رواية عشقت سمراء الفصل الثاني عشر 12 بقلم سجدة محمد
رواية عشقت سمراء الجزء الثاني عشر
رواية عشقت سمراء البارت الثاني عشر
رواية عشقت سمراء الحلقة الثانية عشر
خايفه أتعلق تاني بناس و أتعود عليهم و بعد كده يسيبوني لوحدي ويمشوا ، مُشكلتي إني ف كُل مره بقول نفس الكلام ، بقعد أقول خلاص انا فوقت و اتعلمت و م هتعلق بحد تاني بسرعه ، و مجرد م حد يقرب مني بغلط نفس الغلطه تاني !❤️
يوم كتب الكتاب
في غرفت ساجي مازالت نائمه
دلفت ليلي الي الغرفه و هي تقول ” قومي ي زفته في عروسه تفضل نايمه لحد دلوقتي
ساجي بنوم ” ليلي سبيني انام بليز
ليلي” ي بنتي قومي بقي بقينا 2الظهر و بعدين امير و خالتك تحت
ساجي و هي تنهض من علي السرير ” اي امير فين
ليلي” تحت
ركضت ساجي الي تحت و لم تنتبه لما ترتديه(كانت تردتي مانمه بيتيه تتكون من هوت شورت ب اللون الاسود و به رسمات نجوم و قمر و عليه تيشرت يصل الي قمر الهوت شورت ب اللون الابيض و عليه كلمه في النص ب اللون الاسود (DREAM ) بمعني احلم )
تحت كان يجلس امير و مراد و فهد فقط
هرولت ساجي الي حضن امير
ما ان رائه مراد بهذا الملابس هب واقف و اتجه الي ساجي و مسك يدها واخذها الي اعلي حيث غرفته
ساجي” سيب ايدي وجعاني
لم يبالي لها مراد أطلاقا و مازال ماسك يدها و يسحابها
ساجي بعصبيه ” ي كائن الغراب انت بقولك سيب ايدي
دلف بها مراد الي غرفته و قفل الباب
ساجي ” اي اللي انت بتعمله دا
نظر لها مراد من أهلها الي أسفلها و مازال ماسك يدها و هزها بعنف ” انتي حيوانه اي اللي نزلك كدا
ساجي و هي تنظر إلي نفسها ” كدا ازاي يعني
مراد بعصبيه ” اي القرف اللي انتي لبسه دا و كمان عمله تحضني في الزفت اللي تحت
ساجي بعصبيه ” متقولش عليه زفت و بعدين انت مالك اصلا
مراد و هو يضغط علي ثغرها ” لا ي روح امك انتي كلها كام ساعه و هتبقي مراتي و انا مسمحش مراتي تنزل كدا و تحتضن في الرجاله
ساجي ببرود” أولا مكنش في حد غريب فهد اخويا و امير بس ثانيا بقي لما ابقي مراتك ابقي اتكلم و بعدين انا ممكن اغير رأي اصلا
مراد و هو يهبد يده في الحائض الي وارها و صوت مرعب ” امير دا اي هااا مش راجل دا
ساجي بخوف من هيئته و هي تحاول تتماسك ” قولتلك مالكش دعوه
مراد و هو يقترب منها ” لا دا انتي حابه الموضوع بقي و كل شويه تحضني فيه انتي مش لسه شايفه من يومين لحق يوحشك امتي دا عشان تنزلي من اضتك بالشكل دا
ساجي بتوتر من قربه ” ممكن تبعد
مراد ” ردي عليا
ساجي ” انا بحب امير جدا لأنه اقرب حد ليا ف طبيعي اني احضنه
مراد بعصبية شديده و هو يكسر كل اللي علي التسريحه ” قولتي اي بتحبي مين
ساجي بخوف من هيئته في اول مره تراه بهذا العصبيه ” مقولتش
و اتجهت إلي الباب لكي تخرج لكن يد مراد كانت مانع لها
مراد ” تعالي هنا رايحه فين انا مخلصتش كلامي
ساجي و هي تتظاهر ب القوه ” ابعد عني بقي
مراد ” اوعي اشوفك ب المنظر ده تاني و امير دا متتكلميش معه اصلا
ساجي ” امير اخويا ي غبي ابعد عنه ليه
مراد ” اخوكي ازاي يعني
ساجي ” انا و هو اخوات في الرضاعه
مراد ” ازاي و انتو بنكم 3سنين
ساجي ” ما امير عنده اخت قدي بس هي اتوفت لما كان عندي سنه
مراد” و نزولك ب اللبس دا افرض حد شافك افرضي كان احمد ول سالم ول أثر تحت و شافك كدا ساعتها
ساجي ” بس مشفونيش ف خلاص بقي فكك مني
مراد و هو يتحكم في اعصبه ” غوري علي اوضك و مشوفش وشك لغايه كتب الكتاب
فرت ساجي من امامه الي غرفتها دلفت الي الحمام ثم خرجت و بدلت ملابسها مسكت الهاتف الخاص بها كانت تضعه علي الصامت
ساجي ” مين الرقم دا دا متصل اكتر من 50مره و في مسدج كمان فتحت ساجي المسدج كانت من خالد ” صباح الخير رنيت عليكي كتير شكلك لسه كسلانه و بتحبي النوم لما تصحي كلميني بقي خالد.
