتمثيل الهستريا..قال بصوت غضبان..
ولما هو يريد أن يعرف من نحن واين كنا؟
تريد أنه يعرف بأن بيتنا هُدم بسبب السيول؟
تريد أنه يعرف بأن عائلتنا شارفت على الموت وانتهت ولم يتبقى لي احد سواك؟
وزوجتي..!!؟
زوجتي هربت مع عشيقها واخذت كل اموالي..
وبص ل ڤيكتور بغضب مكبت..وقال..
أتريد أن تعلم أن چاسبر لورانس كان رجل ذو شأن في مجاله ولكن كل شيء انتهى..!!!
وقام وقف..وقال.هيا بنا كيران..!!!
آدم مراد : مثل الخنقه..وقام وقف رغم الاسلحه المرفوعة عليهم..!!
ڤيكتور : متأثرش..ومد ايده ليهم.. أريد بطاقتكم..!!
آدم مراد : نفخ بخنقه..وطلع بطاقته..واخد بطاقة فهد وحطها قدامه ع المكتب..
ڤيكتور : لصوفيا.. عزيزتي..اذهبي لمايكل واعطيه هذه البطاقات..وهو يعلم ماذا سيفعل..!!
صوفيا : بدلع..حسنا عزيزي لك هذا..واخدت البطاقات.
.وضحكت ل آدم وقالت…
ستنالون الموت حقا..وخرجت..
ڤيكتور : بدهاء. ومن هاتان الفتاتان اللتان كانتا معكما؟
آدم مراد : بتمثيل..نفخ بخنقه كبيره..وقال..
انها صدقيتي المفضله وصديقتها. هل لديك اي مشكله؟
أنا أشعر وكأني في مركز شرطه..
ڤيكتور : قام وقف ومسك فك آدم مراد وضغط عليه بقوه..وبص ف عينيه..وقال.. أنت هنا تحت قبضتي. وروحك لن تخرج إلا بأمر من ڤيكتور أيها الكيران أنت والچاسبر.. وانا تحملت هرائكم كثيراً.. وستتحملو تكاليف تصليح هذا الملهى. ولن اترككم إلا بعد أن أعرف حقيقتكم المخبأه وراء هذه الاقنعه…
——————بقلمي مريم نصار.
فيلا العدوي.. في الجنينه..
Автор: Меріам Насар
ليليان : إيه ياست چود؟ مالك كدا ساكته مش عوايدك يعني؟
چود : بتمثيل..مالي يعني ياليليان..منا زي الفل اهو..غير بس الامتحانات وقرفها الفتره اللي فاتت.
ليليان : رفعت حاجبها..وقالت..لا والله بجد؟ بتكدبي عليا ياچود.. ده انا وانتي هنبقى سلايف.هنبتديها كدب من أولها؟
چود : ابتسمت بسخريه..ايه يابنتي الأحلام دي.. ولا هبقى سلفتك ولا زفت.. انا كدا مرتاحه..
ليليان : كشرت عينيها بتعجب..وقالت چود انتي اتخانقتي مع مصطفى صح؟
چود : بتنهيده ولا اتخانقت ولا حاجه..مفيش حاجه بينا عشان نتخانق أصلا..
ليليان : بتفكير..اهاااا. عشان كده. ايوه بقى انا كدا فهمت كل حاجه..وفهمت ايه اللي مغير مصطفى الفتره اللي فاتت دي كلها..
چود : بفضول..ليه هو عمل ايه؟
ليليان : بمكر..اقولك ايه ولا ايه بس ياچود..اه لو تعرفي مصطفى عمل ايه.. وخصوصاً في اوضته..
چود : بلهفه..ماتخلصي بقى وقولي زفت ده عمل ايه؟
ليليان : خبطتها على كتفها..زفت في عينك. متقوليش كدا على مصطفى..
چود : بتريقه..يختي اتنيلي انتي ومصطفى..بس المهم قولي بقى..
ليليان : بمكر..تؤ مش هتكلم غير لما اعرف منك الأول ايه اللي حصل..وانا بعدها هقولك كل حاجه..
چود : بتنهيده.. أقولك إيه بس ياليليان؟ أنا نفسي مش عارفه. إذا كنت صح ولا غلط..
في الحقيقة أنا بحب مصطفى ومن زمان جدا..ومش بحبه وبس انا بحب أي مكان يكون موجود فيه.. بحب هزاره وضحكه.وتصرفاته كل حاجه فيه تجنن.
لكن صعب عليا إني أعترف بكده..ومش عارفه ليه.. يمكن خايفه أو معنديش الجراءه للمرحله دي..
واللي حصل إن مصطفى كل فتره يعترفلي بحبه ليا. ومستني مني أي رد.او كلمة إثبات على حبي ليه..
معرفش ليه هو عايزني اعترف..مع إن هو واثق ومتأكد من مشاعري..
بصي مش عارفه بجد انا متلخبطه ومش عارفه ايه الصح وايه الغلط..
ليليان : بتفهم.. امممم.. بصي ياچود..هو من الطبيعي إن البنت المؤدبه تتصرف زيك كده.
وانها متديش فرصه لأي شاب مهما كان انها تتجاوب معاه في الكلام.. لحجات كتير جدا بتكون من ناحية الشاب..
ممكن جدآ يكون بيختبرك..وممكن يكون بيتسلا وكلمتين يسمعهم منك وخلاص..
انا طبعاً مقصدش بالكلام ده مصطفى..!! لأنه راجل ومتربي.. وعارف إن التلاعب بمشاعر بنت حرام وهيتحاسب عليه..
ولكن مصطفى استحاله يكون بيلعب بيكي أو بيختبرك.. لأن كمان حب مصطفى واضح جداً ليكي. وعارف يعني ايه حلال وحرام.بس طبعه بالهزار يغلب عليه شويه..
وأنتي لثقة اهلك فيكي..الاعتراف هيبقى صعب جدا عليكي.
لكن ياچود عايزه اقولك زي ما الاهتمام الزايد بيخنق..؟
الإهمال الزايد بيدمر أي علاقه مهما كانت قوتها..
يعني مصطفى.. قالك كتير جدا أنه بيحبك..مش يوم ولا شهر.. لأ..ده قالهالك على مدار سنين..ومتحمل حبه ليكي في قلبه..
لكن الإنسان طاقه..لازم مصطفى على الأقل يعرف إنك حتى معجبه بيه..
وانك بتقولي كدا لاعتراف رسمي بينك وبينه لمره واحده بس.كضمان أنه مش ماشي ورا سراب..
حاجه تديله دافعه.وانه في مجمل حساباتك..
عندك أنا مثلا..
كريم من الإعدادي معجب بيا..وكان ديما اهتمامه ملحوظ ليا أنه اهتمام غير عادي..
ولكن لما وصلت لمرحلة الجامعه وفي سنه تانيه تحديداً..
كريم اتخنق. لأنه حاسس أنه بيكلم نفسه..او بيحب حد مش حاسس بيه..
وكلمني بجديه وقتها..وقالي انه ٦سنين بيحبني وانا مش حاسه بيه..
انا وقتها فكرت بعقلي..وخوفت كمان إن حب حياتي يروح من أيدي.. وقولتله وانا كمان ياكريم بحبك..
لكن ده اعتراف بينا لمره واحده.. ولو اتكلمت تاني مش هتلاقي مني جواب..
