رواية الم الرحيق الفصل الخامس والعشرون 25 بقلم سمية عبدالسلام
رواية الم الرحيق البارت الخامس والعشرون
رواية الم الرحيق الجزء الخامس والعشرون
رواية الم الرحيق الحلقة الخامسة والعشرون
في الداخل (القصر)
ايمان ماشية و باصة وراها _حاضر يا دادة هشوفه برا.
ومخدتش بالها وخبطا في حد.
ايمان_انا اسفة مخدتش بالي.
_عادي ولا يهمك اعرفك بنفسي انا العقيد حمزه الصواف وصاحب آدم (حمزه اترقى بعد مقبض على ياسر)
ايمان_احم… وانا ايمان فوزي البنهاوي بنت عم آدم.
حمزه ببتسامة جذابة_اتشرفت بمعرفتك يا انسة ايمان مش انسة برضو؟
ايمان بأحراج_ايوة… عن اذنك.
~~~~~~~~~~~~~~~~~~~~~~~~
بعد شوية
الكل كان متجمع الجد وفوزي وابراهيم ومصطفي وعم حسن و آدم وعمر وحمزه ويوسف ال كان مبسوط وقلقان في نفس الوقت وقصاد منهم دادة فاطمة ونعمة وام ايمان وسنية وشهد ووردة وايمان ال مكسوفة من نظرات حمزه ليها.
آدم بهمس لحمزه=لو عجباك قلي وانا اخطبهالك او تحترم نفسك.
حمزه_بجد؟
آدم =ايه العيال الواقعة دي.
وبص علي عمر ال عمال يبص علي السلم كل شوية.
~~~~~~~~~~~~~~~~~~~~~~~~
فوق عند اية
رحيق ببتسامة=قمر ما شاء الله
اية بتوتر_يعني حلوة يا رحيق؟
رحيق=قمر ياحبيبي.
ندى_معرفش اي كتب الكتاب ده ال العروسة مش حاطة ميكب.
رحيق=عشان آدم ال طلب كده وبعدين المكياج حرام.
ندى_يابت عارفة بس ده يوم يعني.
رحيق=واي يعني يوم دي، يعني اليوم ده مرفوع عنك القلم ومش هتتحاسبي عليه، مش ممكن بعد الشر العرايس ال بتحط ميكب او اي بنت عادية بتحط ميكب تموت، وتبقا ماتت علي معصية تبقا كسبت ايه بقا؟
ندى_معاك في دي بس البنت بتبقا عايزة تحس انها اجمل واحدة.
رحيق=البنت في حد ذاتها زينة وربنا امرنا اننا نخفي الزينة دي ومحدش يشوفها غير المحارم وياست قدامهم تبقا تحط ميكب براحتها، انتي جوهرة لازم تحافظي عليها مش ترخصي نفسك.
ندى_طب لما تحط مكياج كده هترخص نفسها؟
رحيق ببتسامة لانها تقريباً هتفقد اعصابها من صحبتها=بصي يا ندوش انتي دلوقت رحتي تشتري بطيخة والراجل عشان يخليك تشتري من عنده يعمل ايه؟
ندى_يعمل ايه؟
رحيق=بيفتح واحدة ويوريك اد ايه انها جميلة وحمرا وممكن تدوقيها كمان وطعمها يعجبك صح؟
ندى وهيا بتعمل حركة بأديها في دقنها بتدل على انها بتفكر_صح.
رحيق=حلو، انتي بقا هتشتري البطيخة المفتوحة ولا ال لسه متفتحتش؟
ندى_امممم
رحيق بصوت عالي =انتي لسه هتفكري، اكيد المقفولة.
ندى بهزار_طب منا عارفة الكلام ده كله انا بس بستفزك.
رحيق=يا سم.
اية_الله لون عيونك جميل اوي ياندى.
ندى_تسلميلي يا يويو ولا نقول مدام اية؟
اية اتكسفت وقالت_لأ قولي مدام يوسف.
ندى صفرت ورحيق ضحكت بصوت عالي وقالت=الله عليك يا يويو.. قصدي يا مدام يوسف.
اية بتوتر_مش عارفة ليه خايفة وعطشانة.
