رواية الوقوع في الحب الحلقة السادسة 6 بقلم هبوش
 |
| رواية الوقوع في الحب الحلقة السادسة 6 بقلم هبوش |
رواية الوقوع في الحب الحلقة السادسة 6 بقلم هبوش
في المزرعة
وصلت مع يامن في نفس التوقيت بعد نزل من سيارته شبحلي بطرف عينه ومشى خش قدامي لمكتب بوه
يامن/ صباح الخير يا حاج
ح سليمان/ صباح الخير…
خش خالي وراه صبح ع حاج و قعمز ع كرسي جنب المكتب واني حطيت شنطتي في مكتبي و خذيت نفس طويل ومشيت
انا/ بالبسمة… صباح الخيررررر
ح سليمان/ ابتسم… صباح الورد للورد
يامن/????
انا/ ههههه تسلم ياحاج
ح سليمان/ شنو فكرتي كويس
انا/ اهاا فكرت
ح سليمان/ ان شاءالله خير
انا/ اي خير ان شاءالله اني موافقة
يامن/ عيونه نار… على شنووو… وقعد يشبحلنا بستفهام
ح سليمان/ وقف من ع كرسي… كنت نستنى فاها بفارغ الصبر الف مبروك ماتتخيلش قديش فرحت
انا/ ابتسمت… الله ايبارك فيك
يامن/????????
خ محمود/ الف مبروك يابنتي
انا/ الله ايبارك فيك ياخالي
ح سليمان/ شبح ليامن… شنو يا يامن ماتبيش اتبارك لوردة وتباركلي حتى ني
يامن/ قلبه وقف… على شنوووو ااانباركلكم!!!؟
ح سليمان/ وردة من اليوم مديرة المزرعة ومسؤولة عليها
يامن/ بستياء… نعمممم مديرة؟
ح سليمان/ اي نعم مديرة و المزرعة كلها تحت تصرفها ???? هيا باركلها
يامن/ عصب… كيييف تاااخذ قراررر كيف هذا من غير ماتقوللنا عليه
ح سليمان/ علاش انقوللكم انتم شن دخلكم في قراراتي وشغلي
خ محمود/ شبحلي بيش نطلع… نستاذن منك يا حاج انشوف العمال…
طلع خالي بنطلع معه
ح سليمان/ استني يا وردة ماتمشيش
انا/ اوكي بس عشان تاخذوا راحتكم
ح سليمان/ لالا انتي توا الكل بالكل مافيش حاجة اتخبى عليك
يامن/ بستهزاء… اااا ماشاءالله برافوا يا ست وردة في وقت قصير قعدتي الكل بالكل انهنيك ????
ح سليمان/ وردة تستاهل في شهر تحسن وضع المزرعة بمجهوادتها
انا/ بابتسامة… ولو يا حاج هذا واجبي
يامن/ بغضب… وانا شن وضعي بعد الغريب حطيته مدير ومسؤول ع كل المزرعة راهو مش حلوة في حقي وانا موجود
ح سليمان/ بس انت مش مكانك هنا علاش بتقعد المدير وانا خلاص معش نقدر نجري بين المزرعة والمصنع نبي نقعد في مكان واحد ????
يامن/ عشان انت قاعد فاها ماخطرليش اتجيب غريب وتسلمه كله حاجة لو قلتلي تبي اتسيب الشغل في المزرعة كنت قعدت مكانك وصكرت مكتبي
ح سليمان/ بستهزاء… لالا انت مش كفؤ لشغل المزرعة خليك في مكتبك احسن
يامن/ بغضب… تمااام تمااام توا نتفاهموا في الحوش لا انا ولا خوتي ح انوافقوا ع قرارك ومستحيل نخلوا حد غريب يستلم رزقنا مش ضحك هو????
ح سليمان/ صبى معصب… شنووو بتورثوني وانا حي ياقليل الترباية
يامن/ عيط عليه… هذا مش رزقك ابروحك بيش اتسلمه لحد غريب
انا/????
