رواية احباء يجمعهم القدر الفصل الثامن عشر 18 بقلم لولا
رواية احباء يجمعهم القدر الجزء الثامن عشر
رواية احباء يجمعهم القدر البارت الثامن عشر
رواية احباء يجمعهم القدر الحلقة الثامنة عشر
روح بدموع دي بتاعتي انا وانا اللي حامل يا فارس
شروق بعياط وصدمه ايييه
فارس مسك دراعها جامد واكمل بحده انتي اتجننتي حااااامل ازاي ومن ميييين
شروق قامت شدتها من فارس و مسكتها من شعرها وضربتها بلقلم واكملت بعصبيه ودموع نهارك اسووووود ومنيل حااامل ازاااي يا روح عملتي فينا ايه يا حيووووانه
روح بعياط ابوس ايديكي افهميني انا انا معملتش حاجه غلط والمصحف
فارس شدها من شروق واكمل بحده بسس انتي يا شروق طريقتك دي متنفعش واكمل لروح بعصبيه اقسم بالله ياروح لو ماقولتي حصل ازاي و اللي في بطنك ابن مين لحسابك معايا كبير اووي وفعلا هوريكي هعمل ايه
روح بعياط ابن يوسف
شروق بصدمه يوسف
فارس بصدمه ايييه ابن يوسف يعني يوسف نفذ اللي في دماغه يانهار ازرق يعني اللي في بطنك ده ابببن حرااام
روح بسرعه وعياط لالاالا مش ابن حرام انا اتجوزت يوسف علي سنه الله وسورله وده ابن شرعي عادي
شروق قعدت واكملت بصدمه ودموع كمان اتجوزتيه انا مصدومه فيكي واتاري ماما جاات قالتلي خالي بالك من اختك ياشروق هي دي اختي اللي طفحت الدم علشان اربيها واعلمها واطلعها احسن مني تعمل فيااا كل ده
فارس بحده اتجوزتي انتي وخراااا امتي ده حساب اهله معاايا بعدين علشان دي حركات نااس زباله النور مفيش احسن منه مش يتجوزك ويتمم جوازه كامل في الضلمه ومن ورانا كلنا طب اديكي حاامل يا هانم ووراكي امتحان بكره تقدري تقوليلي تذاكري ازاي وانتي مقضياها ترجيع وتعب
روح بعياط مذاكرتش اوي الماده دي بس طول السنه بذاكر حلو اوي وحقيقي تعبانه بس مكنتش اعرف ان كل ده هيحصل يا فارس
فارس بحده حصل ازاي وامتي
روح بدموع يوم جوازك انت وشروق يوسف اتصل بيا وكان مخنوق ومضايق اوي بسبب اصرار مامته انها مش عايزاني فطلب مني اني البس واجيب صحابي واستناه قدام الفيلا وانا مكنتش فاهمه حاجه عملت كده ونزلت معاه ولما قولتله اني خايفه قاالي هرجعك بدري قبل ماحد يصحي ومشينا وجاب صحاب كتيير اوي من طرفي وطرفه ومأذون وكتب عليا رسمي وصحابنا باركولنا وقعدنا شويه واتصورنا بعدين مشيوا وكملنا جوازنا عادي ولما قولتله اروح قالي هيروحني الصبح بدري وعملنا كده
شروق بعصبيه حلو والله القرف اللي انتوا عملتوا ده لا براااافو وبتضحكوا علينا كلنا وطبعا مقضياها من ورانا انتي وهو بتتقابلوا وتعيشوا حياااتكم وعااادي
روح بعياط والله ابدا هو يوم الفرح بس مروحتش ليوسف البيت تاني
فارس بحده انتي بتتكلمي في ايه انتي التانيه يا شروق خلاص اتنيلت واتجوزته راحت مره راحت الف جووزها مش هنعرف نتكلم بس الغلط من البدايه الطريقه اللي اتجوزتوا بيهاا هل بقي البيه يعرف ان مراته حامل
روح بدموع لا ميعرفش ومش ناويه اعرفه
شروق بعصبيه ليييه مش انتي بتقولي ابن شرعي خايفه يعرف ليييه ماتعرفيه ياحبيبتي ابنه بردو وروحي اقعدي في بيته مش جوزك
فارس بتنهيده شروق انتي متعرفيش حاجه اللي وصلهم لكل ده هي حماتها مش عايزاها خالص وبتجبره يخطب بنت اسمها مني فهو عمل كده علشان يضمن ان روح تبقي مراته وتعدي فتره يفرض روح علي امه انا فهمت من غير مايقولي حاجه بس ده مش مبرر ابداا
روح بدموع اه قالي لما تعمل العمليه هيعرفها بس طنط سعاد مش كويسه وانا مش هخاطر بابني فمش هعرفه
فارس بستغراب وضحي اكتر
روح بدموع بمعني هو مقدرش يصمم علي رايه وهينفذ طلبها لما قالتله اخطب مني طب ما ممكن تجبره يتجوزها بردو بحجه مرضها او يخطبها ويسيبها عادي ويقولها اني مراته وتاخد مني ابني وتخليه يطلقني ويرميني فانا مش هعرف يوسف بحملي غير لما احس انه قادر يفرض رايه علي امه وكمان عايزه طنط تقبلني وانا روح وليد وبس مش ام حفيدها لان لو عرفت هتتمسك بيا علشان حفيدها وانا مش هستغل ابني في اي حاجه لا يقبلوني وانا كده
فارس انتي بتقولي ايه هو يوسف هيعمل فيكي كده ده انا اقتله ليه ملكيش حد ولا ايه وبعدين بغض النظر عن قله الادب اللي عملتوها من ورانا دي يوسف بيحبك ياروح مش هيقدر يستغني عنك
روح بعياط منا بحبه واديه بكل برود هيخطب غيري وقال ايه مؤقتا انا سكت قدامه بس جوايا نار يا فارس نار بتاكلني يعني ايه واحده تقف بكل برود تمسك ايده قدامي وتقولي خطيبي في عز ماهو جوزي انا وحلالي انا والمعامله قدام الكل بحسااب ولو هو امه مش عايزاه ليا انا بردو هبقي ام ومش هسيب ابني لحد ولا هخاطر بيه ولا حتي علشان يوسف ابني هيبقي هو عوضي عن كل ده ومش هعرفه بيه غير لما احس انه يقدر يفرض رايه
فارس بتنهيده انتي مش حاسه بأمان يا روح ??
