رواية الم الرحيق الفصل التاسع عشر 19 بقلم سمية عبدالسلام
رواية الم الرحيق البارت التاسع عشر
رواية الم الرحيق الجزء التاسع عشر
رواية الم الرحيق الحلقة التاسعة عشر
في الجناح عند آدم
آدم دخل لقاها واقفة في نص الاوضة وخايفة.
آدم بحدة=ممكن اعرف ايه ال انتي عملتيه ده؟
رحيق بخوف =والله كنا بنلعب ومكنش قصدي اجبها فيك.
آدم =قصدك مش قصدك لازم تتعاقبي.
رحيق بعصبية=اتعاقب؟!!! مين دي ال تتعاقب؟
آدم ببرود =انتي.
رحيق=مستحيل طبعا.
آدم راح نحيتها وشالها ودخل الحمام وفتح الدش علي اخره وغرقها.
رحيق بتصوت، و آدم بيضحك=انتي ال بداتي استحملي بقا.
رحيق =خلاص خلاص بالله عليك.
آدم كان هيقفل المية بس اتفاجأ بحركة رحيق لما حضنته.
بقا هما الاتنين تحت الدش هوا واقف متنح من ال عملته رحيق وكان حاسس باحساس غريب بس احساس حلو، اما رحيق استوعبت هيا عملت ايه حاولت تطلع من حضنه بس، آدم ضمها ليه اكتر، كانت مبسوطة انه عمل كده بس كانت مكسوفة منه اكتر.
_______________~~~~~~~~
بعد نص ساعة.
آدم كان قاعد علي السرير يقرأ كتاب، ورحيق طلعت من الحمام كانت لابسة بيجامة لونها روز لايقة مع بشرتها البيضة وفاردة شعرها، كان مغطي ضهرها كله.
آدم اول ما شافها تنح، ورحيق اتكسفت منه.
آدم ساب الكتاب وراح نحيتها ورحيق كانت بترجع لورا، مخدتش بالها ورجلها اتكعبلت كانت هتوقع بس آدم مسكها قبل ما توقع ورحيق مسكت فيه.
آدم وهوا مميل عليها وهما لسه في نفس الوضع وقال برومانسية =هناك شيء واحد في هذه الحياة اذا لمسته، ستظل متمسك به حتى الموت؟
رحيق فكرت شوية وبعدين قالت=سلك كهربا 220 فولت.
آدم=!!!!!
رحيق=اي 320 فولت؟!!
آدم شال اديه من علي وسطها وسابها توقع.
رحيق بوجع=اااااه
~~~~~~~~~~~~~~~~~~~~~~~~
بالليل
رحيق كانت لابسة الاسدال وفرشت سجادة الصلاة وهتصلي العشا كانت ماسكة ضهرها
رحيق=انا لازم اشوفلي حل مع ابو طويلة ده مش كل شوية يوقعلي كسر عضمي.
كانت لسه هتصلي بس تلفون آدم رن وهوا مكانش موجود في الاوضة.
رحيق راحت عند الفون وشافت الاسم لقته متسجل بأسم بيبي.
رحيق عيونها دمعت وردت قالت=الو
_بشمهندس آدم لو سمحتي.
رحيق قفلت الفون بسرعة لانه صوت شب،الفون رن تاني وحست بصوت رجلين آدم سابت الفون وجريت علي سجادة الصلاة.
آدم فتح الباب ومخدش باله من رحيق ومسك الفون استغرب من الاسم
وقال=الو
_امال مين ال ردت عليا في الاول؟
رحيق بصوت عالي=الله أكبر،الله اكبر،حي علي الصلاه،حي الفلاح وبدأت تصلي.
آدم ابتسم عليها
_عامل ايه يادومي
آدم بخبث=كويس،كويس ياعمر.
آدم فهم ان عمر خد الموبايل منه ليه؟ مش عشان ارقام اتمسحت منه لأ،ده غير اسمه علي الفون وكتب بيبي عشان عارف ان آدم في الوقت ده بيسب موبايله وكان عايز يردهاله.
عمر_طب سلام بقا انا كنت بطمن عليك بس.
آدم =واطمنت ياخويا
عمر بضحك_اوي
آدم قفل السكة في وشه.
بعد شوية
رحيق سمعت آدم بيفتح الباب وبيخرج برا
رحيق=السلام عليكم ورحمة الله وبركاته،السلام عليكم ورحمة الله
سلمت من الصلاة وقالت بعد مخدت نفسها =يالهوي كنت حاسة قلبي هيوقف
آدم من وراها=سلامة قلبك.
رحيق صوتت=اعاااااا
وبعدين كملت بتوتر =انت مش، مش خرجت دلوقت؟
آدم ولا كانه سامعها وفضل يقرب لحد ما لزقت في الحيطة وبدأ يفك طرحة الاسدال
رحيق=انت بتعمل ايه؟
آدم =هتنامي بالاسدال يعني.
رحيق =طب روح انت وانا هخلعها.
آدم ولا كأنه سماعها وخلع الاسدال،وقرب من وشها.
