رواية إكليل الحياة الفصل الثاني والسبعون 72 بقلم دودو محمد
رواية إكليل الحياة الجزء الثاني والسبعون
رواية إكليل الحياة البارت الثاني والسبعون
رواية إكليل الحياة الحلقة الثانية والسبعون
“البارت الثانى وسبعون”
مر عدة ايام
هبطت ابرار من السياره ونظرت حولها بحزن شديد تذكرت ما حدث بالسابق تنهدت بوجع وتحركت باتجاه المنزل صعدت إلى الأعلى وضغطت على زر الجرس وانتظرت قليلا فتحت لها ملك ونظرت لها بسعاده واحتضنتها بعدم تصديق وقالت
-ابرار حبيبتى واحشتينى اوى
ربت على ظهرها بحنو وقالت
ابرار :-انتى اكتر يا قلبى عامله ايه
ابتسمت لها وقالت بنفاذ صبر
ملك :-تالين مطلعه عينى تعالى ادخلى
دلفت إلى الداخل وبحثت بعينيها على والدتها وقالت بتساؤل
ابرار :-فين ماما
أشارت على الغرفه وقالت
ملك :-فى اوضتها بتريح شويه
وفى ذلك الوقت سمعت صوت بكاء طفلتها زفرت بضيق وقالت
-اهى السرينه اتفتحت ثوانى اروح اجيبها
ابتسمت لها وجلست على الأريكة نظرت حولها بحزن شديد وفى ذلك الوقت جاءت ملك ومعها ابنتها حملتها ابرار بسعاده وقبلتها بحب وقالت
ابرار :-بسم الله ماشاءالله نسخه من ابوها ربنا يباركلك فيها يارب
جلست بجوارها وربت على ظهرها وقالت
ملك :-عقبال ما ربنا يهديكى وتوافقى على العرسان اللى بتجيلك وانتى بترفضيها
زفرت بضيق وقالت
ابرار :-ملك قفلى الكلام فى الموضوع ده أنا هدخل اشوف ماما
ونهضت من على الأريكة
اقتربت منها حتى تأخذ ابنتها لكن ابرار ابعدتها عنها وقالت
-اوعى كده سبيها هخدها معايا الاوضه
وتحركت باتجاه غرفة والدتها دلفت إلى الداخل وأغلقت الباب خلفها تحرك ببطئ شديد واقتربت منها ووضعت ابنت ملك بجوارها وقالت
-تيته يا تيته اصحى كلمى توته عايزاكى
فتحت عينيها بعدم تصديق ونظرت لها بسعاده اعتدلت سريعا على فراشها واحتضنتها بدموع وقالت
وفاء :-بنتى حبيبتى واحشتينى اوى كده برضه يا ابرار اهون عليكى كل ده متجيش تشوفى امك
ربت على ظهرها بحنو واحتضنتها أكثر وقالت
ابرار :-يااااااه يا امى حضنك واحشنى اوى انتى كلك على بعضك واحشتينى
ثم قبلت يدها وقالت بحب
-عامله ايه يا حبيبتى وصحتك ايه اخبارها
اجابتها بنبره هادئه وقالت
وفاء :-الحمدلله يا حبيبتى بخير المهم طمنينى عليكى عامله ايه هناك فى الصعيد
ابتسمت لها برضا وقالت
ابرار:-مرتاحه كتير عن هنا كلهم هناك شيلنى على كفوف الراحه وجدى الله يباركله مش مخلينى عايزه حاجه
تنهدت بحزن وقالت بتساؤل
وفاء :-وحياتك يا ابرار على كده وقفت مافيش شئ جديد فيها انا نفسي افرح بيكى يا بنتى واشيل ابنك على أيدى
تنهدت بضيق وقالت
ابرار :- حتى انتى يا ماما حرام عليكم ارحمونى شويه بقى مش كل ما حد يشوف وشى يكلمنى فى الموضوع ده أنا كده مستريحه
ثم وضعت ابنة ملك على قدم والدتها وقالت
-وبالنسبه لابنى اللى انتى عايزه تشيليه اهى عندك اهى بنت ملك بنتى وابن ريم ابنى وابن سعديه ابنى كل دول ولادى علشان كده عمرى ما هكون وحيده
ثم ابتسمت لها وقالت بمرح
-وبعدين انتى اخدينى فى الكلام ومسألتنيش انا جعانه ولا لا
ابتسمت لها ابتسامه هادئه وقالت
وفاء :-حاضر يا قلب امك هخلى ملك تعملك لقمه بسرعه
