رواية جمانة الفصل الثالث عشر 13 بقلم هوس ريجا

رواية جمانة الفصل الثالث عشر 13 بقلم هوس ريجا

رواية جمانة البارت الثالث عشر

رواية جمانة الجزء الثالث عشر

رواية جمانة الحلقة الثالثة عشر

غير ركبت تفاجأت بوحدة قاعدة من القدام ودايرة نقاب عدل التروفيزور وقابلو ليا شفت معاه بصدمة شكون هذه لي معاه ماشي خطيبتو ايه هي وشكون راح تكون بقاو يهدرو مافهمت والو علواه يهدرو كي شفتو يضحك معاها تغرغرو عينيا بالدموع هي يضحك معاها وانا مايشوفش حتى في وجهي عندها الحق رهوة الحب ماشي بالسيف واقيلا جا الوقت نحيه من حياتي نص ساعة ڨارا الطوموبيل قدام باطمة بقاتو على خير و حلت الباب هبطت بقيت حايرة على حساب علمي لي خطبها جارتو بصح هذه تسكن هنا ماشي تكون هذيك لي بعثتلو فوطوها فالانستغرام هذا شحال من وحدة في حياتو مافهمت والو حكمني الفضول مشا بالطوموبيل ماقدرتش نسكت حمزة شكون هذه شاف معايا من المراية خويا حمزة ماشي حمزة ماتتجاوزيش الحدود بيناتنا ،جاوبني على سؤالي _سڨمي اسلوبك معايا مانيش صاحبتك حتى تهدري معايا هكذا وماعندو مادخلك فيا حدودك ماتتجاوزيهاش معايا انا خ قاطعتو خلااااااص علبالي انت خويا ماتبقاش كل مرة تفكرني بهذا الشي خلااااااااص اووو نهار كامل وانت خوك خوك خوك كرهتني في هذه الكلمة حتى وليت نتقزز منها حسيت بضيقة حابة نبكي ومالقيتش دموعي وليت نشهق بصعوبة ڨارا ودار عندي استغرب حالتي واشبيك بقا يشوف معايا بخوف وقلق زرب حل الباب وركب معايا فتحلي قرعة هاكي اشربي هاكي عطاني شربت هاتي يدك اغسلي وجهك فرغلي الما في يدي غسلت وجهي ورجعت تكيت على الكوسالة شفت معاه لقيتو سرحان فيا قلبي يولي يرجف كي يكون قريب مني هكذا فاق مع روحو مسح وجهو بيدو وحل الباب هبط وركب ديمارا وكل دقيقة عينو طيح في عيني شعل ڨارو وبقا ڨارو ياكل ڨارو حتى وصلنا زربت هبطت ودخلت الشمبرة مخذولة ومقهورة وافكار تجي وتروح في راسي جبدت تليفون من يدي وفي لحظة متهورة عيطت لجهينة ريبوندات عليا اهلا جوجو ،جهينة عمر راه هنا _ايه هنا هذا وين جا،تعيشي تجوزيهولي _اش فما ،لا والو محتجاتو برك _يزي دقيقة شوية جاني صوتو الملهوف اهلا بقطوستي كيفاه حتى تفكرتني ،عمر مزالك مزورب على موضوع الخطبة ،علاش_تساعدك السمانة هذه حسيتو تصدم _وي نورمال مكان حتى مشكل حبيبي غلقت عينيا على هذ الكلمة مانيش متقبلتها اك بالسلامة وكوبيت عليه ديراكت رميت تليفون وتكسلت على السرير مشوشة ماعلباليش هذا القرار صح ولا غالط
____الساعة 7 نضت لبست وفطرت سمعت صوتو يهدر فالحوش مع جدة هذا بات هنا خرجت صبحت عليهم _واجدة درتلو براسي ايه _هيا امشي راح خرج وخرجت وراه ركبت طريق كومبلي وحنا ساكتين اصلا مانيش معاه راقدة على الكارو ونسيت روحي مارجعني غير صوتو جمانة شفت معاه امم _واشبيك ،قولي واش لي مابيكش تنهد وسكت مزادش سقسا حتى وصلنا للجامعة راح نهبط _استناي درت عندو دار عندي فتحلي الصاك حطلي الدراهم قتلك مانيش محتاجة ،روحي بركاي من الهدرة الزايدة شفت معاه وهبطت ماكنتش في جو تاع قراية
روحت نص النهار لدار غير وصلت لدار قاتلي ماما روحي كاش ما تشري ليك واش راح تلبسي فالخطبة خرجت انا ورهوة ندور رهوة تقولي خيري وانا بالي في غير بلاصة قد ماحاولت مانخممش فيه نلقى روحي نخمم فيه كي شافتني رهوة مراحش نشري ولات خيرتلي روب صواري فالڨري بذرعيها وطالو واكسسوارات تاوعها و خارجنا من ثم نمشو شفت طوموبيلتو مڨارية بعيد وهو متكي عليها وهاز ڨارو جيت ندور عيطلنا رحنا عندو بقا يشوف معايا هبطت راسي وقتحت الباب ركبت انا ورهوة ملور طريق كومبلي وهو يشوف معايا فالمراية حتى وصلنا لدار حلت رهوة الباب دخلت لدارهم وانا هزيت الحوايج وهبطت كان التليفون في يدي صونا حسبتها ماما عيطت كي طولنا لقيتها جهينة طلعت راسي لقيتو يشوف معايا خطفو من يدي وريبوندا بلا مايهدر بقا يسمع هز حاجبو وكوبا شاف معايا خسارة تربيتي فيك هذه اخرتك تتمعشقي مع واحد فالحرام عرفتو كان عمر لي يهدر عيط من عند جهينة جيت نهدر رمالي تليفون ادخلي ادخلي كل نهار تزيدي طيحي من عيني كثر ،حمزة والله ما قاطعني ادخلي ،حمزة_ انتي ماتفهميش ادخلييي ماتخلنيش نعيط عليك هنا دخلت خليتو من هذاك النهار سمانة ما شفتو

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جمانة)