رواية طموح امرأة الفصل العاشر 10 بقلم حنين الماضي
رواية طموح امرأة الجزء العاشر
رواية طموح امرأة البارت العاشر
رواية طموح امرأة الحلقة العاشرة
رنا بينها وبين نفسها اضايقت من حازم ، بس خدت انطباع ان حنين ملهاش فاللف والدوران 😁 وكدة رنا اتأكدت ان حازم بيكلم حنين وان اعجابة بزلابيا كان وهم كبير جواها ، وقررت تصارح زلابيا بكل اللى حصل بينها وبين حنين
—————-
حنين : حاجة غريبة
سما : قصدك الاتصال
حنين : لا
سما : طيب ايه مش فاهمة
حنين : هقولك بس اوعى تجيبى سيرة لماما او بابا
سما : طيب فى ايه بقى
حنين : رنا اتصلت عشان تتأكد من حاجة
سما :حاجة اية دى ،حنين هو انتى على طول كدة اى حد بيعمل حاجة كويسة يبقى مقصود بيها حاجة
حنين : انا عارفة انا بقولك ايه
سما: طب ايه خلاكى تقولى كده
حنين: هى اتصلت تشوف حازم كلمنى ولا لا
سما : وهو حازم اتصل بيكى
حنين :لا
سما : طيب يبقى عادى اهو
حنين : بس انا مجاوبتهاش لا اة ولا لا وهى عشان من جواها عاوزة تقتنع انة اة ،فاقنعت نفسها بأنة كدة
سما : حنين انا مش فاهمة منك حاجه انا هقوم اذاكر
حنين : قومى قومى انا بكلم مين يفكر معايا اصلا ،انتى اخرك كتاب
سما : ايوة دة اللى هينفعني مش رنا وحازم ،،مكنش فرح ،فعلا مبنقابلهمش والا ولازم حوار
حنين : انا هقوم اكلم بوسى وافكر معاها
سما: انا حاسة انك عاملة زى كرومبو هههههه
————
فلاااااش باااااك
—————
حازم : ايه يا ريس وصلت لأية
محمد: انا بقالى شهر معاك اهو وكل يوم اشوف واحد واقولة لحد ما وصلت لحد من طرف حبيبى هناك
حازم : ايوة بقى ع الاخبار الحلوة ،فرحنى
محمد: بص هو يعرف واحد سعودى هناك من التقال اووى وليه سيط ،وعدنى يكلمة النهاردة وهيرد عليا اول ما يوصل لرد وان شاء الله خلال شهر تكون مسافر
حازم : الف شكر يا ابو حميد ،شوف انا هستنى تليفونك من دلوقتى ،ومجبتش سيرة لحد خالص عشان عارف الزن من قبل اى حاجه، بس مش هينفع افضل مدرس وادى دروس خصوصية والعيال نفسها واهاليهم تحسهم مجبرين عالحصة ،بالرغم انى قللت تمن الحصة بس من جوايا بيصعب عليا اهالى الطلبة
محمد : لا يا عم ابسط هناك بقى هتبقى فى مدرسة احسن بكتير وهيدخلك فالشهر زى ٤٠ الف جنية مصرى
حازم : يا مسهل ،مش عاوز كدة اى حاجة خلاص بس اشوف تذكرتى والباسبور وشنطة سفرى والمطار وابتدى ابنى الحلم
محمد: بالليل ارد عليك ان شاء الله
حازم : حبيب قلبى
رنا 🫢: 🙄🙄
حازم : ايه دة جيتى امتى
رنا : متخافش مسمعتش غير حبيب قلبي
حازم : طبعا حبيبى وكل حاجه
رنا : للدرجادى
حازم : بقولك ايه انا متمزج من المكالمة وعامل دماغ ،مش عاوز نكد
رنا : مممم خلاص انت بقيت حر مش عاوزة اعرف
حازم : قولتلك لما اتأكد منها هقول للكل
رنا: لا اتأكد متقلقش
حازم : من بوقك لباب السما
رنا : للدرجادى متمسك
حازم : طبعا ،دة كان حلم من زمان وكتمتة جوايا لحد ما يجى الوقت المناسب واهو جة ولازم الكل يوافق لان دى رغبتى واختيارى وحياتى ومن حقى اختار حياتى
رنا : مبروك ،انا نازلة
حازم : دلوقتى
رنا : اة هبات عن زلابيا لو فاكرها
حازم : انا مش فاكر غير المكالمة ،يالا انزلى مع السلامة
🫢🫢🫢🫢🫢🫢🫢🫢
بعد حنين ما اتكلمت مع بوسى صاحبتها ،اتفقوا فالاخر ان حازم ممكن يكون مطلع كلام انة على علاقة بيها وممكن الكلام يكون وصل لأهل باباها وساعتها هتبقى مشكلة كبيرة جدا مع الشاذلى لو هى سكتت ،وفى نفس الوقت حنين فاكرة كويس نظرة حازم لزلابيا يوم الفرح اللى بسبب النظرة دى الفستان اتقطع وفالاخر قررت قرار ومجازفة فى نفس الوقت 🫣
حنين استنت محدش يكون موجود فالبيت عشان تتصل برنا ولو رنا ردت هى مجهزة انها عاوزة تشوف شريط الفرح عشان تفتكر اللحظات الحلوة ولو حازم اللى رد هتتكلم معاة بس بشكل تانى خالص .