حركت رأسها بالرفض وقالت
ابرار :-لا خلاص انا بهزر يدوب الحق انزل واروح ازور ريم وبعد كده اروح لاحمد اخويا علشان واحشنى
ثم قبلتها بوجينتها وقبلت الطفله وقالت
-خلى البت معاكى احسن أمها مفجوعه و تاكلها
وتحركت سريعا إلى الخارج وجدت ملك تجلس تنتظر خروجها عندما رأتها نهضت سريعا وقالت
-رايحه فين كده
اجابتها وهى تأخذ حقيبة يدها وقالت
ابرار :-هروح اطمن على ريم اختى وأسلم عليها وبعد كده هروح ازور احمد، انتى قاعده ولا ماشيه
حركت رأسها وقالت
ملك :-لا ماشيه طبعا زمان معاذ جاى من الشغل هيخدنا ونروح
ابتسمت لها وقالت
ابرار :-مش مشكله بكره نبقى نقعد مع بعض براحتنا
ثم قبلتها بوجينتها واتجهت إلى الباب وغادرت سريعا.
……………………………………………………………..
عاد سراج إلى المنزل وجد والدته تجلس بطفلته الصغيره نظر لهم بحزن واتجه إلى غرفته
نظرت إلى أثره بضيق ونهضت من على مقعدها واتجهت إليه ودلفت الغرفه عنده وقالت
اعتماد :-واخرت اللى انت بتعمله ده ايه لا بتتكلم معانا، و بتاكل معانا بالعافيه حتى بنتك عمرك ما فكرت تشيلها من ساعة ما اتولدت واخدناها احنا كلنا زعلانين علشان ابرار ونفسنا ترجع النهارده قبل بكره بس ما باليد حيله بنتك ملهاش ذنب فى كل اللى انت بتعمله ده يعنى مش كفايه اتحرمت من امها المجنونه دى كمان تتحرم من ابوها والله حرام
ثم قربت ابنته منه وقالت
-خد شيل بنتك يا حبيبى ربنا يهديك احضنها وهى هتنسيك الزعل كله
نظر إلى ابنته وحرك رأسه بالرفض وقال
سراج :-مش عايز يا ماما ارجوكى متغصبيش عليا خديها من قصادى
هدرت به بغضب وقالت
اعتماد :-هو ايه اللى مش عايز دى بنتك يا سراج ملهاش ذنب باللى عملته أمها
تكلم بغضب وقال
سراج :-لا ليها يا ماما لو مكنتش قربت من امها وحملت فيها مكانتش ابرار زعلت منى كل الزعل ده وكانت زمانها رجعت ليا وسامحتنى، انا بكرهه زى ما بكره امها واكتر
نظرت له بصدمه وقالت
اعتماد :-شكلك اتجننت يا سراج دى بنتك من لحمك ودمك ازاى تقول عليها كده ملهاش دعوه بكل اللى حصل ده كل اللى هى محتاجه منك هو الحنان والعطف خدها فى حضنك يا ابنى علشان خاطرى
نظر إلى ابنته بدموع وحرك يده ببطئ حتى يحملها حملها بين ذراعيه وتعالت شهقاته وقال
سراج :-انا مش عارف ليه بيحصلى كل ده بقى عندى بنت من اكتر واحده كرهتها فى حياتى وحبيبتى بعدت عنى ورافضه تسامحنى وترجعلى أنا تعبان اوى يا امى ومش قادر استحمل اكتر من كده
ربت على ظهره بحنو وقالت
اعتماد :- يا حبيبى ده مقدر ومكتوب واكيد ربنا ليه حكمه فى كده وان شاءالله يهديلك ابرار وتسامحك أنا مستبشره خير فى فرح اخوك على هيكون وش الخير عليك بإذن الله وبكره تقول امى قالتلى، خلى بنتك معاك خدها فى حضنك واشبع منها وانا هطلع اجهز الاكل
تحركت إلى الخارج وأغلقت الباب خلفها
نظر إلى ابنته نظره مطوله أمسك يدها الصغيره وظل يتابع حركاتها بشعور غريب ومختلف قرب يدها من شفتيه وقبلها بحب ابتسم لها عندما رآها تنظر له وتبتسم ثم تحرك بأتجاه السرير وضعها عليه وتسطح بجوارها وظل يربت عليها حتى ذهبت فى النوم اخذها بحضنه واغلق عينه وبعد وقت ذهب إلى سبات عميق.
