رواية طموح امرأة الفصل الخامس 5 بقلم حنين الماضي
رواية طموح امرأة الجزء الخامس
رواية طموح امرأة البارت الخامس
رواية طموح امرأة الحلقة الخامسة
جرس الباب بيرن وقبل ما رنا تيجى تفتح ،حازم فتح بسرعة
———————
زلابيا : 😳
حازم : احمم ازيك عاملة ايه
زلابيا بتوتر : الحمدالله
حازم : تعالى اتفضلى
زلابيا: هى رنا فين
حازم : موجودة بس اقعدى مالك
جرس الباب رن 🥹
————–
حازم : 😳 زين
زين : عامل ايه جيت ارتب معاك حاجة ولا نازل
حازم : لالا تعالى دى زيزى هنا لسة واصلة
زين : هى على طول عندكوا اصلا هههه
زلابيا: هههه مش مريحاك منى وخلاص عاوز ايه بقى
حازم بقلق : هشوف مين بيخبط تانى
اشرف: ازيك يا صاحبى
حازم : الحمدالله تعالى اتفضل
زين : 🙄 انتوا متفقين على خروجة ولا ايه
زلابيا : طيب استأذن انا وهدخل لرنا
حازم : لا ثوانى ثوانى
زين : 🙄🤔 فى ايه يا حازم
حازم : مافيش حاجة يا جماعة ما تقعدوا ، هناديلك رنا واخد زين اوريلة حاجة بسرعة
زين : فى ايه يا حازم انا بدأت اشك
حازم : تشك فى ايه،انا لما لقيت الظرف حصل كدة من غير ترتيب قولت يمكن ربنا عمل كدة عشان اشرف يقعد يكلم زيزى لوحدهم ونبقى عملنا اللى علينا لحد اخر حاجة
زين : بس انا مش حابب احط اختى فالموقف دة
حازم : هو فى حد هيجبرها على حاجة
رنا : 🙂🙂 ينفع حد ينادى زلابيا عشان مش هينفع اخرج
حازم : انتى مالك مسهمة كدة لية
رنا : هتنادوها ولا انادى عليها من هنا
حازم : طيب اصبرى خمس دقايق بس
رنا : 🙂🙂 انا فى اوضتى
زين : رنا شكلها مش عاجبها الموقف هى كمان
حازم : سيبك منها ،هى مش عاجبها اى حاجة بعملها
زين : زلابيا مالك قومتى لية
زلابيا : 🙂 هو انتوا جايبين صاحبكوا انا اضايفة فى بيت خالى
حازم : لا انا خارج اهو بس كنت بقول حاجة لزين
زلابيا : خلصتوا 😊
زين : مالك يا زلابيا
زلابيا : هتمشى امتى يا زين
زين : انا نازل مش هينفع اتكلم مع حازم دلوقتى
زلابيا : طيب انا هسبقك
زين : ماشى
حازم : فى ايه
زين : اختى وعارفها ودلوقتى تشك اننا مرتبين الموقف
حازم : وانا اعرف منين انها جاية
زين : انا اعرف بقى دماغها هتقولها ايه.. انا نازل سلام
حازم : انت كنت جاى لية
زين : عشان خطوبتى 😊.. سلام
———–
حازم : اية اللى حصل يا اشرف
اشرف: ولا حاجة فضلنا ساكتين شوية وبعد كدة لسة بقولها ازيك لقيتها بتقولى انا داخلة اشوف رنا ،،، خلاص يا حازم انت عملت اللى عليك ،هى قافلة من ناحيتى خالص وانا كان شكلى ولا العيل الصغير اللى وقع حاجة على هدومة وخايف من امة تضربة
حازم : طب اقعد استنى متكبرش الموضوع
اشرف : لا انا عاوز اكون لوحدى هنزل انا
حازم : طيب ماشى وهبقى اكلمك ..
——————-
حازم راح عند رنا
————–
حازم : مالك انتى كمان ولا عشان انا كسبت الرهان
رنا : 🙂
حازم : ما تتكلمى بدل الابتسامة السمجة دى
رنا : انت فعلا كسبت الرهان لكن خسرت شكلك قدامنا كلنا
حازم : شكلى !!
