رواية الساحر الفصل السابع 7 بقلم ياسمينا

ياسمين كانت ماشيه ومش شايفه حاجه وفاجأه اتخبطت في صندوق كان في الأرض وصرخت لأنها اتخبطت في مكان الجرح الي في رجليها اريان طلعلها وكل الموجودين مكنوش شايفين بس سامعين 

فرعون بصوت عالي : في حاجه 

اريان وصل لي ياسمين وفتح الكشاف 

اريان  : انتي كويسه 

ياسمين : وطي صوتك اكيد عارف صوتك 

اريان بهمس : في ايه 

ياسمين بهمس : شايف الصندوق الي جمبي ده كلو فيه اثار 

اريان : يعني هو بيهرب اثار في الحفله 

ياسمين حطت أيدها علي رجليها لقت فيها دم  واريان كان مركز في الصندوق وفعلا في حد جاه وشالو ونور جاه وفرعون بص علي ياسمين واريان وقرب منهم بهدوء 

فرعون : حضرتك كويسه وايه دم ده 

اريان بص علي رجل ياسمين لقه الفستان مرفوع ومبين رجليها نزلها الفستان بغضب 

ياسمين : معلش وقعت وتعورت 

فرعون بصلها بخبث وقال : ممكن اعقمهالك

اريان غير صوتو وقال : نعم وانا مش مالي عينك ولا ايه 

فرعون بحرج : اه اسف 

اريان شال ياسمين أما ميرا عرفت انو اريان 

ميرا في سرها : ايوا هو اريان ومين الي معه دي انا لازم اشوفو 

فرعون : اتفضلو في اوضه الضيوف تقدر تعقم جرحها بيراحتك 

اريان مشي معا فرعون الاوضه وبعدين قفل الباب وقعد ياسمين علي سرير وبدأو يسمعو صوت الاغاني يتعله اريان جاب منديل ومسح دم ياسمين 

اريان : ايه الي جابك هنا ايه مبتعرفيش تقعدي من غيري شويه 

ياسمين بحمود : اتجوزتني ليه وبتحب ميرا لسا 

اريان بصلها وقال : اه بحب ميرا دي حب عمري وانا عمري مانستها وفرحت لما لقتها 

ياسمين شافت لمعه في عنيه وهو بيحكي عنها قلبها وجعها اوي وقالت : وليه اتجوزتني 

اريان : علشان انتي الي هتنهي كل العذاب والحرب ده 

ياسمين : ازاي 

اريان :  ياسمين مش وقتو بجد مش وقتو دلوقتي كل حاجه هتعرفيها في وقتها

ياسمين بدموع : يعني أنا لعبه في ايدك تجوزني وتخدعني ومفروض بقا اعمل ايه قولي اضحك مثلا بجد انت مبسوط من نفسك 

اريان مسك أيدها وقالها : انا عارف انك مش شبهنا بس بجد انا محتاجك 

ياسمين قامت من علي سرير بغضب وقالت : ايوا محتاجني علشان ترجع حبيبتك وتجيب حق أهلك بس مفكرتش فيا مفكرتش في مشاعري انت واحد مبتفكرش غير في نفسك 

اريان بستغراب : انا مش فهمك 

ياسمين في سرها : ولا انا فاهمه نفسي 

فاجأه باب الاوضه اتفتح وميرا دخلت واريان بصلها وهي قلعت القناع وجريت حضنتو حتي وهي مش متأكده انو هو بس لما حضنتو اتأكدت واريان حضنها بحب 

