رواية ذات الوجهين الفصل الثاني والثلاثون 32 بقلم منة محمد
رواية ذات الوجهين البارت الثاني والثلاثون
رواية ذات الوجهين الجزء الثاني والثلاثون
رواية ذات الوجهين الحلقة الثانية والثلاثون
نور رجع البيت كأنه راجع من جنازه حد عزيز عليه وشه احمر صهد وبيتنفس بسرعه كبيره
عزه سألته بلهفه: فين ست ياسمين؟!
نور بصلها بدون كلام وبيمسح دم نازل من جبينه
ذات طلعت تجري عليه: رايح فين
نور بغضب شديد: رايح في داهيه تاخدني الا اني أئعد معاكي في مكان واحد خليكي خدي البيت خدي كل حاجه
ذات مسكت دراعه : متقدرش تمشي لـ اي مكان انت لازم تاخد بالك مني ومن العيل
نور: عزه خدي بالك منها
ذات رفعت عينها عليه بحقد : مينفعش تسبني مع عزه هنا انت الي واجب عليك تهتم بيا وبأبنك انت مسمعتش الي قالته ياسمين هي مش عايزاك خلاص
نور لف عليها وعيونه حمراء من العصبيه وزعق فيها: وانا مش هفضل معاكي
ذات مسكته من دراعه بتملك وبنظره كلها تحدي: وانا قولت هتفضل
نور صرخ فيها باعلى صوته: قلت سبيني عايزه تفضلي تبقي تفضلي لوحدك _وزقها خبطها في الحيط بقسوه_
ذات وقعت لوري وصرخت وعيطت بجد ومسكت بطنها
عزه جريت عليها بخضه: ذات حاسه بأيه
ذات صرخت: بطني اه
نور غمض عيونه واخد نفس طويل وقرب مد ايده ليها: قومي عالمستشفي
………..قصص منه محمد كاتب……….
في بيت ياسمين الكل قاعد ع نار ورماد
ضحي رايحه جايه ذهابا وايابا بتتصل بيهم مفيش رد
زبيده بقلق وتفرك صوابعها: ها اختك ردت عليكي
ضحي رجعت شعرها ع وري ونفخت بضجر: مش بترد
ابوها: اتصلي بنور
ضحي نفخت: هو كمان مش بيرد
نورهان: ياتري حالهم ايه دلوقت ضحي تفتكري هي حامل فعلا
ضحي بقهر: للاسف هبه اتاكدت من المستشفي وايوه فعلا حامل
نورهان: ونور وياسمين هيعملوا ايه بعد كدا اي ذنب ده بس
ياسمين دخلت عليهم منهاره: بابا ماما
كلهم قاموا جريوا عليها في صوت واحد: ياسمين
ياسمين انهارت في العياط ووقعت علارض وكلهم صوتوا
زبيده نخت واخدتها في حضنها وابوها كمان ضمها ضمه حنونه عسى تريح قلبها بعد اللي شافته من قهر طول اليوم وياسمين طلع منها صوت شهقتها في حضن ابوها الي بيحاول يهديها وضحي ونورهان يعيطوا ع منظرها والكل بيحاول يهديها.
……… ….قصص منه محمد كاتب……..
في المشفي
الدكتوره: الحمد لله محصلش حاجه للجنين بس الام متوتره جدا واعصابها مشدوده وكدا هيأثر ع الجنين بنتيجه سلبيه
نور :هحاول يا دكتوره امسك اعصابي
الدكتوره: اتمني عن اذنك
نور: متشكر _راح لعزه وملامح الجمود على وشه _ خليكي معاها
عزه: انت ماشي رايح ع فين؟
نور اتحرك وفتح الباب وخرج بدون رد وساب المكان بضيق
عزه : طب دي لو صحت اعمل ايه معاها والله حرام الي بيحصل فيهم ده جنون
…………………قصص منه محمد كاتب…………
نور طلع ع بيت اهل ياسمين وخبط بجنون ع الباب لحد ما ابوها فتح وخرجله
نور: عمي ياسمين فين؟
ابوها كتف ايده حوالين صدره وبتكشيره: معرفش هي فين
نوربصوت تعبان: عمي ارجوك انا فعلا محتاج اتكلم معاها
ابوها: انت المفروض تشفق ع ياسمين النهارده بنتي اتعرضت لـ ابشع واسوء موقف ممكن ست تتعرضله من اول ما اتصلت الشر ع البرنامج وكملت وجابت هدومها واحتلت بيت بنتي والاخر طفل منك سيبها بقي تنفرد بنفسها وتاخد هدنه وارحمها
نور: حاضر! وبجد اسف اني أذيتها بما فيه الكفايه من غير قصد ومفكرتش ابدا ان الامور هتوصل للحد ده انا اسف(بكاء بصوت ونهنه)
ابوها اتنهد وقرب منه وطبطب ع كتفه: ارجع بيتك
ابوها دخل وقفل الباب ونور جث الباب وسند ضهره عليه ومش قادر يمشي ويسيب روحه الي راحت منه!!!
