رواية من ذابت قلبي الفصل السادس 6 بقلم ساندرا باسم

شمس : انا هطلع الجنينه شويه 

فارس : تمام 

+ فارس بيبص عليها، لقاها سرحانه، كان شكلها يشد 

فارس : شمس، شمس 

شمس : ها 

فارس : شكلك مش معايا خالص، بتحبي ولا ايه 

شمس: ????، اشمعنا يعني

فارس : لا اصلك سرحانه في القمر و النجوم

شمس: لا عادي بفكر شويه

فارس : ممم، طب بتسمعي ايه

شمس : بسمع ام كلثوم

فارس : الله ????اغنيه ايه بقى

شمس : انت عمري

فارس : بتحبي انتِ

+ فارس فاكرني بشله الصحاب، اللي لما يلاقوا حد منزل حاجه رومانسيه يقولوله هنقول مبروك امتى ????‍♀️????????

شمس : هو انت مادام بتسمع لأم كلثوم تبقى بتحب، مش لازم يعني

فارس : يعني انتِ مش بتحبي

شمس : انت مالك بتسأل السؤال ده

فارس: فضول و كمان مش بتردي على طول ليه

شمس : عشان سواء كنت بحب أو لا دي حاجه تخصني انا ولا إيه

فارس : طب ما انتِ عارفه اني بحب

شمس : انت قلت لىَّ عشان كنت عايز تبوظ الجوازه، غير كده كنت مش هتقول صح ولا ايه؟

فارس : صح، بس نتكلم كأصحاب

شمس : تمام اتفضل

فارس : يعني كنت ممكن اقول اكيد ماتعرفيش يعني ايه حب، لو على طول في البيت و ممنوع الخروج، بس انتِ مش كده انتِ اتعاملتي مع ناس كتير، إيه مافيش حد أعجبتي بيه حتى

شمس : تفتكر لو كنت معجبه او بحب حد، كنت هتجوزك، اكيد لا ،كنت هفضل احارب عشانه

فارس : بس مش غريبه، يعني بنت حلوه و شاطره زيك، ماحدش حبها

شمس : انت سألتني انا حبيت، لكن مسألتش اتحبيت ولا لأ

فارس : ممم و اتحبيتي

شمس : ايوه و اتقدمولي وانا رفضت، بس بابا مايعرفش انا برفض من برا برا

فارس: طب مادام مش بتحبي، مادتيش فرصه لحد فيهم ليه

شمس : يعني كنت مش بفكر في الموضوع، بس مش غريبه 

فارس : هو ايه اللي غريبه ؟! 

شمس : يعني جاي تتكلم معايا و كنت بتشكر فيه دلوقتي 

فارس : ايه المشكله يعني بنت عمي و اتفقنا نكون صحاب و مراتي 

شمس : مممم 

فارس : ممم ايه 

شمس : اصل انت من ساعه ماجيت اول مره عندنا البيت و انا شايفه في عينيك نظره غضب اتجاهي، عرفت بعد كده عشان بتحب حد،قلت حقك بس رغم كده انا ماعملتش حاجه تستاهل  لنظره الغضب اللي لسه موجوده 

فارس : ممم، طيب مش هنفضل واقفين كده، تعالي نقعد 

شمس : يلا 

فارس : اتكلم بصراحه و من غير زعل

شمس : اتكلم و انا هفهمك 

فارس : يعني، عم ما اعرفش عنه حاجه غير من كلام ابويا عليه، و بنت عم فجأه عايزين يجوزوني ليها و كنت فاكر ان عمي تفكيره زي جدي في كل حاجه و انه حتى مش هيرضا يخلي بنته تتعلم زي عمتي، يعني بصراحه جاهله، و انا مهندس و لىَّ حياتي و مستوايا، تمام اكتشفت عكس كل ده، بس انا بحب واحده تانيه ليه اتجوزك و لما كلمتك و فهمتيني يعني فرحت، بس فكره إنك تكوني هنا و مجبر اني اعاملك كمراتي، يعني مش عايزك تزعلي مني، انا بس مش بحب احس اني مجبور على حد 