……………………………………………………………..
وصلت ابرار إلى بيت شقيقتها ريم وضغطت على زر الجرس وانتظرت قليلا بعد عدة ثوانى فتحت لها ريم ونظرت لها بعدم تصديق وقالت
-ابرار انتى جيتى امته
احتضنتها بحب وقالت
ابرار :-لسه من شويه
ثم ابتعدت عنها وقالت بمزاح
-وبعدين أنا مش جايه علشانك فين دومى واحشنى اوى ابن الايه
ابتسمت لها وافسحت لها الطريق وقالت
ريم :-الاستاذ مستحوذ على تليفونى وقاعد بيتفرج عليه جوه
تعالت ضحكاتها وقالت
ابرار :-احسن تستاهلى
ثم قالت بصوت مرتفع
-دومى حبيب خالتو انت فين
وفى ذلك الوقت جاء يركض إليها وألقى نفسه داخل أحضان ابرار
احتضنته بحب وقالت
-يااااااه واحشتنى اوى اوووووى
وظلت تقبل وجينته بحب وقالت
-انا لسه فاكره شكله وهو مولود فى السابع وصغنن اوى
زفرت بضيق وقالت
ريم :-اسكتى متفكرنيش ايام كانت صعبه منساش لما الدكتور قال بعد الشر يعنى أن حالته صعبه ومنتظرش أنه يعيش لو مكانش جدو صمم أننا نروح البيت معاه كنا زمنا دلوقتى ضايعين
اومأت رأسها بالتأكيد وقالت
ابرار :-الحمدلله انها جات لحد كده، اومال فين اشرف
نظرت إلى الغرفه وقالت
ريم :-كالعاده جه من الشغل ونام
جلست على الأريكة ووضعت ابن اختها على قدميها وقالت
ابرار :-معلش يا حبيبتى ربنا يقويه
وفى ذلك الوقت سمعوا صوته يقول
اشرف:-سمعتك على فكره، بنت عمى واحشتينى والله عامله ايه
ابتسمت له وقالت بنبره هادئه
ابرار :-الحمدلله اخبارك انت ايه
نظرت له بضيق وقالت
ريم :-يا سلااااااام اشمعنا بقى لما سمعت صوت ابرار صحيت وانا كل يوم اتحايل عليك تقعد معانا شويه وانت ترفض
أجابها بمرح وقال
اشرف:-انتى فى وشى كل يوم إنما هى بشوفها كل شهر مره
تعالت ضحكاتها وقالت
ابرار :-انتوا مش بتزهقوا من الخناق مع بعض بقى حد يبقى معاه العسل ده كله ويتخانق
وظلت تقبل ابنهما بحب
جلس على الأريكة وقال بأبتسامه
اشرف :-بحب اعصبها اوى بتبقى قمر وهى متعصبه
ابتسمت بسعاده وقالت
ابرار :-ايوه يا عم مين قدك الاخ بيتغزل فيكى قصادى وعامل حجتى
نظرت له بابتسامه وقالت بسعاده
ريم :-رغم أنه رافع ضغطي على طول بس بمووووت فيه برضه، هروح اجبلك حاجه تشربيها
وتركتهم واتجهت إلى المطبخ
ظل ينظر عليها حتى اختفت من أمام عينه ثم نظر إلى ابرار وقال بصوت هامس
اشرف :-مش ناويه تستقرى هنا بقى وتستلمى شركتك وتشغليها بنفسك
حركت رأسها بالرفض وقالت
ابرار :-انا قولتلك مليون مره انا مش هرجع هنا تانى واعتبر أن الشركه دى بتاعتك انت وحسك عينك حد يعرف بالموضوع ده
زفر بضيق وقال بأستغراب
اشرف :-انا لحد دلوقتى مش فاهم ايه سبب انك رافضى تقولى لحد على الشركه اللى عندك بالعكس الكل هيتمنالك الخير والله
ردت عليه سريعا وقالت بتوضيح