روح بعياط اه مع اني كنت بشوف الامان ده متلخص في يوسف بس الفتره دي لا مش حاسه مع اني المفروض اني خلاص مراته واحس بامان بس حتي دي مش حساها جوايا خوف بيقولي حماتك هتسكتلك علشان ابنك وبعدين تخلي ابنها يرميكي
فارس وبلنسبه ليوسف عادي يرميكي ??
روح بعياط مش عادي بس هيبقي بردو مجبور زي ما مجبور انه يخطب دلوقتي
فارس بتنهيده يبقي لسه معرفتيش جوزك يوسف صاحبي من زمان اوي محدش يقدر يفرض رايه عليه بس كل الحكايه خايف علي امه دلوقتي ولما يعرفها انك مراته مش هيسمحلها تكلمك وحش او ترميكي ولو الدنيا ضافت اوي وهترسي انك تترمي فهيختار يترمي معاكي حتي لو هيقعد في الشارع وده اللي انتي متعرفيهوش او مشوفتيش منه موقف يحسسك انه قادر يعمل ده لانه من اول موقف اديه هيسمع كلامها ويخطب مؤقتا بس بردو عمل ايه اتجوزك انتي
روح بعياط بغض النظر عن الجواز اه بلظبط كده زي مانت قولت فاعلشان خاطر ربنا يا فارس وحياه شروق متعرفهوش اني حامل انا عايزاه يختارني وانا زي منا مراته وبس مش عايزاه يقول لامه دي حامل في ابني وحفيدك ومش عارف ايه فاهي توافق علشان كده وبس
فارس بتنهيده مش هقول بس لو اضطريت يا روح لازم يعرف ده مهما كان ابوه مينفعش
شروق بدموع انا حقيقي حاسه اني بتكلم مع واحده معرفهاش انا مش قادره اصدق كبرتي يا روح وبقيتي تحبي وتتجوزي وتحملي وتخبي عليا ياخساره كل سنيني اللي ضيعتها في ممرمطه علشان اخليكي احسن مني علشان بعد كل ده تشوفي نفسك كبرتي عليا وتعملي كل ده من ورايا
روح بعياط راحت حضنتها واكملت شروق وحياه ربنا ماتزعلي مني انا حبي ليه كان عاميني عن اي تفكير كنت شايفه ان هو ده الصح كنت عايزه اكون مراته وخلاص انا حبيت يا شروق متقدريش تغلطي قلب حب وانتي عارفه يعني ايه كويس حب
شروق بعياط حضنتها واكملت اخص عليكي يا روح طب كنتي عرفيني ده انا بحلم احضر فرحك واشوفك عروسه اخص عليكي بجد
روح مسحت دموعها واكملت حقك عليا يا نورعيني والله كان غصب عني
شروق بحزن طيب ياروح يلا روحي نامي علشان امتحانك وخلي بالك من نفسك
روح بحزن يعني مش زعلانه
شروق بابتسامه حزينه خلاص ياروح اللي حصل حصل ومفيش كلام هيرجع اللي فات ولا هيفيد بحاجه
روح باست جبينها واكملت حقك عليا يا قلب اختك والله ماهخبي عليكي اي حاجه تاني
شروق هو لسه في حاجه تاني هتتخبي
روح بضحك لا باذن الله خلاص يلا عايزه حاجه
شروق سلامتك يا حبيبتي
روح سلام وسلام يا فارس
فارس سلام يا حبيبتي وخرجت وفارس قفل الباب واكمل لشروق انتي قولتي كلمه صح اللي حصل حصل فامتزعليش نفسك بقي خلاص
شروق بحزن متوقعتش تعمل كده من ورايا يا فارس
فارس قالتلك حبت واللي بيحب مش بيتصرف بعقله ابدااا بيبقي كل همه يكون مع اللي بيحبه
شروق بتنهيده علي رايك ربنا يسعدها ويجمعهم ويطلعهم من اللي هما فيه ده علي خير
فارس يارب يا حبيبتي
شروق يلا مش هتنام
فارس لا يلا هنام تعبت من الصبح مشاكل منمتش
ونام وهو حاضن شروق
————————————
تاني يوم الصبح
في بيت فهد وليلي
ليلي صحيت لقيت زي ماهي نايمه وواخده فهد في حضنها فنزلته براحه علي المخده وقامت دخلت المطبخ
ليلي الله ده الاكل قرب يخلص وانا علي الله حكايتي طب اعمل فطار ازاي دلوقتي احسن حل البس وانزل اجيب الطلبات اللي عايزاها كلها من السوق
دخلت الاوضه ولبست دريس ولفت الحجاب واكملت اصحيه ده اخد منه فلوس ولا اعمل ايه لالا خليه نايم واخد من المحفظه
وراحت فتشت البنطلون اللي متعلق لقيت المحفظه فتحتها وخدت الفلوس وهي بتقفلها البطاقه وقعت علي ضهرها رايحه توطي تشلها الباب خبط
ليلي قامت تاني واكملت حاضر جايه وفتحت
البواب معلش يا هانم عايزين 100 جنيه علشان تصليح الاسانسير
ليلي حاضر وشافت الفلوس اللي خدتها وادته منها 100 جنيه
البواب شكرا يا ست هانم