ياسمين في سرها : ربنا يخدكم انتو الاتنين لا مش هقدر استحمل كل ده 

ياسمين طلعت البلكونه بتاعت الاوضه 

اما ميرا شالت القناع بتاع اريان 

ميرا بدموع : وحشتني 

اريان : وانتي كمان فهميني ايه الي حصل 

ميرا بدموع : فرعون خطفني بقالو سنه وانا بحاول اهرب منو مش عارفه

اريان : اهدي أنا جيب هنا علشان انقذك 

ميرا :  طب ومين دي 

اريان بص علي بلكونه وقال : ياسمين مراتي 

ميرا بغضب : نعم 

اريان مسك وشها بهدوء وقال : اهدي أنا اتجوزتها لسبب وبكرا تعرفي

ميرا بغيره : هطلقها امتا 

ياسمين كانت سامعه كل ده ومش قادره تسيطر علي غضبها دخلت الاوضه وقالت بزعيق : انا عايزه يطلقني دلوقتي قبل بكرا 

ميرا : وطي صوتك ايه متعرفيش أن صوت المرأة عوره 

ياسمين بسخرية : حلو وانتي متعرفيش انك تحضني واحد غريب عنك يبقا حرام

ميرا مقدرتش ترد عارفه أن ياسمين صح 

ياسمين : عايزه امشي

ميرا بدموع : خدني معاك متسبنيش 

اريان بأيتسامه : هانت اوووي كمان اهدي اطلعي انتي بس علشان فرعون ميخدش بالو

ميرا مسكت ايد اريان وقالت : حاضر بس متسبنيش 

اريان بحب : انا جمبك دايما 

ميرا ابتسمتلو بحب وطلعت برا الاوضه

اريان : يلا 

اريان قرب علشان يشيل ياسمين 

ياسمين بحمود : هعتمد علي نفسي 

اريان بستغراب : مالك 

ياسمين تجاهلتو وطلعت برا الأوضه وهو وراها وطلعو من القصر كلو ياسمين قلعت جذمتها ومشيت حافيه واريان فضل يندها وهي تجاهلتو فضلت تمشي شويه لغيت لما لقت بحر جريت علي البحر ووقفت قدامو بحزن واريان قرب منها

اريان : مالك بقا قولي 

ياسمين ببرود : تعرف تنزل البحر والميه بارده كدا والموج عالي ودنيا ضلمه 

اريان بثقه : طبعا دانا الساحر 

ياسمين بصتلو بضيق وقالت : يلا نجرب 

ياسمين بدأت تنزل البحر بس اريان مسك أيدها جامد وقربها منو 

اريان : انتي مجنونه كدا خطر عليكي 

ياسمين ببرود : وانت خايف عليا 

اريان : طبعا 

ياسمين بسخرية : طبعا علشان انقذكم كلكم صح 

ياسمين زقتو ونزلت البحر بسرعه ولقت ميه سقعه اووووي وبدأت ترتعش من البرد والموج عالي اريان نزلها بغضب وبعدين حضنها وحاول يدفيها بأيدو 

ياسمين زقتو : ابعد عني 

اريان بغضب : ياسمين الموج عااالي وانتي شكلك مش بتعرفي تعومي

ياسمين بغضب : وانت مخفتش عليا لما دخلتني عالمك هاااا طلقني بقا طلقني 

اريان قرب منها علشان يهديها وهي فضلت تزقو ورجليها المتعوره اتخبطت في توبه تحت الميه وهي صرخت والموج بقا عالي اوي وهي نزلت تحت 

اريان بلهفه : ياسمين 

اريان نزل تحت الميه ومسك ايد ياسمين وطلعها 

اريان بغضب : مش قولتلك نطلع من هنا 

ياسمين بدموع : رجلي باظت خلاص 

اريان مسك أيدها وطلعو برا الميه وياسمين كانت بترتعش من البرد واريان بص علي جرح بتعها 

اريان بضيق : ده اتفتح 

ياسمين بلامباله : مش مهم 

اريان : بس صحتك مهمه عندي 

ياسمين بسخرية : اه علشان انقذك 

اريان بغضب : ياسمين افهمي انا خايف عليكي فعلا مش علشان حاجه انا مش فاهم مالك 

ياسمين بكدب : انا بحب واحد تاني وعايزه أطلق ومش عايزه اقعد معاك ثانيه واحد كدا بحس اني بخونو

