رواية خادمة الصقر الجزء الثاني الفصل السابع 7 بقلم يوستينا سامي
رواية خادمة الصقر الجزء الثاني الجزء السابع
رواية خادمة الصقر الجزء الثاني البارت السابع
رواية خادمة الصقر الجزء الثاني الحلقة السابعة
في المستشفى عند صقر 🙈
خرج الدكتور وكلهم جريوا عليه
خالد / خير يا دكتور طمني صقر كويس صح
الدكتور / خير باذن الله ما تقلقوش فتره وهتعدي
معاذ / يعني ايه فتره وهتعدي صقر الحديدي ماله يا الدكتور هو كان كويس
الدكتور / معلش هو انا ممكن اتكلم مع خالد باشا على الانفراد
ادهم بخوف / لا ما فيش حاجه اسمها انفراد اللي جوه دوت عمي ولازم اعرف ماله ..ادهم جاسر الحديدي
الدكتور / طب ارجوكم تستوعبوا الكلام اللي انا هاقوله صقر باشا عنده مشاكل في القلب و محتاج يعمل عملية
معاذ بصدمة / ايه ابويا عمره ما اشتكى بقلبه انت اكيد غلطان يا دكتور
خالد / ايوه يا دكتور هو كان بيشتكي من فتره بالموضوع ده و كان المفروض يعمل تحاليل و اشاعات من شهر تقريبا
معاذ بصدمة / امتي الكلام ده ..و ازاي تخبي عليا يا خالد
خالد/ اسكت انت يا معاذ دلوقتي.. مش وقته يا ابني
الدكتور / خير باذن الله هو هيتحجز في المستشفى فتره لحد ما نحدد ميعاد العملية ..ولو سمحتوا العدد الكبير ده لازم يمشي ممكن يفضل معاه واحد بس
معاذ بندفاع / انا طبعا هافضل معاه
قمر بصيتله / لا يا معاذ انت لازم تمشي يا حبيبي انا هافضل مع صقر لا يمكن اسيبه
معاذ اتغاظ جدا وقالها / لا انا هافضل مع ابويا هو محتاجلي انا دلوقت على فكره
خالد بصدمة / بس بس لا انت ولا هي انا اللي هاقعد معاه يلا يزن انت و ادهم و صلوا نغم و قمر البيت
قمر بدموع/ بس انا ما اقدرش امشي واسيبه كده يا خالد حتى منغير ما اطمن عليه
خالد / صدقيني اول ما يفوق هاكلمك بس البنات لوحدهم في البيت وانت عارفه ان هما اصلا مش بيطيقوا بعض .. وبعدين ابني الله يكرمه مختفيه ومش عارفه اوصله علشان يقف في ضهري يا حسره فمتوجعوش دماغي
يلا يا يزن وصلهم يا ابني .. وانت يا معاذ تعالي عايز اتكلم معاك
….وفعلا يزن وادهم اخذه قمر ونغم علشان يوصلوه اما كريم وعساف فضلوا موجودين في المستشفى .
على باب المستشفى واقف معاذ بيشرب سيجاره خالد جيه جنبه وضحك بتريقه / قلبك ميت و بتشرب سيجاره علشان ابوك تعبان و مش هيشوفك لكن لو قدامه تخاف تعملها يا ابن الحديدي مش كده
معاذ بزعل / ليه يا خالد .. انا كنت عايزه افضل معاه على فكره هي مش من حقها انا اللي المفروض اقعد معاه انا ابنه
خالد / استغفر الله العظيم هو وانت صغير ابوك ضربك علي دماغك ياض ما هي مراته يا حماره
تعرف ياض يا معاذ وانت صغير كنت عيل فرفوش ودمك خفيف بس كنت عنيد خليت صقر بجلاله قدره يستحمل نغم في فيلا عشان كده بحبك ياض
معاذ ضحك / والله العظيم كانت احلي ايام فاكر يوم فرحك يا خالد و لا يوم ولادة نغم لفهد
خالد كشر / كان يوم زباله بعيد عنك سواء ده او ده ايوه كده اضحك يا اخي صدقني هتروق و هتحلي ولازم تعرف انك انت بديل ابوك لحد ما يقوم بالسلامة
مفاجاه هما بيتكلموا لقوا كميه اعلاميين وصحفيين بيقربوا عليهم كاميرات بتصور
خالد بملل / هو انتم وراءنا وراءنا عموما اطمنوا صقر الحديد كويس بس هو حاليا محجوز في المستشفى دعواتكم بقي
واحد من الصحفيين / ايه ده هو صقر الحديدي كمان في المستشفى يا فندم .. طب عايزين ردك عن اللي حصل النهاردة
معاذ / ردوا علي اي انتوا مجانين اتفضلوا امشوا من هنا يلاااا
