 |
| رواية مهمة عاشق الفصل الثامن والعشرون 28 بقلم خلود وائل |
رواية مهمة عاشق الفصل الثامن والعشرون 28 بقلم خلود وائل
بدأت ليلي تفوق وتفتح عنيها وبصت حواليها بتوهان لقت نفسها نايمه علي سرير في اوضه نوم ولابسه قميص نوم حاولت انها تقوم مقدرتش تحرك جسمها ال كان لسه متخدر حتي عنيها كانت بتعافر علشان تفتحها وعدي عليها دقايق وهي بالمنظر دة وبعد دقايق سمعت صوت علي برة بيزعق وبيضرب في حد وبصوت مرعب نادي بأسمها ليلي خافت من نبرة صوته لكن حست بالأمان لوجودة وفجأة فتح باب الاوضه واتصدم علي من منظر ليلي وراح ناحيتها لقاها مفتحه عينيها ونايمه
علي:اه ياحقيرة يارخيصه ياقذرة
علي شدها من ايدها الاتنين جامد وقعدها علي السرير
علي بزعيق:ليه ليه كدة بتعملي فيا كدة ليه بتوجعي قلبي ليه دة جزائي اني عشقتك
كان بيقول الكلام دة وليلي عنيها اتملت دموع ومش قادرة تتكلم ولا تدافع عن نفسها وفجأه ضربها علي بالقلم علي وشها من شدته اترمت علي السرير
ليلي بوجع:عععلللي متسبنييييش
علي:انتي واحدة حقيرة اياكي تنطقي اسمي علي لسانك القذر دة
ليلي:الحقنييييي متسبنييييش
علي: خسارة حبي ليكي طلعتي واحدة زباله اتفو عليكي
وسابها علي ومشي وهي مش فاهمه اي حاجه وعماله تعييط وبعدها بدقايق حست ليلي بحد جه وقعد جمبها
دكتور حسن:طق طق طق بلاش دموع ياليلي انتي كدة بتزعليني
بصتله ليلي وحست بالرعب لما شافته
ليلي:انت عاوز مني ايه ياحسن
حسن:عاوز انتقم منك يا لولو بسببك انا خسرت شغلي وحياتي اتدمرت
ليلي :انت ال مهمل ومعندكش ضمير ومشيني من هنا ياحسن بدل متندم بعدين
حسن:وانتي ال هتندميني يالولو
ليلي:انت عارف خطيبي يبقي مين
حسن:اهاااا خطيبك ال لسه كان هنا من شويه انت باين البنج أثر عليكي هفهمك انا ….احنا خطفناكي ولبسناكي القميص الحلو دة وكلمنا علي بيه وقلناله انك بتخونيه وقلناله العنوان بس صراحه طلع بيحبك ومصدقش وشتمنا وبهدلنا في التليفون فبعتناله كام صورة حلوة كدة ليكي ولشاب حلو كدة جه قعد جمبك وبعتناله الصور وبردو قال انها صور متفبركه وبعدين بعتله فيديو بقي ف جه جري والشاب الغلبان ال فتحله هو ال اضرب لما عضمه اتكسر ياعيني بس متقلقيش حقه وحقي انا هاخدة منك الوقتي حالا
ليلي بخوف:هتعمل ايه بلاش تجنن ياحسن ارجوك
حسن:انا ابقي مجنون بجد لو ضيعتك من ايدي ومتقلقيش انتي هتبقي حاسه وشايفه بس مش هتقدري تتحركي انا مختارلك بنج حكايه
بدأ حسن يتهجم علي ليلي وهي مسلوبه الارادة مش قادرة تتحرك ولا تدافع عن نفسها ..حاولت ..حاولت كتير انها تبعد عن حسن او تزقه بأيديها وكانت عماله تصرخ وتنادي بأسم علي كأنت بتتمني انه يرجعلها تاني يخدها في حضنه ويطمنها فضلت تصرخ كتير وتترجي حسن انه يسيبها لكن هو مسألش عنها وأغتصبها بكل وحشيه وضربها لحد ماأغمي عليها وبعد مدة طويله سابها وخرج سابها غرقانه في دمها وهي مش واعيه بعدين فاقت ليلي علي صوت وفتحت عنيها