اريان بضيق : بتحبيه ازاي يعني 

ياسمين سرحت وقالت : معرفش ازاي حبيتو انا مبقتش فاهمه احساسي اصلا بس انا بجد شكلي بحبو 

اريان شاف الحب في عنيها وياسمين طبعا كانت بتوصف حبها اريان 

ياسمين بحمود : ها هطلقني امتا 

اريان ببرود : هفكر ها اسمو ايه

ياسمين : حاجه متخصكش

اريان بأبتسامه : تحبي تنزلي البحر دلوقتي 

ياسمين بضيق : رجلي مهي متزفته قدامك 

اريان شالها وقال : هنركب مركب وهحكيلك كل الحكايه من اولها لي اخيرا 

اريان  مشي بياسمين وركبو مركب متوسط الحجم واريان سااقو لغيت بعدو عن شط شويه وبعدين قرب من ياسمين وقعد جمبها 

اريان : الحكايه بدأت بمقبره جدو اكتشفها وفرعون كان طفل صغير لسا بيشتغل معه جدو اشتره ارض في اسوان ولقه مقبره تحتها كنذ 

ياسمين : كنذ اثار يعني 

اريان بهدوء : اه تكفي مصر تقريبا كلها بجد فيها اثار كتير اوي جدو قرار انو يسلم المقبره للحكومه بس فرعون كان عندو سعتها 29 سنه من صغرو بيشتغل معا جدو المهم مش عجبو قرار جدو ف راح لوحد في اسوان اسمو جعفر جعفر ده بقا بيشتغل في الآثار وهدد جدو ياجلبو مفتاح المقبره ليقتل علتو كلها 

ياسمين بستغراب : طب ما يكسر الباب ويدخل 

اريان : انتي مجنونه ياياسمين ازاي يعمل كدا دي مقبره من بتوع زمان وقفلنها كويس ومبتفتحش غير بمفتاح جدو دور عليه كتير وفي الاخر جابو في خلال شهرين المهم جدو اده المفتاح لي بابا وجعفر وفرعون عرفو وقرارو يخدو المفتاح ويقتلوه انا بقا كنت موجود معه يوم الحادثه دي 

فلاش باك من 11????

ماهر ابو اريان كان قاعد في مكتبو بيفكر هيعمل ايه في المقبره دي ولازم يساعد باباه دخل عليه اريان 

اريان: بابا تحب اخليهم يعملولك قهوه

ماهر بأبتسامه : لا ياحبيبي 

اريان قد قدامو : بابا بتفكر في ايه يمكن اساعدك شايفك محتار

ماهر : لو انت لقيت كنذ والكنذ ده ملك الدوله وعايز تديه لدوله بس في ناس بيهددوك وعايزين يقتلوك هتديهم الكنذ ولا هتديه لدوله

اريان : لا طبعا يابابا اديه لدوله احنا مالنا هما يتصرفو 

ماهر بأبتسامه : عرفت اربي 

فاجأه سمعو صوت عربيه وقفت قدام الفيلا وماهر  قام وبص من شباك لقه كمية رجاله رهيبه دخلين الفيلا 

ماهر بسرعه : اريان اهرب يا اريان جاين يقتلوني 

ماهر قلع من رقبتو مفتاح كان عملو سلسله كان مفتاح فرعوني 

اريان بخوف : تعال نهرب سوا 

ماهر : مفيش وقت ادي مفتاح ده لجدك

ماهر لبس لي اريان المفتاح وخله بطلع من شباك اريان استخبه وفضل يبص علي أبوه الي رجاله دخلو ضربوه

فرعون : فين المفتاح 

ماهر : مش معايا 

جعفر بغضب : انجز بدل ماقتلك 

ماهر بزعيق : قولت مش معايا 

فرعون كان معه سكينه و قربت من ماهر وفضل يضربو بسكاكين في بطنو من غير اي رحمه وفاجأه نزل بسكينه علي ايدو وقطعها واريان كان واقف بس دموعو كانت بتعبر عن رعبو وخوفو علي أبوه سامع صريخ أبوه ومش عارف ازاي ينقذو فرعون رفع السكينه وقطع ايدو تانيه وماهر صرخ وفي لحظه دي فرعون دبح ماهر وكمل تقطيع فيه اريان مقدرش يستحمل المنظر وجري بعيد عن فيلا وهو بيعيط وفاجأه الفيلا ولعت والناس مشيو ..

