رواية أول مايو الفصل الخامس 5 بقلم هبة النحاس
رواية أول مايو الجزء الخامس
رواية أول مايو البارت الخامس
رواية أول مايو الحلقة الخامسة
#رواية_أول_مايو
#الحلقة_الخامسة
تصل بسنت الى فيلتها لتجد حفلة كبيرة وصافي أمها على ترابيزة تلعب قمار مغ رجال وستات … تتفاجأ بسنت وتدخل بسرعة عشان تطلع أوضتها … تمسكها صافى وبيدها التانية كاس ويسكى …..
صافي : تعالى يا بسبوسة اقعدى معانا … تعالى أعرفك على صحابي
تمشي معها بسنت وهى مخضوضة
يقوم أحد الرجال من مكانه وهو ينظر لبسنت نظرات شهوانية ، يسلم عليها ويبوس إيدها فتشدها بسنت بحدة ،وتقرصها صافي
صافى : أقدم لك سامى بيه أكبر مستورد للبس التركى فى مصر .. اللى انتى بتحبيه يا بسبوسة
سامى: دى بسنت هانم تؤمر بس واحنا نلبسها اللى مفيش بنت فى العالم لبسته .. تشاور هى وكله تحت رجليها
بسنت : شكرا يا عمو
سامى (بزعل) : أنا عمو يا صافي
صافي : ايه ده يا بسبس سامى يتقاله عمو برضو .. معلش لسه صغيرة وعبيطة
تزقها صافي عشان تقعد جنبه ويعطيها سامى كاس فتزقه بسنت وتبص على صافي لتجدها تتراقص مع النساء والرجال وهى سكرانة وتسرح وتدمع بدون صوت …..
فى الجامعة
يتقابل شهد وبسنت ولينا وتحكى بسنت عن ما حدث
شهد : حرام عليكى.. ازاى مكلمنتيش ساعتها .. ليه استنيتى
بسنت : (بلا مبالاة) كنتى هتعملى ايه يعنى هتنزلى من بيت خالتك الساعة 1 بليل عشان تجيلي ، مش دى اللى قلتى لى صاحبيها فى الدنيا بالمعروف
شهد : متخديش نص الآيه وتسيبي نصها .. ولا تطعهما .. (بعصبية) انتى بتصلي يا بسنت ؟
بسنت : ردى عليها انتى يا لينا اقولها ويسكى وشامبانيا وقمار ورجالة وستات وتقولى بتصلي .. ده اللى هو ازاى
شهد (بزعيق) متمثليش يا بسنت شوفى دادة هنية بتصلي فين وصلي عندها ولا مامتك حطالك ازايز الويسكى فى الاوضة وترابيزة القمار ع الارض … يالا نحضر .. وانتى يا لينا روحى شوفي محاضرتك ولو خلصتى قبلنا كلمينا .. ومتنسيش تعزمى كل كليتك على خطوبتك وخصوصا سنة تالتة .. فهمانى طبعا
لينا : حاضر واهدى شويا يا دودو مينفعش كده
يدخلوا المحاضرات وتمر الايام على نفس الوتيرة وحفلات صافي يوميا فى الفيلا .. إلا ان بسنت وشهد اتفقوا انها تروح فيلة شهد لو حفلات امها قائمة وأعطتها مفتاح الفيلا الخاصة بها
فى الجامعة … شلة مروى
خالد : ايه حكاية شاهر بيحضر ومنفض لنا خالص .. ايه الدنيا؟
ريهام : (تغيظ مروى ) اومال لو عرفت كمان معجب بمين يا ملك …
خالد (باستغراب) : معجب ؟! لا جديدة دى .. عدو المرأة بيعرف يعجب بحد. … مين بقا ان شاء الله؟!!!
ريهام : قريبة مروى
مروى : (بصعقة) ايه؟!! لا يمكن … شهد … ألحق يا ملك ده انا اموت فيها دى
خالد وريهام يضحكوا وتغمز ريهام لخالد وتكمل كلامها
ريهام : وأنتى ايه اللى مضايقك … دى حتى قريبتك يعنى
مروى : (تصرخ) بس بقا .. مش عايزة اسمع سيرتها .. انا هاغور من وشكم
تمشي مروى وهى تبكى
مروى : (لنفسها) أنتى طالعالى فى كل خرارة يا ست زفتة .. ولا نسيتى احمد اللى خلتيه يسيب البلد ويمشي … حتى شاهر مش هتسبينى اتهنى عليه .. يا انا يا انتى يا شهد الزفت انتى
خالد: بتغظيها ليه ؟
ريهام : أصلها فاكرة ان شاهر ممكن يبص لها
خالد (بتريقة ) : هى لسه الموضوع فى دماغها .. سيبك منها .. انتى عارفة بقا مين اللى داخلة دماغي ع الاخر ؟
ريهام : مين … اوعى تقولى البت السورية
خالد : لالالا .. دى خلاص،ميجيش منها وعزمتنا على خطوبتها … أنا قصدى البت القصيرة
ريهام : ههههههههههه ههههههههههه ههههههههههه ده انت عايز تنقط مروى رسمى .. تقصد بسنت
خالد : (يسرح وينفخ دخان سيجارته فى وشها ) بالظبط كده .. وانا عارف هاصطادها امتى وازاى
يا ترى ايه اللى ناوى عليه خالد
ومروى هتعمل ايه فى شهد ومين احمد اللى ساب البلد
ويا ترى شهد هتحب شاهر
مستنية توقعاتكم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أول مايو)
