رواية ابنه بائعه الخضار الفصل السابع عشر 17 بقلم هبة نصر
رواية ابنه بائعه الخضار البارت السابع عشر
رواية ابنه بائعه الخضار الجزء السابع عشر
رواية ابنه بائعه الخضار الحلقة السابعة عشر
ليذهب سليم الى الفيلا بالطريق الصحراوى .. ليجد مروه وعمرو مكتفين ايديهم بالحبال .. لتجرى عليه مروه
مروه/سليم حبيبى .. شوفت اخواتك عاملين فيا ايه .. عايزينى اعترف بحاجات انا معملتهاش
شريف وهو يشد مروه من شعرها/ اه يا زباله يا كدابه .. انا كنت عارف انك هتعملى كده .. وكنت عامل حسابى .. شوفى الكاميرا دى . والكاميرا دى . كل اللى قولتيه متسجل صوت وصوره
مروه بصدمه /انا اضطريت اقول الكلام لانهم هددونى
شريف/ تليفونك فين يابت .. فتشيها يا سمر
لتفتشها سمر وتخرج التليفون من جيبها .. وتعطيه لشريف
شريف / ده برمز سرى .. افتحى التليفون ده .. ويمد يده بالتليفون لمروه
مروه/ لا طبعا .. التليفون عليه صور شخصيه ليا .. مستحيل افتحه
شريف /سهله . يا بشمهندس .. وينادى على احد الاشخاص ويعطيه التليفون .. عايزك تفتخلى التليفون ده .. وكل البيانات اللى عليه تكون عندى .. حتى المحذوف من عليه .. عايز الحاجات دى بسرعه
لياخذ منه المهندس التليفون . وبعد القليل من الوقت .. ياتى المهندس ويعطى شريف فلاشه عليها كل بيانات التليفون والرسائل المحذوفه والصور والفيديوهات
شريف / هاتولى لاب توب
شريف وهو يضع الفلاشه فى اللاب توب ويوصله بشاشه على الحائط / جاهزين للعرض ..
ليبدأ بعرض رسائل بين عمرو ومروه وتسجيلات ورسائل صوتيه تثبت انه توجد علاقه غير شرعيه بين مروه وعمرو ..وايضا التسجيل الاصلى لكلام امل مع مروه والتى تم تحريفه وتزويره وارساله لسليم .. وايضا رساىل صوتيه بين عمرو ومروه يخططون فيه للايقاع بين امل وسليم وكيفيه السيطره على سليم
سمر/ انا مكنتش اعرف انك رخيصه اوى كده
مروه بجمود/ انا مش ندمانه على اللى عملته .. ولو رجع بيا الزمن هعمل اكتر من كده
سليم / ليه … ليه عملتى كل ده
مروه / علشان احرق قلبها .. ليه هى تاخد كل حاجه .. نجاح فى دراسه وحب الدكاتره والناس وكل اللى يعرفها يحبها ..حتى الشخص اللى حطيت عيتى عليه وقولت اوقعه علشان يخرجنى من الفقر .. حبها هى واتجوزها ..
سليم وهو يضربها بالقلم / انتى الموت راحه ليكى .. انا هخليكى عايشه علشان تشوفينى وانا برجع امل وهنعيش سوا سعدا وانتى احسن عقاب ليكى انك تفضلى بنارك
شريف / هنعمل فيهم ايه يا سليم
سليم / خساره نعمل فيهم اى حاجه .. اتصلوا بالبوليس يجى ياخدهم .. وشوفوا حاجه للمسطول ده يلبسها
كل هذا الحديث تحت نظرات عمرو وهو شبه مغيب من تأثير الخمور والمحرمات التى يتعاطاها ..
ليأتى البوليس بعد قليل من الوقت لأخذ مروه وعمرو ويتم التحقيق معهم بتهمه فبركه صور وتسجيلات لأمل
……………………………..