رنا : لية عملت كدة
حازم : عملت ايه يا بنتى انتى مجنونة
رنا : اشرف اللى كان عاوز يتقدم لزلابيا
حازم : وانا مالى ما يروح يتقدم
رنا : سمعت كلامك مع زين 🙂
حازم : طب واية يعنى ماهو كلام عادى
رنا : حتى زين شك فيك انك تكون مدبر الموقف
حازم : احنا دماغنا اكبر من كده
رنا : طيب وزلابيا اللى مشيت من غير ما اشوفها ،هى كمان غلط زيى
حازم : عندى حل عشان تريحينا من كل دة، روحى اتصلى بيها وشوفيها مشيت لية
رنا : انا هعمل كدة دلوقتى
حازم : يالا اتصلى عشان لو مطلعش فى حاجه انا اللى هيكون ليا كلام تانى معاكى
————
رنا : الو زلابيا كدة تمشى من غير ما اشوفك
زلابيا : معلش تتعوض
رنا : انتى فين ؟ شكلك لسة فالشارع
زلابيا : اة فى الممشى شوية
رنا : طيب قوليلى فى حاجة مزعلاكى
زلابيا :
رنا : الو انتى معايا
زلابيا : قدامى ساعة كدة وارجع البيت لما اوصل هكلمك انتى متأكدة انك كويسة
زلابيا : اة الحمدالله
———————-
حازم : هاا سمعتى يعنى مافيش حاجة
رنا : هى ممكن تكون حست انك بتسمع معايا
حازم : لالالا انتى دماغك تعبانة انا نازل
رنا : ماما وبابا هيجوا امتى طيب
حازم : مش عارف ابقى اتصلى شوفيهم ..سلام
———————
نور : الو يا زين انت مبتردش عليا لية
زين : معلش حصل موقف سخيف معكر مزاجى
نور : موقف ايه دة
زين : طيب هقولك يمكن انا غلط بصى النهاردة رحت لحازم عشان يشوف القاعة اللى قولتلك عليها ويجيبلنا خصم معقول وقولت بدل ما اكلمة اروح على طول وبالمرة ابلغ خالى والناس عندة
نور : تمام وبعدين
زين : فاكرة موضوع اشرف صاحبى اللى قولتلك علية ، لقيتة بقى هناك وكمان ……
زين حكى الموقف بالتفصيل لنور عشان تطلع الشك من جواة
نور : يااااخبر معقولة دة كلة صدفة
زين : دة اللى هيجننى وخايف زيزى تفتكر انى مرتب موقف زى دة مع حازم واشرف ،لان انا عمرى ما احط اختى فى موقف زى دة
نور : طيب ماتعرفش لما قعدوا مع بعض قالها ايه
زين : لا انا نزلت
نور : ما تتصل بحازم اسألة او اتصل بزلابيا شوفها
زين : بصراحة محرج جدا منها بالرغم انى معملتش حاجة
نور : طب اتصل انا بيها
زين : لا بلاش دلوقتى لتفتكر انى عامل حوارات عليها وساعتها مش هتبص فى وشى خالص
نور : اممم عندك حق
———————
حازم من جواة عارف ان الموقف سخيف ومضايق من نفسة بس كان عندة فضول يعرف رد فعل زلابيا ايه لما تشوف اشرف ، وبقى متردد يروح الممشى ولا لا وافرض راح ، يا ترى هى هتفهمة ازاى ؟؟؟؟؟
رنا : الو يا حازم
حازم : فى حاجه حصلت
رنا : ممكن تروح لزلابيا الممشى
حازم : انا مش هخلص بقى من شغل البنات دة
رنا : عشان خاطرى
حازم : اروح اقولها ايه !!!
رنا : اى حاجة على الاقل تشوف موقفها هى زعلانة منك ولا لا
حازم : حاضر ودى اخر حاجة تطلبيها منى
رنا : ماشى
—————–
حازم ما صدق لقى فرصة طبيعية يقدر يكلم بيها زلابيا ، خصوصا ان هى الوحيدة فى قرايبهم اللى عمرة ما عرف يتكلم معاة عادى زى بنات العيلة وهو نفسة مش عارف لية وكل ما يجبر نفسة عشان يتكلم عادى معاها كان الموقف بيخلص بالهروب او التجاهل
———————
زلابيا قاعدة فالممشى على استراحة كدة مبتعملش حاجة غير انها سرحانة فاللى حصل وعلى حازم ما وصل كانت زلابيا بدأت تتخنق بالدموع جواها ..