صحفي / يا فندم عايزين نعرف ايه اللي ممكن يحصل بعد ما فهد الحديدي اعتدي على زميلته
معاذ بعصبية مسك الصحفي من هدومه / انت بتقول ايه انت اتجننت ولا شكلك كدة .. فهد مستحيل يعمل كدة انتوا جبتوا الكلام العبيط ده منين
صحفي بتوتر / يا فندم الاعلام كله بيتكلم عن الموضوع ده و هما محجوزين في المستشفى حاليا
خالد بتعب بيحاول ياخد نفسه/ معاذ اسندني يا ابني
معاذ بحده / عاجبكم كدة .. غوروا بقي من هنا ..هات ايدك يا خالد تعالي ندخل جوا
_______________________________________________
في الفيلا عند صقر ❤️
كارمن وجميله جريوا على نغم وقمر وادهم اللي روح معاهم لان جاسر و همس و ادهم كانوا عايشين في نفس الفيلا ..( لان كلهم عيلة الحديدي 🙊)
كارمن / ممكن بقي افهم كنتي فين لحد دلوقت يا ست ماما عامل ايه يا ادهووم
نغم / باقولكم ايه انا مش عايزه ازعاج وبعدين ما فيش حاجه كنا في مشوار وتاخرنا شويه يلا يا قمر عايزاكي فوق
وطلعوا هم الاثنين وسابوا كارمن وجميله مع ادهم
ادهم بتعب راح وقعد على الكرسي كارمن قربت منه قالتله بصوت رعب /كنت فين يا ادهم طول الفتره دي
ادهم ابتسم / يا بت اعقلي شوية كدة .. انتي واقفة هناك كدة ليه يا جميلة ما تيجي اقعدي
جميلة جات و قعدت جمبه و كارمن اتغاظت و قعدت هي كمان و حاوطوه من الناحيتين
ادهم بصلهم بستغراب / ده انا شهرايار اوي.. بت يا كارمن هو انني بتاكلي ايه
كارمن / ده فضلة خيرك شويه بانيه على بطاطس على بطاطس على بقدونس على شطه و في جبنه
ادهم / بس بس بس ايه القرف ده … هو انا مش قولتلك الف مره بلاش عك في الاكل
كارمن / وانت مال اهلك ..حد طلب رايك ولا انا باكل وانت بطنك بتوجعك مثلا
ادهم بصله بقرف / تور بيتكلم والله . بلاعة مجاري
وانني يا ست جميلة هانم بتاكلي معاها من الاكل ده
جميلة بزعل / احنا كنا خايفين عليك اوي يا ادهم ليه عملت كدة
كارمن / يا اختي حنينة . شايف طنط جميلة يا ادهم قلبها مرهف ازاي و بتحس اووي يا حرام
ادهم / انتي مالك بيها يا رخمة
و مسك ادهم ايد جميلة بحب / حقك عليا كنت محتاج ابعد شوية .. انا الفتره دي متشتت اوي و تعبان و حقيقي نفسي ابعد عن كل الناس
جميلة اندفعت / لا مش منحقك تبعد عننا .. احنا بنحبك اوي ، ادهم اوعدني انك تفضل معانا و متسبناش تاني
كارمن بغيظ رمت المخدة علي ادهم / قولها يا اخويا .. الهي وانت جاهي يجي حد و يخيطكم في بعض يا عالم يا ملزقة .. اففففف
و سابتهم كارمن و دخلت اوضتها
كارمن في اوضتها بتكلم نفسها بغيظ / اشمعنا بينسجم كدة مع جميلة وانا لاااا … و بيعاملني انا زي ما بيعامل فهد اخويا طب والله انا اجمل منها و هو اللي اعمي
______________________________________________
في القسم 😟
يزن رجع القسم بعد يوم طويل و طلب من الشويش انه يجيبله ميرا
و بعد دقايق وصلت ميرا و الكلبشات في ايديها
يزن بيبصلها بشماتة/ اي برضو لسه عند رايك انك متعرفيش البيت ولا البنات
ميرا بتعب / حضرتك عايز مني ايه ، انا قولتلك اني ميعرفشي اي حاجة انت ليه غاوي تتعبني و تتعب نفسك
يزن بهدوء / والله انا حر اتعب نفسي ولا لاء.. هو انتي أكلتي حاجة ولا لاء
ميرا بصتله بدهشة / هيفرق معاك
..يزن ابتسم وده خلى ميرا تستغرب جدا شخصيته المتناقضة
يزن / هو انتي فاكراني شرير للدرجه دي انا عندي ضمير شوية و هاجيبلك اي حاجه تطفحيها
تعالي اقعدي علي الكرسي ده ..