عدا يومين
———
رنا : الو
حنين : رنا صح ههه انا لسة فاكرة صوتك
رنا : انتى حنين صح
حنين : هههه اة ، اتصلت اسلم انا كمان واقلدك
رنا : هههه احلى تليفون
حنين : شكلك لوحدك فالبيت ،الدنيا عندك هادية خالص ،قولت فرصة اسلم عليهم
رنا جة فى بالها ان حنين عاوزة تكلم حازم : لا ثوانى
حازم : الو سلام عليكم
حنين : عليكم السلام يا حازم اللى قطع الفستان
حازم : هههههههه ميبقاش قلبك اسود كدة
رنا :سمعت الضحك ،سابتهم ومشيت
حنين :انا اول مرة اكلمك بس انا لازم اشوفك ضرورى ممكن بس من غير ما تقول لحد
حازم: اقابلك
حنين : وضرورى جدا وتجيلى القاهرة بكرة ،ازاى معرفش
حازم:هو عمى فى حاجة
حنين : لما تيجى هتعرف بس متقولش لحد عشان لو حد عرف هتعمل مشكلة كبيرة
حازم : انا كان ورايا ال..
حنين : أجلها اللى عندى اهم
حازم : هو انا مستغرب بس حاضر اقابلك فين
حنين : بكرة الساعة ١١ عند باب الجامعة وانا هدخلك الجامعة لان اكيد مش هخرج معاك برة ومحدش يعرف انك قريبى اصلا
حازم : خلاص حاضر
حنين : باى
حازم : مع الف سلامه
——————
زلابيا : بصى كدة يا رنا
رنا : حلوين اوي خلصتيهم امتى
زلابيا: انا ليل نهار قاعدة مش ورايا حاجة فقولت اتسلى
رنا: هيجى عليكى وقت وتزهقى
زلابيا: طول ما انتى بتكسبى فلوس تخليكى تعملى اللى عاوزاة وكمان انتى مديرة تفسك وانتى اللى بتحددى وقت شغلك ،يبقى عمرك ما تزهقى
رنا: طب احنا هنفضل كدة لحد امتى
زلابيا : مش دة حلمنا لحقتى تزهقى منة
رنا : انا مزهقتش بس خايفة ازهق
زلابيا : انا بقى نفسى حاجة تانية خالص
رنا : نفسك في ايه
زلابيا: نفسى يكون عندى مكان للفساتين السوارية مع الشغل دة.