ليلي العفو وطلعت وقفلت الباب ولبست الكوتش ونزلت تروح السوق تجيب كل الطلبات اللي هي عايزاها
بعد شويه صحي فهد وفتح عنيه بتثاقل استغرب ان ليلي مش جمبه فاكمل بصوت عالي نسبياا ليلي بت يا ليلي يخربيت امك طارشه اكيد في البلكونه وقام دخل الحمام خد شاور وطلع ولبس قميص وبنطلون وهو خارج من الاوضه شاف البطاقه واقعه
فهد بصدمه نععمم ايييه ده انتي ايه طلعك من المحفظه يانهاااار اسووود ومنيل ب60 نيله لتكون شافتها بنت الكلب دي وشال البطاقه في جيبه وطلع بسرعه من الاوضه
فهد بخوف ليلي بت يا ليلي انتي يابت وابتدا يدور عليها فكل الشقه بسرعه ومش لاقيها
فهد بخوف ياانهار اسود رااحت فيين دي لتكون شافت البطاقه وهربت او لميس خطفتها مثلا جيه ملصمين خبطوا وخدروها وخدوها لالا ايه الهبل وشغل الاكشن اللي انا عايش فيه ده بس هتكون راحت فين ياالهوي اعمل ايييه انا دلوقتي الله يحرقك يا ليلي طب شوفتيي البطاقه ولالا طب ايه اتصل بطنط سوسن لالا بلزمه هتقولي متعرفش فين مراتك مانا متجوز واحده متربتش دقيقه اعمل ايه دلوقتي طب لو حصلها حاجه طب انزل ادور فين منك لله يابنت محمد علي الخوف والحيره اللي انا فيها دي يارب يارب احميها اينما كانت وقعد اتوتر اكتر فاكمل لا انا هنزل واقلب عليها الدنيااا مينفعش افضل ساكت ورايح يمشي لقي ليلي جات وبتحط الطلبات علي الارض وبتقفل الباب
فهد تنهد بارتياح وراح ناحيتها واكمل بعصبيه وهو بيمسك دراعها جامد هو انتي يا حيوانه روحتي فييين من غير ماتقوليلي هاااا
ليلي بخوف مالك يا معتز في ايه طلبات البيت خلصت كنت بجيب كل اللي ناقص بس
فهد بعصبيه ومتتنيليش تعرفيييني انا لييييه كنتي تقوليلي انا هروح اجيبلك كل حاجه انتي متنزليش
ليلي بصدمه كنت هتروح انت السوق ??
فهد بعصبيه وانتي مااال اهلك اه هروح بس انتي مينفعش افرض اللي بيراقبوني شااافوكي لو كان حد وصل لهنا انا ارروووح فين واعمل ايييه لو حصلك حاجه قاعد محتار وخاايف وفكرت فكل اللي ممكن يخطر علي بالك ولا ابقي انا بموت من خوفي هنا وانتي بتجيبي طلباااات طب والحيوان اللي متجوزااه ده ميتقالوش نازله علشان ميفضلش محتار زي المجانين ياتارا فين حضررررتك
ليلي بدموع انا مقصدش كل ده انا كنت بجيب الطلبات علشان اعملك فطار ومرضتش اصحيك علشان انت نمت بلعافيه من التعب امبارح فقولت اسيبك نايم حرام حتي خدت من نفسي فلوس ومرضتش بردو اصحيك
فهد بتنهيده طب ممكن متعيطيش
ليلي بدموع يعني تزعقلي كل ده ومش عايزني اعيط انت حسستني اني عملت جريمه
فهد مسح دموعها وباس جبينها واكمل حقك عليا انا مبحبش اشوف دموعك بس والله ده من خوفي عليكي هما ناوينها خلاص يا ليلي وقربت اتكشف فخايف عليكي اوي مش عايز ادخلك اللعبه دي كلها خصوصا انك ميته في نظرهم كلهم
ليلي بصوت حزين تمام يا معتز
فهد باس خدها واكمل ماقولنا حقك عليا بقي بس متقرريهاش تاني اوعي تروحي اي حته من غير ماتقوليلي واي حاجه تعوزيها انا هجيبها
ليلي حاضر بس اتلم ومتبوسنيش تاني
فهد بضحك لو فضلتي زعلانه هفضل اعمل كده لغايه ماتتصالحي
ليلي باحراج لا والله اتصالحت
فهد قرب منها وشد وسطها ليه واكمل بضحك والله والله ولا بتحلفي كدب
ليلي بضحك لا والله والله مش زعلانه
فهد باس خدها واكمل بضحك بردو براحتي مش مشكله مراتي وانا حر
ليلي بضحك انت بارد اوعي كده وزقته براحه
فهد بضحك اخص في واحده تعامل جوزها كده بردو يا مفتريه انتي
ليلي وهي بتاخد الطلبات تدخلها المطبخ اكملت بضحك اه انا
ودخلت غيرت وعملت فطار وحضرته علي السفره ونادت فهد وقعدوا يفطروا
وبعد شويه فهد قام واكمل تسلم ايدك يا حبيبتي يلا انا ماشي واياكي تفتحي لحد وخلي بالك من نفسك
ليلي ماشي وانت كمان ومتتاخرش
فهد عنيا عايزه حاجه اجبهالك من برا
ليلي لا سلامتك
فهد حضنها وباس راسها ومشي وهي قفلت وبدات تروق البيت