وقتها حسيت إن كريم الأمل اتجدد جواه..شوفت فرحه كبيره جدآ في عينيه.. وقلبه استريح لما عرف إني كمان ببادله نفس الشعور.. وبقى عندو دافع انه يجتهد عشان اول ما يتعين يتقدملي وضامن موافقتي..واحترم رغبتي في إني أحافظ على نفسي معاه لحد ما ابقى حلاله..
مصطفى مش عايز يسمع منك كل يوم كلمة حب ياچود.. مصطفى عايز منك دليل واحد بس ع إنك كمان بتحبيه..مع مراعاة حدودك في الكلام معاه..
لأن حياة البنت بتبدأ بعد الجواز مش قبل..!!
ولو البنت اتكلمت مع الشاب ليل ونهار. واتجوزو؟
أول مشكله بينهم.انه هيجرحها بالكلام ويفكرها بنفسها معاه قبل الجواز كانت بتعمل ايه وبتكلمه امتى وبتقابله من ورا أهلها إزاي..
والشك بيدخل بينهم والعلاقة بتقلب من حب لحجيم..
وتندم أنها محافظتش على نفسها.. لأنها لو حافظت على نفسها.. واتجوزو..فى أول مشكله بينهم..مش هيلاقي ثغره صغيره انه يجرحها بيها في أخلاقها وكرامتها.. وديما هي هتكون راسها مرفوعه لفوق.
چود : ابتسمت..صدقي ياليليان..نفس كلام ماما رنا.
ليليان : بابتسامه..طبعا يابنتي..ده اللي المفروض يحصل..
چود : هزت راسها..وقالت ربنا يسهل..لكن قوليلى بقى.. مصطفى عمل ايه في اوضته؟
ليليان : رفعت كتفها..امم.. عايزه اقولك أنه جدد اوضته..وخلاها على الموضه ومبسوط جدآ..وعايش سلطان زمانه ههههههههه..
چود : صكت ع أسنانها بغيظ واضح..وقالت.. صدقي بالله.. إنك بارده جدا..واتعلمتي منه البرود..
ليليان : عوجت بوقها..ربنا يسامحك.. بس تعرفي انا جعانه أوي.. ومصطفى مجبش الدره..
چود : رفعت عينيها..و بدقات قلب مختلفه..وهمست مصطفى..!!
ليليان : بصت ع مكان نظرتها..وشافت مصطفى جاي عليهم..وقالت بفرحه..واو أخيراً هاكل الدره المشوي..
مصطفى : شاف چود..وبيكلم نفسه بخنقه وقال..
اووف وبعدين بقى..انا حالف ماتكلم معاها تاني.. أستغفر الله العظيم يارب..
وبص ع قلبه وقال بتريقه..
.ايوه ياخويا ضخ دم ودُق عشان ست چود هانم تستريح..
مبسوط أنت كدا..لما عمال تدق وهي ولا في دماغ اللي خلفوها حاجه.
طيب وبعدين يامصطفي..هتفضل كدا لحد امتى؟
چود : بتوتر..بقولك ايه ياليليان..انا هدخل جوه اشطا؟
ليليان : أيوه يختي عشان يقول اول ما شافتني جريت من قدامي..اثبتي يابت مكانك..
مصطفى : قرب منهم..وقال بتمثيل الهزار.. مسا مسا..
ليليان : بلهفه..ايه كل ده يامصطفي..هو انا قولتلك تجيب الدره من السلوم..حرام عليك بجد انا جعانه..وابن اخوك مبهدلني..
مصطفى : بتريقه..السلوم؟ ليه مكتوب على الدره لقد تم استخراجها في السلوم.؟
امسكي ياليليان.. عموماً احنا تحت امر عُمر عزيز باشا..يطلب بس وعمه حبيبه يجبله اللي نفسه فيه..
ليليان : بتاكل ف الدره بنهم..وقالت الله جميله اوي. ادي لچود واحده يامصطفي..!!
چود : بصت بعيد..!!
مصطفى : حط الشنطه على التربيزه وقال بعدم اهتمام..
اتفضلو اقعدو وخدو راحتكم..اصل انا عطشان..
چود : اضايقت جدآ..
ليليان : وبعدين بقى معاك يامصطفي.. ماينفعش عمايلك دي..انت عايز ايه بالظبط؟
مصطفى : بص ف عيون چود وقال ببرود..انا عايز اقعد لا بيا ولا عليا..مع شخص لا بيودي ولا بيجيب.. ونقعد من غير لا سلام ولا كلام. ها حاجه تاني؟
چود : قبضت على أيديها بغيظ من تجاهله ليها.. وقالت بثبات..انا رايحه لميرو ياليليان..وشويه ورجعالك نكمل كلامنا..
مصطفى : ببرود.. لأ وعلى ايه يا آنسه چود..تطلعي سلم وتنزلي سلم..انتي مش حمل فرهده..
انا كدا كدا عطشان.. ورايح أشرب..
چود : هترد وواضح على ملامحها الغيظ..
ليليان : كحت..وقالت. ينهار ألوان..دول هيبتدو مصارعة التيران..انا لازم أتصرف..وقالت..
احم.. خلاص يامصطفي.. استنى هنا وچود هتجبلك كوباية عصير..روحي ياچود الله يكرمك..وغمزلتها تهدا..
چود : كانت هتقول وانت اتشليت..لكن ابتسمت بخبث..وقالت وماله..ده مصطفى مهما كان قريبي ومن عيلتي.. وخايف عليا من الفرهده..
وبصتله وقالت بابتسامه.ثواني واجبلك العصير يا… موصطفى.. ومشيت..
وقالت بتوعد..حاااضر انا هخليك تحترم نفسك في الكلام معايا. وهتشرب كوباية عصير لاشربت قبلها في حياتك..بس هتشرب كتير اوي بعدها..
مصطفى : مط شفايفه..وقال.لازم ازعق يعني.. ستات هم اقسم بالله..
بعد دقايق..Автор: Меріам Насар
چود : ماسكه كوباية العصير.ورايحه لمصطفى..
ليليان : بقولك ايه يادرش..
مصطفى : ها ارغي يامرات أخويا..بتتوحمي على ايه للمره التسعين..
ليليان : اتغاظت..وقالت بطل برود بقى. ورد عليا.. احم..اء.. أنت عمرك يعني….!! عمرك حبيت؟
مصطفى : ههههههههه… وشاف چود جايه وقربت منهم..وقال..
حبيت؟ ههههه سجلني يا عيد غياب أنا قلبي ملوش أحباب…!!
چود : ضحكت بخبث..وقالت..اتفضل أشرب العصير يامصطفي.. وأنت اتسجلت غياب من بدري..!!!
مصطفى : اتغاظ منها…ومسك كوباية العصير وشربها من غيظه مره واحده..ومسح بوقه..وحط الكوبايه في الصينيه..
ليليان : بتعجب..هو انتي مبسوطه اوى كدا ليه ياچود؟
چود : بصت ف الساعه..وضحكت..وقالت.. كلنا هننبسط دلوقتي..!!!
مصطفى : لف ليها ولسه هيرد.. لكن حط ايدو ع بطنه..وقال بصوت واطي..اله؟ إيه المغص ده؟
ليليان : مالك يامصطفي واقف مش على بعضك ليه؟
مصطفى : بطنه وجعته جدآ..ولازم يروح الحمام.. لكن مش عايز چود تشمت فيه.. وقال.. احم..اء.. أبدا. أبدا مفيش حاجه..انا على بعضي اهو وزي الفل..