ح سليمان/ طول ماني حي رزقي بروحي وانا حر اندير اللي يريحني و بعدين وردة مش حد غريب…
حط يده ع راسه وقعمز تاعب وياخذ في نفس بالقوة
ح سليمان/ بتعب … اعطيني مية يااوردة
انا/ قربت منه… خيرك ياحاج انت كويس…
ح سليمان/ نحس بدوخة و ارياقي نشفين
…
يامن/ بخوف خذا شيشة مية فتحها… هك اشرب ياحاج…
خذا منه الشيشة شرب
انا/ صحة
ح سليمان/ الله ايسلمك افتحوا الروشن نفسي ضاق
يامن/ هيا ياحاج نرفعك للمستشفى
ح سليمان/ لالا شوي ضيق مايستهلش مستشفى
انا/ فتحت الروشن… مافيش مقياس ضغط عندكم هنا انقيسله ضغطه
يامن/شبحلي… مانعرفش… وشد يده… شنو يا حاج نرفعك خير
ح سليمان/ قاعد كويس خلوني بس ناخذ نفس
انا/ نمشي انديرلك مية وسكر…
وطلعت من المكتب وصيت على كباية مية وسكر وقلت لخالي الحاج مرض و على طول مشى خش عليه وعلى مايقنعوا فيه يمشي ايعاين امصكر راسه جبتله مية فاها سكر و يامن طلع برا المكتب
يامن/ طلع تلفونه????… الووو صباح الخير ياسامي
سامي/ صباح النور كيف حالك يامن عاش من سمع صوتك
يامن/ بستعجال… تسلم تسلم قلتلك يا سامي فاضي اتجي اتشوف الحاج تعب علينا في المزرعة ومايبش يمشي للمستشفى
سامي/ لا باس عليه هيا جاي مسافة الطريق
يامن/ تمام بارك الله فيك…
خش للمكتب… كلمت دكتور سامي ايجي ايشوفك
ح سليمان/ مافيش داعي اتعبه انا كويس
خ محمود/ خليه ايجي انطمنوا عليك بعد ماتبي تمشي للمستشفى
ح سليمان/ خيركم كبرتوها شوية دوخة و توا كويس
فات ربع ساعة
سامي/ السلام عليكم
ح سليمان/ و عليكم السلام
سامي/ لابأس عليك ياحاج
ح سليمان/ ماتشوف بأس كيف حالك يا سامي ياولدي وكيف حال امك و خياتك
سامي/ الحمدلله كلهم بخير…
شد يده يقيس ضغطه ويهدرزوا ع الحال والاحوال
سامي/ الحمدلله صحتك كويسة عندك بس الضغط نازل و ارهاق عام تبي راحة كم يوم
ح سليمان/للا مانقدر انسيب الشغل حتى يوم واحد
سامي/ بس ياحاج ضروري تاخذ اسبوع ع الاقل ترقد في الحوش و ح نصرفلك مقويات تاخذهم مدت شهر
يامن/ سمعت ياحاج ضروري ترقد في الحوش ????
ح سليمان/ ان شاءالله خير
سامي/ ان شاءالله…
خذا يكتب في الأدوية و اعطى الرشيتة ليامن
يامن/ صحيت يادكتور
سامي/ان شاءالله معافة… والتفت للحاج…
اي خدمة يا حاج
ح سليمان/ سلامتك سلم ع امك والشباب
سامي/يوصل سلامك…
طلع سامي ومعه يامن يوصي فيه ع موعيد الأدوية والراحة من اي مجهود جسدي
وانا كنت جاية نطمن ع الحاج شبحتهم طالعين من المكتب
انا / دكتور سامي! كيف حالك يادكتور…
سامي/بالبسمة… الحمدلله بخير انت شن جابك هنا
انا/ قاعدة نشتغل في المزرعة
يامن/????… معرفة قديمة؟
سامي/ وردة كانت عندنا في العيادة ماشاءالله عليها خلوقة والكل يحترمها
يامن/????
انا/ شكرا يادكتور هذه شهادة نعتز بيها☺️
…
وشبحت ليامن مع ابتسامة ع جنب ????
سامي/ ها شنو ان شاءالله ماشي الشغل معك
انا/ اااي… قاطعني يامن
يامن/ بستهزاء… ماشي و بس تي هذه توا المديرة ????
سامي/ ما شاء الله تستاهلي والله ربي يوفقك
يامن/????
انا/ تسلم يادكتور
سامي/ شبح ليامن… دير بالكم منها وردة اخت لنا
انا/????
يامن/ بخبث… ماتوصينش عليها ????
انا/ في قرابة بينكم يادكتور؟
سامي/ يامن ولد خالتي
انا/ اهااا البلاد ضيقة والله يلا نستاذن نمشي نطمن ع الحاج
سامي/ اذنك معك…
خشيت ع الحاج و يامن طلع مع سامي وصله لسيارته هدرزوا شوية برا وبعدين سامي مشى
يامن/ خش للمكتب… هيا ياحاج نرفعك للحوش
ح سليمان/ مزال نبي نمشي للمصنع
يامن/ تي مصنع شنو بس ماسمعتش شن قالك سامي
انا/ صح يا حاج امشي ارتاح لاحق ع الشغل وبعدين كلنا قعدين انديروا بالنا من المزرعة والمصنع
يامن/ توا نحطك في الحوش و نمشي انشوف الشغل في المصنع
ح سليمان/ تنهد… باهي امري لله…
.
…………. ????????????????????????????????????
في الجامعة
ادم/ جوري لحظة
جوري/ التفتت… ادم! شن تبي
ادم/ ممكن نمشوا للكفتيريا نبي نحكي معك في كلمتين
جوري/ اووف ضروري يعني
ادم/ ابتسم… ايه ضروري
جوري/ اوكي…
مشيوا مع بعض خشوا ع كفتيريا وطلب
ادم عصير فرش و بان كيك
ادم/ برتباك… كيف حال خالتي
جوري/ كويسة
ادم/ ووو ساجدة كيف حالها
جوري/ كووويسة
ادم/ بلع ارياقه… وانتي كيف… قاطعته
جوري/ ااادم شن تبي قول خلصني عندي محاضرة
ادم/ باااهي خيرك نسال عليكم
جوري/ توااا جايبني اهني بيش تسأل عن الحال كاان سالتني حتى وانت واقف علاااش كل هالدراما…
وصبت تاخذ في شيتاتها
ادم/ شد يدها… تي قعمزي مش هكي ياااهمي
جوري/ بعقدت حاجب… مالااا شنووو…
ورجعت قعمزت
ادم/ راهو حتى المكان مش امساعدني بكل ايخلي الواحد ينسى شن يبي ايقول
جوري/اشرت ع ساعة بيدها… ااالوقت
ادم/ اااا انااا اللي اااا هوو ااا
جوري/ ادددم بالله عليك وقت ع محاضرتي ياتحكي كويس ياتخليني نمشي
ادم/ تنهد بنفس طويل… معش عرفت كيف نحكي خلاص امشي لمحضرتك
جوري/ اوكي ماتحكش احسن ????… خذت شنطتها و شتاتها… سلااام
ادم/ بخيبة… سلااام????
