رواية ذات الوجهين الفصل الثالث والثلاثون 33 بقلم منة محمد

رواية ذات الوجهين البارت الثالث والثلاثون

رواية ذات الوجهين الجزء الثالث والثلاثون

رواية ذات الوجهين الحلقة الثالثة والثلاثون

نور رجع البيت حرفيا مش شايف قدامه وبيجري ع جوه
ذات بصتله وحتفترسه بنظراتها: برضو مطلقتهاش معناد ايه ده
نور: معناه اني رافض اطلق
ذات: انت اناني ليه متمسك بيها بص لـ ابنك يا اخي لما يتولد ع وش الدنيا ازاي يلاقي امه مش ع ذمه ابوه وانا لو اتوترت واجهضت هتعمل ايه
نور بعصبيه ونرفزه: عاوزني اعملك ايه لو انتي حقوده وغلاويه ونزلتي العيل عاوزني انا اعمل ايه ومتتهمنيش اني مش مهتم بالطفل اظن صبري وتحملي عليكي عشانه وقولت لك لما تولديه هكتبه ع اسمي اما جواز منك لاء والف لاء واظن انتي ذكيه بما يكفي حاولي تتحكمي في عقلك ومشاعرك ولو حصل حاجه للعيل تلمي هدومك وتخرجي من البيت ده
هزت رأسها و هي بتصرخ : ع اي حال هكون مراتك
نور قرب منها لحد ما حاصرها في الجدار وبتهديد صريح: لو حصل حاجه للعيل انتي وانا انتهينا
ذات ضربت الفازه برجولها طاحت لبعيد واتكسرت لفتات وقلبها محروق من تمسكه بياسمين ونفسها تصرخ وتكسر الدنيا بس رجعت مسكت نفسها للطفل يجهض وكدا تخسر كل حاجه
……….قصص منه محمد كاتب……..
محمد بدهشه: ايه نور جري وهرب
ضحي مطت شفايفها وايدها محطوطه ع خدها: ده الي حصل بجد الاتنين صعبوا عليا معرفش ليه كل المشاكل تنتهي بالطلاق
محمد: لو مفيش حب استمر بيكون اخره الطلاق والالم بس طمنيني ياسمين عامله ايه
ضحي بحزن: محبطه وحزينه قاعده في البيت مبتعملش حاجه وخايفه عليها من كتر التفكير تتجنن
عمته راحت عليهم: محمد
محمد رفع عيونه وبصلها: نعم يا عمتي
عمته: دماغي بتوجعني المطعم قرب يتفتح وكل حاجه مش في مكانها المطبخ مخلصش وبرا مكركب وانا معنديش وقت ادير كل حاجه لوحدي قولي اعمل ايه
محمد: انا فكرت اجيب مدير للمكان
عمته بحماس: حلوه الفكره دي
محمد: بس لازم يكون شخص موثوق منه امين وبيهتم بالتفاصيل ها موافقه يا ضحي
ضحي ضامه حواجبها بتعجب:موافقه ع ايه
محمد: لو طلبت من اختك ياسمين تيجي تشتغل معانا هنا
ضحي بفرحه: مديره هنا
محمد: ايوه
ضحي: انت هايل وكدا ياسمين هتبطل تفكر كتير وانا اقدر ارعيها هنا ولو جات ذات تتنمر عليها هتاخد مني حته علقه
محمد ابتسم لما شاف لمعه جميله في عيون ضحي
ضحي سحبت محمد من ايده: انت احلي ريس في الدنيا شكرا خاليني اضمك_
ضحي ضمته ببراءه وبفرحة صادقة ومحمد بص لعمته الي برقتله
ضحي اخدت بالها وخرجت من حضنه وابتسمت بحرج وكسوف : سوري اتحمست مش اكتر
محمد: لو اتحمستي كدا المديره هيعجبها طريقه الحماس
ضحي خدودها احمروا جدا: انا رايحه المطبخ
عمته بعد ما مشت ضحي بصتله: فكرت في الموضوع
محمد: عمتي روحتي فين هي الي جات تحضني من نفسها
عمته: بس انا مش قصدي حضن ضحي انا قصدي شغل ياسمين
محمد هرش وري ودانه وابتسم وعمته عوجت شفايفها شمال ويمين
…………قصص منه محمد كاتب…………….
ذات قامت من النوم تتقئ وصرخت بأسمه: نور
نور طلعلها بضيق: عايزه ايه
ذات: عايزه ميه
نور: ميه هجبهالك
ذات: مش ميه من الحنفيه عايزه ميه معدنيه
نورهز دماغه ونفخ: حاضر هروح اجبهالك
ذات: انت خليك ابعت عزه وانت اعمل مساج ع ضهري
نور فضل واقف متردد يقرب ويلمسها
ذات بكت بتمثيل: دراعي بيوجعني وراسي بتوجعي
نورهز دماغه ونفخ : ايوه اعمل ايه
ذات: مساج مساج
نور اخد نفس طويل وفضل يعملها مساح وهو مخنوق والوضع بقي فوق الاحتمال وهي تشرب في الميه ورجعتها كلها وبهدلت ارضيه الحمام
………….قصص منه محمد كاتب………….