انتهاء فلاش باك ????

اريان بحزن : بعديها ماما جت هي واخواتي وانا جالي حاله نفسيا وفعلا أديت المفتاح لي جدو بس جدو مات بعديها ووسام خالي كان قريب مني وحكتلو وقالي لازم نجيب حقهم ونحافظ علي المقبره وعرفت بعديها أن عمو خد المفتاح وقتلوه هو كمان بس قبل مايتقتل اده لي تاتا وتاتا ماتت بردو مدبوحه  بس عمتو قالت لي وسام عن مكان المفتاح لأن تاتا حكتلها وفعلا وسام خدو وده لي خالو يحتفظ بيه كل ده حصل في 8 سنين  وخالو غصب عنو حكه لي كامليا  وكامليا قالت لازم تاخد من الكنذ ده وراحت لي فرعون وجعفر وتفقت معاهم 

اريان بص لي ياسمين بسخرية وقال : ونامت معاهم مهو كامليا كانت الفرع الزباله الي في عليتنا  تعرفي جوزها مين 

ياسمين : مين 

اريان : حسن الي حرقتو اول واحد 

ياسمين بصدمه : ده الي سيف مسك قضيتو وجبني بعديها 

اريان بهدوء : اه لانو قتل امي بعد ما كامليا اتفقت معا فرعون وجعفر أنهم يقتلو خالو وفعلا قتلوه المفتاح بقا معا ماما ومن سنتين كامليا قالتلهم أنها هتعزم ماما عندها وهتحطلها منوم وجوز كامليا يدخل عليها الأوضه ويشوفها معا واحد ويحسبها كامليا ويموتها فرعون بقا كان بيعشق الستات قال أنا هبقا الراجل ده واغتصب امي قدام كامليا الكلب وفعلا الراجل دخل لقه ماما معا فرعون وقتل امي ورامها من دور العشرين وفرعون هرب بس الي مبعرفهوش أن ماما خبت المفتاح في مكان انا عارفو وخبناه سوا سعتها بقا انا بقيت بعرف اعمل كل حاجه اختفي أظهر أنوم مغناطيسي بقت ساحر ساحر يعني وسام كان يعرف بس يعمل حاجه بسيطه من الي انا بعمل بس أنصدم لما لقني بعرف اعمل كل حاجه كل حاجه بعملها طبعا كامليا جت علي اساس انها ماما ومحدش شك في موتها بس انا اتأكدت اني دي كامليا من طريقة كلامها وفضلت تدور في القصر كتير عن المفتاح طب بدور ليه وهي عارفه هو فين وفي لحظه دي عرفت ووسام عرف وقرارنا نبدأ ننتقم

ياسمين : طب وليه تموت شريف وأبوه 

اريان : اولا ابو شريف كان صاحب حسن وهو الي ساعدو أنهم يرمو ماما من فوق الجبل بعد ما وقعت من دور 20 كان في امل انها تعيش بس حسن اتصل علي ابو شريف وخدوها ورموها فوق الحبل أما حارس وعادل ف هما الي قتلو الاء وميرا كامليا شكت أن احنا نعرف حاجه عن المقبره وفعلا عرفو اني اعرف وسعاتها فرعون بعت حارس وكمان عادل علشان يقتلوهم  ويدبحوهم وحرقو بيتهم وللأسف ملقناش جثة ميرا

ياسمين: فرعون خطفها لانو بيحبها بس الي مفهمتوش ليه تقتل اختي وهي عارفه انك الساحر يعني محبتهاش وليه شريف يتقتل 