قعد يشبحلها وهي ماشية و يسب في روحه ????
صبى زعلان خذا تلفونه وطلع من الجامعة
رهف/ تعالي ياكلبة شن يبي وشن حكيتوا
جوري/ عادي شن بنحكوا ولد خالتي ويسال بس
رهف/ اممممم????
جوري/ وين البنات ماشبحتهمش
رهف/ مشيوا للقاعة هيا قبل مايخش الاستاذ و ايطلعنا برا
جوري/ هيااا….
ادم ايسوق ويتكلم بالتلفون
ادم/ لاباس كنه الحاج
يامن/ مرض اشوية هيا تعال روح بيه للحوش عندي شغل توا بعدين نحكيلك
ادم/ اوكي هيا قاعد في الطريق
بعد وصل للمزرعة شاف خ محمود سلم عليه وبعدين شبحني وانا طالعة من مكتب الحاج وماشية لمكتبي قعد يشبحلي بتركيز لين تلاقينا عن قرب
ادم/ ????
انتي الطبيبة الجديدة
انا/ خير في حاجة يا اخ
ادم/ اااخ المزرعة تنتج قشطة ولا شنو ????…
انا/ بستهزاء… اهههههه…
و شبحتله من تحت لفوق وخشيت مكتبي
ادم/ ضحك… مقوها عنده الحق يامن ايخاف منها ????…
خش ع الحاج
ادم/ لاباااس ياااحاج… وقرب باس ع راسه… كفارة ياحاج عين صاباتك
ح سليمان/ مافي شي ماديروهاش ليا قصة
يامن/ لا قصة لا غيره دكتور قالك تبي راحة اسبوع ليش اتكابر تحمل تقعد بعيد عن الشغل شن بيصير ????
ادم/ صح والله كان حتى تحصل اتسافر وتاخذ معك امي تغيروا جو… وغمزله
ح سليمان/ لالا وين انسافر ونسيب اللي وراي
يامن/ توا امشوا الحوش بعدين نحكوا في كم حاجة مزال موضوع اللي امبكري مش راضي عليه راهو يا حاج
ح سليمان/ ترضى ولا ترفض الموضوع منتهي خلاص… وشبح لادم… هات ايدك ساعدني نوقف
يامن/????
ادم/ قعد يساند فيه… خير ياحاج شن صاير
ح سليمان/ مافيش الا كل خير ان شاءالله… وشبح ليامن ????
يامن/ مدله رشيتة… بيش تنزل ع صيدلية في طريقك…
ادم/ اوكي تم …
و مشيوا روحوا للحوش
ويامن طلع ايدور عليا في الحظاير برا بعد شبحني قعد اينادي عليا من بعيد
يامن/ يااااا وردة…
و اني رفعت وجهي شبحتله
يامن/ اشرلي بيده… تعاااالي
انا/ شبحت لطبيب… نستاذن منك خمس دقائق انشوفه و نرجعلك
طبيب/ تمام اذنك معك…
طلعت من السياج ونحيت القلافز ولحقت يامن ماشى قدامي
انا/ نعم
يامن/ انا بنمشي للمصنع ديري بالك على الشغل
انا/ اوكي????
يامن/ و اي شي ايخص المزرعة اتقوللي عليه قبل ماديري حاجة من راسك فاهمة ولالا مش كان بوي سلملك الادارة معناتها اتسيحي واتميحي على كيفك
انا/ بستفزاز… لحظة عاود شن قلت عشان مانسمعش كويس ????
يامن/ قرب مني وغمزلي… تبي نعاودلك تعالي معاي نفهمها لك بطريقتي … ???? وزاد قرب… شنو توا فهمتي ولاااا????
انا/ بلعت ارياقي… ااااني نعرف شغلي وحدودي كويس مانبيش حد ااايورهولي
يامن/ مممم واني مش الحاج تقدري تلعبي عليه ودايرة فاها البنت الفالحة اللي نيتها بس الشغل واللي واقفة عليه خبير نسوان
يعني حافظك من جلدة لجلدة ونعرف شن اتفكري وتخططي…قاطعته
انا/ اااوكي يا سيادة المحلل كملت كلامك ولا مزال في عندك كمدات ماطلعتهمش عادي ماتكمدش راهو تموت بقهرتك ????????
يامن/ بخبث… قهرررت من ياحلوة هههههه
انا/ تعرف حسستني نتعارك مع ولد ايامات الابتدائي ????فيك جو مش عااادي????????
…
و مشيت نضحك
يامن/ على فكرة محضرلك هدية بتوليك الادارة ح تخليك تضحكي عمرك كله ????