چود : بتريقه..تؤ تؤ شكلك فعلا مش على بعضك يادرش..
مصطفى : شك فيها..وقال..مش على بعضي ازاي يعني؟ دراعي مكان راسي؟ ولا مناخيري في قفايا.. ولا يمكن عينيا مكان وداني..
وضغط ع بطنه..واتألم..وقال لاا مبدهاش بقى. وسابهم وجري على الحمام بسرعه..
ليليان : بعدم فهم..اله هو ماله ده؟
چود : ضحكت من قلبها..وقالت..بالهنا والشفا يابن عزيز..
ليليان : بصتلها.. وقالت بشك..بت أنتي.. عملتي ايه؟
چود : طلعت علبة دوا ملين .وقالت بنصر.. لازم هو اللي يفرهد مش أنا.. هههههههه..
ليليان : شهقت..يخربيت جنانك..ده هيفضل طول الليل رايح جاي ع الحمام..
چود : بتوعد..ولسه يابن عزيز..ولسه..انا هربيك..
——————بقلمي مريم نصار.Автор: Меріам Насар
في ملهى ڤيكتور..
فهد و آدم في المكتب..ومتحاوطين بالأسلحة..
مراد : بره قلقان جداً عليهم..وقلبه بيدق بخوف كبير..ومش عايز يسأل حد عشان ميشكوش فيه..
زوي : چاكوب..ماذا بك يارجل؟
مراد : بخنقه..لا شيء قدمي فقط تؤلمني لاني اقف عليها طوال اليوم.وبعد هذه الضربه. أشعر بالوهن..
زوي : برقه..اووو چاكوب عزيزي..لا بأس عندي لك عرض سيساعدك على الاسترخاء..
مراد : غمض عينيه ونفخ بخنقه كبيره..وقال..زوي انا اعلم ما يدور في رأسك..ولكن أنا يوجد لدي فتاه..
زوي : هزت كتفها..لا بأس ولكن هي ليست هنا الآن..!!
مراد : همس في ودنها بمكر..ومن قال لك أنها ليست هنا زوي.؟ وسابها ومشي ومخنوق جدآ..
زوي : فتحت عينيها بدهشه..ماذا؟ حبيبة چاكوب هنا في الملهى؟هذا مستحيل..ومن تكون إذن؟
مراد واقف في المطبخ..وقال جواه. ياترى حيدر بيعمل ايه كل ده في المكتب..وفهد و آدم..!!! آدم أبني.. يارب يااارب احمي أبني الوحيد وصاحب عمري واخويا..نفسي اطمن أنهم بخير..!!!
چاك : چاكوب سيد ڤيكتور يريدك في مكتبه..!!!
مراد : أتنفس بأمل..وهز راسه بثبات..حسنا چاك.. وخرج وماشي بثبات ومداري لهفة قلبه ع إبنه وأخوه.. وخبط ع باب المكتب..واخد نفس عميق جدآ..وفتح الباب ودخل..وقلبه خفق.لما شاف ابنه وفهد متحاوطين بالأسلحة..
ڤيكتور : تقدم چاكوب..!!!
آدم مراد : حاول بكل ثبات يكون هادي..
فهد : بص بعيد عشان ڤيكتور مش يلاحظ حاجه عليهم وقت دخول مراد..
مراد : بص ل ڤيكتور كالعاده. وقال..نعم سيد ڤيكتور؟
ڤيكتور : لقد وقع الحساء على الأرض.فلتسرع ونظفه..
آدم مراد : صك ع أسنانه بغضب..
فهد : ضغط ع شفايفه بغيظ..وبيداري غيظه..
مراد : كل قلقه من آدم..وقال.حسنا سيد ڤيكتور..!! ونزل ع ركبه ونص وبدأ يلمع في الأرض..
آدم مراد : غمض عينيه بغضب.. وأقسم أنه ينتقم من حيدر أشد انتقام..على إهانة ابوه بالشكل ده..
فهد : بيفكر ف اي حاجه تشغل تفكيرو عشان مايغلطش والكل يدفع التمن..
صوفيا : دخلت وقالت بضحكه..تفضل عزيزي..مايكل يقول لك كل شيء صحيح..وبعث لك معي هذه الرساله..
ڤيكتور : قرأ الرساله..وهز راسه ليهم..وقال..حسنا كل شيء على ما يرام..!! وحدف البطاقات لفهد و آدم..
مراد : تنفس الصعداء..وحمد ربنا بقلبه.. إن كل خططه ماشيه بترتيب..
فهد اخد البطاقه..وقام وقف..
Автор: Меріам Насар
آدم مراد : مسك البطاقه..وقبض عليها بايدو..لدرجة أنها هتجرحه..وعايز يقول لابوه أرفع راسك..
مراد : بينضف الأرض ببطء عشان يكون موجود معاهم..
فهد : بص ل ڤيكتور..نريد الذهاب الآن..!!
ڤيكتور : ليس قبل أن تدفعو لي ثمن كل هذه الفوضى..!!
فهد : رفع كتفه..وابتسم..نحن لا نمتلك مالاً..
آدم مراد : بغضب مكبت.. لدينا الدراجة الناريه
.يمكنك أخذها ولتدعنا نذهب.. ولا تحاول أن تثير الجدل معنا اكثر من ذلك..!!!
ڤيكتور : ضحك بسخرية..الدراجة الناريه؟ هل حقا أنت تعي ما تقوله أيها الأبله..
إن دراجتكم الحمقاء لا تقارن بنصف الطاولات التي تهشمت بسببكم..
آدم مراد : بص في عينيه..وقال بمكر.. أرى إنك تريد شيئاً آخر منا هل هذا صحيح؟
ڤيكتور : بإعجاب..امم نعم حقا..وبهذا تكون قد دفعتم ثمن هذه الفوضى..
آدم مراد : بمكر..وماذا تريد..؟ ————-
آدم مراد : بمكر..وماذا تريد..؟
ڤيكتور : بكبرياء..حارسان لهذا الملهى…!!!
فهد : قلبه دق براحه كبيره..لكن مثل الجديه..وزعق هل أنت في كامل وعيك؟ انت تطلب المستحيل..
ڤيكتور : بجديه..لننهي هذا النقاش..امامك خيارين وليس لديهم ثالت..
الأول أن تنصت الي وتعمل حارس هذا الملهى وتسدد ماعليك من نقود..
والثاني أن تذهب من هنا ولكن بمفردك.. وتدع أخاك كيران في قبضتي إلي أن تعود بالنقود بعد يوم واحد..!!!
فهد : مثل الدهشه..ماذا؟ يوم واحد فقط؟
ڤيكتور : بكبرياء. إن تفوهت بهراء فسيكون بعد اثنى عشرة ساعه فهمت؟
فهد : هيزعق..
آدم مراد : مسك كتفه بسرعه..وقال.. عليَ رسلك أهدأ چاسبر..
انا موافق..نحن في طبيعة الأمر نحتاج وبشدة الي العمل..فلتدع لنفسك هذه الفرصه..
فهد : بص ل آدم بتمثيل الصدمه..ولكن حرس ملهى كيران؟
آدم مراد : لنسدد ديوننا..!! علينا أن نصمد قليلاً..وبص ل ڤيكتور وقال بتوعد..
حسنا سيد ڤيكتور..نحن موافقون على عرضك..!!
ڤيكتور : حس بالانتصار..وقال للحارس. فلتاخذ منهم كل أوراقهم الشخصية..وترسلها الي.. وبص ل مراد وقال.چاكوب..!!