رحيق بهزار=مرة تفاحة عطشت قالت هاتولي شوية ميه apple ريقي.
ندى_ابوس ايدك انا عاملة المرارة مش ناقصة هيا ويلا انزلو تحت الناس مستنية.
رحيق=وانتي مش نازلة معانا؟
ندى_الخمار اتفك هلفه واجاي وراكم.
~~~~~~~~~~~~~~~~~~~~~~~~
تحت
اية ورحيق كانو نازلين من على السلم.
يوسف اول ما شفها وقف.
عمر بهمس ليوسف_اقعد الله يفضحك لا آدم يبوظ الجوازة.
اية قعدت جمب دادة فاطمة، كانت لابس فستان ابيض وعليه خمار بنفس اللون كانت ملامحها برئية وال ذاد جمالها عيونها الخضرة زي عيون اخوها.
آدم ابتسم لأن رحيق قدرت تغير من طريقة لبس ايمان واية من بناطيل لدريسات.
المأذون_مين وكيل العروسة.
الجد_آدم البنهاوي، اخوها
آدم =مينفعش ياجدي انا ابقا وكيلها وحضرتك موجود وعم فوزي موجود.
الجد_لأ ينفع انت اخوها وانا عايز تبقا انت الوكيل بتاعها.
حسن_خلاص يا آدم يابني انتو الاتنين واحد مفيش فرق.
عمر بهمس ل آدم _نفسي اعرف جدك ده بيفكر ازاي؟
آدم =زي السكر في الشاي.
عمر بستغراب_اي ده مين معايا؟
آدم =حسن كوباية.
عمر بضحك_شكل تأثير رحيق بدأ يظهر عليك.
آدم = قلت ايه يا روح ام*ك
عمر بخوف_قصدي مدام رحيق، اعوذ بالله منك دنتا بتتحول في ثانية.
بعد شوية
المأذون قال جملته الشهيرة_بارك الله لكما وبارك عليكما وجمع بينكما في خير.
فاطمة وسنية وام ايمان ووردة نزلو زغاريط.
نعمة بحزن _هوا فين الحمام يابنتي؟
رحيق بقلق=امشي كده ياخالتي هتلاقيه في وشك، تحبي اجاي معاك؟
نعمة_لأ خليك انا هعرف اروح لوحدي.
نعمة مشيت و آدم ببتسامة =بالمناسبه السعيدة دي ياجماعة بعد اذنك ياجدي، عم إبراهيم انا بطلب ايد ندى بنت حضرتك لعمر صحبي.
عمر كان بيشرب وشرق وفضل يكح، اما ندى كانت نازلة من علي السلم وقفت مكانها من الصدمة.
رحيق راحت عندها=مبارك يا ندوش.
ابراهيم_والله يابني دنا ليا الشرف اني اناسب البشمهندس عمر اخلاق وتربية وابن ناس.
عمر_بعد اذنكم ياجماعة عايز آدم في كلمتين.
عمر و آدم مشيو بعيد شوية.
عمر بعصبية_ايه ال انت عملته ده؟
آدم =عملت الصح.
عمر_صح ايه يا آدم انت مش هتتحكم في حياتي، مين قلك اني عايز اتجوز أصلا،وكمان اتجوز بالطريقة دي؟
آدم=لانك مش هتتجوز غير بالطريقة دي وبعدين انت مش هتعيش راهب طول عمرك.
عمر_ياعم انا حر كنت اشتكتلك
آدم=لأ انت مش حر انا صحبك ومن واجبي اعرفك الصح.
عمر بعصبية_صح ايه ال بتتكلم عليه، انت فاكؤ كل الناس زيك، انت عشان جدك اجبرك علي الجواز تجبرني انا كمان.
آدم بهدوء=وانت شيفني كده ياعمر؟ علي العموم انت عندك حق وانا مش هجبرك علي حاحة.
عمر_آدم انا مش قصدي والله، انت عارف لما بتعصب بقول اي كلام.
آدم =وانا عشان عارفك عارف انك مش بتقول اي كلام، وزي ما ورطتك في الجوازة دي انا برضو هطلعك منها.
عمر_يا آدم افهم بس…..
بس قطعهم الحارس _آدم باشا.
آدم راح نحيته
الحارس_ال حضرتك طلبته.