ظل سليم يبحث عن امل الى ان يئس .. ودخل غرفته مع امل ورفض الاكل والكلام لتمر فترة الاسبوعين انتهت امل الإجراءات اللازمه للسفر
امل/ الو ايوه يا سمر عامله ايه
سمر بلهفه / امل انتى فين وحشتينى
امل/ وانتى كمان وحشتينى .. ماما عامله ايه
عفاف وهى تاخذ التليفون من يدها / انتى فين يا امل ..دا سليم دور عليكى كتير اوى
امل / انا بتصل علشان اسلم عليكى انتى و سمر
عفاف/ انتى خلاص هتسافرى .. طب مش هتسألى على سليم
امل / هو اخباره ايه
عفاف/ مش كويس يا امل .. دور عليكى كتير اوى
أمل/ لو كان عايز يلاقينى كان لاقنى .. لو سمحتى يا ماما . انت كنت طلبت طلب من سليم وهو منفذهوش ..ممكن تسأليه هو هينفذه امتى .. وياريت قبل ما اسافر
عفاف/ وانتى هتسافرى امتى .. وطلب ايه ده
امل/ هو عارف الطلب انا كتباه له فى الورقه اللى سبتهاله
عفاف/ اوعى تكونى طلبتى الطلاق .. طب واللى فى بطنك .. هتولدى ويتربوا بعيد عنى .. وعن ابوهم
امل/ ايوه يا ماما .. مش هقدر اعيش معاه بعد اللى حصل
عفاف/ يا بنتى فكرى تانى علشان خاطرى .. سلين خلاص عرف الحقيقه
امل/ خلاص يا ماما .. مش هتفرق .. سواء عرف الحقيقه ولا معرفش .. علاقتنا انتهت ..وحصل شرخ كبير اوى بينى وبينه..
عفاف/ يا بنتى استهدى بالله .. مش كده .. ومع الوقت كل حاجه هتداوى
أمل/ ارجوكى ياماما .. اساليه هو هيبعتلى ورقتى امتى
عفاف/ بس هو مش هنا .. سافر امبارح ومقالش لحد هو رايح فين
امل/ طب لما يجى ياماما خليه يبعتها على بيت امى
عفاف/ انتى هتسافرى انتى يا أمل
امل/ كمان اسبوع
عفاف/ طب انا عايزه اشوفك
امل / ان شاء الله .. طب بعد اذنك انا هقفل دلوقتى
عفاف/ خلى بالك من نفسك يا امل .. هتوحشينى يا بنت قلبى
امل بدموع / وانتى كمان يا امى
لتقفل امل الخط وتنظر لامال وسعاد .. لترمى بنفسها فى حضن امال وتبكى بحرقه
امال / لما انتى بتحبيه اوى كده .. ايه لزمه الطلاق والبعد
امل / لازم يا ماما .. انا وسليم فيه حاجه انكسرت بينا ومش هينفع نكمل مع بعض
سعاد / يابنتى اللى اتكسر يتصلح
امل/ حتى يا خالتى لو اتصلح . عمره ما هيرجع زى الاول .. هيفضل مكان الكسر باين
امال/ وانتى ليه قلتى لحماتك انك هتسافرى كمان اسبوع وانتى مسافره بكره
امل / علشان سليم لو عرف ممكن يمنعنى من السفر بحكم انه لسه جوزى .. وانا محتاجه انى اسافر .. لازم ابعد
سعاد/ وهو سليم فين
امل/ ماما عفاف بتقول انه سافر ومش عارفين هو سافر فين
لتدخل عبير بحزن / خلاص يا امل هتسافرى
امل وهى تاخذ عبير فى حضنها/ طب انتى زعلانه ليه .. المفروض تفرحى علشان اخيرا هحقق حلمى .
عبير / انا زعلانه علشان هتسافرى وتسبينى
امل / انا هبقى معاكى على طول .. وبعدين النت دلوقتى بيقرب البعيد .. هكلمك وهتشوفينى صوت وصوره
عبير/ بس مش هقدر اللمسك ولا اخدك فى حضنى
امل/ متقلقيش .. انا هبقى معاكى على طول .. والوقت اللى تحتاجينى فيه اتصلى عليا بس .. اتفقنا
عبير اتفقنا .. بس انا ليا طلب عندك
امل / اؤمرى يا قمر
عبير/انام فى حضنك الليله
امل/ بس كده .. عنيا ليكى
لتمر الليله ويأتى تانى يوم على امل التى تصحو من النوم لتجد نفسها بين عبير وامها . لتأخذهم فى حضنها وهى تبكى على بعدها عنهم .. لتصحو امال بعد ان احست ببكاء امل
امال/ انتى بتعيطى ليه يا امل
امل/ علشان اول مره هبعد عنكم الفتره دى كلها .. حتى لما إتجوزت وبعدت عنكم مزعلتش كده .. لأنكم معايا فى نفس البلد واقدر اشوفكم فى اى وقت
امال/ قومى يابت يلا بلاش مرقعه .. شوفى حاجتك لو ناقصها حاجه .. ويلا علشان اوصلك المطار الطياره هتفوتك .. عايزاكى ترفعى راسى .. عايزه اشوف صورتك فى المجلات وهما كاتبين العالمه امل ..