…….قصص منه محمد كاتب………
ع السفره نورهان بترصلهم الفطار
نورهان: معرفش ياسمين راحت فين بالليل اختفت لما رجعت بيتها منهاره واظن مكلتش لقمه من اول النهار لاني روحت لقيت الفطار زي ما هو وابوها بس الي موجود في البيت وامها واختها مش موجودين
نور: بس انا عايز اتكلم مع ياسمين ومصر مش هطقلها والعيل هتحمل مسؤليته لكن امه انا ماليش علاقه بيها اطلاقا ولو هشوف طلباتها لكن مستحيل اتورط معاها في جواز
رفعت ضرب السفره بكف ايده : انت اتورطت والي كان كان والعيل الي في بطنها ابنك ولازم تكتبه بأسمك وياسمين اسمع كلام ابوها وسيب بنته ترتاح هي مشت مع اختها وامها اكيد هياخدوها لمكان تهدي نفسيتها متقلقش
نور: لكن يا بابا
رفعت قطعه بحده: خليك صبور ووقف تهور لان الست دي مش هتبطل تسيئ لياسمين
نورهان: وياتري لما تسيبها كدا وتيجي تعيش هنا مش هتتجن وتكسر البيت
نوربعدم اهتمام: انشاء الله تحرقه ع دماغها
نورهان تلفونها رن ردت: ايوه ياعزه
عزه: الباشمهندس معاكي مش قادره اوصله
ذات بصريخ: قوليله يجي حالا
نورهان كرمشت وشها وفتحت اسبيكر عشان يسمعه
ذات بصراخ: حاسه اني هموت بسببه وديني لو حصل حاجه للعيل مش هسيبه قوليله يجي
عزه كرمشت ملامحها: طيب اسكتي ست نورهان سمعتي ده ارجوكي بلغيه بسرعه
نور مسح وشه وحط دماغه عالسفره
نورهان: سمعت هقوله _اغلقت وسألته_ ها هتعمل ايه يابني دي مجنونه رسمي
نور هبد دماغه بقسوه ع السفره ونورهان وجعها قلبها عليه
رفعت: روحلها عشان العيل ومتقلقش ع ياسمين هي ست عاقله تقدر تعدي الازمه وانت روح صلح المشكله الي عملتها في نفسك قبل ما تخرج الامور عن السيطره اكتر من كدا
……قصص منه محمد كاتب…………
ذات رجعت من برا وحطت علب ع السفره: عزه اغسلي الفستان الحرير الاسود لاني بكره هلبسه
عزه بصت لنور الي شاورلها تنفذ
عزه بتكشيره: حاضر
ذات: نور المساء هنتعشا صنف جديد
نور لف وبصلها بنظرات مستغربه
ذات : ده عشان ابني عايز ياكل اكل ايطالي وقالي اسالي بابا
نوربضيق: هو العيل برضو الي عايز ياكل
ذات: هي هتفرق انا هاكل هو كمان هياكل وبعدين لو عايزين الطفل صحته كويسه وينزل عقله سليم لازم تعتني بيه كويس ولو انا اكلت كويس وعشت كويس ده هيعود ع العيل وده كلام الدكتوره مش كلامي يله انا رايحه اغير واستعد لخروجه بالليل
……..قصص منه محمد كاتب……….
ياسمين اعتكفت في المسجد تنضفه وتمسح وسابت الدنيا بكل الغل والحقد الي فيها
ضحي عيونها عليها: ماما انتي واثقه بأن ياسمين الاحسن تعتكف هنا
زبيده: ايوه احسن من قاعدتها في البيت وكمان تفضل بعيده عن نور وقومي اتصلي بأبوكي متقلقيش
ضحي: حاضر يا ماما
ياسمين اثناء الصلاه فضلت تبكي بحرقه من قلبها والنفس بقي شبه معدوم من دموعها الي حاصرتها..ومش قادره توقف عياط. لحد ما انهارت وامها شهقت وجريت عليها سندتها وأأعدتها
زبيده: مالك ياضنايا
ياسمين حاولت تاخد نفس عشان تتكلم : انا كويسه يا امي كويسه
زبيده طبطبت علي ايديها : حبيبتي استريحي وانا هقوم ارتب المسجد بدالك
ياسمين منعتها ووقفت وبصوت مبحوح: لاء انا هنضفه يمكن اقدر امحي ذنوبي يمكن ينتهي العقاب انا هنفضه انا هعمله
……………..قصص منه محمد كاتب………………..
