رواية الكابوس الفصل الثاني 2 بقلم دنيا وائل
رواية الكابوس الجزء الثاني
رواية الكابوس البارت الثاني
رواية الكابوس الحلقة الثانية
لحظه صمت وصويت….
خديجه بتجري وانا واقفه مش عارفه ازاي ده حصل مفوقتش غير والمطافي بتمنع خديجه تدخل البيت
مريم : خديجه اهدي، كل حاجة تمام بصيلي انتي اكيد واثقه في ربنا، كل حاجة هتكون بخير
خديجه : مر.. مريم بابا ماما طيب محمد فين، فين اهلي
بدأت تصوت وهي بتسأل الناس اللي واقفه في الشارع
خديجه : بابا وماما فين حد يرد عليا، ساكتين ليه
واحد من الواقفين جه عليا وهو بيقول
الراجل: اهدي ي آنسه هما في مستشفى…. ،متقلقيش هيكونو كويسين و….
مقدرتش اسمع باقي الكلام وجريت ومريم بتجري ورايا وقفت تاكسي وقولتلو مكان المستشفي، معرفش ازاي وصلنا او اخدنا وقت اد ايه، كل اللي عارفاه ان انا لسه مش في وعي….
نزلت جري من التاكسي ودخلت المستشفى وقابلت ممرضه
خديجه : فيه حريقه قصدي فيه ناس لسه واصله تبع الحريق اللي حصل في انهي اوضه
الممرضه: في الدور التاني وممنوع ليهم الزيارات دلوقت، ادعيلهم لان حالتهم خطر بعد إذنك
طلعت علي فوق لقيت دكاتره خارجين و داخلين وانا مش فاهمه حاجه كل ما اسأل حد يقولي ادعيلهم، بصيت علي مريم لقيتها بتتكلم مع ممرض وشبه بتزعق وتعيط
مريم : هو ايه اللي كل ما اسأل حد يقولي ادعيلهم، انا عايزه اعرف بيحصل ايه جوا، انا عايزه مدير الزفت دي حالا
الممرض: مقدرش اديكي اي معلومه دلوقت بس كل حاجة بأيد ربنا احنا بس……
طلعو دكاتره وممرضين كتير وهما ساكتين وانا قلبي وقف ومش قادره انطق حرف، هما اكيد بخير ،انت مش هتحرمني منهم يارب، يارب
اللي كان علي لساني كلمه واحده بس وهي يارب، يارب
اتكلم الدكتور بتوتر :البقاء لله، حاولنا بكل الطرق ننقذهم بس ده قدر ربنا، شيدو حيلكم
وقعت علي الارض ومريم جت تجري عليا وانا، انا مش قادره افهم ولا قادره اتكلم حاسه انِ بحلم
خديجه : با. بابا ي مريم ماما، محمد تلاقيه بيدور عليا انا، هو خايف دلوقت خلينا نروح نشوفو
حضنتني مريم بقوه وهي منهاره
مريم : خديجه هما في مكان احس…..
زقتها مقدرتش اسمع الجملة دي عقلي مش قادر يستوعبها
خديجة : اية اللي بتقوليه ده، انتي يمريم اللي بتقولي كده، هما ازاي هيمشو ويسيبوني لوحدي كده ،اوعي كده مش عايزه اشوفك ،انا هقوم ادور عليهم بنفسي، هما اكيد لما يعرفو ان انا بره هيصحو، بدا صوتي يعلي
مستحيل يمشو كلهم مره واحده هما مش هيسبوني لوحدي لا، باباااا لاااا انا عايزه بابا هاتيلي بابا يمريم علشان خاطري، نسفرهم برا مصر بس يكونو معايا مري….. حاولت مريم تمسكني بس حسيت اني بغيب عن الدنيا……..
* ينتهي الامر بالطريقه التي يريدها الله وليس الذي ارعبك التفكير بها.. 🥀
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكابوس)