في بيت ياسمين
محمد ببتسامه واسعه: بصراحه كدا كنت جاي اشوفك واطلب منك تشتغلي معانا
ياسمين بصتله بدهشة : اشتغل
محمد بنفس الابتسامه: ايوه في المطعم عندي احنا معندناش مدير وضحي قالت لي انك قدمتي اجازه مفتوحه من الراديو وقاعده في البيت عشان كدا فكرت تشتغلي معانا
ضحي: سمسمه في المطعم مفيش غيري انا وعمته ولو بقيتي معانا كمدير كدا احسن ما تئعدي في البيت وتفكري لحد ما تتجنني
محمد: ده صحيح ومش عايزك تقلقي بالنسبه للشغل اعملي الي تقدري عليه ولو في اي يوم حسيتي انك مش عايزه تروحي الشغل براحتك خالص متجيش
ضحي بصتله بأعجاب واضح: اظن مش هتلاقي ريس لطيف كدا تاني
ياسمين ابتسمت و قالت بهدوء : ممكن اجي اشوف نوع الشغل وهرد عليك بعدين
محمد وسع ابتسامته: تمام وانا هعلمك اصول الشغل
…………….قصص منه محمد كاتب………..
يوم افتتاح المطعم
فريد واقف ماسك الميكرفون:اهلا وسهلا بالكل الضيوف الي جم وشرفونا وشاركونا اليوم المهم جدا بالنسبه لصديقي واخويا محمد الكاشف تعال يامحمد والكل هيصقفلك
محمد شاورله وابتسم وقام والكل صقفله بحراره
فريد: صديقي بيحب يجدد البيوت القديمه وكان عنده حلم واليوم بس حققه وقدر يمتلك مطعم صغير خاص بيه والنهارده حلمه اتحول لحقيقه تحبوه تسمعوه وهو بيتكلم عن الحلم لو كدا صقفه كبيره
الكل صقف بحماس وفيه منهم صفر ومحمد ضحك ومسك الميكرفون: في البدايه احب اشكر كل واحد جه يشاركني افتتاح مطعمي المتواضع واتمني بجد يكمل ع خير وعشان كدا النهارده كل اللاصناف بالمجاني اتفضلوا وبشكركم من كل قلبي
فريد بتهليل: صقفوله
محمد: شكرا يافريد من غيرك مكنتش الصحافه ولا حد جه
فريد ضربه في كتفه بمرح: بطل عبط دي حاجه صغيره ويله ناخد صوره للدعايه
محمد: ثانيه ياسمين ممكن تيجي هنا
ياسمين سحبت اختها وراحوا وقفوا جنبه هو وفريد والصحافه اخدت صور جماعيه جميله واخدوا حوار لمحمد وياسمين
نور نزل من عربيته ووقف لثواني وجواه كميه غضب كبيره وعنيفه وبص لليافطه والصور الكتير لمحمد وياسمين وهما جنب بعض والغيره اتملكته ودخل عليهم مشحون بطاقه غل وغضب
………..قصص منه محمد كاتب……….
