رواية نبض قلبي لك الفصل الثاني 2 بقلم مارلي إيهاب
رواية نبض قلبي لك البارت الثاني
رواية نبض قلبي لك الجزء الثاني
رواية نبض قلبي لك الحلقة الثانية
يا لهيبَ الشوقِ فلترْأفْ بحالِ المشتاقِ إذا داهمَهُ الهوى..
وقل يا لظىٰ الفؤادِ صبرًا، غدًا تجلوكِ عذوبة اللقاءِ….
♥♥♥♥♥♥♥♥♥♥♥♥♥♥
ريهام كانت في المستشفى وهي بتجري والدموع نزله زي الشلال
ريهام ببكاء…. انا كلموني و قالولي ان جوزي عمل حادثة
الاستقبال… اسمه يا فندم
ريهام.. احمد ممدوح
الاستقبال.؟ اوضة العمليات الدور الرابع اوضة 303
ريهام جريت علي الاسانسير وهي لسه بتبكي طلعت فوق وشافت ممرضة وسالتها وقالته لسه في العمليات
ريهام طلعت تلفونها واتصلت علي حماها وقلتله
ممدوح. بغضب. اقفلي يا وش النحس
ممدوح اتصل علي تاصم وقاله
عايدة بخوف….. في ايه يا خويا ابني ماله جراله ايه رد عليا
ممدوح… عمل حادثة بل العربية
عايدة صرخت… يا نصيبتي. ابني وديني. عند ابني.
ممدوح بعصبية…. بس اخرسي بقي
عاصم غير هدومه ونزل بسرعة… يلا يا بابا
عايدة ببكاء…. خدني يا عاصم يا بني
عاصم… خليكي يا ماما واحنا هنطمنك انتي مش هتقدري علي الطريق
ممدوح… ايوه خليكي هنا
مشي ممدوح وعاصم ونزلت وفاء. والبنات يقعدوا مع عايدة
وفي خلال ساعتين كانوا وصلوا وكان احمد لسه في اوضة العمليات
ممدوح بعصبية…. من يوم ما دخلتي حياتنا نحستيها يا بنت الملاجاء انتي اللي زيك مكانه الشارع
ريهام ببكاء… انا مش ذنبي ان اهلي ماتوا واعمامي حطوني في الملجاة انا مش بنت حرام علشان تعايرني كده حرام عليكم انت ظالم
ممدوح اتعصب عليه وضربها بل القلم وقعها في الارض ريهام صرخت بوجع وعاصم مسك ابوه… يابا مينفعش كده حرام عليك. دي عيلة سبها في حالها بقي
ممدوح… ان ما خليته يطلقك مبقاش انا ممدوح
الدكتور خرج وقال بإسف….. البقاء لله جاله نزيف فجاء والقلب وقف
ريهام مستحملتش الصدمة و اغمي عليها
الممرضين شلوها وحطوها في اوضة وكشفوا عليها وعلقوا محاليل عاصم وممدوح كانوا مصدومين
عاصم بدموع.؟.. ان لله وان لله راجعون الله يرحمه ويغفرله
ممدوح قعد علي الكرسي بصدمه….. ومتكلمش
الدكتور… جهزوا اجراءات الدفن
عاصم.؟ حاضر.
وبعد ساعتين جهزوا اجراءت الدفن وجابوا عربية علشان ينقلوه القاهره وريهام فاقت ومبطلتش عياط واخدت عيالها اللي كانوا عند الجيران
ووصلوا القاهرة ببكاء ريهام اللي كانت بتقول…… سبتني لوحدي ليه يا احمد هتبهدل من بعدك يا احمد هتبهدل يا وجع قلبي
نزلوا البيت و غسلوه وكفنوه واتفقوا تاني يوم يدفنوه
وفعلا تاني يوم الصبح راحوا المقابر ودفنه وسط صراخ ريهام وامه اللي من الصدمه سكرها عالي واغمي عليها ومقدرتش تروح جنازة ابنها
بعد ما الجنازة خلصت وعملوا العزاء
كانت ريهام تجلس في بيت حماتها وحماها
بعد مرور اسبوع مدحت دخل اوضة ريهام اللي كانت علي طول فيها….. قومي في محامي بره عايزك مش عارف عايز ايه من واحدة زيك
خرجت ريهام وهي بتجر في رجليها
ريهام…. اهلا حضرتك عايزني في ايه
المحامي… البقاء لله وحده انا جاي علشان ورث المرحوم
ممدوح بسرعة… اتفضل اتفضل استني هنادي عاصم ابني
المحامي.. مفيش داعي يا فندم استني وشوف ايه اللي فيها الاول
ممدوح… حاضر
وقعدوا المحامي طلع الاوراق وكل حاجة
المحامي… من اسبوع احمد جالي المكتب وعمل تنازل بكل ما يملك للمدام ريهام
ممدوح بصدمه وعينه قلبت شر…. نعم انت بتخرف بتقول ايه
المحامي…. لو سمحت اتكلم باسلوب ارقي من كده معايا ابن حضرتك جه عمل تنازل كامل بيع وشراء للمدام وكل حاجه بإسمها ومتسجلة في الشهر العقاري
ريهام بدموع…. منستنيش يا احمد كنت حاسس يا حبيبي