آدم مسك الملف وقرأ ال جواه واتأكد من شكوكه.
آدم راح عندهم=عم ابراهيم انا……
_انا لو لفيت الدنيا كلها مش هلاقى حد زي الانسة ندى.
ابرهيم _الله يكرم اصلك يا عمر يابني.
آدم =ما كان من الاول.
عمر_اعملك ايه؟ تلاقيني مضايق المفروض تقنعني مش تقلي زي ما ورطتك في الجوازة دي هطلعك منها.
آدم بخبث=ومين اقلك اني كنت هطعلك منها انا كنت رايح اتفق على معاد الفرح
عمر_يابن ال….
آدم =اغلط عشان اديك العلقة التمام ومخلكش تتجوز لبقية حياتك.
عمر_طب تشمعنل ندى وانت عارف انا احنا الاتنين مش بنطيق بعض.
آدم ما محبة ال بعد عداوة، انت مشفتش نفسك لما عرفت ان علي حاول يتهج*م عليها، يابني انت طح*نته.
عمر_ انا بحبها طب وهيا؟
~~~~~~~~~~~~~~~~~~~~~~~~
عند رحيق وندى
ندى_انا بقا مش موافقة.
رحيق=عليا انا برضو بأمارة عيونه العسلي ولا لما بيتكلم تحسي انك في عالم تاني مش ده كلامك.
ندى_عادي،كنت بهزر.
رحيق=بقلك ايه انتي هتموتي علي الواد مش هنضحك علي بعض.
ندى_مين دي؟دنا مش بطيق حد في الدنيا اده
رحيق بهزار=انت بتكدب يا ابو صلاح.
ندى _لأمش بكدب ده واحد غلس.
رحيق=ياست وافقي عايزة اشوف عيالك.
ندى_اما نشوف عيالك انتي الاول ياختي؟
رحيق وهيا بتخبطها=ملكيش دعوه بإذن الله هيحصل.
ندى بضحك_ااااه فعلاً ياشيخة اتلهي دانتي بتتكسفي من خيالك.
رحيق=ماشي يا ام لسان طويل،هروح اشوف مس نعمة دي اتأخرت كده ليه؟
ندى_مس نعمة مين؟
رحيق=مهيا دي ال عندها مرض نفسي وبسببها خلتني اقابل آدم.
ندى_طب وانتو جيبين واحدة زي دي ليه؟
رحيق=لأمتقلقيش آدم عالجها وخفت الحمدلله.
~~~~~~~~~~~~~~~~~~~~~~~~
في الحمام
نعمة الدموع في عنيها وهيا بتكلم الصورة_لو كنتي عايشة كان زماني بجهزك لعريسك دلوقتي ياقلب امك،وحشتيني اوي يا ياسمين.
رحيق خبطت على الباب ومحدش رد،قلقت ففتحت الباب.
رحيق=اي ده انتي بتعيطي؟
نعمة وهيا بتمسح دموعها_لأ حاجة بس دخلت عيني.
رحيق=صورة مين دي؟
نعمة ببتسامة وهيا بتبص لصورة_صورة بنتي،ياسمين.
رحيق=ممكن اشوفها؟
نعمة ادتها الصورة.
رحيق ببتسامة كبيرة =الله جميلة اوي،
وبعدين ركزت في الصورة وقالت=…….
نعمة خدت الصورة وجريت علي برا.
~~~~~~~~~~~~~~~~~~~~~~~~
في الخارج
ابراهيم_مش 3 شهور قليل اوي علي كتب كتاب والفرح مع بعض؟
عمر_ولا قليل ولا حاحة وخير البر عاجله
وبعدين بص لندى ال كانت مكسوفة وفرحانة في نفس الوقت.
ابراهيم بص لندى وقال_وانا موافق.
نعمة خرجت برا واول ما شافت ندى قالت_ياسمين بنتي.
…لسه الحكاية مخلصتش….
فيه ايه الملف ال الحارس اداه ل آدم؟
رحيق قالت ايه خلت نعمة تتطلع تجري علي برا؟
ندى هتكون ياسمين بنت نعمة فعلاً؟ ولا آدم هيكون ليه رأي تاني وهيطلع سوء تفاهم؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