شمس : حقك، كنت ممكن تتكلم معايا من قبل ماجي معاكم او حتى لما جيت هنا، حتى لو هضايق شويه ،بس مافضلش شايفه نظره الغضب و عدم القبول ده 

فارس : وانتِ في أيدك ايه، انتِ لازم تسمعي كلام عمي 

شمس : كنت هعرف اتصرف 

فارس: اللي حصل بقى، بس انا مش عايزك زعلانه، احنا اتفقنا هتفهميني 

شمس : وانا فهمتك 

فارس : شكرًا اوي يا شمس، عارفة لو كنت مش بحب سالي، كنت حبيتك 

شمس : ليه يعني ،كل ده عشان فهمت كلامك، انا لسه بنت الصعيد، اللي انت واخد عنها فكره غلط خالص 

فارس : ما انتِ عماله تغيريها اهو 

شمس : الوقت اتأخر و اتكلمنا كتير 

فارس : فعلًا الساعه بقت ٣، ماحسناش بالوقت، مبسوط بشويه الكلام معاكي 

شمس : وانا كمان اتبسطت، يلا تصبح على خير 

فارس : مش هتقوليلي و راحه ،أصلها عجبتني اوي 

شمس : تصبح على خير و راحة و حاجه حلوه كمان 

فارس : وانتِ من اهلهم 

+ فارس كان مبسوط اوي، كان عمال يسأل نفسه، هو بيحب الكلام معاها ليه، اما شمس فبقى جواها حرب أكبر بقت كل ما تحاول انها تشغل تفكرها و ماتفكرش فيه، يتكلموا مع بعض، بس ماننكرش ان جواها فرح 

*تاني يوم *

شمس : صباح الخير يا عمي، صباح الخير يا فارس 

والد فارس و فارس : صباح النور 

فارس : صاحيه متأخر يعني 

شمس : ولا متأخر ولا حاجه 

فارس : اومال ماجتيش اوضه الجيم ليه 

شمس : روحت يا فندم و غيرت هدومي و لسه حطه الفطار في الجنينه اهو 

والد فارس : الجنينه ؟! 

شمس : يعني قلت تغير و نفطر في الجو الحلو ده 

فارس : فكره بردو 

*الجنينه*

والد فارس : ابقوا اخرجوا اتفسحوا بعد الفطار بقى 

شمس : في الحقيقه مش هينفع، يعني ورايا كام مشوار لازم أعملهم 

فارس : خلاص هاجي معاكي و بعدين نخرج 

شمس : طب و ليه تتعب نفسك 

فارس : ولا تعب ولا حاجه،اهو نغير جو، بعد الفطار ابقي اجهزي 

شمس : تمام

+ شمس استغربت انه المره دي فارس هو اللي عايز يخرج، خلصوا فطار و شمس قامت تجهز 

والد فارس : ايوه كده جدع ،شمس طيبه أديها فرصه 

فارس : تمام، هروح اغير هدومي 

*في العربيه*

فارس : هو انتِ مش عايزه تنزلي معايا ليه 

شمس : ماحبتش عمو يكون جبرك 

فارس : كلام امبارح شكله زعلك 

شمس : لا بجد ،بس فعلًا حبيت ماتكونش مجبور، بس لما حسيت ان انت اللي بتقول من نفسك وافقت 

فارس : طب و انتِ فعلًا كان وراكي مشاوير 

شمس : ايوه

فارس : ماشي نروحهم الأول و بعدين نتغدا و بعدين 

شمس : و بعدين النهارده انا اللي هخرجك مش انت ،تمام 

فارس : ماشي يا ستي 

شمس : طب بالمره بقى، أركن على جنب 

فارس : ليه؟! 

شمس : أركن بس 

فارس: اهو ركنت و بعدين 

شمس : انزل انا هسوق 

فارس : نعم ،لا انسي 

شمس : ماتخفش على عمرك كده، يلا بدل الأماكن 

فارس : ربنا يستر ،ها هنروح فين بقى 

شمس : هنروح…… 

يتبع..