…وقعدت ميرا على الكرسي بس كانت متوتره جدا من يزن و عماله تبص حواليها خايفه ليضربها في اي لحظه لكن هو ما عملهاش حاجه وفعلا جاب ساندوتشات وبدا ياكل هو وهي مع بعض
يزن بهدوء / شايفه انا هادي ازاي وطيب .. قوليلي بقي بالراحه تعرفي ايه عن خيري عزام
ميرا استغراب / خيري مين انا اول مره اسمع الاسم ده
فجاه وبدون سابق انذار يزن بعصبيه حدف الصينيه في وش ميرا وقالها / وحياه امك انت هتستهبلي عليا يا بت .. حد قالك اني مختوم علي قفاياة
ميرا بخضة / انت ليه بتتحول كدة . انا والله معرفش مين خيري ده
يزن شد شعر ميرا بغل / ميرااا انا مش ازعلك انا بعاملك بالهدنة بقالي كتير .. انا لو قلبت عليكي هفعصك تحت رجلي انا عصبي
ميرا بدموع / بتعاملني بالهدنة اومال لو بالعنف هتعمل ايه .. انا بجد مش مصدقة ان لسه في حد حقير و ظالم كدة . انت ربنا هينتقم منك اشد انتقام
يزن بصلها بغيظ و زقها علي الارض جامد / و انا هوريكي الظلم يا ميرا
وفاجاه …
________________________________________________
في فيلا صغيره مكونة من دورين قاعد عاصي و هو متعصب اوي
وعد و هي بتضحك / ما خلاص يا عاصي اقعد بقي انت هتفضل واقف مكانك كدة لحد ما تعرف هي مين
عاصي / والنبي لتسكتي يا وعد انا متغاظ اوي و نفسي اعرف اي حاجة عنها ، بس ورحمة ابويا ما هسيبها ابدا
وعد / يا اخي خنقتني حلفت برحمة بابا الف مره
اقولك روح صلح عربيتك اللي اتكسرت الف حتة دي الاول
…و قعدت تضحك جامد و عاصي بصلها بغيظ
عاصي / ايه يا بت السماجة اللي في دمك دي
المفروض ان انت اختي يعني تهديني مش تجنني اكثر يا وعد .. اقول لك انا اصلا غلطانه اني باتكلم معك انا داخل اوضتي بلا القرف
________________________________________________
في المستشفى عند صقر 😭
معاذ جاب خالد عصير عشان يشربه ..
كريم / اهدي اكيد الكلام ده كله غلط و في سوء تفاهم و هيبان .. انا هكلمك يزن يروح بنفسه فيلا اصحاب فهد
….عساف كان واقف بعيد بيتكلم في التليفون و بيتاكد من الخبر و رجع و بص لخالد بحزن
خالد بكسره / عملها يا عساف مش كدة .. اغتصب واحدة .. رد عليا يا عساف متسبنيش اكلم نفسي
عساف بتنهيدة / لازم نتصرف بالعقل يا خالد .. انا اللي يهمني دلوقتي اننا نطمن عليه ابنك
خالد قاطعه في الكلام/ ما تقولشي ابنك .. انا معنديش عيال غير معاذ و كارمن و بس .
عساف/ يا ابني فهد محجوز في المستشفى و لازم تروحله
خالد / قولتلك لا انت ايه مش بتفهم .. انا هفضل مع صقر و لو شوفت فهد قوله ينسي ان ليه عيلة من اصله .
….و سابهم و دخل اوضة صقر لوحده
كريم. / معلش سيبوه الصدمة جامدة عليه .. انا مش عارف ايه اليوم اللي زي الزفت ده
عساف / انا كلمت من رجالتي يجي يمشي الاعلام دول علشان انا مش ناقص حوارات و لازم أخرح اطمن علي فهد
معاذ / وانا هاجي معاك يا عساف .. كريم والنبي خليك انت مع خالد و بابا
و بالفعل معاذ و عساف راحوا المستشفى عند فهد .
________________________________________________
في اوضة نسمة في المستشفى
كانت فاقدة الوعي و كانت بيتهيقلها بالي حصللها مع فهد في الاوضة
نسمة بتكلم نفسها و هي نايمة / لا .. فهد متعملش فيا كدة ابوس ايديك.. فهد انت اكيد بتهزر و التبي يا فهد ابعد عني …. فههههد انا بحبك متعملش فيا كدة مش عايزة اكرهم…والنبي سيبني
….و فاقت نسمة و بدات تصرخ بعلو صوتها و الممرضات اتلموا حواليها علشان يهدوها
الممرضة / اهدي يا انسة نسمة
نسمة كانت بتصرخ و بتضرب نفسها بعنف و بتتكلم بهسترية / انسسسة …. بعد اللي عملوا فياااا ليه يا فهد
ليه عمل فيا كدة .. هو فين انا لازم اقتله بايدي
الممرضة بتحاول تمسكها / يا جماعة حد ينادي الدكتور بسرعة
و في اللحظة دي حصل 😭😂
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية خادمة الصقر)