في المطعم الايطالي
فريد: سمعت بحكايتك والي جرالك بس كنت مسافر روما وللاسف مكنتش هنا ولسه راجع القاهره من يومين بس خلاص هفضل هنا لمده طويله ولو احتجت اي حاجه بلغني وانا مش هقصر يا محمد
محمد ببتسامه شكر: متشكر يا فريد عارف انك مشغول في محلات المجوهرات وربنا يزيدك من نعيمه
فريد: طمني ع حياتك يا صاحبي ماشيه ازاي دلوقت سمعت انك طلقت ذات
محمد لسه هيرد لمحها داخله هي ونور وهي في قمة اناقتها تنح اوي وفريد لف يشوفه هو تنح في ايه وذات لمحته ووقفت شويه تبصله
ذات همست لنور في ودنه: نور ع فكره طليقي هنا خلينا نروح نسلم عليه
نور هنا افتكر لما ضربه وبعصبيه: بلاش كلام فارغ بس لو انتي عايزه روحي لوحدك
ذات: يعني مش قادر تمشي معايا دقيقه ولا لازم اصوت واصرخ في قلب المطعم عشان تنفذ الي بقوله ولا مشيك جنبي يحرجك
نور مشي معاها خاف لتفضحه قادره وتعملها اتحرك معها ووقف قصاد الاتنين وبصلهم بجمود
ذات دخلت عليهم مأنكشه في دراع نور وابتسمتلو ابتسامه سمجه : اهلا يا محمد او ما شفت وشك اتفاجئت فكرت اني دخلت مكان غلط _ضحكت ضحكه عاليه_
نور بحده وضغط على ايدها : احترمي نفسك واتكلمي بأدب
فريد ابتسم ومد ايده: ازيك يا مدام ذات طبعا فكراني
ذات مدت له ايدها بالسلام: اهلا يا فريد بيه طبعا كلمتك من لندن فيديو كول لما اشتريت من عندك مجوهرات بس تصدق لما شوفتك مش متفاجئه ان محمد قاعد وقادر ياكل هنا في المعطم اصله مفلس ياعيني
نور اخد نفس ومسح وشه من الغيظ ومحمد بصلها بحتقار وسكت
ذات ببتسامه: بقالي يما مشوفتكش لسه بتاجر في المجوهرات
فريد مبتسملها: لسه ولو فاضيه تقدري تعدي ع المجموعه الجديده في المكتب
ذات دخلت ايدها بشعرها بحركه حيويه: هايل نور نروح مجوهرات الاستاذ فريد جميله جدا ونادره كنت كل ما البسها الكل ينبهر عليها
نور نفسه يقطم زماره رقبتها ويخلص للابد
ذات: اه نسيت اعرفكم استاذ فريد المحلاوي وده نور جوزي
فريد مد ايده وسلم: اهلا وسهلا
نور مد ايده وسلم
محمد بتريقه ونبره مهينه كلها تجريح: جوز مين اخدتي الاذن من مراته ياسمين
نور حاول يتمالك نفسه: انا هستني ع التربيزه عن اذنك يا استاذ فريد
ذات بصت لمحمد : عن اذنك يا فريد بيه واول ما افضي هجيلك ع مكتبك
فريد : مستنيكي
ذات بصت لمحمد ورفعت شفتها لفوق بحتقار ومحمد بصلها وعمل نفس الحركه وعطاها نفس النظره
فريد بصلها من فوق لتحت بأعجاب: جسمها نار ومش متفاجي لو خان معاها مراته
محمد بحمقه:عشان غبي وتفكيره غبي
فريد ابتسم ابتسامه واسعه: بس ايه ده هو انتم بتلعبوه لعبه تبادل الازواج
ذات عماله تملس ع شعر نور وتعمل حركات عاوزه تغيظ بيها محمد وتقهره ,, ونور يلف دماغه بأحراج و يبعد ايدها عنه كل شوي والود وده يسحب ذات ويطلع من المكان بأقصي سرعه وفريد يبصلهم ويرجع يبص لمحمد ومبتسم اوي ومحمد عوج خلقته ولف وشه عنها