ساجي ” الزفت دا جاب رقمي من فين و عاوز اي تاني انا مش هخلص منه بقي
ثم طلعت من غرفتها و اتجهت إلي الفتيات
عند الفتيات كان يشغلون اغاني و يرقصون
دلفت ساجي و هي تقول ” صباح الخير
مسك ” قصدك مساء الخير يختي دخلين علي العصر و انتي لسه صاحيه دلوقتي و الحنه بليل
ساجي ” حنه اي اي مش النهارده كتب الكتاب
منه ” اه ما جدك خلاهم الاتنين مع بعض
مسك” انتي هتلبسي اي بليل احنا كل واحده فينا اختارت فستان
ساجي ” مش فارقه هلبس اي حاجه
منه ” ازاي يعني لازم تلبسي فستان دا فرحك
ساجي ” خلاص هطلب اون لاين و خلال ساعه هيجي عادي يعني
مسك ” تمام
أثناء حديثهم دلفت سعاد و هي تقول الكوافيره جات ي ست مسك
عهد ” اسمها ميكب ارتست ي سعاد
سعاد ” مهتفرقش الكوافيره هي هي الميكب ارسست دي
عهد بضحك ” ارسست اي بس ما علينا دخليها
دلفت الميكب ارتيست التي تدعي بسمه الي الداخل ” ازيكم ي قمرات ها جبين نبداء ب مين فيكم
ساجي ” معاكي حد يعمل مساج
بسمه ” اه ي قمر مراد بيه جابني انا و الفريق كله
ساجي ” طيب انا عاوزه مساج عشان جمسي متكسر خالص
بعد عددة ساعات انتهت الفتيات معادا ساجي كانت لسه تعمل الميكب بعد إصرار من الفتيات بأن تضع ميكب
ساجي ” بصي انا مش عاوزه افوره خالص بليز يعني ميكب بسيط جدا
بسمه ” عيوني و بعدين انتي مشاء الله سمارك جميل اوي و ملامحك جدا ف مش محتاجه ميكب اصلا
ساجي ” ميرسي
دلفت سعاد و هي تمسك الفستان الخاص بساجي ” الفستان بتاعك و صل ي ست ساجي
ساجي” ميرسي ي يعاد حطي عندك
و ضعته سعاد علي السرير و اتجهت إلي الخارج
عهد و هي تقوم كي تاره الفستان ” الله ي ساجي حلو اوي ( كان الفستان ب اللون النبيتي و قب و بيه ورد من اعلي و ديق من عند الصدر و نازل بأتساع و مفتوح لنصف فخذيها)
منه ” اه فعلا رقيك خالص
ساجي ” ميرسي ي بنات
انتهت ساجي من وضع الميكب ثم اتجهت تغير ملابسها و تلبس الفستان و كذلك منه و عهد و عائشه و مسك
بعد وقت قليل انتهوا الفتيات
دلفت ليلي و ساميه و عفاف و شمس الي الداخل
ساميه ” مشاء الله طلعين حلوين اوي مبروك ي بنات
رد عليها الفتيات معادا ساجي الشارده في مكان آخر
عفاف ” مشاء الله ي مرات ولدي طالعه كيف القمر ليلا تمامه
عهد بصوت منخفض ” ساجي ي بنتي روحتي فين عفاف بتكلمك
ساجي” اه ميرسي ي طنط
عفاف ” طنط اي عاد من اهناه و رايح انا كيف ليلي ول اي ي ليلي
ليلي ” طبعا ي عفاف
شمس ” مشالله عليكم ي بنات كيف القمر كلكم
نزلوا جميعا الي تحت حيث تجلس النساء
و في الخارج كان يجلس الجد و بجانبه أبنائه و أحفاده و كان كل منهم يرتدي جلباب صعيدي
عند النساء