مراد : وقف بسرعه..نعم سيد ڤيكتور؟
ڤيكتور : ارسل هؤلاء الي زوي..وهي تعلم ماذا تفعل.. وشاور ل صوفيا..وقال هيا عزيزتي..!!!
صوفيا : ابتسمت بخبث..هيا ڤيكتور عزيزي.. وخرجو من الملهى..
الحرس اخدو كل حاجه من فهد وآدم..!!
مراد : قلبه بيدق بفرحه..وقال بثبات..تعالو معي.. وخرج..
و آدم وفهد بصو لبعض..ف اشاره بيعنيهم لبعض..
..أنهم قربو من هدفهم أخيراً..وخرجو ورا مراد.
زوي : حطت البدله ف ايد فهد..وقالت بهيام..كم أنت تبدو لطيفاً..وبطل خارق..وا…
فهد : بجمود..اخرجي الآن وإلا قتلتك..!!!
زوي : بصتله بغيظ..لكن خافت من قوته..وخرجت..
فهد لبس بدله وآدم لبس. واتصرفو بحذر لأن مراد شرح ليهم عن الكاميرات الموجودة في كل مكان..
چاك : دخل عليهم..وقال حسنا انتم ستعملون على حماية الملهى وبعد العمل ستذهبون الي منزل في الطابق الثاني أمام هذا الملهى لتستريحو بعض الوقت وتعودو الي العمل مره اخرى..فلتأتو معي..
فهد و آدم مشيو مع چاك..ووقفو حراسه قدام باب الملهى الرئيسي..!!!
آدم مراد..بيدرس كل حاجه حواليه..وشاف العماره اللي هيسكنو فيها..وكانت جمب العماره دي..
عماره تانيه ولكن مش مكتملة البناء..ومهجوره.. وهز راسه بتفكير..
فهد : بص حواليه كويس..ولف للملهى..وشاف الأوضه اللي عليها الحرس. وهرش تحت دقنه وقال بتوعد..لازم أدخل الاوضه دي وأعرف إيه اللي فيها..
——————بقلمي مريم نصار.
فيلا تيم عزيز.. الساعه ١ صباحاً..Автор: Меріам Насар
تيم طالع ع السلم وجمبه ميرو..لكن رابط ليها عينيها بشريط..
ميرو : طالعه بحذر..وقالت..طيب ممكن افهم أنت رابط عينيا ليه؟
تيم : قولتلك هتعرفي لما نطلع فوق..
ميرو : بس انا خايفه اني اقع من ع السلم..!!
تيم : حاوطها من وسطها..وطالع جمبها.. وابتسم..وقال.. فاكره يوم نتيجة آرين..لما كنتي هتقعي من ع السلم..
ميرو : بدقة قلب..بس أنت أنقذتني كالعاده..
تيم : وقتها قلبي أنا اللي وقع.. وبعدين طول ما انا جمبك ومعاكي مش عايزك تخافي من أي حاجه. اتفقنا؟
ميرو : بابتسامة حب..اتفقنا ياحبيبى..
تيم : وصل الجناح.. وقال.. بس اقفي هنا بقى..
وفتح باب الجناح ومسك ايدها..وقال..تعالى معايا أدخلي ياروحي..
ميرو : ماشيه معاه..وشمت ريحة برفان جميله جدا..
تيم : وقف وراها..وفك الشريط..وقال فتحي ياعمر تيم..
ميرو : فتحت عينيها.. وبعدها انبهرت بإعجاب كبير جدا..
الجناح كله عباره عن بلالين هيلوم..وورد احمر واصفر وابيض..موجود على السرير والأرض. وكل مكان..
تيم : مراقب ملامح ميرو..وقلبه مبسوط عشانها.. وإن الفرحه اللي ع وشها دي بتحيي قلبه..
ميرو : بصت ل تيم..وقالت بسعاده.. كل حاجه جميله.. جميله اوي ياتيم..
تيم : مسد ع شعرها بحنان..وقال.. كل حاجه جميله لأنك موجوده معايا.. بجد شكرا لأنك في حياتي يامريم..
ميرو : ضحكت بدموع الفرح. وقالت طيب ممكن افهم ايه المناسبه الجميله. اللي تخلي تيمو حبيبي يعمل كل ده؟
تيم : حط ايدو ع خدها..وقال بمناسبة وجودك جمبي.. وقرب منها وباس جبينها بحب كبير..
ميرو : قلبها دق بقوه.. وحطت راسها ف حضنه.. وغمضت عينيها وقالت..ربنا يديمك نعمه كبيره في حياتي ياروح روحي..
تيم : ضمها لقلبه بحنان كبير.. وقال..ربنا يديمك سعاده لقلب تيم..
وقرب منها بحب كبير واخدها لعالمه الخاص..
——————بقلمي مريم نصار.
بعد كام يوم..
عند عامر..
عامر اتصل ع كامليا..وقال بغيظ يعني انتى روحتى النادي من غير ما تقولي؟
كامليا : بصوت عالى..انت نسيت نفسك ولا ايه ياعامر؟ انت مجرد واحد مضى ع العقد وهتقبض قصاده..
عامر : بغيظ..ماشي ياست كامليا..بس في الشرع انا جوزك. ومفيهاش حاجه لو قولتي إنك خارجه.. ولا عشان انا عايش في مكان وانتي في مكان تنسي إني جوزك؟
كامليا : هههههههه لأ بجد؟ ومصدق نفسك أوي..
عامر : ومصدقش ليه؟ انتي مراتي ولا انا بتبلى عليكي.؟
.وكمان كلها كام يوم ونعيش في بيت واحد.. ولا دي كمان رجعتي فيها. زي كلامك ووعدك ليا إنك هتسلميني وصولات الامانه؟
كامليا : نفخت بخنقه..وقالت.. يوووه انت بجد ممل جدا.. وقولت وصولاتك كلها هتاخدها لما تطلقني. وانا مش ناسيه اي حاجه قولتها..لكن دلوقتي أسمع و خلينا في المهم..
عامر : بسخريه..وايه المهم؟
كامليا : بغيظ..انا عايزه اعرف مكان تيم و مريم.. عايزه اخلص من الكابوس ده..
عامر : قال..مانتي سألتي قبل كده..ولما انا اطقست في الجامعه..وسألت عرفت انهم مسافرين بره مصر..ولما دفعت فلوس للبنات في الجامعه وقالو أنهم مش راجعين دلوقتي.. ومرضيوش يقولو على أنهي بلد لانهم مش عارفين أصلا..وكمان تعبت جداً عشان اجيب العنوان بتاعهم من الشؤون بس صعب ومعرفتش..
كامليا : بغيظ..يعني أنت مافيش منك اي فايده؟
عامر : اله..طيب بأيدي ايه يتعمل ومعملتوش؟ انتي ايه الي يريحك طيب؟
كامليا : بحقد واضح.. اللي يريحني..قتل مريم..!!!
——————بقلمي مريم نصار.
في ملهى ڤيكتور.. Автор: Меріам Насар
طبعاً فهد و آدم شغالين في صمت ومبيدخلوش في أي حاجه لأنهم اكيد تحت المراقبة.. وفتشو الشقه اللي هيقعدو فيها. وشافو كاميرا مراقبة موجوده في المكتب والصاله وباب الشقه..