————————————
في الفيلا
فارس صحي وخد شاور ولبس بدلته كلعاده وراح يصحي شروق
فارس شروق بت قومي يلا
شروق بنوم ايه يا حبيبي
فارس يلا قومي بقي كفاياكي نوم ورانا مشوار
شروق اتعدلت واكملت وهي بتفتح عنيها مشوار ايه ده
فارس قومي البسي بس ويلا وانا هقولك
شروق حاضر بس اطلع برا
فارس بضحك الله ده ليه يعني مخطوبين
شروق بضحك فارس اتلم واطلع يلا
فارس بضحك طيب هنزل بس بسرعه ها متقفيش ساعتين قدام المرايه انتي قمر اصلا
شروق ابتسمتله بحب وهي بتقفل الباب ولبست دريس ولفت الطرحه ونزلت
شروق هي روح جات من الامتحان ولا لسه
تولين لسه يوسف جيه خدها وداها بس لسه مجاتش
والباب خبط ففتحت نفين
شروق بضحك لو كنا جبنا سيره حاجه عدله
روح بضحك اخيراااا خلصت امتحانات يابوي ده الواحد اتنفخ قسما بالله
فارس بلنجاح باذن الله
شروق نجاح بس مش كفايه ومجموع
روح بضحك والنبي ياست شروق سبيني في حالي بدل مانتي عامله فيها مرات ابويا كده
شروق بضحك لا ماهو لو مجاش المجموع هقتلك بعرفك من دلوقتي اهو
روح قولي يارب ياشروق يلا شكلك لابسه اتكلي علي الله
فارس بضحك ماشين اهو وهرحمك من مرات بابا شويه
شروق بحده فارس
فارس بضحك حبيبت قلبي لما نيجي هربيهالك يلا
روح بضحك يعيني عليك بقي فارس العامري اللي بيتهزله شنابات اختي انا تعمل فيه كده
فارس بضحك بمزاجي ياحبيبتي
شروق يعني ايه بمزاجك مش فاهمه
فارس يعني انتي مسيطره زي مابيقولوا او بتفرضي رايك عليا
شروق بضحك صراحه لا بس بنتشاور عادي
فارس اه باخد رايها تاخد رايي انما مش بمشي وراها مفيش ااكلام ده
روح بضحك ايوه يا جامد
فارس بضحك عيب عليكي
وخرج هو وشروق وركبوا العربيه وبعد شويه وقفوا قدام المطعم اللي كانت شغاله فيه
فارس يلا انزلي
شروق انت جبتني هنا ليه
فارس علشان بنفسك ترميله فلوسه في وشه ومسك شنطتها حط فيهم ال 20 الف واكمل يلا
شروق ايه ده حطتهم ليه هنا
فارس هفهمك جوا يلا
وخبطوا ودخلوا المكتب
مدحت بتوتر اهلا وسهلا شروق معرفتكيش والله بس ايه دول 20 الف مش مستاهلين تشكي لفارس بيه عليهم يعني
فارس اقعدي يا حبيبتي شروق قعدت فاكمل فارس لمدحت قولت ليك كام عند مراتي بقي
مدحت بصدمه مراتك انتي اتجوزتي فارس العامري
فارس بحده كلامك معاااايا انااا متوجهش كلامك لمراتي نهائي
مدحت بتوتر طبعا طبعا يا فندم امرك هما يعني كانوا 20 الف بس طلما عند المدام بتاعت حضرتك مش عاوزهم
فارس لا واحنا مبناكلش حق حد ودور في محفظته واكمل للاسف مش معايا يكمل المبلغ كاش حاليا
مدحت خلاص يا فندم ولا يهمك
فارس لا طبعا هتاخد فلوسك وبص لشروق واكمل معلش يا حبيبت قلبي شوفي وادفعيله ال 20 الف انتي من فلوسك
شروق بصت لفارس بحب وفهمت هو قصد يديها الفلوس ليه فافتحت شنطتها وخرجت الفلوس وحطتهم قدام مدحت واكملت اتفضل عد دول كده
مدحت اتصدم ان شروق معاها في شنطتها المبلغ ده في عز ان جوزها مكنش معاه يكمل فاكمل من غير ما اعد يا مدام شروق خلاص
فارس بحده بطل الشغل ده وعد فلوسك وشوفهم
مدحت بتوتر حاضر عنيا وفضل يعد فيهم وبعد شويه اكمل مظبوطين وادي الوصولات اهي
فارس خدهم منه قام وقف واكمل تمام يلا يا حبيبتي ومسك ايد شروق وخرجوا
مدحت لنفسه بقي شروق اللي مكانتش لاقيه تاكل تطلع 20 الف من شنطتها وقعت واقفه بنت الايه تتجوز فارس العامري مره واحده
براا المكتب
شروق معلش يا فارس هسلم علي حور صاحبتي
فارس ماشي يا حبيبتي
وخلت حد نداها وطلعتلها
حور بفرح حبيبت قلبي واحشاني وحضنتها
شروق بحب وانتي اكتر بجد يا حور
حور بهمس مين الحلو
شروق بهمس اتلمي ده فارس جوزي
حور بفرح فارس فارس اللي هو
شروق بضحك اه هو
حور بفرح والنبي صحيح يا واطيه طب مش تقوليلي كنت جيت فرحتلك
شروق والله جات صدفه يا حور مكنتش مرتبه خالص حقك عليا