انا/ من بعيد… جيبهالي مغلفة من الوفاق????????… واشرتله بيدي ????… باااي
يامن/ عض ع شفته بغضب… استني عليا وقعتك سودة معاي ????…
قعد نص ساعه في المزرعة وبعدين مشى للمصنع وكان اول مرة يمشي ايشوف الشغل غادي وطبعا الحاج اموصي مهندسين يفهموه ع الشغل و كيف يشرف على انتاج المصنع قعد لبعد المغرب يشتغل بدون توقف لين طلعوا كل العمال بيش طلع وخلى الامن يصكروا المصنع وروح للحوش تاعب و مرهق
.
……….. ????????????????????????????????
الساعة خمسة روحت مع خالي
وبعد بدلت حوايجي جيت قعمزت مع عزيز قلت خليني انبشره
انا/ عندي لك خبر حلو
عزيز/ خيررر ان شاءالله
انا/ ايه خير هلباااا… وتنحنحت… اني اليوم قعدت مديرة مزرعة الحاج سليمان وطبعا بضعفين المرتب????
عزيز/ بتعجب… انت اتكوني مديرة!
انا/ بعتزاز… وليش لا اختك فالحة تستاهل رئاسة دولة مش مزرعة????
عزيز/ بنضرة ع جنب… والحاج كيف ايحطك مديرة شن المقابل…
و نجوى كانت اتصنت من المطبخ طلعت بالقهوة بعد سمعت سؤال عزيز
نجوي/ ياااا والله نهااار احرررف شن درتيله بيش يعطيك اتشدي المزرعة ياااغباارتي
انا/ صبيت معصبة????… نجوووي اااوووزني كلامك و اعرفي شن تحكي
عزيز/ صبى عيط عليا… نجوى معها الحق ماغلطتش كيف تقعدي مديرة في وقت قصير شن بينك وبينه ياااكلبة…
ويجي ايشد شعري بالقوة
عزيز/ احكي شن فيه بينك وبينه ياقليلت الشرف يا*****…
انا/ شادة في يده ونعيط… حرااام عليك تتبلا علياااا حسبي الله ونعم الوكيل فيك انت ومرتك ان شاءالله تلقوها وتتلقوها ????????
عزيز/عض ع سنونه… صكري فمك ياكلبة مزال عندك عين اتردي…
قعد ايشد في شعري ويسب فيا ماخلا كلمة مسخة ماقالهالي
تعصبت من قهري وعيطت بعد ما دفيته من صدره لين شعري جاء في ايده
انا/ ببكاء… ااانت شنووو ماااعندكش قلب اااني راااهو اااختك من لحمك ووودمك كيف ترضى فيا تتهمني في شرررفي…
ومسحت وجهي بكمي وانا نشهق …
انا/ اااامشي ااسأل خااالي ليش الحاج سلملي الإدارة قبل ماتظلموني وتمد ايدك علياااا ولا انقولك اااني انكلمه ااايجي ايديرلي صرفة معك انااا معش بنقعد في الحوش بعد اليوم ????????… ومشيت
خشيت داري نبكي بالعبرة خذيت تلفوني واتصلت عليه وماحوتك طلع صوتي واني نشهق ونكلم فيه
نجوى/ توا بالعقل شن بيكون فيه شن الحاجة العظيمة اللي ديرتها بيش تقعد مديرة في اقل من شهر
عزيز/ بغضب… ماااتزيدش عليااا انتي الثانية ????
نجوى/ ااااهو سكتت ????…
قعدت في داري لين جاء خالي
في المربوعة قعد خالي ايهزب فيه
خ محمود/ بغضب… شن دايرة ااختك بيش تضربها اااه خيرك معهاااا لا اله الا الله ????
عزيز/ بالشك… يااخالي انا واافقت على شغلها عشان انت معهااا لكن توصل تقعد مكان صاحب المزرعة شن السبب شن ايخليه يعطيها منصب كبير كيف هذا ???? شن معنها توا ااهه
خ محمود/ وانت ليش ضارب الناقص ليش حاط الشك في اختك
عزيز/ شن تبي نفهم مالا بعد هك ????
انا/ خشيت عليهم دموعي خط… قوله يااخالي بيش يفهم هذا لو عنده عقل وقلب ايحس ويفهم …
عزيز/ جاء بيضربني شده خالي… اااطلقني عليها يااخالي مزالت تبي ترباية الوسخة …
خ محمود/ ياااراجل راك واصل طاعن في شرفها مايصحش اللي قاعد اتقول فيه
عزيز/فنص فيا… تي نقعد مش راجل لو انخليك تمشيلها المزرعة من اليوم تطلعي برااا الحوش انقصلك رجليك
انا/ بحمقة… امشي اقعد راجل مع مرتك وبعدين تعال اترجل عليا …????
وينفلت من خالي وايجي يهجم عليا ويعطيني كف لين طحت وزاد ضربني برجله و خالي ماحوتك شده ويتحلفله بيش خلاه ايسيبني بعد مناوشات كلامية
بينا عيط عليا خالي
خ محمود/ بعياط… خشييي داااخل يااوردة خليني اانتفهم معه اابروحي
انا/ بالشهقة… نمشي بس في هالحوش والله ماني قاعدة فيه ????