لكن اوض النوم والحمام مفيش.. واتفقوا إن كل معاملاتهم هتكون زي ما متعودين.. اي حد عندو معلومه هيقولها في السماعه.. وهو في الحمام أو الاوضه.. او عن طريق الإشارات زي ما متعودين..
مراد : بيلمع المكتب. وف ودنه سماعة بلوتوث صغيره جدآ.. وخرج من المكتب..ودخل الحمام يغسل ايديه..
وقال بصوت واطي جدآ… ايه ياحوت انت والديزل منزلتوش ليه؟
فهد بيلبس چاكت البدله..ورد وقال..انا بلبس ونازل حالا ياصقر..
مراد : وفين الديزل..!!
فهد : طلع على سطح العماره.
مراد : كشر عينيه بعدم فهم..طيب ليه؟
فهد : مش عارف..وهو كمان سامعك فيه يرد عليك. ولا ايه ياديزل..!!
آدم مراد : كح. وقال كلمة السر.. لم أعد أهتم..!!!
فهد : هز راسه تمام..يبقى في حد شايفه أو كاميرات المراقبة حواليه..
مراد : طيب تمام.وهنفهم منه بعدين..انجزو بقى وانزلو..
فهد : بيرش برفان.. وقال..بقولك ايه ياصقر..!!؟
مراد : معاك ياحوت..!!
فهد : بص قدامه..وقال بتوعد..انهردا هعملها..!!!
مراد : بقلق..مابلاش ياحوت..دي مخاطره..
فهد : بحزم..مفيش وقت ياصقر. احنا هنفضل كدا لحد امتى؟
وبعدين أنت شوفت بنفسك..كمية المخدرات اللي سلمها امبارح عيني عينك كدا..
آدم مراد : نازل ع السلم..وقال. وده رأي كمان ياصقر.. الحوت لازم يعملها..
مراد : تمام..وانا هتصرف. بس في الميعاد المحدد.. ومحدش يتصرف غير لما ابعتله الإشارة تمام؟
فهد : هز راسه تمام..الله المستعان..
چاك : خبط ع مراد.. وقال..هاي چاكوب..كم من الوقت تستغرقه في المرحاض يارجل..
آدم وفهد سمعوه..وفهد قال..اطلع أنت..واحنا نازلين..
مراد : خرج..وقال..ل چاك.. أشعر أنني لست بخير.. چاك..
زوي : داخله الملهى وعدت من جمبهم..بعدم إهتمام لكن عينيها منهم..
چاك : هل أنت مريض؟ Автор: Меріам Насар
مراد : لا لا.. ولكن كنت أشعر بالغثيان.. لأني لم أتناول وجبة الإفطار..
چاك : حسنا تعال معي..وسأعد لك بعض الحساء..
مراد : بإستغراب..چاك لماذا أنت مختلف عن الجميع؟
چاك : أبتسم..ودخل المطبخ..وقال.. من الجيد إني وجدت أخيراً أحدا يقيم چاك..!!
مراد : شاف لمعه في عيون چاك..وكشر عينيه بعدم فهم..وقال.. هل كل شيء على ما يرام ياصديقي؟
چاك : ضحك بسخريه..صديقك. انا ليس لدي اي اصدقاء چاكوب موريس..
مراد : فتح زراير قميص چاك..وقال بحزم..ما سر هذه الندبه چاك..
ولما أنت الوحيد الذي تنام في هذا المكان. وفي المطبخ تحديدا.. ولماذا أشعر وكأنك تهرب من العالم وتغط في نوم عميق.كانه هروب من الواقع. انا حقا مندهش..
چاك : بص حواليه وبص لمراد.وعيونه كلها حزن وكسره..وقال.. دعني وشأني چاكوب.وتابع عملك.هكذا أفضل لك. وسابه وخرج..
——————بقلمي مريم نصار.
عند عامر..
عامر : طيب بأيدي ايه يتعمل ومعملتوش؟ انتي ايه الي يريحك طيب؟
كامليا : بحقد واضح.. اللي يريحني..قتل مريم..!!!
عامر : فتح عينيه بصدمه كبيره..وملقاش رد يقوله..
كامليا : ببرود لما تفوق من صدمتك كلمني اوكي..!! وقفلت..
عامر واقف مكانه ومصدوم..وقال بتوهان..ينهار اسو..* أنا ايه اللي دخلني في كل الحوارات دي؟ انا كان مالي ومالهم. هي وصلت للقتل..؟
وقعد مكانه بندم..وقال.. أنت السبب ياعامر.. أنت اللي وافقت على فضيحة بنت مالهاش اي ذنب.. السجن كان أرحم بكتير..على الأقل كنت هتتسجن عشان وصل أمانه.. دلوقتي انت رايح في داهيه..
اعمل ايه ياربي واتصرف إزاي؟ منك لله ياكامليا.منك لله.. وفتح الدولاب وطلع فونه الخاص برقم تيم واتصل عليه..
——————بقلمي مريم نصار.
فيلا العدوي..Автор: Меріам Насар
كل العيله متجمعه عشان رينو..
طارق : بفرحه..شايل آيان..وبيلاعبه.. وقال.. واد يا آيان..عامل ايه ياض.. عارف انا هتبرع واربيك أنا..
آدم : ضحك بصمت..وقال..متشكرين جدآ..سيب آيان يتربى بمعرفتنا..
طارق : بغيظ..ليه يعني ومربيهوش انا ليه؟ دا انا مطلع عباقره..يكش بس الحظ اني ربيت إبنك.
آدم : بمكر.. احنا انقذنا مراد من أيديك زمان.. وحاولنا ننقذ مايمكن إنقاذه..
الكل ضحك..
طارق : بغيظ واضح.. أنت ياض بتحب تنرفزززني ليييه؟ ياض انا مش عايز ازعلك مني..
آدم : ببرود.. هي الحقيقه كدا بتوجع ياطاروق.
طارق : اتنفس غيظ.. حقيقة ايه اللي بتوجع يابن العدوي..
اسمع..!! كلمة زياده انا هاخد مرات ابني واحفادي.. وهوريك التربيه الصح.. أنت راجل معقد.
آدم : رفع حاجبه بمكر..وقال الباب مفتوح قدامك أهو..لو تقدر؟ أعملها يابن السيوفي..!!!
الكل بيضحك على طارق و آدم..
محمد : بضحكه..خلاص ياجماعه اهدو. ووحدو الله..
كلهم لا اله إلا الله..
محمد : قام..وشال آيان..وقال..ولا تزعلو نفسكم..المفروض آيان ده..جدو محمد هو اللي يهتم بيه..زي ما رينو اهتمت بتيم..نرد جميلها..ولا ايه ياعم آيان؟
آيان : بيتاوب..
محمد : ابتسم وباس جبينه..وقال..ربنا يحفظك. ويرجع أبوك بالسلامه..
كلهم بتنهيدة حنين.. آمين..
رينو : قلبها مبسوط جدا لحب العيله لطفلها الصغير
آرين : خارجه من المطبخ..ومعاها الببرونه..وقالت بحماس واهتمام.. فين آيان..
مريم : بابتسامه..مع الدكتور محمد يانور عيني..
آرين : طيب شوفي كدا ياماما.درجة حرارة.الببرونه مظبوطه ولا سخنه على آيان؟
الكل أبتسم على اهتمام آرين لاخوها..
مريم : شافتها..وقالت لأ تمام اوي وزينب مظبطاها ربنا يكرمها..روحي ياحبيبتى آكلي اخوكي..