اريان : مانتي مش مركزه معا اختك اختك ياهانم كانت ماشيه علي حل شعرها معا شريف الاتنين ازبل من بعض بيسرقو الناس وبينصبو عليهم قربت من نورا علشان اقدر اعرف معلومات عن شريف وأبوه اكتر اتجوزتها عرفي وقرارت تلعب عليا بس انا محدش يلعب عليا واوعي تزعلي عليها اوي كدا علشان كانت هتموتك  أصلها مش مهتمه بيكي ولا بتحبك وقولتلها انا ليه الساحر علشان احسسها أنها كسبت عليا ومسكت عليا زله 

ياسمين بحزن : اه 

اريان : عرفت من شهرين أن ميرا عايشه انا بحب ميرا اوي قدرت تخليني انسه اي وجع شوفتو بحبها ليا بجد انا بحبها بجنون وهرجعها 

ياسمين بحزن : احم  لازم تطلقني علشان تقدر تعيش معاها حياتك 

اريان قرب منها ومسك أيدها وقال : اتجوزتك علشان تخلي بالك من المفتاح ولو موت تقدري تقدميه للبوليس انا بقالي سنه بحاول احمي اخواتي بعد ما علياء ماتت كل علتي ماتت علشان مقبره مليانه كنذ انتي الي هتقدري تخبي المفتاح ده كويس 

ياسمين : وليه مش اديتو للبوليس لغيت دلوقتي 

اريان بهدوء : بعد ما اخلص انتقامي من فرعون وجعفر وحارس  

ياسمين بحزن : ماشي 

اريان قلع المفتاح من رقبتو ولبسو لي ياسمين 

اريان : بعد مااخلص انتقامي لو موت سلمي المفتاح ولا عشت هنسلمو سوا 

ياسمين : بعد شر عنك 

اريان : انا عارف بتسألي نفسك ليه مخلتش عاصم يساعدني علشان اكيد هيشكو فيه اما انتي لا 

ياسمين بهدوء : متخافش المفتاح في امان

اريان ابتسملها وهي ابتسمت بحزن 

ياسمين : مبسوطه انك مش مجرم وانك بتنتقم تعرف انا لو حد عمل كدا في عيلتي كنت هعمل زايك بظبط 

اريان بحزن : شوفت ايام كلها عذاب بس قدرت اعديها 

ياسمين : كنت ممكن اقولك اسجنهم بس السجن مش كفايه ليهم 

اريان بشر : بظبط علشان كدا هدوقهم كل انواع العذاب 

فاجأه تلفون اريان رن  ورد 

اريان : ها ياوسام 

وسام : خلاص رجالتي قدرو يسرقو آثار فرعون 

اريان بهدوء : تمام اقفل 

اريان قفل معا وسام ورن علي رقم فرعون

فرعون : الو مين 

اريان : انا الي سرقت الاثار الي كنت هتهربهم 

فرعون بغضب : انت مين 

اريان بخبث : كنت موجود في الحفله بتاعك وصراحه عجبتني اوووي حبيبتك 

فرعون بغضب : عايز ايه 

اريان : البضاعه ب 100 مليون جنينه 100 مليون جنيه ولا حبيبتك

ياسمين كانت قاعده وبتسمع كل ده بحزن 

فرعون بدأ يفكر في سرو وقال ؛ فعلا الفلوس كتير وانا محتاج الفلوس بس بحب ميرا ولسا  اصلا مخدتش الي انا عايزو منها بس دي صفقة عمري لازم اديلو ميرا 

فرعون : موافق 

اريان : تمام ادي التلفون لي ميرا ولو فتحت الاسبيكر صدقتي الآثار كلها هسلمها للبوليس

فرعون بسرعه : لا خلاص 

فرعون اده لي ميرا التلفون 

ميرا : الو

اريان : ميرا انا اريان فرعون هيطلعك بر القصر امشي في وشك علطول هتلقي مركب في اول شط اركبيها