المساعد: مش ملاحظين ع ياسمين انها احلوت اوي وسعيده ولا كئن حصلت مشاكل في حياتها
حنان: فعلا وصغرت عن الاول يما الفتره الي فاتت كان وشها مصفر وشاحب وكأنها عجزت ميه سنه
معتز: فعلا مختلفه عن نور شكله اتبهدل ووشه كبر ودبل ووسامته راحت وع طول عصبي ومتوتر
المساعد لمحه داخل عقد حواجبه بقلق : فعلا شكله مش مريح
حنان ابتسمت بتريقه: وانت هتعرف منين انت شوفته الا مره ومن فتره
المساعد شاورلها بعيونه :وراكي داخل بطريقه تخوف
الكل لفوا وفي صوت واحد : نور
نور بيلف بعيونه عليها لمحها واقفه تضحك وتهزر وتتكلم مع الصحافين ومحمد عشان الصور حط ايده ع ضهرها ونور هنا جواه ثوره وببراكين
معتز وقف قدامه ومسكه بقوه:اهدي واستني
نور زق معتز من طريقه وهبه مسكت ايد معتز : استني نشوف الموقف الاول وبعدين ندخل
نور اتكً بغل ع فكه ومسك ايد محمد سحبها من ع ياسمين ولولاها بعنف ولفه له وضربه بوكس بكل عنف ومحمد وقع بيه ع تربيزه بكل الكاسات الي عليها وحصل حاله هرج ومرج في المكان
فريد مسك المكرفون بسرعه وقال للضيوف: رجاء الكل يفضل في مكانه دقيقه واحده ياجماعه شكله مسطول
ياسمين حطت ايدها بؤها ومعتز لف ايده حوالين صدر نور وبيسحبه ع برا
ياسمين بصتله بعتاب: ليه كدا يانور ليه
فريد راحله: نور انت بتعمل ايه
نورنفسه طالع نازل وبيزق في معتز: اوعي سبني يامعتز اخلص عليه واعرفه انها لسه مراتي
فريد للمساعد: لو سمحت اقفل الباب ع الضيوف عشان الصوت
معتزحط ايده فوق صدره بيمنعه: اهدي يانور
ياسمين: محمد انت كويس
فريد: ضحي خدي محمد من هنا لو سمحتي
محمد مسك اسنانه الي اتحركت من مكانها ورايح خارج مع ياسمين الي شافت نور بيحاول يمسك اعصابه عن تدمير المكان
نور بيحاول يتحرر من مسكه معتز وبيصرخ بغضب شديد: سبني يا معتز
هبه نبره كلها صرامه وحزم: معتز خد نور هناك بعيد عن الناس
معتز بيزق فيه: امشي معايا امشي
فريد بص لهبه: انا ههتم وهوضح الامر للناس
هبه بتوتر: تمام تمام
ياسمين سألته بقلق اتأذيت فين يا محمد
محمد مش بيرد وماسك انفه وبيتألم بشده ونور وقف ع اول درجه من السلم وجهنم بتتكلم وتعبر جوه عيونه
فريد طلع للناس وشغلهم موسيقي والناس بدئت تندمج ونسيت الموقف الي حصل
معتز: ايه الي انت عملته ده قوم يله ارجع البيت
نور مسح ع شعره بعنف: مش منقول من هنا غير لما ياسمين تسمعني وتفهم اني بحبها
ياسمين راحتله بكل غضبها منه: وانا مش عايزه اسمع
نور جري عليها: ياسمين
ياسمين رجعتله تاني ووقفت قصاده : لو فعلا زي ما بتقول قابلني عند المأذون ومتهربش تاني زي العيال
نوربصلها نظرات ناريه : لاء مش هطلقك وكلكم اسمعوني انا وهي مش هنطلق وهي لسه مراتي وهتفضل مراتي ومحدش يقدر ياخدها مني
ياسمين وشها احمر من شدة الغضب و اندفعت ناحيته بشراسة: مش معني اني لسه ع ذمتك يعني فيه بينا اي علاقه مجرد ورقه ولا ليها اي معني لانك الاول مدتهاش اي قيمه لما سافرت بواحده تانيه غيري دبي وقبلها دخلتها الشركه اظن وقتها نسيت الورقه مدتهاش اي اهميه
نور اتحرك بسرعة وجرها من دراعها و بندم واعتذار: اظن قولتلك الف مره اسف كام مره عايزاني اعتذر او اعمل حاجه عشان ترجعيلي وانا بحاول اصلح (مسك من ايدها بقوه وقربها منه ضرب جسمها بجسمه وما فيش بينهم أي فاصل ) ارجوكي اديني فرصه اصلح
ياسمين سحبت ايدها منه ودفعته وبصتله بغضب وصرخت بكل قوتها : فوق الي بينا انتهي من وقت طويل
نوربصوت متألم: لاء لازم تديني فرصه
ياسمين : ملكش فرص عندي خلاص وبطل تستخدم حقوقك الزوجيه بأنك جوزي لانه انتهي من اليوم الي خنتني وكدبت عليا فيه ومبقاش بيني وبينك اي ارتباط اظن انت عندك ذات وحامل في ابنك فمتلعبش معايا تاني يانور وهنتقابل مره أخيره عند المأذون لما نطلق
نور بيشدها وسحبها من ايدها و أجبرها على مواجهته: لاء وغصب عنك هتسمعيني
محمد زقه لبعيد: كفايه لان ياسمين عندها حق مجرد ورقه مش معناها ان فيه علاقه وكل ما ياسمين هتصمم ع الطلاق اكتر كل ما هعتبر ياسمين حره
ياسمين انصدمت وعينها فيها صدمه كبيرة متقلش عن صدمة الباقي الي عقد حواجبه والي مستغرب والي مندهش وضحي اتصدمت والكل بادلوا لبعض النظرات بعدم الفهم من المعني
محمد: ومعني كدا اني ممكن اقرب منها
نور هنا جن جنونه وشه احمر وعروق رقبته برزت ومره واحده نط عليه ومسكه من شعره وناوي يسحله علي الارض ويصرخ فيه بعزم صوته: تقرب منها هه (وضربه بكل طاقته بدون رحمه ومحمد سددله ضربه في معدته ونور وقع علارض ومعتز مسكه ويعدله وياسمين انخلع قلبها لمنظره
ياسمين شدت محمد لبعيد عنه: محمد كفايه ارجوك
نور وشه احمر بشده وحاول يرجع لمحمد و هو يصرخ:بقولك ســـــيني اخلص عليه يا معتز
معتزصرخ فيه بأمر: امشي وكفايه كدا
ياسمين جريت بأقصي سرعتها وعيونها فيضان دموع ونور ينادي عليها زي المجنون
معتز واقف بحزن ع وضع صاحبه وتؤام روحه
هبه: معتز خد نور من هنا وانت يا استاذ محمد ممكن تدخل للناس لو سمحت
ضحي واقفه حاطه ايدها ع بؤها وانسابت الدموع من عينيها في صمت ومش قادره تتنفس ومسحتها لما لاحظت عمه محمد بصلها وزعلانه عليها وضحي جريت من قدامها وشهقت بعيونها المرغرغه بالدموع وهي حاسه بروحها هتخرج من بين ضلوعها
……..قصص منه محمد كاتب…….