كان الفتيات يرقصون معادا ساجي تجلس
ذهب لها ليلي و هي تقول” افردي وشك دا شويه ي بنتي الناس هتاخد بالها
ساجي بغضب مكتوم ” اعمل اي يعني
ليلي” قومي ارقصي زي البنات و ل حتي اضحكي اي حاجه تبين انك عروسه
ساجي” ارقص !
ليلي ” اه ارقصي
ساجي وهي تحدث نفسها صح انا كدا كدا مش هحبه و بعد شهرين هيطلقني و اسافر تركيا المفروض اكون فرحانه ” ماشي ي ليلي هقوم ارقص
قامت ساجي و اتجهت إلي الفتيات و ظلت ترقص ماعهم و تتمايل بحرفيه و الكل مبهور من طريقه رقصها
في الخارج عند الرجاله
اشتغل المزمار الصعيدي و قام فهد و احمد يرقصون ب العصايه اتجه بعض
و بعد وقت جاء المأذون
و قعد عادل وحط يده في يد مراد و كتب الكتاب
وقال المائذون جملته الشهيرة بارك لكم و جمع بينكما في خير
و كذلك احمد و و فهد و سالم و اسر لف فهد الي الداخل و معه الدفتر الخاص ب المائذون
و هو يقول ل عفاف ” خدي ي عفاف خلي البنات تمضي
أخذت منه عفاف الدفتر و اتجهت إلي الفتيات مضي جميع الفتيات و جاء الدور علي ساجي و هي مترددة
ليلي” امضي ي ساجي اخصلي الناس مستنين برا
مضت ساجي و أخذت عفاف الدفتر الي فهد ثم ظلت النساء تزغرط
جلست ساجي فهي تعب من كتر الرقص ثم استمعت الي فتاه و هي تقول ل فتاه اخري ” مش عارفه اتجوزها لي دي
فتاه2″ انا عارفه يختي دي حته معصعصه
فتاه1″ و شايفه نفسها انا عارفه علي اي
فتاه 2″هما بنات بحري كدا رافيعن منخرهم في السماه
نظره لهم ساجي نظره ثم قامت رقصت مجددا ولم تبالي لهم
بعد عددة ساعات ما بين زغاريط النساء و رقص الفتيات و فرحه الجميع ذهب الضيوف
ساجي بتعب” اه انا مش قدره تعبت اوي
مسك ” انتي مقعديش ي بنتي طول اليوم رقص ف لازم تتعبي
منك ” بس طلعتي بترقصي حلو اوي ي بت الاي
ملك بضحك ” فعلا ي بخت مراد بيكي
نظر لها ساجي
عبير بخبث” علي اي ي حصره
لم تبالي له ساجي ثم نهضت ” انا طالعه استريح عشان تعبت اوي و اتجهت إلي غرفته في طريقها الي غرفتها رأها مراد ما أن وقع عينه عليها فنبهر من جمالها فهي حقا كان رائعه
مراد بسرحان ” شكلك حلو اوي
ساجي بلا مبالاه ” ميرسي عن اذنك
مراد” استني
ساجي بتعب ” بص حقيقي مش قادره اقف ول قادره اتخانق ف لو عاوز تتخانق خليها بكرا
مراد بأبتسمه جميله تراها ساجي للمره الاولي ” لا مش جاي اتخانق جاي اقولك متزعليش اني اتعصبت علي الصبح
ساجي بتوهان في ابتسامته ” ضحكتك حلوه اوي
سمع مراد صوت سالم و احمد و هما يطلعون علي الدرج سحب ساجي من يدها و ادخلها غرفته و قفل الباب
ساجي ” في اي
مراد ” أحمد و سالم كانوا طالعين علي السلم و مينفعش يشفوكي كدا
ساجي بلا مبالاه ” طيب ممكن تتطلع برا بقي عاوزه اغير هدومي و انا