………..قصص منه محمد كاتب………
ذات روحت مقهوره من صد نور عنها وكأنها شئ مقرف وطلعت فوق السرير وشدت البرواز الي فيه صور ياسمين وهبدته بقوه علارض
عزه دخلت وسعت عيونها وشهقت: بتعملي ايه ازاي ترمي صوره ست ياسمين كدا
ذات: انا حره برميها
عزه بتشد منها البرواز التاني: سيبي
نور دخل عليها: بتعملي ايه يا خلل
ذات بحقد وغل: برميها
نور بانفعال: ليه نزلتي كل صور ياسمين
ذات رفعت حاجب تغيظه: مش عايزاهم وهرميهم
نور اللي زاد انفعاله: يعني شلتيهم من ع الحيطه ولسه برضو مش سعيده
ذات حطت أيد على وسطها وايد على راسها ومثلت التعب : كل ما بشوفها في خلقتي بضايق ببقي عايزه استفرغ شكل ابني محبهاش عشان كدا خدها من هنا
عزه بتبرطم: العيل ولا انتي يا ام غل مين يشوفها ويضايق دي حته عسل
ذات اتعصبت عليها: بتقولي ايه يا ام لسانين ولو فتحتي بؤقك وانا استفرغت حطردك
نور وقف قدامها ببرود
ذات مثلت التعب: خرجهم حتي لوقت ما اولد ارجوك يانور ولما اخف واولد ابقي علقهم مش هماتع
نور رفع عيونه وبصلها بحزن عميق مخلوط ببرود
ذات: ارجوك يانور معرفش مالي اشوف صورها احسن بالترجيع_مثلت التقئ وجريت ع الحمام_
نور مسك دماغه: ايام سوده ع دماغي
ذات بتصرخ في الحمام: نور تعال مسد ع ضهري
نوربقرفه: عزه روحلها
عزه دخلت ع مضض تمسدلها
ذات اتعصبت: براحه
عزه: حاضر
ذات: روحي قولي لنور يحضرلي الغداء ليا ولابنه زي ما كان بيحضره لياسمين عشان ابنه يعرف ان ابوه بيحبه ياتري سامع ولما اخلص ترجيع هخرج اكل
نور مش معبرها ونزل ع الارض ببطئ يلم صور ياسمين وأأعد علارض وسند ضهره ع الدولاب ويبص في صوره ياسمينته ويتأملها لانها وحشته اوي ونزلت دموع الاشتياق والفراق
رايكم رايكم رايكم الناس الصامته وتعالوا لما رفعت يرجع ياسمين وتقف في وش نور عند الماذون وياتري فريد دوره ايه في الروايا تابعوني وانتم هتعرفوا
رفعت راح يزور ياسمين بعد ما عرف مكانها من ابوها دخل المسجد صلي الضهر وراحلها
رفعت :عامله ايه يابنتي
ياسمين: الحمد لله بجني عمايل الخير
رفعت: الخير هو افعال خدي الكتاب ده اول ما شفته فكرت فيكي حبيت اشوفك وجبتهولك معايا وانا بدهولك ليكي
ياسمين: شكرا يا بابا
رفعت: وبدهولك لسبب لاني شايفك بتحبي عمل الخير اقرئيه عشان تفهمي معني كلمه خير تقدميه في الوقت المناسب وتقدميه للشخص المناسب
ياسمين فتحت اول صفحه ولقت جمله: اعطي ماهو مناسب في الوقت المناسب
ياسمين رفعت عيونها وبصتله بقهر: ليه مسمعتش المعاني دي قبل كدا قبل ما اسمح لذات تيجي تعيش في بيتي وتاخد مني حبيب عمري مكنش المفروض اسمحلها تيجي وتعيش في بيتي كله بسببي وبسبب طيبتي