ابرار :-انا عارفه أن كله بيتمنى ليا الخير والله بس انا مش حابه اعرف حد دلوقتى ولو انت شايف انك مش قادر تدرها ممكن اشوف حد تانى يمسكها
هدر بها بغضب وقال
اشرف :-بلاش هبل وعبط أنا مش بقول كده علشان تعبت من إدارتها انا بقول كده علشان نفسي تستقرى هنا ويكون ليكى كيان وتعيشى حياتك بقى
وفى ذلك الوقت جاءت ريم ونظرت لهم بأستغراب وقالت
-انتوا بتتكلموا براحه ليه هو فيه اسرار ما بينكم وانا معرفش
ابتسمت لها وقالت
ابرار :-انتى هتغيرى عليه منى ولا ايه يا بت اشرف ده اخويا جوز اختى وأبو اجمل واحلى وألذ دوما فى الدنيا
وضعت أمامها المشروب وقالت
ريم :-مش حكاية غيرا على فكره بس بتغاظ لما احس ان فيه حاجه مستخبيه عليا
امسك يدها اجلسها بجواره وأحاطها بذراعيه وقال بحب
اشرف :-حشريه بس بموت فيكى برضه
تعالت ضحكاتها وقالت
ابرار :-لا أنا كده شكلى بقى وحش أنا هاخد دوما معايا وهنروح عند احمد
تكلم سريعا وقال
اشرف :-يبقى عملتى معايا احلى واجب وياريت تخليه نايم معاكى النهارده الواحد واحشته حياته القديمه
ونظر إلى ريم وغمز لها
هبت واقفه وحملت ادم بين ذراعيها وقبلته بحب وقالت
ابرار :-ده النهارده احسن يوم فى حياتى
وتحركت بأتجاه الباب ثم نظرت لهم بأبتسامه وقالت
-قول لماما وبابا بااااااى
ثم فتحت الباب وغادرت البيت
اقترب إليها وقال بسعاده
اشرف :-اخيرا هنكون براحتنا
ابتسمت بخجل وقالت
ريم :-اوعى يا مجنون خلينى اقوم اشوف اللى ورايا
نهض سريعا وحملها بين ذراعيه وقال
اشرف :-هو فيه اهم من الحاجه دى وراكى بقولك اخيرا هنكون براحتنا لا عيل يزن ولا عيل يهد حيلك وتنامى من التعب
وتحرك بها اتجاه غرفتهم ودلف إلى الداخل واغلق الباب بقدمه.
………………………………………………………………..
جلست ولاء على السرير بسعاده أمسكت الهاتف الخاص بها وأجرت اتصالا هاتفيا وانتظرت الرد وبعد عدة ثوانى أتاها صوت رجولى قائلا
على :-حياتى تليفونى كان بيرقص من الفرحه لما شاف اسمك
تعالت ضحكاتها وقالت
ولاء :-يا ابنى انت بلاش طريقتك دى مش لطيفه خالص والله انا من غير اى حاجه بحبك مش محتاجه بقى كلامك ده
رد عليها بضيق وقال
على :-تصدقى انك ناكره لجميل فيه بنات كتير على فكره تتمنى اقولها كلمه واحده من دول
هدرت به بغضب وقالت
ولاء :-بنات مين دول يا سي على ايوه كده اظهر وبان على حقيقتك
تعالت ضحكاته وقال بحب
على :-اموت أنا فى اللى بيغير عليا ده عسل يا ناس امته بقى تبقى فى بيتى وحضنى خلاص هتجنن نفسي اعمل كل اللى نفسي فيه هما اليومين دول مش عايزين يمشوا كده ليه
ابتلعت ريقها بتوتر وقالت
ولاء:-ع ع على اتلم وبعدين خلينى اقولك الكلمتين اللى متصله بيك علشانهم
تكلم بأستغراب وقال بتساؤل
على :-كلمتين ايه دول قولى
إجابته بسعاده وقالت
ولاء :-ابرار هنا وصلت من الصعيد النهارده
رد عليها بعدم تصديق وقال
على :-بجد !!