رنا : انتى كدة هتلخمى نفسك
زلابيا: لية بالعكس ، مدام ليا مزاج للشغل دة يبقى هنجح فيه ان شاء الله
رنا : انا نفسى اعيش حياتى زى باقى البنات يا زلابيا ، محدش بيجى يتقدم الا عشان خاطر اسم عيلتنا ،وكل ما اقعد مع واحد واسألة ايه اللي خلال تتقدم ،يقولى كفاية اسم العيلة ،دة يخلى اى يصمم يناسبكوا واخرج اقولهم محصلش قبول
زلابيا : اتجوزى اللى تحسى انة شاريكى انتى مش طمعان فيكى
رنا : عندك حق
فلاااااش باااااااك
————-
زين : انا كنت قايل هسيبك يومين تهدى واتصل وبعدها هكلمك واشوف انتى عاوزة ايه
نور : 😭😭
زين : انتى محسسانى انك قفشتينى مع واحدة
نور : انت كمان دماغك بتفكر كدة 😭😭
زين : ههههههههه انتى مش طبيعية والله ، انتى عاوزة تزعلى وافضل اتحايل واصالح فيكى صح
نور : اة عشان اتأكد انك بتحبنى
زين : طيب بالعقل هو انا لو مش بحبك كنت اتقدمتلك من الاساس
نور : لا
زين بعد ثوانى : وحشتينى على فكرة و كنت مخنوق اليومين اللى فاتوا
نور : وانا كمان وقعدت اعيط بعد ما نزلت
زين : عاوز اشوفك
نور : وانا
زين : خلاص هعدى عليكى ونروح نشم هوا برة فى اى حتة
نور : خلاص سامحتك
زين : ههههههه سامحتينى كمان ،هو انا كنت عملت حاجة اصلا بس ماشى متشكر على قلبك الطيب دة هههههه
نور : هههههه ماشى
———————–
بااااااااااك
——–
حازم وصل فالميعاد عند باب الجامعة وبيدور على حنين وسط البنات
حنين : انا واقفة بقالى عشر دقايق على فكرة انت مش حافظ شكلى ولا ايه
حازم : لا يعنى الشكل متغير عن الفرح
حنين : اة اة اكيد دلوقتى بالنهار ساعتها كان بالليل وسوارية انت قطعتة فاكر طبعا
حازم : احمم طب اية اعتذرت يومها واليوم عدا
حنين : تبعى بعد اذنك هيقدم على كورس جوة
الامن : اتفضلى
حازم : 🙄🙄
حنين : مالك
حازم : مافيش خلينا ندخل فالموضوع
حنين : انت اللى مستعجل
حازم : عندى حاجات مهمة ورايا وأجلتها عشان اجى اشوف فى ايه
حنين : ماشى تعالى نقعد عالسلم هنا
حازم : عالسلم !!
حنين : اة عشان بوسى وداليا اصحابى زمانهم جايين ومتفقة معاهم يجولى هنا وقولت انزل بدرى ساعة عشان اخلص كلامى معاك
حازم : معلش هو انا لية ملاحظ ان طريقة الكلام فيها اتهام
حنين : ههههه برافوا عندك سرعة بديهة هتسهل كل حاجة
حازم : اكيد مش جيبانى عشان الفستان اللى اتقطع
حنين : لو عندك حد يخصك اوى ممكن ابعتهولك يكون ذكرى للحظة الجميلة دى 😁
حازم : مش فاهم
حنين : انا اللى خدت بالى كويس اووى لما كانت عينك هتطلع على زلابيا فالفرح ومنكرش هى قمر هى واختك ،بس مدام عينك هتطلع عليها كدة ،اية منعك تتقدملها !؟
حازم : اية الكلام دة
حنين : انت عارف ان كلامى صح وعشان تحرك غيرتها، دخلت فى دماغها انك بتكلمنى عشان واضح انها مش معبراك وطبعا دخلت اختك فالحوار عشان تنقلها دة
حازم : نعممم اية الكلام دة ،انا مستغرب من كلامك
حنين : انت مستغرب ولا مصدوم انى فهمتك ،لعلمك صنف الرجالة دة عندى زيرو اون لفت يعنى هوا ،كلكم عقلكم واحد باختلاف طولكوا وشكلكم
حازم : هو فى ايه انتى عاوزة توصلى لايه ؟
حنين : عاوزة اقولك زى الشاطر كدة ،زى ما كدبت ومثلت انك ليك كلام معايا من يوم الفرح ، تروح تقول الحقيقة
حازم : انتى بتقولى ايه انا اول مرة اسمع الكلام دة ،مين قالك كدة ولا انتى بتخمنى مع نفسك
حنين : اختكككك
حازم : نعم
حنين : رنا 🤨
حازم : رنا اللى كلمتك وقالتلك كدة !!
حنين : تخيل اتصلت بيا بحجة انها تسلم عليا واخر المكالمة هى حبت تتأكد وتشوف انت بتكلمنى ولا لا
حازم : هههههههههه
حنين : ماشاء الله نكتة فعلا بس بايخة 😏
حازم : انا بجد بشكرك يا حنين
حنين : 🙄 اممم طبعا عشان لعبتك جت صح
حازم : انا فعلا لعبتها بس متوقعتش انها تيجى فيكى خالص هههههه
حنين : يعنى ايه
حازم : بصى انا مبحبش اقول اللى جوايا ،بس انا هقولك عشان ممكن تعملى فيا جميل
حنين : جميل اية ،انا جيباك تخرجنى خالص برة موضوعاتك تقوم عاوز تدخلنى فيها .