رفعت برحمه وشفقه عليها: هو مش كدا بالظبط الغلط مش عليكي لوحدك بالكامل لان نور وذات مشتركين فيه خلينا نقول انتم التلاته غلطتم سوي ولا ترمي اللوم عليهم ولا ترمي اللوم كله ع نفسك
ياسمين غمضت عيونها ونزلت دموعها وهزت دماغها بنفي وشهقات عاليه صادره منها
رفعت بهدوء تابع: انتي انسانه جميله نضيفه بتحبي تعملي الخير لكن فعل الخير مش اننا نغمي عيونا كالاعمي ونعمله لاء يا بنتي نعمله بس بالمنطق والعقل وانتي للاسف قدمتي الخير للانسانه الي مش مناسبه تستقبله ولا تقدره عشان كدا حياتك بقت فوضي
ياسمين نزلت دموعها: عندك حق انا غلطت وبعترف
رفعت: بصي حواليكي انتي في بيت الله جميل انك هنا لكن عقلك مشوش والقعاد هنا من غير فايده انا قلقان وابوكي وامك قلقنين الكل عايز يساعد عشان تقومي وتنهضي من اول وجديد وتحلي بالعقل والمنطق ومش مهم الي هتعمليه بعد كدا وانتي لسه زي ما انتي بنتي واحنا لسه نفس العايله ليكي
ياسمين باست ايده وهو مسح ع شعرها برفق وسلم عليها ومشي وزبيده راحت عليها
ياسمين رفعت عيونها وبصتلها: ماما انا راجعه البيت
زبيده أأعدت قصادها: راجعه البيت
ياسمين مسحت دموعها ومسكت ايديها: ايوه يا امي راجعه حتي هنا عقلي شغال
زبيده بتشجيع: لو ده قرارك وحاسه انك مرتاحه ارجعي
ياسمين: ايوه هرجع استخدم العقل الي بمكله واواجهه الواقع هربت بما فيه الكفايه وهسيب الالم يألمني لحد ما الالم ينتهي
زبيده ابتسمت وضمتها لحضنها
……………قصص منه محمد كاتب………
في الاذاعه
ياسمين: هبه انا مش قادره ارجع الشغل وعشان كدا اخدت قرار اقدم استقاله
هبه قامت وقفت وبشده وحزم: مش قادره تشتغلي معاكي بس ليه تهربي اقفي واصمدي وخليكي زي الجبل وياستي خدي اجازه مفتوحه ولما تلاقي نفسك ارجعي لاني مش هقبل استقالتك ابدا بعد ما بقيتي مذيعه مشهوره
معتز بحسن نيه: ع فكره نور مبقاش يظهر في اي برنامج لانه مبقاش عنده عقل يعمل بيه اي حاجه ده ولا بيروح الشركه ولا بيرد ع مكالماتي وع طول يرزع الخط في وشي ,,ويقولي اصله المفروض يهتم بذات والعيل ,,حياته بقت ذات والعيل طول اليوم
ياسمين وشها احمر من القهر والغيظ وهبه حمحمتله وشاورتله بعيونها ع مشاعر ياسمين ومعتز اخد باله فسكت
ياسمين قامت وقفت: طالما اتفاقنا اناهمشي انا ياهبه _مشت كام خطوه
حنان ضربته في كتفه: انت ازاي يامعتز تقول الدبش الي قولته ده لو انا مكان ياسمين كنت حطمت دماغك في قلب المكتب
معتز: مش عارف انا مصدوم من الدبش الي كريته وري بعضه
ياسمين رجعتلهم وقالت: معتز روح بلغ نور بكره الساعه عشره يستناني عند المأذون ولو مجاش هخلعه
هبه بلوم وعتاب: عجبك كدا
معتزهز راسه بأسف: اسف ياقلبي همسك لساني في القادم
………….قصص منه محمد كاتب……….