اميرة:ياحرام انا قبل كدة حذرتك وقلتلك ابعدي عنه بس انتي مسمعتيش كلامي تصدقي شكلك يقطع القلب يادكتورة
ليلي بدموع وانكسار:حرام عليكو انا عملتلكو ايه
اميرة:بصيتي لحاجه مش بتاعتك ياشطرة
ليلي:انا مش هسيبك
أميرة بضحكه استهزاء :ممكن بردو بس قوليلي هتعمليلي ايه ها هتروحي تجري لعلي ال شافك بقميص نوم في سرير واحد تاني طب فرضنا انه صدق انك كنتي مخطوفه ودة حصل غصب عنك هيصدق ان حد اغتصبك وانك مش بنت غصب عنك
ليلي :😭😭😭😭😭😭
أميرة:جربي كدة تروحيله تاني علشان تبقي فيها موتك
قالتها اميرة وسابت ليلي بتعييط ونزلت وبعدها بفترة فضلت تحاول انها تقوم من مكانها بس رجليها كانت بتخونها وتقع علي الارض وفضلت تقوم وتقع كتير لحد مالبست هدومها ال كانت متقطعه ومسكت شنطتها ونزلت علي السلم ومكانتش حاسه بنفسها هي في اي دور شويه تقع علي السلم وشويه تنزل مش شايفه من عنيها ال مليانه دموع لحد ماوصلت للشارع وكانت بتجري ومش شايفه قدامها و الدنيا ليل لحد ماوقف قدامها تاكسي كان هيخبطها
سواق التاكسي:فتحي يابنتي حرام عليكي كنت هخبطك
بصتله ليلي بدموع كتيرة بتنزل من عنيها والسواق شاف منظرها المتبهدل وهدومها المتقطعه الغرقانه دم فصعبت عليه
سواق التاكسي:لا حول ولا قوه الا بالله تعالي يابنتي اوصلك تعالي اركبي انتي ذي بنتي
ركبت ليلي التاكسي وقالت العنوان للسواق ال وصلها لحد البيت وحاولت ليلي تعطيله فلوس مكانتش شايفه هي بتناوله ايه بس السواق رفض ياخد منها حاجه ونزلت علشان تدخل البيت لقت الاء قاعدة علي السلم بتستناها واول ماشافتها اتصدمت من منظرها وجريت عليها واخدتها في حضنها وليلي ماصدقت انها تلاقي حد تحس بالامان في حضنه
الاء بقلق ولهفه:ليلي حبيبتي كنتي فين انا هموت من القلق عليكي
ليلي:😭😭😭😭أااااااااااااااااه
الاء:اهدي اطمني انا معاكي مش هسيبك
فضلت ليلي تعييط في حضن الاء لحد ماأغمي عليها
الاء:ليلااااا
وقعت ليلي في الارض والاء حاولت تفوقها لكن معرفتش وليلي كانت بتنزف جامد ف الاء استجمعت قوتها وفتحت شنطه ليلي وطلعت مفتاح البيت وفتحته وفضلت تسند ليلي لحد مادخلتها علي السرير وكشفت عليها وسابتها ونزلت الصيدليه وجابت ليها علاج يوقف النزيف ومحاليل تعوض الدم ال نزفتها وكام غيار للجروح الجامدة ال في جسمها من اثار ضرب حسن ليها وشويه ورجعت ليها ركبت ليها المحاليل وعطتها الدوا وسابتها تنام وكانت خايفه عليها جدا ونفسها ليلي تفوق وتقولها ان ال هي بتفكر فيه محصلش وطلعت تليفون ليلي واخدت صابع ليلي وفتحته بيه علشان كان ببصمه وفضلت تدور في المكالمات والرسايل لقت ان كل حاجه طبيعيه ولقت مكالمات كتير من مامتها كوثر فطلبتها تكلمها وفهمتها ان ليلي كانت في العمليات وكانت قافله تليفونها وانها مش فاضيه اول ماتخلص هتكلمها علي طول وفضلت سهرانه جمب ليلي طول