مراد بخبث ” انتي كنتي بتقولي اي و احنا برا
ساجي” قولت اي
مراد و هو يقترب ” كنتي بتقولي ان ضحكتي حلوه و اوي كمان
ساجي بتوتر ” احم اي اه عشان اول مره اشوف بتضحك انا كنت مفكره معندكش سنان اصلا من كتر ما انت متضحكش
مراد و هو مازال يقترب ” لا ي شيخه
ساجي و هي ترجع بظهرها ” ممكن لو سمحت تبعد عيب كدا
مراد و هو يقترب اكتر ” انا جوزك علي فكره
صوت هاتف ساجي كان النجاه لها من حصار مراد لها ما سمعت صوت هاتفها اتجهت له سريعا
مسكت هاتفها كانت مسدج من خالد ” ساجي ردي عليا
مراد” مين بيرن عليكي في الوقت دا
ساجي بتوتر” اي محدش قصدي دي مسدج من واحده صاحبتي و بعدين انت مالك بقي
نظره لها مراد بعدم تصديق ” طيب
ساجي ” ممكن تطلع بقي عشان عاوزه انام
اتجه مراد الي الخارج و هو ” تصبحي علي خير
ما ان خرج مسكت ساجي هاتفها مجددا و هذا المره كان يرن فتحت و هي تقول بعصبيه” عاوز اي
خالد ” مش بتردي عليا لي
ساجي ” خالد انا مش فاضيه لشغل العيال دا انت عاوز اي مني
خالد ” نتقابل
ساجي ” لا طبعا و متتصلش بيا تاني بقي
ثم إغلقت الهاتف و ألقت به علي السرير و اتجهت إلي الحمام لتنعم بدش يريح جسدها بعض تعب يوم طويل
أؤمن أن العلاقات بين البشر لا تقاس بالحب بقدر ما تقاس بالأمان ، الحب يتوهج ويخبو أحيانا أما الأمان فهو شعور دائم متصل ، أن أستأمنك على عيوبي وزلّاتي حتى على تلك الأشياء التي أخاف قولها لنفسي ، ألا أشعر أنني بحاجة لاختيار عطر أغلى أو أخفي ندبةً على وجنتي فقط لأنني أخشى تشوه صورتي لديك.♥️🍂
صباح يوم جديد يوم الفرح
قامت ساجي من نومها علي صوت زغريط النساء التي تملئ البيت فزعت ساجي اول ما رأته يجلس علي الكرسي امامها
ساجي ” انت اي الي جابك هنا
مراد ” ما لسه بدري كل دا نوم
ساجي و هي تنظر في هاتفها لتري الساعه” انت مالك و بعدين لسه بدري الساعه 9
مراد” عشر دقايق و تكوني جاهزه
ساجي ” لي هنروح فين
مراد و هو يتجه الي الخارج ” مبحبش الأسئله الكتير اخلصي
ساجي ” أبو برودك ي اخي
قامت ساجي لكي تبدل ملابسها
في غرفه عهد دلف أسر الي الداخل بعد ما طرق الباب
عهد ” انا خلصت و جايه اهو
أسر بعصبيه ” اي القرف إللي انتي لبسه دا و الزفت الي في وشك دا يتمسح
كانت عهد ترتدي فستان من اللون الابيض و ضيق جدا مفصل معالم جسدها و قصير يصل الي كحل رجليها و عليه حجاب من اللون السماوي و تضع بعد من الميك اب
عهد بدموع ” في اي ي اسر ما هو حلو اهو
اسر ” حلو اي و زفت اي غيري الزفت دا خمس دقايق و تكوني جاهزه اخلصي
و ترك الغرفه و هبد الباب خلفه
عند عائشه