حور بفرح يا حبيبتي ولا يهمك المهم ان ربنا عوض انتظار قلبك كل السنين دي ومدت ايديها لفارس واكملت تشرفنا يا فارس بيه انا حور صاحبه شروق والنبي صدعتني بيك ليل نهار الف مليون بركه انكم اتجوزتوا
فارس سلم عليها واكمل بضحك الشرف ليا وربنا يخليكي يارب تسلمي
حور والله شروق مفيش اطيب من قلبها تعبت كتير تستاهل ترتاح دي عشره عمر اختي وصاحبتي واعرفها من زمان شافت مر حقيقي وخصوصا من مدحت هنا بيذلنا علشان الجنيه بس ربنا كريم وعوضه عظيم وهي تستاهل حطها في عنيك يا فارس بيه
فارس اولا انا فارس بس وبعدين انا جوز اختك واعتبريني اخ كبير بلاش بيه دي تاني
حور بابتسامه والله ده انت متواضع جدا حقيقي زي ماوصفتك شروق واكتر
فارس ربنا يخليكي يارب وانتي سكر وطيبه جدااا يا حور هو انتي صحيح خريجه ايه
حور تجاره
فارس ليكي في الحسابات?
شروق اه ليها طبعا دي بتحبها جدا
حور اه طبعا ليا بس حاولت اتوظف كتير بترفض و والله ماعرف ليه
فارس سيبك من كل ده انتي هتسيبي شغلك ده دلوقتي وتروحي بيتك تنامي ومن النجمه تجيلي تستلمي شغلك في الحسابات
حور بصدمه وفرح اكلمت والمصحف بتتكلم جد
فارس بضحك اه طبعا بجد انا ههزر معاكي يعني
حور بفرح يعني انا هشتغل في شركه وهسيب شغل مدحت يالهوي هموت من الفرح ربنا يخليك يا فارس بجد ونفرح بعيالكم انت وشروق امين يااارب ويفرح قلبك زي مافرحتني بجد اعملك ايه اردلك الجميل ده
فارس اهي الدعوه دي بلدنيا كلها مفيش اي جميل انتي شاطره في الحسابات وبتحبيها وده اللي خلاكي تتوظفي مش انا يا حور وطبعا ده ترتيب ربنا ليكي ويمكن تعويضك يبدا من هنا
حور بفرح ربنا يخليك يارب طب انا اقول للسواق شركه فين
فارس شركه العامري معروفه بس عموما اهو الكرت فيه العنوان
حور بفرح ايييه هو انت هشتغلني في شركه العامري
شروق بضحك اومال فين يابنت الهبله ماهو فارس العامري
حور بفرح والله بجد انا مكنتش اعرف ربنا يعليك اكتر واكتر يارب ده انا اتشرف اني اشتغل في شركه حضرتك
فارس بابتسامه الشرف لينا احنا والله انك هتشرفينا مستنيكي بكره
حور بفرح من النجمه
فارس بضحك خشي بقي ارمي استقالتك للراجل المهزق ده ولو رخم معاكي بلكلام رقمي في الكرت اتصلي بيا اروقه او قوليله هتوظف عند فارس العامري هيسكت علطول
حور بضحك عنيا
وركب فارس وشروق العربيه ومشيواا
شروق بحب مش عارفه اقولك ايه ولا ايه من اول موقف الفلوس لحد حور
فارس باس ايديها واكمل اولا فلوسنا واحده ومعملتش اي حاجه دي فعلا فلوسك ثانيا حور ربنا بيحبها وهو اللي رتب انك تقولي عايزه اشوفها ويحصل كل ده انا وسيط لاراده ربنا بس مش اكتر يا شروق وهي تستاهل شوفت في عنيها حب وفرح ليكي كانها بتفرح لنفسها بت جدعه ومفيهاش غل وحقد تستاهل حياتها تتحسن شويه
شروق بحب حقيقي انا خدت حظ الدنيا كله فيك يا فارس من وقت مابقيت في حياتي بس قولت ابتديت دلوقتي بس أحب عمري ومع كل يوم بيمر بيا بتاكد اني احسنت الاختيار لما حبيتك
فارس بحب يابنتي بموت فيكي انتي وكلامك احبك اكتر من كده ايه بس ده والله ياشروق انا كنت محتاجك اكتر وانتي فعلا نور دخل نورلي حياتي وخلاها بشكل تاني ربنا مايحرمني منك يارب
شروق بحب ولا منك يا غالي
———————————-
في البار وتحديدا المكتب
قاعد فهد وفونه رن
فهد ايه يا حبيبتي
ليلي بضحك انت نزلت بلمحفظه من غير فلوس وانا نسيت اقولك
فهد بصدمه ازاي يعني انا كنت سايب مع الفيزا 3 الاف جنيه احتياطي واصلا مفيش بني ادم هيصرفهم في يوم علشان اكيد مش هحتاجهم كلهم راحو فين بقي
ليلي بضحك انا خدتهم
فهد بصدمه كلهم
ليلي اه بس متظلمش مش كلهم ليا
فهد اه اجلطيني يا ليلي
ليلي منهم 100 جنيه خدها عمو البواب للاسانسير
فهد طيييب 100 بسسس فين 2900
ليلي بتوتر اصبر عليا مالك بتخوفني منك ليه انا نزلت بقي بلباقي وجبت كل طلبات البيت بعدين عجبتني كام طرحه جبتهم ودريس ب 500 جنيه فا يادوبك خلصوا