خ محمود/ بااهي خشي توا نرفعك معاي تقعدي عندنا…
مسحت دموعي وخشيت لقيت نجوى تصنت من باب الصالة
انا/ عاااجبك توااا اررتحتي بس والله مانفوت صلاة ماندعي فيه عليك وتجربي الظلم من اقرب الناس ليك ????…
خشيت لداري حطيت حوايجي في شنطة خشت سيدرا تبكي
انا/ عيطت عليها… اااطلعي برااا ياااا سيدرا مانبيش نشبحك منكممم حد
سيدرا/ دموعها خط تمسح وينزلوا… مااتمشيش يااعميمة خليك ????????????
انا/ ببكاء… علاااش نقعد شن لاقيت منكم غير ااالهم ????????…
جت حضنتني من ضهري وتبكي بعياط لين قلبي حن عليها والتفتت حضنتها
سيدرا/ بشهقة… عشان خاطري ماتمشيش وتسيبيني
انا/ معليش حبيبتي نبي نقعد كم يوم عند خالي خلاص معش نقدر نستحمل الظلم ????
????????
خ محمود/ فهمت توا شفت كيف ظلمت اختك وكسرت بخاطرها
عزيز/ حك لحيته… ليش ماحكت من الاول
خ محمود/ ماهو كنت بنجي الليلة نحكيلك بس انت الله يهديك ديما ايدك سابقة
عزيز/ وباهي امتى بيجي يطلبها مني
خ محمود/ توا ايحدد موعد و ايجيب التريس يقروا الفاتحة بالمرة ها انت شنو موافق ولالا؟
عزيز/ ايصير خير المهم عندي تتزوج ونرتاح من همها
عقلية متحجرة اللي ايشوف البنات هم ????
…
المهم بعد ماحكاله خالي طلعت عليهم بشنطة و خالي قال لعزيز اعتذر منها وبوس على راسها بس اني رفضت ايصالحني وطلعت برا السور نستنى في خالي
.
………… ????????????????????????????????????
في حوش الحاج سليمان
بعد ماخش ادم بالحاج شاده من يده و ايمشي فيه سمعت صفية صوت الحاج ايكلم في ادم استغربت ترويحة الحاج بكري وطلعت من المطبخ اتشوفه وشبحت كيف ادم ايمشي في بوه لين وصله للصالون
صفية/ خبطت ع صدرها بالشهقة… ايييي خيررررك يا حاااج بسم الله الرحمن الرحيم…
وجاته راعشة عليه وتسال عليه وتبكي
ح سليمان/ ماتخافش دوخة بسيطة علاش بس البكاء
صفية/ تمسح في دموعها… لو كانت بس دوخة ماكنت سيبت الشغل وجيت اكيد في حاجة داسها علياااا????
ح سليمان/ لا حول ولاقوة إلا بالله اهوو ولدك اساليه
ادم / صح يام والله مافي حاجة امغير سامي قاله يرتاح في الحوش كم يوم وتقدري حتى تتصلي بي سامي تتاكدي ابروحك
صفية/ باهي الحمدلله
ح سليمان/ نمشي نتصطح في سريري بعد ايروح يامن نبيكم في موضوع بيش تتصلوا بمعاذ ايكون قاعد حتى هو…
وصبى ماشي لفوق
صفية/ شبحت لادم بستفهام… شن الموضوع؟
ادم/????♂️… مش عارف
صفية/ بتنهيدة… ان شاءالله خير…
بعد المغرب خش يامن مرهق قعمز ع اول كنبة اينحي في الشوز ويتمتم من تعب الشغل عاد مش متعود ع التعب ????
صفية/ خيرك خاش اتعارك
يامن/ من الشغل الزفت مش عارف شن عاجبه فيه كان ايبيع ويفتح شركة خيرله من الهم ????
صفية/ ضحكت… وانت علاش تمشي لو قعدت في مكتبك مع تصميماتك مش خيرلك ????
يامن/ ااااييييه ايه والله ماتعرفي حاجة توا اندوش وانجي نحكيلك موضوع خلاص ماينسكتش عليه
صفية/ بتعجب… خيرك انت وبوك شن قصة كل حد عنده موضوع بيجمعنا عليه
يامن/ عقد حاجبه… شن قال الحاج
صفية/ ما قال شي يستنى فيك اتروح و حتى معاذ جاي في الطريق شكله موضوع كبير…
وشبحتله بستفهام????
صفية/ وانت ماتعرفش شن يبي…
و يامن ???? سارح
صفية/ يااامن ااانكلم فيك وين سااارح
يامن/ انتبهلها… هممم اي شن قلتي
صفية/ سالتك ع موضوع اللي بيحكيه الحاج كان تعرف بيه…
يامن/ بحمقة… لالالا لا مااانعرفش…
ومشى لفوق يسرع ع الدروج خش على ادم بمداهمة لين رعش
ادم/ بغضب… يااالعن***** وووين هاااد ااااالزح
يامن/صكر الباب وراه… كذا ضم فمك وركز معاي
ادم/ نزل تلفون من ايده…شن فيه يا همي الزفت????