رحيق بتوهان=عيونك حلوة اوي.
آدم ببتسامة خطفت قلب رحيق =بس مش حلوة زي القهوة ال في عنيك.
رحيق بتوتر=هوا انا بردانة ليه؟
آدم بخبث=احنا في الصيف علي فكرة ومع ذالك…..
وراح خلع ال تي شيرت بتاعه.
رحيق وشها احمر وخبت وشها بين اديها=انت هتعمل ايه؟
آدم وهوا بيشلها =هدفيك.
رحيق=لو سمحت نزلني،انا خلاص مش بردانة.
آدم وهوا بيحطها علي السرير=متخفيش هدفيك بس مش حاجة تاني،وغمزلها.
رحيق خبت وشها في حضنه ونامو.
________________~________________~
بعد يومين (يوم الصفقة)
في بيت عم ابراهيم
ابرهيم_ايه ياندى هتفضلي حابسة نفسك كده ومش راضية تكلمينا؟
ندى_معلش يابابا مش قادرة.
ابراهيم_انا عارف ان ال عرفتيه مكنش سهل عليك،بس ال عايزك تعرفيه انك بنتي،بنتي بجد ياندى.
ندى بدموع_بابا هوا انا ممكن اكون بنت حرام،عشان كده اهلي سبوني.
ابراهيم خدها في حضنها وقال بسرعة_انتي ال زيك عمره ما يكون ابن حرام ياندى اياك تقولي كده تاني.
ندى_امال ليه اهلي رموني وانا صغيرة؟
ابراهيم_يابنتي محدش يعرف الحقيقه يمكن الظروف كانت اقوي منهم.
ندى_ظروف اي ال تخلي اهل يرمو بنتهم بالشكل ده؟
ابراهيم_يابنتي متظلمهمش،وبعدين كمل ببتسامة_ما وحشتكش البت رحيق؟
ندى بفرحة_جداً
ابرهيم_خلاص،قومي البسي عشان نروحلها وناخد عمك مصطفي معانا.
“”””””””””””””””””””””””””””””””””””””””””””””””””””””””””””
أحياناً نبتسم ليس لأننا سعداء ولكن لأن الابتسامة تصبح اسهل من البكاء ”
“”””””””””””””””””””””””””””””””””””””””””””””””””””””””””””
_________________~_______________~
في الشركة.
ياسر وهوا بيمضي علي الورق _ربنا ما يجعلها اخر صفقة بينا.
آدم خد الورق ومضى عليه= ان شاء الله
وبعدين حمزه دخل ومعاه مجموعة من الظباط والعساكر.
ياسر بضحكة خبيثة_مبروك عليك السجن يا آدم باشا،هتوحشنا.
عمر _هوا فعلاً هيوحشنا بس مش آدم تؤ تؤ انت ال هتوحشنا،وكمل بتريقة_ياياسر باشا.
ياسر_يعني ايه.
آدم بهدوء=يعني الورق ال انت مضيت عليه ده تنازل رسمي منك ليا عن كل املاكك.
ياسر بضحك_مش مهم،ال انت متعرفوش يا آدم باشا ان العربيات كلها مخدرات ومكتوبة بأسمك يعني برضو هتشرف في الس*جن.
آدم ضحك بصوته كله=والله صعبان عليا،لأ مهو ال انت متعرفوش انا خدت منك كل حاجة معاد المعرض ال فيه العربيات ال فيها المخدرات.
حمزه _والبوليس زمانه هناك دلوقت.
ياسر كان واقف مصدوم،حمزه وهوا بيحط الكلبشات في ايدها_السجن هيضلم بيك يا ياسر ولا تحب اندهلك بالشيطان الاسود.
ياسر وهوا تقريبا فقد عقله _لأمستحيل يتعمل فيا كده،محدش يقدر يعمل معايا كده انا الشيطان الاسود هنتقم منكم
عمر وهو بيشاور للظباط_خدو الزبالة ده من هنا
فجاة ياسر خبط العسكر وخد مسدسه وضرب نار والطلقة جت في……
عمر بصوت عالي_اااااادم
عمر جري علي ياسر ونزل فيه ضرب،حمزه وهوا بيشيلع من عليه_سيبه ياعمر اهم حاجة نلحق آدم ونوديه المستشفي بسرعة.
________________~________________~
في القصر
الكل كان قاعد يضحك،ايمان واية ورحيق ودادة فاطمة
وبعدين فون فاطمة رن
فاطمة_الو ياحسن
فاطمة بصدمة_ايه انت بتقول ايه؟
الكل_في اي يادادة؟
فاطمة بعياط_حسن بيقول ان آدم انضرب بالنار وخدوه علي المستشفي.
رحيق بصدمة=ايه؟!!!
وسبتهم وجريت علي برا
قابلت في وشها ندى وابراهيم ومصطفي ال سألوها _في اي؟
رحيق بعياط= آدم انضرب بالنار يابابا وسبتهم وجريت علي العربية
وهما جريو وراها وركبو معاها العربية
______________~__________________~
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الم الرحيق)
