رواية الكابوس الفصل الثالث 3 بقلم دنيا وائل
رواية الكابوس الجزء الثالث
رواية الكابوس البارت الثالث
رواية الكابوس الحلقة الثالثة
صحيت لقيت نفسي في مكان مش غريب عليا ومافيش حد معايا في الاوضه حاولت اقوم من علي السرير بس مقدرتش حاسه ان جسمي تقيل، حاولت اقف بس وقعت ع الارض لقيت حد فتح الباب بسرعه
استغربت لما لقيت مرات عمي سحر قدامي لان هما في أمريكا سافرو من ٧ سنين
طنط سحر: حبيبتي انتي فوقتي، قومي طيب براحه
خديجه : بابا وماما ومحمد فين
طنط سحر بحزن :خديجه هما في مكان احسن، الحمد لله انك فوقتي و……
اتكلمت بصوت عالي : بقولك هما فين، ايه اللي…
ملحقتش اكمل ودخل عمي وهدي بنت عمي علي الصوت
عمي بدموع مكتومه : ازاي ده حصل ي خديجه، كلهم مره واحده طيب انتي كنتي فين وازاي ده حصل ليه محدش من الجيران لحقهم
اتكلمت بدموع وصوت متقطع : عمي اناا انا مش عارفه مش فاهمه حاجه هما اكيد مماتوش انا حاسة بيهم، ربنا اكيد مش هيحرمني منهم مره واحده
مسكت ايديه بدموع وترجي : وديني عندهم، همااا هما وحشوني اوي يعمي، علشان خاطري طب اقولك ازورهم مره واحده في المستشفى قبل ما يمشو ومش هشوفهم تاني
عمها : متاخر اوي يخديجه
سبت ايديه : يعني ايه متاخر بقولك وديني عندهم دلوقت
هدي اتكلمت وهي ماسكه ايدي وشبه منهاره :خديجه انتي بقالت تلات ايام في غيبوبه مسكت وشي بين ايديها الحمد لله انك فوقتي منها ومعانا
بصيت ليهم بصدمه من اللي بيحصلي وكل واحد فيهم بيعيط
حسيت اني في كابوس وعايزه افوق منه بأقصي سرعه لأول مرة اتوهه
طنط سحر وهدي حضنوني وعمي فضل واقف مكانو، عمي كان اقرب واحد ل بابا مكنش بس اخوه لا ده يعتبر كل حاجه في حياته لانهم ملهمش غير بعض ويوم ما قرر يسافر علشان ابنو وبنتو يكملو تعليم بره مصر بابا رفض بس حاول معاه واقنعه وسافر فعلا وكانو كل يوم بيتكلمو ويطمنو علي بعض وده غير ان طنط سحر كانت اقرب صاحبه ل ماما وكانو طول الوقت مع بعض
كنت في حضن عيلتي امبارح وانهارده انا بقيت وحيده، لا اب ولا ام ولا ااااخ
قررت استودع ربنا في عيلتي مش في عيلتي بس في حياتي لان هما كانو حياتي مش عيلتي…
خديجه :سيبوني لوحدي وهكون كويسه
كلهم بصو عليا مره واحده وعمي قرب مني
عمي: احنا هنفضل معاكي لحد ما تكوني بخير وتأكدي اننا كلنا في ضهرك واوعى تحسي ابدا انك وحيده، انتي بنتي قبل ما تكوني بنت اخويا حضني وهو بيكمل كلامه وبيبص علي طنط سحر
يلا حضريلها لقمه تاكلها بدل المحاليل اللي كانت عايشه عليها، حاولت اعترض، لقيتو وقفني متقوليش اي كلمه هتاكلي يعني هتاكلي، يلا هسيبكم خليها تغير هدومها ي هدي لحد ما امك تحضر الاكل
خرجو وفضلت هدي معايا
هدي : انا معاكي كل حاجه هتكون بخير فتره وهتعدي والله وتقولي هدي قالت، مسحت دموعها وهي بتكمل
: انتي عارفه ان اول مره اشوف عمرو اخويا مهتم بحد كده، ده مسبكيش لحظه واحده لدرجه انه اتخانق هو ومريم صحبتك علشان هو اللي يفضل جمبك مش هي
مسكت ايدي : خديجة انتي عارفه ان بابا هو اللي آصر اننا نسافر وعمرو كان رافض يسيبك علشان انتي اقرب واحده ليه و….
قطع كلامنا خبط علي الباب
هدى : ادخل، دخل عمرو
قلبي دق زي زمان، نفس خطفه القلب، عمرو الوحيد اللي قادر يخطف قبي في كل مره بشوفو فيها
فضلنا باصين لبعض نظره طويله، نظره عتاب ولوم واشتياق لصديق طفولتي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكابوس)
تعليق واحد