ياسمين راحت وقفت في مكان فاضي وبكت من قلبها
محمد راح قف وراها: انا اسف ع الي حصل
ياسمين جففت دموعها وبصتله: انا الي اسفه ع الفوضي الي حصلت يوم الافتتاح بس هدخل اصلح الدنيا
محمد قرب منها وبهدوء: ولا يهمك فريد قام بالواجب
ياسمين مبتسمه بمتنان : متشكره طبعا انك ساعدتني لما قولت انك معجب بيا
محمد: بس انا قولت الاحساس الي حاسه
ضحي كانت جات ووقفت تسمع كلامهم من بعيد وعيونها غرقانه بالدموع وياسمين بصتلوا بصدمه اكبر لدرجه مش قادره ترد ولا تنطق
محمد تابع كلامه: انا فعلا معجب بيكي كلامي مش لمجرد موقف لان انتي ست اي راجل يتعامل معاكي يحب يقرب منك وانا حرفيا لما بكون قريب منك بحس براحه وبحب اكون حواليكي وانا بعترف بصراحه انا بجد معجب بيكي
ياسمين حست انها بكلامه تاهت وضحي واقفه بتكتم في دموعها قدر المستطاع
محمد: ياسمين انتي مش لازم تتصدمي كدا انا بحاول بس اشرح مشاعري عشان تعرفيها ومش مستني منك اي حاجه قصادها بس صدقيني اليوم الي مشاعري فيه هتخليكي مش مرتاحه انا مستعد اوقف نفسي وابعد لان انا وانتي ناضحين بما فيه الكفايه وهفهم
ياسمين: شكرا بخصوص المشاعر الجميله الي بتكنهالي عن اذنك
محمد :اتفضلي
ياسمين لفت بسرعه لانها بالفعل مش متقبله مشاعره لانها مش بتفكر اصلا في اي راجل تاني وضحي أأعدت ع الكرسي انهارت وغطت وشها بأيديها وانفجرت في العياط تبكي بدموع ذرفها قلبها في الخفاء ع الحب الي راح ّ!!!!
…………قصص منه محمد كاتب……….
نور قاعد ع اول درجه من سلمه وضاغط على دماغه بضعف و فضل يردد كلام ويهز راسه بنهيار دليل انه مش مصدق الي سمعه
معتز: ياسمين عندها حق المفروض واجبك تهتم بذات وابنك
نور عيونه فيها قهر عظيم: متنيل ع عيني ومهتم بس انا بحب ياسمين وفكرت المسافه والبعد هتجمعنا انا وهي ونرجع كل حاجه افضل لكن شوفت وسمعت الي قاله الحيوان محمد قالها صريحه انه بيحب مراتي وبيقولها قدامي عاوزني اعمل ايه اباركله ولا اقف اتفرج
معتز: لازم تتقبل الامر افهم بقي انت وياسمين سكتكم بقت غير سكه بعض ومفيش علاقه هتجمعكم
نور نزلت الدموع من عينيه وبكا بحرقه : مقدرش اتحمل ده يا معتز مقدرش
معتز : عارف وفاهم بس لازم يا صاحبي خد وقت وسيب ياسمين هي كمان تاخد وقت
نور مسح على شعره وقال بنبره مخنوقه : مش هقدر صعب
نور قايم رايحلها ومعتز راح وراه لكن دخل وشافها مع محمد وسط الناس تبتسم وتضحك ضربه معتز على كتفه بخفة وسابه ومشي ونور طعم الدموع ملأ جوفه و قلبه نزف جرحً عميق ونكس راسه ولف غادر المكان