آرين : بضحكه.. اوكي..وخطفت بوسه من خد مريم وجريت وهي بتقول…
بحبك اوى ياجمل اميرة آدم..
الكل ضحك عليها..ومريم دعتلها من قلبها ويقربلها البعيد..
آرين : أخدت آيان من محمد..وطلعت بيه الاوضه.ومعاها ميرو وتالين.. وبيضحكو مع بعض..
كل العيله بتتكلم وبتضحك وفي جو مرح جداً بوجود طارق ومصطفي ورودي..ومشاكسة آدم ل طارق..
تيم قاعد جمب نور وماسك أيدها و بيضحك ومبسوط..
نور : بتضحك..وقالت في صوت رنة موبايل..دي رنتك أنت ياتيم صح؟
تيم : طلع الفون من جيبه..وقال فعلا يانوري..وشاف رقم عامر..وقلق..
نور : مين ياروحي؟
تيم : بحيره..ده..ده خالد صحبي..اكيد زعلان إني مقولتلوش إني رجعت..ثواني ياحبيبتى هطلع اكلمه في الجنينه عشان الصوت بس..بعد اذنكم..
كلهم اتفضل..
تيم : طلع ووقف ف مكان بعيد..وكانت الرنه فصلت..واتصل هو على عامر..ورد..الو دكتور تيم.
تيم : خير يا عامر..في جديد ولا ايه؟
عامر : بلع ريقه بصعوبه..وصوت أنفاسه سمعها تيم..
تيم : بقلق..في ايه يابني متتكلم..!!
عامر : بتلعثم..حء..حاضر اء.. اءنا هتكلم..احم..هوا….!!
تيم : مش عايز يتنرفز..لكن قال.. هي كامليا كلمتك؟
عامر : بقلق..بصراحه اء..انا اللي كلمتها..
تيم : اممم وبعدين؟
عامر : بندم..دكتور تيم. انا عايز اقولك حاجه..
تيم : شاط حجر قدامه وقال..سامعك ياعامر اتكلم..
عامر : اخد نفس عميق وحاول يتجرأ ويتكلم..وقال.. والله العظيم انا ندمان على كل حاجه عملتها.. ومش هبرر اللي عملته ولا هعلقه على شماعة الفقر.. وإني عملت كدا بسببه..
لكن انا حقيقي ندمت..ومكنتش فاكر إن الموضوع هيكبر كدا.. والمصيبه اني دخلت نفسي في دوامه ملهاش آخر.. ودلوقتي المصيبه هتتحول لجنون.. كامليا مجنونه يادكتور..مجنونه بيك.. عايزاك ليها بأي طريقة.مهما كلفها الأمر..عايزاك أنت وبس لدرجة أنها مستعده تخسر اي حد. وعايزه تاخدك وتسافر بره مصر. وتبعد بيك عن اي حد يعرفكم..اللي عرفته من خلال كلام كامليا معايا..انها عايزه تمتلكك..ومش هتسيبك.. حتى لو انا مكنتش ظهرت في الصوره.. كامليا عندها هوس .. هوس انها تاخدك من كل العالم.. صدقني انا خوفت وهي بتتكلم معايا عليك. عينيها مليانه شر..ودلوقتي هي عايزه…..!!!
تيم : مسح وشه وشعرو بايدو..وقال بنرفزه..كل ده انا عارفه..اومال انا حطيتك في طريقها ليه؟ كامليا مش هتهتم بحد..
.ولا شاكه فيك واحد من عشره حتى.. دي لو بتفكر صح..كانت استنتجت إن بعد رسالة النادي قابلتك أنت..او حتى على الأقل كانت شكت..
لأ هي عايزه تنقذ نفسها وخلاص ع حساب اي حد. مش مهم عادي جدا عندها..
المهم بقى دلوقتي الخطوه اللي جايه. هي عايزه ايه؟
عامر : بخوف..هى.. احم هى عايزه..اا..
تيم : نفخ بخنقه كبيره..وقال متخلص يبنى زفته دي عايزه ايه؟
عامر : بسرعه قال… عايزاني اقتل الدكتوره مريم..!!!
تيم : عيونه مفتوحه على الآخر.بصدمه اكبر من اي وقت..ومردش…!!!
عامر : بحيره..دكتور حضرتك سمعتني؟
تيم : عينيه رايحه يمين وشمال..وقابض على أيدو بقوه وغل كبير…
عامر : بقلق..دكتور تيم…!!!
تيم : غمض عينيه وبيفكر يتصرف إزاي.. مراته في خطر حقيقي..
ومريم ديما بتشوف الناس بوش واحد.. وقلبه اتقبض..لكن بيحاول يهدا..
لأن مريم في حضنه ومعاه.. واستحالة يسمح أنه يجرالها حاجه..
ولو راح هدد كامليا دلوقتي..هتعرف إن عامر مشترك معاه..وهي العند عندها هيزيد وانتقامها هيكون أكبر من كدا..لازم تتصرف بحكمه ياتيم عشان سلامة العيله..
وفتح عينيه بغضب واضح..وقال من بين أسنانه.. أسمع ياعامر..
عامر : اتخض من نبرة صوته..وقال بتلعثم..نع..ايوه. ايوه معاك يادكتور..
تيم : بنفس الغضب.. أنت تقولها اللي قولتلك عليه..
وتعطلها بأي شكل من الأشكال..
ولو حاولت تعرف احنا مسافرين فين؟ قولها المانيا. إيطاليا إن شاله حتى تقولها الشلالات.. وهيرجعو على السنه الجديده وده كلام البنات في الجامعه.. لكن لو حاولت تعرف عنوان البيت..صدقني رقبتك هتتقطع قبل منها فاهم ياعامر..
عامر : حط ايدو ع رقبته..وقال فاهم..فاهم يادكتور..
تيم : بغضب..وانا ليا تصرف معاها لما اخلص الرسالة وأرجع..
——————بقلمي مريم نصار.
في ملهى ڤيكتور..Автор: Меріам Насар
مراد : ماشي وهمس ف السماعه وقال..شباب فتحو عينيكو كويس.. في حفله انهاردة. والبند الخاص بيا هيكون موجود..
فهد : اتكلم بحذر..تمام وهي هتصور كل الحفله..يمكن نوصل لحاجه..
آدم مراد : لمح ڤيكتور نازل من العربيه..وقال. أنا لم أعد أهتم..!!!
مراد وفهد سكتو..وكل واحد تابع شغله…
——————بقلمي مريم نصار.
تاني يوم.. فيلا العدوي..
تاكسي وقف قدام الفيلا..
هارون : بص يشوف مين . وابتسم.. وقال.. آركان باشا.. حمدالله ع السلامه..
آركان : قفل باب التاكسي.. وابتسم..الله يسلمك ياهارون.. وسلم عليه..
هارون : بجد مملكة العدوي كلها نورت..
آركان : منوره بيكم ياهارون..وبص حواليه..وشاف كل الحرس..ما عدا شاهين..وقال.. هو شاهين ورديه ولا ايه؟
هارون : ضحك..لا ياباشا هو في سفريه بقى.. ربنا معاه..اصله اتجوز من فتره صغيره..
آركان : رفع حاجبه وقال والله..الف مبروك..يلا ربنا معاه..
عوض : جري عليه.. يامراحب يادي النور يادي النور.. نورت الدنيا كلها ياسي آركان باشا..
آركان : أبتسم..اذيك ياعم عوض..واخبارك ايه؟
عوض : نحمد ربنا يسي الباشا..
