رواية القلب وما يهوى الفصل الخامس 5 بقلم أميرة محمد
رواية القلب وما يهوى الجزء الخامس
رواية القلب وما يهوى البارت الخامس
رواية القلب وما يهوى الحلقة الخامسة
_ام زيد طلعت قعدت مع عمر اللي مندمج ف الكلام مع ابو زيد ومره واحده منها قالت: يعني مشوفناش اهلك ي عمر لا دلوقتي ولا ساعت الفرح؟
_صدمه الجمته مقدرش يرد عليها دا غير مريم اللي واقفه علي الباب وسمعت الكلام بالصدفه: ماما اي اللي بتقوليه ده
_لوت بوزها: ايه اللي انا قولته غلط يست مريم؟
_مريم لسه هترد عليها عمر قاطعها وراح عند حماته قعد جمبها ومسك ايديها: حضرتك عارفه ان والدتي متوفيه ووالدي مسافر ومقدرش ييجي يحضر الفرح مش كده؟
_ هزت راسها وابتسمت: معلش يبني متآخذنيش ف الكلام ومتزعلش مني
_ حضرتك زي والدتي ولا يمكن ازعل منك
بعدين بص لمريم اللي كانت فاتحه بوقها من الصدمه، قرب عليها: مش يلا ي مريم
_ببلاهه: هااا….؟!
ضحك: هااا اي بس يلا عشان نرجع بيتنا
_مريم سلمت علي اهلها بس قبل م تمشي طلعت ل رقيه وسابت عمر مع اهلها
_لقت زيد قاعد ف الصاله علي اللابتوب
بإبتسامه: تعالي ي مريم
_حبيبي انا جايه اسلم عليكم قبل م امشي
_ضحك: اهم حاجه فيكي ثباتك علي مبدأك
_ضربته ف كتفه وضحكت: بس بقاا
_ضحك تاني: حاضر
قوليلي عمر تحت
_اه بس انا قولتله هطلع اسلم عليكم قبل م امشي
_طب مطلعش معاكي ليه
_قاعد مع بابا اومال فين رقيه
_بضيق: ف اوضتها هيه بتخرج منها
_اتنهدت: زيد ليه مبتدافعش عن رقيه لما ماما بتعمل فيها كده؟
_بص الناحيه التانيه ومردش
_بهدؤء: خلي بالك ي زيد انت اللي هتخسر ف الاخر عن اذنك هقوم اشوفها
بقلمي اميره محمد محمود
__خلي بالك من مريم ي عمر
_ابتسم: مريم ف عيني ي عمي
_بفخر : انا مبسوط بيك اوي يبني
_دا شرف ليا اني اكون ابن حضرتك
_بهدؤء: متعرفش غلاوتك عندي قد اي، انسان طموح وقدر يتخطي كل الصعوبات اللي ف حياته، وكمان بتحب بنتي وعمرها م اشتكت منك
_عمر فرح من جواه ان مريم مش بتحكي مشاكلهم ل اهلها بص ل ابوها وقال: مريم مكسبي الوحيد وهحاول بكل جهدي اعوضها عن اي حاجه، ووجودها ف حياتى بحد ذاته انجاز
_ ام زيد حطت قدامه عصير فراوله: مش ناويين تفرحونا بقي ولا اي؟
بإستغراب: نفرحك ازاي؟
-ضحكت: شوف ي ابو زيد مكسوف ازاي
بصت ليه ورجعت كملت كلامها: يعني تجبولنا حتة عيل يونسكم كده ويملي البيت عليكم
_عمر الكلام كان صدمه ليه شويه، لانه اصلا مقربش من مريم لحد دلوقتي
_مالك يبني سرحت ف اي؟
-ابو زيد ضحك: خلاص ي وليه متكسفيهوش اكتر من كده، وبعدين دي حياتهم وهما حرين فيها
_عمر ضحك بتكلف واندمج معاهم ف الكلام بس عقله مشغول بحاجه تاني
بقلمي اميره محمد محمود
__رقيه انتي مبتدافعيش عن نفسك ليه قدام ابويا وزيد، ليه مبتحاوليش تبقي اقوي من كده؟
_بدموع: عشان انا ضعيفه فعلا ي مريم ومش لاقيه حد استقوي بيه
_اتعصبت: ايه الكلام اللي بتقوليه ده؟
انا جمبك وچني بنتك كمان وزيد
_بسخريه: زيد؟
_بهدوء: رقيه… زيد يبقي جوزك مش حد غريب، حاولي تكسبيه لنفسك، اتكلمي معاه ف اي مواضيع، غيري طريقة للبسك دي والبسي بجامات حلوة كده وافردي شعرك ده، حبيبتي انتي مكملتيش خمسه وعشرين سنه، عيشي حياتك ونوري بيتك واعملي كل يوم حاجه جديده فيه
_بكسوف: انتي بتقولي ايه؟
انا اعمل كده، لا طبعا مستحيل
_ضحكت: علي فكره اخويا يبقي جوزك ووالله ي رقيه لو معملتيش كده مش هكلمك
_بحزن: كنت هعمل كده لو بحب اخوكي او هوة حتي بيحبني لاكن احنا مفيش بينا اي صفه مشتركه
بقلمياميرهمحمدمحمود
_قامت وقفت وكملت كلامها: وبعدين انا مش هقدر احب حد تاني بعد جوزي ابو بنتي الله يرحمه حتي لو كان اخوكي
_مريم قربت منها وحضنتها: انا مش هلومك ي رقيه لان الحب مش بإدينا بس ارجوكي حاولي تدي لنفسك فرصه، دي مش رقيه اللي اعرفها، فاكره زمان لما كنا مع بعض ف الجامعه كنتي عامله ازاي مكنتيش بتبطلي ضحك
مريم ضحكت: وكنتي فضحانا ف كل حته بصوتك العالي حقيقي مفتقده الايام دي اوي بس الله يسامحه ابوكي هوة اللي جوزك بدري قبل م تخلصي جامعتك
_رقيه ابتسمت: كل حاجه نصيب ي مريم، الاهم من دا كله الرضا وانا راضيه والله راضيه
_صدقيني كل حاجه هتتحل وانا متأكده انك هتحبي زيد وهوة هيحبك
غمزتلها: بصراحه اخويا ميتقاومش
_سبحان الله نفس غرور اخوكي بالظبط يلا يبت امشي بقي زمان جوزك زهق تحت
_بخضه: ايوة صح دا انا نسيت عمر خالص
يلا سلام ي رقيه وحضنتها ومشيت
_رقيه طلعت من اوضتها بعد م مشيت مريم ولسه هتدخل المطبخ وقفها صوت زيد: رقيه تعالي عايزك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية القلب وما يهوى)