ميرا بسعاده : بجد 

اريان بأبتسامه : ايوا اديني فرعون 

ميرا أدت تلفون لي فرعون 

اريان : طلعها برا القصر ولما توصلي هتلقي الآثار قدام قصرك 

اريان قفل التلفون وبص علي ياسمين لقها مضايقه 

اريان : مالك 

ياسمين ببرود : هنام 

اريان : لازم تغيري هدومك الاول 

ياسمين بضيق : مش مهم 

ياسمين نامت علي ضهرها وبصت علي سما وعلي القمر وغمضت عنيها ونامت بحزن اما اريان إتصل بوسام علشان يجهز البضاعه وقرب المركب لي الشط وفعلا فرعون ساب ميرا وميرا فضلت تجري لغيت لما وصلت الشط وشافت اريان جريت علي مركب وركبت فيه وحضنت اريان جامد 

ميرا بدموع : اخيرا طلعت من سجن الراجل ده 

اريان : ايوا واخيرا هتبدأ الحرب

اريان مسك تلفونو ورن علي وسام وقالو يحط البضاعه قدام قصر فرعون 

ميرا: ليه هترجعلو بضاعه 

اريان بخبث : مش هيلحق يفرح بيها 

الهوا بدأ يزيد واريان بص علي ياسمين الي لبسها كلو ميه قرب منها وشالها 

ميرا : انت هتشلها 

اريان بسخرية : لا هسبها تموت 

اريان شال ياسمين ونزل بيها في اوضه في مركب ونزلت وراه ميرا اريان نيم ياسمين علي سرير وحط ايدو علي رأسها لقها عندها سخونيه جامد 

اريان : شكلها جالها برد لازم اقلعلها هدومها دي 

ميرا بغيره : نعم 

اريان بأبتسامه : ميرا ممكن تطلعي برا وتقفلي الباب 

ميرا بغضب : نعمممم 

اريان مسك أيدها وخرجها برا الاوضه وقال : لازم  اغيرلها اصلها مبتكشفش علي حريم 

اريان قفل الباب وهو بضحك 

ميرا بغضب : ماااشي يااريان ماااشي 

ميرا فضلت تخبط علي الباب وهو تجاهلها وبص علي ياسمين 

اريان بضيق : يعني كان لازم تجي ورايا اهو تعبتي 

اريان بدأ يغير لي ياسمين وجاب شاش وقطن وربط رجليها تاني  

ميرا بغضب : لو مفتحتش هقتلك وهقتل نفسي 

اريان فتح الباب وضحك  وراح جاب طبق وحط فيه ميه سقعه وميرا بصت علي ياسمين لقتها لبسه تشرت بتاع اريان اريام جاب قماشه وقرب من ياسمين وبدأ يعملها كمداد 

ميرا بغضب : كدا كتير 

وياسمين بدأت تفوق بتعب وبصت علي اريان الي كان بيبصلها بأيتسامه 

ياسمين صوتها كان رايح وعماله تكح

اريان : اهدي اهدي ده دور برد جامد شكلو 

ياسمين بصت علي نفسها وبعدين بصت لي اريان بغضب 

ياسمين بغضب : انت حيوااااان

ميرا بغضب : فعلا حيوان 

ياسمين بصتلها بضيق وقالت : حيوان ليه واحد غير لي مراتو وانتي مال اهلك

اريان بضحك : بجد 

ياسمين بتعب : اطلعو برا عايزه انام

ميرا : يلا يااريان عايزه احكيلك حاجات كتير 

ياسمين مسكت ايد اريان وقالت : لا متسبنيش شكلي هموت 

اريان فعلا لقها سخنه اوي وقال : معلش ياميرا بكرا نتكلم صحيح احنا هنروح أسوان بكرا 

ياسمين بصتلو بصدمه : نعم ليه 

اريان بصلها بخبث وقال : علشان اكمل انتقااامي …….