ماكس : سمع صوت آركان..وجري بسرعه كبيره..
آركان : ضحك ونزل الشنطه..
عوض : جري ووقف ورا آركان من خوفه من الكلب..
ماكس : جري ونط على آركان..
آركان : نزل على ركبه ونص..وبيضحك..هاي. ريلاكس ماكس..
ماكس : بيلف حواليه بفرحه..
آركان : مسد ع شعرو وقال.. يلا روح دلوقتي وانا هطمن على العيله وراجعلك.. جو..Go
ماكس جري على مكانه.
عوض : ببلاها. آه العلم نور بردك..شوف ياولاه الكلب بيفهم لغات. اشوفك ياحمد يابنى زي ماكس كدا وتفهم زيه..
آركان : ضحك من قلبه..وسابه ومشي. وشاف آدم ومريم في الجنينه..باصين عليه وبيضحكو..
مريم : قالت..هو ماكس بيجري بسرعه ليه كدا..
آدم : كشر عينيه وقال غريبه. آركان مش هنا..ولف ناحية ماكس.. وابتسم..وقال حفيدك وصل بخير يا أميرتي..
مريم : لفت وشها..وضحكت بسعاده.. وقامت وقفت..وقالت إبن عمري..وفتحت أيديها..
آركان : جري عليها وضمها لقلبه..وقال..ماما حبيبتي..
مريم : ضحكت بدموع.. ألف حمدالله ع سلامتك يانور عيني..عامل ايه ياحبيبي.. وحسست على صدرو ودرعاته..انت كويس يانور عيني..
آركان : باس ع أيديها الأتنين.. وراسها..وقال بسعاده.. انا زي الفل ياحبيبتى..انا مش عايزك تقلقي عليا..
مريم : ربتت ع أيدو وقالت..ربي يحفظك من كل سوء وشر ياحبيب عمري..
آركان : بص لجدو وضحك بصمت..وقال آمين ياست الكل.. وقرب من جدو..وقال بابا حبيب قلبي..وحضنه..
آدم : ضمه بحنان كبير وقال..حمدلله على سلامتك يا حفيدي الغالي..
آركان : باس ع أيدو..الله يسلمك يابابا. أخباركم ايه؟ وأخبار العيله ايه؟ ماما هنا. ولا في الشقه..وبابا في الشغل ولا اجازه؟ والبت آرين عامله ايه دلوقتي؟
مريم : محبتش تزعله بسفر فهد.. لكن قالت.. ع مهلك ياحبيبى.. الأول أسأل على اخوك الصغير.. ولا أنت ناسي بقى..؟
آركان : بشعور غريب..همس أخويا؟ وبعدها فتح عينيه بدهشه..وقال ماما ولدت؟
مريم : بابتسامه صافيه..ايوه يا نور عيني.. وربنا رزقها ب آيان السيوفي..مبارك عليك ياحبيبي. وربنا يجعله أخ صالح ليك وابن بار بابوه وأمه..
آركان : بقلق..طيب وماما..ماما كويسه؟ حصلها حاجه وقت الولاده..؟ هي فين أمي دلوقتي؟
مريم : اطمن عليها ياحبيبى.. وهي فوق في اوضتها.. اطلعلها دي هتفرح أوي..
آركان : من غير تفكير..جري ع الفيلا..ودخل بسرعه..وطلع ع السلم..
في اوضة رينو..Автор: Меріам Насар
رينو : أكلت آيان وغيرت ليه لبسه..
آرين : هاتي ايان بقى يامامي..
رينو : بصتلها بحب..وقالت.اتعلقتي بيه يا آرين..
آرين : ابتسمت بحب..وقالت.. صدقيني يامامي.. إحساس جميل اوى اتولد جوايا ل آيان.. إني العب معاه وأشوف ضحكته ده احساس لوحدو.. لما أشوفه بيكبر قدامي يوم بيوم..بحس انه حته مني..بجد هتصدقيني لو قولتلك انا متعلقه بيه اوي يا مامي..
رينو : ابتسمت.. وحطت أيدها ع خدها..وقالت.. ده انا اكتر واحده هصدقك ياروحي.. لأن كل ده انا عشته مع تيم.. كبر قدامي يوم بيوم. ونفس الإحساس بالامومه ليه كان جوايا.. أكدت انه حته مني..
آرين : بمرح..اوووكي.. يبقى آيان من دلوقتي هو إبن قلبي. ولسه هتشيله.. الباب اتفتح بسرعه..
رينو وآرين..بصو ع الباب.
آركان : من لهفته وقلقه..فتح الباب من غير ما يخبط.. وقال ماما..
رينو : قامت.. وبصت ل آركان بدقة قلب..وضحكت بدموع..وقالت.. آركان..!!؟
آرين : صرخت بصوت عالي آركاااااان..واوووو.. وجريت عليه واتشعلقت في رقبته..
آركان : انتبه..وشالها..وضمها لقلبه..وعيونه ع الكائن الصغير اللي موجود في سرير مامته..
آرين : ضحكت بسعاده.. وقالت آركان بجد مش معقوووول أنت جيت امتى..؟
آركان : طبطب ع خدها..وابتسم..لسه حالا ياحبيبتى.. وقرب من رينو..
رينو : بدموع ابني حبيبي..وفتحت أيديها..وضمته لقلبها وعيطت..
آركان : ضمها اكتر. وربت ع ضهرها.. وقال. ماما انتي كويسه ياحبيبتي..
رينو : طلعت من حضنه ومسكت وشه بايديها وعيطت.وقالت..انا كويسه ياروح قلبي..المهم أنت. أنت عامل ايه..وحشتني اوي يا آركان..
آركان : عيونه لمعت..وقال بوجع.. أنا آسف..!!
رينو : سكتت ومسحت دموعها وقالت بعدم فهم.. بتتأسف على ايه يا آركان؟
آركان : بخنقه.. لأني ديما مبكونش موجود جمبك وقت احتياجك ليا.. لاني فكرت في نفسي ومفكرتش فيكي.. كان نفسي أكون أول واحد جمبك..
رينو : ابتسمت..وقالت.. وأنت من امتى مش جمبي يا آركان..؟ ده أنت وفهد كل يوم قدامي وبدعيلكم ترجعولي بالسلامه..
وكمان أنت كونك بعيد فده مش بمزاجك.. أنت بتشوف مستقبلك..اللي هو في الحقيقة مستقبلي أنا. عمرك ما اتخليت عني..وواثقه إنك لو كنت موجود كنت كفيت و وفيت ياروحي..
أنا مش عايزاك تحمل نفسك اكتر من طاقتك..ولا زنب أنت مالكش اي زنب فيه..انا بخير متقلقش..
آركان : فهم إن فهد مسافر..واتنهد وقال بحزن..
اتألمتي؟ تعبتي.؟ مين كان جمبك؟
رينو : باست جبينه..وابتسمت وقالت..انا لو فيا تعب الدنيا..
من نظرة عينيك ولهفتك وخوفك عليا دلوقتي.. أكون خفيت من أي ألم.. اطمن ياروحي بجد انا بخير. وسيبك مني بقى.. مش عايز تتعرف على اخوك الصغير.. آيان..
آركان : بص على آيان..
آرين : بسعاده..شالته..وراحت بيه عند آركان وقالت.. مع أني رافضه إن حد يشيله وانا موجوده.. بس يلا مهما كان أنت اخوه الكبير..يلا اشفقنا عليك.. امسك بقى الأستاذ آيان..وحطته بين ايديه..