حازم : انتى هنا لية
زلابيا : 😳
حازم : رنا قلقانة عليكى قالتلى اجى اشوفك
زلابيا : 🙂
حازم بصدمة : احممم شكلك مش حابة تتكلمى
زلابيا : معنديش حاجة اقولها
حازم : طيب قومى يالا اوصلك للبيت
زلابيا: توصلنى لية
حازم : خلاص بلاش متزعليش
زلابيا: انا مش لاقية حاجة اقولهالك
حازم : طب اريحك ازاى
زلابيا: انت لية بتضايق منى ، لية بحس انك مش حابب اقرب من رنا
حازم : 😳 اناااا
زلابيا : انا وصلى كدة ، بحس انك ممكن تكون عاوز تعمل اى حاجة عشان ابعد عن رنا بالرغم انك انت وزين اصحاب
حازم : قومى بلاش كلام عبيط ،وبطلى ترمى تهم مش موجودة
زلابيا : بس دة احساسى
حازم : احساسك غلط
زلابيا: طيب اية الصح
حازم : 🙂🙂
زلابيا : شوفت بقى
حازم بتنهيدة : زيزى كفاية ويالا ارجعى البيت
زلابيا : انا ماشية
حازم : اخر حاجة معلش متزعليش منى انا مش قصدى ازعلك 🙂
زلابيا وهى عينيها فيها عتاب : 😓 مش زعلانة ومش حابة انك تتكلم معايا تانى انت فعلا شخص غريب عنى
———————–
زلابيا قالت الكلمتين لحازم ومشيت قبل ما دموعها تنزل قدامة ويشوفها وكانت خايفة يفهم انها متأثرة بية ، بس خدت عهد على نفسها انها مش هتديلة الفرصة انها تتجمع معاة فى نفس المكان واى مكان هيكون موجود فية هى هتسيبة ،خصوصا ان كان جواها شك ان حازم ممكن يكون معجب بحد تانى وكانت شاكة فى كذا واحدة من قرايبهم 😊
———————
كل شوية زيزى تفتكر اول لما شافت حازم فالممشى ونظرتة ليها ،كانت حاسة ان عيناة بتقول عكس كلامة وتصرفاتة وبعدها اقنعت نفسها انها بتفسر دة على هواها عشان ترضى نفسها ،لان حازم لو كان معجب بيها او فى حاجة من ناحيتها مكنش جاب اشرف وهيأ الفرصة انهم يقعدوا مع بعض.
الموقف دة خلاها تقنع نفسها ان اللى جواها من ناحيتة غلط وعشان كدة قررت تدوس على قلبها ومشاعرها وخدت القرار بالتحدى .
عدا اسبوع وزلابيا صممت الشغل اللى كانت متفقة علية مع رنا من بيتها وفهمت اهلها ان دى هواية عندها مش اكتر وطبعا رنا بقت هى اللى تجيليها وحازم فهم كدة ان زلابيا مش هتفكر فيه تانى ..
——–
زين : ايه يا عم انت فينك
حازم : فالدنيا يا عريس
زين : ههههه طب العريس عاوز يطمن على القاعة
حازم : معايا البرموشن لحاجات خدتها منة ،ابعتهالك ازاى
زين : عيب عليك يا جدع ما تيجى ونشوفها سوا واكلم نور واقولها حتى نبقى خلصنا حاجة
حازم : طب ما تيجى نتقابل
زين : تعالى اسمع كلامى ،انا عارف ان خالى ومرات خالى مش فالبيت تعالى بقى شوف عمتك طابخة ايه
حازم : اوعى تقول ورق عنب
زين : بالليمون
حازم : بطنى جاية هوا ههههه
زين : يالا مستنيك ههههه
——————
جرس الباب بيرن
—————
الام : شوفوا مين يا عيال انا فالمطبخ
زلابيا : انا هفتح بس يالا يا ماما انا جوعت
زلابيا فتحت الباب :🤨
حازم : احمم السلام عليكم
زلابيا: عليكم السلام معلش ادخل واقفل الباب عشان معايا تليفون مهم وهخلى زين يجيلك
حازم : 😒
————-
حازم طبعا اضايق من حركة زلابيا خصوصا لما قالتلة معاها تليفون وسابتة ودخلت بكل تجاهل وبرود
الام(أمينة ) : مين اللى كان بيرن
حازم : انا يا عمتى بس ولادك شكلهم مشغولين بالتليفون ،سامع زين اهو ههههه
العمة( أمينة ): اهلااا اكيد زين قالك على ورق العنب
حازم : وجيت جررى ههههه
امينة : هههههه ربع ساعة واشيلة من عالنار واحطلكوا
حازم : تسلم ايدك
زين : اية دة جيت امتى
حازم : لسة حالا
زين : طيب تعالى اقعد عاوز اخد رأيك فى حاجة
حازم : بص انا جاى من الشغل واقع من الجوع ،ناكل ونتكلم
زين : هههه عارف انا نقطة ضعفك
زلابيا كل دة وهى قاعدة فى اوضتها مركزة فالطقم اللى بتعملة عشان تدية هدية لنور يوم الخطوبة واتغدت فى اوضتها ولحد ما حازم مشى ،هى محاولتش تخرج من اوضتها خالص ولا حتى حاولت تعمل حاجة تلفت انتباه حازم ، ودة لفت نظر حازم بس هو كمان تعامل عاااادى جدا
————–
لمتابعة الرواية لاااااايك وكومنت عشان نعرف ايه اللى حصل فى خطوبة زين ونور ،وشعور زلابيا ورنا لما شافوا حنين واختها سما ( ولاد الشاذلى وقرايبهم من بعيد )ويا ترى حصل ايه؟؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