حازم: انا هفهمك بس اوعدينى يفضل بينا مهما حصل عالاقل عشان االدم اللى بينا
حنين : ممم افهم بقى ياريت
حازم : منكرش انى معحب بزيزى وعينى كانت بتطلع عليها كل يوم وبأيدى جبتلها عريس كمان
حنين : 😳
حازم : متستغربيش ،انا هقولك كل حاجه من الاول .. زلابيا من صغرها طموحة جدا وعندها احلام ونفسها تبقى اسم مشهور فى مجال عمل معين ،وهى فعلا استنت تتخرج وبدأت فورا ، وبحكم تربيتنا مع عمتى وولادها ،طلعت زلابيا ورنا مع بعض زى الاخوات بالضبط وخصوصا انهم نفس السن ونفس الكلية وكل حاجة ، بس زلابيا رافضة فكرة الجواز والارتباط قبل ما تحقق كل حاجة وعمتى وزوج عمتى مشجعينها جدا ،دة غير انها كتومة وانا
فيا نفس السلبية دى للأسف ، لحد فى يوم واحد صاحبى انا وزين اخوها اتفاجئت انة معجب بيها ، والامور اتطورت ومصمم يتقدم لها وطبعا زين راح قالها ، حطى نفسك مكانى هتعملى ايه ،هروح اقولها ارفضية وانا كمان مش حابب اتقدم دلوقتى واخطبك عشان انا كمان عندى طموح وهتستنى مش اقل من سنتين ولا اسيب الموقف عادى يمشى واخليها هى تختار ؟
حنين : وبعدين هى عملت ايه
حازم : هى رفضت وزين كلمنى بس انا كنت عاوز اشوف رد فعلها بعينى وقدامى ورتبت موقف كدة طلع سخيف بس يومها واول ما عينى جت فى عنيها حسيت انها بتعاتبنى كأنها بتقولى انت بتبيعنى بأيدك لصاحبك
حنين : انت ازاى كدة وهى كمان ازاى كدة
حازم : مش بقولك احنا الاتنين نفس السلبية 😊 المهم يومها قامت مشيت من قدامى بالرغم انها لو كانت وقفت دقيقتين كمان مكنتش هستحمل اشوف دموعها بتنزل كدة ،لكن عزة نفسها خلتها تكتم دموعها واتحبست جوة عنيها وبسرعة قامت عشان تنزل دموعها وهى لوحدها ، ومن يومها بتقابل بتجاهل تااام ولا كأنها تعرفنى ،بعد ما كنا بنراقب بعض بالعيون وكاتمين جوانا ،بقى كل واحد بيهرب كأنة خايف يتوجع
حنين : عشان كدة عمرى ما حبيت كلمة اسمها حب عارف لية ؟
حازم : لية
حنين : عشان تفكيرى ان القلب عمرة ما هيختار صح والعقل دايما صح وبالنسبالى اى واحد يقول لواحدة كلمتين حلوين ببقى متأكدة ان حلاوة الكلمتين هياخدوا وقتهم ويمشوا ،عشان كدة انا مريحة دماغى ومافيش واحد عرف يضحك عليا بكلمتين نايمين ولا بنظرة ولا بأى حركة سورى يعنى فيها سهوكة وتسبيل
حازم : انتى معقدة على كدة
حنين : بالعكس انا فاهمة كويس جدا عشان كدة مبقعش
حازم : الحب والاعجاب مالوش شروط دة قدر بيجى عليكى لوحدة ،ويوم ما تقعى مش هتقدرى تفكرى بعقلك وغصب عنك حتى لو فكرتى لازم نغزة قلبك ووجعها تدوقيها
حنين : الغريب انى حسيت بكلامك وحسيت بيها ،وانتوا اصلا مافيش مشكلة بينكوا
حازم : ليا طلب عندك وكملى جميلك عليا وهيفضل دين فى رقبتى لاختى الصغيرة
حنين : اعمل ايه مش فاهمة
حازم : مش انتى بتقولى رنا كلمتك وعرفتى منها
حنين : امم
حازم : انا هفهمك لية رنا فهمت كدة واكيد قالت لزيزى انى متواصل معاكى
حنين : انا لحد دلوقتى مش فاهمة انا ايه دخلنى فالموضوع
حازم : انا فعلا لعبت بس هزار مع رنا زى ما قولتلك
حنين : ازاى
حازم : هقولك كل حاجه واقولك انا عاوزك تعملى اية ويبقى بجد جميلك دة عمرى ما هنساة وربنا اراد حركة الفستان تكون سبب لحاجات خير
حنين : طيب فهمنى واشوف
حازم : بصى فى يوم بالليل كنت ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