في بيت نور معتز راح بلغه الرساله
نور بتصميم: مش هطلق لو السما اطربقت علارض مش مطلق
معتز: انت مش هطلق امال هتعمل ايه مش هتروح وتخليها تستناك
نور بهتت ملامحه: هتصل بيها_ اتصل مغلق_ تلفونها مقفول
معتز: حتي لو مفتوح ولا هتعبرك ولا هترد عليك هي مقرره جات النهارده تستقيل من الشغل وبلغتني اجي ابلغك بخصوص الطلاق اما هطلق او لاء روح واتكلم معاها وجه لوجه لكن لو سبتها تستني الوضع هيبقي اسوء
نور: تعمل الي تعمله لكن مش هطلقها
وقف معتز عند الباب : وهي هيبقي عندها حق ازاي تتحمل الوضع ده وانت اتعدل واعقل واتقبل الامر وارضي يا صاحبي عيشكم لحد كدا مع بعض انتهي ولو مطلقتهاش هتخلعك
معتز مشي ونور نزلت دموعه عليها وذات سمعت كدا وسعيده بالطلاق
………..قصص منه محمد كاتب………
عند المأذون ياسمين واقفه ومعاها ضحي وشويه ونور وصل وبص عليهم بتوتر
ضحي: نور جه
ياسمين لفت عليه و سرقت نظره سريعه عليه و قلبها دق بدقه قلب عنيفه لمنظره وعيونه المحلقه بالهالات السوده
نور عاقد حواجبه: ليه لابسه اسود
ياسمين: حداد ع حياتي لدرجه نفسي اموت وارجع اتولد من جديد
نور اخد نفس وبرجاء: بخصوص الطلاق ممكن تراجعي قرارك
ياسمين رافضه تبص في عيونه لتضعف: مش محتاجه حتي مجرد التفكير انا قادره افكر واخدت قراري خلاص فين الشهود
نور مثل الاستعباط بنظره غبيه : شهود اي شهود
ضحي بهدوء: الشهود الي هيشهدوه ع الطلاق
نور: انا مجبتش حد لان انا مش مطلق
ياسمين: بس انا عايزه اطلق..انا جيت وجاهزه ومستعده وطالما مجبتش شهود انا هجبهملك حالا_ قربت من ودن ضحي وهمست فيها_
نور بصلهم ونظراته كلها ترقب وياسمين لفت وبصتله بثقه وغرور وهو اتك ع شفايفه من الغيظ ودخلت هي قبله جوه الغرفه وهو دخل وراها ياسمين لفت وبصتله ونزلت نظرها للارض مش عاوزه تيجي عيونها في عينه بس بعدها رفعت عيونها لقته بصصلها بشتياق جارف لدرجه هياكولها بعيونه وهي بصتله وقلبت وشها في وشه وبسرعه هربت من عيونه وكشرت
ضحي دخلت بعدهم ومعاها اتنين شهود جابتهم من ع القهوه
المأذون سألهم: انتم متجوزين اقل من سنه انتم متأكدين عايزين الطلاق
ياسمين بسرعه: ايوه
نور غمض عيونه ونطق الكلام بسرعه: لاء
المأذون: معني كدا مش هتطلقوا
نور بياخد مبدء التطنيش ونطق ببرود اعصاب: هو كدا
ياسمين بنفعال: هو حر في رايه يا عم الشيخ انا هطلق وهو لازم يطلق
نورباعتراض : بس انا مش عايز اطلق
ياسمين: مضيعش وقتي انا جبت كل حاجه وقع ونخلص
نور حاول أنه يحافظ على هدوء أعصابه ونفخ : بس انا مش عايز جوزنا ينتهي
ياسمين بحده خفيفه: انت ملكش الحق تتفاوضي انا عايزه اطلق وانت هطلق
ضحي مسدت ع كتفها: اهدي ياياسمين و استهدي بالله
المأذون ابتسم ع حبهم وعندهم لبعض: ارسوا ع برا هتطلقوا ولا مش هتطلقوا_ اخد نفس وبهدوء_ بصوا ايه رايكم تروحوا وتتفقوا الاول
ياسمين دورت وشها مش عاوز تبين ضعفها وبغضب مكتوم: انا مش هوافق ع اي حاجه انا طالبه الطلاق
نورشوح بأيده بغضب : اطلقي مع نفسك انا مش مطلق
ياسمين شخطت فيه : نور
نور قام قام من مكانه وصرخ فيها : انا مش مطلق انتي سامعه مش مطلق
ياسمين بقهر ودموعها على وشك النزول: نور هطلق اجباري
نور خلاص اتعمي من العصبيه والقهر صرخ فيها و مسك كل الي ع المكتب وفضل يحدف فيه بجنون وطلع بسرعه من المكان
ياسمين طلعت تجري وراه: نور تعال هنا
نور فضل يجري منها لدرجه بقي يخبط ويوقع في الناس ويعتذر
ياسمين بتجري وراه وقدرت تمسك ايده: نور بقولك اقف هنا وادخل ارمي اليمين
نور لف وبصلها ودموعه بتنطق وتعبر عن المه الكبير : مش مطلق ساااامعه مش مطلق
ياسمين دموعه فتت قلبها و اتمنت تضمه وتمتص كل حزنه بس جمدت قلبها وقالت بجفاء قاسي : وانا عايزه اطلق
نور اخر ما اتخنق منها زقها وطلع يجري ع السلم هربان منها وهي تجري وراه
رايكم الجميل يله مردتش احط ذات باخد منها بريك وانتظروني وبارت جديده جواه مفاجأه وبدايه وقوع ذات في شر اعمالها !!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ذات الوجهين)