يامن/ خلي يوصل معاذ نحكيلكم بالمرة…
وقعمز ع حافة السرير و ايهز برجله كيف اللي متوتر
دقائق وكان معاذ جايهم فوق
معاذ/ فتح الباب خش… سلااام
يامن/ بستعجال… خش وصكر الباب
معاذ/ يشبحلهم بستغراب… خيركم شن في
ادم/????♂️
يامن/ في مصيبة نزلت علينا وربك يستر من الجاي
ادم/ ???? مصيبة شنو وانت ديما مسودها كيف ( المنجمة)
يامن/ بغضب… ااي ااهزا باهي توا اتقول ياريت و كان
معاذ/ تي قول مصيبتك وخلصنا الزززح
يامن/ تعرفوا اليوم بوكم شن دار
ادم و معاذ/ بوكم! ههههههه
يامن/ بحمقة… زيدوااا اضحكوا ????
ادم/ هههه خلاص خلاص هي كمل خيره بوكم ههه قصدي الحاج شن داير
يامن/ ???? تقعد كويس ولا نخرب خريطة وجهك نا من غادي واصلة عندي للنم
ادم/????
معاذ/ شبحلهم… شن المفرخ
يامن/ ضم فمك انت الثاني
معاذ/ بملل… توا انت تبي تحكي ولا نمشي
يامن/ باهي اسكتوا واسمعوني كويس… وشبح لادم… خاصا انت ها ركز معاي
يامن/ الحاج سلم إدارة المزرعة للطبيبة البيطرية واعطها كل الصلاحية في الشغل والمزرعة بللي فاها ⚡
ادم/ بتعجب… نعمممممم إدارة المزرعة!!!؟
ليش اعطهولها
معاذ/ ماستوعبتش مزال بوي اعطى الطبيبة إدارة المزرعة بسبت شنو شن المقابل يعني
يامن/ هههاااااا توا نقوللكم ليش وشن السبب
ادم و معاذ/؟؟ ????????
يامن/ الحاج ناوي يتزوجها وعاد بيدلعها وينغنشها وهي شاطرة بتلهف كل حاجة بدتها بالمزرعة ومزال اتكمل لين تاخذ منه اخر قرش
ادم/ بستغراب… وانت كيف عرفت يبي يتزوجها
يامن/ مالا شن السبب يعطيها تشد المزرعة و متاكد مية في المية ماجمعنا الا يبي يقوللنا يبي ايتزوجها
معاذ/ بغضب… اني مش ح نوافق
ادم/ حتى انا والله ماني موافق مستحيل نرضى ايجيب مرأة على امي
يامن/ صفق… برافووو انتم هكي منعتوه يتزوج و عاد مايقدرش يكسر كلمتكم… ????
ادم و معاذ/????????
يامن/ بعصبية… ياااا اغبياء مش بالرفض نمنعهوه ضروري مانصكروا عليه الطريق
ادم/ كيف يعني تبي انديروله حجر
معاذ/ هذا بيش ايزيد يكرهنا ويحرمنا من احقوقنا
يامن/ لا مش بالحجر بس لما ايجي الاعب بيسجل هدف مش المدافع يخشله قصوص ويسحب منه الكورة
ادم/ المعنى؟
يامن/ انت المدافع اللي بتسحب منه الكورة ????
ادم/ نعم وانا شن دخلني ادفني مدافع خليني الحارس ولا الجمهور
يامن/ بستياء… تي بطل تهزاء ياراجل مش لعب هو
معاذ/ باهي شن المطلوب
يامن/ لما ايجمعنا و قبل ما ينطق اللي يبي ايقوله ايقص عليه ادم و يسبقه اتئفاجه ????
ادم/ عقد حاجبه… لالالا مااادخلنيش ديرها انت
يامن/ ياغبي من جت المزرعة وني وياها عرايك مش ح يصدقني ااافهم
ادم/ مستحيل مااانقدرش
معاذ/ مش ضروري اتكمل بعد وقت تقدر اتسيبها المهم تخرب ع الحاج بيش معش ايفكر فاها
ادم/ باصرار… لااااا يعني لااااا ان شاءالله حتى لو قعدنا في الشارع
يامن/ شده من قميصه… غصب عنك اااتوافق…
دفه ادم وفنص فيه
ادم/ بغضب… ااانااا ااانحب جوووري ونستنى بس امتى انصارحها بيش نمشي نطلبها ????مستحيل نخطب غيرها
يامن/ قلنا موقت بس عشان الحاج يصرف نضر ع الموضوع
ادم/ باصرار… ولا دقيقة شوف حاجة اخرى غير هك
يامن/ اوووووف كنت نخطط للشي هذا توا شن الحل ااااالزززح
معاذ/ مافيش الا امي ترفض وتخيره بينها و بين الحقيرة هذيك…
يامن/????♂️
ادم/ ايوووه صح …
قاطعهم دق الباب وخشت عليهم صفية اتنادي
صفية/ ماااتسمعوش اااانتم ليا ساعة انعيطلكم
يامن/ خيرك شن تبي
صفية/ الحاج داز عليكم هيا انزل انت وياه قاعد يستنى تحت
يامن/ تي باااهي نزلين… وشبحلهم ????… هيا عاد معش يقدر يصبر الحاج ????