عبير/ انا هاجى معاكم المطار
امال/ قومى يلا انتى كمان علشان تجهزى على ما احضر الفطار .. مش ناقصك حاجه يا امل
امل/ لا ياماما تسلميلى يارب
لتذهب امال لتحضير الفطار . بينما تستعد الفتاتان .. وبمجرد الانتهاء من تحضير الطعام تذهب امال لتغيير ملابسها والتجهيز
امل/ انا هطلب عربيه تيجى توصلنا المطار
ليمر القليل من الوقت .. انتهى الجميع من الطعام وارتداء الملابس .. ليتصل بهم سائق السياره يخبرهم بالوصول
امال / اتاكدتى من اوراقك وحاجتك يا امل
امل/ اه يا ماما .. كله تمام الحمد لله
لينزل ثلاثتهم للسياره .. التى تاخذهم للمطار
امال/ استنانا يا سطا .. هنرجع معاك
امال وهى تودع امل / خلى بالك من نفسك ومن اللى فى بطنك يا امل .. انتى هتبقى فى مجتمع ما يعلم بيه الا ربنا .. لكن انا مطمنه وعارفه انا مربياكى ازاى وعلى ايه .. حافظى على صلاتك وعلى القرأن .. هما دول نورك فى طريقك .. وانا هصلى وهدعيلك فى كل وقت ان ربنا يسترها معاكى
عبير/ خلى بالك من نفسك يا امل .. و اتصلى بينا اول ما توصلى
لتغادر امال وعبير المطار .. وتذهب امل لإنهاء اجراءات السفر وختم تذكرة السفر
لتصعد الى الطائره وبعد قليل من الوقت تحلق الطائره فى السماء. لتخطو امل اول الدرجات فى تحقيق حلمها ..
والتى بمجرد ان تصل امل الى المانيا تتجه الى الجامعه لتسجيل اسمها و اوراقها .. وبعد الانتهاء من تسجيل اوراقها .. لتتجه الى عميد الجماعه لمعرفه التعليمات
امل بالألمانية/ سيدى العميد .. متى سأبدأ فى الدراسه
العميد بالعربيه / برافو عليكى .. بتتكلمى المانى كمان
امل بدهشه/ هو حضرتك عربى
العميد/ عربى ومصرى كمان.. اهلا بيكى يا دكتوره
أمل/ اهلا بحضرتك.. بس لسه بدرى على دكتوره دى
العميد / ولا بدرى ولا حاجه .. دا تحفيز لحضرتك
امل/ انا متشكره لحضرتك
العميد/ بس قوليلى .. انتى اتعلمتى المانى فين
امل/ اخدت كورسات اون لاين فى اللغه الالمانيه
العميد/ برافو عليكى .. بصى بقى يا دكتوره … الجامعه هنا هتقدم لك بيت وعربيه ومرتب شهرى
امل/ بس دا كتير اوى
العميد / دا بروتكول متبع مع العلماء النابغين اللى زى حضرتك
امل / متشكره لحضرتك جدا .. لو ممكن استأذن علشان تعبانه وعايزه ارتاح
العميد / اتفضلى .. دكتوره امل .. هو حضرتك متجوزه
امل/ ايوه .. وعلى وش انفصال
العميد/ يا لا حول ولا قوة إلا بالله العلي العظيم.. على العموم انا تحت امرك انا فى اى طلب
امل بإرتباك/ متشكره لحضرتك
العميد/ على العموم .. النهارده السبت .. وبكره اجازه .. وتقدرى تبدائى الدراسه والعمل بعد بكره .. ولو ممكن تقبلى عزومتى انا والمدام ليكى بكره على الغدا
امل/ متشكره لحضرتك جدا.. بس فيش لزمه لتعب حضرتك
العميد/ لا تعب ولا حاجه .. واهى فرصه تتعرفى على المدام والاولاد .. اتفضلى دلوقتى مع السواق هيوصل للبيت علشان ترتاحى .. وبكره هبعته ليكى علشان يوصلك
لتستاذن امل وتذهب الى بيتها وهى تفكر فى مستقبلها ..
لتبدأ صفحه جديده فى رحله تحقيق حلمها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