فهد بصدمه نزلتي بلباقي اه محسساني انك اديتي البواب 2500 ولا حاجه فنزلتي يعيني بلباقي منك لله يا ليلي طلبات البيت وكام طرحه وفستان وخلصتي ام ال 3 الاف
ليلي علي فكره انت اوفر ده هما 3 طرح الواحده ب 100 والفستان 500 يعني 800 جنيه لبس بس اتبقي كااام بقي
فهد 2100 يااا قدري الاسود جبتي بي 2100 اكل
ليلي بتوتر اه بصراحه وحاجه كمان لو عرفتها معرفش هتعجبك ولالا وبعدين انت بتتكلم ليه منا جبت الطرح والفستان علشان دي طريقه لبسي الجديده انت مش بيعجبك العجب ليه هااا
فهد بضحك ما هي دي جزاتي بقي انا انزل مفلس بسبب حضرتك والله عيب بعدين منا جبتلك هدوم كتير وطرح زيهم
ليلي ودول عجبوني يا بخيل ياللي بتبصلي في الفلوس ده كلهم 3 الاف
فهد بضحك لا جيب اهلي فداكي يا نورعيني مش جبتي اللي عايزاه وخربتي بيتي
ليلي بضحك اه جبت
فهد بضحك تعيشي وتخربي بيتي يا عمري عادي بس بعد كده انا هجيب الطلبات طلباتك انتي مش هتنفع هعلن افلاسي لو كل يوم نزوله ب 3000 وبعدين ايه هي الحاجه اللي جبتيها
ليلي بضحك لا مش للدرجه متخافش انا مش مصرفه ده هي مره كده واكملت الحاجه بقي هي ممكن متعجبكش بس فكرتها حلوه اوي بص هي اسوره فضا فيها رخامه مدوره وبتنور احمر في ازرق كده وبتبقي 2 انت تلبس واحده وانا واحده ولو انت دوست علي الرخامه من عندك حتي لو في بلد تانيه هتنور عندي انا والعكس ودي بتبقي تواصل من غير كلام لو احتاجت اوصلك وانت فونك مقفول مثلا لما تلاقي ايدك نورت هتكلمني كده
فهد بضحك فكره مجنونه بس حلوه اوي عجبتني تعيشي وتجيبي يا حبيبتي بجد حلوه اوي
ليلي بضحك يعني مش هتزعقلي
فهد بحب لا طبعا اللي نفسك فيه هاتيه
فخبط الباب
فهد خليكي معايا يا حبيبي بس متتكلميش واكمل ادخل
لميس معتز
فهد خير
لميس هسالك سؤال وتجاوبني بصراحه
فهد اتفضلي
لميس انت اتغيرت معايا ليه وبقيت مش زي الاول ليه
فهد بحده لميس انا زي منا مش ذمبي انك شايفه حاجه انا مش شايفها بس حقيقي مفيش اي حاجه من ناحيتك خالص وبتعامل معاكي طبيعي جدا
لميس بخبث انا حامل يا معتز
ليلي اتصدمت ودموعها نزلت بصمت
فهد بعصبيه حامل من مين انتي اتجننتي انا مال اهلي بلموضوع ده
لميس ليه هو مين غيرك ممكن يكون ابوه
فهد بعصبيه والله ماعرف واحده زيك وارد جدااا تعمل كده مع اي حد انا اكيد مش بثق فيكي يعني بصي لنفسك واقفه فين وبعدين انا مبجيش جمبك خالص بقالي فتره كبيره هتسعبطي
لميس بس كنت
فهد بمقاطعه بعصبيه كنتتت بقي فعل ماضي يا سكر انما دلوقتي انا متلاشيكي خااالص وبيبص للفون لقي ليلي قفلت فنفخ بضيق
لميس بخبث ايوه هو ده اللي كنت عايزه اوصله اديك اعترفت متلاشيني ليه بقي
فهد بعصبيه لميس حلي عن نفوخي انا غاير وسايبهالك
لميس انا فعلا مش حامل بس وصلت للي كنت عايزاه انك اعترفت انك متغير وخاف مني احسنلك انا زي العقرب لدغتي بموته
فهد بصلها بقرف وخد مفاتيحه ومشي
————————————
في فيلا يوسف
سعاد للعمال يلا مفيش وقت حضروا كل حاجه
العامل خلاص يا فندم يعتبر خلصنا
يوسف بضيق نزل واكمل انتي عامله كل ده للخطوبه ليه يعني يا ماما مش مستاهله
سعاد بخبث هو انا عندي اغلي منك يا حبيبي
يوسف ابتسم ابتسامه مزيفه وسكت
سعاد روح هات مني من البيوتي سنتر
يوسف لا هي هتيجي مع امها انا مش هجيب حد
سعاد بحده يابني اتعلم الادب بقي وروح هاتها وخلص
يوسف نفخ بضيق وراح يجيبها
عند الكوافير
خرجت مني شافت يوسف واقف فراحت حضنته وباست خده بسرعه وغمزت لبنت من صحابها راحت مصوراها
يوسف زقها بحده واكمل ايه القرف اللي انتي فيه ده علي فكره مفيش حاجه بينا علشان طريقتك دي مش جوزك انااا
شيماء ايه يا يوسف ماتعدي ليلتك ينفع يعني تحرج بنتي بلمنظر ده قدام صحابها
يوسف بحده لا يظهر يا طنط تربيتك لبنتك برا البلد لمده خلتها تتعامل باخلاق برا مش اخلاقنا احنا ابدااا