ادم/ بتذمر… ماتشبحليش مالياش علاقة
…
صبى ادم طلع الاول
معاذ/ صبى ايتمتم… ناقص والله ايزوج
????…
وطلع لحق ادم
و يامن نفخ بغضب ولحقهم
كان الحاج مقعمز هو وصفية ويشربوا في الشاي
قعمز ادم جنب امه وقعد يشبحلها واجعته امه اللي تهدرز مع الحاج وتضحك
وفي عقله ايقول مسكينة ماتعرفش شن امخبيلها ????♀️
و معاذ بعد نزل خش ع المطبخ خذا كباية عصير وجاء قعمز جنب ادم
بعد لحظات وصل يامن قالب وجه قعمز على كنبة ابروحه وحاط رجل ع رجل ويهز فيه
ح سليمان/ قبل مانحكي في الموضوع نبي نفهمكم ان كل هالرزق اللي انتم عايشين فيه من خيري وتعب جبيني مايجيش واحد منكم يتذمر عليا و يحاسبني
يامن ادم معاذ/ ????????????
صفية/ قاطعاته… ماعاش اللي ايحاسبك ويتذمر عليك ااا… قاطعها
ح سليمان/ معليش يا صفية بعد نقعد نحكي لا تقاطعيني
صفية/ ????… سامحني يا حاج هيا كمل
يامن/ بتذمر… لو قصدك عليا اني حقي نرفض لان اللي درته غلط
ح سليمان/ حقك في شنو شن ليك عندي بيش ترفض انا نعرف كويس شن قاعد اندير مش هبل ولا امخرف اتجي اتعلمني الصح وبعدين البنت ماتبيش اتضر بمصلحة المزرعة بالعكس من يوم ما شتغلت فاها المزرعة من احسن لاحسن
يامن/ بغضب… مش درجة اتسلملها الادرة و تشوخ علينا ????
صفية/ بستغراب… شن قاعد ايصير مافهمتش!!!؟
يامن/ الطبيبة اللي حكيتلك عليها توا هي المديرة والمزرعة كلها تحت امرها ???? مش قلتلك اني الخير لقدام
صفية /???? حقه ياااحاج؟ اللي قاله يامن
ح سليمان/ اي حق وردة تستاهل الإدارة و بتشيل عليا حمل شايله من اسنين ولا واحد منكم جاء في يوم و شال عليا اشوية
كل اللي هامك انت وياه تاخذوا الفلوس تصرفوهن لا تقولوا كيف طلعن ولا من وين
وياريت بس على حاجات تسوى اللي في الدهوير واللي ع الحرام والسكير… وشبح بتركيز في يامن
ح سليمان/ اانت بالذات ماعندكش حق تفتح فمك ساد ما ساتر عليك من عمايلك السودة ???? صار صارف ربع ثروتي بس ع الكوارث اللي دايرهم مع الناس ????
????حي حي شن في اخرى من كوارث غير السهرات ????????????
تعالوا في جولة سريعة موجز ع حياة يامن ????
هذا الافندي بعد التخرج من الهندسة فتحله بوه مكتب بيش يلتهي فيه ويشتغل على حاله
بس البرنس يامن داير المكتب تسلاية و مصيدة لشهواته
كان كل ما ايجيب موظفة في السكرترية يصطادها بجاذبيته و كلامه المعسول لين البنت ولا المراة بين قوسين مدام براجلها ايدير معها علاقة ???? عاد مش وحدة ولا اثنين وفي اللي تستروا ع الفضيحة وفي اللي شنعت بيه و في اللي كشفها راجلها اتخون فيه وطبعا يامن يتبرا و يحط اللؤم عليهن لان فعلا هو ماغصبش ولا وحدة منهن الكل برضاهن وبطيب خاطر
واكثر من شكوى وصلت للحاج وبيش يتجنب الفضايح يدفع خطية ولده الاوفات
واكثر خطية وصل حقها 100الف دينار
????♀️????♂️
هذا الموجز واليكم التفاصيل ????????
انسجمتوا مع العربية نيوز ????????
نرجعوا للواقع????????
يامن/ بعصبية… كل قرش دفعته اموقعلي بيهم حقاته شيك مافيش حاجة بلاش
ح سليمان/ تبي اربعين سنة تشتغل ليل ونهار بيش اتخلصهم كان بنستناك تدفعهم ????
ادم و معاذ/ ????????
صفية/ بزعلة… توا علاش تفتح في هالمواضيع قصة وصارت ضروري اتذكره يعني☹️
ح سليمان/ تنهد بنفس طويل… كلامي معكم لا يودي ولا ايجيب. المهم توا خلونا في المفيد انا …قاطعه يامن
يامن/ قبل ماتكمل كلامك انا قررت نتزوج ونبي منك تمشي الليلة تخطبهالي
ح سليمان/???? انت تتزوج ومن اللي ترضى بيك
ادم و معاذ/ ????????
يامن/ برفعت حاجب????… وردة ياحاج
صفية/???? الف نهار مبروك لووووولوي
ح سليمان/ بعقدة حاجب…لالا انت ماتصلحش بيها…قاطعه يامن
يامن/ ليش لا اانا اانحبها ومعجب بشخصيتها ومستعد انوافق على كل شروطها المهم اتكون مرتي و حلالي ????