تكلمت سريعا وقالت
ولاء:-اه والله لسه مكلمانى من شويه وقالتلى انها جات وهتزور اخواتها أنا كنت متاكده أنها مستحيل متحضرش فرحى
تنهد بأرتياح وقال بتمنى
على :-طيب يا مسهل يارب ربنا يحنن قلبها على سراج وتسامحه احسن صعبان عليا اوى وفرحتى مكسوره بسببه بس تفتكرى هيكون ايه رد فعلها لما تعرف أن سراج معاه بنت من صفاء
زفرت بضيق وقالت بقلق
ولاء :-ربنا يستر أنا قلقانه اوى من الموضوع ده الواحد بيقنعها أنها تسامحه بالعافيه محال بقى لما تعرف أنه معاه بنت من صفاء
أجابها بأطمئنان وقال
على :-انا متأكد انها أن شاءالله هتسامحه ابرار بتحب سراج ومهما حاولة تنكر ده مش هتقدر تصمد للآخر
اومأت رأسها بأقتناع وقالت
ولاء :-عندك حق ربنا يهديها ويصلح الحال ما بينهم، أنا هقفل معاك دلوقتى علشان اكلم ابرار واطمن عليها باى
رد عليها بنبره هادئه وقال
على :-ماشى يا قلبى وانا هبقى اكلمك قبل ما انام باى
أغلقت الخط معه قامت بالاتصال بأبرار لكنها وجدت الشبكه غير متاحه وضعت الهاتف بجوارها ونهضت من على فراشها واتجهت إلى المرحاض.
……………………………………………………………
وصلت ابرار عند احمد بالفيلا وعلى ذراعها ادم نظرت حولها وتذكرت الماضى شعرت بنغزه بقلبها تنهدت بحزن وتحركت إلى الداخل ضغطت على زر الجرس وانتظرت قليلا
فتح احمد ونظر لها بسعاده احتضنها بحب وقال
-ابرار حبيبت قلبي واحشتينى اوى انتى جيتى امته
ربت على ظهره بحنو وقالت
ابرار :-لسه جايه من شويه يدوب روحت سلمت على ماما وملك وبعد كده روحت عند ريم وأشرف وبعد كده جبت حبيب خالتو وجيت عليك
ثم ابتعدت عن حضنه وقالت
-واحشتنى اوى يا حبيبى عامل ايه
اومأ رأسه بحزن وقال
احمد :-بقيت وحيد وعايش لوحدى
نظرت له بشفقه وقالت
ابرار :-انا اسفه يا احمد حاولة والله اتنازل عن اللى عملته فيا مامتك بس منفعش علشان كان فيه جريمه تانيه قبلها بتاعة موت بابا حقك عليا يا حبيبى
حرك رأسه بالرفض وقال
احمد :-انتى ملكيش ذنب انتى اللى حقك علينا علشان اللى حصلك بسبب ماما واهى اخدت نصيبها اللى تستحقه ومنتظره تنفيذ الحكم فى اى لحظه هى واللى اسمه رسلان تعالى ادخلى
أخذ منها ادم وافسح لها الطريق
دلفت إلى الداخل وابتسمت له ابتسامه حنونه وقالت
ابرار :-مبروك على خطوبتك انت ووسام هى جات متأخر شويه بس انت عارف الظروف
ابتسم لها وقال بحنو
احمد :-الله يبارك فيكى يا حبيبتى عارف انك غصب عنك مجتيش الخطوبه بس تتعوض فى الليله الكبيره أن شاءالله
جلست على الأريكة وقالت بأستغراب
ابرار :-بس ايه اللى غير رأيهم فاجئه كده مش كانوا رفضينك
اومأ رأسه بالتأكيد وقال
احمد :-ايوه كانوا رافضين بس اتفاجئت بسراج بيتصل بيا من فتره وبيبلغنى أنهم موافقين عليا وروحت قعد معاهم أنا وأشرف وجدى واتفقوا على كل حاجه والفرح بعد الجامعه أن شاءالله
ردت عليه بضيق وقالت
ابرار :-سراج بنفسه اللى اتصل بيك!! غريبه
تكلم سريعا وقال
احمد :-لا على فكره سراج اتغير خالص عن لما عرفنا انتى لو شوفتيه مش هتعرفيه دقنه كبرت وعيونه مطفيه ومكسوره مبقاش ليه صوت اصلا انا اوقات لما اشوفه بستغرب هو ازاى بقى منكسر اوى كده