الليل وعدي ٣ايام وليلي في السرير كل ماتفوق تنهار بالعييط وحالتها بتتدهور وصحتها بتضعف ورافضه الاكل والشرب ونايمه طول الوقت ومش مبطله عييط وكل ماتنام تصحي مفزوعه من الكوابيس ال بتشوفها وهي نايمه وبعد ٣ايام صحت ليلي من النوم لقت ان هدومها متغيرة ولابسه بيجاما بيتي وملايه السرير ال كانت كلها دم متغيرة بواحدة تانيه نضيفه وجمبها تليفونها وعلاجها وكانيولا متركبه في ايدها وبصت حواليها ملقتش الاء طلعت تدور عليها برة ملقتهاش بردو فدخلت اتوضت وصلت ركعتين لله وفضلت تدعي لربنا كتير وتعيط ولما خلصت سمعت صوت الباب بيتقفل وطلعت تشوف مين لقتها الاء جريت عليها ذي الطفل الصغير ال كان تايهه ولقي مامته وحضنتها جامد
ليلي:كنتي فين متسبينيش تاني انا مليش غيرك ياالاء اوعي تسبيني وتمشي ذي علي وفضلت تعييط جامد
الاء:اهدي ياحبيبتي انا عمري مهسيبك انا بس روحت بيتنا اطمن ماما عليا وفهمتها ان في ضغط شغل ومش بقدر اسيب المستشفي
ليلي:انتي معايا هنا بقالك قد ايه
الاء:انتي نايمه بقالك٣ايام
ليلي بألم:بحالهم
الاء:المهم تكوني بخير انتي كويسه ياحبيبتي
ليلي بحزن:معلش ياالاء تعبتك معايا انا أسفه
الاء:اسفه علي ايه هو انا لو مكانك انتي كنتي هتسيبيني
ليلي بأندفاع:لا لا يارب ماتبقي في مكاني ولا تبقي ذييي اوعي تقولي كدة تاني
الاء:خلاص ياليلي اهدي بس انتي بتصرخي ليه الوقتي اهدي ياحبيبتي وتعالي نقعد
قعدو الاتنين علي الكنبه في الصاله جمب بعض
الاء:انا عارفه انك تعبانه ياليلي بس بجد انا مش هقدر اصبر دماغي هتنفجر لازم اعرف انتي جرالك ايه
ليلي بدأت تعييط جامد وبدأت تحكي ل الاء كل ال حصل معاها والاء كانت بتتألم علي ال حصل لاختها وصاحبه عمرها وهي بتسمع لليلي وهي بتحكيلها ال حصل معاها
الاء:الكلب الواطي السافل الحقير الندل داأنا هخرب بيته هو وبنت الكلب ال أسمها اميرة دي
ليلي :لا اوعي ياالاء انا اهلي لو عرفو ممكن يجرالهم حاجه
الاء:هتسبيهم ياليلي بعد ال عملوة فيكي حرام حقك يضيع كدة
ليلي بعييط:حق اي حق ياالاء عوزاني افضح نفسي وتبقي ثيرتي علي كل لسان اهلي ميستهلوش مني كدة كفايه علي ال راح مني
الاء:بس كدة كتير اوي ياليلي هتتحملي كل الالم دة لوحدك عشان ايه انتي معملتيش حاجه لحد ليه يتعمل فيكي كدة
ليلي:علي سابني ياالاء انا استنجدت بيه وهو سابني ومشي
الاء:معزور ياليلي الكلاب دول لعبوها صح وخلوة يجي يشوفك الاول وبعدها عملو عملتهم علشان حتي لو رجعتيله مش هيصدقك
ليلي بألم: فوضت امري لله فوضت امري لله
الاء:طولي بالك ياليلي كل حاجه هتتصلح
ليلي:مفيش حاجه هتتصلح ياالاء ال راح عمرة مبيرجع ….كل ال انا عوزاة منك انك توعديني ان الموضوع دة يبقي سر بينا ليوم ماأموت
الاء:الف بعد الشر عليكي يا قلبي
ليلي:اوعديني
الاء:اوعدك
اتفاجئو هما الاتنين بصوت الباب بيتفتح بالمفتاح ودخل منه ماهر
ليلي بصدمه:ماهر