المحامي.. انا هخلص لحضرتك كل الاجراءات اللي لازم تتعمل علشان تستلمي الميراث بتاعك بعد اذنكم
المحامي خرج من الباب وممدوح قام مسك ريهام من شعرها وضربها… ضحكتي عليه يا زباله علشان يكتبلك كل حاجه كده
ريهام… بحرقةو…… انا مقولتلوش علي حق وبعدين حتي لو مكتبش ليا ده حق ولادي اللي يورثوه انت واعي مش. هقعد في البيت ده ثانية واحدة ابعد عني كفاية بقي كفاية
ممدوح كان مسك شعرها كانه مسك حرامي
ريهام بدافع عن نفسها زقته وقع علي الارض خافت جدا ودخلت الاوضة اخدت العيال وجريت علي بره بسرعة
اما ممدوح قام من علي الارض بصعوبة نتيجة السن الكبير اللي هو فيه
نده علي عاصم بسرعة يجي عاصم كان في شقته نزل بسرعة بل الترنج
ممدوح بعصبية…. شوف بنت ****ضربتي وجريت خدت العيال الحقها قبل ما تهرب
عاصم نزل بسرعة علشان يمسكها لكن مكنتش موجوده
ريهام اخدت تاكسي بسرعة وطلبت منه يوصلها المحطة وصل التاكسي ونزلت بعد ما دفعت الحساب وولادها كانوا بيعيطوا جدا حجزت قطر لي بورسعيد
وفضلت مستنية ساعة لغاية ما القطر جه وركبت هي وعيالها وهي بتبكي… سابتني للذل يا احمد ابوك مش هيسبني
😢😢😢😢😢😢😢😢😢😢😢😢😢😢
عند عاصم طلع لابوه وقاله انه مش لقيها لقي مامته قاعدة كمان
ممدوح بعصبية.. شوفت اخوك الغبي عمل ايه كتب البيت والارض والعربية والشاليه اللي في شرم باسم الزفته ومفكرش يدي ابوه حاجة حتي قلبي غضبان عليه
عاصم بضيق… يا بابا حرام كده دول فلوس عيال يتيمة وهو كتب كده علشان تكون الوصيه عليهم وبعد حرام ده ربنا يرحمه تقول غضبان عليه
ممدوح بعصبية… اسمع يلا العدة بتاعتها تخلص وانت تتجوزها
عاصم بصدمه….. اتجوز مين
ممدوح بصراخ….. ريهام يا غبي.
عاصم.؟ مستحيل يا بابا ايه الكلام انا متجوز ولو كنت اتجوزت بدري شوية كان عندي قدها انا اكبر منها بعشرين سنه يا با ايه الكلام ده
ممدوح بعصبية… هي لما عدتها هتخلص هتتجوز انا عارف
عاصم بعصبية…. متتجوز انا مالي
ممدوح بعصبية…. مالك ازاي عايز ولاد اخوك يبقي في حضن حد غير عمهم
عاصم بعصبية… لا انت مش فارق معاك ولاد اخوك ولا حاجه انت عايز الفلوس صح
ممدوح….. ايوه طبعاً فلوس ابني واخاف عليها وحد تاني يتهني بيها انت لو متجوزتهاش انا هغضب عليك ليوم الدين وهبقي غضبت علي ولادي الاتنين
عاصم بضيق… ومراتي مانا متجوز وبحب مراتي
ممدوح… كتك القرف انت واخوك روحتوا اخترتوا قرف انتوا الاتنين بنت بياع الخضار اللي رافعه راسها للسما علشان حته البكالوريوس التجارة اللي واخده وياريته عرفت تجيب الولد اللي نفسي فيه جيبالي بنات بس اسمع عمام البنت دي لو راحتلهم هيجوزوها واحد من عيالهم علشان ياخدوا حاجة ابني انت لازم تتجوزها
عاصم بضيق..؟… بس انا مقدرش اصرف علي بيتين يابابا انا مش قادر اصرف علي بيت واحد يبقوا اتنين
ممدوح؟… م مهم انا هساعدك
عاصم. عرف ان مفيش مخرج من هنا.؟. طب هقدها فين مقدرش اجيب بيت تاني هنا
ممدوح…. خد الشقة اللي فوقينا
عاصم. بصدمة…. يابا بقولك معيش فلوس ودي اجرها غالي اوي
ممدوح… هساعدك هي زماتها راحت بورسعيد تاني
تروحلها تاني يوم وتقولها ان ده اللي هيحصل يا اما هنفضحها في الحته
عاصم بمهوده….. حاضر يابا بعد اذنك
عاصم طلع شقته وابتسم علي الفكره اللي جاتله طلع بسرعة ودخل اوضته وجاب هدوم وابتداء يلبس.
ووفاء بستغراب… في ايه يا عاصم.
عاصم بإبتسامة…. مفيش يا قلبي لما اجاي احكيلك كل حاجه بالتفصيل
ووفاء بستغراب… طب انت رايح فين
عاصم قبل راسها…… لما اجي اوعدك هقولك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نبض قلبي لك)