صفية/ بفرحة… وين تلقى احسن منك هذه تحمد ربي ليل ونهار ????
يامن/???? ها شن قلت يا حاج تمشي تطلبهالي
ح سليمان /???? ايصير خير انشاور خالها قبل
يامن/ ???? ياريت ماتعطلش انا مستعجل ولو نلقى نملك عليها اليوم قبل بكرة ????
ادم و معاذ/ ????????
ح سليمان/ علاش مستعجل حتى الحوش ماعندك
صفية/ بفرحة… اهو الحوش كبير شن يبي في حوش ثاني
يامن/ مانبيش نطلع ونعيش في حوش بروحي نقعدوا هنا احسن
ح سليمان/ خلاص لو انت مقتنع مافيش مشكلة
يامن/???? ابتسم بخبث… يعني انت موافق انتزوج وردة
ح سليمان/ ان شاءالله هي بس اتوافق
صفية/ وخيرها ماتوافق ايصحلها تلقى كيف يامن وبعدين اللي خلقها خلق غيرها و انجوزه ست ستها هذا يامن ولد الحاج سليمان ع سن ورمح????
يامن/ ربي يحفظك ليا يا احلى ست في الدنيا كلها ????
صفية/ تضحك فرحانة… ويحفظكم ليا ونفرح بصغاركم ياارب
يامن و ادم/ يااارب ????
يامن/ شبحه لبوه… شنو يا حاج معش كملت شن تبي اتقول ????
ح سليمان/ موضوع موصول باللي طلبته توا عاد طلعت اتفكر باللي انفكر فيه سبحان الله ????
يامن/ بستفهام… مافهمتش ياحاج قصدك على زواجي من وردة
ح سليمان/ اييه الحق من شفتها تمنيت لو كانت بنتي و من ايام حكيت مع خالها محمود بيش نخطبها لك
ادم و معاذ/????????
يامن/بلع ارياقه… ااانت كنت بتخطبهااا ليااا ااني
ح سليمان/ بخبث… مالا ليا ااني???? و اهو الحمدلله طمنتني طلعت حتى انت رايدها وناوي تتزواجها
يامن/????????
ح سليمان/ غدوة ان شاءالله نرفع شيابين
العيلة ونمشوا لخوها و نهاية الشهر العرس باذن الله
صفية/ لوووووووولووولوووي ????????
يامن/ بخيبة… شهررررر ????
ادم/ حك راسه… وووانا يااحاج ااامتى اتزوجوني
ح سليمان/ ولا يهمك خلي امك ادورلك على عروس وطلع عرسك مع خوك
.
.
???????? بعد ماحس يامن انه خلاص الفاس وقع في الراس انسحب مشى لداره وكان من الداخل يغلي غلي ????اول ماصكر عليه الباب قعد ايسب و يلعن في روحه طلع غبي و متهور لما نقز وطلبها
خش عليه ادم شاد بطنه ويضحك ????????
يامن/فنص فيه… ااادم بطل تتسهوك مش ناقصك الزززح ????
ادم/ ااااهههههههههه واااك يااجنابي اااااهخ ????????????
يامن/ دعس عليه…ضمك فمك ياااحيوان خير مانقتلك????
ادم/ ااااهووو سكتتت اههههه خلاااص والله خلاااص
يامن/ طلقه… مش عارف وين كان عقلي استغباء بعد هك ماافيش ????اووووف توا كيف انخلص روحي من المصيبة اللي وقعت فاها
ادم/ والله ماعندك وين تهرب تلبست خلاص ياولد خالتي
يامن/???? يارب ماتوافق
.
.
في حوش خالي استقبلوني مرت خالي وبناته بالاحضان وفرحوا بيا هلبا قعمزنا كلنا في مكان واحد وقعدنا انهدرزوا لوقت متاخر تغيرت نفسيتي ومزاجي وحسيت بالجو العائلي اللي فقدته في حوشنا ????????
ساعة الواحد
كنت نتصفح بالتلفون خش يامن اتصال مسنجر بالاول مانبيش انرد بس خفت ايكون الحاج صاير معه مكروه رديت قبل مايفصل
يامن/ مساءالخير يا حلوة ????
انا/ مساء النور
يامن/راقدة؟
انا/ لا واعية خير ان شاءالله الحاج كويس؟
يامن/ اي الحمدلله حاله باهي
انا/ باهي الحمد الله بس استغربت متصل في وقت متاخر خفت ايكون صاير حاجة
يامن/ مممم لا الامور طيبة
انا/ اهااا
يامن/ شكلي ازعجتك
انا/ تثاوبت… لا عاااادي ????
يامن/ اسمعي من الاخير يابنت الناس نحن بينا عداوة من ربي هك سبحان الله مافيش حد طايق الثاني يعني لا انتي مناسبة ليا و لا اني مناسب ليك…
انا/ مافهمتش على شنو تحكي صوتك مش واضح كلمة نسمعها كلمة لا
يامن/ نفخ بعصبية… هكي شنوووو صوتي واضح
انا/???? الووو الوووو عليي الصوت
يامن/ انا نسمع فيك صكري توا نعاودلك
…
صكر الخط واني على طول فصلت النت
انا/ اوووف… حطيت تلفون ع صدري… يااارب ساعدني ????
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