شيماء بحده قصدك ايه قصدك ان بنتي مش متربيه
يوسف بنفخ لا مش متربيه ولا غيره ممكن يلا
مني بتمثيل حزن ممكن فونك اتصور بيه صوره مع صحابي علشان فوني وقع اتكسر بليز يا يوسف وحياه طنط سعاد
يوسف بضيق اتفضلي وحصليني علي العربيه
خدته منه واكلمت تمام ميرسي يا يوسف ومشيت تبتسم بخبث وراحت لصحابها واكملت بضحك اهو يلا بينا واكملت بضيق ايه ده فيه باسورد علشان كده اداهوني عارف اني مش هفتحه مش سهل بردو الواد ده
واحده من صحابها جربي اسم مامته كده
مني جربته واكملت بضيق لا
واحده تانيه طب اسم الحيوانه اللي بيحبها غيرك دي
مني بتفكير كان اسمها ايه ياربي كان اسمها ايه اااه افتكرت روح
وكتبت روح وفتح لقيت صوره لروح ويوسف وهو حاضنها علي الشاشه بس اتضحلها انهم كانوا في مناسبه مجاش في بالها كتب كتابهم
مني بحقد اييييه ده حاطط صورتهم وهو حاضنها وكاتب الباسورد باسمها وبيتكلم عن التربيه لا هي اللي شريفه اووي
واحده من صحابها البت دي لازم تتربي وتبعديها عن خطيبك ابعتلها الصوره حالا واحرقي دمها
مني بحقد وكره ماشي يا ست روح وجابت رقمها واكملت بعصبيه بصوا بجد مسميها ست البنات مش عااارفه بيحبها علي ايه للدرجه ديييي اووووف هطق ورنت عليها
صاحبتها يخربيتك هتبوظي الخطه بترني ليييه
مني بحده هششش اسكتي
روح ايه يا حبيبي
مني بحده حبك بورص يا خطافه الرجاله بصي بقي يا صغننه انتي تبعدي عن يوسف وعايزه ابشرك بشري حلوه والله انتي اول حد يعرفها انهارده كتب كتابي انا ويوسف وجيه خدني من البيوتي سنتر وهبعتلك الصوره حالا تشوفيها واداني فونه اتصور انا وصحابي لاني عيطت لما فوني اتكسر وهو يا حبيبي اداني فونه علشان مستحملش دموعي فانصيحه مني ابعدي عن حياتنا يا شاطره بعد ساعه بلظبط هعلن انا مراته قدام الدنيا كلها
روح كانت بتسمع كلامها ودموعها بتنزل حاسه كأن خنجر ودخل قلبها فاكملت بوجع ودموع انتي. كدابه يوسف بيحبني انا ومستحيل يتجوزك
مني بضحك ده اللي انتي بتتمينه بس للاسف لا هتاخدي قلم هيفوقك اوي يا صغننه وقفلت في وشها السكه وبعتتلها الصوره
روح شافتها حطت ايديها علي بوقها وفضلت تعيط بقهر ووجع
مني فصلت الفون واكملت بخبث كده تمام
صاحبتها بضحك يخربيتك قادره ده انا صدقتك
مني بضحك عيب عليكي
وراحت ركبت العربيه جمب يوسف
مني شكرا اتفضل بس اتصورنا بفون صاحبتي خلاص
يوسف مسكه حطه في جيبه واكمل بضيق العفو
وشويه ووصلوا الفيلا ودخلوا الجنينه المقرر ان يعمل فيها الخطوبه
سعاد بفرح مني ايه القمر ده ياروح قلب ماما
مني بحب تسلميلي يا ماما بجد
سعاد بحب يبختك بيها عروسه زي القمر يا يوسف
يوسف سكت وكان بيتمني ان روح تكون هي اللي معاه في الوقت ده مش هي وقلبه وجعه اوي
———————————–
في اوضه روح كانت عماله تعيط وشافت الدنيا كلها سودا فاكملت بوجع كنت صح لما قولت ده ميتأمنش عليه كنت صح لما خبيت وجودك عن ابوك اديه لتاني مره بيسبني ويبعني وبصت لعلبه الدوا اللي علي الكومودينو واكملت بوجع ودموع خلاص انا لا عايزه يوسف ولا عايزه الدنيا اصلا وفي لحظه الشيطان اتمكن من تفكيرها وكرها فكل الحياه ووهمها انها بتفكر في الصح ومسكت علبه الدوا حطتها في بوقها
في داخله فارس الاوضه واكمل انتي يابت ياروح مش بنادي عليكي واتصدم انها بتعمل كده راح جري عليها وخبط علي ضهرها جامد واكمل بعصبيه بتعملي ايه يا مجنونه تفي اللي في بوووقك تفي عايزه تموتي ابنك وتموتي نفسك وفضل يخبط علي ضهرها لحد ما تفت كل اللي حطته في بوقها قبل ماتبلعه وفضلت ترجع في السله
فارس بصوت عالي نسبيا شرووق تعاالي بسرعه وسندها ودخل الحمام وغسلها وشها وشروق جات
شروق بخوف ايه يا فارس في ايه واكملت بصدمه ماالك ياروح وشالت شعرها عن وشها وفارس كان بيحط في وشها مايه وهي بتغسل وشها