دلف احمد ما جهزت عائشه
عائشه ” انا جاهزه
اسمك احمد و هو يقول ” طيب يلا
عائشه ” استني ي احمد
احمد ” في اي
عائشه بخجل ” مش عاوز تشوفني انت مشوفتنيش من كتير اوي مش ساعة ما لبست النقاب
احمد و هو يمسك يدها و يضع عليهم قبله ” انا هموت و اشوفك بس مش دلوقتي بعد الفرح انشاء الله
هزت عائشه رأسها
احمد” مش يلا بقي ول اي
عائشه ” يلا
انتهت ساجي و خرجت حيث يجلس فهد و مسك و امير و ملك و مراد و منه و سالم و اتجه لهم احمد و عائشه
ساجي” انا خلصت هنروح فين بقي
مسك” هنروح نجيب فساتين الفرح
ساجي بلا مبالاه ” تمام امير ممكن نتكلم
نظر لها مراد” لا
ساجي” نعم
مراد” قصدي يعني هنتأخر لما نرجع
امير” انتي كويسه
ساجي و هي تفكر في كلام خالد ” اممم اه كويسه
نزلت عهد و معاها اسر و اتجهوا جميعا الي الاتيلي الخاص ب الفساتين
في سياره اسر
اسر” عهد
عهد و هي لم تنظر له ” نعم
اسر ” حقكك عليا متزعليش انا بس مش عاوز حد يبص عليكي بصه مش حلوه و بعدين في عروسه تبقي مكشره كدا
عهد و هي تبتسم له ” خلاص محصلش حاجه انا مكنش ينفع البس كدا اصلا
مسك اسر يدها و وضع عليها قبله
في سياره مراد
كانت ساجي تنظر من النافزه و هي في عالم آخر
مراد” ساجي ساجي انتي ي بنتي
ساجي ” هاا اي
مراد ” انتي كويسه
ساجي” اه تمام
رن تلفون ساجي و كان رقم مجهول
ساجي و هي تمسك تلفونها بتوتر
مراد” مين
ساجي بتوتر ” معرفش
مراد” ازاي يعني
ساجي بعصبيه” رقم مش متسجل عادي يعني
مراد ” طيب براحه مالك متعصبه ليه
ساجي” مفيش
مراد و هو ينظر الي الهاتف ” دا حد مصمم ردي
ساجي ” لا لا مش مهم
مراد ” مالك متوترة لي
ساجي” خلاص هو تحقيق مش متوتره الله
نظر لها مراد بعدم ارتياح
بعد وقت وصلوا جميعا الي الاتليه
دلفوا جميعا الي الداخل
مسك و هي تنظر إلي الفساتين” حلوين اوي
عهد ” جدا
ساجي قعدت بتوتر و هي تمسك هاتفها ولم تنظر الي الفساتين
مراد ” مش هتختاري حاجه
ساجي” اي حاجه ي مراد مش هتفرق
مراد ” ساجي انتي كويسه
ساجي ” اه مالي
مراد” حسك متوتره
ساجي ” لا لا انا تمام
ذهب مراد و هو يقول ” طيب ثواني و راجع
صدح تلفون ساجي يعلن علي اتصال جديد اتجهت ساجي الي خارج الاتليه كي ترد
ساجي” الو
خالد” مش بتردي ليه
ساجي ” عايز اي اخلص
خالد” قولتلك عاوز اشوفك
مراد” ساجي بتكلمي مين .
أتمنى أن يأتي أحدهم الذي يجعلني أنا أقول بكل صراحة مِثل ما قال كافكا:
التقيتُ بك فتصالحتُ مع العالم،
عفوت عن الغائبيِن، وعذرت كل الرّاحلين.
منذ أن التقيتك وأنا أرىٰ أن لا شيء يدعوا للغضَب إلا غيابك🌾’.🖤
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشقت سمراء)