أغلقت عينيها و حاولة كبت عبراتها ثم تنهدت بحزن وقالت بصوت موجوع
ابرار :-هو اللى جابه لنفسه محدش ضربه على ايده وقاله يعمل كده ، ما علينا سيبك من السيره دى وطمنى عامل ايه انت ووسام
اومأ رأسه بسعاده وقال
احمد:-هى اللى مهونه عليا أيامى لما بشوفها بنسي اى حاجه مزعلانى وتلقائية بلاقى وشى بيضحك لوحده
ابتسمت له بسعاده وقالت
ابرار :-ربنا يسعدكم يا حبيبى يارب
تكلم سريعا وقال بتساؤل
احمد :-مش ناويه تستقرى هنا بقى يا ابرار ما بلاش موضوع الصعيد ده وخليكى جنبى وتعالى عيشى معايا فى الفيلا بدل ما انا عايش فيها لوحدى
حركت رأسها بالرفض وقالت
ابرار :-مش هينفع خلاص يا احمد انا كده مستريحه اكتر معنديش استعداد ارجع واعيش هنا تانى
زفر بضيق وقال
احمد :-ليه بس قوليلى سبب واحد مقنع
نظرت له بحزن وقالت
ابرار :-علشان أنا مرتاحه طول ما انا بعيده عن سراج يا احمد اعتقد ده سبب كافى أن اكمل حياتى فى الصعيد
رد عليها سريعا وقال
احمد :-ده على أساس أنه مش بيروح ليكى هناك كل اسبوع مره علشان يتحايل عليكى تسامحيه هنا ولا هناك مافيش مفر من حب سراج، مهما روحتى هيفضل معاكى لانه ساكن هنا يا ابرار
وأشار بأصابعه على قلبها
نظرت له بحزن وقالت
ابرار :-علشان خاطرى يا احمد قفل على الموضوع ده
ثم هبت واقفه وقالت
-انا همشى بقى الوقت اتأخر وعايزين نقضى يوم مع بعض كلنا قبل ما ارجع الصعيد
نظر لها بأستغراب وقال
احمد :-انتى رايحه فين !؟ مش هتتحركى من هنا فاهمه
حركت رأسها بالرفض وقالت
ابرار :-مش هينفع يا احمد ماما منتظرانى خليها مره تانيه
نظر على ادم وقال
احمد :-الولد نام حرام تمشى بى فى وقت زى ده خليكى قاعده معايا النهارده وهنسهر مع بعض لصبح من زمان اوى وانا عايش فى الفيلا لوحدى ومفيهاش روح علشان خاطرى وافقى
نظرت له نظره مطوله وقالت
ابرار :-حاضر يا احمد بس سيب ادم هنيمه جنبى على السرير
اومأ رأسه بسعاده وقال
احمد :-ماشى موافق هدخل احطه فى الأوضه جوه وجايلك على طول
وتحرك باتجاه الغرفه
نظرت إلى أثره بسعاده وجلست على الأريكة تنتظر رجوعه.
……………………………………………………………….
بعد يومين
جاء اليوم المنتظر يوم زفاف ولاء وعلى
تجهزت ولاء گ اميره فى ليل زفافها نظرت لها بسعاده وقالت
-بسم الله ماشاءالله طالعه قمر يا حبيبتى
تنهدت بتوتر وقالت
ولاء :-بجد !! أنا خايفه اوى وحاسه ان شكلى مش حلو أنا رجلى مش شيلانى
ابتسمت لها بحب وقالت
ابرار :-ده شئ طبيعى انك تخافى وتتوترى بس فكرى فى الحاجات الحلوه انك خلاص اخيرا هيتقفل عليكم باب واحد وأنك كل يوم هتفتحى عيونك عليه وهتشوفيه هو اخر واحد قبل ما تنامى فكرى أن نومك فى حضنه بقى مباح ليكى ودى اجمل حاجه فى الجواز
ابتسمت لها وقالت بحب
ولاء :-انا فعلا فكرت فى كل ده وفرحانه بى وفرحانه أن اخيرا هكون مرات على بس فكرت الجواز نفسها وان هيتقفل علينا أنا وهو باب واحد دى مخوفانى
ربت على يدها بحب وقالت
ابرار :-انا واثقه فى على أنه هيقدر ينسيكى الخوف ده كله