روح بتعب كويسه متخافيش
فارس سندها وخرج بيها من الاوضه وقفها واكمل بحده قوليلي واي ان كان مين اللي وصلك لمرحله انك تحاولي تموتي نفسك او لو لحقناكي هتبقي موتي اللي في بطنك وانا هعمله الادب
شروق بصدمه تموت نفسهاااا
فارس بتنهيده اه الهانم حطت علبه البرشام كلها في بوقها ولولا اني دخلت بلصدفه لولا اني لحقتها
شروق بعياط انتي بتعملي كده ليييه في نفسك عايزه تموتيني عليكي يابنتي تعبتي قلبي كفيااااكي بقي ياروح
روح بدموع ووجع انا مبقتش عايزه اعيش يا شروق انا تعبت خلاص وابني عياطها زاد واكملت ابني ذمبه ايه يجي لدنيا فيها اب مبيحسش بأمه ولا بيقدرها اصلااا يجي يعمل ايه واحنا الاتنين حياتنا خراب
فارس بحده حتي لو يوسف السبب. قوليلي هربيهولك مش تحاولي تموتي نفسك انتي اتجننتي كنتي عايزه تموتي كااافره بسبب يوسف الله يحرق يوسف
روح بعياط تعبانه اوي يا فارس تعبانه بجد وقلبي واجعني
فارس حضنها بحزن واكمل وهو بيطبطب عليها بس بس اهدي يا حبيبتي قولتلك انا اخوكي الكبير وفرق بيني وبينك 9 سنين يعني خبرتي في الحياه اكبر منك واكبر من جوزك نفسه ب 3 سنين وانتي عندي زي تولين بلظبط فقوليلي في ايه وانا والله هحاول اساعدك واجبلك حقك
روح بعياط مني كلمتني وفضلت تحرق دمي ثواني اسمعك فوني بيسجل وجابت المكالمه وسمعتهاله واكملت بعياط وادي الصوره تقدر تقولي ده احس بأمان معاه ازاي
فارس بعصبيه اقسم بالله اقسم بالله كمان مره لو كتب عليها لورقتك هتكون عندك وانهارده وتقعدي في الفيلا معززه مكرمه انتي واللي في بطنك وفي عنيا الاتنين وبردو هربيه مش هيكون اغلي منك انتي اختي الصغيره
شروق بدموع يعني لحقتي تتجوزي علشان ممكن تتطلقي شوفتي اخره تصرفاتك اييه
فارس بعصبيه شروق ممكن تنقطينا بسكاتك
شروق بحزن حاضر يافارس
فارس يلا ومسك ايد روح وشروق نزلت وراهم وركبوا العربيه متجهين للفيلا
———————————–
بعد شويه في فيلا يوسف
سعاد بحب اهلا نورت يا مولانا
يوسف بصدمه همس لامه انتي جبتي المأذون ليه
سعاد بحب علشان نخلي الفرحه فرحتين يا حبيبي وتبقي خطوبه وكتب كتاب علطول
يوسف بحده نعم علي جثتي الكلام ده انا مش هكتب علي حد لو السما اطبقت علي الارض هو انتي ايه هتمشي عليا لا انا محدش في الدنيا يقدر يجبرني علي حاجه انسي بقي لا خطوبه ولا جواز انا همشي وسيبهالك خالص بلاش قرف و حرقه دم
سعاد بتمثيل تعب كده يا يوسف توجع قلب امك اخص عليك لييه يا يوسف انا عملتلك ايه ده انا بتمنالك السعاده وعملت نفسها دايخه
يوسف مسكها واكمل بقلق ماما مالك يا حبيبتي فيكي ايه
سعاد قعدت واكملت بتمثيل تعب جيه اليوم ترفض كلامي وتعمل فيا كده طب لو متجوزتش مني دلوقتي انا مش هدخل العمليات بكره
يوسف بحده ماما انا دراعي مبيتلويش وقسما بالله مش هتجوز يعني مش هتجوز حتي لو حصل ايه
سعاد سندت نفسها وقامت ومسكته قعدته قدام المأذون وحطت ايده في عم مني علشان واكيلها واكملت بتمثيل تعب يلا يايوسف يلا ياحبيبي مفرقتش خطوبه من جواز خير البر عاجله وبعدين انا ست كبيره مش هعيش قد اللي عدي نفسي اشوف خلفتك يا يوسف انتي ابني الوحيد
يوسف اتعصب اوي ورايح يتكلم قاطعه انتباهو لوجود فارس اللي جيه هو وشروق وروح اللي شافته ماسك ايد عم مني كانت هتقع من صدمتها ودموعها نزلت بس فارس سندها ويوسف ساب ايد عم مني بسرعه
فاكمل فارس بس حضرتك حلمك اتحقق يا طنط سعاد من غير مايوسف يكتب علي مني
سعاد بستغراب ازاي يعني يا فارس
روح بصتله بدموع بمعني متقولش حاجه فطبطب علي ايديها وهو ساندها واكمل يعني هتبقي جده بعد 9 شهور مدام روح يوسف عز الدين الشافعي مرات ابنك حامل في ولي العهد ووريث عيلتك الوحيد
يوسف قام وقف واكمل بتفاجئي وفرح حاااامل
سعاد بصدمه ايييه حامل ومراااته
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