آركان : قلبه دق.. وشال أخوه لأول مره. واتحقق من ملامحه..وتلقائيا أبتسم.
آرين بتلاعب آيان..وقالت بص يا آركان..بيبص عليك إزاي..
آركان : ضحك..وقال أيوه..انا أخوك يا آيان..و أسمي آركان. ههههه شبه مين ياماما..
آرين : بمرح..اقولك انا بقى.. آيان نسخه من بابي حبيبى..حتى ماما رنا قالت.. نفس طريقة زعله وعياطه.. بص كمان نفس غمازات بابي.. واو آيان جميل اوى يا آركان..
آركان : قربه منه..وباس جبينه..وقال..نورت عيلة السيوفي والعدوي يا آيان السيوفي..!!!
رينو : ربعت أيديها..واتنهدت براحه..وشافت ولادها الأتنين زادو واحد.. وحمدت ربنا على عيلتها..ودعت بقلبها إن عيلتها تكتمل قريب برجوع الفهد.
——————بقلمي مريم نصار.
في ملهى ڤيكتور..Автор: Меріам Насар
الساعه خمسه الصبح..
ڤيكتور : خرج من المكتب ومعاه عميل مهم بالنسباله.. وخارج معاه قدام الملهى..
العميل : سلم عليه وقال..اتفقنا إذن سيد ڤيكتور.. يومان فقط وسيتم تحويل كل شيء على حسابك الشخصي..
ڤيكتور : بثقه.. وباقة الورد ستكون في انتظارك حينها..
العميل : أبتسم..وبص ع آدم مراد بالصدفه..وقال. فتى جيد. وضحك..وركب العربيه مع الحرس ومشيو..
ڤيكتور : طالع الملهى وبص ل آدم وفهد.. وابتسم بسخرية..وقال.. يا لا سخرية الجميع منكم. فتى جيد أيها ال…….
فهد : قاطعه..وقال.. انتهى وقت العمل ياسيد.. وبص ل آدم..وقال فلنذهب كيران.. ونزل وعدا من جمبه..
ڤيكتور : مسك دراع فهد بقوه..وقال بغضب مكبت.. عندما أتحدث تنصت إلي.. وإلا لم ادعك تنصت لأي شيء بعدها..
فهد : مسك أيد ڤيكتور بقوه أكبر..وبص ف عينيه..وقال بتحذير..
أنت لم تتحدث إلينا سيد ڤيكتور…!!
نحن نجيد الاستماع أكثر مما تظن أنت. ولكن انت تسيء لأخي..وهذا مرفوض تماماً عند چاسبر لورانس.. وأعلم جيداً إني لا أهاب الموت..!!!
ڤيكتور : بص لفهد بغضب واضح.. ونزل أيدو بهدوء.
آدم مراد : أبتسم بسخريه..وقال بمكر..كم من الوقت لدينا للعمل هنا لنسد ديوننا سيد ڤيكتور؟
ڤيكتور : بص ل آدم..وقال لن تخرجو من هنا أحياء. أعدكم بذلك..وسابهم ودخل.
آدم مراد : باشاره لفهد.. انت ضايقته..
فهد : باشاره.. نفسي اقتله واخلص منه..
آدم مراد : الصبر ياحوت..
فهد : بص في الساعه وقال.. هيا بنا أريد أن أذهب للنوم.
آدم مراد : هز راسه..كما تريد أخي.. ونزله ومشيو كام خطوه..ودخلو العماره.. وطلعو الشقه.
فهد : بيقلع الچاكت..وشاف لمبة الكاميرا اشتغلت.. وقال بمكر.. ومثل الخنقه. الي متى سأتحمل كل هذا من المدعو ڤيكتور؟
آدم مراد : فهم..وقلع الچاكيت وقعد جمب فهد.. وقال. بتمثيل الهدوء. أخي أنت يجب عليك أن تهدأ قليلا.. فالسيد ڤيكتور لم يفتعل أي شيء.. هو كان يمزح معنا فقط..
فهد : بتمثيل الغيظ.. أنت تمزح كيران؟ انا چاسبر لورانس..اعمل حارس ملهى ليلى.؟ بعد أن أسست عملا كبيراً..وجائت هذه الساق*طه وأخذت كل ما لدي وهربت مع مدير أعمالي.
ورجعت انا للوراء مرة أخرى؟ والمدعو ڤيكتور هذا. يسخر منا عندما يحلو له.. ويعاملنا جيداً عندما يحلو له أيضاً.. ماهذا بربك كيران..
آدم مراد : اهدأ چاسبر..ويجب أن تهدأ من غضبك.. إن ڤيكتور من الواضح عليه رجل ناجح جدآ وله سلطه ونفوذ..
نحن لا نعلم عنه شيء ولكن أنا وأنت رأينا كم هو ثري للغايه. وسلطته واضحه جدآ.. ولنعترف أنه الاقوى.. واجه مخاوفك چاسبر.. واعترف بأن سيد ڤيكتور في المقام الأول.. وهو الأقوى على الإطلاق..
فهد : قام وقف قدام الكاميرا..ومثل الاستسلام..واتنهد..وقال..معك حق كيران.فالسيد ڤيكتور هو قوي..قوي جداً..هو الأقوى على الإطلاق..
في مكتب ڤيكتور..
سمع الحوار..بين فهد و آدم. وثقته زادت وغروره وكبريائه زاد..وضحك بنصر..وقال..نعم أيها الجرذان.. ڤيكتور تايلر هو الأقوى على الإطلاق…!!!
——————بقلمي مريم نصار.
صوفيا : خارجه من الاوضه المجهوله اللي قدامها الحرس جمب المكتب..ورايحه عند ڤيكتور..
چاك : شايل ازازة خمره..وماشي..وخبط في صوفيا بالغلط..
صوفيا : شهقت.. وبعدها بصت ل چاك وضحكت بمكر.. وهمست عند ودنه..ماذا حل بك چاك..
چاك : غمض عينيه…ومردش…
صوفيا : ضحكت بسخريه.. وسابته ودخلت المكتب..
مراد : تابع الموقف بين چاك وصوفيا.. وشاف چاك وهو داخل المطبخ بسرعه..
وكشر عينيه بِشك..وقال ياترى صوفيا قالتلك حاجه عليا لما وشوشتك ياچاك؟ ولا طلبت منك تنفذ حاجه لما مشيت بسرعه كدا؟
بعد شويه.. Автор: Меріам Насар
عند فهد و آدم..في الاوضه..
فهد : سمع رسالة مراد حوت..ديزل..
فهد : قال معاك ياصقر..
آدم مراد : معاك..كل حاجه تمام؟
مراد : بهمس. انا في الحمام دلوقتي.. وڤيكتور أخد صوفيا وخرجو من نص ساعه.. ودلوقتي الكل بدأ ينام.
فهد : بحماس : تمام اوي..وانا هنزل اشوش وأدخل الاوضه..
مراد : بتحذير..محدش ينزل غير لما ادي اشاره.. هصلي الأول وبعد كده..ابص على المكان وابعت الإشارة ليك ياحوت..
فهد : هز راسه تمام وانا في انتظار الإشارة..
بعد شويه..
مراد اتوضى.. وخرج من الحمام..ودخل المطبخ..وشاف چاك نايم.. وطفى النور..
مراد : بدأ في الصلاه..!!!
وفجاءة اضاءة المطبخ كلها اشتغلت..وكانت صوفيا…!!! ———-
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