وفى ذلك الوقت سمعوا صوت طرقات على باب غرفت ولاء نظرت لها وقالت
ولاء:-روحى افتحى شوفى مين
تحركت بأتجاه الباب وفتحته وجدتها ملك افسحت لها الطريق وقالت
ابرار:-ايه يا بنتى التأخير ده كله
أعطتها ادم ابن ريم وقالت
ملك :-خدى بس الاول اختك بعتته ليكى علشان عمال يزن وعايزك، ثانيآ بقى اعمل اي يعنى مش على ما خلصت ولبست البرنسس تالين دى طلعت عينى وفى الاخر نامت بره مع ابوها، ثالثآ بقى اخلصوا يلا علشان العريس مستنى بره علشان يخدك القاعه
حملقت عينيها بصدمه وقالت
ولاء :-ع ع على جه
اومأت رأسها بالتأكيد وقالت
ملك :-اممم
نظرت لها بتوتر وقالت بتساؤل
ابرار :-مين جه مع على ؟؟
اجابتها بتوضيح وقالت
ملك :-هو وسراج
زفرت بضيق وقالت بغضب
ابرار :-كنت متوقعه كده انا لازم امشى
تكلمت بضيق وقالت
ولاء :-تمشى فين يا مجنونه استنى هنا وبعدين ما انتى كنتى متاكده أنه هيبقى موجود ده فرح اخوه منتظره ايه يعنى
نظر لها الطفل بخوف وبدأ يبكى
نظرت له بابتسامه حزينه وقالت
ابرار :-اهدا يا حبيبى متخافش ايه رأيك نلعب مع بعض روح استخبى وانا ادور عليك
ابتسم لها الطفل وركض بعيد عنها
تكلمت بصوت حزين منخفض وقالت
-انا مش مستعده لاى كلمه منه دلوقتى أنا ما صدقت أن هديت شويه لما بعد عنه
ربت على يدها وقالت بنبره هادئه
ولاء :-اهى ليله وهتعدى يا ابرار وياريت تسيبى نفسك النهارده وتسمعيه علشان خاطرى حاولى يا ابرار
وفى ذلك الوقت سمعوا صوت طرقات على الباب فتحت ملك الباب وجدته معاذ طلب منها أن تحضر ولاء حتى تذهب هى وعلى الى قاعة الزفاف
خرجت ولاء مع معاذ وتبقى ملك وابرار
نظرت إلى الطفل الصغير واخذت نفس عميق وحاولة أن تهدأ وابتسمت له وقالت بصوت منخفض
ابرار :-انا متأكده أنه ما هيصدق يشوفنى علشان يقول الكلمتين بتوع كل مره بس انا هعرف اسكته بطريقتى، امشى يلا
وظلت تمثل انها تبحث عن ادم ولم تراه وقالت بأبتسامه
ابرار:-دومى انت فين يا ولا جننتنى معاك
ظهر لها من خلف الستار وابتسم لها وركض بعيد عنها
ركضت خلفه وامسكته وظلت تقبله بحب
نظرت لها بقلق وقالت بتساؤل
ملك:-طيب انتى ناويه تعملى ايه
تنهدت بأبتسامه حزينه وقالت
ابرار :-عادى يعنى هعمل ايه !؟
اجابتها بحزن وقالت
ملك :-انا متأكده انك بتتقطعى من جواكى وقلقانه من مواجهة النهارده
ثم أمسكت يدها وقالت بنبره حنونه
-بس مش عايزاكى تقلقى انا جنبك ومعاذ كمان ومش هنسيبك لحظه واحده
احتضنة الطفل بحب وقالت بأبتسامه
ابرار :-طول ما دومى معايا مش هخاف من حاجه ابدا
ثم وقفت أمام المراه ونظرت إلى مظهرها النهائى وأخذت نفس عميق واخرجته بهدوء وقالت
-انا جاهزه يلا بينا
تحركت ملك واتجهوا إلى الباب
أغلقت ابرار عينيها وامسكت يد ملك بتوتر وتنهدت بوجع ثم نظرت إلى اختها وامأت رأسها لها تطمئنها عليها
أمسكت يد الطفل وانفتح الباب وخرجوا منه سويا حتى تقابلت عينيها بعين سراج شعرت دقات قلبها تزداد عندما رأته يقترب منها أغلقت عينيها سريعا وفى ذلك الوقت سمعت صوته وهو يقول لها…….
………………………………………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إكليل الحياة)
