رواية الم الرحيق الفصل العشرون 20 بقلم سمية عبدالسلام

رواية الم الرحيق البارت العشرون

رواية الم الرحيق الجزء العشرون

رواية الم الرحيق الحلقة العشرون

في المستشفي
كان واقف عمر وحمزه وجه عليهم يوسف
شوية وعمر شاف رحيق بتجري بس من غير النقاب والكل وراها.
رحيق بعياط =آدم فين ياعمر؟
عمر وهوا باصص في الارض _اهدي الحمدلله الطلقة جت في دراعه وهوا دلوقت في العمليات والدكاترة طمنونا.
مصطفي_طب الحمدلله
عمر خرج وشوية ورجع ومد ايده لرحيق وبيحاول ميبصلهاش.
رحيق=اي ده؟
عمر_ده نقاب باين من الخضة حضرتك نسيتي تلبسيه.
رحيق=هوا ده وقته.
عمر_حضرتك لو مش خايفة علي عمرك خافي علي الناس الغلابة ال هتموت بسببك و اولهم انا،دنا حتى لسه مدخلتش دنيا.
مصطفي _خدي النقاب يابنتي والبسيه.
رحيق خدت النقاب ولبسته وندى كانت خايفة علي صحبتها.
عمر حب يدايقها_اول مرة اعرف ان ام لسان طويل بتعيط زينا؟
ندى بغضب_والله لما احنا في مستشفي ل…
عمر_مبلاش انتي تهدديني دانتي حتى شبر ونص.
ندى كانت هترد بس الدكتور خرج.
الكل جري عليه
الدكتور_متقلقوش ياجماعة الحمدلله خرجنا الرصاصة من دراعه وهننقله اوضة عادية
رحيق=ينفع ادخل اشوفه؟
الدكتور_ينفع بس ياريت مش كله مرة واحدة.
مصطفي_ادخلي انتي ياحببتي واطمني علي جوزك
~~~~~~~~~~~~~~~~~~~~~~~~
في الاوضة عند آدم
دخلت رحيق،و آدم كان نايم علي السرير من تأثير البنج.
رحيق وهيا قاعدة علي السرير جمبه =الف سلامة عليك يارتني انا ال كنا مكانك،لما عرفت الخبر محستش بنفسي غير وانا بجري علي المستشفي زي المجنونة،كنت حاسة قلبي هيوقف.
آدم وهوا مغمض عنيه=بعد الشر علي قلبك
رحيق بشهقة=انت صاحي؟!
آدم بثقة=مش آدم البنهاوي ال شوية بنج يأثر فيه.
رحيق بضحك=مغرور
آدم=مغرور عشان بحبك.
رحيق بعدم تركيز=اه…اه ثانية واحدة انت قولت ايه؟
آدم=بحبك يا رحيق،بحبك من اول مرة شفتك فيها في المستشفي.
رحيق=امال ليه كنت مضايق لما جدي قرر ان احنا نتجوز لما كنت عايشة علي اساس اني نسرين
آدم=لأن انتي كنتي فاقدة الذاكرة وكنت خايف تكوني بتحبي حد وبرضو كنت عايز انتي ال تختاري مش مغصوبة زي مانتي مغصوبة علي جوازنا دلوقت.
رحيق بخبث=ومين قال اني مغصوبة علي جوازي منك؟
آدم=يعني ايه؟
رحيق بكسوف=يعني بحبك يا آدم.
آدم =وحيات امك!!!
رحيق =في ايه؟
آدم=وجاية تقولي كده وانا واخد طلقة في دراعي،وبعدين كمل بخبث=بس معلش تتعوض اخف بس واعوض كل الايام ال فاتت.
رحيق بمرح=اقلك نكتة؟
آدم فهم انه بتداري كسوفها=قولي.
رحيق=محشش قطع راس اخوه وهوا نايم وقعد يضحك ويقول هيتجنن لما يصحى الصبح وميلقهاش هههههههه
آدم=!!!
رحيق=استنى هقلك علي واحدة كمان.
آدم بسرعة=لأ….انا صحيح ممتش من الرصاصة بس مش عايز اموت مجلوط.
رحيق كانت لسه هتتكلم بس الكل دخل عشان يطمنو عليه
الجد_عامل ايه يا آدم ياولدي؟
آدم=الحمدلله حفيدك سبع ياجدي.
الجد_زي ابوك الله يرحمه.
آدم=بس ليه جيت من الصعيد انت وعم فوزي ؟
فوزي_ولدي يطخ بالنار ومش عايزني اجاي اشوفه.
مصطفي وإبراهيم_حمدلله علي سلامتك يابني.
وكذالك حمزه وعمر ويوسف.
آدم=الله يسلمكم كلكم،وبعدين بص لعمر=عمر ادفع حساب المستشفي عشان اخرج
عمر_كله تمام
ندى بهمس لرحيق_مش المستشفي دي بتاعته برضو؟
رحيق=احنا في ايه ولا ايه،اسكتي يانيلة.
مصطفي_متخليك في المستشفي يابني ترتاح شوية.
الجد_احنا كده ياحج مصطفي،كل البنهاوية لو قعدو في المستشفي يمرضو
آدم=وبعدين البيت وحشني وال في البيت كمان وحشني،وبص علي رحيق
رحيق اتكسفت ووشها احمر.حمدت ربنا انها لابسة النقاب
ندى وهيا بتقلد رحيق_مش عايزة اتجوز بالطريقة دي يا ندى.
رحيق خبطتها في بطنها.
ندى بوجع_اااه
مصطفي_طب نستأذن احنا بقا
الجد_لأ ميصحش لازم تروحوا معانا.
ابراهيم_معلش ياحج تتعوض مرة تانية احنا كنا عايزين نطمن علي البشمهندس والحمدلله اطمنا
الجد_ماشي ياولدي
آدم بخبث=وصل عم مصطفي وعم ابراهيم البيت ياعمر.
مصطفي_مفيش داعي يابني هناخد تاكسي
عمر وهوا باصص ل آدم_ودي تيجي ياعمي،لازم اوصلكم.
ابراهيم_مش عايزين نتعبك معانا.
عمر_تعبك راحة ياعمي،وبص علي ندى
رحيق بهمس لندى=شكلك هتحصليني قريب ياجميل.
ندى_ده لو اخر واحد في الدنيا،ليه بايرة يعني ولا بايرة.
رحيق=لأ واقعة،وغمزتلها.
________________~________________~
في العربية
ابراهيم_اي ده انت شغال في الكلية ال فيها ندى ورحيق؟
عمر_ايوة
ابراهيم _طب هطلب منك طلب ياعمر يابني
عمر_دنتا تؤمر ياعمي
ابراهيم_الامر لله وحده،فيه دكتور في كلية ندى،دكتور رخم باين عليه حاطط ندى في دماغه،وهيشيلها المادة ومن كلام ندى باين عليه دكتور غلس اوي.
عمر كان لسه هيرد
ندى مرة واحدة قالت_هوا ايه الفرق ياجماعة بين الموس والاسبوع والصحرا؟
…لسه الحكايةمخلصتش….
حكاية ياسر خلصت معانا لحد كده ولا ممكن يحصل حاجة تاني؟
ندى ممكن تلاقي اهلها الحقيقين ولا هتتقبل الوضع وتتعايش معاه؟
صحيح هوا ايه الفرق بين الموس والاسبوع والصحرا؟